وہیل چئیر تک محدود موٹیویشنل اسپیکر، مصورہ، مقررہ اور سماجی کارکن منیبہ مزاری کے خوبصورت برائیڈل فوٹو شوٹ کی تصاویر سوشل میڈیا پر وائرل ہو رہی ہیں جنہیں صارفین کیجانب سے خوب سراہا جا رہا ہے-

باغی ٹی وی : پاکستانی برانڈ لاجونتی نے خواتین کے عالمی دن کے موقع پر ایک مہم کا آغاز کیا جس کا نام سانچہ ہے، اس مہم کی اسٹار پاکستانی سماجی کارکن منیبہ مزاری ہیں۔

اس مہم کا بنیادی مقصد ہر انسان کی انفرادی حیثیت کے گرد گھومتا ہے کہ کیسے ہمیں معاشرے کے بنائے ہوئے سانچے میں ڈھلنے کے لیے خود کو بدلنے کی ضرورت نہیں۔

برائیڈل فوٹو شوٹ میں منیبہ مزاری کو خوبصورت لال رنگ کے بھاری عروسی جوڑے میں ملبوس دیکھا جا سکتا ہے اور ساتھ ہی انہوں نے روایتی جیولری اور ہاتھوں میں مہندی لگانے کے ساتھ گجرے بھی پہن رکھے ہیں ارر نہایت حسین دکھائی دے رہی ہیں-

مذکورہ فوٹو شوٹ کی ویڈیو منیبہ مزاری نے بھی اپنے انسٹاگرام پر شئیر کی-

سوشل میڈیا صارفین کی جانب سے پاکستانی سماجی کارکن منیبہ مزاری کی خوب تعریفیں کی جا رہی ہیں اور متعدد صارفین نے انہیں ملکہ قرار دیا ہے-

خیال رہے کہ ہر فن مولا منیبہ مزاری پاکستان کی وہ پہلی خاتون ہیں جنہیں اقوام متحدہ نے اپنا خیرسگالی سفیر مقرر کیا جب کہ منیبہ ایک موٹیویشنل اسپیکر، مصورہ، مقررہ اور سماجی کارکن بھی ہیں منیبہ محض 21 برس کی عمر میں کار ایکسیڈنٹ کے باعث وہیل چیئر تک محدود ہو گئی تھیں۔

پاکستان ٹی وی انڈسٹری کی معروف اداکارہ و ماڈل رحمت اجمل نے اپنے ولیمے کی تصویریں سوشل میڈیا پر شئیر کر دیں-

باغی ٹی وی : حال ہی میں رشتۂ ازدواج میں منسلک ہونے والی رحمت اجمل نے سماجی رابطے کی ویب سائٹ انسٹاگرام پر ولیمے کی تقریب کی تصویریں شیئر کی ہیں۔

تصویروں میں دیکھا جاسکتا ہے کہ ولیمے کی تقریب میں رحمت اجمل نے پستہ رنگ کا خوبصورت لباس زیب تن کیا جبکہ اُن کے شوہر نے سیاہ رنگ کا پینٹ کوٹ پہنا تھا۔

اداکارہ کی پوسٹس پر اُن کے مداحوں کی جانب سے ان کی نئی زندگی کی شروعات پر مبارکباد کا سلسلہ جارہ ہے اور ان کے لئے نیک خواہشات کا اظہار بھی کیا جارہا ہے-

خیال رہے کہ اس سے قبل رحمت اجمل نے اپنے انسٹاگرام اکاؤنٹ پر اپنی شادی اور مایوں کی تقریب کی تصویریں بھی شیئر کی تھیں۔

واضح رہے کہ مقبول ڈرامے ’میرے پاس تم ہو‘ میں ’عائشہ‘ کے کردار سے شہرت پانے والی رحمت اجمل نے ایک سادہ تقریب میں طیب سلیم کے ساتھ لاہور میں منگنی کی تھی-

رحمت اجمل رشتۂ ازدواج میں منسلک ہوگئیں

اداکارہ رحمت اجمل کی شادی کی تقریبات کا آغاز،مایوں کی خوبصورت تصاویر وائرل

پاکستان کی نامور ماڈل واداکارہ نادیہ حسین کا کہنا ہے کہ لوگوں کو سرجری اور بوٹوکس ٹریٹمنٹ میں فرق کو ضرور سمجھنا چاہیے۔

باغی ٹی وی : معروف ماڈل واداکارہ نادیہ حسین کا ماڈلنگ سے کہنا ہے کہ ہمارے ہاں ماڈلنگ کی اجازت مشکل سے ملتی ہے میں والدین سے یہ ہی کہوں گی کہ وہ اپنے بچوں کووہ کرنے دیں جو وہ کرنا چاہتے ہیں ساتھ ہی انہوں نے کہا کہ یہ آسان کام نہیں-

نادیہ حسین کے مطابق ماڈلنگ اور اداکاری میں صبر اور انتظار بہت ہے میرے خیال میں یہ دونوں ہی صبر آزما کام ہیں۔

ماڈل واداکارہ نے کہا کہ انہوں نے 20 سال تک ماڈلنگ کی لیکن اب تک جتنا بھی کام کیا اس سے بہت مطمعن ہوں مداحوں سے بہت پیاربھی ملا لیکن جونیئرز کو یہ بھی کہتے سنا ہے کہ نادیہ جیسی ماڈلزتو جان ہی نہیں چھوڑرہیں-

نادیہ حسین نے جونئیرز ماڈلز کو آڑے ہاتھوں لیتے ہوئے کہا کہ تو پھر نادیہ جیسی دیگرماڈلز بھی ان تک پیغام پہنچا دیتی ہیں کہ ہم خود کسی شوکا حصہ نہیں بن جاتے بلکہ آرگنائزرہمیں ہائیر کرتے ہیں، اورتم لوگوں سے دس گنا زیادہ پیسے بھی دیتے ہیں۔

نادیہ حسین نے پاکستان میں فیشن سے متعلق کہا کہ مسلسل فیشن ویکس کا انعقاد ہورہا ہے لیکن پھربھی تخلیقی کام کی کمی ہے لیکن اس کے باوجود کام پھربھی اچھا ہورہا ہے۔ملک میں طلبہ و طالبات کے فیشن شوز ضرورہونے چاہییں ان میں بہت زیادہ تخلیقی کام دیکھنے کوملتا ہے۔

پلاسٹک سرجری کے بارے میں نادیہ حسین نے کہا کہ جولوگ پلاسٹک سرجری کا شوق رکھتے ہیں اوران کویہ شوق پورا کرنے کی مالی حیثیت بھی ہوتوضروراس کی طرف جائیں اگرمجھے کبھی پلاسٹک سرجری کروانے کا موقع ملا تو ضرورکرواؤں گی لیکن لوگوں کو سرجری اور بوٹوکس ٹریٹمنٹ میں فرق کو ضرور سمجھنا چاہیے۔