Author: Ayesha Rehmani

اسلام آباد: سابق نگران وزیر فوڈ سکیورٹی کوثر عبداللہ نے گندم امپورٹ کی ذمے داری لینے سے انکار کردیا۔

باغی ٹی وی: نجی ٹی وی کو انٹرویو میں کوثر عبداللہ نے کہا کہ نگران دور میں وزیر کو دکھائے بغیر سمری منظور کرنے کا کلچر فروغ پا چکا تھا،سیکرٹریز اور اسٹیبلشمنٹ ایسا یہ کہہ کر کرتے تھے کہ نگران وزیر تو 4 دن کیلئے ہیں،میں نے گندم درآمد کرنے کی مخالفت کی تھی جبکہ نجی شعبے کو گندم منگوانے کی اجازت کابینہ کی اقتصادی رابطہ کمیٹی نے دی تھی۔

دوسری جانب سابق نگران وزیر اعظم انوار الحق کاکڑ کا کہنا ہے کہ میں از خود بھاگا بھاگا کمیٹی میں نہیں جائوں گا،اگر مجھے کمیٹی باضابطہ طلب کر ے گی تو میں ضرور پیش ہوں گا،کہا جا رہا ہے ہمارے دور میں گندم امپورٹ ہوئی جس سے بحرانی کیفیت پیدا ہوئی،دوسرا چارج یہ آرہا ہے کہ ہم نے کرپشن کی اس وجہ سے گندم امپورٹ کی۔

سعودی سرمایہ کاروں کا اعلیٰ سطحی وفد پاکستان پہنچ گیا

انوارالحق کاکڑ نے کہا کہ پاکستان میں امپورٹ بل آرڈر پی ٹی آئی کی حکومت کا ہے ،ہم نے کوئی نیا ایس آر او جاری نہیں کیا،ہم ایس آر او کے تحت تسلسل سے یہ کام کررہے تھے،جوڈیٹا جمع ہواوہ پی ڈی ایم حکومت کے آخری دنوں میں ہوا،پی ڈی ایم حکومت نے فیصلہ ہم پر چھوڑ دیا،ہم نے صرف یہ فیصلہ کیا کہ پاکستانی حکومت ریاست کاپیسہ استعمال نہیں کرے گی، ہم نے فیصلہ دیا کہ ہم خریداری نہیں کریں گے پرائیوٹ سیکٹر کو کرنے دیں،ہم نے گندم امپورٹ کرنے کی پرائیوٹ سیکٹر کو خصوصی اجازت نہیں دی ،جو ایس آر او تھا اس کے تحت پرائیویٹ سیکٹر خود امپورٹ کر سکتے تھے۔

حماس کے مطالبات تسلیم کرنا اسرائیلی ریاست کے لیے ایک بدترین شکست ہوگی،نیتن یاہو

انوارالحق کاکڑ نے کہا کہ گندم کے حوالے سے مس مینجمنٹ کے مسائل تھے،ہم نے پاکستان کی سرکار کا پیسہ بچایا،ہم نے جو فیصلہ کیا اس میں 2.4ملین ٹن کے گیپ کوسنبھالنا تھا،جو اضافی گندم کا واویلا ہے وہ صرف3،ساڑھے تین ٹن ہے،3،ساڑھے 3ٹن گندم صرف تین روز کی کھپت کیلئے ہے،3پارٹیاں ایسی ہیں 50،60فیصد امپورٹ ان کے حصہ میں آئی، سب کے سب نے ہمیں چور ڈکلیئر کیا،اگر کسی نے طلب کیا تو ہم ضرور معاونت کریں گے،میں پاکستان کے عوام کی عدالت میں ہوں،کتے کی خوراک منگوانے پر ڈالر خرچ کرنے پر کسی کواعتراض نہیں،سستی روٹی ملنے پر سب کو تکلیف ہے،اگر کسی کو پولیٹیکل اورالیکٹورل پراسس پر اعتراض ہے تو فورم موجودہیں،یہ فورم انہوں نے بنائے ہیں میں نے نہیں بنائے،بہت سارے لوگ 85ارب ،300ارب کی کہانی ہم پر تھوپی جا رہی ہے۔

شہر میں دہشت گردی کے واقعات میں کمی آئی ہے، اسٹریٹ کرائم کے واقعات پر …

اسلام آباد:امیر جماعت اسلامی حافظ نعیم الرحمان کا کہنا ہےکہ نیادی دستاویز آئین کا احترام کرناشروع کریں تو ملک کے لیے بہت بہتر ہوجائےگا، جو لوگ رجیم چینج میں شریک تھے وہ قوم سے معافی مانگیں-

باغی ٹی وی:نجی خبرساں ادارے کے پروگرام میں گفتگو کرتے ہوئے امیر جماعت اسلامی حافظ نعیم الرحمان کا کہنا تھا کہ فوج، عدلیہ، مقننہ، سیاستدان اور بیوروکریسی سب کے لیے آئین میں سب کچھ موجود ہے، بنیادی دستاویز آئین کا احترام کرناشروع کریں تو ملک کے لیے بہت بہتر ہوجائےگا، زبردستی بٹھائی گئی حکومت کس سےکہہ سکتی ہےکہ بات کریں، ڈائیلاگ کے لیے حکومت کو فارم 45 پر آنا پڑے گا۔

حافظ نعیم نے کہا کہ جو لوگ رجیم چینج میں شریک تھے وہ قوم سے معافی مانگیں، پیپلز پارٹی بہت زیادتی کر رہی ہے، اندرون سندھ اسکولوں کی حالت جا کر دیکھیں، سندھ میں تعلیم کا بجٹ 321 ارب ہے لیکن 70 سے 80 فیصد خرچ نہیں ہوتا، سندھ میں تعلیم کے شعبے میں جعلی بھرتیاں ہیں،گھوسٹ اسکول ہیں، پیپلزپارٹی ایک خاندان اور 40 کے قریب وڈیروں کا نام ہے۔

شہر میں دہشت گردی کے واقعات میں کمی آئی ہے، اسٹریٹ کرائم کے واقعات پر …

ان کا کہنا تھا کہ طاقتور ترین شخص نے نگراں حکومت کے دور میں کراچی میں کہا تھا کہ ہم سسٹم ختم کردیں گے ، کراچی میں سسٹم کےنام پر زمینوں،سوسائٹیوں پر قبضےکاکام چلتا ہے، کراچی میں سوسائیٹیوں میں ایڈمنسٹریٹر بنا کر قبضہ سسٹم پھر شروع کردیا گیا ہے عوامی تائید سے انتخابی عمل کے ذریعے انقلاب لانا چاہتے ہیں۔ آئی پی پیز سے معاہدوں کی قیمت عوام سے وصول کی جا رہی ہے، ملک میں 2 کروڑ 62 لاکھ بچے تعلیم سے محروم ہیں،پاکستان کے پاس چین، افغانستان اور ایران سے تجارت کے مواقع ہیں، جس نے شہ رگ پر قبضہ کیا ہے اس سے تجارت ٹھیک بات نہیں،جس نے فلسطین پر سودے بازی کی قوم اسے معاف نہیں کرے گی۔

امیر جماعت اسلامی اور ایرانی سفیر کی ملاقات

اسلام آباد: امیر جماعت اسلامی حافظ نعیم الرحمان سے ایرانی سفیر رضا امیری مقدم نے وفاقی دارالحکومت میں ملاقات کی-

باغی ٹی وی : ایرانی سفیر نے حافظ نعیم الرحمان کو امیر جماعت اسلامی منتخب ہونے پر مبارک باد دی اور نیک تمناؤں کا اظہار کیا ملاقات میں ایرانی سفیر کے 6 رکنی وفد کے علاوہ ڈائریکٹر امور خارجہ جماعت اسلامی آصف لقمان قاضی اور سیکرٹری اطلاعات قیصر شریف بھی موجود تھے پاکستان اور ایران کے تعلقات، خطے کی صورتحال اور باہمی امور پر تبادلہ خیال بھی کیا گیا۔

ایرانی سفیر نے امیر جماعت اسلامی کو دورہ ایران کی دعوت دی اور کہا کہ ان کا دورہ دونوں ممالک کو مزید قریب لانے میں اہم کردار ادا کر سکتا ہے، امیر جماعت اسلامی اور ایرانی سفیر میں اس بات پر اتفاق پایا گیا کہ دونوں ملکوں کی باہمی تجارت کو فروغ ملنا چاہیے اور بحیثیت برادر اسلامی ممالک ایران پاکستان گیس پائپ لائن کو مکمل ہونا چاہیے جو دونوں ممالک کے بہترین مفاد میں ہے۔

فیض آباد دھرنا انکوائری کمیشن نے رپورٹ سپریم کورٹ میں جمع کرادی

حافظ نعیم الرحمان نے کہا کہ فلسطین ایشو پر ہم ایران کے کردار کو قدر کی نگاہ سے دیکھتے ہیں یہی ایک مسلمان ملک کا شیوہ ہونا چاہیے۔ فلسطینیوں کی طرف سے مزاحمت کو ایران کی مزید حمایت کی ضرورت ہے تاکہ تحریک فلسطین کو دوام حاصل ہو ایران ایک ملک ہی نہیں بلکہ ایک انقلابی نظریہ ہے امام خمینیؒ سے سب سے پہلے رابطہ مولانا سید ابو الاعلیٰ مودودیؒ نے کیا تھا کیونکہ انقلاب مکاتب فکر سے بالاتر معاشرے کی تبدیلی کا نام ہےجماعت اسلامی کے ایران سے ہمیشہ مضبوط روابط رہے ہیں۔ ہم ایران سے امت کے حق میں مشترک معاملات میں زیادہ توقع رکھتے ہیں ہم تقسیم سے بالاتر مشترکات اور امت کی بنیاد پر وحدت کا تصور رکھتے ہیں، پاک، ایران گیس پائپ لائن منصوبے پر بین الاقوامی دباؤ سے باہر آنا چاہیے اور یہ منصوبہ پایۂ تکمیل تک پہنچانے میں تاخیر نہیں کرنی چاہیے اس سے دونوں ممالک کو فائدہ ہوگا۔

آسٹریلیا پولیس نے چاقو سے حملہ کرنیوالے نوجوان لڑکے کو گولی مار دی

اس موقع پر ایرانی سفیر رضا امیری مقدم نے جماعت اسلامی کا فلسطین کے حوالے سے کردار کو قابل تحسین قرار دیتے ہوئے کہا کہ جماعت اسلامی نے پورے ملک میں جس بڑے پیمانے پر فلسطین کیلیے آواز بلند کی اس سے فلسطین کے مسئلہ پوری دنیا میں اجاگر ہوا ہےآج اسلام پسندوں نے اپنی مزاحمت سے پورے عالم کو حیرت میں ڈالا ہوا ہے عالمی رائے عامہ فلسطین کے حق میں ہے اللہ کا شکر ہے کہ فلسطین میں اتنی تباہی کے باوجود مزاحمت جاری ہے اور اہل فلسطین اسرائیل کے خلاف ڈٹ کر کھڑے ہیں جس طرح ظلم کی علمبردار عالمی طاقتیں اکٹھی ہیں اسی طرح عالم اسلام کے ممالک کو متحد ہونا ہوگا اور ہم جماعت اسلامی کے تاریخی کردار کو اتحاد امت کیلیے سراہتے ہیں۔

اسرائیل میں قطری ٹی وی چینل الجزیرہ کی نشریات معطل کردی گئیں

اسلام آباد:سعودی عرب کے سرمایہ کاروں کا اعلیٰ سطح کا وفد پاکستان پہنچ گیا۔

باغی ٹی وی : سعودی وفد میں 30سے زائد کمپنیوں کے سرمایہ کار شامل ہیں، وفاقی وزرا مصدق ملک اور جام کمال نے سعودی وفدکا استقبال کیا، سعودی وفد میں ٹیکنالوجی، توانائی، ہوابازی، تعمیرات، مائننگ اور ہیومن ریسورسز سمیت مختلف شعبوں سے تعلق رکھنے والی 30 کمپنیوں کے نمائندے شامل ہیں۔

تین روزہ پاک سعودی سرمایہ کاری کانفرنس بھی آج سے اسلام آباد میں شروع ہوگی جس میں توانائی، خوراک، کیمیکل، گوشت اور کان کنی پر بھی معاہدے متوقع ہیں، سعودی وفد ولی عہد محمد بن سلمان کو دورے اور سرمایہ کاری سے متعلق بریفنگ دے گا۔

وفاقی وزیر تجارت جام کمال کا کہنا ہے کہ پہلی بار دونوں ممالک کے سرمایہ کاروں کے درمیان تجارتی معاملات براہ راست طے کیے جائیں گے۔

آسٹریلیا پولیس نے چاقو سے حملہ کرنیوالے نوجوان لڑکے کو گولی مار دی

فیض آباد دھرنا انکوائری کمیشن نے رپورٹ سپریم کورٹ میں جمع کرادی

اسرائیل میں قطری ٹی وی چینل الجزیرہ کی نشریات معطل کردی گئیں