موٹرولا نے گزشتہ ماہ ای اسیریز کے انٹری لیول فون کے بعد اب جی سیریز کے 2 مِڈ رینج موبائل فون بھی متعارف کرا دیئے۔
باغی ٹی وی :غیر ملکی میڈیا رپورٹس کے مطابق موٹو جی-50 بظاہر موٹو جی-10 جیسا ہے جبکہ موٹرولا ایج ایس کو ری برانڈ کرکے موٹو جی-100 کا نام دیا گیا ہے جو رواں برس کے آغاز میں چین میں لانچ ہوا تھا۔
موٹو جی-50 کا ریکٹینگولر کیمرا ایزل ہے جس میں ٹرپل سینسر کیمرا سیٹ اپ موجود ہے۔
موٹو جی-50
اس کا آئی پی ایس ایل سی ڈی پینل ساڑھے 6 انچ کا ہے، جس کا ریفریش ریٹ 90 ہرٹز اور ریزولوشن 720پکسلز ہے۔
موٹو جی- 100
موٹو جی -100 کا ڈیزائن موٹرولا ایج ایس جیسا ہے اس کا فنگر پرنٹ اسیکینر موجود ہے جبکہ بیک پر کواڈ-کیمرا سینسر سیٹ اپ موجود ہے۔
ڈسپلے میں جی-100 کی آئی پی ایس ایل سی ڈی 6.7 انچ کی ہے اور اس کا پکسل ریزولوشن 2520×1080 ہے موٹو جی -100 ، ایچ ڈی آر 10 سپورٹ سے لیس ہے اور برائٹنس 560 نٹس ہے۔
موٹرولا کے یہ دونوں موبائل واٹر ریزیسٹنٹ لیکن ان میں آئی پی ریٹنگ موجود نہیں ہے۔
موٹو جی-50 میں اسینپ ڈریگن 480 فائیو جی چپ سیٹ موجود ہے، اس کے ساتھ ہی اس کی جی پی یو بھی جی-10 سے بہتر ہے۔
جی-50 ، 4 جی بی ریم اور 64 جی یا 128 جی بی آن بورڈ اسٹوریج سے لیس ہے۔
موٹو جی 100 میں کوال کوم اسنیپ ڈریگن 870 موجود ہے اور اس میں 8 جی بی ریم اور 128 جی بی یو ایف ایس 3.1 اسٹوریج موجود ہے۔
دونوں ہینڈ سیٹس اینڈرائیڈ 11 آپریٹنگ سسٹم سے لیس ہیں اور ان میں ایک نیا یوزر انٹر فیس بھی موجود ہے جو MY UI کہلاتا ہے۔
موٹو جی 50 میں بیک پر ٹرپل سینسر کیمرا موجود ہے، ساتھ میں 48 میگا پکسل مین سینسر، 5 میگا پکسل میکرو کیمرا اور 2 میگا پکسل ڈیپتھ سینسر موجود ہے۔
سیلفیز کے لیے موٹو جی50 میں 13 میگا پکسل کا سنگل سینسر کیمرا بھی موجود ہے۔
دوسری جانب جی100 میں کواڈ سینسر کیمرا سیٹ اپ موجود ہے، 16 میگا پکسل کا وائیڈ سینسر موجود ہئ جو فیز-ڈیٹیکٹ آٹوفوکس کی صلاحیت رکھتا ہے ساتھ ہی 2 میگا پکسل کا فکسڈ-فوکس ڈیپتھ سینسر اور ایک ٹی او ف سینسر موجود ہے۔
سیلفی کیمرا میں 16 میگا پکسل سینسر اور ایک 8 میگا پکسل 100 ڈگری الٹرا وائیڈ اینگل کیمرا موجود ہے۔
موٹرولا کے دونوں نئے موبائل فونز میں 5000 ایم اے ایچ بیٹری، فاسٹ چارجنگ سپورٹ کے ساتھ موجود ہے۔
موٹرولا کی بلاگ پوسٹکے مطابق موٹو جی 50 آئندہ چند ہفتوں میں یورپی مارکیٹس میں فروخت کے لیے دستیاب ہوگا اور اس کی قیمت 250 یورو (45 ہزار 473 روپے ہوگی)۔
جی 100 کی قیمت چین میں 305 ڈالر ہے لیکن بین الاقوامی مارکیٹس میں ممکنہ طور پر 499 ڈالر (77 ہزار روپے) ہوگی۔
