Author: Ayesha Rehmani

تہران: ایران اور اسرائیل میں 5 اکتوبر کی شام کو درمیانے درجے کے زلزلے کے بعد سوشل میڈیا پرقیاس رائیاں جا ری ہیں کہ تہران نے زیر زمین ایک نیوکلیئر (جوہری) ٹیسٹ کیا جس کے نتیجے میں زلزلہ کی شدت تل ابیب تک محسوس کی گئی۔

باغی ٹی وی : ایران کا صوبہ سیمنان کا شہر اردان 4.6 شدت کے زلزلے کا مرکز تھا، امریکی جیولوجیکل سروے کے مطابق زیرزمین گہرائی 10 کلومیٹر ریکارڈ کی گئی مقامی وقت کے مطابق رات 10:45 کے قریب زلزلے کے جھٹکے تہران تک محسوس کیے گئے، جو کہ مرکز سے تقریباً 110 کلومیٹر دور ہے۔

ابتدائی زلزلے کے چند منٹ بعد ہی اسرائیل میں آدھی رات کے قریب ایک دوسرے قدرے کم شدت والے زلزلے کی اطلاع دی گئی، تاہم سوشل میڈیا پر یہ قیاس آرائیاں ہوئیں کہ ایران میں خفیہ ایٹمی تجربہ کیا جا رہا ہے۔

یو این نظام کو مضبوط بنانے کی ضرورت ہے،منیراکرم

ایکس پر ایک صارف نے کہا کہ ایران کل رات سے نیوکلیئر تجربہ کررہا ہے تہران نے سیمنان کے قریب 10 کلومیٹر زیر زمین بم ٹیسٹ کیے تاکہ کم سے کم تابکاری کے پھیلاؤ کو یقینی بنایا جا سکے اور اس کے نتیجے میں 4.6 پیمانے کا زلزلہ آیا جسے سیسموگرافس نے ریکارڈ کیا تھا۔

ایک اور صارف نے لکھا کہ اس ایرانی زلزلے نے واقعی اسرائیل کو خوفزدہ کردیا تل ابیب یہ سوچ رہا ہے کہ آیا وہ ایران پر حملہ کریں گے، ایسا لگتا ہے کہ جوہری ہتھیاروں کا معاملہ ہے، کوئی ملک جوہری طاقت کے ساتھ گڑبڑ نہیں کرے گا ایران نے سب سے پہلے اپنی صلاحیت کا مظاہرہ کیا کہ وہ جہاں چاہیں درستگی کے ساتھ وارہیڈ پہنچا سکتے ہیں، اور پھر وہ صحرائی زلزلہ آیا جو زیادہ سے زیادہ جوہری تجربے کی طرح لگتا ہے۔

کراچی میں مبینہ بھارتی جاسوس گرفتار

ایک اور صارف نے کہا کہ کل ایران میں 4.5 کا زلزلہ آیا، افواہیں ہیں کہ یہ ایک ایٹمی تجربہ تھا فروری 2013 میں شمالی کوریا میں آنے والا زلزلہ جوہری تجربہ ثابت ہوا نومبر 2017 کے ایران میں آنے والے زلزلے کو بھی جوہری ٹیسٹ کا نام دیا گیا تھا ایران ہفتے کے اندر کافی فاشیل مواد جمع کرنے کی صلاحیت رکھتا ہے، حقیقت کیا ہے؟

تل ابیب: اسرائیلی میڈیا نے دعویٰ کیا ہے کہ حماس کے رہنما یحیٰی سنوار زندہ ہیں-

باغی ٹی وی : یہ دعویٰ اسرائیلی میڈیا ’دی یروشلم پوسٹ‘ نے کیا ہےرپورٹ میں کہا گیا ہے حماس کے رہنما یحیٰی سنوار زندہ ہیں اور انہوں نے خفیہ طور پر قطر سے رابطہ قائم کیا ہےایک سینئر قطری سفارت کار نے خصوصی طور پر یروشلم پوسٹ کو بتایا کہ براہ راست رابطے کی خبریں غلط ہیں، سفارت کار کے مطابق رابطہ حماس کے ایک سینیئر شخصیت خلیل الحیا کے ذریعے کیا گیا۔

خیال کیا جارہا تھا کہ یحیٰی سنوار 21 ستمبر کو غزہ میں اسرائیلی حملے میں مارے گئے ہیں کیونکہ انہوں نے طویل عرصے سے سرکاری چینلز سے رابطہ قائم نہیں کیا تھا اسرائیلی فوج کا کہنا تھا کہ حملے میں حماس کے کمانڈ سینٹر کو نشانہ بنایا گیا تاہم فلسطینی محکمہ صحت کے حکام کا کہنا تھا کہ حملے میں جاں بحق ہونے والے 22 افراد میں خواتین اور بچے بھی شامل ہیں۔

کراچی میں مبینہ بھارتی جاسوس گرفتار

22 ستمبر کو ایک رپورٹ میں ٹائمز آف اسرائیل نے کہا تھا کہ فوجی انٹیلی جنس حکام اس امکان کی چھان بین کر رہے ہیں کہ یحیٰی سنوار مر گیا ہےاسرائیل پر 7 اکتوبر کو ہونے والے حملوں کے ماسٹر مائنڈ یحیی سنوار اس سال اگست میں حماس کے سربراہ کے طور پر سامنے آئے تھے جب ان کے پیشرو اسماعیل ہنیہ ایران میں ایک دھماکے میں شہید ہو گئے تھے۔

یو این نظام کو مضبوط بنانے کی ضرورت ہے،منیراکرم

منشی پریم چند

8 اکتوبر 1936: یوم وفات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

منشی پریم چند کا اصل نام دھنپت رائے سریواستَو تھا، آپ 31 جولائی 1880ء کو منشی عجائب لال کے ہاں موضع پانڈے پور، ضلع بنارس میں ایک غریب گھرانے میں پیدا ہوئے۔ آپ کے والد ایک ڈاک خانے میں کلرک تھے۔ آپ نے تقریباَ َ سات آٹھ برس فارسی پڑھنے کے بعد انگریزی تعلیم شروع کی۔ پندرہ برس کی عمر میں شادی ہوگئی۔ ایک سال بعد والد کا… انتقال ہوگیا۔ پریم چند اس وقت آٹھویں جماعت میں پڑھتے تھے۔ پورے گھر بار کا بوجھ آپ پر آن پڑا۔ فکرِ معاش نے زیادہ پریشان کیا تو لڑکوں کو ٹیوشن پڑھانے لگے اور میٹرک پاس کرنے کے بعد محکمۂ تعلیم میں ملازم ہو گئے۔ اسی دوران بی۔ اے کی ڈگری حاصل کی۔ پھر بی۔ اے کی تکمیل کر کے ڈپٹی انسپکٹر آف اسکولز ہو گئے۔ 1921ء میں ملازمت کو خیرباد کہہ دیا اور لکھنے پڑھنے کے کام میں مصروف ہو گئے۔ بنارس میں اپنا ایک پریس بھی کھولا۔ دو پرچے ‘ہنس’ اور ‘جاگرُتی’ اپنی ادارت میں جاری کیے۔

پریم چند کو ابتدا سے ہی کہانیاں پڑھنے اور سننے کا شوق تھا اور یہی شوق چھوٹے چھوٹے افسانے لکھنے کا باعث بنا۔ ان کی باقاعدہ ادبی زندگی کا آغاز 1901ء سے ہوا جب انہوں نے رسالہ "زمانہ” کانپور میں مضامین لکھنے شروع کیے۔ اول اول مختصر افسانے لکھے اور پھر ناول، لیکن مختصرافسانہ نویسی کی طرح ناول نگاری میں بھی ان کے قلم نے چار چاند لگا دئیے۔ پریم چند کو اردو اورہندی دونوں زبانوں پر عبور حاصل تھا۔ انہوں نے ناول اور افسانے کے علاوہ چند ایک ڈرامے بھی یادگار چھوڑے ہیں۔ ان کے افسانوی مجموعے ‘آنندی’، ‘پریم پچیسی’، ‘پریم بیتسی’، ‘سوز وطن’، ‘زاد راہ’ اور ‘واردات’ ہیں۔ مجموعی طور پر پریم چند نے تین سو سے زیادہ کہانیاں لکھیں جو مختلف مجموعوں میں موجود ہیں۔ پریم چند اچھے مترجم بھی تھے۔ انہوں نے انگریزی سے کئی کتابیں ترجمہ کیں۔

پریم چند کے آرٹ کی عظمت کو ہر حلقے میں تسلیم کیا گیا۔ پریم چند پہلے ادیب ہیں جنہوں نے شہر سے نکل کر دیہاتی زندگی کے ساتھ رشتہ جوڑا۔ پریم چند کی زبان بہت آسان اور سادہ ہے جو کہانیوں کے تاثر کو بڑھا دیتی ہے۔

پریم چند مہاتما گاندھی کی تحریک سے متاثر تھے۔ وہ دل و جان سے ملک کی آزادی کے لیے لڑنا چاہتے تھے لیکن اپنی مجبوریوں کی بنا پر کسی تحریک میں عملی طور پر حصہ نہ لے سکے۔

8 اکتوبر 1936ء کو پریم چند بنارس میں انتقال کر گئے۔