Baaghi TV

Author: Ayesha Rehmani

  • ملازم ہم کو مت کہئے، بڑا افسوس ہوتا ہے

    ملازم ہم کو مت کہئے، بڑا افسوس ہوتا ہے

    سرفروشی کی تمنا اب ہمارے دل میں ہے
    دیکھنا ہے زور کتنا بازوئے قاتل میں ہے

    رام پرساد بسمل

    19 دسمبر 1927: یوم وفات
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    رام پرساد بسمل ہندوستان کے مجاہد آزادی اور انقلابی 11 جون 1897ء کو اتر پردیش کے گاؤں شاہجہان پور میں پیدا ہوۓ، بسمل ان کا تخلص تھا بسمل کے علاوہ رام اور نامعلوم کے نام سے مضمون وغیرہ لکھتے تھےرام پرساد کو 30 سال کی عمر میں 19 دسمبر 1927ء کو برطانوی حکومت نے گورکھپور جیل میں پھانسی دے دی، کاکوری سانحہ کا مقدمہ لکھنؤ میں چل رہا تھاپنڈت جگت نارائن ملا سرکاری وکیل کے ساتھ اردو کے شاعر بھی تھےانہوں نے ملزمان کے لئے ” ملازم ” لفظ بول دیا، پھر کیا تھا، پنڈت رام پرساد بسمل نے جھٹ سے ان پر یہ چٹیلی پھبتی کسی:

    ملازم ہم کو مت کہئے، بڑا افسوس ہوتا ہے
    عدالت کے ادب سے ہم یہاں تشریف لائے ہیں

    پلٹ دیتے ہیں ہم موج حوادث اپنی جرات سے
    کہ ہم نے آندھیوں میں بھی چراغ اکثر جلائے ہیں

    جب بسمل کو شاہی کو نسل سے اپیل مسترد ہو جانے کی اطلاع ملی تو انہوں نے اپنی ایک غزل لکھ کر گورکھپور جیل سے باہر بھجوائی،

    مٹ گیا جب مٹنے والا پھر سلام آیا تو کیا !
    دل کی بربادی کے بعد انکا پیام آیا تو کیا !

    مٹ گئیں جب سب امیدیں مٹ گئے جب سب خیال ،
    اس گھڑی گر نام اور لیکر پیام آیا تو کیا !

    اے دل نادان مٹ جا تو بھی کوئے یار میں ،
    پھر میری ناکامیوں کے بعد کام آیا تو کیا !

    کاش! اپنی زندگی میں ہم وہ منظر دیکھتے ،
    یوں سرے تربت کوئی محشرخرام آیا تو کیا !

    آخری شب دید کے قابل تھی ‘بسمل’ کی تڑپ ،
    صبح دم کوئی اگر بالائے بام آیا تو کیا !

    منقول

  • کراچی: تاجر کے گھر ڈکیتی کے مقدمے میں ڈی ایس پی کی ضمانت منظور

    کراچی: تاجر کے گھر ڈکیتی کے مقدمے میں ڈی ایس پی کی ضمانت منظور

    کراچی:عدالت نے اورنگی ٹاؤن میں تاجر کے گھر ڈکیتی کے مقدمے میں ڈی ایس پی ملزم عمیر طارق باجاری کی ضمانت منظور کرلی۔

    باغی ٹی وی : تفصیلات کے مطابق کراچی سٹی کورٹ میں ایڈیشنل ڈسٹرکٹ اینڈ سیشن جج ویسٹ کی عدالت نمبر 2 کے روبرو اورنگی ٹاؤن میں تاجر کے گھر ڈکیتی کے مقدمے میں ڈی ایس پی ملزم عمیر طارق کی درخواست ضمانت پر سماعت ہوئی، ملزم کے وکیل عامر منسوب ایڈووکیٹ نے موقف دیا کہ میرے موکل پر بے بنیاد الزامات لگائے گئے ہیں، سابق ایس ایس پی ساؤتھ کہ کہنے پر سب کچھ ہوا اور اسے بے قصور قرار دے دیا گیا، ایس ایچ او پیر آباد وہ افسر ہے جو ڈکیتی میں شامل تھا اور وہ اس مقدمے کی انکوائری میں شامل ہے، ہم ٹرائل کا سامنا کررہے ہیں، ضمانت قبول کی جائے،عدالت نے موقف سننے کے بعد ملزم عمیر طارق کی ضمانت منظور کرتے ہوئے ایک لاکھ روپے کے مچلکے جمع کرانے کا حکم دے دیا۔

    واضح رہے کہ قبل ازیں رواں ماہ 13 دسمبر کو پولیس نے اورنگی ٹاؤن میں تاجر کے گھر میں کروڑوں روپے ڈکیتی کے کیس میں ڈی ایس پی عمیر طارق باجاری سمیت 8 ملزمان کو واردات میں ملوث قرار دے دیا تھا، پولیس نے جوڈیشل مجسٹریٹ غربی کی عدالت میں مقدمہ کا عبوری چالان پیش کیا پولیس نے عبوری چالان میں ایس ایس پی جنوبی عمران قریشی سمیت دو ملزمان کو بے قصور قرار دے دیا تھا-

    چالان میں کہا گیا تھا کہ ایس ایس پی عمران قریشی اور کانسٹیبل عظمت کے خلاف شواہد نہیں مل سکے چالان میں ایس ایس پی عمران قریشی ، ریاض کارپینٹر ، ساون اور عظمت کا نام کالم نمبر دو رکھا گیا ہے، پولیس نے ڈی ایس پی عمیر طارق باجاری سمیت 8 ملزمان کو واردات میں ملوث قرار دے دیا تھا چالان میں کہاگیا تھا کہ انفارمر سے ایس ایس جنوبی کو اطلاع ملی کہ اورنگی ٹاؤن کے گھر میں ایم کیو ایم لندن کے لوگ موجود ہیں، اطلاع تھی کہ اورنگی ٹاؤن کے گھر سے ایم کیو ایم لندن کے لوگوں کو دہشتگردی کے لئے مالی معاونت کی جاتی ہے، یہ بھی اطلاع تھی کہ گھر سے بلیک منی اور ٹیرر فنانسنگ کے شواہد مل سکتے ہیں۔

  • ملک میں فی تولہ سونے کی قیمت میں اضافہ

    ملک میں فی تولہ سونے کی قیمت میں اضافہ

    کراچی: عالمی مارکیٹ میں قیمت بڑھنے کے بعد مقامی مارکیٹ میں بھی فی تولہ سونا مہنگا ہو گیا ہے۔

    باغی ٹی وی: عالمی مارکیٹ میں فی اونس سونے کی قیمت 4 ڈالر کے اضافے سے 2047 ڈالر پر آ گئی، جس کے بعد پاکستان میں فی تولہ سونے کی قیمت میں 400 روپے کا اضافہ ریکارڈ کیا گیا قیمتوں میں اضافے کے نتیجے میں کراچی، حیدرآباد، ملتان، لاہور، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت میں اضافے کے بعد فی تولہ سونا 2 لاکھ 17 ہزار 600 جبکہ فی دس گرام سونے کی قیمت 343 روپے کے اضافے کے بعد ایک لاکھ 86 ہزار 577 ہو گئی ہےدوسری جانب فی تولہ چاندی کی قیمت بغیر کسی تبدیلی کے 2670 روپے اور فی دس گرام چاندی کی قیمت بھی بغیر کسی تبدیلی کے 2289.09 روپے پر مستحکم رہی۔

    دوسری جانب ڈائریکٹوریٹ جنرل آف کسٹمز ویلیو ایشن کراچی نے چین، ترکیہ، کوریا، مشرق وسطیٰ، تھائی لینڈ، روس اور ایران سے 46 اقسام کے انجن آئل کی درآمد پر کسٹمز ویلیو میں 30 سے 50 فیصد تک اضافہ کردیا جس کے بعد پاکستان میں انجن آئل مہنگا ہونے کا خدشہ پیدا ہوگیا ہے قیمتوں کا دوبارہ تعین اس طرح کیا گیا کہ انجن آئل کی درآمد پر انڈر انوائسنگ کے واقعات کو کافی حد تک کم کیا جاسکے، کسٹمز ویلیوز (سی اینڈ ایف) فی لیٹر اور فی کلو گرام کی بنیاد پر امریکی ڈالر میں طے کی گئی ہیں۔

    اس سلسلے میں ڈائریکٹوریٹ نے گزشتہ روز نیا ویلیو ایشن فیصلہ جاری کیا جس کے مطابق درآمدی انجن آئل کی کسٹم ویلیوز کا تعین ویلیو ایشن رولنگ کے تحت کیا گیا مشاہدہ کیا گیا کہ زیادہ تر برانڈز کی ہول سیل اور ریٹیل قیمتوں کا مارکیٹ سروے میں ذکر نہیں جب کہ قیمتوں کے تعین کا عمل طریقہ کار کی بے ضابطگیوں کا شکار ہوا۔

    ڈائریکٹوریٹ کے ذریعہ سبجیکٹ سامان کی کسٹم اقدار کا دوبارہ تعین کرنے کے لئے ایک اجلاس طلب کیا گیا جس میں متعلقہ اسٹیک ہولڈرز نے شرکت کی، مذکورہ اجلاس میں اشیاء کی ویلیو ایشن سے متعلق امور پر تفصیلی تبادلہ خیال کیا گیااسٹیک ہولڈرز نے کہا کہ ویلیو ایشن رولنگ نمبر 1805/2023 میں طےشدہ کسٹمز ویلیوز زیادہ ہیں اور بین الاقوامی مارکیٹ کےمطابق ان پر نظر ثانی کی ضرورت ہے، انجن آئل بیس آئل سے بنائے جاتے ہیں، انجن آئل کے مختلف گریڈ پیدا کرنے کے لئے بنیادی تیل میں مختلف اجزاء شامل کیے جاتے ہیں۔ لہذا ان کی قیمتوں کا تعین کرنے میں بنیادی تیل اور اضافی اجزاء کی اقدار پر بھی غور کیا جاسکتا ہے۔

    اسٹیک ہولڈرز کا کہنا تھا کہ سبجیکٹ سامان کی قدروں کا تعین کرتے وقت اعلیٰ درجے کے برانڈز کی اقدار پر غور نہیں کیا جانا چاہئے اسٹیک ہولڈرز نے دعویٰ کیا کہ انجان آئلز کی مارکیٹ ویلیو ویلیو ایشن رولنگ نمبر 1140/2017 میں طے شدہ قدروں سے صرف 5 فیصد زیادہ ہے اور ویلیو ایشن رولنگ نمبر 1805/2023 میں قیمتیں کہیں زیادہ ہیں۔

    بعد ازاں ڈائریکٹریٹ کا کہنا تھا کہ درآمد کنندگان کے سیلز ٹیکس انوائسز کو مدنظر رکھتے ہوئے اشیاء کی کسٹم ویلیوز کا تعین کیا جس میں ویلیو ایشن کے طریقوں کو استعمال کرنے کا اہتمام کیا گیا ہے-

  • دریاؤں اور آبی ذخائر میں پانی کی آمد واخراج

    دریاؤں اور آبی ذخائر میں پانی کی آمد واخراج

    اسلام آباد: واپڈا نے مختلف دریاؤں اور آبی ذخائر میں پانی کی آمد واخراج کے اعدادوشمار جاری کر دیئے ہیں۔

    باغی ٹی وی: منگل کو جاری اعدادوشمار کے مطابق دریائے سندھ میں تربیلاکے مقام پر پانی کی آمد 18 ہزار500 کیوسک اور اخراج 45 ہزارکیوسک ہے دریائے کابل میں نوشہرہ کے مقام پر پانی کی آمد7 ہزار 300 کیوسک اور اخراج7 ہزار300 کیوسک، خیرآباد پل پرپانی کی آمد 13 ہزار 200 کیوسک اور اخراج 13 ہزار 200 کیوسک،دریائےجہلم میں منگلاکےمقام پر پانی کی آمد 4 ہزار 700 کیوسک اور اخرا ج26 ہزارکیوسک، دریائے چناب میں مرالہ کے مقام پر پانی کی آمد 7 ہزار 400 کیوسک اور اخراج 2 ہزار کیوسک ہے۔

    کسی کے دباؤ یا بلیک میلنگ میں نہیں آئینگے، ترجمان الیکشن کمیشن

    تربیلاڈیم کا کم از کم آپریٹنگ لیول 1402 فٹ ،ڈیم میں پانی کی موجودہ 1476.38 فٹ ،ڈیم میں پانی ذخیرہ کرنےکی انتہائی سطح 1550فٹ اورقابلِ استعمال پانی کا ذخیرہ 2.103 ملین ایکڑ فٹ ہے، منگلا ڈیم کا کم از کم آپریٹنگ لیول 1050 فٹ ، ڈیم میں پانی کی موجودہ سطح 1159.55 فٹ ، ڈیم میں پانی ذخیرہ کرنے کی انتہائی سطح 1242فٹ اور قابلِ استعمال پانی کا ذخیرہ 2.177 ملین ایکڑ فٹ ہے چشمہ بیراج کا کم از کم آپریٹنگ لیول 638.15 فٹ،بیراج میں پانی کی موجودہ سطح 642.10 فٹ ، بیراج میں پانی ذخیرہ کرنے کی انتہائی سطح 649 فٹ اور قابلِ استعمال پانی کا ذخیرہ 0.060 ملین ایکڑ فٹ ہے۔

    ناسا نے خلا میں 3 کروڑ 10 لاکھ کلومیٹر کے فاصلے سے بلی کی …

  • الیکشن کمیشن کا نگراں وزیراعظم کے مشیر احد چیمہ کو عہدے سے ہٹانے کا حکم

    الیکشن کمیشن کا نگراں وزیراعظم کے مشیر احد چیمہ کو عہدے سے ہٹانے کا حکم

    الیکشن کمیشن نے نگراں وزیراعظم انوار الحق کاکڑ کے مشیر احد چیمہ کو عہدے سے ہٹانے کا حکم دے دیا ہے۔

    باغی ٹی وی : الیکشن کمیشن نے احد چیمہ کو فوری مشیر کے عہدے سے ہٹانے کا حکم دے دیا ہے، اور کہا ہے کہ وہ عام انتخابات پر اثر انداز ہوسکتے ہیں الیکشن کمیشن نے سیکرٹری کابینہ ڈویژن کو حکم دیا ہے کہ احد چیمہ کو فوری مشیرکے عہدے الگ کردیاجائے احد چیمہ گزشتہ کابینہ کا حصہ رہے ہیں، اور وہ عام انتخابات پر اثر انداز ہوسکتے ہیں فواد حسن فواد سے متعلق 21 دسمبر کو مزید سماعت کی جائےگی۔

    ٹی 20 سیریز : نیوزی لینڈ کے خلاف قومی کرکٹ ٹیم کا اعلان

    ناسا نے خلا میں 3 کروڑ 10 لاکھ کلومیٹر کے فاصلے سے بلی کی …

    انٹرا پارٹی انتخابات، آپ کے جواب کو سن کر جلد فیصلہ کرنا چاہتے ہیں، چیف …

  • ناسا نے خلا میں 3 کروڑ 10 لاکھ کلومیٹر کے فاصلے سے بلی کی ویڈیو زمین پر بھیج دی

    ناسا نے خلا میں 3 کروڑ 10 لاکھ کلومیٹر کے فاصلے سے بلی کی ویڈیو زمین پر بھیج دی

    امریکی تحقیقاتی ادارے ناسا نے خلا میں 3 کروڑ 10 لاکھ کلومیٹر کے فاصلے سے ایک بلی کی ویڈیو زمین پر بھیجی ہے-

    باغی ٹی وی : ناسا کے ترجمان کا کہنا ہے کہ یہ فاصلہ زمین اور چاند کے درمیان فاصلے سے 80 گنا ہے 15 سیکنڈ کی یہ وڈیو جدید ترین لیزر ٹیکنالوجی کی مدد سے زمین پر بھیجی گئی اس تجربے سے ثابت ہوگیا کہ مریخ پر انسانوں کو آباد کرنے جیسے پیچیدہ مشن کے لیے مطلوب مواصلاتی رابطہ ممکن ہے۔
    https://x.com/NASA/status/1736900843813605759?s=20
    ناسا ن ترجما ن نے پیر کو اعلان کیا کہ اس نے زمین سے 19 ملین میل (31 ملین کلومیٹر) دور ایک خلائی جہاز پر ایک بلی کی ہائی ڈیفینیشن (ایچ ڈی) ویڈیو زمین پر بھیجنے کے لیے جدید ترین لیزر مواصلاتی نظام کا استعمال کیا ہے۔

    خبر رساں ادارے اے ایف پی کے مطابق ٹیٹرز (Taters) نامی ٹیبی نسل کی بلی کی 15 سیکنڈ دورانیے کی ویڈیو بیرونی خلا (Deep Space) سے نشر ہونے والی پہلی ویڈیو ہے، جس سے یہ ظاہر ہوتا ہے کہ مریخ پر انسانوں کو بھیجنے جیسے پیچیدہ مشنز کے لیے درکار اعلیٰ ڈیٹا ریٹ مواصلات کو منتقل کرنا ممکن ہے۔

    "برطانوی خبررساں ادارے ” انڈیپنڈنٹ اردو” کے مطابق مریخ اور مشتری کے درمیان قیمتی دھاتوں کے حامل چند شہاب ہائے ثاقب کے بارے میں تحقیق کرنے والے خلائی جہاز ”سائیکی“ سے بھیجا جانے والا اینکوڈیڈ انفرا ریڈ سگنل سان ڈیاگو کائونٹی میں قائم رس گاہ میں موصول ہوا،لانچ سے پہلے اپ لوڈ کیے گئے ویڈیو کلپ میں اس بلی کو دیکھا جا سکتا ہے، جو ایک صوفے پر لیزر لائٹ کا پیچھا کر رہی ہے اس ویڈیو میں ٹیسٹ گرافکس اوورلے بھی دیکھے جا سکتے ہیں، جن میں خلائی جہاز سائکی کے مدار میں راستے، لیزر اور اس کے ڈیٹا کے بارے میں تکنیکی معلومات شامل ہیں۔

    جنوبی کیلیفورنیا کی جیٹ پروپلژن لیباریٹری کے ڈیمو پروجیکٹ مینیجر بل کلپسٹین کہتے ہیں کہ اس تجربے کا مقصد بہت بڑے فاصلوں تک ایچ ڈی وڈیوز بھیجنے کے امکانات کا جائزہ لینا تھا-

    ناسا کے ماہرین کا کہنا ہے کہ مریخ پر انسانوں کو آباد کرنے جیسے پیچیدہ خلائی مشنز کے لیے انتہائی فاصلوں سے رابطہ کرنے کا نظام تیز ترین اور خامیوں سے پاک ہونا چاہیےخلائی جہاز عام طور پر ریڈیو سگنلز استعمال کرتے ہیں جدید ترین ٹیکنالوجیز کی مدد سے رابطے کی رفتار میں 10 تا 100 گنا اضافہ ممکن ہے،اس ہائی ڈیفینیشن ویڈیو کو 267 میگا بٹس فی سیکنڈ کی رفتار سے زمین پر بھیجنے میں 101 سیکنڈ لگے، جو گھریلو براڈ بینڈ کنکشنز کے مقابلے میں تیز ترین ہے۔

    جے پی ایل میں پروجیکٹ کے ریسیور الیکٹرانک لیڈ ریان روگالن نے بتایا کہ درحقیقت پالومار میں ویڈیو موصول ہونے کے بعد اسے انٹرنیٹ پر جے پی ایل کو بھیجا گیا اور یہ کنکشن بیرونی خلا سے آنے والے سگنل کے مقابلے میں سست تھا۔

    اس سوال کے جواب میں کہ آخر بلی کی ویڈیو ہی کیوں بھیجی گئی؟ جے پی ایل نے بتایا کہ اس کا ایک تاریخی تعلق ہے، جب 1920 کی دہائی میں ٹیلی ویژن میں امریکیوں کی دلچسپی بڑھنے لگی تو فیلکس دی کیٹ کے مجسمے کو آزمائشی تصویر کے طور پر نشر کیا گیا تھا۔

  • ٹی 20 سیریز : نیوزی لینڈ کے خلاف قومی کرکٹ ٹیم کا اعلان

    ٹی 20 سیریز : نیوزی لینڈ کے خلاف قومی کرکٹ ٹیم کا اعلان

    لاہور: پاکستان کرکٹ بورڈ( پی سی بی) نے نیوزی لینڈ کے خلاف ٹی 20 سیریز کے لیے قومی کرکٹ ٹیم کا اعلان کردیا ہے۔

    باغی ٹی وی:لاہور میں پریس کانفرنس کرتے ہوئے چیف سلیکٹر وہاب ریاض نے کہا کہ نیوزی لینڈ کے خلاف سیریز کے لیے شاداب خان انجری کی وجہ سے اسکواڈ میں شامل نہیں، محمد حارث کو بھی اس سیریز میں آرام دیا گیا ہے-

    پریس کانفرنس کے دوران وہاب ریاض نے 17 رکنی ٹی ٹوئنٹی اسکواڈ کا اعلان کیا، ٹی ٹوئنٹی قومی ٹیم کے کپتان شاہین آفریدی ہوں گےعامر جمال، عباس آفریدی، ابرار احمد، اعظم خان، بابراعظم، فخر زمان، حارث رؤف، حسیب اللہ، افتخار احمد، محمد نواز، محمد رضوان، وسیم جونیئر، صاحبزادہ فرحان، صائم ایوب، اسامہ میر اور زمان خان اسکواڈ کا حصہ ہیں۔
    https://x.com/TheRealPCB/status/1737054699491369169?s=20
    وہاب ریاض نے کہا کہ نیوزی لینڈ میں ہمارے پانچ ٹی ٹوئنٹی ہیں، امید ہیں یہ کھلاڑی اچھا پرفارم کریں گے، البتہ پی ایس ایل تک حسنین اور نسیم شاہ دستیاب ہوں گے جب کہ احسان اللہ کو مزید وقت لگے گا۔

    جسٹس عقیل احمد عباسی نے چیف جسٹس سندھ ہائیکورٹ کا حلف اٹھا لیا

    الیکشن کرانا آئینی ضرورت ،اس کے نتیجے بارے کچھ نہیں کہا جا سکتا،نگران وزیراعظم

    سیاسی جماعتیں اور جمہوریت کا ڈھونگ ،پاکستانی عوام کا ہجوم، جعلی وکلا نظر کیوں نہ …

  • وہ ممالک جو ہم سے کہیں پیچھے تھےآج آگے چلے گئے،نواز شریف

    وہ ممالک جو ہم سے کہیں پیچھے تھےآج آگے چلے گئے،نواز شریف

    لاہور: مسلم لیگ ن کے قائد میاں نواز شریف کا کہنا ہے کہ وہ ممالک جو ہم سے کہیں پیچھے تھےآج آگے چلے گئے، 2013 میں جب ہم آئے تو لوڈشیڈنگ کا کیا حال تھا، سب سے زیادہ احتجاج فیصل آباد میں ہوتا رہا۔

    باغی ٹی وی: ماڈل ٹاؤن سیکٹریٹ لاہور میں پارٹی کے 13ویں پارلیمانی بورڈ کے اجلاس سے خطاب کرتے ہوئےسابق وزیراعظم اور ن لیگ کے قائد نواز شریف کا کہنا ہے کہ پہلے میں پنجاب کا وزیراعلیٰ رہا، پھراللہ تعالیٰ نے مجھے وزیراعظم بنایا تھا جس کے فوری بعد کام شروع کیا اور پالیسیاں بنائیں ان پالیسیوں کےاچھےنتائج نکلے اور گروتھ دن بدن بڑھتی گئی، پہلی موٹروے کی بنیاد بھی اسی زمانے میں رکھی گئی تھی، موٹر وے اسلام آباد سے لاہوراور پشاور سے اسلام آباد تک بنائی، اس زمانے میں بڑی تیزی سے کام ہو رہا تھا۔
    https://x.com/pmln_org/status/1737038885090476383?s=20
    نواز شریہف کا کہنا تھا کہ وہی دور جاری رہتا تو آج ملک اپنی منزل پر پہنچ چکا ہوتا، وہ ممالک جو ہم سے کہیں پیچھے تھےآج آگے چلے گئے، 2013 میں جب ہم آئے تو لوڈشیڈنگ کا کیا حال تھا، سب سے زیادہ احتجاج فیصل آباد میں ہوتا رہا فیصل آباد میں لوڈ شیڈنگ کے خلاف احتجاج پر شہباز شریف نے کہا بول دیں 6 ماہ میں لوڈ شیڈنگ ختم کریں گے، میں نے کہا جو سچ ہے وہی کہوں گا، ہم نے کہا اپنے دورمیں لوڈشیڈنگ ختم کردیں گے، ہم 2017 میں پالیسی ریٹ کو 515 فیصد پر لے کر آگئے تھے۔

    جسٹس عقیل احمد عباسی نے چیف جسٹس سندھ ہائیکورٹ کا حلف اٹھا لیا

    اپنے خطاب میں نواز شریف کا مزید کہنا تھا کہ جیسے عمران خان آیا ڈالر کو پر لگ گئے اور اڑنے لگا، البتہ ہم نے 2016 کے آخر میں لوڈشیڈنگ کا خاتمہ کردیا تھا، اپنے دور میں دہشت گردی کا خاتمہ کیا، ہمارے دور میں ڈالر کی مجال کہ 4 سال اپنی جگہ سے ہلا ہو ہ عمران خان کے دور میں آئی ایم ایف کو دوبارہ لایا گیاشرائط ماننا پڑیں ہم نےآئی ایم ایف کو خدا حافظ کہہ دیا تھا کہ اب ضرورت نہیں، ہمارے دور میں پاکستان کی ایکسپورٹ بڑھ رہی تھی، مگر اب وہ دن کہاں گئے؟، دہشت گردی واپس آگئی اور ڈالر بھی 104 سے 300 پر چلا گیا 2017میں اچھا ملک چل رہاتھاروپیہ مٹی میں مل گیا گروتھ ریٹ ختم ہو کر رہ گیا –

    نواز شریف نے کہا کہ ہمارے زمانے میں سبزیاں، دالیں، آٹا سستا تھا، 2018 میں وہ جماعت جیت نہیں رہی تھی ہمارے بندے شامل کرائے گئے مگر اس کے باوجود بھی نہیں جیت رہے تھے جس کے بعد آر ٹی ایس بٹھا کر انہیں جتوایا گیا سلیکٹڈ وزیراعظم کو 4 ووٹوں کی برتری سے جتوایا گیا جس میں ایم کیو ایم، بلوچستان اور فاٹا کے لوگ شامل تھے مگر افسوس ہے ہم دیکھ کر بھی خاموش رہتے ہیں، خاموش رہ کر بھی کئی جھوٹے کیسز میں جیلوں میں جاتے ہیں-

    الیکشن کرانا آئینی ضرورت ،اس کے نتیجے بارے کچھ نہیں کہا جا سکتا،نگران وزیراعظم

    سربراہ ن لیگ نے کہا کہ 70 سال سے دیکھ رہے ہیں آئین توڑا جاتا ہے تو ججز آئین توڑنے والے کو ہار پہناتے ہیں ایسے فیصلے سب نے ہوتے ہوئے دیکھے، جو ہورہا ہے اسے روکو ورنہ زبان سے کہو ورنہ دل میں برا جانو ہم نے تیسرا آپشن چنا، ہمیں سابقہ ججز کے ذریعے جیلوں میں ڈالا گیا اور موجودہ ججز نے چند پیشیوں پر کیسز ختم کردئیے ہمارے بارے میں کہا گیا کہ مریم اور نواز کو جیل سے باہر نہیں آنا چاہیے ورنہ ہماری محنت ضائع ہوجائے گی۔

    سابق وزیراعظم نے کہا کہ ہمیں باہر سے بھارت یا امریکا نے نقصان نہیں پہنچایا ہم آج اپنی وجہ سے اس حال میں ہیں ہم نے خود ہی اسے نقصان پہنچایا، جھوٹ، یوٹرن، بدتمیزی، دھاندلی یہ سب کچھ ایک لیڈر نے تبدیلی کے نام پر کرکے دکھایا اور اسے ریاست مدینہ کا نام دیا اسے اللہ سے ڈر نہیں لگا، مسجد نبوی میں نعرے لگاتے ہیں، قوموں کی تعمیر ایسے ہوتی ہے؟ یہ تو قوم کو بربادی کی جانب لے جانے والی بات ہے، یہ ہماری بہت بری تاریخ ہے ٹکٹ حاصل کرنے کے خواہشمند نیت رکھیں کہ ٹکٹ ملنے پر قوم کو اس گرداب سے ضرور نکالیں گے۔

    سیاسی جماعتیں اور جمہوریت کا ڈھونگ ،پاکستانی عوام کا ہجوم، جعلی وکلا نظر کیوں نہ …

  • جسٹس عقیل احمد عباسی نے چیف جسٹس سندھ ہائیکورٹ کا حلف اٹھا لیا

    جسٹس عقیل احمد عباسی نے چیف جسٹس سندھ ہائیکورٹ کا حلف اٹھا لیا

    کراچی: جسٹس عقیل احمد عباسی نے چیف جسٹس سندھ ہائیکورٹ کا حلف اٹھا لیا-

    باغی ٹی وی: گورنر سندھ کامران خان ٹیسوری اور وزیرِ اعلیٰ سندھ مقبول باقر نے حلف برداری کی تقریب میں شرکت کی تقریب میں سندھ ہائیکورٹ کے ججز، ایڈووکیٹ جنرل، پراسیکیوٹر جنرل سمیت متعدد وکلاء شریک ہوئے،تقریب کا آغاز تلاوت قرآن پاک سے کیا گیا، گورنرسندھ نےنئے چیف جسٹس سندھ ہائی کورٹ سے حلف لیا۔

    ہائیکورٹ آف سندھ کی ویب سائٹ پر دستیاب معلومات کے مطابق جسٹس عقیل احمد عباسی نے اپریل 1990 سے ضلعی عدالتوں میں دسمبر 1992 سے عدالتِ عالیہ سندھ میں 29 اپریل 2006ء سے عدالتِ عظمیٰ پاکستان میں قانونی پیشہ ورانہ تجربہ: 1998 میں قانونی پریکٹس ٹیکسیشن اور کارپوریٹ قانون اپنے والد پروفیسر مسعود احمد عباسی وکیل کے چیمبر میں شروع کی ۔

    مجھے بھی پیاس کے صحرا میں بھٹکایا گیا ہے

    بانیوں میں سے ایک ٹیکس سائیڈ پر، جن کی قانونی فرم 1969 میں میسرز عباسی اینڈ کمپنی وکلاء کے نام سے قائم ہوئی۔ 2000 میں انکم ٹیکس ادارے وفاقی بورڈ آف روینیو حکونتِ پاکستان کے بطورِ قانونی مشیر مقرر ہوئے ، ہائی کورٹ آف سندھ کے بطورِ جج مقرر ہونے تک ۔ کسٹم سینٹرل ایکسائز اور سیلز ٹیکس ادارے حکومتِ پاکستان IDBP حکومتِ پاکستان اور HBFC حکومتِ پاکستان کے پینل پر بطورِ وکیل مُقرر ہوئے –

    سندھ ہائیکورٹ نے نئے چیف جسٹس پاکستان لیگل ڈیسیژنز (PLD) اور پاکستان ٹیکس ڈیسیژنز (PTD) کے بطور اعزازی لاء رپورٹر رہے ہائی کورٹ آف سندھ کے بطورِ جج مقرر ہونے تک ۔ 1998/1999 اور 1999/2000 میں سندھ ہائی کورٹ بار ایسوسی ایشن کراچی کے بطور ممبر مینیجنگ کمیٹی نامزد ہوئے اس کے علاوہ 2001/2002 کے لئے سندھ ہائی کورٹ کے (غیر مخالفت ) اعزازی جوائنٹ سیکرٹری بار ایسوسی ایشن کراچی چنے گئے –

    پادری ہم جنس پرست جوڑوں کیلئے دعائے خیر کر سکتے ہیں،پوپ فرانسس

    دیوانی ،فوجداری اور سروس مقدمات کامیابی سے کرنے کے بعد وفاقی بورڈ آف ریوینیو حکومتِ پاکستان کی طرف سے معزز عدالتِ عظمیٰ ، عدالتِ عالیہ انکم ٹیکس ایپیلیٹ ٹریبیونل ،کسٹم ، ایکسائز اور سیلز ٹیکس ایپیلیٹ ٹریبیونل میں کیسوں کی بھاری مقدار میں کامیابی حاصل کی ، طریقہ محصول قانون پر کئی مضامین اور تحقیقی دستاویزات مہیا کی جو کہ قانونی روزنامچے میں شائع ہوئے اور بھی کئی قانونی معاملات پر سیمینار اور ورکشاپس میں شرکت کی بروز جمعہ 25 ستمبر 2009 کو بطور اضافی جج عدالتِ عالیہ سندھ کے مقرر ہوئے ، بعدِ ازاں بروزِ پیر 19 ستمبر 2011 کو اِس عدالت کے بطور جج حلف لیا۔

    میرے گھر پر حملہ خواجہ آصف نے کرایا،عثما ن ڈار کی والدہ کا الزام

  • الیکشن کرانا آئینی ضرورت ،اس کے نتیجے بارے کچھ نہیں کہا جا سکتا،نگران وزیراعظم

    الیکشن کرانا آئینی ضرورت ،اس کے نتیجے بارے کچھ نہیں کہا جا سکتا،نگران وزیراعظم

    کوئٹہ: نگران وزیراعظم انوار الحق کاکڑ نے کہا ہے کہ پاکستان وفاق کی حیثیت سے اپنی ثقافتوں ، روایات اور زبانوں کے تنوع سے تقویت حاصل کرتا ہے، بلوچستان کا اصل سرمایہ اس کے لوگ اور یہاں کی تہذیب ہے، اگر ہم الیکشن نہ کراتے تو داغ ہوتا، ہم الیکشن کرائیں گے اور الیکشن کمیشن الیکشن کاانعقاد کرے گا تاہم اس کے نتیجے پر کچھ نہیں کہا جاسکتا۔

    باغی ٹی وی : نگران وزیراعظم انوارالحق نے منگل کو کوئٹہ میں پاکستان ٹیلی ویژن(پی ٹی وی) کےہزارگی زبان کے افتتاحی پروگرام کی تقریب سے خطاب کرتے ہوئے کہا کہ ہزارگی زبان میں پی ٹی وی نشریات شروع کرنے پر دلی خوشی محسوس کررہاہوں اس خطے میں پشتو ، بلوچی ، ہزارگی اور فارسی زبانیں موجود ہیں بلوچستان میں بولی جانے والی ایک اور زبان کو قومی سطح پر اجاگر کیا جارہا ہے بلوچستان میں میڈیا صنعت کو فروغ دینا ہماری ترجیح ہے ہزارہ برادری کے ساتھ ہماری قربتیں پرانی ہیں بلوچستان اور کوئٹہ میں ہزارہ برادری کی ایک پہچان ہے، ہزاروں سال کی تہذیب کا مسکن بلوچستان درخشاں روایات کا امین ہے۔

    انہوں نے کہا کہ بلوچستان میں رہنے والی تمام برادریوں کو یکساں حقوق میسرہیں پاکستان ثقافتی شناختوں کا امتزاج ہے جو ایک دوسرے کو مضبوطی سے تھامتے اور مربوط کرتے ہیں دیگر صوبوں کی طرح بلوچستان بھی نسلوں اور قبائل کا ایک بھرپور امتزاج ہے جہاں ان کی ثقافتیں اور اقدار بلوچ روایات سے جڑی ہوئی ہیں۔

    پادری ہم جنس پرست جوڑوں کیلئے دعائے خیر کر سکتے ہیں،پوپ فرانسس

    https://x.com/GovtofPakistan/status/1737028407186128899?s=20
    نگران وزیراعظم نے بلوچستان اور پاکستان کو امن کاگہوارہ بنانے کے عزم کا اظہار کرتے ہوئے کہا کہ امن سے فنون لطیفہ کو فروغ ملتا ہے وزیراعظم نے ہزارہ برادری کو ان کی علاقائی زبان میں پی ٹی وی کے پروگرام کے آغاز پر مبارکباد دیتے ہوئے اس اعتماد کا اظہار کیا کہ باصلاحیت کمیونٹی اس پلیٹ فارم کو استعمال کرکے اپنی خوبصورت ثقافت کواجاگر کرے گی۔

    انہوں نے کہا کہ ہزارہ برادری کی نمایاں شخصیات میں سابق گورنر بلوچستان جنرل (ر) محمد موسیٰ، سردار سادات اور بریگیڈیئر خادم حسین شامل ہیں جنہوں نے اپنی دیانتداری کی وجہ سے عزت حاصل کی انہوں نے دہشت گردی کے چیلنج کا مقابلہ کرنے پر ہزارہ برادری کو خراج تحسین پیش کیا، اس موقع پر نگران وزیراعظم انوارالحق کاکڑ نے پی ٹی وی بولان کے نئے لوگو کا افتتاح بھی کیا اور کہا کہ پی ٹی وی ایک تاریخی اثاثہ ہے جس نے اپنے شاندار پروگراموں کے ذریعے قوم میں پذیرائی حاصل کی۔ انہوں نے ادارے کی ترقی کے لیے حکومت کی جانب سے تعاون جاری رکھنے کے عزم کا اظہار کیا۔

    میرے گھر پر حملہ خواجہ آصف نے کرایا،عثما ن ڈار کی والدہ کا الزام

    نگران وزیراعظم انوار الحق کاکڑ نے کہا کہ جماعتوں کو اپنے ووٹرز کو کچھ نہ کچھ تو کہنا ہے، لسبیلہ میں جام کے مقابلے میں اگر غیر معروف آدمی الیکشن جیت جائے تو یہ بڑی بات ہوگی، باپ الیکٹیکل تھے جو اکٹھے ہوگئے تھے، صرف نام نیا آیا تھا، بلوچستان میں الیکشن کے حوالے سے ہر حلقے سے متعلق پیشگوئی کی جاسکتی ہے، ہر حلقے میں لوگ ہیں ان کے اثرات ہیں اور لگتا ہے وہی لوگ سامنے آئیں گے۔

    نگران وزیراعظم نے کہا کہ الیکشن کے داغدار اور غیر داغدارہونےکےحوالے سے باتوں کو اہمیت نہیں دیتا، اگر ہم الیکشن نہ کراتے تو داغ ہوتا، ہم الیکشن کرائیں گے اور الیکشن کمیشن الیکشن کاانعقاد کرے گا، بالکل نارمل پراسیس ہے، انتخابات صاف اور شفاف ہوں گے، الیکشن کےحوالے سے سیکیورٹی ان شااللہ اچھی ہوجائےگی، الیکشن کرانا آئینی ضرورت ہے، اس کے نتیجے کے بارے میں کچھ نہیں کہاجاسکتا جب کہ ہم نے کوشش کی ہے کہ کسی اسکینڈل کی زد میں نہ آئیں۔

    نگران وزیراعظم انوار الحق کاکڑ نے کہا کہ سوئی گیس میں صرف بلوچستان کو استثنیٰ دیا گیا ہے، ہم نے کہا ہے بلوچستان میں سرد موسم میں لوگوں کو تنگ نہیں کرنا،ہمارے پاس نئے منصوبوں کا مینڈیٹ نہیں ہے،سب دن گن رہےہوتے ہیں کہ کب کاکڑ جائے گا ،ہمارا اور آپ کا احترام کا رشتہ ہے، طنز کرنامناسب نہیں ہے۔
    https://x.com/PTVNewsOfficial/status/1737024592861168056?s=20
    دوسری جانب نگران وزیر اطلاعات مرتضیٰ سولنگی نے بھی تقریب کے شرکاء سےخطاب کیا کہا کہ پی ٹی وی بولان پہلے ہی بلوچی، پشتو اور براہوی زبانوں میں پروگرام پیش کر رہا ہےپی ٹی وی بولان پر آج سے ہزارگی زبان میں نشریات کا آغاز کیا جا رہا ہے جو ہزارہ برادری کا دیرینہ مطالبہ تھا پی ٹی وی بولان کی نشریات کیبل اور سیٹلائٹ پر پہلے سے موجود ہیں اب پی ٹی وی بولان کی نشریات عام انٹینا کے ذریعے بھی دیکھی جا سکیں گی.
    https://x.com/PTVNewsOfficial/status/1737001657266041099?s=20
    مرتضی سولنگی نے کہا کہ وزیراعظم انوار الحق کاکڑ کے مشکور ہیں کہ انہوں نے ہمارے اس اقدام کی حوصلہ افزائی کی ہم نے رواں ماہ کے دوران پی ٹی وی ملتان کی نشریات کا دورانیہ بڑھا کر 24 گھنٹے کیا، پی ٹی وی بولان کی ٹیرسٹیریل نشریات سے دور دراز کے علاقے کے لوگ مستفید ہو سکیں گےدور دراز علاقوں کے عوام سولر اور انٹینا کے ذریعے پی ٹی وی بولان کی نشریات دیکھ سکیں گے.

    14 سالہ کار سوار کی رکشے کو ٹکر، خواتین سمیت 4 افراد …

    انہوں نے کہا کہ ہم نے ری براڈ کاسٹ سینٹرز کے ٹرانسمیٹرز کی تعداد میں اضافہ کیا ہے پہلے 22 ری براڈ کاسٹ سینٹرز کام کر رہے تھے کان میترزئی ری براڈ کاسٹ سینٹر کے اضافہ سے ان کی تعداد اب 23 ہو گئی ہےیہ ری براڈ کاسٹ سینٹرز لوگوں تک پی ٹی وی کی نشریات پہنچا رہے ہیں ہمارا مقصد پی ٹی وی بولان پر علاقائی زبانوں کی برابر نمائندگی یقینی بنانا ہے.
    https://x.com/PTVNewsOfficial/status/1737014771835379907?s=20
    علاوہ ازیں نگران وزیراعظم انوار الحق کاکڑ سے نگران وزیرِ اعلیٰ بلوچستان میر علی مردان خان ڈومکی نے ملاقات کی۔منگل کو وزیر اعظم آفس کے میڈیا ونگ سے جاری بیان کے مطابق ملاقات میں صوبہ بلوچستان سے متعلق مختلف امور پر گفتگو کی گئی۔

    مجھے بھی پیاس کے صحرا میں بھٹکایا گیا ہے