نئی دہلی: بھارت کی وزیرِ خزانہ نرملا سیتارمن کے شوہر اور ماہرِ معاشیات پرکلا پربھاکر نے خبردار کیا ہے کہ اگر بھارتیہ جنتا پارٹی ایک بار پھر جیت گئی تو بھارت کا نقشہ بدل جائے گا۔
باغی ٹی وی : ماہرِ معاشیات پرکلا پربھاکر کے نے ایک حالیہ انٹرویو میں کہا ہے کہ کچھ بھی ہو، بھارتی جنتا پارٹی کو ایک بار پھر اقتدار میں نہیں آنا چاہیے اگر نریندر مودی وزیر اعظم کی مسند پر براجمان رہے تو ملک میں شدید نفرت پھیلے گی، ملک کا وہ حال ہوگا کہ لوگ پہچان نہیں پائیں گے منی پور میں قبائلی اور نسلی بنیادوں پر جو نفرت پائی جاتی ہے وہ پورے ملک کی شناخت بن جائے گی۔
پرکلا پربھاکر نے کہا کہ اگر نریندر مودی اِس منصب پر رہے تو بھارت میں پھر کبھی انتخابات نہیں ہوں گے عوام انتخابات کی امید نہ رکھیں، وزیر اعظم نریندر مودی اور بھارتیہ جنتا پارٹی کے دیگر رہنماؤں کی طرف سے ’جسے پاکستان جانا ہے اُسے جانے دو‘ جیسے نفرت انگیز بیانات کا حوالہ دیتے ہوئے پرکلا پربھاکر نے کہا کچھ بعید نہیں وزیر اعظم خود لال قلعہ کے پلیٹ فارم سے منافرت پر مبنی تقریریں کریں اور یہ کہ یہ سب کچھ ڈھک چُھپ کر نہیں بلکہ کُھلم کُھلا ہوگا۔
شاہ چارلس کی تصویر والے کرنسی نوٹوں کی رونمائی کر دی گئی
گزشتہ ماہ انتخابی چندے کے حوالے سے الیکٹورل بونڈز کا اسکینڈل سامنے آنے پر پرکلا پربھاکر نے کہا تھا کہ یہ محض بھارت کا نہیں بلکہ دنیا بھر میں اپنی نوعیت کا سب سے بڑا اسکینڈل تھا ،الیکٹورل بونڈ اسکینڈل سامنے آنے کے بعد اب مقابلہ دو سیاسی اتحادوں کے درمیان نہیں بلکہ بھارتیہ جنتا پارٹی اور بھارتی عوام کے درمیان ہے۔
