Author: Ayesha Rehmani

تہران: ایران نے 3 مصنوعی سیارے اکٹھے خلا میں روانہ کر دیئے۔

باغی ٹی وی: ایران نے 3 مصنوعی سیارے سیمرغ نامی سیٹلائٹ کیریئر راکٹ کے ذریعے خلا میں روانہ کئے،سیاروں میں سے ایک کا وزن 32 کلو جبکہ دیگر 2 دس کلو گرام سے تھوڑے کم وزن کے ہیں یہ مصنوعی سیارے جیو پوزیشننگ اور مواصلاتی رابطے کی سروسز فراہم کریں گے۔

ایران نے اس سے قبل بھی رواں ماہ ‘ثریا’ نامی مصنوعی سیارہ خلا میں روانہ کیا تھا یورپی ممالک نے ایران کے اس اقدام پر تشویش کا اظہار کیا تھا مگر ایران کا کہنا تھا کہ ایران سائنسی مقاصد کیلئے ان سیاروں کو استعمال کرے گا یہ بطور آزاد ریاست اس کا حق ہے۔

اینکر پرسن ارم چوہدری انتقال کر گئیں

دوسری جانب جنوبی کوریا کی فوج کی جانب سے کہا گیا ہے کہ شمالی کوریا نے جدید کروز میزائل کا تجربہ کیا ہے، امریکہ کے اتحادی جنوبی کوریا کی فوج نے ایک بار پھر شمالی کوریا کی جانب سے کروز میزائل کے تجربے پر تشویش کا اظہار کیا، جنوبی کورین فوج کے تازہ بیان میں کہا گیا کہ شمالی کوریا نے اپنے مشرقی ساحل کی جانب کئی کروز میزائل فائر کئے تاہم ان کی تعداد سے متعلق کچھ نہیں کہا جا سکتا۔

کورین فوج کے جوائنٹ چیف آف سٹاف کا کہنا تھا کہ ہماری فوج شمالی کوریا کی اشتعال انگیز کارروائیوں کی نگرانی کیلئے امریکہ سے رابطے میں مصروف ہے۔

دن میں امریکی فوجی اڈے پر ڈرون حملے، 3 امریکی فوجی ہلاک اور …

سری لنکن کرکٹ بورڈ کی رکنیت بحال ہو گئی

اردن میں امریکی فوجی اڈے پر ڈرون حملے میں 3 امریکی فوجی ہلاک اور متعدد زخمی ہوگئے۔

باغی ٹی وی : سی این این کے مطابق ڈرون حملے میں 3 فوجی ہلاک اور 2 درجن سے زائد اہلکار زخمی ہوئے ہیں، غزہ میں اسرائیلی جارحیت کے آغاز کے بعد سے مشرق وسطیٰ میں یہ امریکی فوجیوں کی ہلاکت کا پہلا واقعہ ہے ڈرون حملہ شامی سرحد کے نزدیک اردن میں امریکی فوجی اڈے پرکیا گیا، ڈرون حملہ عراق اور شام میں سرگرم ایرانی حمایت یافتہ عسکری گروپوں نےکیا۔

امریکی حکام کے مطابق امکان ہےکہ ڈورن شام کی حدود سے آیا ہے، اس حوالے سے تحقیقات کر رہے ہیں، امریکی سینٹرل کمانڈ کی جانب سے حملے کی تصدیق کرتے ہوئے بتایا گیا ہےکہ حملے میں 3 ہلاکتوں سمیت 25 اہلکار زخمی ہوئے ہیں، امریکی فوجیوں میں ممکنہ دماغی چوٹ کا جائزہ لیا جا رہا ہے۔

امریکی صدارتی آفس وائٹ ہاؤس سے جاری بیان میں امریکی صدر جوبائیڈن نے حملے کی مذمت کی ہے امریکی صدر جوبائیڈن کا کہنا ہے کہ حملے کے حوالے سے معلومات جمع کی جارہی ہیں تاہم ہمیں معلوم ہے کہ یہ حملہ عراق اور شام میں سرگرم ایرانی حمایت یافتہ عسکری گروپوں کی جانب سےکیا گیا ہے،جبکہ اردنی حکام کا کہنا ہےکہ ڈرون حملہ اردن کی سرزمین پر نہیں بلکہ شام میں ہوا ہے۔

کابل:افغان طالبان حکومت کے قائم مقام وزارت توانائی اور پانی (MoEW) عبداللطیف منصور نے کہا کہ ملک میں خشک سالی کے خطرے سے بچاؤ کے لیے زیر زمین پانی کی فراہمی کے لیے تقریباً 100 چھوٹے ڈیم بنانے کا منصوبہ بنایا گیا ہے۔

باغی ٹی وی : عبداللطیف منصور نے کہا کہ کئی ڈیموں کا افتتاح ہو چکا ہے اور کچھ مزید بن رہے ہیں ہم نے بہت کم وقت میں تقریباً 93 ڈیموں کا معاہدہ کیا ہے، ان میں سے 5 لوگر میں، 5 میدان وردک اور صوبہ سمنگان میں مکمل ہوئے ہیں، کئی کسان پانی کی کمی کی شکایت کرتے ہیں اور کھیتی جاری نہیں رکھ سکتے،پانی کی کمی اور لگاتار خشک سالی نے ملک میں بے روزگاری کی شرح میں اضافہ کیا ہے۔

ایک کسان، محمد سرور نے کہا، "پچھلے تین سالوں سے، خشک سالی نے لوگوں پر خاص طور پر آلو اور گندم کی کاشت پر بہت دباؤ ڈالا ہے۔”

قائم مقام وزیر نے یہ بھی کہا کہ ان منصوبوں کی تعمیر سے پانی کی کمی کو پورا کیا جائے گا اس سے قبل وزارت دیہی بحالی و ترقی نے 13 صوبوں میں چھوٹے ڈیموں پر مشتمل 426 افغانیو مالیت کے منصوبوں کے آغاز کا اعلان کیا تھا۔

دوسری جانب افغانستان کے قائم مقام وزیر برائے بارڈر و قبائلی امور نور اللہ نوری نے پاک افغان سرحد کو تصوراتی قرار دیتے ہوئے کہا ہے کہ افغانستان کی پاکستان کے ساتھ کوئی مخصوص سرحد (باضابطہ سرحد) نہیں ہے۔

افغانستان کے طلوع نیوز کے مطابق نور اللہ نوری نے صوبہ ننگرہار میں طورخم کراسنگ کا دورہ کیا، اس موقع پر انھوں نے کہا کہ اسلام آباد اور کابل کے درمیان سرحد ابھی تک واضح نہیں ہے، دونوں ممالک کے پاس تصوراتی لکیریں ہیں افغانستان اور پاکستان کے درمیان تصوراتی خطوط پر وقتا فوقتا پیدا ہونے والی کشیدگی کے حوالے سے امارت اسلامیہ ان کشیدگیوں کو مناسب طریقے سے حل کرنے کی کوشش کر رہی ہے۔

انہوں نے کہا کہ ہماری پاکستان کے ساتھ کوئی باضابطہ سرحد نہیں ہے اور نہ ہی پاکستان کے ساتھ ہمارا زیرو پوائنٹ ہے۔ یہ (ڈیورنڈ لائن) ہمارے درمیان ایک خیالی لکیر ہے دورے کے دوران یہ بات بھی سامنے آئی کہ پاکستان سے جانے والے افغان شہریوں کے لیے کابل حکومت تاحال خاطر خواہ تعداد میں شیلٹر قائم نہیں کر سکی افغان وزیر کا کہنا تھا کہ وہ مسائل سے آگاہ ہیں اور سردیوں کے بعد مستقل رہائش گاہیں قائم کی جائیں گی۔