Author: Ayesha Rehmani

لاہور: تحریک انصاف کے رہنما حماد اظہر کیخلاف مقدمات کی تفصیلات لاہور ہائیکورٹ میں پیش کردی گئیں۔

باغی ٹی وی : پی ٹی آئی رہنما حماد اظہر کی درج مقدمات کی تفصیلات کیلئے درخواست پر سماعت ہوئی، جسٹس عالیہ نیلم نے حماداظہر کی
درخواست پر سماعت کی، پنجاب پولیس اور اینٹی کرپشن نے مقدمات کی تفصیلات عدالت میں پیش کردیں-

عدالت میں جمع کرائی گئی رپورٹ میں کہا گیاہے کہ پولیس نے حماداظہر کیخلاف 33مقدمات درج کر رکھے ہیں،لاہور14،راولپنڈی14، فیصل آباد4اور گوجرانوالہ میں ایک مقدمہ درج ہے،اینٹی کرپشن لاہور میں حماد اظہار کیخلاف ایک مقدمہ درج ہے ۔

واضح رہے کہ رواں ماہ کے شروع میں پاکستان تحریک انصاف (پی ٹی آئی) کے رہنما حماد اظہر نے مقدمات کی تفصیل کےلیے لاہور ہائیکورٹ سے رجوع کیا تھا حماد اظہر نے درخواست میں انسپکٹر جنرل (آئی جی) پنجاب، اینٹی کرپشن سمیت دیگر کو فریق بنایا تھا-

درخواست میں مؤقف اپنایا گیا تھا کہ سیاسی بنیادوں پر مقدمات بنائے گئے، درخواست گزار کا مقدمات سے کوئی تعلق نہیں ہے،حماد اظہر نے اپنی درخواست میں استدعا کی تھی کہ میرے خلاف درج مقدمات اور نامعلوم مقدمات کی تفصیلات فراہم کی جائیں، عدالت درخواست گزار کو متعلقہ عدالتوں سے رجوع کرنے کا موقع فراہم کرے۔

دریں اثنا گزشتہ ماہ پشاور ہائی کورٹ نے حماد اظہر کی 51 مقدمات میں راہداری ضمانت منظور کی تھی درخواست گزار کے وکیل نے عدالت کو بتایا تھا کہ حماد اظہر کے خلاف 51 مقدمات درج ہیں، باقی کا ابھی پتا نہیں، کتنے ہیں، لاہور، واہ کینٹ، راولپنڈی، فیصل آباد اور دیگر شہروں میں ان کے خلاف ایف آئی آرز درج کی گئی ہیں۔

راہداری ضمانت ملنے کے بعد حماد اظہر نے پشاور ہائی کورٹ میں میڈیا سے گفتگو میں کہا تھا کہ گزشتہ 8 ماہ سے ملک کے قانون کا مزاق بنایا گیا، ایک وقت میں میرے اوپر 51 مقدمات بنائے گیے عدلیہ، جمہوریت، انسانیت کسی کو نہیں چھوڑا گیا ہے، مجھ پر اور میرے گھر والوں پر جو گزارا اس پر دکھ ہے، آج ملک کہا کھڑا ہے، ججز کیا کہتے ہیں، 2 تہائی اکثریت سے جیتنی والی جماعت کو ہرایا گیا، آنے والے 2 دنوں کے دوران پریس کانفرنس کروں گا جس میں تمام تفصیلات بیان کروں گا۔

واضح رہے کہ سانحہ 9 مئی کے بعد حماد اظہر کے خلاف بھی دہشت گردی اور مختلف الزامات کے تحت مقدمات درج ہیں اور وہ گزشتہ کئی ماہ سے روپوش تھے۔

لاہور ہائیکورٹ میں ضمنی الیکشن میں مختلف شہروں میں دفعہ 144کے نفاذ کیخلاف درخواست پر سماعت 2مئی تک ملتوی کرتے ہوئے وکلا کو دلائل کیلئے طلب کر لیا-

باغی ٹی وی : لاہور ہائیکورٹ میں ضمنی الیکشن میں مختلف شہروں میں دفعہ 144کے نفاذ کیخلاف درخواست پر سماعت ہوئی، جسٹس شاہد بلال حسن نے شہری کی درخواست پر سماعت کی-

درخواست گزار کی جانب سے موقف اختیار کیا گیا کہ پنجاب حکومت نے ضمنی الیکشن کیلئے مختلف شہروں میں دفعہ 144نافذ کی،حکومت کا دفعہ 144 نافذ کرنے کا عمل غیرقانونی قرار دیا جائے،وکیل درخواست گزار نے کہاکہ نئی درخواست ہے کہ کیس کو 2رکنی بنچ کیلئے منظور کیا جائے،جسٹس شاہد بلال حسن نے کہاکہ اگلے ہفتے کا وقت دے دیتا ہوں، آکر بحث کرلیں،بعد ازاں عدالت نے سماعت 2مئی تک ملتوی کرتے ہوئے وکلا کو دلائل کیلئے طلب کرلیا۔

وفاقی وزارتوں اور ڈویژنز میں اہم تعیناتیوں اور آسامیوں کی تخلیق میں وزیراعظم کا اختیار …

واضح رہے کہ پنجاب کے مختلف شہروں میں ضمنی انتخابات کے موقع پر 144 کا نفاذ کیا گیا تھا،ترجمان محکمہ داخلہ نے لاہور، قصور، چکوال، گجرات، بھکر،وزیرآباد، ناروال، شیخوپورہ، رحیم یار خان میں دفعہ 144کا نفاذ کیا تھا جبکہ دفعہ 144کا نفاذ 18اپریل سے22اپریل تک کیا گیا تھا ،ہوم سیکرٹری پنجاب کی ہدایت پر بلال احمد نے نوٹی فکیشن جاری کیا تھا-

اسلام آباد سے اغوا ہونیوالی سعودی خاتون کراچی سے بازیاب،ملزم گرفتار

معرو ف ٹک ٹاکر کا اپنی بہن پر ان کی بیڈروم میں نجی ویڈیوز …

لاہور: وزیر اعلیٰ پنجاب مریم نواز نے کہا کہ خواتین سپر ہیومنز ہیں، ہم خواتین مائیں بھی ہیں، بیٹیاں بھی ہیں، جتنی تندہی سے ہم اپنی ذمہ داریاں ادا کرتے ہیں کوئی سوچ بھی نہیں سکتا کہ اس میں کتنی محنت لگتی ہے۔

باغی ٹی وی : لاہور میں پاسنگ آؤٹ پریڈ سے خطاب کرتے ہوئے وزیر اعلیٰ پنجاب مریم نواز نے کہا کہ پہلے کبھی میں جلسوں میں جاتی تھی تو دیکھتی تھی کہ خواتین پولیس افسر نے بھاری ہتھیار اٹھائے ہوتے تھے اور مردوں والے عہدوں پر کام کر رہی ہوتی تھیں، مجھے ان کو دیکھ کو خوشی ہوتی تھی، میں نے انسپکٹر جنرل پنجاب کو کہا کہ 7 ہزار کا نمبر بہت کم ہے اس کو بڑھانا چاہیے، خواتین سپر ہیومنز ہیں، ہم خواتین مائیں بھی ہیں، بیٹیاں بھی ہیں، جتنی تندہی سے ہم اپنی ذمہ داریاں ادا کرتے ہیں کوئی سوچ بھی نہیں سکتا کہ اس میں کتی محنت لگتی ہے۔

انہوں نے کہا کہ میں آپ سب کو سلام پیش کرتی ہوں، مجھے خوشی ہوئی کہ پہلی سوارڈ آف آنر ایک خواتین پولیس افسر کو ملی، مجھے آپ سب پر فخر ہے، جب سے میں نے وزیر اعلی کا حلف لیا تب سے میں اس تقریب کا انتظار کر رہی تھی، آئی جی صاحب سے ہر روز ہی پوچھتی تھی کہ یہ تقریب کب ہونی ہے، مجھے شرکت کرنے کا بہت شوق تھا، آخر کار اللہ نے مجھے موقع دے دیا کہ میں آپ لوگوں کے ساتھ یہاں موجود ہوں، کسی بھی قسم کی مدد درکار ہو تو میں ہر وقت آپ کے لیے حاضر ہوں۔

اسلام آباد سے اغوا ہونیوالی سعودی خاتون کراچی سے بازیاب،ملزم گرفتار

انہوں نے کہا کہ جب میں نے پولیس کا یونیفارم پہنا تب مجھے احساس ہوا کہ یہ کتنی بڑی ذمہ داری ہے لیکن میں فیصلے کرتی ہوں آپ اس پر عمل در آمد کرتے ہیں تو آپ کی زیادہ بڑی ذمہ داری ہیں، خواتین نرم دل ہوتی ہیں اور بہت چیزوں کو معاف کردیتی ہیں مگر اس عہدے پر انصاف سے کام لینا، آپ کے دل میں ظالم کے لیے کوئی جگہ نہیں ہونی چاہیے۔

وفاقی وزارتوں اور ڈویژنز میں اہم تعیناتیوں اور آسامیوں کی تخلیق میں وزیراعظم کا اختیار …

وزیر اعلی پنجاب نے کہا کہ جب مجھے کسی کے خلاف فیصلہ کرنا ہوتا ہے تو میں دل پر پتھر رکھ کے کرتی ہوں، مگر جس معاشرے میں انصاف نہیں، وہ بگڑ جاتے ہیں، آپ سے توقع ہے کہ ظالم کو کیفر کردار تک پہنچائیں گی، میں سب کو مبارکباد پیش کرتی ہوں، یہ بیٹیاں اپنے ماں باپ کا سر جھکنے نہیں دیں گی، میں تین بار وزیر اعظم رہنے والے نواز شریف کی بیٹی تھی مگر مجھے بھی خود کو ثابت کرنا پڑا، مجھے آگ کے دریا سے گزرنا پڑا اور اچھا ہوا میری ٹریننگ ہوئی، وزیر اعلیٰ بننا آسان نہیں ہے، یہ کرسی اللہ نے مجھے دی ہے، کوئی اب نہیں کہہ سکتا کہ وہ یہاں اس لیے بیٹھی ہے کہ اس کا باپ وزیر اعظم تھا، جب گھر جاتی ہوں ابو مجھے دیکھ کر بہت خوش ہوتے ہیں-

وزیر اعظم نے چیف کمشنر اسلام آباد کو عہدے سے ہٹا دیا

وزیراعلیٰ پنجاب مریم نواز پولیس وردی پہن کر پولیس ٹریننگ سنٹر پہنچ گئیں
قبل ازیں وزیرِاعلیٰ پنجاب مریم نواز شریف کی پولیس ٹریننگ کالج چوہنگ آمدہوئی،وزیرِاعلیٰ مریم نواز شریف پولیس یونیفارم میں ملبوس تھیں،وزیرِاعلیٰ مریم نواز شریف کو آمد پر روایتی پولیس "کین بیٹن” پیش کی گئی ، وزیرِاعلیٰ مریم نواز شریف نے لیڈی پولیس کانسٹیبل اور ٹریفک اسسٹنٹ کی پاسنگ آؤٹ پریڈ میں شرکت کی،
وزیرِاعلیٰ مریم نواز شریف کو لیڈی پولیس کانسٹیبل اور ٹریفک اسسٹنٹ کے چاک و چوبند دستوں نے جنرل سلامی پیش کی ،وزیرِاعلیٰ مریم نواز شریف نے جیپ پر پاسنگ آوٹ پریڈ کا معائنہ کیا ،پولیس بینڈ پاسنگ آؤٹ پریڈ تقریب میں ولولہ انگیز دھنیں پیش کرتا رہا،پاس آؤٹ ہونے والی لیڈی پولیس کانسٹیبل اور ٹریفک اسسٹنٹ نے حلف اٹھایا ،وزیرِاعلیٰ مریم نواز شریف نے لیڈی پولیس کانسٹیبل اور ٹریفک اسسٹنٹ ٹریننگ میں نمایاں کارکردگی دکھانے والی اہلکاروں میں انعامات و اعزازات تقسیم کیے،ٹریفک اسسٹنٹ فضہ بتول، مقدس رانی، حافظہ عشا لیڈی پولیس کانسٹیبل جویریہ فیاض، کوثر ریاض، لائبہ شبیر کو انعامات دیے گئے ،وزیرِاعلیٰ مریم نواز شریف نےمظفر گڑھ کی لیڈی کانسٹیبل طیبہ امین کو اعزازی تلوار سے نوازا ،کمانڈنٹ پولیس ٹریننگ ڈپٹی آئی جی محبوب اسلم نے سپاس نامہ پیش کیا،وزیرِاعلیٰ مریم نواز شریف نے پاس آؤٹ ہونے والی لیڈی پولیس کانسٹیبل اور ٹریفک اسسٹنٹ کے ساتھ مل کر نعرہ تکبیر اور پاکستان ذندہ باد کے نعرے لگائے ،لیڈی پولیس کانسٹیبل اور ٹریفک اسسٹنٹ کے آٹھ دستوں کے مارچ پاسٹ کیا اورسلامی پیش کی،وزیرِاعلیٰ مریم نواز شریف نے بینڈ سٹاف کو سراہا اور انعام بھی دیا،وزیرِاعلیٰ مریم نواز شریف نے پاس آؤٹ ہونے والی لیڈی پولیس کانسٹیبل اور ٹریفک اسسٹنٹ کو محنت، لگن، دیانت داری اور پروفیشنلزم کی تلقین کی ،وزیرِاعلیٰ مریم نواز شریف نے پولیس ٹریننگ کالج چوہنگ میں لیڈی کانسٹیبل پاسنگ آؤٹ تقریب سے خطاب کیا،سینیئر منسٹر مریم اورنگزیب، صوبائی وزیرِ اطلاعات عظمی زاہد بخآری، آئی جی، ایڈیشنل آئی جی، کمانڈنگ بھی اس موقع پر موجود تھے