اسلام آباد: وزیراعظم شہبازشریف نے عید کے موقع پر جمعیت علمائے اسلام کے سربراہ مولانا فضل الرحمان سے ٹیلیفونک رابطہ کیا ہے۔
باغی ٹی وی: وزیراعظم نے مولانا فضل الرحمان کوعید الفطرکی مبارکباد اورنیک خواہشات کا اظہار کیا،مولانا فضل الرحمان نے بھی شہباز شریف کو عید کی مبارکباد دی اور دونوں رہنماؤں نے پاکستان کی ترقی وخوشحالی کیلئے دعا کی، دونوں رہنماؤں نے عید کے موقع پرفلسطین اورکشمیرکے عوام پرظلم وجبرکے خاتمے کیلئے بھی دعا کی۔
واشنگٹن: سائنسدانوں نے زمین کو بڑھتی ہوئی عالمی حدت کو بڑھنے سے روکنے کی کوشش کے طور پر ایک خفیہ پروجیکٹ کیا گیا-
باغی ٹی وی:”نیو یارک پوسٹ“ کے مطابق امریکہ میں سائنس دانوں نے زمین کو بڑھتی ہوئی عالمی حدت کو بڑھنے سے روکنے کی کوشش کے طور پر ایک خفیہ منصوبے کے تحت سورج کی کچھ شعاعوں کو واپس خلا میں واپس اچھالنے کی کوشش کی، اس کیلئے کلاؤڈ برائٹننگ کا استعمال کیا، جو کہ ایک ایسی تکنیک ہے جو بادلوں کو روشن بناتی ہے تاکہ وہ آنے والی سورج کی روشنی کے ایک چھوٹے سے حصے کو منعکس کرتے ہیں اور اس کے نتیجے میں، کسی علاقے کے درجہ حرارت کو کم کرتے ہیں۔
اس ٹیکنالوجی کا مقصد سمندروں کے اوپر آسمان کی طرف رخ کرکے کئی ڈیوائسز لگانا ہے جو سمندر کے بڑھتے ہوئے درجہ حرارت کو نیچے لائیں گی،2 اپریل کو، واشنگٹن یونیورسٹی کے محققین نے سان فرانسسکو میں ایک ناکارہ طیارہ بردار بحری جہاز کے اوپر رکھی برف کی مشین نما ایک آلے سے نمک کے ذرات کو تیز رفتاری سے آسمان میں چھوڑا، یہ تجربہ Coastal Atmospheric Aerosol Research and Engagement (CAARE ) کے نام سے ایک خفیہ پروجیکٹ کے تحت کیا گیا خیال یہ تھا کہ بادلوں کو آئینے کے طور پر استعمال کیا جائے جو آنے والی سورج کی روشنی منعکس کریں گے۔
اس تصور کی وضاحت برطانوی ماہر طبیعیات جان لیتھم نے 1990 میں کی تھی انہوں نے 1,000 بحری جہازوں کا ایک بیڑا بنانے کی تجویز پیش کی جو شمسی حدت کو ختم کرنے کے لیے ہوا میں سمندری پانی کی بوندوں کو چھڑکتے ہوئے پوری دنیا میں سفر کریں گے۔
اس ٹیکنالوجی کے پیچھے سائنس کا سادہ نظریہ استعمال کیا گیا ہے کہ چھوٹی چھوٹی بوندوں کی ایک بڑی تعداد بڑی بوندوں کی چھوٹی تعداد سے زیادہ سورج کی روشنی کی عکاسی کرتی ہے، لہٰذا ہوا میں ایروسول کھارے پانی کا چھڑکاؤ سورج کی روشنی کو واپس اچھالنے کے لیے استعمال کیا جا سکتا ہے، لیکن قطروں کا سائز اور مقدار درست کرنا انتہائی ضروری ہے، اگر قطرے بہت چھوٹے ہوں تو وہ منعکس نہیں ہوں گے اور بہت بڑا قطرہ بادلوں کو اور بھی کم عکاس بنا دے گا، اس ٹیسٹ کے لیے سائنسدانوں کو ایسے قطروں کی ضرورت ہے جو انسانی بالوں کی موٹائی کے 1/700ویں حصے کے ہوں اور ہر سیکنڈ میں اس طرح کے کواڈریلین قطرات چھڑکیں۔
کراچی: صوبائی وزیر اطلاعات شرجیل میمن نے کہا ہے کہ ہمیں اپنی نوجوان نسل کو منشیات کی لعنت سے دور رکھنے کیلئے منشیات کی سرکوبی کیلئے ہر ممکن اقدامات کرنا ہوں گے۔
باغی ٹی وی : منشیات کی روک تھام کے سلسلے میں حیدرآباد میں ایک اعلیٰ سطح کے اجلاس کی صدارت کرتے ہوئے شرجیل میمن نے کہا کہ تعلیمی اداروں میں آئس و دیگر منشیات کا بڑھتا ہوا رجحان تشویش ناک ہے،ہمیں اپنی نوجوان نسل کو منشیات کی لعنت سے دور رکھنے کیلئے منشیات کی سرکوبی کیلئے ہر ممکن اقدامات کرنا ہوں گے۔
انہوں نے سیکریٹری ایکسائز اور ڈی آئی جی حیدرآباد طارق دھاریجو کو ہدایت کی کہ وہ منشیات فروشوں کے خلاف مشترکہ کارروائیاں کریں اور ان کارروائیوں سے متعلق سیکرٹری انفارمیشن سندھ کو بھی آگاہ کریں تاکہ میڈیا پر ان کی تشہیر کرکے منشیات فروشوں کی حوصلہ شکنی کی جا سکے، شرجیل میمن نے سیکرٹری انفارمیشن کو ہدایت کی کہ وہ چند روز میں منشیات کیخلاف اشتہار بھی شائع کروائیں جس میں منشیات کی اسمگلنگ سے متعلق اطلاع دینے کیلئے ہیلپ لائن نمبر بھی ہو۔
انہوں نے پولیس افسران پر زور دیا کہ منشیات کے جرم میں پکڑے جانے والے افراد سے اچھی طرح تفتیش کی جائے تاکہ نہ صرف منشیات کے بڑے اسمگلرز کو پکڑنے میں مدد ملے بلکہ منشیات کی سپلائی چین کو بھی توڑا جا سکے، متعلقہ افسران پر زور دیا کہ انہیں اس ضمن میں چند روز میں صورتحال میں بہتری نظر آنی چاہیے کیوں کہ یہ ہمارے بچوں کے مستقبل کا سوال ہے۔
شرجیل میمن نے سیکریٹری ایکسائز کو ہدایت کی کہ وہ منشیات فروشوں کے خلاف موثر کارروائیاں کرنے کیلئے اچھی شہرت کے حامل افسران پر مشتمل ایک ٹاسک فورس تشکیل دیں اور متعلقہ افسران واٹس ایپ گروپ بنا کر اپنی روز مرہ کی کارکردگی اور معلومات شییئر کریں اجلاس میں ڈی آئی جی حیدرآباد طارق دھاریجو نے منشیات فروشوں کے خلاف کارروائیوں سے متعلق بھی اجلاس کو آگاہ کیا۔
کراچی: سندھ پولیس کا کہنا ہے کہ رواں سال کراچی میں ڈاکوؤں سے 425 مقابلے ہوئے اوران مقابلوں میں 55 ڈاکو مارے گئے۔
باغی ٹی وی: پولیس کے مطابق کراچی میں رمضان میں ڈکیتی مزاحمت پر 19 افراد قتل اور55 سے زائد زخمی ہوئے رواں سال جنوری سے اب تک 58 افراد ڈکیتی مزاحمت پرقتل کیے گئے اور 200 سے زائد افراد ہوئے 2023 میں جنوری سے اپریل تک 25 افراد قتل اور 110 زخمی ہوئے تھے اور مجموعی طور پر سال 2023 میں ڈکیتی مزاحمت پر 108 افراد قتل اور 469 افراد زخمی ہوئے تھے-
پولیس کا کہنا ہے کہ رواں سال کراچی میں ڈاکوؤں سے 425 مقابلے ہوئے اور ان مقابلوں میں 55 ڈاکو ہلاک اور 439 زخمی ہوئے، اسٹریٹ کرائمز کی روک تھام کے لیے کوششیں جاری ہیں۔
دوسری جانب سابق نگران وزیر داخلہ سندھ حارث نواز کا کہنا ہےکہ وزیراعلیٰ سندھ کا اپنا نکتہ نظرہے مگر ہم نے اچھے کردارکے لوگوں کولگایا، ایک بھی ایس پی، ڈی ایس پی یا ایس ایچ او میں نے نہیں لگایا بلکہ اُس وقت کے آئی جی سندھ نے سکیورٹی کلیئرنس کے بعد افسران کولگایا،نشے کے عادی افراد کےخلاف سخت کریک ڈاؤن کرنا چاہیے، نشے کے عادی افراد بھی ڈکیتیاں کرتے ہیں، جب نشے کے عادی افراد جرائم کرتے ہیں تو انہیں گولی چلاتے ہوئے احساس نہیں ہوتا۔
حارث نواز کا کہنا تھاکہ پولیس اوررینجرز کوسڑکوں پرہونا چاہیے، لوگ رات کو شاپنگ کیلئے نکلتے ہیں تو پولیس افسران رات کو سڑکوں پرنکلیں، جب تک ایس ایس پی رات 8 بجے کے بعد سڑکوں پرنہیں نکلے گا جرائم کم نہیں ہوں گے، افسران اور اہلکار قابل ہیں، بات صرف اتنی ہےکہ پولیس اوررینجرزکوکس طرح استعمال کرتے ہیں۔
انہوں نے کچے میں امن کیلئے وڈیروں پر سختی کا مشورہ دیا اور کہا کہ ہم نےکچے میں اغوا کی وارداتیں تقریباً ختم کردی تھیں، کچے میں جب تک وڈیروں کے خلاف کارروائی نہیں ہوگی، مقدمے نہیں بنیں گے ڈاکو ختم نہیں ہوں گے۔
واضح رہے کہ وزیراعلیٰ سندھ مراد علی شاہ نے امن و امان کی خراب صورتحال کی ذمہ داری نگران حکومت پر ڈال دی اور کہا کہ سندھ میں نگران حکومت کے دور میں امن و امان کی صورتحال خراب ہوئی، نگران حکومت نے سندھ کے ایس پی اور تھانیدار تبدیل کیے جیسے وہ سب میرے رشتے دار ہوں، تھانے کے عملے ہیڈ منشی کہیں سے اٹھا کر کہیں پھینک دیے، اسی لیے امن و امان کے مسئلے نے جنم لیا، اس سب کو ٹھیک کر رہے ہیں جس میں وقت لگے گا۔
دنیا بھر میں سونے کی قیمت ریکارڈ بلندی پر ہے-
باغی ٹی وی: "سی این این” کے مطابق منگل کو اسپاٹ گولڈ پرائس 2364 ڈالر فی اونس تک پہنچ گئی یہ مسلسل سات سیشنز سے بلند ہوتی ہوئی قیمت کی ریکارڈ بلندی ہے سالانہ بنیاد پر سونے کی قیمت میں اضافہ 16.5 فیصد ہےسونے کی غیر معمولی خریداری اور اس کی قیمت میں ریکارڈ اضافے کی پشت پر وہ سرمایہ کار ہیں جو چاہتے ہیں کہ امریکی مرکزی بینک فیڈرل ریزرو بینچ مارک شرحِ سُود میں کٹوتی کرے، بڑا مسئلہ یہ ہے کہ چین کی غیر رسمی قیادت میں بہت سے مرکزی بینک اور دیگر ادارے بڑے پیمانے پر سونا خرید کر امریکی ڈالر پر انحصار کم کرنا چاہتے ہیں۔مرکزی بینک سونے کو طویل المیعاد بنیاد پر قدر کے تحفظ کا ذریعہ اور عالمی سطح پر معاشی حالات کی خرابی کی صورت میں اچھی پناہ گاہ تصور کرتے ہیں۔
محققین کا کہنا ہے کہ جدید دنیا میں میاں بیوی کے برابر گھریلو کام کاج کرنے کا تصور پایا جاتا ہے مگر حقیقت میں اب بھی گھر میں خواتین ہی کو زیادہ کام کرنا پڑتا ہے-
باغی ٹی وی: ویب سائٹ ’secretlifeofmom.com‘ کے مطابق یونیورسٹی آف مشی گن کے ماہرین کی ٹیم نے تحقیقاتی نتائج میں بتایا ہے کہ زندگی میں شوہر کے آنے سے کسی بھی خاتون کے گھریلو کام کاج میں اوسطاً 4گھنٹے فی ہفتہ کام کا اضافہ ہوتا ہے۔
تحقیقاتی ٹیم کے سربراہ اور ماہر معاشیات فرینک سٹافرڈ کا کہنا تھا کہ جدید دنیا میں میاں بیوی کے برابر گھریلو کام کاج کرنے کا تصور پایا جاتا ہے مگر حقیقت میں اب بھی گھر میں خواتین ہی کو زیادہ کام کرنا پڑتا ہے، امریکی خواتین 20ویں صدی کے وسط میں ایک ہفتے میں 26گھنٹے کام کرتی تھیں، اب ان کے کام کی شرح میں کمی واقع ہو چکی ہے اور وہ ہفتے میں اوسطاً 17گھنٹے کام کرتی ہیں۔
فرینک سٹافرڈ کا کہنا تھا کہ اس عرصے میں مردوں کے کام میں لگ بھگ دو گنا اضافہ ہوا ہے، 20ویں صدی کے وسط میں مرد ہفتے میں اوسطاً 6 گھنٹے کام کرتے تھے اور آج 13 گھنٹے کر رہے ہیں خواتین کے گھریلو کام کاج پر شادی کے اثرات کے حوالے سے فرینک سٹافرڈ اور ان کی ٹیم نے بتایا کہ 1976 میں شادی کرنے کے بعد خواتین کو ہفتے میں اوسطاً 9 گھنٹے اضافی کام کرنا پڑتا تھا، اس میں بھی بتدریج کمی ہوئی ہے اور 2005 کے بعد سے شادی کے بعد خواتین کو 4گھنٹے اضافی کام کرنا پڑ رہا ہے، اسی طرح اس عرصے میں بھی شادی کے بعد مردوں کے کام میں اضافہ ہوا ہے اور 2005 کے بعد سے شادی کے بعد وہ ہفتہ وار 5گھنٹے اضافی کام کر رہے ہیں۔
کیلیفورنیا: حال ہی میں ہوئی ایک تحقیق میں انکشاف کیا گیا ہے کہ پوری دنیا میں زیر زمین میٹھے پانی کے قدرتی ذخائر سُکڑ رہے ہیں اور پچھلی دو دہائیوں میں اس عمل میں تیزی آگئی ہے۔
باغی ٹی وی : سائنسی جریدے’Nature’ میں شائع ہونے والی تحقیق میں یہ بات سامنے آئی ہے کہ انسان زمین کے اندر سے پانی اس تیزی سے نکال رہا ہے کہ بارش اسے دوبارہ بھرنے میں ناکام ہو رہی ہے، موسمیاتی تبدیلی بھی زیر زمین پانی کے ذخیروں اور جھیلوں کو بھرنے کے عمل کو سست کر رہی ہےیہ اعداد و شمار تقریباً 170,000 پانی کے قدرتی کنوؤں سے لیے گئے ہیں جو ان کنوؤں کی نشاندہی کے بعد ٹیم یہ دیکھنے میں کامیاب ہوئی ہے کہ پانی کہاں تیزی سے غائب ہو رہا ہے،ان آبی ذخائر میں سے 12 فیصد ذخیر وں میں پانی کی سطح ہر سال 1.6 فٹ سے زیادہ گر رہی ہے، دنیا کے کچھ خشک ترین علاقوں میں چلی، ایران اور مغربی امریکہ شامل ہیں-
یونیورسٹی آف کیلیفورنیا کے ماہرِ مائیات (hydrologist)، اسکاٹ جیسیکو نے کہا کہ یہ مطالعہ اپنی نوعیت کا پہلا ہے جس میں عالمی سطح پر زمینی پانی کے ڈیٹا کا جائزہ لیا گیا ہے،ماضی میں، اس طرح کے ڈیٹا سیٹلائٹ سے آتے تھے جو کہ ناسا کی دو جڑواں سیٹلائٹس GRACE پر منحصر تھے، یہ سیٹلائٹس دنیا کو اسکین کرکے عالمی سطح پر زمینی پانی کے نقصانات کا اندازہ لگاتی تھیں تاہم پانی کے نقصان کی کچھ تفصیلات اور بحالی کا خلا سے پتہ لگانا مشکل تھا،2000 سے کئی مقامات پر زیر زمین پانی کی مقدار میں کمی آئی ہے لیکن اگر موثر اقدامات اپنائے جائیں تو ان نقصانات کی تلافی کی جاسکتی ہے۔
’ایپل‘ نے آئی فون رکھنے والے صارفین کو خبردار کیا ہے کہ ان کے ہینڈ سیٹس پر ’مرسینری اسپائے ویئر‘ کا حملہ ہوسکتا ہے۔
باغی ٹی وی: ایپل نے یہ انتباہ کم و بیش 92 ممالک کے صارفین کو کیا ہے،ایک نوٹیفکیشن ای میل میں ایپل نے منتخب یوزرز کو بتایا ہے کہ کمپنی نے آئی فونز کو نشانہ بنانے والے مرسینری اسپائے ویئر کا سراغ لگایا ہے،ہیکرز نے دنیا بھر میں آئی فونز کو ہٹ کرنے کی کوشش کی ہے، پیگاسس سوفٹ ویئر استعمال کرنے والے این ایس او گروپ کے یوزرز پر مرسینری اسپائے ویئر کے حملے عام نہیں،یہ حملے بالعموم غیر معمولی نوعیت کے سوفٹ ویئرز کے ذریعے کیے جاتے ہیں، ایسے کسی بھی سوفٹ ویئر سے ایپل کی آئی ڈی سے جڑے ہوئے ڈیوائسز کو نشانہ بنایا جاسکتا ہے۔
ایپل نے 2021 سے اب تک 150 سے زائد ممالک میں آئی فون یوزرز کو متعدد مواقع پر اسپائے ویئر اور دیگر وائرس کے حملوں سے خبردار کیا ہے، ایپل اپنے ڈیوائسز کو وائرس اور اسپائے ویئرز سے بچانے کے لیے غیر معمولی اہتمام کرنے والے اداروں میں سے ہے ایپل نے اسپائے ویئرز اور ہیکرز کے حملوں کی صورت میں تکنیکی معاونت کا بھی اہتمام کیا ہے متعلقہ ممالک میں ہیلپ لائن پر رابطہ کرکے مدد لی جاسکتی ہے۔
کسی بھی اسپائے ویئر کے حملے کے خدشے کی صورت میں ایپل کی طرف سے دو طریقوں سے ای میل بھیج جاتی ہے۔ پہلی صورت یہ ہے کہ جب کوئی یوزرز اپنے پیج پر لاگ اِن کرے تو اوپر کونے میں آئیکون دکھائی دیتا ہے دوسرا طریقہ ای میل آئی ڈی اور فون نمبر پر الرٹ بھیجنے کا ہے۔
غٍزہ : مقبوضہ فلسطین کے علاقے غزہ میں عید کے روز بھی اسرائیلی افواج کی جانب سے بمباری کا سلسلہ جاری ہے،مزید 63 فلسطینی شہید ہو گئے-
باغی ٹی وی : فلسطینی وزارت صحت کے مطابق گزشتہ 24 گھنٹوں میں اسرائیلی حملوں میں مزید 63 فلسطینی شہید اور 45 زخمی ہوگئے غزہ میں 7 اکتوبر سے شروع ہونے والے اسرائیلی حملوں میں اب تک 33 ہزار 545 فلسطینی شہید جبکہ 76 ہزارسے زائد زخمی ہوچکے ہیں۔
الجزیرہ کے مطابق اسرائیل نے عید کے دوسرے روز بھی غزہ کے مختلف علاقوں میں بمباری کی جس کے نتیجے میں 6 افراد شہید ہوگئے اسرائیل نے تل الحوہ، نصیرت کیمہ اور جبالیہ کیمپ پر حملے کیے غزہ میں کھنڈرات میں جھولوں کے بغیر عید کا تہوار منایا جا رہا ہے فلسطینی بچوں نے کھندڑات میں تبدیل چھت کو جھولا بنایا۔
نیویارک: ماہرین کا کہنا ہے کہ جس گھر میں بھی نان سٹک اور سکریچڈ سرامک برتن ہیں، انہیں ابھی اٹھا کر گھر سے باہر پھینک دیں-
باغی ٹی وی : امریکی نژاد بھارتی ڈاکٹر پونم ڈیسائی نے ’نان سٹک‘ (Non Stick)برتنوں کے مضر صحت ہونے کے متعلق چشم کشا انکشاف کیا ہے،میل آن لائن کے مطابق ڈاکٹر پونم ڈیسائی کا کہنا ہے کہ میں گھر میں کھانا بنانے کے لیے کبھی بھی نان سٹک برتن استعمال نہیں کرتی کیونکہ میری فیملی کی صحت میری اولین ترجیح ہے میں اپنے مریضوں کو بھی سختی سے ہدایت کرتی ہوں کہ وہ بھی نان سٹک برتنوں کا ہرگز استعمال مت کریں۔
ڈاکٹر ڈیسائی کے مطابق نان سٹک برتن کھانے میں کروڑوں کی تعداد میں مائیکروپلاسٹک شامل کرنے کا سبب بنتے ہیں جو ہمارے جسم میں ہارمونز کے لیول میں بگاڑ کا سبب بنتے ہیں اس کے نتیجے میں مردوخواتین کو بانجھ پن اورکینسر سمیت بے شمار سنگین عارضے لاحق ہوتے ہیں۔
ڈاکٹر ڈیسائی کا کہنا تھا کہ نان سٹک برتنوں کے علاوہ ’سکریچڈ سرامک ‘ (Scratched ceramic)برتن بھی استعمال کرنے سے گریز کرنا چاہیے کیونکہ ان میں ایلومینم کی ایک تہہ ہوتی ہےجو ہمارے کھانوں میں مل کر ہمارےجسم میں جاتی اور ہمیں نقصان پہنچاتی ہے، جس گھر میں بھی نان سٹک اور سکریچڈ سرامک برتن ہیں، انہیں ابھی اٹھا کر گھر سے باہر پھینک دیں۔