اسلام آباد: سپریم کورٹ کے جج جسٹس یحییٰ آفریدی نے مخصوص نشستوں کے کیس سے متعلق فیصلے میں اپنا اختلافی نوٹ جاری کردیا۔

باغی ٹی وی : جسٹس یحییٰ آفریدی نے 26 صفحات پر مشتمل اختلافی نوٹ تحریر کیا جس میں انہوں نے کہا کہ سنی اتحاد کونسل مخصوص نشستوں کے حصول کے لیے آئینی تقاضوں پر پورا نہیں اترتی اس لیے سنی اتحاد کونسل کی درخواستیں مسترد کی جاتی ہیں۔

جسٹس یحییٰ آفریدی نے کہا کہ تحریک انصاف سیاسی جماعت ہے اور مخصوص نشستوں کیلئے اہل ہے مگر پی ٹی آئی اس عدالت کے سامنے فریق نہیں بنی،3 جون سے کیس چل رہا تھا، پی ٹی آئی نے 26 جون تک کوئی درخواست نہیں دی، 26 جون کو پی ٹی آئی کی فریق بننے کی درخواست آئی، بیرسٹر گوہر نے جاری کیس میں معاونت کی درخواست دی مگر پی ٹی آئی نے اپنے حق میں کسی ڈکلیریشن کی استدعا نہیں کی، الیکشن کمیشن فریقین کو سن کر 7 روز میں فیصلہ کرے اور مخصوص نشستوں کے نوٹیفکیشن کا دوبارہ جائزہ لے۔

لاہور: عدالتی کاز لسٹ منسوخ ہونے کی وجہ سے پریکٹس اینڈ پروسیجر آرڈیننس کے خلاف درخواست کی سماعت ملتوی ہو گئی-

باغی ٹی وی : چیف جسٹس لاہور ہائی کورٹ جسٹس عالیہ نیلم کی کاز لسٹ منسوخ کردی گئی، جس کی وجہ سے پریکٹس اینڈ پروسیجر آرڈیننس 2024ء کے خلاف دائر درخواست پر سماعت نہیں ہوسکی، عدالتی عملے کا کہنا ہے کہ آج کورٹ نہیں ہوگی۔

واضح رہے کہ شہری منیر احمد کی جانب سے لاہور ہائیکورٹ میں پریکٹس اینڈ پروسیجر آرڈیننس کے خلاف درخواست دائر کی گئی ہے، جس میں درخواست گزار نے مؤقف اختیار کیا ہے کہ صدارتی آرڈیننس بدنیتی پر مبنی ہے،صدارتی آرڈیننس کے ذریعے سپریم کورٹ کے اختیارات کو کم یا زیادہ نہیں کیا جاسکتا۔ عدالت صدارتی آرڈیننس کو کالعدم قرار دے۔ عدالت پٹیشن کے حتمی فیصلے تک صدارتی آرڈیننس پر عمل درآمد روکنے کا حکم جاری کرے۔

کملاہیرس سے ہار گیا تو دوبارہ الیکشن نہیں لڑوں گا،ڈونلڈ ٹرمپ

یحیٰ سنوار کی شہادت کی خبریں،حماس کا بیان جاری

معرات سے یکم اکتوبر تک بارشوں کی پیشگوئی

اسلام آباد: پاکستان تحریک انصاف کے چیئرمین بیرسٹر گوہر نے کہا ہے کہ سپریم کورٹ کے فیصلے کے بعد الیکشن کمیشن کے کردار پر بڑا سوالیہ نشان پیدا ہوگیا ہے۔

باغی ٹی وی: پی ٹی آئی کی کور کمیٹی اجلاس کے بعد میڈیا سے گفتگو کرتے ہوئے بیرسٹر گوہرنے کہا کہ الیکشن کمیشن سے مطالبہ کرتے ہیں کہ آپ نے چوتھی میٹنگ کرلی، پھر بھی فیصلہ نہیں کیا،مخصوص نشستیں تحریک انصاف کا حق ہے، الیکشن کمیشن 38 ایم این ایز کا جلد اعلان کرے سپریم کورٹ نے الیکشن کمیشن کے کردار پر سوال اٹھایا ہے، جس آئینی ترمیم کے باعث عدلیہ پر قدغن لگے ہم اسے قبول نہیں کریں گے۔

انہوں نے کہا کہ الیکشن کمیشن کے تاخیری حربوں کے باعث خیبرپختونخوا میں سینیٹ انتخابات تاخیر کا شکار ہوئے، مطالبہ کرتے ہیں کہ 38 ایم این ایز کے نوٹیفکیشن جاری کیے جائیں، آئینی ترمیم سے عدلیہ پر کوئی قدغن قبول نہیں کریں گے، بانی کی ہدایت پر28 ستمبر کولیاقت باغ میں جلسہ کریں گے۔

اس سے قبل انہوں نے علی امین گنڈا پور کے حوالے سے کہا تھا کہ وزیراعلی کے پی کے 15 دن میں بانی پی ٹی آئی کو رہا کریں گے، اب ہمیں امید ہے کہ جلد کیسز ختم ہوکر بانی پی ٹی آئی کو رہائی ملیں گی،ہم نے ہمشیہ جلسے کے لیے این او سی لی لیکن یہ شرائط ہی ایسے رکھتے ہیں کہ جلسہ نہ ہو یہ کوئی فلم شو نہیں کہ وقت دیا جاتا ہے لیکن ہم نے پھر بھی اپنا جلسہ وقت پر ختم کیا۔

انکا کہنا تھا کہ پنجاب اور سندھ کی قیادت جلسے میں پہنچی لیکن خیبرپختونخوا کی قیادت اسلئے نہ پہنچ سکی کہ راستے بند تھے، ارباب اختیار سے اپیل ہے کہ سختیاں ختم ہونگی تو معاملات آگے بڑھیں گے، اگر مقبول ترین پارٹی کو سپیس نہیں دیں گے تو غیر سیاسی قوتوں کو فائدہ ہوگا،انھوں نے واضح کیا کہ پارٹی علی امین گنڈا پور کے ساتھ کھڑی ہے اور ہر جلسہ اپنے وسائل سے کیا، کبھی سرکاری ذرائع وسائل استعمال نہیں کئے۔

واضح رہے کہ سپریم کورٹ نے مخصوص نشستوں کے کیس کا تفصیلی فیصلہ جاری کردیا ہے فیصلے میں کہا گیا ہے کہ الیکشن کمیشن کے یکم مارچ کے فیصلے کی کوئی قانونی حیثیت نہیں، انتخابی نشان نہ ملنے سے سیاسی جماعت کا الیکشن لڑنے کا آئینی حق متاثر نہیں ہوتاتفصیلی فیصلے میں الیکشن کمیشن کو ایک بار پھر خواتین اور اقلیتوں کی مخصوص نشستیں پی ٹی آئی کو دینے کا حکم دیا گیا فیصلے میں سپریم کورٹ نے سیاسی جماعتوں کو مخصوص نشستوں کی الاٹمنٹ سے متعلق الیکشن رول 94 خلاف آئین قرار دے کر کالعدم کردیاعدالت نے قراردیا کہ الیکشن رول 94 خلاف آئین اور غیرمؤثر ہے، رول 94 الیکشن ایکٹ کے آرٹیکل 51 اور 106 کے منافی ہے۔

نیویارک:وزیر دفاع خواجہ آصف کا کہنا ہے کہ سیکیورٹی مسائل نئی نسل اور مستقبل کے لیے خطرہ ہیں، مل کر کام کرنے سے خوشحال مستقبل حاصل کر سکتے ہیں۔

باغی ٹی وی : امریکا کے شہر نیویارک میں منعقد ہونے والی کاسمٹ آف دی فیوچر سے وزیر دفاع خواجہ آصف نے خطاب میں کہا کہ غزہ جیسے سانحات حل کیے بغیر پائیدار ترقی نہیں ہوسکتی، خودمختار قرضہ نظام کا جائزہ لے کر اسے مزید منصفانہ بنانا ہو گا اور منصفانہ ڈیٹا گورننس کو یقینی بنانا چاہیے،سیکیورٹی مسائل نئی نسل اور مستقبل کے لیے خطرہ ہیں، مل کر کام کرنے سے خوشحال مستقبل حاصل کر سکتے ہیں۔

وزیر دفاع نے کہا کہ 4 ہزار ارب ڈالر کا ایس ڈی جی فنانسنگ فرق پُر کرنے کے لیے اقدامات ناگزیر ہیں اور ماحولیاتی تبدیلیوں سے نمٹنے کے لیے مشترکہ کوششیں کرنا ہوں گی پاکستان گلوبل ڈیجیٹل آؤٹ کم کو خوش آمدید کہتا ہوں، گلوبل ڈیجیٹل آؤٹ کم اور مصنوعی ذہانت کی طاقت کنٹرول کرنا ضروری ہے، مساوی مستبقل کے لیے ڈیجیٹل تقسیم ختم کرنا ہو گی۔

جسٹس منصور علی شاہ کا خط حق بجانب ہے، چیف جسٹس کا رویہ نامناسب ہے: …

انہوں نے کہا کہ فیوچر پیکٹ 100 سے زائد ممالک کیلئے ترقی، عالمی مالیاتی نظام میں اصلاحات کا موقع فراہم کرتا ہے یہ معاہدہ تب ہی تبدیلی کا باعث بنے گا جب اس میں کئے گئے وعدے پورے کئے جائیں، ترقی پذیر ممالک کیلئے قرض کے اخراجات کم کرنا ہوں گے، عالمی مالیاتی اداروں میں ترقی پذیر ممالک کی نمائندگی بہتر کرنا ہوگی۔

اسرائیل نے لبنان کے موبائل فون نیٹ ورکس ہیک کر لیے

عالمی مالیاتی نظام میں عدم مساوات کو دورکیا جائے،پاکستان نے 4 ٹریلین ڈالر کے SDG مالیاتی خلا کو پُر کرنے کے لیے عملی اقدامات کا مطالبہ کیا اور کہا کہ ڈیجیٹل خلا کو پُر کرنا ترقی پذیر دنیا کے لیے کلیدی چیلنج ہے۔دنیا میں کوئی بھی ترقی اس وقت ممکن نہیں جب تک غزہ میں جاری مظالم ترقی یافتہ ممالک کی جانب سے برقرار رکھے جائیں گے،جموں و کشمیر سمیت نئے اور پرانے تنازعات حل کرنے کے لیے اقوام متحدہ کے چارٹر میں بیان کردہ اقدامات کو فعال کیا جانا چاہیے،اقوام متحدہ اپنی عالمگیر رکنیت اور مینڈیٹ کی وجہ سے ان وعدوں پر عملدرآمد کو آگے بڑھانے اور نگرانی کرنے کے لیے ایک ناگزیر پلیٹ فارم ہے

وزیر دفاع خواجہ آصف کا کہنا تھا کہ انڈیا اور اس کے اتحادیوں کے مطالبے کے مطابق مزید مستقل ارکان کو شامل کرنے سے اس کے مفلوج ہونے کے امکانات میں اضافہ ہوگا،اس کے بجائے کونسل کو مناسب طور پر وسعت دی جانی چاہیے اور کونسل میں مزید غیر مستقل اور منتخب ارکان کو شامل کرکے مزید نمائندہ بنایا جانا چاہیے،اقوام متحدہ کے چارٹر میں تصور کردہ عالمی نظام کے ڈھانچے کو غیر ریاستی اداروں کے ساتھ ریاستوں کے مساوات سے ختم نہیں کیا جانا چاہیے یہ صرف ریاستوں کے فیصلوں اور اقدامات کے ذریعے ہی ہے کہ ہم اس بات کو یقینی بنائیں گے کہ آنے والی نسلیں امن، ترقی اور خوشحالی کے مستقبل سے فائدہ اٹھا سکیں،

قبل ازیں وزیرِ اعظم محمد شہباز شریف اپنے پانچ روزہ سرکاری دورے پر وفد کے ہمراہ نیویارک پہنچ گئے. وزیرِ دفاع خواجہ محمد آصف، وزیرِ اطلاعات و نشریات عطاء اللہ تارڑ، وزیرِ وفاقی تعلیم و پیشہ ورانہ تربیت خالد مقبول صدیقی اور معاون خصوصی طارق فاطمی وزیرِ اعظم کے ہمراہ وفد میں شریک ہیں. وزیرِ اعظم آج نیویارک میں مصروف دن گزاریں گے. وزیرِ اعظم سیکریٹری جنرل اقوام متحدہ انتونیو گوتریس کی جانب سے رکن ممالک کے سربراہان کیلئے دیئے گئے استقبالیے میں شرکت کریں گے جہاں وزیرِ اعظم کی مختلف ممالک کے سربراہاں کے ساتھ غیر رسمی ملاقات ہوگی. وزیرِ اعظم اقوام متحدہ جنرل اسمبلی کے اجلاس 2024 کی افتتاحی تقریب میں شرکت کریں گے. وزیرِ اعظم کی مالیپ کے صدر محمد معیزو سے ملاقات ہوگی جس میں دونوں ممالک کے مابین دوطرفہ تعاون کے فروغ کے حوالے سے گفتگو ہوگی.