Author: Ayesha Rehmani

اسلام آباد: ڈرگ ریگولیٹری اتھارٹی آف پاکستان (ڈریپ) نے مارکیٹ میں دستیاب 5 غیرمعیاری سیرپ کی نشاندہی کرتے ہوئے الرٹ جاری کردیا۔

باغی ٹی وی :بزنس ریکارڈر کی رپورٹ کے مطابق مذکورہ سیرپ میںTexcol DM 10mg/5ml syrup، Cestonil Plus syrup، Speczine 5mg/5ml Syrup، Aphylin Syrup اور Zolint Suspension شامل ہیں۔

ڈریپ کی طرف سے جاری کردہ الرٹ میں کہا گیا کہ ڈائریکٹوریٹ آف ڈرگز کنٹرول (ڈی ڈی سی)، پنجاب نے مذکورہ سیرپ کی تیاریوں میں ایتھیلین گلائکول اور ڈائی ایتھیلین گلائکول کی نشاندہی کی ہے۔ ڈرگ ٹیسٹنگ لیبارٹریز کے تجزیے نے ان سیرپ کو غیر معیاری قرار پایا ہے۔

ڈریپ نے ہیلتھ پروفیشنل اور صارفین کو مشورہ دیا ہے کہ بیچ نمبر اور کمپوزیشن کے ساتھ پانچ سیرپ کے استعمال سے گریز کریں-

(i) لاہور میں تیار کردہ Cestonil Plus شربت بیچ نمبر 061357 کمپوزیشن تھامین 1.75mg، Riboflavin 2.62mg، Pyridoxine 1.54mg، Nicotinamide 10.50mg M/s Razzee Therapeutics۔

(ii) لاہور میں تیار کردہ Texcol DM 10mg/5ml سیرپ بیچ نمبر 09980 کمپوزیشن Dextromethorphan جو M/s Razzee Therapeutics نے تیار کیا ہے۔

(iii) Spectrum Laboratories کے تحت لاہور میں تیار کردہ Speczine 5mg/5ml Syrup بیچ نمبر 280 287 کمپوزیشن Promethazine

(iv) Obsons Pharmaceuticals کے تحت لاہور میں تیار کردہ Aphylin Syrup کا بیچ نمبر 24B056 مرکب Aminophylline 32mg, Diphenhydramine 8mg, Ammonium HCl 30mg

(v) Libra (Private) Ltd کے تحت پشاور میں تیار کردہ Zolint Suspension بیچ نمبر 24003 مرکب Furazolidone 25mg/5ml، Metronidazole 75mg/5ml۔

واضح رہے کہ Di-ethylene Glycol (DEG) اور Ethylene Glycol (EG) کے صحت پر سنگین نتائج کا باعث بنتے ہیں۔

لاہور: قومی ایئر لائن پی آئی اے کی دبئی سے پشاور کی پرواز میں فنی خرابی کے باعث ایمرجنسی لینڈنگ کی گئی۔

باغی ٹی وی : ایوی ایشن ذرائع کے مطابق پرواز پی کے 284 میں روانگی کے فوری بعد خرابی پیدا ہوئی تھی، ایئر ٹریفک کنٹرولر دبئی کی ہدایت پر طیارے نے 50 منٹ بعد واپس لینڈنگ کی، مسافروں کو طیارے سے اتار کر لاؤنج منتقل کر دیا گیا ہے، اس کا معائنہ کیا جا رہا ہے، پرواز نے آج صبح 9 بجے پشاور پہنچنا تھا۔

پی آئی اے کے ترجمان نے کہا ہے کہ دبئی ایئر پورٹ پر پی آئی اے کے طیارے کی فنی خرابی دور کی جا رہی ہے، پرواز پی کے 284 دبئی سے 1 گھنٹے بعد پشاور روانہ ہو گی۔

قبل ازیں غیر ملکی ائیر لائن کی پرواز جی 9512 متحدہ عرب امارات کے شہر شارجہ سے بنگلہ دیش کے دارالحکومت ڈھاکہ جا رہی تھی کہ اس دوران 42 سالہ مسافر کی طبیعت خراب ہونے پر کپتان نے کراچی میں ایمرجنسی لینڈنگ کی اجازت طلب کی۔

بتایا گیا ہے کہ ایئر ٹریفک کنٹرولر کراچی کی اجازت سے طیارے نے کراچی ائیر پورٹ پر لینڈنگ کی جہاں کراچی ائیر پورٹ پر سول ایوی ایشن کی میڈیکل ٹیم نے مسافر کا معائنہ کیا تو اس کا پہلے ہی انتقال ہو چکا تھا، ضابطے کی کارروائی کے بعد میت ائیر لائن کے سپرد کر دی گئی جس کے بعد طیارہ میت لے کر کراچی ائیر پورٹ سے اپنی منزل ڈھاکہ روانہ ہوگیا۔

چند روز قبل خلیجی ملک قطر سے آنے والی غیرملکی پرواز نے بھی کراچی میں ہنگامی طور پر لینڈنگ کی تھی، قطر ایئرویز کی فلائیٹ کیو آر 652 دوحہ سے نیپال کے شہر کٹھمنڈو کی جانب محو پرواز تھی کہ اس دوران پاکستان کی فضائی حدود میں ایک مسافر کی اچانک طبیعت خراب ہوگئی، مسافر کی طبیعت خراب ہونے کے باعث طیارے کے پائلٹ نے ایئرٹریفک کنٹرولر کراچی سے رابطہ کرکے ایمرجنسی لینڈنگ کی اجازت طلب کی، اجازت ملنے پر ایئرٹریفک کنٹرولر کی ہدایت پر پائلٹ نے اندرون سندھ سکھر سے طیارے کا رخ شہر قائد کی جانب موڑ دیا اور قطر ایئر ویز پرواز کیو آر 652 نے جناح انٹر نیشنل ایئرپورٹ کراچی پر میڈیکل ایمرجنسی لینڈنگ کی، لینڈنگ کے بعد سول ایوی ایشن کی میڈیکل ٹیم کی طرف سے مسافر کا طبی معائنہ کیا گیا۔

اس سے پہلے خلیجی ملک عمان سے بھارت جانے والے غیرملکی طیارے نے بھی کراچی ایئرپورٹ پر ایمرجنسی لینڈنگ کی، غیر ملکی طیارے میں 150 سے زائد مسافر سوار تھے، غیرملکی ایئرلائن کی فلائٹ مسقط سے بھارتی ریاست کیرالا کی طرف پرواز کر رہی تھی کہ اس دوران عمان سے تعلق رکھنے والے مسافر کو دل میں تکلیف کا سامنا کرنا پڑا جس کے باعث پرواز کو کراچی ایئرپورٹ پر لینڈنگ کی اجازت دی گئی، ہنگامی لینڈنگ سے قبل سول ایوی ایشن اور وفاقی وزارت صحت کے ڈاکٹروں کو کراچی ایئرپورٹ پر تیار رہنے کی ہدایت کی گئی، طیارہ میڈیکل ایمرجنسی کے طور پر کراچی ایئرپورٹ پر لینڈنگ کیا، جس کے بعد بیمار مسافر کو اہلیہ اور بیٹی کے ہمراہ آف لوڈ کرکے کراچی کے نجی ہسپتال منتقل کردیا گیا۔

اسلام آباد: وزیر دفاع خواجہ آصف کا کہنا ہے کہ امریکی دباؤ ایران پائپ لائن معاہدہ پورا کرنے نہیں دے رہا۔

باغی ٹی وی: لیگی رہنما اور وزیر دفاع خواجہ آصف نے کہا ہے کہ پاک ایران گیس پائپ لائن معاہدہ پاکستان کی بقا کا معاملہ ہے، ہم 18 ارب ڈالر کہاں سے دیں گے، اس وقت کے مالی حالات میں ہم 18 ملین بھی نہیں دے سکتے،امریکی دباؤ ایران پائپ لائن معاہدہ پورا کرنے نہیں دے رہا، امریکا سے ڈپلومیسی کی جائے تاکہ وہ ہمیں یہ معاہدہ مکمل کرنے دے، رواں ماہ وزیراعظم شہبازشریف امریکا جائیں گے انہیں یہ بات ضرور کرنی چاہیے، ایران نے برادر اسلامی ملک ہونے کی حیثیت سے بہت صبر کیا ہے۔

وزیر دفاع کا کہنا تھا کہ پاک ایران گیس پائپ لائن منصوبے کو 2008 یا 2009 میں مکمل ہو جانا چاہیے تھا، ایران عالمی عدالت جا رہا ہے تو اسے اپنے حقوق کا تحفظ کرنا پڑ رہا ہے، ایران پاکستان پر 18ارب ڈالر ہرجانے کے لیے پیرس کی ثالثی عدالت سے رجوع کرنے کا ارادہ رکھتا ہے۔

واضح رہے کہ پاک ایران گیس پائپ لائن منصوبہ ایک بار پھر اعلیٰ سطح پر بحث کا باعث بن گیا ہے کیونکہ ایران نے مزید تاخیر پر حکومت پاکستان کے ساتھ تشویش کا اظہار کیا ہے اور حتمی نوٹس جاری کیا ہے،میڈیا رپورٹس کے مطابق ایران نے منصوبے کے مسلسل التوا پر پاکستان کو شدید تحفظات کا اظہار کرتے ہوئے خبردار کیا ہے کہ اس کی تکمیل کے لیے کوئی اضافی وقت نہیں دیا جائے گا، ایران 180 دن کی توسیع شدہ ڈیڈ لائن کے دوران اس منصوبے کے تحت پائپ لائن کی تعمیر نہ کرنے پر ستمبر میں بین الاقوامی ثالثی عدالت سے رجوع کر کے معاملے کو بڑھا سکتا ہے،ممکنہ قانونی کارروائی کے جواب میں، پاکستان مبینہ طور پر مذاکرات کے ذریعے ایران کے ساتھ گیس پائپ لائن کے حوالے سے ایک قرارداد پر بات چیت کے آپشنز پر غور کر رہا ہے۔روزنامہ جنگ میں شائع ہونے والی خبر کے مطابق ذرائع کا کہنا ہے کہ پاکستان مزید پیچیدگیوں سے بچنے کے لیے منصوبے کی تاخیر اور مستقبل میں ہونے والی پیش رفت کے حوالے سے ایران کو اعتماد میں لینے کا ارادہ رکھتا ہے

دوسری جانب پاکستان پیپلز پارٹی کے رہنما راجہ پرویز اشرف نے مطالبہ کیا ہے کہ وزارتِ خارجہ پاک ایران گیس پائپ لائن سے متعلق امریکی حکام سے بات کر کے فوری طور پر ایرانی قیادت کے تحفظات دور کرے،راجہ پرویز اشرف نے گیس پائپ لائن معاملے پر ایران کے عالمی ثالثی عدالت جانے کے بیان پر تشویش کا اظہار کیا اور کہا کہ پاک ایران گیس پائپ لائن کی تکمیل سے پاکستان توانائی بحران سے نکل سکتا ہے، صدر آصف علی زرداری نے اپنے سابق دور میں اس پراجیکٹ کی بنیاد رکھی تھی، صدرِ مملکت اس حوالے سے وزارتِ خارجہ اور توانائی کے حکام سے رپورٹ طلب کریں۔

وزیر پیٹرولیم مصدق ملک کا پاک ایران گیس پائپ لائن منصوبے پر امریکی پابندیوں سے استثنیٰ کا مطالبہ

پاک ایران پائپ لائن گیس منصوبہ کی فوری تکمیل کیلئے اقدامات اٹھائے جائیں،محمد عدیل بھٹہ

پاک ایران گیس پائپ لائن منصوبے پر کام شروع کردیا. محمد علی

ایران پاکستان گیس پائپ لائن منصوبے کی تکمیل کھٹائی میں پڑ گئی

حکومت نے پاک ایران، پاک روس بارٹر تجارت کی اجازت دے دی

اسلام آباد: عالمی مالیاتی ادارے (آئی ایم ایف) کے ایگزیکٹو بورڈ سے پاکستان کے 7 ارب ڈالر کے قرض کی منظوری اکتوبر 2024 تک مؤخر ہو نے کا امکان ہے-

باغی ٹی وی : "انگریزی موقر ادارے "دی نیوز” کے مطابق پاکستان آباد جاری ہفتے کے اندر دو طرفہ اور تجارتی قرض دہندگان سے 2 ارب ڈالر کی بیرونی فنانسنگ حاصل کرنے میں ناکام رہتا ہے تو عالمی مالیاتی ادارے (آئی ایم ایف) کے ایگزیکٹو بورڈ سے پاکستان کے 7 ارب ڈالر کے قرض کی منظوری اکتوبر 2024 تک مؤخر ہو سکتی ہے۔

اعلیٰ سرکاری ذرائع نے دی نیوز کو تصدیق کی کہ پاکستان کو اپنا دستخط شدہ لیٹر آف انٹینٹ (ایل او آئی) آئی ایم ایف کے ایگزیکٹو بورڈ کو بھیجنا ہوگا جس میں اس تحریری وعدے کے ساتھ 37 ماہ کے ای ایف ایف کے تحت 7 ارب ڈالر کی منظوری پر غور کرنے کی درخواست ہوگی کہ حکومت پاکستان فنڈ پروگرام کی تمام متفقہ شرائط کی تعمیل کرے گی،اب تک پاکستان 18 ستمبر 2024 تک آئی ایم ایف کے ایگزیکٹو بورڈ کے ایجنڈے میں موجود نہیں ہے۔

حافظ سعد رضوی کو 4 سال، اشرف جلالی کو 14 سال کی سزا

ذرائع نے بتایا کہ اسلام آباد آئی ایم ایف کی جانب سے نشاندہی کردہ 2 ارب ڈالر کے مالیاتی فرق پر دو طرفہ قرض دہندگان سے یقین دہانیاں حاصل کرنے کے لیے آخری کوششیں کر رہا ہے،اگر یہ جاری ہفتہ بغیر تصدیق کے گزر گیا تو پھر 7 ارب ڈالر کی توسیعی فنڈ سہولت (ای ایف ایف) پر فنڈ کے ایگزیکٹو بورڈ سے منظوری حاصل کرنے کا امکان کم ہو جائے گا۔

کراچی : ٹریفک حادثات میں خاتون سمیت 3 افراد جاں بحق

اسلام آباد کی ڈسٹرکٹ اینڈ سیشن کورٹ نے پی ٹی آئی کے بانی عمران خان اور عوامی مسلم لیگ کے سربراہ شیخ رشید کے خلاف تھانہ آبپارہ میں درج مقدمے میں بریت کی درخواست پر فیصلہ محفوظ کرلیا۔ باغی ٹی وی : ڈسٹرکٹ اینڈ سیشن کورٹس اسلام آباد میں سابق وزیراعظم عمران خان اور سابق وزیر داخلہ شیخ رشید کے خلاف تھانہ آبپارہ میں درج مقدمے کی درخواست پر سماعت ہوئی، کیس کی سماعت جج یاسرمحمود چوہدری نے کی، اس موقع پر شیخ رشید اور صداقت عباسی اپنے وکلاء سردار مصروف اور سردار شہباز کے ہمراہ عدالت میں پیش ہوئے۔ وکیل سردار مصروف نے کہا کہ مقدمے میں شریک ملزمان پہلے ہی بری ہو چکے، دفعہ 144 کی خلاف ورزی پر مقدمہ درج کیا گیا، ملزمان کو بری کیا جائے،بعدازاں عدالت نے عمران خان اور شیخ رشید کی بریت کی درخواست پر فیصلہ محفوظ کر لیا۔ قبل ازیں اسلام آباد میں میڈیا سے گفتگو کرتے ہوئے عوامی مسلم لیگ کے سربراہ شیخ رشید نے کہا کہ پارلیمنٹ کے اندر سے گرفتاریاں نامناسب ہیں، 20 ستمبر تک انتظار کریں، دیکھیں کہ آسمان کیسے کیسے رنگ بدلتا ہے۔