Baaghi TV

Author: Ayesha Rehmani

  • علی ظفر نے پی ایس ایل 9 کے ترانے کا نام بتا دیا

    علی ظفر نے پی ایس ایل 9 کے ترانے کا نام بتا دیا

    لاہور: عالمی شہرت یافتہ پاکستانی گلوکار علی ظفر نے ایچ بی ایل پی ایس ایل (پاکستان سُپر لیگ) کے سیزن 9 کے ترانے کا نام بتادیا ہے ۔

    باغی ٹی وی: تفصیلات کے مطابق پی ایس ایل 9 کا آغاز 17 فروری کو ہوگا، پہلا میچ لاہور کے قذافی اسٹیڈیم میں کھیلا جائے گا، ٹی ٹوئنٹی ٹورنامنٹ میں مجموعی طور پر 34 میچ کھیلے جائیں گے، پی ایس ایل کا فائنل 18 مارچ کو کراچی میں ہوگا،پاکستان کرکٹ بورڈ کی جانب سے ایونٹ کی تیاریاں جاری ہیں جبکہ شائقین اس سیزن کے ترانے کا انتظار کررہے ہیں شائقین کرکٹ کے انتظار کو ختم کرتے ہوئے علی ظفر نے سماجی رابطے کی ویب سائٹ ایکس پر پی ایس ایل کے ترانے کے حوالے سے پوسٹ جاری کی ہے۔
    https://x.com/AliZafarsays/status/1754176018997555282?s=20
    علی ظفر نے پاکستان سُپر لیگ کے آفیشل ایکس اکاؤنٹ کی پوسٹ ری ٹوئٹ کی جس میں ترانے کی دُھن تھی اور ساتھ ہی پوسٹ پر لکھا تھا کہ جب مقابلہ ہو ٹکر کا تو کُھل کے کھیل،اس بار پی ایس ایل کا ترانہ کھیلنے اور بے خوف ہو کر جینے کے بارے میں ہے تو اسی لیے میں نے “کُھل کے کھیل” کے عنوان سے ترانہ لکھا ہے”،ڈانس کے لیے اپنے جوتے تیار کرلیں کیونکہ ترانہ بہت جلد آنے والا ہے-

  • بلوچستان میں لیویز تھانے پر نامعلوم دہشتگردوں کا حملہ

    بلوچستان میں لیویز تھانے پر نامعلوم دہشتگردوں کا حملہ

    بولان: بلوچستان میں لیویز تھانے پر نامعلوم دہشتگردوں نے حملہ کردیا۔

    باغی ٹی وی : لیویز فورس کے مطابق گرگوت کے علاقے میں تھانے پر نامعلوم دہشت گردوں نے جدید اسلحہ استعمال کرتے ہوئے اندھا دھند فائرنگ کردی، ابتدائی اطلاعات کے مطابق تھانے پر حملے میں کسی قسم کا جانی نقصان نہیں ہوا،

    دوسری جانب صوبائی وزیر اطلاعات نے تصدیق کی ہے کہ گرگوت میں لیویز چیک پوسٹ پر نامعلوم افراد نے فائرنگ کی ہے، تاہم کسی جانی نقصان کی اطلاع نہیں ملی، سماجی رابطے کی ویب سائٹ ایکس پر اپنے بیان میں انہوں نے کہا کہ قانون نافذ کرنے والے ادارے الرٹ ہیں اور ٹریفک معمول کے مطابق جاری ہے۔

    ڈی آئی خان: دہشتگردوں کا تھانے پر حملہ، 10 اہلکار شہید، 6 زخمی

    قبل ازیں ڈی آئی خان کی تحصیل درابن کے تھانے پر رات گئے نامعلوم دہشتگردوں نے حملہ کیا۔دہشتگردوں کے حملے میں ڈیوٹی پر موجود 10 پولیس اہلکار شہید اور 6 زخمی ہوگئے ہیں۔اطلاعات کے مطابق واقعے کے بعد دہشتگرد فرار ہونے میں کامیاب ہو گئے، پولیس اور سکیورٹی فورسز نے دہشتگردوں کی تلاش کے لیے سرچ آپریشن شروع کر دیا ہے۔حملے میں شہید ہونے والے پولیس اہلکاروں کی نمازِ جنازہ اعجاز شہید پولیس لائن میں ادا کی جائے گی۔

    پنجگور میں نیشنل پارٹی کے امیدوار اور نوشکی میں الیکشن کمیشن کے دفتر کے قریب …

    سوچ سمجھ کر گفتگو کریں ورنہ …،ایم کیو ایم رہنما کی بلاول کو وارننگ

  • میں قانون پر عمل کرتا ہوں اور کسی الیکشن مہم کا حصہ نہیں بنوں گا،مرتضیٰ وہاب

    میں قانون پر عمل کرتا ہوں اور کسی الیکشن مہم کا حصہ نہیں بنوں گا،مرتضیٰ وہاب

    کراچی: مئیر کراچی مرتضیٰ وہاب کا کہنا ہے کہ میں قانون پر عمل کرتا ہوں اور کسی الیکشن مہم کا حصہ نہیں بنوں گا-

    باغی ٹی وی : میئر کراچی مرتضیٰ وہاب نے میڈیا سے گفتگو میں کہا کہ خوف اور جبر کی سیاست سے اللہ اس شہر کو محفوظ رکھے، ہم اس وقت کراچی کی سڑک پر موجود ہیں ، بلدیاتی اداروں نے کارکردگی دکھائی جس کی وجہ سے صورتحال بہتر ہے شہر کی مرکزی سڑکیں صاف ہیں، شہر کے کچھ علاقے اب بھی خراب ہیں-

    مرتضیٰ وہاب نے کہا کہ مسئلے کے حل کے لیے نہ مصطفی کمال جائے گا نہ نعیم الرحمان جائے گا، کل جب میں سڑکوں پر کام کررہا تھا ،الیکشن کمیشن کے ڈسٹرکٹ سینٹرل کے افسر نے مجھے جرمانہ کردیا، ان کو شاید مجھ سے کوئی مسئلہ ہے میں نے کوئی الیکشن مہم میں حصہ نہیں لیا ہے، جماعت اسلامی کے حافظ نعیم بھی الیکشن مہم چلارہے ہیں ، میں قانون پر عمل کرتا ہوں اور کسی الیکشن مہم کا حصہ نہیں بنوں گا-

    الیکشن کمیشن کا میئر کراچی مرتضیٰ وہاب پر جرمانہ عائد

    الیکشن ایکٹ کے تحت چوہدری نثار گروپ کے کارکنوں کے خلاف مقدمہ درج

    ضابطہ اخلاق کی خلاف ورزی، کے پی میں جرمانے، وارننگ نوٹس

  • شمالی علاقوں میں برفباری، پی ڈی ایم اے کی سیاحوں کو ایڈوائزی

    شمالی علاقوں میں برفباری، پی ڈی ایم اے کی سیاحوں کو ایڈوائزی

    اسلام آباد: ملک کے شمالی حصوں میں معروف تفریحی مقامات پر مزید برف باری ہوسکتی ہےجس کے بعد پاکستان ڈیزاسٹر مینیجمنٹ اتھارٹی نے سیاحوں کو برف باری والے تفریحی مقامات کی سیر کے حوالے سے محتاط رہنے کی ایڈوائزری جاری کر دی-

    باغی ٹی وی : ایڈوائزری میں بتایا گیا ہے کہ اگلے ہفتے تک برف باری جاری رہ سکتی ہے،محکمہ موسمیات نے برف باری کے بارے میں اتوار کو جاری کی جانے والی اپ ڈیٹ میں بتایا کہ کالام میں 7 انچ برف گئی ہے جبکہ مالم جبہ اور مری میں 4 انچ برف گری ہے، گلگت بلتستان میں دیامر، استور، غذر، اسکردو، ہنزہ، گلگت، غانشے اور شگار جبکہ آزاد جموں و کشمیر میں وادی نیلم، مظفر آباد، پونچھ، ہٹیاں، باغ، حویلی، سُدھانوٹی، کوٹلی، بھمبر اور میر پور میں برف باری ہوسکتی ہے۔خیبر پختونخوا میں چترال، دیر، سوات، ایبٹ آباد، مانسہرہ، ہری پور، کوہستان، شانگلہ، مری اور گلیات میں برف باری متوقع ہے کاغان ڈیویلپمنٹ اتھارٹی نے مانسہرہ ناران جالکھڈ روڈ کاغان سے بند کرکے سیاحوں کا داخلہ روک دیا ہے۔

    سوچ سمجھ کر گفتگو کریں ورنہ …،ایم کیو ایم رہنما کی بلاول کو وارننگ

    شہری کا گھر والوں سے پیسے ہتھیانے کیلئے خود کے اغوا کا ڈرامہ

    خصوصی ایڈوائزری میں سیاحوں سے کہا گیا ہے کہ سفر سے قبل موسم کی اپ ڈیٹ لیں، اپنی گاڑی کو اچھی طرح چیک کرلیں، فیول ٹینک بھرا ہوا رکھیں، پرانے ٹائر والی گاڑی میں سفر نہ کریں اور ٹائروں میں ہوا کم رکھیں،برف باری والے علاقوں میں گاڑی کو پھسلنے سے بچانے کے لیے ٹائروں میں رنجیریں لگائی جائیں، ٹریفک جام کی صورت میں بھی انجن بند نہ کیاجائے اور دھویں کا اخراج یقینی بنایا جائے کھڑکیاں بند ہونے کی صورت میں کار کا ہیٹر طویل دورانیے کے لیے آن نہ رکھا جائے، اشیائے خور و نوش (بشمول ڈرائی فروٹ) وافر مقدار میں لے کر سفر کیا جائے اور گرم کپڑے زیادہ تعداد میں ساتھ رکھیں، کسی بھی ہنگامی حالت میں پی ڈی ایم اے سے 1199 پر یا پھر موٹر وے اتھارٹی سے 130 پر رابطہ کیا جائے۔

    الیکشن ایکٹ کے تحت چوہدری نثار گروپ کے کارکنوں کے خلاف مقدمہ درج

  • سوچ سمجھ کر گفتگو کریں ورنہ …،ایم کیو ایم رہنما کی بلاول کو وارننگ

    سوچ سمجھ کر گفتگو کریں ورنہ …،ایم کیو ایم رہنما کی بلاول کو وارننگ

    کراچی: ایم کیو ایم پاکستان کے رہنما حیدر عباس رضوی نے چیئرمین پیپلز پارٹی بلاول بھٹو زرداری کو گزشتہ روز حیدرآباد جلسے میں دئیے گئے بیان پر کڑی تنقید کا نشانہ بنا ڈالا۔

    باغی ٹی وی : گزشتہ روز حیدر آباد میں جلسے سے خطاب کرتے ہوئے بلاول بھٹو زرداری کا کہنا تھا آپ کو ستارے کو ووٹ دینے کا کہا جائے تو ان کو کہیں کہ ستارے آسمان میں اچھے لگتے ہیں، آپ کو پتنگ کو ووٹ دینے کا کہا جائے تو ان کو کہیں پاکستان مخالف نعرے لگانے والوں کو ووٹ نہیں دیں گے، ان کو کہیں ہم ’را‘ سے پیسہ لینے والوں کو ووٹ نہیں دیں گے، آپ ان کو جواب دیں کہ ہم اس پتنگ کو کاٹ دیں گےمجھے حیدرآباد کی تمام سیٹیں چاہئیں، اس مرتبہ 8 فروری کو حیدرآباد میں تیروں کی بارش ہو گی، جیسے آپ نے پیپلزپارٹی کو بلدیاتی انتخابات میں جتوایا میں آپ کا شکرگزار ہوں۔

    عدت میں نکاح کے کیس میں سزا پر تعجب اور افسوس ہے،بلاول

    میر خاص میں جلسے میں چیئرمین پیپلزپارٹی بلاول بھٹو کے الزامات کا جواب دیتے ہوئے سابق رکن قومی اسمبلی اور رہنما ایم کیو ایم پاکستان حیدر عباس رضوی نے کڑی تنقید کرتے ہوئے کہا کہ آج کرپشن کے باعث پورا سندھ موہنجو دڑو ہے، بلاول صاحب طیارہ آپ ہائی جیک کریں اور را کا ایجنٹ ہمیں کہیں، بھارت کو پاکستان پر حملہ کرنے کے خطوط آپ لوگ لکھیں اور ایجنٹ ہم؟

    پنجگور میں نیشنل پارٹی کے امیدوار اور نوشکی میں الیکشن کمیشن کے دفتر کے قریب …

    انہوں نے کہا کہ بہت کچھ ریکارڈ پر ہے لیکن میں احتیاط کرنا چاہتا ہوں، مارچ میں تحریک عدم اعتماد کے دوران ایک معاہدہ آپ نے ایم کیو ایم کے ساتھ کیا تھا، ایم کیو ایم کے ساتھ معاہدہ کرتے وقت آپ کو یہ سب یاد کیوں نہ آیا، سوچ سمجھ کر گفتگو کریں ورنہ آپ کی پارٹی کے کارنامے بتانے کو بہت کچھ ہے۔

    آئندہ 2 روز میں ملک میں سردی کی لہر آنےکا امکان

  • شہری کا گھر والوں سے پیسے ہتھیانے کیلئے خود کے اغوا کا ڈرامہ

    شہری کا گھر والوں سے پیسے ہتھیانے کیلئے خود کے اغوا کا ڈرامہ

    پورٹس ماؤتھ: انگلینڈ سے تعلق رکھنے والے ایک شہری نے گھر والوں سے تاوان کی رقم حاصل کرنے کیلئے خودکے اغوا کا ڈرامہ رچا دیا-

    باغی ٹی وی :میڈیا رپورٹس کےمطابق 48 سالہ ایان روبی کا تعلق انگلینڈ کے پورٹس ماؤتھ سے ہے وہ ایک سیاح کے طور پر تھائی لینڈ گئے تھے اور مقامی تفریحات جیسے منشیات، پارٹیاں کرنے میں مگن رہنے لگے تھے اس کیلئے انہوں نے بار بار اپنی چھٹیوں کو آگے بڑھایا ان کی ان حرکات کو دیکھتے ہوئے گھروالوں نے آخرکار ان کو ان کاموں کیلئے پیسے بھیجنے سے انکار کردیا،ایان نے اپنے گھروالوں سے زبردستی رقم حاصل کرنے کے لیے منصوبہ بنایا اپنے ساتھیوں کو راضی کیا کہ وہ اسے ماریں پیٹیں اور نقاب پوش بدمعاشوں کا روپ دھار کر ان کے گھروالوں سے رقم بطور تاوان کا مطالبہ کریں۔

    الیکشن کمیشن کا میئر کراچی مرتضیٰ وہاب پر جرمانہ عائد

    تاہم دوستوں کے ایس کرنے پر ان کے اہل خانہ نے عقلمندی کا مظاہرہ کرتے ہوئے فوری طور پر پولیس سے رجوع کیا سیکورٹی اداروں کی جانب سے تحقیقات کےبعد اس بات کا انکشاف ہوا کہ ایان صرف اپنی عیاشی کیلئے رقم حاصل کرنا چاہتےتھےجس کیلئے انہوں نےاتنا بڑا ڈرامہ رچایا۔

    الیکشن کمیشن نے نگران حکومت کوپی آئی اے کی نجکاری سے روک دیا

    آئندہ 2 روز میں ملک میں سردی کی لہر آنےکا امکان

  • الیکشن ایکٹ کے تحت چوہدری نثار گروپ کے کارکنوں کے خلاف مقدمہ درج

    الیکشن ایکٹ کے تحت چوہدری نثار گروپ کے کارکنوں کے خلاف مقدمہ درج

    راولپنڈی: الیکشن ایکٹ کے تحت سابق وزیرداخلہ چوہدری نثار گروپ کے کارکنوں کے خلاف مقدمہ درج کیا گیا۔

    باغی ٹی وی : پاکستان مسلم لیگ (ن) کے امیدواروں این اے- 53 اور پی پی-10 کی انتخابی مہم چلانے والے کارکن کی درخواست پر الیکشن ایکٹ کےتحت پہلا مقدمہ سابق وزیرداخلہ چوہدری نثار گروپ کے کارکنوں کےخلاف درج کرلیا گیا،مقدمہ مسلم لیگ (ن) کے کارکن تنویر حسین کی مدعیت میں راولپنڈی کے تھانہ چکری میں درج کر لیا گیا ہے، جس میں انہوں نے کہا کہ میں کروڑ کا رہائشی ہوں اور مسلم لیگ (ن) کے امیدواروں کی یونین کونسل پڑیال میں انتخابی چلا رہا ہوں۔

    الیکشن کمیشن نے نگران حکومت کوپی آئی اے کی نجکاری سے روک دیا

    تنویر حسین نےمؤقف اپنایا کہ مخالفین سابق نائب ناظم اور دیگر کا تعلق چوہدری نثار گروپ سے ہےجو مسلم لیگ (ن) کے امیدوارو ں کی انتخابی مہم چلانے پر دھمکیاں دیتے ہیں میں گھر موجود تھا کہ مخالفین گھر میں آئے اور تشدد کا نشانہ بنایا، اشتعال دلاتے رہے کہ مزید مارو تاکہ یہ یونین کونسل میں مسلم لیگ (ن) کی انتخابی مہم نہ چلائے اور اہل محلہ اور گھر والوں کے جمع ہونے پر ملزمان گھر سے انتخابی مہم کے لیے جمع مسلم لیگ (ن) کا سامان بینرز وغیرہ اور ایک گیس سلینڈر بھی اٹھا کر لے گئے،مخالفین سے ذاتی اور سیاسی مخالفت ہے جو آئے روز دھمکیاں دیتے ہیں لہٰذا قانونی کارروائی کرکے میرا سامان برآمد کرایا جائے۔

    الیکشن کمیشن کا میئر کراچی مرتضیٰ وہاب پر جرمانہ عائد

    چکری پولیس نے الیکشن ایکٹ کی دفعہ 171/1/C کے تحت دھمکیاں دینے، چوری سمیت دیگر دفعات کے تحت مقدمہ درج کر لیا ہے۔

  • پی ٹی آئی کو انتخابی نشان نا ملنے پر امریکی کانگریس اراکین کا پاکستان کیخلاف پابندیاں عائدکرنے کا مطالبہ

    پی ٹی آئی کو انتخابی نشان نا ملنے پر امریکی کانگریس اراکین کا پاکستان کیخلاف پابندیاں عائدکرنے کا مطالبہ

    اسلام آباد: پاکستان تحریک انصاف کو انتخابی نشان نہ ملنے اور بطور سیاسی جماعت اس کے انتخابات سے باہر ہو جانے پر امریکی کانگریس کے اراکین نے پاکستان پر پابندیاں عائد کرنے کے لیے محکمہ خارجہ کو خط لکھ دیا-

    باغی ٹی وی : کانگرس کے ایوان نمائندگان کی رکن الہان عمر کی قیادت میں ڈیموکریٹ اراکین کانگریس نے محکمہ خارجہ کو ایک خط بھیجا ہے جس میں پاکستان پر پابندیوں کی تجویز دی گئی ہے اگرچہ اس خط سے پاکستان پر پابندیاں لگنے کا امکان نہیں لیکن اس میں پاکستانی اداروں پر الزامات عائد کیے گئے ہیں۔

    الہان عمر اور دیگر ڈیموکریٹس نے بانی پی ٹی آئی اور سابق وزیراعظم عمران خان کے حق میں آواز اٹھاتے ہوئے پاکستان میں عام انتخابات کی شفافیت پر سوال اٹھایا ہے سوشل میڈیا ویب سائٹ ایکس پر ایک پوسٹ میں الہان نے اپنے تحفظات کااظہار کیا۔

    آج یوم یکجہتی کشمیر جوش و خروش سے منایا جا رہا ہے

    https://x.com/IlhanMN/status/1754233161205305486?s=20
    انہوں نے لکھا کہ جب سے میں نے اور میرے ساتھیوں نے گزشتہ نومبر میں پاکستان میں انسانی حقوق کے بارے میں اپنے خدشات کا اظہار کیا ہے، حالات مزید خراب ہوئے ہیں،حزب اختلاف کی ایک جماعت کو مجرم قرار دیا گیا ہو تو آزادانہ اور منصفانہ انتخابات نہیں ہو سکتے۔

    ڈی آئی خان: دہشتگردوں کا تھانے پر حملہ، 10 اہلکار شہید، 6 زخمی

    واضح رہے کہ الہان ​​عمر اپریل 2022 میں اسلام آباد کے دورے پر آئی تھیں جونئی حکومت کے اقتدار سنبھالنے کے بعد کسی امریکی قانون ساز کا پہلا دورہ پاکستان تھا اس دوران انہوں نےسابق وزیر اعظم عمران خان کےساتھ بھی ملاقات کی تھی جس پرخاصے سوالات اٹھائے گئے تھے یہ ملاقات اس لیے بھی متنازع قرارپائی کیونکہ عمران خان نے اپنی برطرفی کا ذمے دار امریکا کو قراردیا تھا۔

    الیکشن کمیشن کا میئر کراچی مرتضیٰ وہاب پر جرمانہ عائد

  • الیکشن کمیشن کا میئر کراچی مرتضیٰ وہاب پر جرمانہ عائد

    الیکشن کمیشن کا میئر کراچی مرتضیٰ وہاب پر جرمانہ عائد

    کراچی: الیکشن کمیشن آف پاکستان (ای سی پی) نے میئر کراچی مرتضیٰ وہاب پر انتخابی ضابطہ اخلاق ورزی پر جرمانہ عائد کر دیا-

    باغی ٹی وی: ای سی پی نے الیکشن 2024ء کے ضابطہ اخلاق کی خلاف ورزی پر میئر کراچی پر 49 ہزار روپے کا جرمانہ عائد کیا ہے۔ڈسٹرکٹ مانیٹرنگ افسر کراچی سینٹرل نے مرتضیٰ وہاب پر عدم پیشی پر یہ جرمانہ عائد کیا ہے۔ای سی پی نے اپنے مراسلے میں کہا کہ میئر کراچی مرتضیٰ وہاب ضابطہ اخلاق کی شق نمبر 18 اور 41 کے مرتکب پائے گئے ہیں۔

    قبل ازیں سیکرٹری الیکشن کمیشن نے نگران وزیراعظم کے سیکرٹری اور سیکرٹری کابینہ ڈویژن کو خط لکھا، نگران وزیراعظم کے سیکرٹری کے نام خط میں سیکرٹری الیکشن کمیشن ڈاکٹر آصف حسین نے سیکرٹری کابینہ ڈویژن کامران علی افضل کو خط میں لکھا کہ پی آئی اے کی نجکاری کے معاملات کی تمام دستاویزات جائزے کے لیے الیکشن کمیشن کو فراہم کی جائیں، الیکشن کمیشن کی جانب سے اس معاملے پر کسی بھی فیصلے سے پہلے نگران حکومت پی آئی اے نجکاری کے کسی معاہدے پر دستخط کرنے سے اجتناب کرے-

  • الیکشن کمیشن نے نگران حکومت کوپی آئی اے کی نجکاری سے روک دیا

    الیکشن کمیشن نے نگران حکومت کوپی آئی اے کی نجکاری سے روک دیا

    اسلام آباد: الیکشن کمیشن نے نگران حکومت کو پاکستان انٹرنیشنل ائیر لائنز (پی آئی اے) کی نجکاری سے روک دیا۔

    باغی ٹی وی: سیکرٹری الیکشن کمیشن نے نگران وزیراعظم کے سیکرٹری اور سیکرٹری کابینہ ڈویژن کو خط لکھا، نگران وزیراعظم کے سیکرٹری کے نام خط میں سیکرٹری الیکشن کمیشن ڈاکٹر آصف حسین نے سیکرٹری کابینہ ڈویژن کامران علی افضل کو خط میں لکھا کہ پی آئی اے کی نجکاری کے معاملات کی تمام دستاویزات جائزے کے لیے الیکشن کمیشن کو فراہم کی جائیں، الیکشن کمیشن کی جانب سے اس معاملے پر کسی بھی فیصلے سے پہلے نگران حکومت پی آئی اے نجکاری کے کسی معاہدے پر دستخط کرنے سے اجتناب کرے۔

    خیال رہے کہ ملک میں عام انتخابات کیلئے 8 فروری کو پولنگ ہوگی جس میں 3 دن رہ گئے ہیں۔