Author: Ayesha Rehmani

واشنگٹن: امریکی میڈیا نے اپنی رپورٹ میں دعویٰ کیا ہے کہ امریکی شہری اور خالصتان رہنما گرپتونت سنگھ پنوں کے قتل کی منظوری اُس وقت کے ‘را’ چیف سمنت گوئل نے دی تھی۔

باغی ٹی وی: امریکی میڈیا کے مطابق امریکی خفیہ ایجنسیوں کا کہنا ہےکہ کرائے کے قاتلوں سے رابطہ را کے افسر وکرم یادیو نےکیا’را’ نے قتل کا حکم اُس وقت دیا جب جون 23 میں نریندر مودی امریکا کے دورے پر تھے، سمنت گوئل پر بھارت سے باہر سکھ علیحدگی پسندوں کو ختم کرنےکا شدید دباؤ تھا،امریکی ایجنسیوں کے خیال میں مشیرقومی سلامتی اجیت دوول کو یہ پلان معلوم تھابھارتی مشیر قومی سلامتی اجیت دوول اور سمنت گوئل نے اپنا مؤقف امریکی میڈیا کو نہیں دیا۔

امریکی میڈیا کے مطابق موجودہ اور سابق امریکی اور بھارتی سکیورٹی حکام کے مطابق وکرم نے لکھا کہ یہ قتل اب ترجیح ہے، وکرم نے گرپتونت سنگھ پنوں کا نیویارک کا پتہ کرائے کے قاتلوں کو دیا، وکرم کی شناخت اور ‘را’ سے اُس کا تعلق پہلی بار رپورٹ ہوا ہے، یہ تعلق ثابت کرتا ہے کہ قتل کے پلان میں ‘را’ براہِ راست ملوث تھی، موجودہ اور سابق مغربی حکام کے مطابق قتل میں ‘را’ کےکئی اعلیٰ عہدیدار ملوث پائے گئے، امریکی ایجنسیوں نے ملزمان کے مودی کے قریبی حلقے سے ممکنہ روابط کے شواہد حاصل کرلیے ہیں۔

ہم ملک کی خاطر پی ٹی آئی کے ساتھ بات چیت کے لیے تیار ہیں،رانا …

واضح رہے کہ نومبر 2023 میں امریکی انٹیلی جنس ایجنسیوں نے سکھ رہنماکے قتل کی سازش کو بے نقاب کیا تھا،امریکی شہری گرپتونت سنگھ کو قتل کرنے کی بھارتی سازش بے نقاب ہونے کے بعد امریکی صدر جو بائیڈن نے بھارت کا ہائی پروفائل دورہ منسوخ کردیا تھا۔

پاکستان آزاد کشمیر میں سرمایہ کاری کیلئے ہر ممکن مدد فراہم کرے گا،صدر مملکت

بنگلورو: سابق بھارتی وزیر اعظم ایچ ڈی دیوے گوڑا کے پوتے اورجنتا دل سیکولر کا رکن پارلیمنٹ پرجول ریونا متعدد خواتین کی جانب سے جنسی استحصال کے الزامات کے بعد بنگلورو سے جرمنی فرار ہو گیا ہے ۔

باغی ٹی وی : بھارتی میڈیا کے مطابق ایچ ڈی دیوے گوڑا کے پو تے کی ویڈیو کرناٹک میں 26 اپریل کوقومی انتخابات کے دوسرے مرحلے کی پولنگ سے ٹھیک دو دن پہلے سوشل میڈیا پر وائرل ہوئی جس کے بعد کرناٹک کی سیاست ، جنتا دل سیکولر اور بی جے پی کی پریشانیوں میں مزید اضافہ ہو گیا ہے۔

مبینہ اسکینڈل گزشتہ ہفتے کے روز ایک خاتون کی جانب سے ریونا پر جنسی استحصال کا الزام لگانے اور ان کے خلاف پولیس میں مقدمہ درج کروانے کے بعد سامنے آیا متاثرہ خاتون نے الزام عائد کیا کہ 2019 سے 2022 کے دوران اسے کئی بار پرجول ریونانے جنسی استحصال کانشانہ بنایا ، یہی نہیں بلکہ ویڈیو سوشل میڈیا پر وائرل ہونے کے بعد کئی اور خواتین کی جانب سے بھی پرجول ریونا پر اسی طرح کے الزامات لگائے جا رہےہیں ۔

بھارتی میڈیا کے مطابق معاملے پرکرناٹک کے وزیر اعلی سدارامیا نے اسپیشل کمیٹی تشکیل دے دی، ویڈیو اسکینڈل معاملے پر کمیٹی نے جانچ کے سلسلے میں کئی افراد کو نوٹس جاری کردئیے ہیں۔

ہم ملک کی خاطر پی ٹی آئی کے ساتھ بات چیت کے لیے تیار ہیں،رانا …

مبینہ اسکینڈل پر جہاں بی جے پی کے رہنما کھل کر بات کرنے سے کترا رہے ہیں وہیں جنتا دل سیکولر کے رکن اسمبلی نے پارٹی کے صدر دیوے گوڑا کو دو صفحات پر مشتمل ایک خط لکھاہے اور پرجول ریونا کو پارٹی سے برطرف کرنے کا مطالبہ کیا ہے، انہوں نے کہا ہے کہ اس معاملے پر پارٹی کوشرمندگی کا سامنا کرنا پڑر ہا ہے، وائرل ویڈیو پارٹی کے وقار کو نقصان پہنچارہی ہے ، جبکہ کرناٹک ریاست کی خواتین کمیشن کی صدر ڈاکٹر ناگ لکشمی چودھری بھی اس سلسلے میں حکومت کو خط لکھ چکی ہیں۔

معاملے پر کانگریس جنرل سیکریٹری پرینکا گاندھی نے وزیراعظم نریندر مودی کو تنقید کا نشانہ بنایا ہے اور سوال کیا کہ مودی جی کیا اب بھی آپ خاموش رہیں گے؟ پرینکا نے ایکس پر لکھا ہے کہ جس لیڈر کے کندھے پر ہاتھ رکھ کر وزیر اعظم تصویر کھنچواتے ہیں، جس لیڈر کے حق میں انتخابی تشہیر کرنے 10 دن قبل وزیر اعظم خود آتے ہیں، آج کرناٹک کا وہ لیڈر فرار ہےپرجول کے جرم کے بارے میں سن کر ہی دل دہل جاتا ہے سینکڑوں خواتین کی زندگی جس نے تہس نہس کر ڈالی مودی جی کیا اب بھی آپ خاموش رہیں گے؟

آئی ایم ایف نے پاکستان کے لیے آخری قسط کی منظوری دے دی

دوسری جانب جے ڈی ایس پر حملہ کرتے ہوئے کرناٹک کے نائب وزیر اعلیٰ ڈی کے شیو کمار نے کہا کہ مجھے میڈیا سے پتہ چلا ہے کہ پرجول ریونا بھارت سے فرار ہوگئے ہیں جو کہ ایک ناقابل معافی جرم ہے۔

جبکہ ریاستی بی جے پی کے ترجمان کا کہنا تھا کہ ایک پارٹی کے طورپر ہمارا اس ویڈیو سے کوئی لینا دینا نہیں ہےجبکہ خود ریونا نے دعویٰ کیا ہے کہ ویڈیو ان کے امیج کو خراب کرنے اور ووٹروں کے دماغ میں زہر بھرنے کے لیے وائرل کی گئی ہے ۔

واضح رہے کہ بھارت کے گیارہویں وزیر اعظم ایچ ڈی دیوے گوڑا یکم جون 1996 سے 21 اپریل 1997کے درمیان وزارت عظمیٰ کے عہدے پر فائز رہے ہیں رجول ریونا بھارت کے حکمران قومی جمہوری اتحادکی حلیف جماعت جنتا دل سیکولر کے رکن پارلیمنٹ اور جنوبی ریاست کرناٹک کے ہاسن پارلیمانی حلقے سے این ڈی اے کے امیدوار ہیں 33سالہ پرجول ریونا کے والد ایچ ڈی ریونا ریاست کرناٹک کے وزیر رہ چکے ہیں۔

29 اپریل کو وفات پانے والی چند مشہور شخصیات

ریاض: وزیراعظم شہباز شریف نے کہا ہے کہ پاکستان کا موسمیاتی تبدیلی میں کوئی کردار نہیں، اس کے باوجود ہم نے بڑی تباہی دیکھی-

باغی ٹی وی : سعودی عرب کے دارالحکومت ریاض میں منعقدہ عالمی اقتصادی فورم کے خصوصی اجلاس کے اختتامی سیشن میں اظہار خیال کرتے ہوئے وزیراعظم شہباز شریف نےکہا کہ یوکرین، روس جنگ کیوجہ سے عالمی سطح پر قیمتوں میں اضافہ ہوا، غزہ میں امن کے بغیر دنیا میں امن قائم نہیں ہوسکتا، فلسطین میں قیام امن بہت ضروری ہے-

انہوں نے کہا کہ پاکستان میں سیلاب کے دوران بہت نقصان ہوا، پاکستان پر موسمیاتی تبدیلی کا تباہ کن اثر پڑا ہے، پاکستان ان ممالک میں شامل ہے جس کا موسمیاتی تبدیلی میں کوئی کردار نہیں، اس کے باوجود ہم نے ایسی تباہی دیکھی جو کبھی نہ آئی تھی، ہمیں اربوں روپے کا نقصان ہوا ہے، ہمیں بھاری سود پر قرضے لینے پڑے، پاکستان کی ایسی صورتحال میں نے اپنی زندگی میں کبھی نہیں دیکھی، سال 2022 میں آنے والے سیلاب نے بڑی تباہی مچائی اور پاکستانی معیشت پر گہرے اثرات چھوڑے ہیں، موسمیاتی تبدیلیوں کی وجہ سے پاکستان بری طرح سے متاثر ہوا ہے،، سعودی عرب سمیت دوست ممالک نے پاکستان کی بھرپور مدد کی، مشکل وقت میں جو سعودی عرب نے کیا ہم اس کا حساب نہیں چکا سکتے۔

وزیراعظم نے کہا کہ میرے مرحوم والد ایک غریب کسان کی اولاد تھے، میرے والد نے فیکٹری لگائی، پھر وہ نیشنلائز ہوئی، میرے والد اور بھائی نے کبھی ہمت نہیں ہاری، 18 ماہ میں 6 نئی فیکٹریاں قائم کیں، ہمارا پاور سیکٹر چوری کے باعث شدید متاثر ہوا، ریونیو سیکٹر بھی تباہی کا شکار ہوا، نوجوان ہمارا اثاثہ ہیں، انہیں انفارمیشن ٹیکنالوجی اور دیگر ٹیکنالوجیز فراہم کرنی ہیں، کسانوں کو جدید آلات فراہم کرنے ہیں، یہ کوئی آسان کام نہیں ہے، ہمیں اپنی برآمدات کو بڑھانا پڑے گا، ہمارے پاس تیل نہیں ہے، گیس کے ذخائر بھی کم ہورہے ہیں، ہم صنعت اور زراعت کے لیے خام مال درآمد نہیں کرسکتےہمیں بلیک شیپس اور وائٹ شیپس میں فرق کرنا ہے، میں نے کہا کہ کوئی دباؤ نہیں لوں گا اور پاکستان کو انتھک محنت سے اس کا مقام دلاؤں گا، ہم وسیع پیمانے پر اصلاحات کرنے جا رہے ہیں، قرضوں کا جال موت کا پھندا بن گیا۔