اسلام آبا: وزیراعظم کے مشیر برائے سیاسی امور رانا ثناء اللہ نے کہا ہے کہ پی ٹی آئی پر پابندی کا معاملہ فی الحال کابینہ میں زیر غورہے۔

باغی ٹی وی: رانا ثناء اللہ نے کہا کہ پارلیمانی جمہوری سسٹم میں مذاکرات سےمسائل حل ہوتے ہیں، جب سے بانی پی ٹی آئی کو مقبولیت ملی تب سے وہ مذاکرات سے انکاری ہیں،بانی پی ٹی آئی کا مؤقف فتنہ اورفساد ہے،ایجنڈا کوئی اورہے، شاید بانی پی ٹی آئی یہ بات سمجھنے سے عاری ہیں، جس طرح کا رویہ ہے ان کے ساتھ اسی لہجےاورپیرائے میں بات کرنی چاہیے، ٹویٹ بانی پی ٹی آئی کی مرضی سے ہوا، یہ وہی ذہن رکھتےہیں، بانی پی ٹی آئی کےاسی طرح کے گھٹیا خیالات ہیں، بانی پی ٹی آئی کی سوچ اورفطرت کےمطابق ہینڈل کیاجائے، راستہ ایسے ہی نکل سکتا ہے۔

وزیر داخلہ محسن نقوی کے لندن میں3 اہم اداروں کے تفصیلی دورے

دوسری جانب اسلام آباد میں پریس کانفرنس کرتے ہوئے وفاقی وزیر پیٹرولیم مصدق ملک نے ایک بار پھر پی ٹی آئی کو مذاکرات کی پیش کش کی اور کہا کہ مسائل کا حل مذاکرات سے ہی ممکن ہے، پی ٹی آئی نے سیاست کو بدنام کردیا بغاوت کو چھوڑیں، تناوٴ تو کم کریں، ٹوئٹ تو ڈیلیٹ کریں، ہم کہتے ہیں بات کریں، وہ کہتے ہیں تم سے بات نہیں کریں گے۔

الیکشن ٹربیونل میں ریٹائرڈ ججوں کی تقرری کیخلاف درخواست سماعت کیلئے مقرر

مصدق ملک نے کہا کہ ہم سے بات نہیں کریں گے تو کیا دیواروں سے بات کریں گے، آپ اسٹیبلشمنٹ سے بات کرنا چاہتے ہیں؟ یا امریکا سے کرنا چاہتے ہیں؟ ہم کسی کو غدار نہیں کہہ رہے، ہم ہر سیاسی جماعت سے بات کرنا چاہتے ہیں، سنی اتحاد کونسل کے دوستوں کو کبھی دشمن نہیں کہا، پاکستان میں استحکام کیلئے سیاست بہت اہم ہے، مسائل کا حل ڈائیلاگ ہے، مگر دوسری طرف سے قبر تک پیچھا کرنے کی بات کی جاتی ہے رؤف حسن پر حملہ غیر مناسب ہے، واقعے کی تحقیق ہونی چاہیے، حملہ آوروں کو کیفر کردار تک پہنچانا چاہیے۔

غیر مناسب رویے پر توہین عدالت کی سزا ،وفاقی سیکرٹری غیر مشروط …

اسلام آباد: بانی پی ٹی آئی عمران خان کے ’ایکس‘ اکاؤنٹ سے شیخ مجیب الرحمن سے متعلق ’ویڈیو اور ٹوئٹ‘ معاملے میںایف آئی اے نے مزید تین پی ٹی آئی رہنماؤں بیرسٹر گوہر، سیکرٹری جنرل عمر ایوب اور مرکزی ترجمان رؤف حسن کو نوٹس جاری کئے ہیں-

باغی ٹی وی : چند روز قبل اڈیالہ جیل میں پاکستان تحریک انصاف کے بانی عمران خان کے سماجی رابطوں کی ویب سائٹ ایکس ے آفیشل اکاؤنٹ سے سقوط ڈھاکا سے متعلق ایک ویڈیو شیئر کی گئی تھی، اس ویڈیو کے ساتھ کیپشن میں لکھا گیا تھا کہ ’ہر پاکستانی کو حمود الرحمان کمیشن رپورٹ کا مطالعہ کرنا اور یہ جاننا چاہئیے کہ اصل غدار تھا کون جنرل یحیٰ خان یا شیخ مجیب الرحمان‘۔

اس ویڈیو اور ٹوئٹ کے بعد وفاقی تحقیقاتی ادارے (ایف آئی اے) کے سائبر کرائم ونگ نے عمران خان کے خلاف انکوائری کا فیصلہ کیا تھا اور اس ضمن میں عمران خان کو مؤقف لینے کی کوشش کی تھی لیکن بانی پی ٹی آئی نے ایف آئی اے ٹیم سے ملنے سے انکار کرتے ہوئے کہا تھا کہ وہ صرف وکلا کی موجودگی میں اپنا بیان ریکارڈ کرائیں گے۔

وزیر داخلہ محسن نقوی کے لندن میں3 اہم اداروں کے تفصیلی دورے

اب ایف آئی اے نے تین پی ٹی آئی رہنما کو 5 جون کو 11 بجے انکوائری کے لیے طلب کیا ہےایف آئی اے متن کے مطابق عمر ایوب، بیرسٹر گوہر خان اور رؤف حسن کو شامل تفتیش کیا گیا ہے۔

ایف آئی اے نے نوٹس بانی پی ٹی آئی کے آفیشل ایکس اکاؤنٹ کے غیر قانونی استعمال پر کی جانے والی انکوائری پر جاری کیے جس کے مطابق بانی پی ٹی آئی کے آفیشل اکاؤنٹ سے ریاست اور ریاستی اداروں کے خلاف عوام کو اشتعال دلانے کی کوشش کی گئی، جس سے عوام میں خوف اور بے چینی پھیلنے کا خدشہ ہے، اِس اشتعال انگیزی سے عوام کو ریاست اَور اداروں کے خلاف قانون ہاتھ میں لینے پر بھی اکسایا جا سکتا ہے۔

آئی ایم ایف کا ایک بار پھر سرکاری افسران کے اثاثے پبلک کرنے کا …

لندن: وفاقی وزیر داخلہ محسن نقوی کے لندن میں3 اہم اداروں کے تفصیلی دورے۔ اعلی حکام سے ملاقاتیں۔ قریبی تعاون پر اتفاق

باغی ٹی وی : وفاقی وزیر داخلہ محسن نقوی نے دورہ برطانیہ کے دوران لندن میں3 اہم اداروں کے تفصیلی دورے کیےاور اعلی حکام سے ملاقاتیں کیں، وفاقی وزیرداخلہ محسن نقوی نے نیشنل کرائم ایجنسی ۔فارن کامن ویلتھ اینڈ ڈویلپمنٹ آفس اور کابینہ آفس نیشنل سیچویشن سنٹر کا دورہ کیا۔

وفاقی وزیرداخلہ نے نیشنل کرائم ایجنسی کے ڈائریکٹر جنرل جیمز بیبیج اور فارن کامن ویلتھ اینڈ ڈویلپمنٹ آفس کے ڈائریکٹر جنرل نیشنل سکیورٹی جوناتھن ایلن سے ملاقات کی وفاقی وزیرداخلہ محسن نقوی کو برطانوی اداروں کے افعال کار کے بارے میں بریفنگ دی گئیں اور قریبی تعاون پر اتفاق کیا گیا۔

ہم جنس پرستوں سے متعلق ماہرین کا نیا انکشاف

انسداد دہشت گردی ۔منظم جرائم کی روک تھام اور سائبر سیکیورٹی کے تناظر میں معاونت پر تبادلہ خیال کیا گیا ، اس موقع پر اس امر پر اتفاق کیا گیا کہ انسداد منشیات۔ سائبر کرائم۔ غیر قانونی امیگریشن کی روک تھام کیلئے اشتراک کار کو بڑھایا جائے گا،پاکستانی افسران کو نیشنل کرائم ایجنسی سے سائبر کرائمز اور انسداد منشیات کے حوالے سے ٹریننگ دی جائے گی ۔

وفاقی وزیرداخلہ محسن نقوی نے کہا کہ سائبر کرائمز کے چیلنج سے نبردآزما ہونے کے لئے برطانیہ کے تعاون کا خیرمقدم کریں گے۔ سائبر کرائمز کو روکنے اور سائبر سیکیورٹی کے سلسلے میں برطانیہ کا تعاون بہت سود مند رہے گا، انسداد منشیات کے سلسلے میں دونوں ملکوں کو مزید کوآرڈینیشن کے تحت کام کرنے کی ضرورت ہے۔

پاکستان میں رواں سال کا چوتھا پولیو کیس رپورٹ

انہوں نے کہا کہ پاکستانی قوم اور افواج نے دہشتگردی کے خلاف جنگ میں قربانیوں کی تاریخ رقم کی ہے، دہشتگردی کے چیلنج سے نمٹنے کے لیے مشترکہ لائحہ عمل اپنانے کی ضرورت ہے ، انسداد دہشت گردی کے حوالے سے جدید ٹیکنالوجی اور انٹیلیجنس شیرنگ میں برطانیہ کی معاونت کا خیرمقدم کریں گے وفاقی وزیرداخلہ محسن نقوی کو کابینہ آفس نیشنل سیچویشن سنٹر کے کام سے آگاہ بھی کیا گیا ۔

کابینہ آفس نیشنل سیچویشن سنٹر کے اعلی حکام نے وفاقی وزیرداخلہ محسن نقوی کا خیر مقدم کیا۔وفاقی وزیرداخلہ محسن نقوی نے نیشنل سیچویشن سنٹر کے افعال کار میں گہری دلچسپی کا اظہار کیا،وزیر داخلہ نے کہا برطانیہ کے اسٹیٹ آف دی آرٹ نیشنل سیچویشن سنٹر دیکھ کر خوشی ہوئی ہے۔ کرائسز میں اس طرح کے سنٹر کی اہمیت سے انکار نہیں کیا جاسکتا۔ پاکستان میں بھی اس طرز پر نیشنل سیچویشن سنٹر کے قیام کا جائزہ لیا جائے گا اور اس ضمن میں برطانیہ کے تجربے اور مہارت سے استفادہ بھی کیا جائے گا ۔

بجلی کی قیمت میں 3روپے 25 پیسے کا اضافہ معاشی دہشتگردی ہے۔جماعت اسلامی

انہوں نے کہا کہ یہ باہمی اشتراک کار صرف ہمارے آج کو ہی نہیں بلکہ مستقبل کو بھی محفوظ بنائے گا، بریفنگ کے دوران بتایا گیا کہ کسی بھی کرائسز میں یہ سنٹر مکمل طور پر فعال کردار ادا کرتا ہے اور صورتحال کی مانیٹرنگ کی جاتی ہے، اس موقع پر برطانیہ میں پاکستان کے سفیر محمد فیصل اور پاکستان میں برطانیہ کی ہائی کمشنر جین میریٹ اور برطانوی اداروں کے اعلی حکام بھی موجود تھے۔