Author: Ayesha Rehmani

کراچی: ایڈیشنل ڈسٹرکٹ اینڈ سیشن جج غربی نے اسٹریٹ کرائم کے ملزم کی درخواست ضمانت مستردکرنےکا تحریری فیصلہ جاری کر دیا-

باغی ٹی وی : ایڈیشنل ڈسٹرکٹ اینڈ سیشن جج غربی کی عدالت نے اسٹریٹ کرائم میں ملوث ملزم عمران اور چھینے گئے موبائل فون کا کاروبار کرنے والے ملزم عبید کی درخواست ضمانت مسترد کردی، عدالت نے تحریری فیصلے میں کہا کہ گزشتہ تین ماہ میں محض 19 اسٹریٹ کرمنلز کو سزائیں ہوسکیں جو جرائم کی شرح کے لحاظ سے کافی نہیں ہے۔

عدالت نے کہا کہ ایک طرف اسٹریٹ کرمنلز معمولی مزاحمت پر معصوم شہریوں کی جان لے لیتے ہیں اور دوسری جانب چھینے گئے موبائل فون خریدنے والے جرائم پیشہ عناصر کو بچا رہے ہیں،وقت آگیا ہےکہ اسٹریٹ کرمنلز اور چھینےگئے موبائل فون خریدنے والے دکان داروں کے نیٹ ورک کے خلاف سخت کارروائی کی جائے۔

بلوچستان کی شاہراہوں پر چیک پوسٹس بحال کرنے کا اعلان

13 اپریل تاریخ کے آئینے میں

سلمان خان نے اپنی نئی فلم کا اعلان کردیا

کراچی: آئی جی سندھ غلام نبی میمن نے کہا ہے کہ سکھر ریجن یعنی گھوٹکی اور سکھر میں اغوا برائے تاوان کی وارداتیں نہیں ہورہی ہیں-

باغی ٹی وی : نجی خبررساں ادارے کو دیئے گئے خصوصی انٹرویو میں آئی جی سندھ نے کہا کہ شہر کراچی میں اسٹریٹ کرائم کی وارداتوں پر افسوس ہے، اب اسٹریٹ کریمنل کا ڈیٹا جمع کررہے ہیں اور جو ملزم 8 سے 10 مرتبہ اسٹریٹ کرائم کی وارداتوں میں جیل جاچکا ہے اُس کو سخت سے سخت سزا دلوانے کی کوشش کریں گے اس حوالے سے چیف جسٹس سندھ ہائیکورٹ سے بھی گزارش کی ہے کہ کریمنل جسٹس سسٹم کو بہتر کرنے کی ضرورت ہے تاکہ ایسے ملزمان کی بیخ کنی کی جاسکےشہر میں اسلحے کی ترسیل روکنے کی کوشش تیز کردی گئی ہے، اس حوالے سے داخلی اور خارجی راستوں پر سی سی ٹی وی کیمرے بھی لگائے گئے ہیں،کراچی کے شہریوں سے گزارش ہے سی سی ٹی وی کیمرے لگائیں تاکہ ملزمان کی شناخت ہوسکے-

ایم کیو ایم پاکستان کی جانب سے سندھ کو تین ماہ کیلئے فوج کے حوالے کرنے پر آئی جی سندھ غلام نبی میمن کا کہنا تھا کہ فوج سندھ پولیس کو جدید اسلحہ فراہم کررہی ہے اور تربیت بھی دے رہی ہے مگر صوبے میں صورتحال اتنی گھمبیر نہیں کہ فوج کی ضرورت ہو، سندھ حکومت کی بھی خواہش ہے کہ صوبے میں امن و امان کی صورتحال بہتر سے بہترین ہو اور اس کیلئے ٹیمیں تشکیل دے رہے ہیں تاکہ سندھ کے شہریوں کو تحفظ کا یقین ہوسکے ۔

بلوچستان کی شاہراہوں پر چیک پوسٹس بحال کرنے کا اعلان

آئی جی سندھ کا کہنا تھا کہ گھوٹکی اور سکھر میں امن و امان کی صورتحال بہتر ہے ، ہائی ویز پر پولیس کی نفری تعینات کی گئی ہے اور پولیس چوکیاں بھی تعمیر کی گئی ہیں، سکھر ریجن یعنی گھوٹکی اور سکھر میں اغوا برائے تاوان کی وارداتیں نہیں ہورہی ہیں البتہ کشمور اور شکارپور میں اب بھی مغوی ڈاکوئوں کے نرغے میں ہیں جن کی بازیابی کیلئے آپریشن کیا جارہا ہے۔

سویڈن میں اسکارف پہننے پر نوکری سے نکالنےکیخلاف مسلم خاتون نےکیس جیت لیا

آئی جی سندھ کا کہنا تھا کہ سندھ کے شہریوں کو جلد پولیس کی کارکردگی نظر آئے گی ، اینٹی وہیکل لفٹنگ سیل (اے وی ایل سی)،کائونٹر ٹیررزم ڈیپارٹمنٹ(سی ٹی ڈی)،اینٹی وائلنٹ کرائم سیل (اے وی سی سی )،اسپیشلائزڈ انویسٹی گیشن یونٹ(ایس آئی یو)سمیت دیگر سیل کی کارکردگی میں بھی بہتری جلد نظر آئے گی اگر کوئی افسر لائق ہے تو اُس کی تعریف کی جائے گی مگر جو افسر نالائق ہے اُسے فوری طور پر عہدے سے ہٹایا جائے گا اور ایسے افسران کے خلاف ڈیپارٹمنٹل کارروائی بھی عمل میں لائی جائے گی۔

پاکستان نےایک ارب ڈالر کے یورو بانڈز کی ادائیگی کردی