Author: Ayesha Rehmani

اسلام آباد: سابق وزیراعلیٰ سندھ مراد علی شاہ نے کہا ہے کہ سندھ کے عوام کے شکر گزار ہیں کہ بھاری ووٹوں سے پی پی کو کامیاب کیا-

باغی ٹی وی: مراد علی شاہ نے اسلام آباد میں پریس کانفرنس کرتے ہوئے کہا کہ پیر صاحب پگارا کو ان کے بھائی اور جی ڈی اے نے خراب کیا، انہیں جی ڈی اے نے استعمال کیا، پیر صاحب اپنے دوست بدل لیں آپ کے مخلص دوست نہیں ہیں۔

مراد علی شاہ نے کہا کہ جب الیکشن کا اعلان کر دیا تو اس کے بعد انہوں نے ہم سے دس نشستیں مانگیں، آپ کا دس سیٹ مانگنے کا حق نہیں بنتا تھا، پی پی وہی فیصلہ کرے گی جو ملک کے مفاد میں ہو، ایم کیوایم کی پندرہ نشستوں پر حیرت ہے اس کا جائزہ لیں گے ، انہوں نے ایک سال پہلے بلدیاتی الیکشن میں کہا تھا ہم مقابلے کے لیے تیار نہیں، ایک سال میں کیا بات ہو گئی جن کے پولنگ ایجنٹ بھی نہیں تھے وہ پندرہ نشستیں جیت گئے۔

واضح رہے کہ گزشتہ روز گرینڈ ڈیموکریٹک الائنس ( جی ڈی اے) اور مسلم لیگ فنکشنل کے سربراہ پیر صبغت اللہ شاہ راشدی پیر پگارا نے احتجاجاً سندھ اسمبلی کی دو نشستیں چھوڑنےکا اعلان کرتے ہوئے کہا کہ یہ دو نشستیں بھی زرداری صاحب کو دے دیں،پیر پگارا نے دعویٰ کیا کہ مجھےکہا گیا کہ زرداری صاحب سے الائنس کرلو، نشستیں مل جائیں گی، منع کیا تو کہا کہ پھر جی ڈی اے کے سامنے صفر لکھا ہوا ہے، ایم کیو ایم کے سامنے15ہے۔

پیر پگارا کا کہنا تھا کہ ہم الیکشن کے نتائج کو مسترد کرتے ہیں، یہ اینٹی اسٹیٹ الیکشن تھا، یہ ریٹرننگ افسران کا نہیں کسی اورکا کام ہے، ہم یہ 2 سیٹیں بھی واپس کر دیں گے، ہم قانون کے دائرے میں رہ کر احتجاج کریں گے، ہمارے احتجاج میں ایمبولینس کوکوئی نہیں روکےگا، ہم کوئی خیرات کی سیٹیں نہیں لیں گے، مجھے کسی دوست نے مشورہ دیا کہ جی ڈی اے ختم کردو،آپ کو دو تین ایم این اے اور ایم پی اے مل جائیں گے، میں نےکہا کہ میں جی ڈی اے ختم نہیں کرسکتا، کہا گیا ایم کیو ایم کا پیپلز پارٹی کے ساتھ کوئی جھگڑا نہیں، ایم کیو ایم کا پی ٹی آئی سے جھگڑا ہے۔

اسلام آباد: سپریم کورٹ نے جڑانوالہ واقعے پر پنجاب حکومت کی رپورٹ مسترد کردی-

باغی ٹی وی : سپریم کورٹ میں اقلیتوں کے حقوق سے متعلق کیس کی سماعت ہوئی، دوران سماعت پنجاب حکومت نے جڑانوالہ واقعے سے متعلق پیشرفت رپورٹ عدالت میں جمع کرائی، جسے دیکھ کر چیف جسٹس پاکستان نے ریمارکس دئیے کہ پنجاب حکومت کی رپورٹ ردی کی ٹوکری میں پھینکنے کے قابل ہے، جڑانوالہ واقعے سے متعلق یہ رپورٹ دیکھنے کے بعد مجھے شرمندگی ہو رہی ہے۔

جسٹس قاضی فائز عیسیٰ نے استفسار کیا کہ جڑانوالہ واقعہ کب ہوا اور اب تک کتنے لوگ پکڑے گئے؟، جس پر ایڈشنل ایڈووکیٹ جنرل پنجاب نے عدالت کو بتایا کہ جڑانوالہ واقعہ 16 اگست 2023 کو ہوا تھا، 22 مقدمات درج، 304 افراد گرفتار ہوئے، 22 میں سے 18 ایف آئی آرز کے چالان جمع ہوئے۔

عاطف خان اور شہرام ترکئی کی حفاظتی ضمانت منظور

چیف جسٹس نے ایڈیشنل ایڈووکیٹ جنرل پنجاب کی سرزنش کرتے ہوئے کہا کہ ماشااللہ سے 6 ماہ میں صرف یہ 18 چالان ہوئے؟ دوسری جگہوں پر جا کر اسلاموفوبیا پر ڈھنڈورا پیٹتے ہیں اور خود کیا کر رہے ہیں؟ غیر مسلموں کے ساتھ جو سلوک بھارت میں ہو رہا ہے وہ کاپی کرنا چاہتے ہیں؟کتنے بجے پہلا چرچ جلا تھا اور اگست میں فجر کب ہوتی ہے؟۔

این اے 47اور 48: شعیب شاہین ، علی بخاری اور عامر مغل کی درخواستوں پر …

ایس پی انویسٹی گیشنز فیصل آباد نے عدالت کو بتایا کہ قرآن پاک کی بے حرمتی صبح 5:15 بجے ہوئی جب قرآنی اوراق توہین آمیز طریقے سے نصب کیے گئے تھے، مسلمان کمیونٹی نے فیصلہ کیا کہ توہین مذہب پر کارروائی کریں، مسلمان کمیونٹی نے اجلاس کر کے فیصلہ کیا کہ توہین مذہب پر کارروائی کریں۔

سری لنکا میں عام انتخابات اگلے برس کرانے کا فیصلہ

چیف جسٹس پاکستان نے کہا کہ پولیس نے اپنی آنکھوں کے سامنے سب جلتا دیکھا؟ جڑانوالہ میں بہادر پولیس کھڑی تماشہ دیکھتی رہی، بعدازاں سپریم کورٹ نے جڑانوالہ واقعے سے متعلق پنجاب حکومت کی رپورٹ مسترد کردی۔

اسلا م آباد : الیکشن کمیشن نے قومی اسمبلی کی نشست این اے 70 اور پی پی45 کے سیالکوٹ کے نتائج روک دئیے۔

باغی ٹی وی : الیکشن کمیشن میں انتخابی شکایات سے متعلق کیسز کی سماعتیں ہوئی، چیف الیکشن کمشنر سکندر سلطان راجہ اورممبر خبیرپختوانخوا اکرم اللہ نے این اے 70 اور پی پی 45 کی انتخابی عذرداریوں پر سماعت کی۔

دوران سماعت درخواست گزار کے وکیل نے مؤقف اپنایا کہ فارم 45کے مطابق دونوں نشستو ں پر آزاد امیدوارکامیاب ہوئے، فارم47 ترتیب دیتے وقت ڈی پی او نے دونوں آزاد امیدواروں کو گرفتار کیا جب کہ این اے 70 اور پی پی 45 کے نتائج امیدواروں کی غیر موجودگی میں جاری کیے گئے۔

وکیل درخواست گزار کے دلائل پر الیکشن کمیشن نے این اے 70 اور پی پی 45کے ریٹرنگ افسران سے رپورٹ طلب کرتے ہوئے دونوں حلقوں کے نتائج روک دئیے-

علی امین گنڈا پور وزیراعلیٰ خیبرپختونخوا نامزد

ین اے 65 گجرات انتخابی عذرداری کیس میں وکیل نے مؤقف اپنایاکہ آزاد امیدوارسید وجاہت حسنین 90 ہزارکی لیڈ سے جیت چکے تھے قمر زمان کائرہ دوسری پوزیشن پر تھے لیکن تیسری پوزیشن پر موجود ن لیگ کے نصیرعباس کو کامیاب قراردیا گیا، کل ووٹ اور مسترد ووٹ کے اعداد و شمار بھی غلط ہیں۔

الیکشن کمیشن نے 20 فروری کو ریٹرننگ آفیسر (آر او) سے رپورٹ طلب کرلی۔

الیکشن کمیشن میں این اے 118 سے متعلق عالیہ حمزہ کی دوبارہ گنتی کی درخواست پرسماعت ہوئی جبکہ کمیشن نے آر او سے رپورٹ طلب کرتے ہوئے سماعت 29 فروری تک ملتوی کردی۔

پیپلز پارٹی کی سی ای سی کا بلوچستان میں حکومت بنانے کا فیصلہ

پی پی 71 سرگودھا کی انتخابی عذرداریوں کی سماعت میں وکیل نعیم حیدرپنجھوتہ نے کہا کہ حلقے میں دوبارہ ٹھپے لگا کر ووٹ ضائع کیے گئے، دوبارہ گنتی کی درخواست کا بھی کوئی جواب نہیں دیا گیا امیدواروں کی موجودگی میں گنتی کا قانون ہے، الیکشن کمیشن نے پی پی 71 کی انتخابی عذردری سے متعلق فیصلہ محفوظ کرلیا۔

پی ایس ایل 9 کیلئے ٹرافی کی رونمائی کردی گئی

اسلام آباد: پیپلز پارٹی کی سینٹرل ایگزیکٹو کمیٹی(سی ای سی) نے بلوچستان میں حکومت بنانے کا فیصلہ کرلیا۔

باغی ٹی وی : گزشتہ روز پیپلزپارٹی کے سینٹرل ایگزیکٹو کمیٹی کے اجلاس کے پہلے دن سی ای سی پنجاب کے ارکان نے نگران صوبائی حکومت کے خلاف شکایات کے انبار لگادئیے کہا کہ پنجاب کی نشستوں پر ڈاکا ڈالا گیا جو منتخب ہوئے وہ تو دوڑ میں ہی نہیں تھےجیتی ہوئی نشستوں پرنگران صوبائی حکومت نے انتظامیہ کی مدد سے ہماری کامیابی کوشکست میں بدلا، پیپلزپارٹی کی سی ای سی نے پی پی بلوچستان کو خراج تحسین پیش کیا اور صوبے میں حکومت بنانے کا فیصلہ کیا۔

علی امین گنڈا پور وزیراعلیٰ خیبرپختونخوا نامزد

ذرائع کا کہنا ہےکہ سی ای سی میں فیصلہ کیا گیا ہےکہ بلوچستان میں حکومت بنانے کے لیے دیگر جماعتوں سے رابطوں کے لیے آج اجلاس میں کمیٹی بھی بنائی جائےگی، پہلے دن اجلاس میں (ن) لیگ کی سربراہی میں بننے والی حکومت میں شامل نہ ہونے پر زیاد ہ ارکان نے رائے دی جب کہ ارکان نے پی ٹی آئی کے آزاد ارکان سے بات چیت کرنے پر بھی رائے دی، اجلاس میں تجویز دی گئی کہ (ن) لیگ کی حکومت بنواکر خود مضبوط اپوزیشن کی جائے۔

اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف