Baaghi TV

Author: Ayesha Rehmani

  • حیدرآباد سلنڈر دھماکے کے متاثرین کی مالی امداد منظور

    حیدرآباد سلنڈر دھماکے کے متاثرین کی مالی امداد منظور

    اسلام آباد: وزیراعظم شہباز شریف نے متحدہ قومی موومنٹ (ایم کیو ایم) کےر کن سید وسیم حسین کا مطالبہ تسلیم کرتے ہوئے حیدرآباد میں سانحہ پریٹ آباد کے متاثرین کی مالی مدد کی ہدایت کردی ہے۔

    وزیراعظم نے سلنڈر دھماکے میں جاں بحق اور زخمیوں کے اہل خانہ کے لیے معاوضے کی منظوری دے دی ہے، جس کے بعد متحدہ رکن اسمبلی سید وسیم اور چیئرمین نیشنل ڈیزاسٹر مینجمنٹ اتھارٹی کو بھی آگاہ کر دیا گیا ہے سید وسیم نے وزیر اعظم کو خط میں اس جانب توجہ دلائی تھی، جس کے بعد وزیراعظم نے خود سانحہ حیدر آباد متاثرین میں امداد تقسیم کرنے کا عندیہ دیا تھا حیدرآباد سلنڈر بلاسٹ حادثے میں اب تک 27 افراد جاں بحق ہوچکے ہیں جبکہ کئی زخمی افراد کراچی و حیدرآباد کے مختلف ہسپتالوں میں زیر علاج ہیں۔

    کراچی میں مزید بارشوں کی پیشگوئی

    دوسر ی جانب وزیر اعلیٰ سندھ مراد علی شاہ نے صوبے میں جنوری سے اب تک ڈکیتی مزاحمت میں جاں بحق افراد کے لواحقین کو فی کس 10لاکھ روپے دینے کا اعلان کیا ہے۔

    مراد علی شاہ نے ایوان میں خطاب کرتے ہوئے کہا کہ سندھ میں جنوری سے اب تک ڈکیتی کے دوران 84 افراد کی جان گئی، مجھے اور وزیروں کو لواحقین کے پاس جانا چاہیے تھا یہ ہماری غلطی ہے،جو بھی ہلاکتیں ہوئی ہیں جنوری سے اب تک ان کے لواحقین کو 10لاکھ روپے دیں گے، نگران حکومت کا یہ کام نہیں کہ منتخب حکومت کا کام روکے، وفاق نے 76 ارب روپے رکھے ہیں، کے فور کے لیے 25 سے 30 ارب روپے رکھے ہیں، 40 ارب روپے کا منصوبہ ہے اس کیلئے ہم نے 3 ارب روپے رکھے ہیں۔

    2 ماہ میں پنجاب بھر سے خواتین کی 31 ہزار سے زائد شکایات موصول

  • ڈالر کی قدر میں معمولی کمی ، اسٹاک ایکسچینج میں آج کاروبار کا مثبت دن

    ڈالر کی قدر میں معمولی کمی ، اسٹاک ایکسچینج میں آج کاروبار کا مثبت دن

    کراچی:انٹربینک میں ڈالر کی قدر میں معمولی کمی ہوئی ہے،جبکہ پاکستان اسٹاک ایکسچینج میں آج کاروبار کا مثبت دن رہا جہاں 100 انڈیکس میں اضافہ دیکھا گیا۔

    باغی ٹی وی: پاکستان اسٹاک ایکسچینج میں آج کاروباری روز کے اختتام پر 100 انڈیکس 252 پوائنٹس اضافے کے ساتھ 78 ہزار 528 پوائنٹس پر بند ہوا،کاروباری دن میں 100انڈیکس 684 پوائنٹس کے بینڈ میں رہا اور 100 انڈیکس کی بلند ترین سطح 78 ہزار 978 پوائنٹس رہی،آج بازار میں 28 کروڑ 35 لاکھ شیئرز کے سودے 11 ارب 6 کروڑ روپے میں طے ہوئے جبکہ مارکیٹ کیپٹلائزیشن 36 ارب روپے بڑھ کر 10 ہزار 333 ارب روپے ہے، اسٹاک ایکسچینج میں کے ایم آئی 30 انڈیکس 24 پوائنٹس کی کمی کے بعد ایک لاکھ 26 ہزار 307 پوائنٹس پر بند ہوا۔

    دوسری جانب انٹربینک میں ڈالر کی قدر میں معمولی کمی ہوئی ہے۔

    راجہ خرم نواز قومی اسمبلی کی قائمہ کمیٹی برائے وزارت داخلہ کے چیئرپرسن منتخب

    اسٹیٹ بینک آف پاکستان کے مطابق انٹربینک میں آج کاروبارکے اختتام پر ڈالر کا بھاؤ 2 پیسے کم ہوا ہے 2 پیسے کمی کے بعد آج ڈالر کا بھاؤ 278 روپے 38 پیسے ہے،دوسری جانب اوپن مارکیٹ میں ڈالر 9 پیسے سستا ہو کر 280 روپے 18 پیسے کا ہوگیا۔

    علاوہ ازیں پاکستان میں سونے کی فی تولہ قیمت میں معمولی اضافہ دیکھنے میں آیا ہے۔

    آل پاکستان جیمز ایسوسی ایشن کے مطابق ملک میں فی تولہ سونے کی قیمت میں 400 روپے کا اضافہ ہوا ہے جس کے بعد ملک بھر ایک تولہ سونا 2 لاکھ 41 ہزار روپےکاہوگیا ہےپاکستان میں 10 گرام سونےکا بھاؤ 343 روپے بڑھ کر 206619 روپے ہے اس کے علاوہ عالمی بازار میں سونے کا بھاؤ 9 ڈالر کم ہوکر 2284 ڈالر فی اونس ہے،پاکستان میں سونے کی عالمی قیمت 20 ڈالر پریمیئم شامل ہوکر 2304 ڈالر فی اونس ہے۔

    کراچی میں مزید بارشوں کی پیشگوئی

  • کے الیکٹرک نے 7 سال کیلئے فی یونٹ ٹیرف میں 10 روپے کا اضافہ مانگ لیا

    کے الیکٹرک نے 7 سال کیلئے فی یونٹ ٹیرف میں 10 روپے کا اضافہ مانگ لیا

    اسلام آباد: کے الیکٹرک نے 7 سال کیلئے فی یونٹ ٹیرف میں 10 روپے کا اضافہ مانگ لیا۔

    نیپرا میں کےالیکٹرک کی سات سال کیلئےملٹی ائیر ٹیرف کی درخواست پر سماعت ہوئی جسمیں کےالیکٹرک کے اعلی حکام بھی شریک ہوئے،دوران سماعت کے الیکٹرک نے سات سالہ ملٹی ائیر ٹیرف میں 10 روپے فی یونٹ اضافہ مانگ لیا، جس کے بعد کے الیکثرک بجلی کی قیمت بڑھ کر 44.7 روپے فی یونٹ ہوجائے گی، اس وقت کے الیکٹرک میں پاور ٹیرف 34 روپے مقرر ہے۔

    دوران سماعت کے الیکٹرک حکام نے کہا کہ انہوں نے ورکنگ کیپٹیل کی کاسٹ وصول کرنے کی درخواست کی ہےہم نے مختلف ایڈجسٹمنٹ میکانزم پروپوز کیے ہیں، ہمارے کیس میں مکس کی ایڈجسٹمنٹ بھی ہےٹرانسمیشن لائنز کے ساتھ دیگر فائبر کیبلز بھی چل رہی ہوتی ہیں، ایسی ایکٹویٹیز کی انکم کے الیکٹرک اور کنزیومر کو 50-50 شیئر ہونی چاہئیے، ٹیرف میں ڈالر ایکسچینج ریٹ کی سالانہ ایڈجسٹمنٹ بھی پروپوز کی ہے۔

    2 ماہ میں پنجاب بھر سے خواتین کی 31 ہزار سے زائد شکایات موصول

    کے الیکٹرک حکام نے کہا کہ ہم نے ٹرانسمیشن اور ڈسٹری بیوشن سسٹم کافی بہتر کیا ہے، اگر ضرورت پڑی تو ایڈیشنل کاسٹ کی ون ٹائم ایڈجسٹمنٹ کی بھی درخواست کریں گے، اگر کوئی ان کورڈ کاسٹ ہے تو وہ بھی وصول کرنے کی اجازت ہونی چاہئیے۔

    سماعت کے دوران کے الیکٹرک صارف عمران شاہد نے کہا کہ کیا یہ ضروری ہے کہ 7 سال کا ملٹی ایئر ٹیرف ہونا چاہئیے، ریگولیشنز کے مطابق تو یہ ٹیرف 4 سال کے لیے ہوتا ہے، سات سال میں کئی پرامسز رول اوور ہوجاتے ہیں، اگربروقت وعدے پورے نہ ہوں تو جرمانے بھی لگنے چاہئیں، ٹرانسمیشن کی بہتری کیلئے اربوں روپے کے الیکٹرک کو دئیے گئے، کے الیکٹرک کے ٹرانسمیشن لاسز اعشاریہ 83 فیصد پر آگئے تھے، اربوں روپے خرچ کیے گئے تو نقصانات 1.3 فیصد پر کیسے چلے گئے۔

    کراچی میں مزید بارشوں کی پیشگوئی

    صارف نے کہا کہ ملٹی ایئر ٹیرف میں کے الیکٹرک کو کئی سو ارب روہے دیے جاتے ہیں، کیا 2005 میں پرائیوٹائز کے وقت حکومت نے آپ کا ٹھیکہ لیا تھا، ورکنگ کیپیٹل کے الیکٹرک کیسے مانگ سکتا ہے، حکومت ورکنگ کیپیٹل صرف آئی پی پیز کو دیتی ہے، کے الیکٹرک اپنا کاروبار کر رہی ہے ورکنگ کیپیٹل اس کی اپنی ذمہ داری ہے، کراچی کے صارفین کیوں بھگتیں یہ سب چیزیں۔

    صارف نے کہا کہ کراچی کے اسپتالوں میں ایمرجنسی لگا دی گئی ہے، کراچی کے دس اسپتالوں میں 4 ہزار ہیٹ سٹروک کے مریض لائے گئے ہیں، ایدھی والے بتا رہے ہیں 427 لاشیں لائی گئی ہیں، کے الیکٹرک کو اتنی سہولیات دی گئیں اور یہ کیا کر رہے ہیں، کراچی میں 15 گھنٹوں تک لوڈشیڈنگ کی جا رہی ہے، کم از کم ان کو رات کی لوڈشیڈنگ تو ختم کرنی چاہئیے، کے الیکٹرک انسانی حقوق کی خلاف ورزیاں کر رہا ہے، کے الیکٹرک نیپرا کے رولز کو ہی نہیں مان رہا، اس نےریاست کے اندر ریاست بنا رکھی ہے،اس وقت لوڈشیڈنگ پر کراچی کے لوگ بہت غصے میں ہیں، نیپرا کو کراچی کی صورت حال کا فوری نوٹس لینا چاہئیے، اس سے پہلے کے کراچی میں صورت حال انتہائی خراب ہوجائے۔

    راجہ خرم نواز قومی اسمبلی کی قائمہ کمیٹی برائے وزارت داخلہ کے چیئرپرسن منتخب

  • کراچی میں مزید بارشوں کی پیشگوئی

    کراچی میں مزید بارشوں کی پیشگوئی

    کراچی: محکمہ موسمیات کے ماہرین نے پیشگوئی کی ہےکہ آئندہ دو سے تین روز وقفے وقفے سے ہلکی تیز بارش ہوگی-

    باغی ٹی وی: چیف میٹرولوجسٹ سردار سرفراز نے کہا ہےکہ کراچی میں کل اور پرسوں بھی موسم گرم رہے گا، درجہ حرارت 37 سے 38 ڈگری تک ہوگا لیکن اس کی شدت کم ہوگی، جب تک کم دباؤ ختم نہیں ہوگا تب تک گرمی ہوگی تاہم امید ہے کل شام سے سمندری ہوائیں بحال ہوجائیں گی،شہر میں 2 سے 3 دن وقفے وقفے سے ہلکی اور تیز بارش ہوگی، ہوا کے کم دباؤ کی وجہ سے بارشوں کا سسٹم ہے،کراچی میں سینٹرل، گلشن حدید، سرجانی، ناظم آباد اور گڈاپ کے علاقوں میں زیادہ بارش ہوگی جب کہ عمر کوٹ، سانگھڑ، بدین، تھرپارکر میں دوپہر سے بہت تیز بارش ہورہی ہے اور اب بادل نوابشاہ کی طرف بڑھ رہے ہیں۔

  • منکی پاکس کی سب سے خطرناک قسم دریافت، سائنسدانوں کا انتباہ

    منکی پاکس کی سب سے خطرناک قسم دریافت، سائنسدانوں کا انتباہ

    روانڈا : سائنسدانوں کی جانب سے منکی پاکس وائرس کی ایک نئی خطرناک قسم کے پھیلاؤ کا جائزہ لیا جا رہا ہے-

    افریقی ملک روانڈا کے محققین نے انتباہ کیا ہے کہ وائرس کی یہ نئی قسم عالمی سطح پر پھیل سکتی ہے جس کی علامات کی شدت ماضی کی اقسام کے مقابلے میں زیادہ سنگین ہے اور اموات کی شرح زیادہ ہوسکتی ہے کلاڈ 1 بی نامی یہ نئی قسم سب سے پہلے ستمبر 20 23 میں کانگو کے ایک قصبے Kamituga میں دیکھنے میں آئی تھی، اب تک کانگو کے صوبے South Kivu میں اس کے ایک ہزار کے قریب کیسز کی تصدیق ہوچکی ہے۔

    24 جون کو روانڈا کی سرحد سے ملحق شہر Goma میں اس کے اولین کیسز کی تصدیق ہوئی، ابھی وائرس کی نئی قسم کے خطرناک ہونے کے حوالے سے تخمینے مستند نہیں اور صرف اسپتال آنے والے مریضوں پر تحقیق کی گئی ہے،مگر ابتدائی تخمینوں سے عندیہ ملتا ہے کہ اس سے متاثر بالغ افراد میں شرح اموات 5 فیصد جبکہ بچوں میں 10 فیصد تک ہوسکتی ہے۔

    روانڈا یونیورسٹی کے محقق Jean Claude Udahemuka نے کہا کہ بلاشبہ یہ ایم پاکس کی اب تک دریافت ہونے والی سب سے خطرناک قسم ہے اور ہر ایک کو اس کے لیے تیار رہنا چاہیے،ابھی تک کانگو سے باہر اس نئی قسم کے کسی کیس کی تصدیق نہیں ہوئی۔

    جنوبی افریقا میں ایم پاکس سے اب تک 3 اموات ہوچکی ہیں اور ابھی یہ واضح نہیں کہ وہاں وائرس کی کونسی قسم اموات کی وجہ بنی ہے یا نہیں، اس حوالے سے جینیاتی سیکونس تیار کیا جائے گا،ایم پاکس کی ابتدائی علامات میں بخار، سردرد، سوجن، کمر اورپٹھوں میں درد شامل ہیں جب کہ منکی پاکس قریبی رابطے کے ذریعے ایک انسان سے دوسرے میں منتقل ہوسکتا ہے۔

  • پیٹرول کی فی لیٹر قیمت میں اضافے کا امکان

    پیٹرول کی فی لیٹر قیمت میں اضافے کا امکان

    اسلام آباد: حکومت کی جانب سے پیٹرول کی فی لیٹر قیمت میں 7 روپے کی اضافہ کیا جا سکتا ہے۔

    میڈیا رپورٹس کے مطابق پیٹرول کی قیمت میں حکومت کی جانب سے اضافے کا امکان ہے اگر پیٹرول کی فی لیٹر قیمت میں 7 روپے اضافے ہوا تو قیمت بڑھ کر 265.16 روپے ہوجائے گی،ہائی اسپیڈ ڈیزل کی فی لیٹر قیمت میں 10 روپے 50 پیسے اضافے کا امکان ہے جس کے بعد اس کی نئی قیمت 277.89 ہوجائے گی، پیٹرول کی قیمتوں میں اضافے کی ممکنہ وجہ تیل کی بین الاقوامی قیمتوں میں اضافہ ہوگا۔

    وزیر خزانہ محمد اورنگزیب نے مالی سال 25-2024 کے بجٹ میں یہ نئی ایڈجسٹمنٹ تجویز کی تھی اس سے قبل یہ خبریں بھی آئی تھیں کہ حکومت پٹرولیم مصنوعات پر 18 فیصد جی ایس ٹی عائد کر سکتی ہے جو کہ فی الحال صفر فیصد ہے۔

    توہین الیکشن کمیشن کیس:ہمارے ساتھ جو ہوا ہے اب اس کیس کی گنجائش نہیں …

    روسی آرمی چیف، سابق وزیر دفاع کی گرفتاری کے عالمی وارنٹ جاری

    بنوں : صوبائی وزیر کے اسکواڈ کی گاڑی پر بم حملہ، 3 راہ گیر زخمی

  • قتل کے مقدمے میں مطلوب اشتہاری ملزم کی بیرون ملک فرار کی کوشش ناکام

    قتل کے مقدمے میں مطلوب اشتہاری ملزم کی بیرون ملک فرار کی کوشش ناکام

    اسلام آباد: بیرون ملک ملازمت کا جھانسہ دے کر شہری سے لاکھوں روپے بٹورنے والی ملزمہ گرفتار

    ترجمان ایف آئی اے کے مطابق ایف آئی اے انسدادِ انسانی سمگلنگ سرکل راولپنڈی نے بڑی کاروائی میں انسانی سمگلنگ اور ویزہ فراڈ میں ملوث ملزمہ کو گرفتار کر لیا گیا،ملزمہ کو چھاپہ مار کاروائی میں راولپنڈی سے گرفتار کیا گیا، گرفتار ملزمہ انسانی سمگلنگ اور ویزا فراڈ میں ملوث ہے، ملزمہ نے معصوم شہری کو دبئی ملازمت کا جھانسہ دے کر لاکھوں روپے بٹورے، ملزمہ پیسے وصول کرنے کے بعد روپوش ہو گی تھی، ملزمہ کے خلاف متعدد مقدمات اور انکوائریاں درج ہیں، ملزمہ کو گرفتار کر کے تفتیش کا آغاز کر دیا گیا ہے –

    قتل کے مقدمے میں مطلوب اشتہاری ملزم کی بیرون ملک فرار کی کوشش ناکام

    کروڑوں روپے کی کرپشن میں ملوث پیسکو افسر گرفتار

    ایف آئی اے انٹرپول کی بڑی کاروائی ،سنگین جرائم میں ملوث اشتہاری ملزم کی بیرون ملک فرار کی کوشش ناکام بنادی، ترجمان ایف آئی اے نے کہا کہ ملزم کو بلیو نوٹس کی بنیاد پر گرفتار کر لیا گیا، ملزم نے یو اے ای فرار ہونے کی کوشش کی، ملزم شمس عارف کو لاہور ائرپورٹ پر گرفتار کر لیا گیا،ملزم پنجاب پولیس کو مطلوب ہے، ملزم کے خلاف تھانہ کوٹلی لوہاراں سیالکوٹ میں قتل کی دفعات کے تحت مقدمہ درج تھا، ملزم کے خلاف سال 2023 میں مقدمہ درج ہوا تھ، ایف آئی اے این سی بی انٹرپول نے ملزم کی گرفتاری کے لئے بلیو نوٹس جاری کیا تھا، ایف آئی اے امیگریشن لاہور نے ملزم کو بعد ازاں پنجاب پولیس کے حوالے کر دیا گیا، ملزم کی حوالگی انٹرپول اسلام آباد کی ایف آئی اے امیگریشن لاہور کے ساتھ قریبی رابطہ کاری کی وجہ سے ممکن ہوئی-

    غیر قانونی کرنسی ایکسچینج میں ملوث چار ملزمان کو گرفتار کرکے لاکھوں روپے مالیت کی ملکی و غیر ملکی کرنسی برآمد کرلی گئی۔

    حنا ربانی کھر قومی اسمبلی کی قائمہ کمیٹی برائے خارجہ کی چیئرپرسن منتخب

    ترجمان ایف آئی اے کے مطابق وزیر داخلہ محسن رضا نقوی کی ہدایات پر حوالہ ہنڈی اور غیر قانونی کرنسی ایکسچینج میں ملوث عناصر کے خلاف کریک ڈاؤن جاری ہے، ایف آئی اے کمرشل بینکنگ سرکل پشاور نے بڑی کارروائیاں کرتے ہوئے حوالہ و ہنڈی میں ملوث چار ملزمان کو گرفتار کرلیا گرفتار ملزمان میں عباد، شفیع اللہ، کریم اور فرہاد شامل ہیں جنہیں طورخم سے گرفتار کیا گیا، چھاپے کے دوران ملزمان سے لاکھوں روپے مالیت کی ملکی و غیر ملکی کرنسی برآمد کرلی گئی۔

    کروڑوں روپے کی کرپشن میں ملوث پیسکو افسر گرفتار

    ترجمان کے مطابق ملزمان بغیر لائسنس کرنسی ایکسچینج کا کاروبار کر رہے تھے، ملزمان کے قبضے سے مجموعی طور پر 382600 افغانی اور 11 لاکھ 65 ہزار پاکستانی روپے برآمد ہوئے، ملزمان کے قبضے سے غیر قانونی کرنسی ایکسچینج سے متعلق شواہد بھی برآمد ہوئے، ملزمان برآمد ہونے والی کرنسی کے حوالے سے حکام کو مطمئن نہ کر سکے، ملزمان کو گرفتار کر کے تفتیش کا آغاز کر دیا گیا جب کہ دیگر ملزمان کی گرفتاری کے لئے چھاپے مارے جا رہے ہیں۔

  • قومی اسمبلی اجلاس میں وزیر اعظم کا اپوزیشن لیڈر سے مصافحہ

    قومی اسمبلی اجلاس میں وزیر اعظم کا اپوزیشن لیڈر سے مصافحہ

    اسلام آباد: قومی اسمبلی اجلاس میں وزیر اعظم شہباز شریف نے اپوزیشن لیڈر سے مصافحہ کیا-

    وزیراعظم شہباز شریف نے بدھ کو قومی اسمبلی کے اجلاس کے دوران پاکستان تحریک انصاف (پی ٹی آئی) کی حمایت یافتہ سنی اتحاد کونسل (ایس آئی سی) کے اراکین سے ملاقات کرکے سیاسی ہم آہنگی کا آغاز کیا۔

    وزیر اعظم نے پی ٹی آئی کے حمایت یافتہ ایس آئی سی ممبران سے ملاقات کے لیے ان کی نشستوں پر رابطہ کیا،وزیراعظم شہباز شریف نے پی ٹی آئی کے حمایت یافتہ اپوزیشن لیڈر عمر ایوب خان اور علی محمد خان، اسد قیصر اور زین قریشی سمیت اپوزیشن جماعت کے دیگر اراکین اسمبلی سے بھی مصافحہ کیا،مزید برآں، وزیراعظم شہباز شریف نے مولانا فضل الرحمان کو اسمبلی میں اپنی نشست پر گلے لگا کر سیاسی کشیدگی میں کمی کا اشارہ دیا۔

    بجلی کا شارٹ فال 6 ہزار 247 میگا واٹ تک پہنچ گیا

    علاوہ ازیں وزیراعظم شہباز شریف نے کہا ہے کہ میں نے پہلی تقریر میں میثاق معیشت کی پیش کش کی تھی، لیکن میری تجویز کو حقارت سے ٹھکرایا گیا،عمران خان کو جیل میں مشکلات ہیں تو آئیں بیٹھ کر بات کریں۔

    وزیراعظم شہباز شریف نے قومی اسمبلی میں اظہار خیال کرتے ہوئے کہا کہ میں نے پہلی تقریر میں میثاق معیشت کی پیش کش کی تھی، لیکن میری تجویز کو حقارت سے ٹھکرایا گیا، ایوان میں ایسی نعرے بازی کی گئی جو سیاہ باب بن گئی، بجٹ کے حوالے سے بھی دوبارہ بیٹھ کر بات کرنے کی پیش کش کی، آج تلخیاں جہاں پر پہنچی ہیں اسکا ذمہ دار کون ہے، ہم اس نہج پر پہنچ چکے کہ ایک دوسرے سے ہاتھ ملانا گوارہ نہیں۔

    حنا ربانی کھر قومی اسمبلی کی قائمہ کمیٹی برائے خارجہ کی چیئرپرسن منتخب

    شہباز شریف نے کہا کہ میں جیل میں تھا جب والدہ کا انتقال ہوا تو سپریٹینڈنٹ جیل سے چھٹی مانگی لیکن انہوں نے انکار کردیا، میں ذاتی تکالیف کا رونا نہیں رونا چاہتا، میری کمر میں تکلیف تھی لیکن خطرناک قیدیوں والی گاڑی میں بٹھایا گیا تاکہ مجھے تکلیف ہو، میں نے کینسر سے متاثر ہونے کے باوجود کبھی جیل میں اس کا رونا نہیں رویا۔

    وزیراعظم شہباز شریف کا کہنا تھا کہ اگر بانی پی ٹی آئی عمران خانکو مشکلات و مصائب کا سامنا ہے تو آئیں بیٹھ کر بات کریں اور معاملات کو طے کریں، انڈر ٹرائل قیدی اور سزا یافتہ قیدی کے حقوق میں فرق ہوتا ہے، خواجہ آصف، رانا ثنا ہم انڈر ٹرائل تھے لیکن ہمیں زمینوں پر لٹایا گیا دوائیاں بند کی گئیں، ہم نہیں چاہتے ان کے ساتھ اسی طرح کی زیادتی ہو جو ہمارے ساتھ ہوئی تھی، آئیں بیٹھیں ملک کو آگے لے کر جانے کے لیے بات کریں اس کے سوا کوئی چارہ کار نہیں۔

    کروڑوں روپے کی کرپشن میں ملوث پیسکو افسر گرفتار

  • حکومت کے پاس دہشتگردی سے نمٹنے کے لیے کوئی واضح حکمت عملی موجود نہیں، عمران خان

    حکومت کے پاس دہشتگردی سے نمٹنے کے لیے کوئی واضح حکمت عملی موجود نہیں، عمران خان

    راولپنڈی: پاکستان تحریک انصاف کے بانی چیئرمین عمران خان نے کہا ہے کہ پاکستان تحریک انصاف کی حکومت کے دوران دہشت گردی میں بڑی کمی آئی، ہم نے خیبرپختونخوا میں پولیس اور سی ٹی ڈی کے اداروں کو مضبوط کیا –

    سماجی رابطے کی ویب سائٹ ایکس پر سابق وزیراعظم عمران خان نے اڈیالہ جیل راولپنڈی سے خصوصی پیغام میں کہا کہ پاکستان سے دہشت گردی کا خاتمہ اور امن و امان کا قیام ہمیشہ سے تحریک انصاف کی پالیسی رہی ہے، پاکستان تحریک انصاف کی حکومت کے دوران دہشت گردی میں بڑی کمی آئی، ہم نے خیبرپختونخوا میں پولیس اور سی ٹی ڈی کے اداروں کو مضبوط کیا جس کے نتیجے میں خیبر پختونخوا اور اس کے بعد پورے ملک میں دہشت گردی میں واضح کمی آئی، ہم نے خطے میں امن قائم کرنے کی خاطر افغانستان میں پاکستان مخالف اشرف غنی حکومت کے ساتھ بات چیت کی، ان کو پاکستان آنے کی دعوت دی اور قیام امن کے لیے خود بھی افغانستان کا دورہ کیا۔

    بنوں : صوبائی وزیر کے اسکواڈ کی گاڑی پر بم حملہ، 3 راہ گیر زخمی

    عمران خان نے کہا کہ امریکا کے انخلا کے بعد افغانستان میں سول وار کا شدید خدشہ تھا، جسے نہایت حکمت سے ہینڈل کیا گیا، افغانستان میں نئی حکومت قائم ہونے کے بعد اس حکومت کے ساتھ تعلقات قائم کرنے میں اس وقت کے ڈی جی آئی ایس آئی جنرل فیض حمیدکا کلیدی کردار تھا، خطے کے حالات کو مدنظر رکھتے ہوئے میری حکومت کی جانب سے فیصلہ کیا گیا کہ ڈی جی آئی ایس آئی کو تبدیل نہ کیا جائے اور یہی ہدایات جنرل باجوہ کو دی گئیں جس پر وزیراعظم کو بتایا گیا کہ انہیں تبدیل نہیں کیا جائے گا مگر اس کے باوجود انہیں تبدیل کر دیا گیا جس کی وجوہات بعدمیں سامنے آئیں جو کہ واضح طور پر جنر ل باجوہ اور نواز شریف کے مابین جنرل باجوہ کی مدتِ ملازمت میں توسیع کو لے کر کی جانے والی ڈیل تھی۔

    توہین الیکشن کمیشن کیس:ہمارے ساتھ جو ہوا ہے اب اس کیس کی گنجائش نہیں …

    بانی پی ٹی آئی نے الزام عائد کیا کہ بعد کے واقعات نے یہ ثابت کیا کہ جنرل باجوہ نے محض اپنے ذاتی فائدے کے لیے ملک کو بے حد نقصان پہنچایا، آئی ایس آئی جس نے ملک کو دہشت گردی سے بچانا تھا، اسے دہشت گردی کے انسداد سے ہٹا کر تحریک انصاف کو کچلنے پرلگا دیا گیا اسی طرح پی ڈی ایم حکومت کے وزیر خارجہ نے پوری دنیا کا چکر لگایا لیکن افغانستان نہیں گیا کیونکہ ان لوگوں کو پاکستان کے امن ، ہمارے لوگوں کے جان و مال اور ہمارے سیکیورٹی اداروں کی قطعاً کوئی پرواہ نہ تھی، آج بھی ان کے پاس دہشت گردی کا مقابلہ کرنے کے لیے کوئی واضح حکمت عملی موجود نہیں، جس کی وجہ سے ایک مرتبہ پھر ملک و قوم نقصان اٹھا رہے ہیں۔

    حنا ربانی کھر قومی اسمبلی کی قائمہ کمیٹی برائے خارجہ کی چیئرپرسن منتخب

    عمران خان کا کہنا تھا کہ پاکستان تحریک انصاف نے اپنے دور میں ریاست کے اداروں کو سیاست سے پاک کر کے قومی مفادات کے تحفظ کو اولین ترجیح بنایا تو ملکی اور غیر ملکی ناقدین نے ہائبرڈ سسٹم کی اصطلاح ایجاد کی اور ہمیں ہدفِ تنقید بنایا، آج صورتحال یہ ہے کہ ضمیر اور قلم فروشوں کے ایک نہایت چھوٹے سے گروہ کے علاوہ ماضی میں ہمیں ہائبرڈ سسٹم کا طعنہ دینے والے ہمارے ناقدین بھی کھل کر ملک پر بدترین شخصی آمریت کے غلبے کی نشاندہی کر رہے ہیں۔

    انہوں نے کہا کہ پاکستان کا مستقبل عوام کے مینڈیٹ کے احترام ، قانون کی حکمرانی اور سیاست کے استحکام سے وابستہ ہے، اپنے لوگوں کے خلاف ننگی فسطائیت یا لشکر کشی کے ذریعے دہشت گردی کا تدارک ممکن ہے نہ ہی پاکستان کو استحکام نصیب ہونے کے امکانات ہیں قوم کی مرضی کے برعکس فیصلے کرنے اور طاقت اور بندوق کے زور پر انہیں عوام سے منوانے کی کوششوں نے ہمیشہ منفی نتائج پیدا کیے ہیں۔

    بجلی کا شارٹ فال 6 ہزار 247 میگا واٹ تک پہنچ گیا

  • میری پریس کانفرنس کا مقصد عدلیہ کی توہین نہیں تھا،فیصل واوڈا نےسپریم کورٹ سے معافی مانگ لی

    میری پریس کانفرنس کا مقصد عدلیہ کی توہین نہیں تھا،فیصل واوڈا نےسپریم کورٹ سے معافی مانگ لی

    اسلام آباد: سابق وفاقی وزیر سینیٹر فیصل واوڈا نے توہین عدالت کیس میں سپریم کورٹ سے غیر مشروط معافی مانگ لی۔

    سیینٹر فیصل واوڈا نے عدالت میں شوکاز کا نیا جواب جمع کرایا جس میں غیر مشروط معافی مانگتے ہوئے کہا گیا ہےکہ خود کو سپریم کورٹ کے رحم و کرم پر چھوڑتا ہوں، میرے خلاف توہین عدالت کی کارروائی ختم کی جائے، میری پریس کانفرنس سے عدلیہ کا وقار مجروح ہوا تو غیر مشروط معافی مانگتا ہوں، میری پریس کانفرنس کا مقصد عدلیہ کی توہین نہیں تھا۔

    فیصل واوڈا نے مؤقف اپنایا کہ عدلیہ کا مکمل احترام کرتا ہوں، 5 جون کی عدالتی کارروائی کے بعد مذہبی اسکالرز سے ملاقات کی، مذہبی اسکالرز سے پوچھا کہ ایک سینیٹر کا کردار کیا ہونا چاہیے، مجھے رائے دی گئی کہ انصاف کے ساتھ کھڑے رہیں چاہے یہ بات آپ کے اقرباء کیخلاف ہی کیوں نہ ہو۔

    توہین الیکشن کمیشن کیس:ہمارے ساتھ جو ہوا ہے اب اس کیس کی گنجائش نہیں …

    فیصل وواڈا کے جواب میں قرآن و احادیث کے حوالہ جات بھی دیے گئے اور کہا گیا کہ اسلامی تعلیمات کی روشنی میں صدق دل سے غیرمشروط معافی مانگتا ہوں، قرآن پاک کی تلاوت کے بعد انتہائی متاثر ہوا ہوں، چیف جسٹس قاضی فائز عیسیٰ نے بھی تجویز دی کہ معاملہ انا کا نہیں، احساس ہوگیا ہے کہ معاشرے میں عدلیہ کی اچھی ساکھ برقرار رکھنا ضروری ہے لہٰذا سپریم کورٹ سے استدعا ہے کہ توہین عدالت میں جاری کردہ شوکاز نوٹس واپس لیا جائے۔

    بنوں : صوبائی وزیر کے اسکواڈ کی گاڑی پر بم حملہ، 3 راہ گیر زخمی