Author: Ayesha Rehmani

واشنگٹن: فلسطینیوں پر غزہ میں ہونے والے اسرائیلی مظالم پر صدر جوبائیڈن کی خاموشی پر احتجاج کرتے ہوئے امریکی محکمہ تعلیم کے سینئر افسر طارق حبش نے اپنے عہدے سے استعفیٰ دیدیا۔

باغی ٹی وی : امریکی میڈیا کے مطابق محکمہ تعلیم کے دفتر برائے منصوبہ بندی، تشخیص اور پالیسی کے معاون خصوصی طارق حبش نے سیکرٹری تعلیم میگوئل کارڈونا کو اپنا استعفیٰ پیش کردیااستعفے میں لکھا کہ میں بے گناہ فلسطینیوں کی زندگیوں پر ہونے والے مظالم پر امریکی صدر اور انتظامیہ کی آنکھیں بند ہونے پر مزید خاموش نہیں رہ سکتا اور نہ اس عمل کا ساتھ دے سکتا ہوں انسانی حقوق کے سرکردہ ماہرین بھی اسرائیلی حکومت کی کارروائیوں کو فلسطینیوں کی نسل کشی کی مہم قرار دے رہے ہیں لیکن امریکی حکومت چپ سادھے ہوئے ہیں۔

طارق حبش ایک فلسطینی نژاد امریکی ہیں جو طلباء کے لیے تعلیمی قرض اور اسکالر شپ کے ماہر سمجھے جاتے ہیں اور انھی صلاحیتوں کی بنیاد پر امریکی صدر جوبائیڈن نے طارق حبش کو محکمہ تعلیم میں معاون مقرر کیا تھا۔

پاکستان کی خارجہ پالیسی کا مقصد پوری دنیا میں امن اور باہمی فائدہ مند تعلقات …

غزہ پر امریکا کی پالیسی پر یہ پہلا استعفی نہیں قبل ازیں اکتوبر میں وزارت خارجہ کے ایک سابق اہلکار جوش پال نے بھی احتجاجاً استعفیٰ دیتے ہوئے مؤقف اختیار کیا تھا کہ صدر جوبائیڈن اسرائیل کی اندھی حمایت کر رہے ہیں،اسی طرح اسرائیل نواز پالیسی پر وزارت خارجہ میں شدید اختلافات کا انکشاف ہوا تھا اور نومبر میں وزیر خارجہ انٹونی بلنکن نے ایک خط میں اس اختلاف کی موجودگی کو تسلیم بھی کیا تھا۔

ادھرامریکی ایجنسی برائے بین الاقوامی ترقی (USAID) کے ہزار سے زائد اہلکاروں نے ایک کھلے خط پر دستخط کیے جس میں بائیڈن انتظامیہ پر زور دیا گیا کہ وہ غزہ میں فوری جنگ بندی کا مطالبہ کریں۔

زرتاج گل پر دھوکہ دہی کا مقدمہ درج

دوسری جانب جوبائیڈن کے صدارتی انتخابی مہم کے عملے کے 17 ارکان نے ایک گمنام خط میں متنبہ کیا ہے کہ امریکی صدر بائیڈن اس معاملے (غزہ پالیسی) کی وجہ سے ووٹرز کی حمایت کھو سکتے ہیں جوبائیڈن کی انتخابی مہم کے عملے نے ایسے کئی ووٹرز کو بڑی تعداد میں ساتھ چھوڑتے ہوئے دیکھا اور جو دہائیوں سے جوبائیڈن کی جماعت کو ووٹ دیتے آئے ہیں۔

دوسری جانب اسرائیلی فوج کی غزہ پر وحشیانہ بمباری جاری ہے، رفح میں نقل مکانی کے دوران نہتے فلسطینیوں پر حملے کرکے متعدد افراد کو شہید کردیا، نقل مکانی کے دوران اسرائیلی اسنائپرز نے بھی تاک تاک کر معصوم بچے اور خواتین سمیت متعدد فلسطینی قتل کیے، سڑکوں پر لاشوں کے ڈھیر لگ گئے، آخری سانسنیں لیتے فلسطینیوں کے درد ناک مناظر نے دل دہلادیے۔

پشاور میں گردوں کی غیر قانونی پیوند کاری کرنیوالے گروہ کا سرغنہ گرفتار

صیہونی فوج نے جبالیہ میں اقوام متحدہ کے شیلٹر پر بھی حملہ کیا، شمالی غزہ سے فوج نکالنےکے بعد اسرائیل نے غزہ پر بمباری تیز کردی اور زیادہ شدت والے بموں کا استعمال کیا، 24 گھنٹوں میں مزید 120 سے زائد فلسطینی شہید ہوگئے، خان یونس کے علاقے میں گھر پر بمباری سے صلاح خاندان کے14 افراد شہید ہوگئے اور متعدد زخمی ہوئے، خان یونس کے گھر میں غزہ کے مختلف علاقوں کے بے گھر افراد پناہ لیے ہوئے تھے اسرائیلی حملوں شہید فلسطینیوں کی مجوعی تعداد 22 ہزار 313 ہوگئی ہے۔

دوسری جانب جنوبی لبنان کے علاقے نقورا میں اسرائیل نے عمارت پر حملہ کیا، اسرائیلی حملے میں حزب اللہ کے سینیئر اہلکار حسین یزبیک سمیت 9 ارکان شہید ہوگئے۔

لیگی رہنما پی پی میں شامل

مدینہ منورہ : اپیل کورٹ نے خاتون کو ہراساں کرنے پرمصری ڈرائیور کو قید اور جرمانہ کی سزا سنا دی۔

باغی ٹی وی: میڈیا رپورٹ کے مطابق مدینہ منورہ میں ایک مصری ڈرائیور (پرائیویٹ بس ڈرائیور) نے خاتون کو نازیبا اشارہ کیا تھا جس پر خاتون نے اس کی ویڈیو بنائی اور اسے پولیس کو ارسال کردی،سوشل میڈیا پر بھی اس حوالے سے صارفین نے مطالبہ کیا کہ ڈرائیور کی اس نازیبا حرکت کا فوری نوٹس لیا جائے اوراسے قرار واقعی سزا دی جائےپولیس نے ویڈیو کی مدد سے بس ڈرائیور کو گرفتار کرلیاملزم سے اقبال جرم کرانے کے بعد اس کی مقدمہ فوجداری عدالت میں بھیجا گیا جہاں اسے قید اورجرمانے کی سزا سنائی گئی، ابتدائی عدالت نے ملزم کو چھ ماہ قید اور 3 ہزار ریال جرمانہ کی سزا کا حکم سنایاابتدائی سزا کے خلاف اپیل دائر کی گئی جس پر اپیل کورٹ نے ابتدائی فیصلے کی توثیق کردی ۔

امریکہ کی 9 ریاستوں میں بم کی اطلاعات، سرکاری عمارتوں کو خالی کروا لیا گیا

دوسری جانب برطانیہ کے شہر لندن میں ایک بھارتی نژاد شخص کو لندن انڈر گراؤنڈ ٹرین میں خاتون کے سامنے نازیبا حرکات کرنے کے الزام میں جیل بھیج دیا گیا،انڈیا ٹو ڈےکے مطابق، لندن انڈر گراؤنڈ ٹرین میں سوار ہونے کے دوران ایک خاتون کے سامنے نازیبا حرکات کرنے والے ایک بھارت نژاد شخص کو 9 ماہ کے لیے سلاخوں کے پیچھے بھیج دیا گیا۔

شمالی علاقے ویمبلے سے تعلق رکھنے والے 43 سالہ مکیش شاہ کو گزشتہ ماہ لندن کی انر کراؤن کورٹ میں نازیبا مواد دکھانے کا مجرم پایا گیا تھا، اسے 10 سال کے لیے جنسی مجرموں کے رجسٹر پر دستخط کرنے کا حکم دیا گیا تھا یہ واقعہ 4 نومبر 2022 کو پیش آیا تھا، ایک تحقیقاتی افسر نے بتایا کہ متاثرہ شخص خود کو بے نقاب کرنے کے بعد مجرم کو ریکارڈ کرنے میں کامیاب رہا تھا، انہوں نے مزید کہا کہ مجرم اس وقت بھی نہیں رکا جب خاتون نے اسے ایسا کرنے کے لیے کہا۔

ملک میں سب سے زیادہ ایک ہزار روپے کے جعلی نوٹ سرکولیشن میں ہیں، اسٹیٹ …

برطانوی ٹرانسپورٹ پولیس کے مطابق اس واقعے پر اسے 10 سال کے لیے جنسی نقصان کی روک تھام کا حکم دیا جائے گا بی ٹی پی کے تفتیشی افسر ڈیٹیکٹیو کانسٹیبل مارک لوکر نے اس واقعے کو متاثرہ کے لیے ’خوفناک اور پریشان کن تجربہ‘ قرار دیا، انہوں نے مجرم کا مقابلہ کرنے میں خاتون کی بہادری کی تعریف کی کیونکہ وہ مجرم کی تصویر کھینچنے میں کامیاب رہی۔

مجرم نے اس غیر قانونی فعل کا ارتکاب اس وقت کیا جب متاثرہ سڈبری ٹاؤن اور ایکٹن ٹاؤن کے درمیان ایک خالی پکاڈیلی لائن گاڑی میں اکیلے سفر کر رہا تھاافسر نے بتایا کہ خالی گاڑی کے باوجود میکش شاہ متاثرہ خاتون کے سامنے کھڑا تھا اور اس نے دیکھا کہ وہ اسے گھور رہا ہے، جس سے اسے بے چینی محسوس ہوئی اور بعد میں خاتون نے دیکھا کہ وہ شخص نازیبا حرکات کررہا تھا۔

ایک دہائی سے کسی بھی بھارتی وزیراعظم کی پریس کانفرنس نا کرنے کا انکشاف

انہوں نے مزید بتایا کہ بہادری سے خاتون نے اس شخص کو اس امید میں کیمرے میں قید کرلیا کہ وہ اسے روک دے گا، جب اس نے ایسا نہیں کیا تو اس نے اس کا سامنا کیا اور اسے رکنے اور دور جانے کو کہا، مکیشن شاہ نے احتجاج کیا کہ اس نے کچھ غلط نہیں کیا بلکہ گاڑی کے ساتھ چلا گیا،متاثرہ خاتون نے ویڈیو کے ساتھ بی ٹی پی کو واقعے کی اطلاع دی-