پشاور: عوامی نیشنل پارٹی (اے این پی) کے خیبرپختونخوا کے صدر ایمل ولی خان نے کہا ہے کہ ہم صوبوں کو جائز حقوق دینا چاہتے ہیں، 18 ویں ترمیم کے ذریعے صوبائی خود مختاری حاصل کی-
باغی ٹی وی: چارسدہ میں انتخابی جلسے سے خطاب میں ایمل ولی خان کا کہنا تھاکہ ہم دہشت گردی سے بُری طرح متاثر ہوئے، 2013 کے انتخابات میں انتخابی مہم تک چلانے نہیں دی گئی، میں اپنے بچے کیلئے بندوق نہیں چاہتا، ہمیں پرائی جنگوں میں جھونکا گیا۔
انہوں نے کہا کہ ہم صوبوں کو جائز حقوق دینا چاہتے ہیں، 18 ویں ترمیم کے ذریعے صوبائی خود مختاری حاصل کی، بجلی ہم بنا رہے ہیں اور زیادہ لوڈشیڈنگ برداشت کر رہےہیں، گیس ہماری ہے لیکن ہم اس سے محروم ہیں، آزاد امیدوار بکیں گے اور لوٹے تو ضرور بکیں گے، بعض امیدواروں کو لوٹا کہنا بھی لوٹے کی توہین ہے، آزاد امیدوار ایک تھپڑ سے پرویز خٹک کے ساتھ شامل ہوں گے، آزاد امیدوار کو ووٹ دینا پرویز خٹک کو ووٹ دینا ہے۔
الیکشن کمیشن نے ووٹرز کے لیے اہم ہدایت نامہ جاری کر دیا
دوسری جانب امیر جماعت اسلامی سراج الحق نے ایف پی سی سی آئی میں خطاب کرتے ہوئے کہا کہ عوام کا اعتبار حکومت سے اُٹھ چکا ہے، عوام اور سرکار کے درمیان اعتماد کا فقدان ہے، ہر حکمران نے توشہ خانہ پر ہاتھ صاف کیا، ملک میں سالانہ 5 ہزار ارب کی کرپشن ہوتی ہے، اصل مسئلہ یہی ہے کہ وسائل کم ہیں اور اخراجات زیادہ ہیں، مسئلہ وسائل کی کمی کا نہیں بلکہ کرپشن کا ہے-
نواز شریف کو زیب نہیں دیتا کہ ایک صوبےکے عوام کو بیوقوف …
انہوں نے کہا کہ آئی پی پی کے معاہدوں کا بوجھ یک دم اتارنا ہوگا، آئی پی پی کے معاہدوں میں 70 فیصد پاکستانی کمپنیز ہیں ملک میں صرف 35 لاکھ افراد ٹیکس دیتے ہیں،عوام کا اعتبار حکومت سے اُٹھ چکا، ہر حکمران نے توشہ خانہ پر ہاتھ صاف کیا ، ہم نے سب سے پہلے قوم کے سامنے اپنا منشور پیش کیا، یہاں تو پہلے پارٹی بنتی ہے پھر نام، پھر کارکن اور پھر منشور آتا ہے،فلسطین کے لیے ایک ارب 40 کروڑ کا فنڈ ملا ہے، جماعت اسلامی کے پاس مختلف شعبوں کے ایک ہزار ماہرین ہیں۔
