کراچی: بیٹی کے مبینہ گینگ ریپ کا بدلہ لینےکیلئے والدین نے ملزم کوگولیاں مار دیں
باغی ٹی وی :اورنگی ٹاؤن مومن آباد میں فائرنگ سے شہری باسط کے زخمی ہونے کا معاملہ مبینہ طور پر اکتوبر میں پنجاب کے ضلع لیہ میں ہونے والے گینگ ریپ کا شاخسانہ نکلا،مومن آباد پولیس نے فائرنگ کرنے والے میاں بیوی کو گرفتار کرکے مقدمہ درج کرلیا، گرفتار ملزمہ اور شوہر کے مطابق باسط نے چار ساتھیوں کے ساتھ مل کر ان کی بیٹی سے اجتماعی زیادتی کی۔
متاثرہ خاتون نے ملزمان کے خلاف پنجاب کے شہر لیہ میں مقدمہ درج کرایا تھا مگر کچھ ہفتوں بعد چاروں ملزمان نے عدالت سے ضمانت حاصل کرلی تھی، مقدمے میں باسط کا نام نہیں تھا،خاتون نےگینگ ریپ کے مبینہ مرکزی کردار کو بہانے سے کراچی میں اورنگی ٹاؤن نالےکے قریب بلایا اور موقع پا کر ملزم کے پیٹ میں گولی ماردی جبکہ دوسری گولی خاتون کے شوہر نے کمر میں ماری، دونوں ملزم کو مردہ سمجھ کے موقع سے فرار ہوگئے۔
پولیس کا کہنا ہےکہ اب تک کی تفتیش میں باسط کےگینگ ریپ میں ملوث ہونے کے شواہد نہیں ملے، ابتدائی معلومات کے مطابق زخمی باسط کے کزن زیادتی میں ملوث ہیں، ملزمان کا دعویٰ ہےکہ زیادتی کے واقعے میں باسط بھی شامل ہے زخمی باسط کی حالت تشویشناک ہے اور وہ عباسی شہید اسپتال میں زیر علاج ہے۔
دوسری جانب حیدرآباد میں 13 سالہ لڑکی سے مبینہ اجتماعی زیادتی کا واقعہ پیش آیا ہے پولیس کے مطابق مبینہ اجتماعی زیادتی کا واقعہ گھمن آباد میں پیش آیا13سالہ لڑکی سے مبینہ اجتماعی زیادتی کے الزام میں 2 ملزمان کو گرفتار کیا گیا ہے جن سے تفتیش کی جارہی ہے ملزمان چیز دلانے کے بہانے بچی کو لے کر گئے تھے اور اس سے زیادتی کی ویڈیو بھی بنائی، لڑکی کامیڈیکل کرالیا گیا ہے، رپورٹ کا انتظار ہے۔
ادھر عارف والا میں ماں باپ نے پسند کی شادی کرنے پر بیٹی کو مبینہ طور پر زہر دے کر قتل کر دیاپولیس کے مطابق نواحی گاؤں ایک سو گیارہ سی بی کی رہائشی 20 سالہ بسمہ کوثر نے 6 ماہ قبل پسند کی شادی کی،بسمہ عدالت میں شوہر کے حق میں بیان دینے کے بعد والدین کے ساتھ چلی گئی، بعد ازاں والدین نے مبینہ طور پر اپنی بیٹی کو زہر دے دیا جس سے وہ موقع پر ہی دم توڑ گئی، مقتولہ کے شوہر نصیر احمد کی مدعیت میں بسمہ کے والدین کے خلاف مقدمہ درج کر لیا گیا ہے۔
