Author: Ayesha Rehmani

لاہور:مسلم لیگ ن کے سینیٹر طلال چوہدری کا کہنا ہے کہ پی ٹی آئی کے جلسے کا مقصد اڈیالا کے مجرم کو سزاؤں سے معافی دلانا ہے-

باغی ٹی وی: سینیٹر طلال چوہدری نے اپنے بیان میں کہا ہے کہ پی ٹی آئی ایک نہیں 100 جلسے کر لے این آر او نہیں ملے گا اور نہ ہی سیاسی انتشار اور 9 مئی کرنے دیا جائے گا،پی ٹی آئی کے جلسے کا مقصد اڈیالا کے مجرم کو سزاؤں سے معافی دلانا ہے، جیسے ہی 190 ملین پاؤنڈ کیس کا فیصلہ قریب آیا تو انہیں جلسہ یاد آگیا انتظامیہ پی ٹی آئی کے جلسے کے لیے سہولیات دے گی لیکن قانون کی خلاف ورزی کی اجازت نہیں دی جائے گی۔

دوسری جانب وزیر اطلاعات پنجاب عظمٰی بخاری نے کہا ہے کہ ایک مہینے سے جلسہ جلسہ کا راگ الاپ رہے ہیں لیکن ان کے پاس جلسے کے لیے نہ فنڈز ہیں، نہ بندے ہیں اور نہ ہی سہولت کاری ہے جلسے میں اداروں کے خلاف جو زہر اگلنا ہے وہ بیانات اور پریس کانفرنس میں بھی اگل رہے ہیں، اڈیالہ جیل کا قیدی جیل سے نکلنے کے لیے کسی بھی حد تک جاسکتا ہے۔

جنگ بندی معاہدے پر دستخط نہ کرنے پر نیتن یاہو کیخلاف اسرائیلی سڑکوں پر نکل …

قبل ازیں پاکستان ہائی کمیشن لندن میں پریس کانفرنس کرتے ہوئے نائب وزیراعظم و وزیر خارجہ اسحاق ڈار کا کہنا تھا کہ پی ٹی آئی سے نہ تو مذاکرات ہو رہے ہیں اور نہ کوئی امکان ہےپہلے 9 مئی کے کیس کا فیصلہ ہو جانے دیں، سوشل میڈیا پر آزادی کے حوالے سے برطانوی حکام سے بات ہوئی، پہلے وہ ہمیں آزادی کے حوالے سے طعنے دیتے تھے۔

اسحاق ڈار کا کہنا تھا کہ ساؤتھ پورٹ کے واقعے کے بعد ملوث افراد کے خلاف برطانیہ میں سرعت کے ساتھ انصاف کیا گیا،پاکستان میں فوجی تنصیبات پر حملہ کرنے والوں کے خلاف ملٹری کورٹس میں سماعت کا فیصلہ قانون کے مطابق ہوگا، ہمیں اپنے عدالتی نظام میں اصلاحات کرنا ہوں گی۔

پی ٹی آئی کے جلسہ گاہ کے قریب بیگ سے بم اور ہینڈ گرنیڈ …

واضح رہے کہ پی ٹی آئی آج اسلام آباد کے علاقے سنگجانی میں جلسہ کرے گی جس کے باعث اسلام آباد کی ضلعی انتظامیہ کی ہدایت پر ضلع بھر میں سکیورٹی ریڈ الرٹ کر دی گئی ہے، امن وامان کی صورتحال کو برقرار رکھنے کے لیے مختلف مقامات پر کنٹینرز پہنچا دیے گئے ہیں۔

اسلام آباد:پاکستان تحریک انصاف کے جلسہ گاہ کے قریب بیگ سے بم اور ہینڈ گرنیڈ برآمد ہوئے ہیں۔

اسلام آباد میں موجودہ سیکورٹی کی صورتحال ہائی الرٹ ہے،اجتماعات میں دہشت گردی کے خدشے کے پیش نظر سرچ آپریشن کئے جا رہے ہیں،اسلام آباد کے مختلف علاقوں میں پولیس کی اضافی نفری تعینات تھی،سیکورٹی کو مؤثر بنانے کے لئے سنگجانی میں سرچ آپریشن کیا جا رہا تھا ،آپریشن کے دوران مشکوک بیگ برآمد ہوا،اسلام آباد پولیس نے علاقے کو بڑی تباہی سے بچا لیا،

پولیس کا کہنا ہے کہ اسلام آباد کے علاقے سنگجانی میں بیگ سے ہینڈ گرینیڈ، ڈیٹونیٹر، تار اور دیگر بارودی مواد برآمد ہوا، بم ڈسپوزل اسکواڈ نے موقع پر پہنچ کر تحقیقات شروع کر دی ہیں۔اس کے علاوہ پولیس کی بھاری نفری کو بھی جلسے کے ارد گرد تعینات کردیا گیا،پی ٹی آئی کے جلسے کے باعث اسلام آباد کی ضلعی انتظامیہ کی ہدایت پر ضلع بھر میں سیکیورٹی ریڈ الرٹ کر دی گئی، امن وعامہ کی صورتحال کو برقرار رکھنے کے لیے مختلف مقامات پر کنٹینرز پہنچا دیئے گئے ہیں،اسلام آباد میں ریڈ زون کے تمام داخلی اور خارجی راستوں کو کنٹینرز کی مدد سے بند کر دیا گیا، ریڈ زون داخلے کے لیے متعلقہ افراد کو مارگلہ روڈ کے راستے سے جانے کی اجازت ہوگی، ایکسپریس ہائی وے کھنہ پل کے مقام پر کنٹینر لگا دیے گئے جس کے باعث اسلام آباد سے روات جانے والی ایکسپریس وے پر ہیوی ٹریفک جام ہوگئی جبکہ روات کی جانب سے اسلام آباد جانے والی ایکسپریس وے مکمل بند کردی گئی،ایکسپریس ہائی وے کی بندش سے گاڑیوں کی لمبی قطاریں لگ گئیں، جس کے باعث شہریوں کو شدید مشکلات کا سامنا کرنا پڑ رہا ہے، دیگر شہروں سے آنے والے کارکنان موٹروے کے ذریعے آئیں گے،مری روڈ کو فیض آباد کے مقام پر کنٹینرز لگا کر بند کر دیا گیا، روات ٹی چوک سے راولپنڈی آنے والے راستوں کو کنٹینرز لگا کر بند کر دیا گیا جبکہ فیض آباد انٹرچینج کو بھی مکمل طور پر سیل کردیا گیا۔

ڈپٹی کمشنر اسلام آباد عرفان نواز میمن کا کہنا ہے کہ پی ٹی آئی کو 40 شرائط پر جلسے کی اجازت دی ہے، اگر ایس او پیز کی خلاف ورزی ہوگی تو قانون حرکت میں آئے گا، پی ٹی آئی کو شام 4 بجے سے 7بجے تک جلسے کی اجازت دی گئی ہے، جلسے میں کوئی ریاست مخالف نعرہ نہیں لگے گا،جلسے میں کسی کو اسلحہ لیکر آنے کی اجازت نہیں ہوگی، اسٹیج پر بیٹھنے والے افراد کی لسٹ انتظامیہ کو فراہم کرنا ہوگی، ملک بھر سے آنے والوں کے لیے روٹ متعین کیے گئے ہیں، امید ہے پی ٹی آئی ایس او پیز کی خلاف ورزی نہیں کرے گی۔

واضح رہے کہ وفاقی دارالحکومت کے علاقے سنگجانی میں آج پی ٹی آئی کو دوپہر کے جلسے کی اجازت دی گئی ہے ،وزیراعلی خیبرپختونخوا کے مشیر بیرسٹر سیف نے اس خدشے کا اظہار کیا کہ حکومت جلسے سے پہلے این او سی منسوخ کرنے کی کوشش کرے گی، ہمیں خدشہ ہے کہ انتظامیہ جلسے کی راہ میں رکاوٹ ڈالے گی مگر این او سی منسوخ ہوا بھی تو جلسہ ہوگا۔

وفاقی دارالحکومت کے علاقے سنگجانی میں آج پی ٹی آئی کو دوپہر کے جلسے کی اجازت دی گئی ہے، جلسے کی سیکیورٹی کو مدِ نظر رکھتے ہوئے راولپنڈی اسلام آباد میں سیکیورٹی ہائی الرٹ ہے،اس حوالے سے میٹرو بس انتظامیہ کے مطابق بس سروس راولپنڈی صدر اسٹیشن سے پاک سیکریٹریٹ تک بند کی گئی ہے،راولپنڈی کی مرکزی شاہراہ فیض آباد کے مقام پر بھی میٹرو بس سروس مکمل سیل کردی گئی ہے۔

ترکش ایئرلائن کے جہاز میں ہنگامہ آرائی، چھ زخمی

سڑک پر خاتون سے زیادتی،مدد کی بجائے ویڈیو بنانے والا بھی گرفتار

سکول طالبہ کے ساتھ زیادتی و قتل کے ملزم کو سزائے موت کی سزا

اسلام آباد: صدر مملکت آصف علی زرداری نے وفاقی دارالحکومت اسلام آباد میں پر امن اجتماع و امن عامہ بل 2024 پر دستخط کردئیے۔

باغی ٹی وی : تفصیلات کے مطابق صدر مملکت آصف علی زرداری نے وفاقی دارالحکومت اسلام آباد میں جلسے جلوسوں کو ریگولیٹ کرنے سے متعلق بل پر دستخط کردئیے،صدر کے دستخط سے بل قانون بن گیا ،فوری نافذ العمل ہوگا ، صدر مملکت کے دستخط کے بعد قومی اسمبلی سیکریٹریٹ نے گزٹ نوٹیفکیشن کےلیے کاپی بھجوا دی، قانون کو پر امن اجتماع و امن عامہ 2024کا نام دیا گیا ہے، قانون کے تحت بغیر اجازت اور سیکیورٹی کلیئرنس کوئی جلسہ یا اجتماع منعقد نہیں ہوسکتا اور ریڈ زونز یا ہائی سیکیورٹی زونز میں جلسے جلوس کی بالکل اجازت نہیں ہوگی۔

واضح رہے کہ جمعہ کو سینیٹ کے بعد قومی اسمبلی نے بھی اسلام آباد میں پُرامن اجتماع اور امن عامہ بل کثرتِ رائے سے منظور کیا تھا۔

پر امن اجتماع و امن عامہ بل کیا ہے؟
پر امن اجتماع و امن عامہ بل کے مطابق اسلام آباد میں بغیراجازت جلسے یا اجتماع پر تین سال کی قید ہوگی اور دوسری بار غیرقانونی جلسے یا اجتماع پر10 سال قید کی سزا ہوگی اس حوالے سے ڈپٹی کمشنر اجازت دیں گے نہیں ملتی تو چیف کمشنر سے اپیل کی جاسکے گی اور ڈسٹرکٹ مجسٹریٹ مختص علاقے کے علاوہ کہیں اور جلسے کی اجازت نہیں دے گا۔

جلسے کی مختص جگہ موضع سنگجانی یا کوئی اور حکومت کا مختص کردہ علاقہ ہوگا جبکہ اجازت کے بعد بھی ہونے والے جلسے کو پولیس افسر کسی بھی وقت منتشر کرا سکے گا،حکومت اسلام آباد کے کسی مخصوص علاقے کو ریڈ زون یا ہائی سیکیورٹی زون قرار دے سکتی ہے۔

دوسری جانب پاکستان تحریک انصاف (پی ٹی آئی )کے چیئرمین بیرسٹر گوہر خان نے جلسہ گاہ میں میڈیا سے گفتگو کرتے ہوئے کہا ہے کہ کل تاریخ کا بڑا جلسہ ہو گا، ہم قانون اور آئین کے مطابق اپنا حق استعمال کر رہے ہیں، یہ جلسہ پر امن ہوگا، نہ لانگ مارچ ہوگا اورنہ دھرنا دیں گے، ہم این او سی دینے پرانتظامیہ کا شکریہ ادا کرتے ہیں۔

انہوں نے کہا کہ ہم قانون اور آئین کے مطابق اپنا حق استعمال کر رہے ہیں، یہ جلسہ پر امن ہوگا، نہ لانگ مارچ ہوگا اورنہ دھرنا دیں گے، ہمارا جلسہ مہنگائی اور لا قانونیت کے خلاف اور ملک اور عدلیہ کی آزادی کے لئے ہوگا، جلسے سے پہلے جلسہ شروع ہو چکا ہے، تمام اتحادی ہمارے ساتھ اس جلسے میں شریک ہونگے، جلسے کی وجہ سے میں اڈیالہ جیل نہیں جا سکا لیکن سوموار کو بانی پی ٹی آئی سے ملوں گا۔

اسلام آباد: وزارت منصوبہ بندی و ترقی نے ملکی معیشت میں بہتری لانے کیلئے پالیسی بورڈ تشکیل دے دیا۔

باغی ٹی وی : وزارت منصوبہ بندی کے اعلامیے کے مطابق وفاقی وزیر منصوبہ بندی احسن اقبال نے ملک میں ترقی کے عمل کو جدت سے روشناس کرانے، معیشت میں بہتری لانے کیلئے تمام طبقہ ہائے زندگی کی شمولیت کو یقینی بنانے اور مختلف شعبوں سے ماہرین کی شمولیت کے نتیجے میں ترقیاتی عمل، مالیاتی امور میں شفافیت لانے کے حوالے سے اہم پیش رفت کے طور پر ایک اعلیٰ سطح کا پالیسی بورڈ تشکیل دیا۔

اعلامیے کے مطابق پالیسی بورڈکی سر براہی خود احسن اقبال کریں گے اور بورڈ میں مختلف شعبوں کے ماہرین اور تجربہ کار اراکین شامل ہیں جن میں سابق وفاقی وزرا، صنعت کار، تعلیمی ماہرین، اور بین الاقوامی پیشہ ور شامل ہیں،ترقیاتی پالیسیوں کی تشکیل اور عملدرآمد کے حوالے سے پالیسی بورڈ نہایت اہم کردار ادا کرے گا اور یہ بورڈ پالیسی سازی اور حکمت عملی کی ترقی پر مشورے فراہم کرے گا۔

بچپن میں زائل ہو جانے والی بینائی کو بحال کیا جاسکتا ہے،ماہرین

پالیسی بورڈ کے پہلے اجلاس کی صدارت کرتے ہوئے احسن اقبال نے پاکستان کی معیشت کو مستحکم کرنے میں اس اقدام کی اہمیت پر زور دیا اور کہا کہ نجی شعبے کی شرکت منصوبہ بندی کمیشن کی کارکردگی کو نمایاں طور پر بہتر بنائے گی اور بورڈ کے اراکین اسٹریٹجک فریم ورک تیار کرنے، مختصر، درمیانی اور طویل مدتی منصوبے تیار کرنے میں اہم کردار ادا کریں گےوفاقی وزیر نے 2035 تک پاکستان کو ایک ٹریلین ڈالر کی معیشت میں تبدیل کرنے کیلئے حکومت کے عزم کا اعادہ کیا۔

سونے کی قیمت میں ہزراوں روپے کی کمی

اعلامیے کے مطابق پالیسی بورڈ کے اراکین نے نجی اور کارپوریٹ شعبوں کے ماہرین کی وفاقی وزارت منصوبہ بندی کے پالیسی بورڈ میں شمولیت کے عمل کو سراہا اور حکومت کی جانب سے ملکی معیشت میں بہتری لانے کے اقدامات کی مکمل حمایت اور اپنے ہر ممکنہ تعاون کا اعادہ کیا۔