Baaghi TV

Author: Ayesha Rehmani

  • زمین ہمیشہ سے گول نہیں تھی،تحقیق

    زمین ہمیشہ سے گول نہیں تھی،تحقیق

    لنکا شائر: ہم سب جانتے ہیں کہ زمین گول ہے ،تاہم اب ایک تحقیق میں سائنسدانوں نے بتایا ہے کہ ممکنہ طور پر زمین ہمیشہ سے گول نہیں بلکہ اوبلیٹ (بیضوی شکل جس کے سرے چپٹے ہوں) شکل کی تھی-

    باغی ٹی وی: اس سےقبل سائنسدانوں کاخیال تھا کہ پروٹو سیارے (ستاروں کے گرد بننے والے نئے نئے سیارے) گول ہوتے ہوں گے، اس خیال کو پرکھنے کے لیے یونیورسٹی آف سینٹرل لنکاشائر کے محققین نے مصنوعی طور پر سمیولیشن کے ذریعے یہ جاننے کی کوشش کی کہ ستاروں کے گرد ڈسک کی صورت میں سیارے کس طرح تشکیل پاتے ہوں گے۔

    اس سمیولیشن میں نو تشکیل سیاروں کو گول ہونے کے بجائے چپٹی شکل میں پایا گیا ایسا پہلی بار ہوا ہے کہ سائنسدانوں نے سمیولیشن میں نو تشکیل شدہ سیاروں کی تھری ڈی شکلوں کا مشاہدہ کیا تحقیق کے شریک مصنف ڈاکٹر ڈیمیٹری اسٹیمیٹیلوس کا کہنا تھا کہ سائنسدان یہ جان کر حیران رہ گئے کہ ابتدائی دور میں زمین گول نہیں بلکہ اوبلیٹ شکل کی تھی۔

    ان کا کہنا تھا کہ سائنسدان سیاروں کی تشکیل کےعمل کا عرصے سے مطالعہ کر رہے ہیں لیکن سیاروں کی ساخت کو اس طرح سے نہیں دیکھ سکے جس طرح وہ سمیولیشن میں ابھر کر سامنے آئےہم ہمیشہ سے سمجھتے آئے تھے کہ سیارے شروع سے گول تھےزیادہ تر سیارے جن کا ہم مشاہدہ کر سکتے ہیں گول ہوتے ہیں یا کم از کم گول کے قریب ہوتے ہیں، سمیولیشن کے مطابق ابتدائی وقت میں ہماری زمین کے قطبین تقریباً 0.3 فیصد، مشتری کےتقریباً 6 فیصد اور زحل کے تقریباً 10 فیصد تک چپٹے تھے۔

  • نمیبیا کے صدر 82 سال کی عمر میں انتقال کر گئے

    نمیبیا کے صدر 82 سال کی عمر میں انتقال کر گئے

    ونڈہوک : نمیبیا کے صدر ہیج گینگوب 82 سال کی عمر میں دارالحکومت ونڈہوک کے ایک ہسپتال میں علاج کے دوران انتقال کر گئے۔

    باغی ٹی وی : غیر ملکی میڈیا رپورٹس کے مطابق گینگوب کو کینسر کی تشخیص ہوئی تھی اور انہوں نے اس کی تفصیلات گزشتہ ماہ عوام کے سامنے ظاہر کی تھیں، صدر کے انتقال کی تصدیق نائب صدر نا نگولو ممبوبا کی جانب سے کی گئی جنہوں نے بتایا کہ ہیج گینگوب کا انتقال اتوار کو علی الصبح ہوا اور ان کے آخری وقت پر ان کی بیوی اور بچے ان کے ساتھ موجود تھے-

    آئین کےمطابق مبومبا اب صدر کے طور پر کام کریں گے کیونکہ گینگوب کی دوسری مدت صدارت میں ایک سال سے بھی کم وقت باقی تھا اور صدارتی اور پارلیمانی انتخابات نومبر میں پہلے ہی طے پا چکے تھے، دنیا بھر کے رہنماؤں کی جانب سے گینگوب کے انتقال پر افسوس کا اظہار کیا گیا اور تعزیتی پیغامات بھیجے جا رہے ہیں-

    ماسکو میں بھارتی وزارت خارجہ کا ملازم پاکستان کیلئے جاسوسی کے الزام میں گرفتار

    ہیج 27 سال جلاوطنی میں رہے، انہوں نے اس دوران بوٹسوانا، امریکا اور برطانیہ میں وقت گزارا، جہاں انہوں نے سیاست میں پی ایچ ڈی کی ڈگری بھی حاصل کی اور پھر ملک کی آزادی سے ایک سال قبل 1989 میں نمیبیا واپس آئے،گینگوب 2015 میں صدر بنے اور وہ اپنی دوسری اورآخری مدت صدارت میں تھےاس سے قبل وہ ملک کےسب سے طویل عرصے تک وزیر اعظم رہ چکے ہیں۔

    سعودی عرب:کرپشن کے الزام میں سرکاری ادارے کے سربراہ گرفتار

    بھارت کا مالدیپ سے اپنی فوج نکالنے کا فیصلہ

  • بلوچستان حکومت کا حساس پولنگ اسٹیشنز پر انٹرنیٹ سروس معطل رکھنے کا اعلان

    بلوچستان حکومت کا حساس پولنگ اسٹیشنز پر انٹرنیٹ سروس معطل رکھنے کا اعلان

    کوئٹہ: نگران حکومت بلوچستان نے 8فروری کو حساس پولنگ اسٹیشنز پر انٹرنیٹ سروس معطل رکھنے کا اعلان کر دیا ۔

    باغی ٹی وی : صوبائی وزیر اطلاعات جان اچکزئی نے کہا ہے کہ انٹرنیٹ سروس معطل رکھنے کا فیصلہ شہریوں کی حفاظت کے پیش نظر کیا گیا ہے، انٹرنیٹ سروس تربت،مچھ اور چمن میں عارضی طور پر معطل رہےگی، دہشت گرد تنظیموں کی جانب سے سوشل میڈیا پلیٹ فارمز کو مواصلاتی مقاصد کیلئے استعمال کیے جانے کے خدشات موجود ہیں اس لئے مچھ، چمن اور تربت سمیت مختلف علاقوں میں انٹرنیٹ کی سروسز معطل یا محدود کر دی جائیں گی۔

    بلوچستان میں نگراں حکومت نے جلسوں اور انتخابی اجتماعات پر پابندی عائد کر دی ہے جان اچکزئی نے کوئٹہ میں سکیورٹی تھریٹ کے حوالے سے ٹوئٹر پر پیغام جاری کیا تھا جس میں انہوں نے کہا کہ کوئٹہ میں خاتون خودکش حملہ آور کی موجودگی کا تھریٹ الرٹ موجود ہے تھرٹ الرٹ کے پیش نظر عوامی جلسوں اور انتخابی اجتماعات پر پابندی عائد کردی گئی،تمام سیاسی جماعتوں اور امیدواروں پر زور دیا گیا کہ وہ اپنی میٹنگز گھر کے اندر کریں، حکومت بلوچستان انتخابی مہم کی ضرورت کو تسلیم کرتی ہے لیکن عوامی تحفظ اولین ترجیح ہے۔

  • لیکشن کمیشن نے عطا تارڑ اور پی پی رہنما سے ثبوت طلب کر لئے

    لیکشن کمیشن نے عطا تارڑ اور پی پی رہنما سے ثبوت طلب کر لئے

    لاہور: قومی اسمبلی کی نشست این اے 127 لاہور پر پاکستان مسلم لیگ ن کے امیدوار عطا تارڑاور پیپلز پارٹی امیدوار پی پی 160میاں مصباح الرحمان کو نوٹسز جاری کیے-

    باغی ٹی وی :ترجمان الیکشن کمیشن کے مطابق ڈسٹرکٹ مانیٹرنگ آفیسر نے دونوں کو طلب کر لیا، لاہور میں ن لیگ اور پیپلز پارٹی کے مابین مبینہ ووٹوں کی خریدو فروخت اور الیکشن دفتر پر حملے کے تناظر میں نوٹسز جاری کئے گئے، ڈسٹرکٹ مانیٹرنگ آفیسر کی جانب سے دونوں امیدواروں کو 5 فروری کو دستاویزی ثبوتوں کے ساتھ طلب کیا ہے۔

    الیکشن کمیشن نے صوبائی حکومت کی طرف سے واقعے کی رپورٹ جمع کروانے میں تاخیر پر تشویش کا اظہار کیاصوبائی الیکشن کمشنر پنجاب نے کہا کہ صوبائی حکومت پنجاب کی طرف سے رپورٹ ابھی تک موصول نہیں ہوئی، اور ڈپٹی کمشنر لاہور کو فوری ایکشن لینے اور رپورٹ جمع کرانے کی ہدایات جاری کردیں۔

    لاہور میں بائیو گیس پلانٹ کا افتتاح

    واضح رہے کہ گزشتہ روز مسلم لیگ (ن) کے رہنما عطا اللہ تارڑ نے الزام عائد کیا تھا کہ پیپلز پارٹی پیسوں کے عوض لوگوں سے ووٹ خرید رہی ہےانہوں نے اس حوالے سے ایک ویڈیو بھی شئیر کی تھی جس میں کچھ لوگوں کو پیسوں کے عوض ووٹ خریدتے اور مقدس کتابوں پر پیپلز پارٹی کو ووٹ دینے کا حلف لیتے دیکھا جاسکتا ہے۔

    ٹرک اور پولیس بس میں تصادم ،الیکشن ڈیوٹی کیلئے جانیوالے28 اہلکار زخمی

    دوسری جانب الیکشن کمشنر پنجاب کا کہنا ہے کہ صوبہ پنجاب میں انتخابی مہم کی مانیٹرنگ کا نظام فعال ہے، ڈسٹرکٹ مانیٹرنگ افسران نے خلاف ورزیوں کےواقعات کا نوٹس لیا ہےاین اے 155 لودھراں میں جہانگیر ترین کو حلقے میں ترقیاتی کام کروانےپر نوٹس جاری کیا گیا پی پی 188 اوکاڑہ میں ملک غضنفر کو اسلحے کی نمائش پر نوٹس جاری کیا گیا،پی پی 208 خانیوال میں محمد طیب کو تشہیری مواد پر وارننگ جاری کی گئی، اسی طرح خانیوال کےمختلف حلقوں کے چار امیدواران کو بھی نوٹسز جاری ہوئے، بہاولپور کے حلقوں کے نو امیدوران کو بھی نوٹس جاری کئے گئے۔

    پیپلزپارٹی نفرت اور تقسیم کی سیاست کو دفن کرنا چاہتی ہے،بلاول بھٹو

  • لاہور میں بائیو گیس پلانٹ کا افتتاح

    لاہور میں بائیو گیس پلانٹ کا افتتاح

    لاہور: نگران وزیراعلیٰ پنجاب محسن نقوی نے لاہور میں بائیو گیس پلانٹ کا افتتاح کر دیا۔

    باغی ٹی وی : اعلامیے کے مطابق گجر کالونی میں قائم بائیو گیس پلانٹ سے روزانہ 6000 مکعب میٹر گیس کی پیداوار ہوسکے گی، بائیو گیس پلانٹ میں روزانہ 1600 کلو گوبر استعمال ہوگا، گجر پورہ بائیو گیس پلانٹ سے روزانہ 16ہزار کلو نامیاتی کھاد پیدا ہوگی، پلانٹ سے پیدا ہونے والی نامیاتی کھاد پی ایچ اے اور کاشتکار استعمال کر سکیں گے۔

    دوسری جانب وزیر اعظم کے معان خصوصی برائے سمندر پار پاکستانیز و ترقی انسانی وسائل جواد سہراب ملک نےاتوار کو ایکس پر اپنے ایک ٹویٹ میں کہا ہے کہ بلوچستان میں کان کنی اور صنعتی کارکنوں کیلئے آج امید کے نئے سفر کا آغاز ہو رہا ہے 1.8ارب روپے کی لاگت سے بلوچستان میں 5ہزار 605کارکنوں کے بچوں کیلئے لڑکیوں کا ہائی سکول اور کان کنی و صنعتی کارکنوں کیلئے 100گھروں کی تعمیر کے منصوبے کا آغاز ہو رہا ہے ۔

    پیپلزپارٹی نفرت اور تقسیم کی سیاست کو دفن کرنا چاہتی ہے،بلاول بھٹو

    انہوں نے کہا کہ انشاء اللہ یہ منصوبہ 24ماہ میں مکمل کر لیا جائے گا جواد سہراب ملک نے کہا کہ اس حوالہ سے اٹھایا گیا ہر قدم ہمیں کارکنوں کے خوابوں کی تکمیل کے قریب تر کر رہا ہے ، انہوں نے اپنے ٹویٹ میں منصوبے کی بریفنگ کے بارے میں ویڈیو شئیر کی-

    ٹرک اور پولیس بس میں تصادم ،الیکشن ڈیوٹی کیلئے جانیوالے28 اہلکار زخمی

    لیکشن مہم کے دوران اسلحے کی نمائش،700 سے زائد افراد کیخلاف مقدمہ درج

  • ٹرک اور پولیس بس میں تصادم ،الیکشن ڈیوٹی کیلئے جانیوالے28 اہلکار زخمی

    ٹرک اور پولیس بس میں تصادم ،الیکشن ڈیوٹی کیلئے جانیوالے28 اہلکار زخمی

    بونیر : ٹرک اور پولیس بس میں تصادم کے نتیجے میں الیکشن ڈیوٹی کیلئے جانے والے 28 اہلکار زخمی ہوگئے۔

    باغی ٹی وی : پولیس کے مطابق حادثہ بونیر کے علاقے باباجی کنڈاؤ میں پیش آیا جہاں ٹرک اورپولیس بس میں تصادم کے باعث 28 اہلکار زخمی ہوئے، پولیس اہلکار الیکشن ڈیوٹی کے لیے ڈیرہ اسماعیل خان جارہے تھے،تمام زخمیوں کو ڈسٹرکٹ ہیڈکوارٹر اسپتال ڈگر منتقل کردیا گیا ہے،حادثے میں زخمی ہونے والوں میں سے بیشتر کی حالت تشویش ناک ہے۔

    دوسری جانب لاہور میں غازی آباد چوک پر گیس سلنڈر کا دھماکا ہوا ہے،دھماکے سے قریبی دکانوں کے شیشے ٹوٹ گئے، ابتدائی طور پر دھماکے سے 3 افراد کے زخمی ہونے کی اطلاعات ہیں، پولیس کی بھاری نفری موقع پر پہنچ گئی، پولیس نے گیس غبارے کی ٹینکی والے مالک کو حراست میں لے لیا-

    ماسکو میں بھارتی وزارت خارجہ کا ملازم پاکستان کیلئے جاسوسی کے الزام میں گرفتار

    ن لیگ اور پی پی نے عوام کو غربت، مہنگائی اور کرپشن کا تحفہ …

    یپلز پارٹی غریبوں کے دل کی آواز محسوس کرتی ہے،آصف زرداری

  • پیپلزپارٹی نفرت اور تقسیم کی سیاست کو دفن کرنا چاہتی ہے،بلاول بھٹو

    پیپلزپارٹی نفرت اور تقسیم کی سیاست کو دفن کرنا چاہتی ہے،بلاول بھٹو

    حیدر آباد: پیپلزپارٹی کے چیئرمین بلاول بھٹو زرداری نے کہا ہے کہ کوئی مذہب کی بنیاد پر کوئی لسانیت کے نام پر تقسیم چاہتا ہے، پیپلزپارٹی نفرت اور تقسیم کی سیاست کو دفن کرنا چاہتی ہے۔

    باغی ٹی وی :حیدر آباد میں جلسے سے خطاب میں کہا کہ نفرت کی سیاست سے ملک و قوم کا نقصان ہورہا ہے، ان کو عوام اور ملک کی کوئی فکر نہیں،ان کو صرف چوتھی بار وزیراعظم بننے کی فکر ہے کوئی مذہب کی بنیاد پر کوئی لسانیت کے نام پر تقسیم چاہتا ہے، پیپلز پارٹی نفرت اور تقسیم کی سیاست کو دفن کرنا چاہتی ہے۔

    ان کا کہنا تھا کہ ہم غربت، مہنگائی اور بےروزگاری کا مقابلہ کرنا چاہتے ہیں، ہم آپ کے ووٹ کے ذریعے مقابلہ کریں گے، آپ نے ووٹ کی طاقت سے نفرت کی سیاست کو دفن کرنا ہے حیدرآباد کےعوام نے پیپلزپارٹی کا ساتھ دیا، عوام کے تعاون سے شہر میں جیالا میئرمنتخب ہوا، آپ پیپلزپارٹی کے مد مقابل جماعتوں کی اصلیت سے واقف ہیں۔

    ماسکو میں بھارتی وزارت خارجہ کا ملازم پاکستان کیلئے جاسوسی کے الزام میں گرفتار

    چیئرمین پیپلزپارٹی نے بلاول نے دیگر سیاسی جماعتوں پر تنقید کرتے ہوئے کہا کہ وہ آپ کے مسائل اور مشکلات کو نہیں سمجھتے، میں اپناعوامی معاشی معاہدہ پیش کرنے آیا ہوں، ہم نےوفاقی حکومت سنبھالی تو تمام 10نکات پر عمل کروں گا ،ان لوگوں نے90 کی دہائی میں جو کیا سب جانتے ہیں، آپ ان کی نفرت اور تقسیم کی سیاست سے واقف ہیں، ہمارے مخالفین تشدد، نفرت اور تقسیم کی سیاست جانتے ہیں میری والدہ دنیا میں نہیں، میں بیٹے کی طرح خدمت کرنا چاہتا ہوں، ہم بے نظیرانکم سپورٹ پروگرام میں اضافہ کریں گے، خواتین کو بلاسود قرض دیا جائے گا، بےروزگار نوجوانوں کیلئے نوجوان کارڈ لائیں گے، ملک بھر میں 30 لاکھ گھربنا کر دیں گے۔

    کرک میں پی ٹی آئی کارکنان کا پولیس پر پتھراؤ

    پیپلز پارٹی غریبوں کے دل کی آواز محسوس کرتی ہے،آصف زرداری

  • الیکشن مہم کے دوران اسلحے کی نمائش،700 سے زائد افراد کیخلاف مقدمہ درج

    الیکشن مہم کے دوران اسلحے کی نمائش،700 سے زائد افراد کیخلاف مقدمہ درج

    شیخوپورہ: پولیس نے الیکشن مہم کے دوران اسلحے کی نمائش پر 770 افراد کے خلاف مقدمات درج کرلیے۔

    باغی ٹی وی: آر پی او بابر سرفراز کے مطابق الیکشن سے قبل ضلع بھر میں گرینڈ آپریشن کرتے ہوئے انتخابی امیدواروں اور ان کے حا میوں سے بھاری تعداد میں اسلحہ برآمد کرلیا،ملزمان کے قبضے سے 226 کلاشنکوف سمت 830 مختلف بور کے ہتھیار برآمد ہوئے،770 افراد کے خلاف مختلف دفعات کے تحت مقدمات درج کرلئے ہیں،ا سلحے کی نمائش پر سخت پابندی ہےالیکشن کو پرامن بنانا پولیس کی ذمہ داری ہے جو ہم پوری کریں گے، کسی کو ہلڑ بازی کی اجازت نہیں دیں گے۔

    ن لیگ اور پی پی نے عوام کو غربت، مہنگائی اور کرپشن کا تحفہ …

    دوسری جانب چار فروری کو کرک کے علاقے امبیری کلہ میں جلسہ کے دوران سیاسی جماعت کے شرپسند پولیس سے متصادم ہوگئےسیاسی جماعت نے انتظامیہ سے جلسے کی اجازت نہیں لی تھی، جب پولیس نے منع کیا تو مخصوص سیاسی جماعت کے شرپسندوں نے پولیس پر دھاوا بول دیا شرپسندوں نے پولیس گاڑیاں تباہ کردیں، شرپسندوں کے پتھراؤ سے متعدد پولیس اہلکار زخمی ہوگئےاس تصادم کے بعد علاقے میں حالات تشویش ناک ہیں، علاقے سے پولیس کی مزید نفری طلب کرلی گئی ہے۔

    پیپلز پارٹی غریبوں کے دل کی آواز محسوس کرتی ہے،آصف زرداری

    کرک میں پی ٹی آئی کارکنان کا پولیس پر پتھراؤ

  • ماسکو میں بھارتی وزارت خارجہ کا ملازم پاکستان کیلئے جاسوسی کے الزام میں گرفتار

    ماسکو میں بھارتی وزارت خارجہ کا ملازم پاکستان کیلئے جاسوسی کے الزام میں گرفتار

    نئی دہلی: بھارت کی ریاست اتر پردیش میں وزارتِ خارجہ کے ایک ملازم کو پاکستان کے لیے جاسوسی کے الزام میں گرفتار کیا گیا ہے۔

    باغی ٹی وی : اتر پردیش اینٹی ٹیررازم اسکواڈ نے ستیندر سائیوال کو میرٹھ سے گرفتار کیا، اس پر آئی ایس آئی کا ایجنٹ ہونے کا الزام عائد کیا گیا ہے،ستیندر سائیوال پر الزام ہے کہ اس نے فوج سے متعلق حساس معلومات پاکستان کو فراہم کیں، ستیندر سائیوال 2021 سے روس کے دارالحکومت ماسکو میں بھارتی سفارت میں تعینات ہے،ستیندر کا آبائی تعلق ہاپڑ سے ہے وہ امورِ خارجہ کی وزارت میں ملٹی ٹاسکنگ اسٹاف کا حصہ ہے، اے ٹی ایس نے اس کے پاس سے دو موبائل فون، آدھار کارڈ اور پین کارڈ برآمد کیا-

    ن لیگ اور پی پی نے عوام کو غربت، مہنگائی اور کرپشن کا تحفہ …

    خفیہ ذرائع سے اطلاع ملنے پر ستیندر سے تفتیش کی گئی تو اس نے ابتدا میں غیر اطمینان بخش جواب دئیے مگر پھر قبول کرلیا کہ وہ پاکستان کے لیے جاسوسی کرتا رہا ہے، اس نے بتایا کہ وہ سرکاری افسران کو معقول رقم کا لالچ دے کر بھارتی فوج اور اس کی سرگرمیوں کے بارے میں معلومات حاصل کرتا تھا، ستیندر سائیوال پر بھارتی سفارت خانے، وزارتِ دفاع اور امور خارجہ سے متعلق اہم معلومات آئی ایس آئی کے ہینڈلرز کو فراہم کرنے کا الزام عائد کیا گیا ہے۔

    پیپلز پارٹی غریبوں کے دل کی آواز محسوس کرتی ہے،آصف زرداری

    تہذیب کا دشمن پر آج ایسے مقدمات بن رہے ہیں جن کا ہم تو …

  • کرک میں پی ٹی آئی کارکنان کا پولیس پر پتھراؤ

    کرک میں پی ٹی آئی کارکنان کا پولیس پر پتھراؤ

    کرک میں پاکستان تحریک انصاف (پی ٹی آئی) کے انڈس ہائی وے پر ورکرز کنونشن کے دوران پولیس نے دھاوا بول دیا۔

    باغی ٹی وی: ضلعی انتظامیہ کی جانب سے اجتماعات اور جلسے جلوس پر پابندی عائد ہے لیکن اس کے باوجود تخت نصرتی چوکارہ میں پی ٹی آئی کارکنوں نے ریلی کی شکل میں نکل کر جلسہ گاہ کی جانب بڑھنے کی کوشش کی، پولیس نے پی ٹی آئی کارکنوں کو روکا جس پر کارکن مشتعل ہوگئے اور پولیس پر پتھراؤ شروع کردیا۔

    چار فروری کو کرک کے علاقے امبیری کلہ میں جلسہ کے دوران سیاسی جماعت کے شرپسند پولیس سے متصادم ہوگئےسیاسی جماعت نے انتظامیہ سے جلسے کی اجازت نہیں لی تھی، جب پولیس نے منع کیا تو مخصوص سیاسی جماعت کے شرپسندوں نے پولیس پر دھاوا بول دیا شرپسندوں نے پولیس گاڑیاں تباہ کردیں، شرپسندوں کے پتھراؤ سے متعدد پولیس اہلکار زخمی ہوگئےاس تصادم کے بعد علاقے میں حالات تشویش ناک ہیں، علاقے سے پولیس کی مزید نفری طلب کرلی گئی ہے۔

    پولیس نے مشتعل ہجوم کو منتشر کرنے کے لئے آنسو گیس کی شیلنگ کی جس کے بعد پی ٹی آئی کارکنان منشتر ہوگئےپولیس نے پاکستان تحریک انصاف کے 30 سے زائد کارکنوں کو گرفتار کرلیا،گرفتاری کے بعد کارکنوں کو تخت نصرتی حوالات منتقل کیا گیاورکرز کنونشن پر دھاوا بولنے کی وجوہات بتاتے ہوئے پولیس کا کہنا تھا کہ ضلعی انتظامیہ نے شہر میں دفعہ 144نافذ کر رکھی ہے،کسی کو حکومتی رٹ چیلنج کرنے کی اجازت نہیں دی جاسکتی۔

    پاکستان علماء کونسل نے فیصل آباد میں مسلم لیگ ن کی حمایت کا اعلان,رانا ثناءاللہ

    قبل ازیں کلفٹن تین تلوارکے قریب پی ٹی آئی کارکنان اورپولیس کے درمیان جھڑپوں سے علاقہ میدان جنگ میں تبدیل ہوگیا، پی ٹی آئی کارکنان کے پتھراؤ سے ایس ایچ اوبوٹ بیسن اور لیڈی پولیس اہلکار سمیت متعدد اہلکارزخمی ہوگئے اور ٹریفک کی روانی بری طرح متاثر ہوئی جبکہ متعدد کارکنوں کو گرفتار کرلیا گیا۔

    پاکستان تحریک انصاف کی جانب سے اتوار کو شاہراہ قائدین سے مزار قائد تک ریلی نکالنے کا اعلان کیا گیا تھا تاہم اتوار کی صبح ترجمان تحریک انصاف نے تین تلوار پر ایک تقریب کے انعقاد کا اعلان کر دیا جہاں کراچی کے تمام حلقوں کے امیدواروں کو ریلیوں کی شکل میں پہنچے کی ہدا یت کی گئی۔

    ن لیگ اور پی پی نے عوام کو غربت، مہنگائی اور کرپشن کا تحفہ …

    پی ٹی آئی کے کارکنان بڑی تعداد میں ریلی میں شرکت کے لیے کلفٹن تین تلوار پہنچے تو وہاں پولیس کی بھاری نفری پہلے سے تعینات تھی، پولیس نے ریلی میں شرکت کے لیے آنے والے پی ٹی آئی کے کارکنان کو آگے جانے سے روک دیا جس پر کارکنان مشتعل ہو گئے۔

    پولیس نے انہیں منشترکرنے کی کوشش کی تو پی ٹی آئی کارکنان نے پولیس پر پتھراؤ شروع کردیا اورڈنڈوں سے دھاوا بول دیا جس کے نتیجے میں ایس ایچ او بوٹ بیسن ریاض نیازی سمیت متعدد اہلکارزخمی ہو گئے جنہیں فوری طور پراسپتال منتقل کیا گیا۔

    دوسری جانب پولیس نے پی ٹی آئی کے کارکنان کو منشترکرنے کے لیے لاٹھی چارج اورآنسوگیس کی شیلنگ کی جس کے باعث متعدد کارکنان کی حالت غیر ہو گئی، اس دوران پی ٹی آئی کارکنان نےواٹرکینن پردھا وا بول دیا اور شدید پتھراؤ کیا جس کے باعث پولیس واٹر کینن استعمال نہیں کرسکی۔

    پیپلز پارٹی غریبوں کے دل کی آواز محسوس کرتی ہے،آصف زرداری

    پولیس نے پی ٹی آئی کے متعدد کارکنوں کوحراست میں لے کر نامعلوم مقام پر منتقل کردیا، پی ٹی آئی کے کارکنان اورپولیس کے درمیان جھڑپوں کے باعث علاقہ میدان جنگ میں تبدیل ہو گیا، پولیس کارکنان کو تین تلوار سے پیچھے دھکیلنے میں کامیاب ہوگئی تاہم کچھ دیر میں کارکنان بڑی تعداد میں دوبارہ تین تلوارپرجمع ہو گئے اور پولیس کے خلاف نعرے بازی شروع کردی۔

    پی ٹی آئی کے کارکنان اور پولیس کے درمیان جھڑپوں کے باعث کلفٹن تین تلوارکے قریب ٹریفک کی روانی بھی معطل رہی جبکہ جھڑپوں کے دوران پولیس کی جانب سے ریلی کی کوریج کے لیے موقع پر موجود مختلف چینلز کے کیمرا مین اوررپورٹرزکوبھی تشدد کا نشانہ بنایا گیا۔

    تہذیب کا دشمن پر آج ایسے مقدمات بن رہے ہیں جن کا ہم تو …