Author: Ayesha Rehmani

اسلام آباد:شہریوں کا ڈیٹا چوری ہونے کے معاملے پر نادرا کے 8 سے زائد افسران کو معطل کرکے چارج شیٹ دے دی گئی۔

باغی ٹی وی: ذرائع کے مطابق نیشنل ڈیٹابیس اینڈ رجسٹریشن اتھارٹی (نادرا) میں مشترکہ تحقیقاتی ٹیم کی سفارش پرکارروائی کا آغاز کردیا گیا نادرا میں ایک درجن کے قریب افسران کے خلاف تادیبی کارروائی شروع کردی گئی ہے 8 سے زائد افسران کو معطل کرکے چارج شیٹ دے دی گئی۔

ترجمان نادرا نے ادارے میں جے آئی ٹی کی روشنی میں کارروائی کی تصدیق کردی ہے،ترجمان نے کہا کہ ادارے میں جے آئی ٹی سفارشات کی روشنی میں کارروائی شروع کردی ہے، ڈیٹا پرائیویسی اور عدالتی نوعیت کی کارروائی کے باعث انفرادی نام جاری نہیں کرسکتے۔

رمضان میں ہمیں غزہ کے مسلمانوں کو نہیں بھولنا چاہیے،اسحاق ڈار

واضح رہےکہ نادرا سے شہریوں کا ڈیٹا چوری ہونے کے بڑے اسکینڈل کی تحقیقات میں مشترکہ تحقیقاتی ٹیم (جے آئی ٹی) نے 27 لاکھ پاکستانیوں کا ڈیٹا چوری ہونے کی تصدیق کی ہے۔

اسرائیل کے ساتھ فیصلہ کن مذاکراتی جنگ لڑ رہے ہیں، جس میں جیت ہماری ہوگی،حماس

فریڈم فلوٹیلا،ترک امدادی ایجنسی نے غزہ تک امداد پہنچانے کیلئے دو بحری جہاز خرید

اسلام آباد: وزیر خارجہ اسحاق ڈار کا کہنا ہےکہ غزہ میں فوری اور غیر مشروط جنگ بندی کا وقت آگیا ہے۔

باغی ٹی وی: ایک بیان میں وزیر خارجہ اسحاق ڈار کا کہنا تھا کہ فلسطینیوں کو 6 ماہ سے بھوک اور جنگ کا سامنا ہے، رمضان میں ہمیں غزہ کے مسلمانوں کو نہیں بھولنا چاہیے، غزہ میں جنگ بندی کا مطالبہ اقوام متحدہ کی سلامتی کونسل نے کیا ہے پاکستان امن کے لیے ملکوں کے درمیان شراکت داری کو فروغ دینےکے لیے تیار ہے، ماسکو اور بشام میں حملے یاد دلاتے ہیں کہ دہشت گردی پوری دنیا کے لیے خطرہ ہے، پاکستان اس خطرے سے نمٹنے کے لیے علاقائی اور عالمی شراکت داری کو فروغ دیتا رہےگا، امن کی جیت تک دہشت گردی کے خلاف ہماری جنگ ختم نہیں ہوگی-

دوسری جانب فلسطینی پناہ گزینوں کے لیے کام کرنے والی اقوام متحدہ کی امدادی ایجنسی انروا نے کہا ہے کہ سلامتی کونسل میں جنگ بندی کی قرارداد منظور ہونے کے باوجود اسرائیلی فورسز کی کارروائیاں جاری ہیں، 7 اکتوبر سےجاری اسرائیلی وحشیانہ حملوں میں اب تک 13 ہزار 750 بچے شہید ہوچکے ہیں اسرائیل اسپتالوں اور قریبی علاقوں میں جنگی کارروائیاں جاری رکھے ہوئے ہے اور اسرائیلی فورسز الشفا اسپتال، خان یونس کے الامل اور ناصر اسپتالوں میں کارروائیاں کررہی ہیں۔

اسرائیل کے ساتھ فیصلہ کن مذاکراتی جنگ لڑ رہے ہیں، جس میں جیت ہماری ہوگی،حماس

انروا کےمطابق غزہ کی پٹی میں 7 اکتوبر سےجاری اسرائیلی وحشیانہ حملوں میں 13 ہزار 750 بچے شہید ہوچکے ہیں دوسری جانب فلسطینی وزارت خارجہ کے مطابق گزشتہ 24 گھنٹوں میں اسرائیلی جارحیت کے نتیجے میں 76 فلسطینی شہید ہوچکے ہیں،وزارت صحت کے مطابق 7 اکتوبر 2023 سے اب تک غزہ میں 32 ہزار 490 فلسطینی شہید جبکہ 74 ہزار 889 فلسطینی زخمی ہوچکے ہیں۔

ججز کا خط ،پاکستان بار کونسل کا انکوائری کا مطالبہ

فریڈم فلوٹیلا،ترک امدادی ایجنسی نے غزہ تک امداد پہنچانے کیلئے دو بحری جہاز خرید …

اسلام آباد:پاکستان بار کونسل کی جانب سے ہائی کورٹ ججز کے خط کے معاملے کی شفاف انکوائری کا مطالبہ کیا گیا ہے۔

باغی ٹی وی : سپریم جوڈیشل کونسل کو عدالتی امور میں مداخلت کے حوالے سے اسلام آباد ہائی کورٹ کے 6 ججز مسٹر جسٹس محسن اختر کیانی، مسٹر جسٹس طارق محمود جہانگیری، مسٹر جسٹس بابر ستار، مسٹر جسٹس سردار اعجاز اسحاق خان، مسٹر جسٹس ارباب محمد طاہر اور مسز جسٹس سمن رفعت امتیاز کے خط کے معاملے پر پاکستان بار کونسل کی جانب سے اعلامیہ جاری کیا گیا-

اعلامیے کے مطابق پاکستان بار کونسل کے وائس چیئرمین جناب ریاضت علی سحر اور پاکستان بار کونسل کی ایگزیکٹو کمیٹی کے چیئرمین جناب فاروق ایچ نائیک نے پاکستان بار کونسل کے پرنسپل نمائندہ ادارے کے طور پر ملک میں قانونی برادری، سپریم جوڈیشل کونسل (SJC) کو لکھے گئے خط میں بیان کردہ متعلقہ مسائل کو فوری حل کرنے پر زور دیا-

ججز کا خط،انکوائری ہو،سپریم کورٹ میں اوپن سماعت کی جائے، بیرسٹر گوہر

اعلامیے کے مطابق خط میں جن خدشات کو اجاگر کیا گیا ہے وہ درحقیقت سنگین ہیں اور ان پر فوری توجہ دینے کی ضرورت ہے۔ تاہم، ان خدشات کو دور کرنے کا صحیح مجاز اتھارٹی سپریم جوڈیشل کونسل (SJC) نہیں بلکہ چیف جسٹس آف پاکستان ہے کیونکہ آئین کے آرٹیکل 209 کے تحت سپریم جوڈیشل کونسل اعلیٰ عدالتوں کے ججوں کے خلاف شکایات کا ازالہ کرنے کا فورم ہے۔ مداخلت اور دھمکانے کے الزامات اہم ہیں اور ایک مناسب کمیٹی کے ذریعے مکمل انکوائری/تحقیقات کا مطالبہ کرتے ہیں، سپریم کورٹ کے تین سینئر ججز پر مشتمل کمیٹی تشکیل دی جائے، اسلام آباد ہائیکورٹ کے ججز کے الزامات کی تحقیقات لازمی ہے، عدلیہ کی آزادی پر سمجھوتہ نہیں کیا جاسکتا، الزامات کی تحقیقات کیلئے چیف جسٹس پاکستان کو کمیٹی تشکیل دینی چاہئے۔

وزیراعظم شہباز شریف کل چیف جسٹس سے سپریم کورٹ میں ملاقات کریں گے

اعلامیے کے مطابق خط کے مندرجات میں عدلیہ کی خود مختاری کو نقصان پہنچانے اور سیاسی مقاصد کے لیے عدالتی کارروائیوں پر اثر انداز ہونے کی کوششوں کا پردہ فاش کیا یا خاص طور پر انٹیلی جنس ایجنسیوں کے کارندوں کی طرف سے ججوں پر مبینہ جبر، بشمول نگرانی، اغوا، اور ججوں اور ان کے اہل خانہ کو دھمکیاں دینے جیسے واقعات کا ذکر کیا گیا ،عدلیہ اور ججوں کی نجی زندگی میں مداخلت کی نہ صرف مذمت ہونی چاہیے بلکہ اس کے خلاف کارروائی بھی ہونی چاہیے۔

ایسا لگتا تحریک انصاف کے اشارے پر ججز نے خط لکھا،سپریم کورٹ میں درخواست …

اعلامیے میں کہا گیا کہ اس بات کا اعادہ کرنا ضروری ہے کہ میڈیا کے ذریعے ٹرائل نہیں بلکہ قانون کے دائرے میں رہتے ہوئے سخت اور جامع انکوائری/تحقیقات کی ضرورت ہے۔ پاکستان بار کونسل عدلیہ کی سالمیت اور آزادی کو یقینی بنانے کے لیے کسی بھی کوشش کی حمایت اور تعاون کے لیے تیار ہے۔ یہ ضروری ہے کہ انصاف نہ صرف غالب رہے بلکہ اسے برقرار رکھا جائے، اور یہ تمام اسٹیک ہولڈرز کی ذمہ داری ہے کہ وہ انصاف اور مساوات کے ان بنیادی اصولوں کو برقرار رکھیں جو ہمارے قانونی فریم ورک کی بنیاد ہیں۔

پاکستان میں دہشت گردی کا منبع افغانستان میں ہے،خواجہ آصف

اسلام آباد: وزیر دفاع خواجہ آصف نے کہا ہے کہ پاکستان میں دہشت گردی کا منبع افغانستان میں ہے، ہماری کوششوں کے باوجود کابل اس سمت کوئی پیش رفت نہیں کر رہا ہے۔

باغی ٹی وی : سماجی رابطے کی ویب سائٹ ایکس پر بیان میں خواجہ آصف نے کہا کہ دہشت گردی کے واقعات میں اضافے کے پیش نظر سرحد کی صورت حال میں بنیادی تبدیلی کی ضرورت ہے پاکستان میں دہشت گردی کا منبع افغانستان میں ہے، ہماری کوششوں کے باوجود کابل اس سمت کوئی پیش رفت نہیں کر رہا ہے۔
https://x.com/KhawajaMAsif/status/1772930756433646053?s=20
خواجہ آصف نے کہا کہ افغان حکومت ک کو دہشت گردی کے ٹھکانوں کے بارے میں انہیں علم ہونے کے باوجود ان کی سر زمین سے پاکستان کے خلاف دہشت گرد آزادانہ طور پر آپریٹ کر رہے ہیں پاک-افغان سرحد ساری دنیا کی روایتی سرحد سے مختلف ہے، موجودہ حالات میں جب کابل سے تعاون میسر نہیں ہے تو پاکستان کو اس سرحد پر تمام بین الاقوامی قوانین اور روایت نافذ کرنے ہوں گے۔

خواجہ آصف کا کہنا تھا کہ سرحد پر دہشت گردوں کی نقل و حرکت ختم کرنی ہو گی، اسی طرح دونوں ممالک روایتی اچھے ہمسایوں کی طرح اپنے تعلقات کو فروغ دے سکتے ہیں، پاسپورٹ اور ویزے کے ذریعے سفر کی سہولتیں جاری رکھی جاسکتی ہیں۔