Author: Ayesha Rehmani

اسلام آباد: سگریٹ کی ڈبیوں پر جعلی ٹیکس اسٹیمپس لگنے کا انکشاف ہوا ہے ،جبکہ پاکستان میں جعلی سگریٹس کی فروخت سے انسانی صحت کے ساتھ ساتھ خزانے کو بھی شدید نقصان ہورہا ہے-

باغی ٹی وی: غیر قانونی سگریٹس کی تجارت کا حجم ایک دہائی کی بلند ترین سطح پر پہنچ گیا ہے، گزشتہ 10 سالوں میں پہلی بار غیر قانونی سیکٹر کا حجم قانونی سیکٹر سے بڑھ گیا ہے،جبکہ پاکستان میں جعلی سگریٹس کی فروخت سے انسانی صحت کے ساتھ ساتھ خزانے کو بھی شدید نقصان ہورہا ہے۔

پی ٹی سی کے مطابق مارکیٹ میں 51 ارب 40 کروڑ کی غیر قانونی سگریٹس فروخت ہونے کا انکشاف ہوا ہے غیر قانونی سگریٹس کی فروخت کی وجہ سے قانونی سگریٹ انڈسٹری کا حجم کم ہو کر 29.6 ارب سگریٹ تک گر چکا ہے غیر قانونی سیکٹرسگریٹ پیکٹوں پرجعلی ٹیکس سٹیمپ لگا کرفروخت کر رہے ہیں، جعلی ٹیکس اسٹیمپ کی تیاری اور سپلائی کے خلاف فوری طور پر کریک ڈاؤن شروع ہونا چاہیئے۔

ایف بی آر کی غیر قانونی،نان ڈیوٹی پیڈ،جعلی سگریٹس کیخلاف کاروائیاں،13.77 ملین سگریٹس …

پی ٹی سی نے کہا کہ مقامی سگریٹ فیکٹریوں میں ٹریک اینڈ ٹریس ابھی تک نافذ نہیں ہوسکا، 42.5 ملین سے زائد جعلی ٹیکس اسٹیمپ والے سگریٹ پیکٹ مارکیٹ میں فروخت ہو رہے ہیں، غیرمتوازن حکومتی پالیسیوں اور بڑھتی ہوئی غیر قانونی تجارت سے قانونی انڈسٹری کو نقصان ہو رہا ہے ، قانون نافذ کرنے والے ادارے مل کر غیر قانونی سگریٹ تجارت کے خلاف کریک ڈاؤن کریں گے۔

دوسری جانب نجی ٹوبیکو کمپنی کے نمائندوں نےمیڈیا بریفنگ میں انکشاف کیا ہے کہ ملک میں جعلی سگریٹ کی فروخت سے قومی خزانے کو 5 ارب ستر کروڑ روپے کا نقصان ہورہا ہے حکومت غیرقانونی سگریٹس کی فروخت پر قابو پانے کیلئے ٹریک اینڈ ٹریس سسٹم پر موثر عمل درآمد کروائے، ایف بی آر ٹریک اینڈ ٹریس سسٹم کے تحت مانیٹرنگ یقینی بنائے،بریفنگ میں بتایا گیا کہ پانچ ماہ میں قانونی سگریٹس سیکٹر کی پیداوار چالیس فیصد تک گر گئی ہے جبکہ غیر قانونی، اسمگل شدہ اور جعلی سگریٹس کی فروخت کرنے والوں کا مارکیٹ شیئر بڑھتا جارہا ہے۔

عمران خان کے ساتھ تعلقات کیوں خراب ہوئے؟جہانگیر ترین نے خاموشی توڑ دی

علاوہ ازیں فیڈرل بورڈ آف ریونیو کی ان لینڈ ریونیو سروس کے افسران کی خصوصی ٹیموں نے اس ماہ کی تیرہ تاریخ کو ملک بھر میں غیرقانونی سگریٹس کے خلاف کامیاب کاروائیاں کیں،ان کاروائیوں کے دوران ملکی اور غیرملکی ساخت کے 1377 پیکرائیٹس ضبط کر لئے گئے جن میں 13.77 ملین سگریٹس تھے۔

ممبر ان لینڈ ریونیو آپریشنز میر بادشاہ خان وزیر نے ان کاروائیوں کی خود نگرانی کی،ایف بی آر نے اس عزم کا اعادہ کیا ہے کہ سرکاری محصولات ادا کرنے سے بچنے کی کسی بھی کوشش سے آہنی ہاتھوں سے نمٹا جائے گا اور اس میں ملوث افراد کو فوجداری مقدمات کا سامنا کرنا پڑے گا۔

جنوری کے آخری ہفتے میں بارش کی پیشگوئی

اسلام آباد: استحکام پاکستان پارٹی کے سربراہ جہانگیر ترین نے عمران خان کے ساتھ تعلقات کی خرابی پر خاموشی توڑ دی-

باغی ٹی وی: نجی خبررساں ادارے کے ساتھ گفتگو میں عمران خان سے اختلافات کے آغاز پر پہلی مرتبہ خاموشی توڑتے ہوئے بتایا کہ میں لوگوں کی بات سنتاہوں ، مجھے خاور مانیکا کے چھوٹے بھائی رضا کا فون آیا ، وہ کہنے لگا کہ میں نے ملنا ہے ، میں نے کہا کہ آجاؤ ، انہوں نے کہا کہ ایسے نہیں ملنا ، پرائیویٹ میں ملنا ہے ، میں نے کہا ٹھیک ہے ، آجائیں، وہ ملنے آئے اورمجھ سے بشریٰ بی بی اور عمران خان کے حوالے سے بات کی ،اور کہا کہ آپ اپنے لیڈرعمران خان کو بچا لیں ،میں نے کہا کہ یہ میرا کام نہیں ہے ، آپ غلط آدمی کے پاس آئے ہیں، آپ کو ایسی بات کرنے میں شرم آنی چاہیے ، یہ ہمارا معاملہ نہیں ہے ، آپ کا فیصلہ ہے جو کرنا ہے وہ کریں۔

میں جب بھی مقابلے میں آتا ہوں تو آگے جانے کا سوچتا ہوں ،پرویز …

جہانگیر ترین نے بتایا کہ وہ پیغام میں نے سوچ سمجھ کر عمران خان کو بتایا، عمران خان نے اس پر ناگواری ظاہر کی، ان کے تاثرات اچھے نہیں تھے ، پھر عمران خا ن نے مجھے کہا کہ آپ نے ان سے ملاقات کیوں کی، میں نے کہا کہ میرے دروازے کھلے ہیں، میں نے سن لیا ، میرا کام ہے آپ کو بتانا باقی آپ کی مرضی ، پھر اس کے بعد ولیمے کی تقریب میں بشریٰ بی بی نے مجھ سے ناراضگی کا اظہار کیا ، اس کے بعد تعلقات میں دراڑ آ گئی، میں عمران خان کا دوست تھا اور میں نے دوستی کے تحت ہی سب کچھ ان کے سامنے رکھا تھا لیکن اس کے بعد عمران خان نے جو میرے بچوں کے ساتھ کیا میں اس کا سوچ بھی نہیں سکتا تھا، میں ایف آئی آرز دیکھ کر حیران رہ گیا تھا ۔

پرائیویٹ تعلیمی اداروں میں حفاظتی اقدامات کو یقینی بنانے کیلئے ایڈوائزری جاری

الیکشن کمیشن اور انتظامیہ نواز شریف کی مدد کر رہے ہیں،عمرا ن خان

اسلام آباد : پرائیویٹ تعلیمی اداروں میں حفاظتی اقدامات کو یقینی بنانے کے لیے ایڈوائزری جاری کردی گئی۔

باغی ٹی وی: اسلام آباد کی تین جامعات سکیورٹی خدشات پر غیر معینہ مدت کے لیے بند کردی گئیں وفاقی دارالحکومت میں سکیورٹی خدشات کے پیش نظر متعدد نجی تعلیمی اداروں کو پیر کی صبح سے غیر معینہ مدت تک بندکر دیا گیاسکیورٹی الرٹ حساس اداروں کی جانب سے جاری کیےگئے ہیں، بند کی گئی جامعات میں نیشنل ڈیفنس یونیورسٹی، ائیر یونیورسٹی اور بحریہ یونیورسٹی شامل ہے۔

مختلف نجی اسکول اورکالج غیر معینہ مدت کے لیے بندکیے جانےکے علاوہ اسلام آباد اور اس کے نواح میں جامع سرچ آپریشن بھی کیے گئے بم ڈسپوزل، اسپیشل برانچ اور سی ٹی ڈی اہلکاروں نے یونیورسٹیوں اور کالجوں کا دورہ بھی کیا سرکاری تعلیمی ادارے بند کرنے سے متعلق فیڈرل ڈائریکٹوریٹ آف ایجوکیشن تاحال کوئی فیصلہ نہیں کر پائی۔

ایف بی آر کی غیر قانونی،نان ڈیوٹی پیڈ،جعلی سگریٹس کیخلاف کاروائیاں،13.77 ملین سگریٹس …

ترجمان وزارت تعلیم کے مطابق تا حال ایجوکیشن منسٹری کو ایسا کوئی نوٹیفکیشن موصول نہیں ہوا جس کی بناء پر اسکول بند کیے جائیں، اسلام آبادکے سرکاری تعلیمی ادارے بدرستور کھلے رہیں گے۔

دوسری جانب وفاقی وزارت تعلیم کی جانب سے جاری ایڈوائزری میں اسکول کے احاطے میں زائرین اور باہر آنے والوں پر مکمل پابندی عائد کرنے کا کہا گیا ہے اسکولز انتظامیہ کو ہدایت کی گئی کہ سیکیورٹی کو یقینی بنانے کے لیے مناسب جانچ پڑتال کے علاوہ کسی بھی قسم کےمشتبہ (شخص/بیگ وغیرہ) کی اطلاع فوری طور پر سیکیورٹی ایجنسیوں کو دی جائےاس کےعلاوہ حفاظتی کیمروں کی تنصیب اور باؤنڈری والز پر خار دار تاریں لگانے کی ہدایات بھی جاری کردی گئی ہیں۔

ممنوعہ بور کے اسلحہ لائسنس لاکھوں روپے لے کر بنائے گئے ،سینیٹر بہرمند تنگی کا …

الیکشن کمیشن اور انتظامیہ نواز شریف کی مدد کر رہے ہیں،عمرا ن خان

اسلام آباد: نگراں وزیراعظم انوار الحق کاکڑ نے کہا کہ بائیسکل لینز کا منصوبہ اسلام آباد کے لئے ایک ماحول دوست منصوبہ ہے جس کو ترجیحی بنیادوں پر مکمل کیا جائے۔

باغی ٹی وی : نگراں وزیراعظم انوار الحق کاکڑ کی زیر صدارت وفاقی ترقیاتی ادارے کے امور پر اہم اجلاس آج منعقد ہوا جس میں وزیراعظم کو اسلام آباد میں بائیسکل لینز منصوبے اور اسلام آباد ماسٹر پلان کے حوالے سے بریفنگ دی گئی جس میں بتایا گی کہ بائیسکل لینز منصوبے میں 374 کلومیٹر لینز اور 150 پارکنگ اسٹیشنز کی تعمیر شامل ہے۔

نگراں وزیراعظم انوار الحق کاکڑ نے ہدایت کی کہ بائیسکل لینز کا منصوبہ اسلام آباد کے لئے ایک ماحول دوست منصوبہ ہے جس کو ترجیحی بنیادوں پر مکمل کیا جائے،اسلام آباد ماسٹر پلان پر نظر ثانی وفاقی حکومت کی اولین ترجیحات میں سے ہے، اسلام آباد ماسٹر پلان کے جائزے کے لیے وفاقی کمیشن کی تشکیل جلد از جلد کی جائے جبکہ اسلام آباد میں نئے رہائشی منصوبوں کے لیے عمودی تعمیرات کو ترجیح دی جائے۔

نگراں وزیراعظم نے اجلاس میں متعلقہ حکام کو اسلام آباد میں کاروباری سرگرمیوں کے لیے ہائی رائز عمارات کی تعمیر کے لیے سرمایہ کاروں کو راغب کرنے کے لیے مؤثر حکمت عملی تشکیل دینے کی ہدایت کی جبکہ انہوں نے متعلقہ حکام کو اسلام آباد میں پانی کے مسئلے کے جلد از جلد حل اور متعلقہ حکام کو شہر میں ٹریفک کے دباؤ میں کمی کے لیے مؤثر حکمت عملی تشکیل دینے کی ہدایت کی اور کہا کہ کہ اسلام آباد میں پارکنگ کے مسئلے کے حل کے لیے پارکنگ کے لیے مخصوص عمارتیں تعمیر کی جائیں۔