Author: Ayesha Rehmani

اسلام آباد: پاکستان تحریک انصاف کے بانی چیئرمین نے سیاسی بیانات اور میڈیا سے گفتگو پر پابندی کے خلاف اسلام آباد ہائیکورٹ میں درخواست دائر کردی۔

باغی ٹی وی : تفصیلات کے مطابق اڈیالہ جیل میں سماعت کے دوران سیاسی یا کسی ادارے و شخصیت کے حوالے سے عمران خان اور بشری بی بی کے بیانات پر احتساب عدالت نے پابندی عائد کی تھی، اب عمران خان نے احتساب عدالت کی جانب سے عائد کی جانے والی پابندی کو اسلام آباد ہائیکورٹ میں چلینج کردیا اور اُن کے وکیل سلمان اکرم راجہ نے درخواست دائر کردی۔

درخواست میں مؤقف اختیار کیا گیا ہے کہ احتساب عدالت نے فیصلے میں کہا کہ بانی پی ٹی آئی ریاستی اداروں کیخلاف بیانات دینے سے گریز کریں اور میڈیا اپنی رپورٹنگ صرف ٹرائل کی حد تک محدود رکھے، احتساب عدالت نے فیصلے میں کہا کہ میڈیا وکلا اور گواہان کے بیانات رپورٹ نہ کرے جبکہ اوپن کورٹ میں موجود صحافیوں کے حقوق پر کوئی قدغن نہیں لگائی جا سکتی اور صحافیوں کو ٹرائل کے دوران وکلا، گواہان یا ملزمان کے بیانات نشر کرنے سے نہیں روکا جاسکتا۔

درخواست میں مؤقف اختیار کیا گیا ہے کہ ملزم کا بیان دینا اور میڈیا کا اس بیان کو رپورٹ کرنے کی اجازت آئین کا آرٹیکل 19 دیتا ہے، پاکستانی عوام کا بانی پی ٹی آئی کے بیانات سے آگاہ رہنا چاہتے ہیں اور آرٹیکل 19 کے تحت انہیں اس کا حق حاصل ہے، احتساب عدالت کا 19 اپریل کا حکم نامہ آئین کے آرٹیکل 19 اور 19 اے کے برخلاف ہے لہذا 19 اپریل کا حکم نامہ کالعدم قرار دیا جائے اور احتساب عدالت کو بانی پی ٹی آئی کو سیاسی بیانات دینے سے نہ روکنے کے احکامات جاری کیے جائیں۔

درخواست میں استدعا کی گئی ہے کہ احتساب عدالت کو میڈیا کو کسی بھی شخص کی جانب سے دیئے گئے بیانات نشر کرنے سے نہ روکنے سے کے احکامات دیئے جائیں، درخواست پر فیصلہ ہونے تک احتساب عدالت کا 19 اپریل کا حکم نامہ معطل کیا جائے-

بھارتی شہر احمد آباد میں اسکولوں کو بم سے اڑانے کی دھمکیاں

صدر مملکت سرکاری دورے پر کوئٹہ پہنچ گئے

اعلی عدلیہ کیخلاف مہم ، ایف آئی اے میں اندراج مقدمہ درخواست دائر

اسلام آباد: پنجاب بھر کے سرکاری اسکولوں میں طلبہ طالبات کی یونین سازی کے لئے”اسٹوڈنٹس کونسل“ کے انتخابات کرانے کا اعلان کردیا گیا۔

باغی ٹی وی: اسٹوڈنٹس کونسل کے انتخابات 16 مئی کو ہوں گے جس کیلئے انتخابی شیڈول اور ضابطہ اخلاق بھی جاری کردیا گیا، یہ الیکشن مڈل، ہائی اور ہائیر سیکنڈری اسکولز میں تین حصوں میں ہوں گے، ہر حصہ میں چار عہدوں صدر، نائب صدر، جنرل سیکرٹری اور فنانس سیکرٹری کے الیکشن ہوں گے، ہر کلاس میں بھی ایک ایک کلاس نمائندہ منتخب کیا جائے گا، ہر سیٹ کے لئے بار کونسلز اسٹائل میں صرف ہر امید وار انفرادی اکیلا الیکشن میں حصہ لے گا، گروپ الیکشن کی اجازت نہیں ہوگی۔

وزارت تعلیم نے اسٹوڈنٹس کونسل کا اعلان کرتے ہوئے کہا ہے کہ سٹوڈنٹس کونسل کے انتخابات ”بچلی سطح تک جمہوریت اور جمہوری اقدار کا فروغ ہے“سٹوڈنٹس یونین سیاسی تھیں اس میں گروپ بنتے تھے سٹوڈنٹس کونسل صرف انفرادی ہوں گی۔

کاغذات نامزدگی 8 تا 10 مئی جمع ہوں گے،اسکروٹنی 11 مئی کو ہوگی،انتخابی نشانات 11 مئی کو جاری ہوں گے پوسٹر سازی انتخابی 12 مئی کو ہوگی،انتخابی مہم 13سے15 مئی ہوگی،پولنگ 16 مئی ہوگی الیکشن نتائج بابت اپیلیں17 مئی کو ہوں گی فیصلے بھی اسی وقت جاری ہوجائیں گے، باقاعدہ الیکشن کمشنر ٹیچر نامزد ہوگا، بیلٹ پیپرز بیلٹ باکس ہوں گے پولنگ ایجنٹ ہوں گے، ہر امیدوار نظم و ضبط، ضابطہ اخلاق،شائسہ مہم،نتائج قبول کا پابند ہوگا،یہ انتخابات آئیندہ ہر سال ہوا کریں گے۔

ڈائریکٹر مانیٹرنگ تعلیم پنجاب ملک غلام فرید نے تمام تفصیلات سکول سربراہان ایجوکیشن افسران کو جاری کر دی ہیں،اسٹوڈنٹس کونسل کا مقصد تعلیمی اداروں میں ہم نصابی سرگرمیوں کا فروغ، اسپورٹس میں اضافہ،تقریری تحریری مضمون نویسی مقابلوں کا فروغ ہوگا، الیکشن کے بعد تمام منتخب نمائیندے حلف اٹھائیں گے منتخب نمائندے وزراء ارکان قومی و صوبائی اسمبلی مہمامان خصوصی ہوں گے سیکنڈری سطح کے اسٹوڈنٹس کونسل الیکشن موسم گرما کی چھٹیوں کے بعد اگست کے آخری ہفتہ میں ہوں گے۔

اسلام آباد: وزیراعظم شہباز شریف کا دورہ چین متوقع ہے۔

باغی ٹی وی : ذرائع کا کہنا ہے وزیراعظم جون کے پہلے ہفتےمیں چین کا دورہ کریں گے،سرمایہ کاری اور مختلف مفاہمتی یادداشتوں پر دستخط ہوں گے،وزیراعظم کے دورہ چین کو حتمی شکل دی جارہی ہے۔

دوسری جانب سعودی ولی عہد شہزادہ محمد بن سلمان کا رواں ماہ دورہ پاکستان کا امکان ہے، دورے کے حوالے سے تاریخوں کو حتمی شکل دینے پر کام جاری ہے سعودی ولی عہد کا 2019 کے بعد پاکستان کا پہلا دو طرفہ دورہ ہو گا، وزیراعظم شہباز شریف نے سعودی ولی عہد کے دورہ سے متعلق انتظامی امور کا خود نگرانی کا فیصلہ کیا ہے۔

ناسا کا چاند پر ایڈوانس "ریلوے” سسٹم بنانے کا منصوبہ

ذرائع کے مطابق وزیراعظم نے سعودی مہمان کی آمد تک کہیں بھی بیرون ملک نہ جانے کا فیصلہ کیا ہے، سعودی ولی عہد اپنے وفد کے ہمراہ پاکستان تشریف لائیں گے،محمد بن سلمان کے دورے سے متعلق حتمی تاریخ رواں ہفتے میں طے ہو جائے گی ،سعودی ولی عہد کے دورہ پاکستان میں پانچ ارب ڈالر کی سرمایہ کاری کے فیصلوں پر عمل درآمد کی یادداشتوں پر دستخط متوقع ہیں ۔

اعلی عدلیہ کیخلاف مہم ، ایف آئی اے میں اندراج مقدمہ درخواست دائر

اسلام آباد: سوشل میڈیا پر اعلی عدلیہ کے خلاف جاری مہم کے خلاف ایف آئی اے میں اندراج مقدمہ درخواست دائر کردی-

باغی ٹی وی : اندراج مقدمہ کی درخواست رضا ودود قریشی ایڈوکیٹ کی جانب سے دائر کی گئی ،درخواست میں کہا گیا کہ سوشل میڈیا پر چند عناصر اعلی عدلیہ کی کردار کشی کر رہے ہیں، اعلی عدلیہ کے خاندان کے افراد کا پرائیویٹ ڈیٹا لیک کیا گیا،ڈیٹا کی رسائی صرف نادرا اور ایف آئی اے تک تھی-

درخواست میں کہا گیا کہ ڈیٹا لیک کرنے میں سرکاری اداروں کے افسران شامل ہیں، سوشل میڈیا مہم عدالتی نظام اور عوام کے اعتماد کو متاثر کر رہی ہے، اعلی عدلیہ کے خلاف مہم چلانے والے یوٹیوبرز اور وی لاگرز کے خلاف تحقیقات کی جائیں، درخواست میں استدعا کی گئی کہ اعلی عدلیہ کے خلاف مہم چلانے والوں کے خلاف تحقیقات کر کے مقدمہ درج کیا جائے-

بھارتی شہر احمد آباد میں اسکولوں کو بم سے اڑانے کی دھمکیاں

صدر مملکت سرکاری دورے پر کوئٹہ پہنچ گئے

سعودی عرب :معروف ریستوران میں کھانا کھانے سے1 شخص ہلاک،درجنوں کی حالت غیر

کوئٹہ: صدر مملکت آصف علی زرداری سرکاری دورے پر کوئٹہ پہنچ گئے۔

باغی ٹی وی : تفصیلات کے مطابق صدر مملکت آصف علی زرداری اہم سرکاری دورے پر کوئٹہ پہنچے جہاں ہوائی اڈے پر اُن کا وزیراعلیٰ بلوچستان میر سرفراز بگٹی اور دیگر حکام نے استقبال کیا، صدر مملکت کو بلوچستان میں امن و امان کی صورتحال اورترقیاتی منصوبوں پر بریفنگ دی گئی، صدر مملکت کے اعزاز میں وزیرِاعلٰی بلوچستان عشائیہ دیں گے جس میں آصف علی زرداری نومنتخب ممبران اسمبلی سے ملاقات بھی کریں گے۔

جیل میں بیٹھے شخص کے آرٹیکل غیر ملکی جریدوں میں کیسے چھپ رہے ہیں، شرجیل …v

سونا مزید مہنگا نئی قیمت2 لاکھ 40 ہزار 500 روپے ہو گئی

دوسری جانب گورنر بلوچستان شیخ جعفر مندوخیل نے اپنے عہدے کا حلف اٹھالیا،نئے گورنر بلوچستان شیخ جعفر مندوخیل کی تقریب حلف برداری گورنر ہاؤس کوئٹہ میں ہوئی جہاں چیف جسٹس بلوچستان ہائیکورٹ جسٹس محمد ہاشم کاکڑ نے ان سے حلف لیا گورنر بلوچستان کی تقریب حلف برداری میں سبکدوش گورنر ملک عبدالولی کاکڑ اور وزیراعلیٰ سرفراز بگٹی بھی شریک ہوئے،اس کے علاوہ تقریب میں صوبائی وزرا، اراکین اسمبلی، سیاسی شخصیات اورحکام بھی شریک تھے۔

فیض آباد دھرنا نظر ثانی کیس، کمیشن کی رپورٹ پر چیف جسٹس برہمv