Baaghi TV

Author: Ayesha Rehmani

  • شاعرہ اور افسانہ نگار نیر رانی شفق

    شاعرہ اور افسانہ نگار نیر رانی شفق

    چاٹ گئی ہیں عمر کا سونا
    آنکھ میں ٹھہری گہری راتیں

    نیر رانی شفق

    06 مارچ 1967ء کو ڈیرہ غازی خان، پنجاب میں پیدا ہونے والی نیر رانی شفقؔ شاعرہ اور افسانہ نگار ہیں۔ آباء و اجداد کا تعلق شہر انبالہ ہندوستان سے ہے، نیر رانی شفق نے اردو میں ایم اور بی ایڈ کی ڈگری حاصل کی ہے۔ درس و تدریس سے منسلک ہیں۔ کچھ عرصے سے روزنامہ جنگ سے وابستہ رہیں، بچوں کے لیے لکھی گئی کہانیوں کی کتابیں:۔ ” وطن کی خوشبو“ اور””ضیائے وطن“ پر صدارتی ایوارڈز سے نوازا گیا ہے۔ ان کے طویل افسانوں (کہانیوں اور ایک ناولٹ ) پر مشتمل کتاب ”شفق رنگ تقاریر“ پر ہند وپاک میں کئی ایوارڈ ملے ہیں۔ شعری مجموعہ ”شنگرفی شام“ کے نام سے شائع ہوا ہے۔

    غزل
    ۔۔۔۔۔۔
    مری خستگی کو جمال دے
    مری بندگی کو کمال دے
    مرے دل کو نور میں ڈھال کر
    مرے فکر و فن کو اجال دے
    تو عروج دے مرے صبر کو
    مری خواہشوں کو زوال دے
    جو نکھار دے مری روح کو
    مرے دل کو ایسا ملال دے
    کوئی چاند بخش کے رات کو
    مری ہر سیاہی کو ٹال دے
    مری چشم گریہ کو حسن بخش
    دل ریزہ ریزہ سنبھال دے
    مجھے دائمی ہو شفقؔ عطا
    یہ مرض بدن سے نکال دے

    غزل
    ۔۔۔۔۔۔
    ہجر کی اندھی بہری راتیں
    تن من پیاسا بھیگی راتیں
    چاٹ گئی ہیں عمر کا سونا
    آنکھ میں ٹھہری گہری راتیں
    مجھ سے خوب لپٹ کر روئیں
    سونی شام اندھیری راتیں
    صندل باتیں خوشبو لہجہ
    کہاں گئیں وہ مہکی راتیں
    ہم تم جھیل کنارے جاگے
    گاؤں کی شب اور شہری راتیں
    تارا تارا بکھر گئی تھیں
    وصل میں ڈوبی چاندنی راتیں
    بن کے پاگل پروا ڈھونڈوں
    لہریں ساحل بھیگی راتیں
    جنوری فروری اور دسمبر
    ٹھنڈ میں جاگی ٹھٹھری راتیں
    شفقؔ کے سوچ نگر میں ٹھہریں
    دھند میں لپٹی کیسی راتیں

    غزل
    ۔۔۔۔۔۔
    پیماں وفا کے باندھ کے جانے کدھر گیا
    صحرائے ہجر میرے لیے بن بھنور گیا
    میری نگاہ شرمگیں جھکتی چلی گئی
    اس کا بھی شوق مہر و وفا پر اثر گیا
    اک شوخ سی نگاہ جو رخ پہ جمی رہی
    عارض پہ اک حسین سا غازہ اتر گیا
    اس کی کتاب شوق کا سادہ ورق تھی میں
    میرا بھی عشق دیکھ کے اس کو سنور گیا
    منزل کی چاہتوں میں قدم رقص میں رہے
    بے کار عمر رائیگاں کا یہ سفر گیا
    چھایا تھا مہربان سا بادل جو دھوپ میں
    موج صبا جدھر گئی وہ بھی ادھر گیا
    کچھ شام سے لپٹ کے شفقؔ یوں جدا ہوئی
    لگتا تھا اب کے ہاتھ سے دل کا نگر گیا

  • الیکشن کمیشن کے خط کے باوجودصادق سنجرانی کا بطور چیئرمین سینیٹ سرکاری امور سرانجام دینے کا انکشاف

    اسلام آباد (محمداویس) الیکشن کمیشن آف پاکستان نے چیئرمین سینیٹ صادق سنجرانی کی سینیٹ کی نشست خالی ہونے کا خط سیکرٹری سینیٹ کو بھیجے جانے کا انکشاف ہوا ہے-

    باغی ٹی وی : خط میں کہاگیا ہے کہ جس دن یہ سینیٹرز ممبرقومی وصوبائی اسمبلی منتخب ہوئے اسی دن سے یہ نشستیں خالی ہوگئی ہیں، اس حوالے سے ضروری اقدامات فورا کئے جائیں،الیکشن کمیشن کے خط کے باوجود سینیٹر صادق سنجرانی چیئرمین سینیٹ کے طور پر سرکاری امور سرانجام دے رہے ہیں،موقف کے لیے سیکرٹری سینیٹ سے بارہا رابطے کے باوجود رابطہ نہ ہوسکا۔

    پیپلزپارٹی کے سینیٹر تاج حیدر نے کہاہے کہ الیکشن کمیشن آف پاکستان کےخط کےبعد چیئرمین سینیٹ کو سرکاری معاملات سے الگ ہوکر تمام ذمہ داریاں ڈپٹی چیئرمین کے سپرد کردینی چاہیے،دستیاب سرکاری دستاویزات کے مطابق الیکشن کمیشن آف پاکستان نے 28فروری کو سیکرٹری سینیٹ کے نام خط لکھا جس میں کہا گیا کہ سینیٹ کے 7 سینیٹرزجنرل الیکشن 2024میں قومی و صوبائی اسمبلی کے ممبر منتخب ہوگئے ہیں ان میں مولانا عبدالغفور حیدری اور یوسف رضاگیلانی قومی اسمبلی کے ممبر بننے ہیں نثار احمد کھوڑو اور جام مہتاب سندھ اسمبلی اور سرفراز بگٹی پرنس احمد عمر اور چیئرمین سینیٹ صادق سنجرانی بلوچستان اسمبلی منتخب ہوئے ہیں-

    ڈونلڈ ٹرمپ نے غزہ میں جاری اسرائیلی جارحیت کی حمایت کر دی

    آئین کے آرٹیکل 223کے مطابق یہ سینیٹر اب سینیٹ کا حصہ نہیں رہے ہیں ان سات سینیٹرز میں سے 6 سینیٹرز نے متعلقہ اسمبلیوں میں حلف لے لیا ہے مگر چیئرمین سینیٹ الیکشن کمیشن کے خط کے باوجود بطور چیئرمین سینیٹ سرکاری امور سرانجام دے رہے ہیں جبکہ اس دوران انہوں نے سینیٹ اجلاس کی بھی صدارت کی ہے الیکشن کمیشن کے واضح احکامات کے باجود سینیٹر صادق سنجرانی بطور چیئرمین سرکاری امور سرانجام دے رہے ہیں جبکہ الیکشن کمیشن کے خط کی روشنی میں وہ اب چیئرمین سینیٹ نہیں رہے ہیں الیکشن کمیشن نے سیکرٹری سینیٹ کو لکھا ہے کہ وہ خط کی روشنی میں ضروری اقدمات فورا اٹھائیں اس حوالے سے سیکرٹری سینیٹ سے بارہا رابطہ کرنے کی کوشش کی گئی کہ وہ موقف دے دیں مگر ان سے رابطہ نہیں ہوسکا۔

    ترکی کی رمضان میں فلسطینیوں کیلئے مقدس مقامات بند کرنے پر اسرائیل کوسنگین نتائج کی …

    سینیٹ رولز کے مطابق چیئرمین سینیٹ کی نشست خالی ہونے کے 7دن کے اندر نئے چیئرمین کے لیے انتخاب ہونا چاہیے ، جبکہ سینیٹر صادق سنجرانی 15فروری کو ممبر بلوچستان اسمبلی منتخب ہونے کے بعد چیئرمین سینیٹ نہیں رہے ،پیپلزپارٹی کے سینیٹر تاج حیدر جن کے خط کی روشنی میں الیکشن کمیشن نے سینیٹ سیکرٹری کو خط لکھا انہوں نے اس حوالے سے موقف دیتے ہوئے بتایاکہ الیکشن کمیشن نے خط لکھ دیا ہے تو چیئرمین سینیٹ صادق سنجرانی کو سرکاری کام نہیں کرنا چاہیے اب ڈپٹی چیئرمین سینیٹ کو سرکاری امور چلانے چاہیے ۔

    احتساب عدالت میں حسن اور حسین نواز کے وارنٹ گرفتار ی کی معطلی …

  • ڈونلڈ ٹرمپ نے غزہ میں جاری اسرائیلی جارحیت کی حمایت کر دی

    ڈونلڈ ٹرمپ نے غزہ میں جاری اسرائیلی جارحیت کی حمایت کر دی

    واشنگٹن: ریپبلکن صدارتی امیدوار ڈونلڈ ٹرمپ نے غزہ میں جاری اسرائیلی جارحیت کی حمایت کا اظہار کردیا ہے۔

    باغی ٹی وی: فاکس نیوز میں ایک انٹرویو کے دوران ٹرمپ سے پوچھا گیا کہ کیا وہ اسرائیل کے کیمپ میں ہیں؟جس پر انہوں نے جواب دیا ’ہاں‘،میزبان نے پوچھا کہ کیا آپ غزہ میں جاری اس اسرائیلی جارحیت کو انجام دینے کے طریقے سے واقف تھے؟ جس پر انہوں نے جواب دیا کہ ’آپ کو مسئلہ حماس کو ختم کرنا ہوگا۔

    امریکی صدر جو بائیڈن بین الاقوامی سطح پر اور ان کے اپنے ڈیموکریٹک بیس سے اسرائیل کی پشت پناہی پر شدید تنقید کا نشانہ بن رہے ہیں ،کیونکہ غزہ میں ہلاکتوں کی تعداد بڑھ رہی ہے اور قحط کا خطرہ منڈلا رہا ہے۔

    احتساب عدالت میں حسن اور حسین نواز کے وارنٹ گرفتار ی کی معطلی …

    اسرائیل کے سرکاری اعداد و شمار پر مبنی اے ایف پی کے اعداد و شمار کے مطابق، جارحیت کا آغاز 7 اکتوبر کو جنوبی اسرائیل پر حماس کے حملے سے ہوا، جس کے نتیجے میں تقریباً 1,160 افراد ہلاک ہوئے، جن میں زیادہ تر عام شہری تھے غزہ کی پٹی میں اسرائیل کی جوابی جارحیت کے نتیجے میں 30,534 افراد شہید ہو چکے ہیں، جن میں زیادہ تر خواتین اور بچے شامل ہیں۔

    امریکی احتجاجی تحریکوں نے ووٹرز پر زور دیا ہے کہ وہ بائیڈن کو اسرائیل کی حمایت پر انتخابات میں سزا دیں،مشی گن میں ایک لاکھ سے زیادہ لوگوں نے گزشتہ ہفتے امریکی سوئنگ ریاست کے ڈیموکریٹک پرائمری میں ان کے حق میں ووٹ ڈالنے کے بجائے ”غیر ذمہ دارانہ“ ووٹ دیا۔

    ترکی کی رمضان میں فلسطینیوں کیلئے مقدس مقامات بند کرنے پر اسرائیل کوسنگین نتائج کی …

    جیسے جیسے حالات خراب ہو رہے ہیں، اسرائیل کو اپنے سب سے بڑے اتحادی امریکہ کی طرف سے شدید سرزنش کا سامنا ہےنائب صدر کملا ہیرس نے پیر کو واشنگٹن میں اسرائیلی جنگی کابینہ کے رکن بینی گانٹز کے ساتھ بات چیت کے دوران ”غزہ میں انسانی حالات پر گہری تشویش“ کا اظہار بھی کیا ہے۔

    ایم کیو ایم پاکستان کی رابطہ کمیٹی تحلیل کردی گئی

  • ترکی کی رمضان میں فلسطینیوں کیلئے مقدس مقامات بند کرنے پر اسرائیل کوسنگین نتائج کی دھمکی

    ترکی کی رمضان میں فلسطینیوں کیلئے مقدس مقامات بند کرنے پر اسرائیل کوسنگین نتائج کی دھمکی

    انقرہ: ترکیہ کے صدر رجب طیب اردوان نے اسرائیل کو خبردار کیا ہے کہ اگر اس نے رمضان میں فلسطینیوں کیلئے مقدس مقامات بند کیے تو اسے سنگین نتائج کا سامنا کرنا پڑے گا-

    باغی ٹی وی: ترک صدر اردوان نے فلسطینی صدر محمود عباس کے ساتھ پریس کانفرنس میں کہا کہ اشتعال انگیزیوں کو روکنے کیلئے متعلقہ حکام کو اپنے پیغامات پہنچا چکے ہیں، اسرائیلی آباد کار اسرائیل فلسطین تنازع کے حل کی راہ میں سب سے بڑی رکاوٹ ہیں۔

    انہوں نے خبردار کیا کہ اگر اسرائیل نے ماہ رمضان میں فلسطینیوں کیلئے مقدس مقامات بند کیے تو اس کو انتہائی سنگین نتائج کا سامنا کرنا پڑے گا،اس کے علاوہ ترک صدر نے انتہا پسند اسرائیلی سیاست دانوں کے مسلمانوں کی حرم الشریف تک رسائی کو محدود کرنے کے مطالبے کو سراسر بکواس قرار دیا۔

    احتساب عدالت میں حسن اور حسین نواز کے وارنٹ گرفتار ی کی معطلی …

    دوسری جانب اسرائیل کوفوجی سازو سامان برآمد کرنے پر کینیڈا کی وزیرخارجہ کیخلاف مقدمہ دائر کر دیا گیا،ادھر چلی نے لاطینی امریکا کی سب سے بڑی ایرواسپیس نمائش میں اسرائیلی فرموں کی شرکت پر پابندی لگا دی ہے۔

    فلسطینی مزاحمتی تنظیم حماس کا کہنا ہے کہ اسرائیل کے ساتھ معاہدہ ہونے تک جنگ بندی مذاکرات جاری رکھیں گے، حماس کی جانب سے جاری بیان میں کہا گیا ہے کہ قاہرہ میں ہونے والے حالیہ مذاکراتی دور میں اسرائیلی مذاکرات کاروں کی غیر موجودگی کے باوجود حماس غزہ میں جنگ بندی کے حصول کے لیے کوششیں جاری رکھے گی، حماس غزہ میں جاری جارحیت کے خاتمے کے لیے درکار لچک دکھا رہی ہے لیکن اسرائیل اب بھی کسی معاہدے سے کترارہا ہے۔

    رمضان سے قبل 40 روزہ جنگ بندی کے لیے حماس، قطر اور مصر کے مذاکرات کار قاہرہ میں موجود ہیں تاہم اسرائیلی مذاکرات کار وہاں موجود نہیں ہیں۔

    ایم کیو ایم پاکستان کی رابطہ کمیٹی تحلیل کردی گئی

    فلسطینی وزارت صحت کے مطابق 7 اکتوبر 2023 سے شروع ہونے والی اسرائیلی جارحیت کے نتیجے میں غزہ میں اب تک 30 ہزار سے زائد افراد جاں بحق اور 72 ہزار سے زائد افراد زخمی ہوچکے ہیں گزشتہ 24 گھنٹوں کے دوران اسرائیلی فورسز کے حملوں میں مزید 86 فلسطینی شہید اور 113 فلسطینی زخمی ہوگئے۔

  • احتساب عدالت میں حسن اور حسین نواز کے وارنٹ گرفتار ی کی معطلی کی درخواستیں دائر

    احتساب عدالت میں حسن اور حسین نواز کے وارنٹ گرفتار ی کی معطلی کی درخواستیں دائر

    اسلام آباد کی احتساب عدالت میں 3 ریفرنسز میں مسلم لیگ ن کے قائد نواز شریف کے صاحبزادوں حسن نواز اور حسین نواز کے وارنٹ گرفتار ی کی معطلی کی درخواستیں دائر کر دی گئیں۔

    باغی ٹی وی : احتساب عدالت میں آصف علی زرداری، نواز شریف اور یوسف رضا گیلانی کے خلاف توشہ خانہ گاڑیوں کے کیس کی سماعت ہوئی ،توشہ خانہ گاڑیوں کے کیس کی سماعت احتساب عدالت کے جج ناصر جاوید رانا نے کی۔

    نواز شریف کے وکیل قاضی مصباح، پلیڈر رانا عرفان، پراسیکیوٹر عثمان مسعود احتساب عدالت پیش ہوئے، پراسیکیوٹر نے عدالت سے استدعا کی کہ تفتیشی افسر بتائے گا کہ توشہ خانہ گاڑیوں سے متعلق رپورٹ کیا ہے، تفتیشی افسر کو نوٹس جاری کر دیں۔

    احتساب عدالت کے جج ناصر جاوید رانا نے کہا کہ تفتیشی افسر کو نوٹس جاری کر دیتے ہیں، ملزمان کون ہیں؟ حاضری لگوا لیں، اس کے ساتھ ہی احتساب عدالت نے حکم دیا کہ 19 مارچ کو تفتیشی افسر کو طلب کیا جاتا ہے۔

    واٹس ایپ میں نیا دلچسپ فیچر متعارف کرانے کا اعلان

    نواز شریف کے وکیل قاضی مصباح نے کہا کہ ایون فیلڈ ریفرنس پر درخواستیں دائر کرنا چاہتا ہوں، حسن نواز، حسین نواز سے متعلق درخوا ستیں ہیں، ایون فیلڈ ریفرنس میں حسن نواز، حسین نواز اشتہاری ہیں، ان دونوں کارواں ماہ 12 مارچ کو پاکستان آنے کا پلان ہے، دونو ں پاکستان واپس آنا چاہتے ہیں، احتساب عدالت کے جج ناصر جاوید رانا نے کہا کہ حسن نواز، حسین نواز کی درخواستوں پر نوٹس کر دیتے ہیں، وکیل صفائی نے کہا کہ آپ کل کا نوٹس کر دیں، چھوٹی سی بات ہے۔

     

    نیب پراسیکیوٹر عثمان مسعود نے کہا کہ جیسے احتساب عدالت مناسب سمجھے نوٹس کر دے، وکیل قاضی مصباح نے کہا کہ حسن نواز اور حسین نواز عدالت کے سامنے پیش ہونا چاہتے ہیں، عدالت نے حکم دیا کہ کل کے لیے حسن نواز اور حسین نوازکی درخواستوں پر نوٹس جاری کیا جاتا ہے۔

    حسن نواز اور حسین نواز کی فلیگ شپ اور العزیزیہ ریفرنسز پر بھی درخواستیں دائر کر دی گئیں جن پرعدالت نے کل کے لیے نوٹس جاری کر دیا، تینوں ریفرنسز میں حسن نواز اور حسین نواز کے وارنٹ گرفتاری معطل کرنے کی درخواستیں بھی دائر کی گئیں۔

    صحافی عمران ریاض 14 روزہ جوڈیشل ریمانڈ پر جیل

  • ایم کیو ایم پاکستان کی رابطہ کمیٹی تحلیل کردی گئی

    ایم کیو ایم پاکستان کی رابطہ کمیٹی تحلیل کردی گئی

    کراچی: متحدہ قومی موومنٹ (ایم کیو ایم) پاکستان کی رابطہ کمیٹی تحلیل کردی گئی۔

    باغی ٹی وی: ترجمان کے مطابق کنوینرخالدمقبول صدیقی کی زیرصدارت ایم کیوایم رابطہ کمیٹی کا اجلاس ہوا جس میں رابطہ کمیٹی تحلیل کردی گئی، دوسرے مرحلے میں تمام شعبے، صوبائی کمیٹیاں، زونز، ٹاؤنز اور یوسیز کی تنظیم نو کی جائے گی، خالد مقبول صدیقی نے مرکزی ایڈہاک کمیٹی بنا دی جس کے کنوینر وہ خود ہوں گے، کمیٹی میں مصطفیٰ کمال، فاروق ستار، نسرین جلیل، انیس قائم خانی، کیف الوری، رضوان بابر شامل ہیں، دوسری جانب ذرائع ایم کیو ایم نے بتایاکہ رابطہ کمیٹی کو آڈیو لیک سامنے آنے کے بعد تحلیل کرنے کا فیصلہ کیاگیا۔

    واضح رہے کہ گزشتہ دنوں ایم کیو ایم اجلاس میں ن لیگ سے مذاکرات پر مصطفیٰ کمال کی بریفنگ کی آڈیو لیک ہوئی تھی، سوشل میڈیا پر لیک آڈیو میں مصطفیٰ کمال یہ کہتے سنائی دے رہے ہیں کہ ن لیگ سے مذاکرات کے لیے پہنچے تو لگا جیسے بن بلائے گئے، جیسے کوئی دروازہ کھول کر اندر آجائے تو آپ بولتے ہیں کہ اچھا آجاؤ، ن لیگ نے پیپلز پارٹی سے مذاکرات پر اعتماد میں نہیں لیا، الٹا کہا کہ پیپلز پارٹی کہتی ہےایم کیوایم کا مینڈیٹ 100 فیصد جعلی ہے اس لیے ایم کیو ایم سے بات کرنے کی ضرورت نہیں، بعدازاں مصطفیٰ کمال نے تصدیق کی تھی کہ سوشل میڈیا پر لیک آڈیو ان کی ہی ہے۔

    خیبرپختونخوا کی 15 رکنی کابینہ نے حلف اٹھا لیا

    صحافی عمران ریاض 14 روزہ جوڈیشل ریمانڈ پر جیل

    واٹس ایپ میں نیا دلچسپ فیچر متعارف کرانے کا اعلان

  • پاکستان آلو کاشت کرنے والے 10 بڑے ملکوں کی فہرست میں شامل

    پاکستان آلو کاشت کرنے والے 10 بڑے ملکوں کی فہرست میں شامل

    لاہور: رواں برس پاکستان نے آلو کی بہترین پیداوار حاصل کی ہے، جس کے بعد پاکستان آلو کاشت کرنے والے 10 بڑے ملکوں کی فہرست میں شامل ہوگیا ہے۔

    باغی ٹی وی: دی نیوز کے مطابق پاکستان کے زرعی ماہرین اور کسانوں نے دعویٰ کیا ہے کہ پاکستان میں آلو کی پیداوار 80 لاکھ ٹن سے زیادہ ریکارڈ کی گئی ہے، گزشتہ 3 سال میں آلو کی پیداوار میں مجموعی طور ہر 35 فیصد اضافہ ہوا ہےمالی سال 2020-21 میں پاکستان میں آلو کی کل پیداوار 50 لاکھ 87 ہزار ٹن تھی جو 2022-23 میں 80 لاکھ ٹن سے زیادہ (8.1 ملین ٹن) ریکارڈ کی گئی، جس کے بعد پاکستان سبزیاں پیدا کرنے والے دنیا کے 10 بڑے ملکوں کی فہرست میں نویں نمبر پر آگیا ہے۔

    2022 کے اعداوشمار کے مطابق، چین 95.6 ملین ٹن پیداوار کے ساتھ آلو کاشت کرنے والے ممالک میں پہلے نمبر پر تھا، 56.1 ملین ٹن پیداوار کے ساتھ بھارت دوسرے، 20.9 ملین ٹن پیداوار کے ساتھ یوکرین تیسرے، 18.9 ملین ٹن پیداوار کے ساتھ روس چوتھے، 17.8 ملین ٹن پیداوار کے ساتھ امریکا پانچویں، 10.6 ملین ٹن پیداوار کے ساتھ جرمنی چھٹے، 10.1 ملین ٹن پیداوار کے ساتھ بنگلہ دیش ساتویں، 8 ملین ٹن پیداوار کے ساتھ فرانس آٹھویں اور 6.9 ٹن ملین آلو کی پیداوار کے ساتھ نیدر لینڈز دسویں نمبر پر ہے۔

    خیبرپختونخوا کی 15 رکنی کابینہ نے حلف اٹھا لیا

    واضح رہے کہ گندم، چاول اور مکئی کے بعد پاکستان میں سب سے زیادہ آلو کی فصل کاشت کی جاتی ہے، آلو کی 95 فیصد پیداوار صوبہ پنجاب سےحاصل کیجاتی ہےگزشتہ 10 سال کےدوران،معاشی اعتبار سےآلو کی فصل کو ملک میں خاصی اہمیت حاصل ہوئی ہے۔

    صحافی عمران ریاض 14 روزہ جوڈیشل ریمانڈ پر جیل

    فیس بک میں بندش،مارک زکر برگ 3 ارب ڈالر سے محروم

  • خیبرپختونخوا کی 15 رکنی کابینہ نے حلف اٹھا لیا

    خیبرپختونخوا کی 15 رکنی کابینہ نے حلف اٹھا لیا

    پشاور:خیبرپختونخوا کی 15 رکنی کابینہ نے حلف اٹھا لیا۔

    باغی ٹی وی: گورنر ہاؤس کے پی میں ارکان صوبائی اسمبلی کی حلف بردادی کی تقریب منعقد ہوئی جس میں وزیراعلیٰ خیبرپختونخوا علی امین گنڈاپور ، آئی جی اور چیف سیکرٹری سمیت دیگر اعلیٰ حکام شریک ہوئےگورنر خیبر پختونخوا غلام علی نےکابینہ سے حلف لیا،حلف اٹھانے والوں میں ارشد ایوب، شکیل احمد، فضل حکیم خان ، محمد عدنان ،عاقب اللہ، محمد سجاد، مینا خان،فضل شکور ،نذیر احمد عباسی، پختون یار، آفتاب عالم، خلیق الرحمان، سید قاسم علی شاہ ،فیصل خان ترکئی اور محمد ظاہر شاہ طورو بھی حلف اٹھانے والوں میں شامل ہیں۔

    واضح رہے کہ وزیر اعلیٰ خیبر پختونخوا علی امین گنڈا پور نے گزشتہ روز اڈیالہ جیل میں بانی پی ٹی آئی عمران خان سے بھی ملاقات کی تھی جس میں صوبائی کابینہ کے ارکان کے حوالے سے مشاورت کی گئی تھی۔

    خیبرپختونخوا کی 15 رکنی کابینہ نے حلف اٹھا لیا

    صحافی عمران ریاض 14 روزہ جوڈیشل ریمانڈ پر جیل

    واٹس ایپ میں نیا دلچسپ فیچر متعارف کرانے کا اعلان

  • واٹس ایپ میں نیا دلچسپ فیچر متعارف کرانے کا اعلان

    واٹس ایپ میں نیا دلچسپ فیچر متعارف کرانے کا اعلان

    دنیا بھر میں مقبول میسجنگ ایپ واٹس ایپ نے نیا فیچر متعارف کرانے کا اعلان کیا ہے-

    باغی ٹی وی : واٹس ایپ کی جانب سے صارفی کے لئے نئے نئے فیچرز متعارف کرائے جاتے ہیں،ایسا ہی ایک اور نیا فیچر صارفین کو جلد دستیاب ہوگا جس کی مدد سے وہ اپنی تصاویر کو اسٹیکر میں بدل سکیں گے،ویب سائٹ WABetaInfo کے مطابق اینڈرائیڈ ڈیوائسز کے لیے ایپ کے بیٹا (beta) ورژن میں یہ فیچر متعارف کرایا گیا ہے، اس مقصد کے لیے واٹس ایپ میں اسٹیکر میکر کا اضافہ کیا جائے گا تاکہ صارفین اپنی پسند کی تصاویر کو اسٹیکرز میں تبدیل کر سکیں ۔

    رپورٹ میں بتایا گیا کہ واٹس ایپ کے اسٹیکرز مینیو میں ایک نئے Create ٹیب کا اضافہ کیا جائے گا تاکہ آپ فوری طور پر فون میں موجود کسی بھی تصویر تک رسائی حاصل کرکے اسے اسٹیکر میں تبدیل کر سکیں اس فیچر کے تحت کسی واٹس ایپ چیٹ میں موجود تصاویر کو بھی اسٹیکر کی شکل دینا ممکن ہوگا-

    بھارت میں’پاکستان زندہ باد‘ کا نعرہ لگانے پر 4 افراد گرفتار

    اس کے لیے چیٹ میں موجود تصویر پر کلک کرکے اوپر دائیں جانب نیو Create اسٹیکر آپشن پر کلک کرنا ہوگا جب کسی اسٹیکر کو چیٹ میں سینڈ کریں گے تو اس پر کلک کرنے پر ایڈ ٹو فیورٹس اور ایڈٹ اسٹیکر کے نام سے 2 آپشنز نظر آئیں گے ایڈ ٹو فیورٹس پر کلک کرنے پر آپ اس اسٹیکر تک مستقبل میں آسانی سے رسائی حاصل کر سکیں گے جبکہ ایڈٹ اسٹیکر پر کلک کرنے پر امیج ایڈیٹر اوپن ہوگا۔

    عمران خان نےعمر ایوب کو اپوزیشن لیڈر بنانے کی منظوری دیدی

    واضح رہے کہ یہ فیچر آئی او ایس ڈیوائسز میں جنوری 2024 میں متعارف کرایا گیا تھا اور اینڈرائیڈ صارفین تک اس کی رسائی تاخیر سے ہو رہی ہے،یہ فیچر ابھی بیٹا ورژن میں پیش کیا گیا ہے تو یہ کہنا قبل از وقت ہے کہ کب تک اسے تمام صارفین کے لیے متعارف کرایا جائے گا۔

    انٹربینک تبادلہ مارکیٹ میں ڈالر کی قیمت میں اضافہ

  • صحافی عمران ریاض 14 روزہ جوڈیشل ریمانڈ پر جیل

    صحافی عمران ریاض 14 روزہ جوڈیشل ریمانڈ پر جیل

    لاہور:انسداد دہشتگردی عدالت نے صحافی عمران ریاض کو 14 روزہ جوڈیشل ریمانڈ پر جیل بھیج دیا-

    باغی ٹی وی: عمران ریاض کا جسمانی ریمانڈ دینے کے خلاف درخواست لاہور ہائیکورٹ کے جسٹس شہرام سرور کی سربراہی میں دو رکنی بنچ نے سماعت کی دوران سماعت عدالت نے استفسار کیا کہ کیا پانچ دن کا جسمانی ریمانڈ آج ختم ہو گیا ہے؟ اس پر وکیل نے بتایا کہ آج عدالت میں پیش کیا جائے گا لیکن معاملہ یہ ہے کہ جسمانی ریمانڈ حقائق کے برعکس دیا گیا ہے،عمران ریاض کا زمان پارک پولیس حملے سے کوئی تعلق نہیں یہ مقدمہ ہی سیاسی بنیادوں پر قائم کیا گیا۔

    عدالت نےدرخواستوں پرپنجاب حکومت سمیت دیگر نوٹس جاری کر دیئے،جسٹس شجاعت علی خان نے صحافی عمران ریاض کا نام پاسپورٹ کنٹرول لسٹ میں شامل کرنے کے خلاف درخواست پر کارروائی 7 مارچ تک ملتوی کردی۔

    بھارت میں’پاکستان زندہ باد‘ کا نعرہ لگانے پر 4 افراد گرفتار

    عمران خان نےعمر ایوب کو اپوزیشن لیڈر بنانے کی منظوری دیدی

    انٹربینک تبادلہ مارکیٹ میں ڈالر کی قیمت میں اضافہ