Author: Ayesha Rehmani

اسلام آباد: سپریم کورٹ آف پاکستان نے چیف جسٹس اور سپریم کورٹ کے ججز سمیت اُن کے اہل خانہ کی تلاشی کے حوالے سے جاری تنازع پر سیکریٹری ایوی ایشن اور ڈی جی ائیرپورٹ سیکیورٹی فورس کو خط لکھ دیا-

باغی ٹی وی: سپریم کورٹ کے پبلک ریلیشن آفیسر کی جانب سے لکھے گئے خط میں سپریم کورٹ کے چیف جسٹس اور ججز کے اہل خانہ کی ہوائی اڈوں پر تلاشی سے استشنی دینے سے متعلق سول ایوی ایشن کے 12 اکتوبر کا خط ذکر کیا گیا اور کہا گیا کہ چیف جسٹس پاکستان اور اہلیہ کی ترکی روانگی کے فوری بعد یہ خط میڈیا کے سامنے لایا گیا باڈی سرچ سے استشنی کا قانون سپریم کورٹ نے نہیں بنایا، نہ ہی ایسا کوئی استشنی مانگا گیا اور نہ ہی دیا گیا، 66 روز کے بعد دلچسپ ٹائمنگ کے ساتھ یہ خط عوام کے سامنے لایا گیا، چیف جسٹس پاکستان کی اہلیہ نے اے ایس ایف کو تلاشی دی ، اے ایس ایف کی خاتون افسر نے مخصوص کمرے میں سرینا عیسی کی تلاشی لی، تلاشی دینے کی اسلام آباد ایئر پورٹ پر لگے کیمرے اسکی تصدیق کر سکیں گے۔

لڑکے نے لڑکی کو گولی مار کر خودکشی کرلی

خط کے مطابق چیف جسٹس پاکستان نے ایئر پورٹ پر وی آئی پی لاؤنج استعمال کرنے کی پیشکش سے انکار کیا جسٹس قاضی فائز عیسی نے وی آئی پیز کے لیے ایئر پورٹ پر لگژری لیموزین کے استعمال سے بھی انکار کیا، سپریم کورٹ نے سیکرٹری ایوی ایشن کو خط لکھ کر نشاندہی کی تھی کہ سابق ججز اور بیگمات کو ائیر پورٹ پر جسمانی تلاشی سے استثنی ہے حاضر سروس ججز کی بیگمات کی تلاشی لی جاتی ہے، رجسٹرار سپریم کورٹ کے خط کی وضاحت کی بجائے ڈی جی اے ایس ایف نے حاضر سروس ججز کی بیگمات کو بھی استثنیٰ دے دیا۔

پرویز الہی کی عدالتی حکم کے باوجود گرفتاری،توہین عدالت کی درخواست پر فیصلہ محفوظ

لاہور ہائی کورٹ نے سابق وزیراعلیٰ پنجاب اور صدر پی ٹی آئی چوہدری پرویز الہی کو عدالتی حکم کے باوجود گرفتار کرنے کے خلاف توہین عدالت کی درخواست پر فیصلہ محفوظ کرلیا۔

باغی ٹی وی :تفصیلات کے مطابق لاہور ہائی کورٹ میں چوہدری پرویز الہٰی کو عدالتی حکم کے باوجود گرفتار کرنے کے خلاف توہین عدالت کی درخواست پر سماعت ہوئی، جسٹس سلطان تنویر احمد نے چوہدری پرویز الہی کی اہلیہ قیصرہ الہی کی درخواست پر سماعت کی۔

لاہور ہائی کورٹ نے آئی جی اسلام آباد، چیف کمشنر اور ایس پی آپریشنز کے پیش نہ ہونے پر افسوس کا اظہارِ کیا عدالت نے ریمارکس دیئے کہ تینوں افسران پیش ہوئے اور نہ ہی جواب داخل کرایا، آئی جی اسلام آباد وارنٹ گرفتاری جاری ہونے کے باوجود پیش نہیں ہوئے،بعدازاں عدالت نے آئی جی اسلام آباد سمیت دیگر کیخلاف درخواست پر فیصلہ محفوظ کرلیا –

قبل ازیں لاہور ہائیکورٹ کے جج جسٹس سلطان تنویر احمد نے پرویز الہٰی کو بحفاظت گھر نہ پہچانے کے معاملے پر ایس ایس پی اسلام آباد کو توہین عدالت کا نوٹس جاری کیا تھا،عدالت نے 18 دسمبر کو ایس ایس پی اسلام آباد کو پیش ہونے یا پھر بذریعہ وکیل پیش ہونے کا حکم دیا تھا ،عدالت نے اپنے احکامات پر عمل نہ کرنے پر ایس ایس پی اسلام آباد سے توہین عدالت کی وضاحت طلب کی ۔

یاد رہے کہ پرویز الہٰی کی اہلیہ قیصرہ الہی نے توہین عدالت کی درخواست ہائیکورٹ دائر کررکھی ہے۔

لاہور: جون 2019 میں ان کی 180 ویں برسی کے موقع پر لاہور کے شاہی قلعہ میں نصب کیا گیا مہاراجہ رنجیت سنگھ کا قد آور مجسمہ گوردوارہ دربار صاحب کرتارپور میں نصب کرنے کا فیصلہ کر لیا گیا ہے۔

باغی ٹی وی: "کیف بہار” نامی عربی گھوڑے پر سوار ڈھائی سے ساڑھے 300 کلو وزنی کانسی کے اس مجسمے کو شاہی قلعے میں رانی جنداں کی حویلی کے سامنے نصب کیا گیا تھا،بعض شدت پسندوں نے تین بار حملہ کرکے اس مجسمے کو توڑ دیا تھا یہ مجسمہ برطانیہ کی ایس کے فاؤنڈیشن کے صدر سکھ ہسٹو رین بوبی سنگھ بنسال کی جانب سے تحفے میں دیا گیا تھا –

یہ خوبصورت شاہکار فقیرخانہ میوزیم کے ڈائریکٹر فقیرسیف الدین کی نگرانی میں تیار کیا گیا تھا تاہم ستمبر 2020 اور پھر اسی سال دسمبر میں ایک شدت پسند مذہبی جماعت کے کارکنوں نے اس مجمسے کو نقصان پہنچایا، مجسمے کی مرمت کے بعد اسے دوبارہ نصب کیا گیا تھا لیکن پھر اگست 2021 میں تیسری بار مجسمے کو بری طرح نقصان پہنچایا گیا تھا۔

نواز شریف کا دور حکومت پیپلزپارٹی کیلیے آمریت سے کم نہیں تھا،بلاول

والڈ سٹی آف لاہور اتھارٹی نے مجسمے کی ایک بار پھر مرمت کروائی تاہم اتھارٹی گزشتہ دو سال سے شاہی قلعہ میں اسکی دوبارہ تنصیب کا فیصلہ نہیں کر پا رہی تھی چونکہ اتھارٹی کو یہ خدشہ تھا کہ شدت پسند اسے پھر سے نقصان پہنچا سکتے ہیں تاہم اب مہا راجہ رنجیت سنگھ کے مجسمے کو گوردوارہ دربارصاحب کرتار پور میں درشن پوائنٹ کے قریب نصب کرنے کا فیصلہ کیا گیا ہے۔

مقدمات ہی نہیں، مقدمات بنانے والے بھی جھوٹے نکلے،شہباز شریف

پی ایم یو کرتار پور کے حکام کے مطابق مہا راجہ رنجیت سنگھ کا مجسمہ ان کے پاس پہنچ گیا ہے اور اسے فی الحال درشن پوائنٹ کے پاس ہی رکھا گیا ہے، مجسمے کو کس طرح نصب کیا جائے گا اس حوالے سے آئندہ چند ہفتوں میں فیصلہ کیا جائے گا،مہا راجہ رنجیت سنگھ نے انیسویں صدی کے آغاز میں لاہور کو فتح کیا تھا-

مچھر کالونی کراچی،سلنڈر دھماکہ،تین افراد کی موت،متعدد زخمی

لاہور: جمعیت علمائے اسلام ( جے یو آئی) کے رہنما راشد محمود سومرو نے پارٹی ہدایت پر لاڑکانہ سے پیپلزپارٹی کے چیئرمین بلاول بھٹو زرداری کے خلاف الیکشن لڑنے کا اعلان کردیا۔

باغی ٹی وی : اس حوالے سے راشد محمود سومرو کا کہنا تھاکہ پارٹی نے کہا ہے بلاول بھٹو زرداری کے خلاف لاڑکانہ سے میں الیکشن لڑو ں تاثردیا گیا ہے سندھ میں ون مین شو ہے کوئی دوسری جماعت کامیاب نہیں ہوسکتی،دھاندلی کے خلاف ایسی تحریک چلائیں گے جو حکومت کو ہلا دے گی، جے یو آئی روز اول سے سندھ میں عوام کی بھلائی کے کام انجام دیتی رہی ہے۔

دوسری جانب ترجمان پیپلزپارٹی فیصل کریم کنڈی نے کہا کہ ڈی آئی خان کے عوام کی خواہش ہے مولانا فضل الرحمان کو دوسری بار بھی شکست دوں، مولانا فضل الرحمان این اے 44 سے انتخاب لڑے تو انہیں دوسری بار شکست دوں گا، مولانا فضل الرحمان شکست سے بچنے کے لئے انتخابات سے بھاگ رہے تھے،مولانا فضل الرحمان نے معیشت، سردی اور امن و امان کے بہانے بنائے تھے۔

مسلم لیگ ق کی کسی جماعت سے سیٹ ایڈجسٹمنٹ نہیں ہوئی ،چوہدری سالک

بعد ازاں فیصل کریم کنڈی کے مولانا فضل الرحمان کو الیکشن ہرانے کے بیان پر جے یوآئی نے ردعمل دیا،ترجمان جے یو آئی اسلم غوری نے کہا کہ جمہوریت کو بہترین انتقام قرار دینے والے اب بیساکھیوں کی تلاش میں مارے مارے پھر رہے ہیں،ایک صوبہ سنبھالا نہیں جا رہا ،ملک سنبھالنے کے خواب دیکھ رہے ہیں،پی پی نہ تین میں ہے نہ تیرہ میں ، سندھ میں دی جانے والی ڈوز کا اثر کے پی میں ظاہر ہورہا ہے ،انتخابات جیسے جیسے قریب آئیں گے ،پی پی کی تکلیف دیکھنے لائق ہوگی ، زرداری اینڈ کمپنی نے پندرہ سال سندھ کو لوٹا ،پی پی ،پی ٹی آئی کی بی ٹیم بن گئی ہے ۔

پاکستان میں ایکس سمیت دیگر سوشل میڈیا ویب سائٹ ڈاؤن، صارفین پریشان

واضح رہے کہ رہے کہ 2018 کے عام انتخابات میں بھی لاڑکانہ سے قومی اسمبلی کی نشست این اے 200 سے بلاول بھٹو زرداری رکن منتخب ہوئے تھے اور انہوں نے راشد محمود سومرو کو شکست دی تھی۔ راشد محمود سومرو 50 ہزار ووٹ لے کر دوسرے نمبر پر آئے تھے۔

ادھر جے یو آئی سے سیٹ ایڈجسٹمنٹ کے لیے 3 سیاسی جماعتوں نے رابطہ کیا ہے، صوبائی ترجمان جے یو آئی عبدالجلیل جان کے مطابق سیٹ ایڈجسٹمنٹ کے معاملے پر عوامی نیشنل، قومی وطن پارٹی اور پیپلزپارٹی نے رابطہ کیا ہے تینوں جماعتوں کے ساتھ کل علیحدہ علیحدہ مذاکرات ہوں گے ، جے یو آئی مذاکراتی کمیٹی کے مسلم لیگ ن سے مذاکرات کے 2 دور ہوچکے ہیں،تمام سیاسی جماعتوں سے مذاکرات کے لیے دروازے کھلے ہیں۔

اسرائیلی حملوں کی مکمل بندش تک مزید یرغمالیوں کو رہا نہیں کیا جائے گا،حماس

لاہور: پاکستان مسلم لیگ ن نے آئندہ عام انتخابات کے لیے 9 نکاتی ایجنڈا تیار کر لیا ہے۔

باغی ٹی وی : ذرائع کے مطابق پاکستان مسلم لیگ ن کی انتخابی مہم کی تیاریاں جاری ہیں، مسلم لیگ ن آئندہ عام انتخابات کے لیے 9 نکاتی ایجنڈے پر انتخابی مہم چلائے گی، سرکاری اور انتظامی امور کے اخراجات میں کمی کی جائے گی، آمدنی اور محصولات میں اضافہ کیا جائے گا جبکہ ٹیکس کے نظام میں اصلاحات بھی ایجنڈے میں شامل ہیں، برآمدات میں اضافے کے لیے فوری اور ہنگامی اقدامات کیے جائیں گے، انفارمیشن ٹیکنالوجی کا فروغ، توانائی، بجلی اور گیس کی قیمتوں میں کمی بھی ن لیگ کے ایجنڈے میں شامل ہے۔

دوسری جانب صدر ن لیگ شہباز شریف سے پارٹی رہنماؤں نے الگ الگ ملاقاتیں کیں،سابق سپیکر پنجاب اسمبلی رانا اقبال، میاں ثاقب خورشید، جاوید علی شاہ، عائشہ ارشد لودھی ،نوید اسلم لودھی ، شیخ فیاض، عابد رضا کوٹلہ سید مبین، قطب کوریجہ، مخدوم مبین، چوہدری محمود عالم، چوہدری ارشد اور منور کھیتران نے پارٹی صدر سے ملاقات کی۔

اسرائیلی حملوں کی مکمل بندش تک مزید یرغمالیوں کو رہا نہیں کیا جائے گا،حماس

اس موقع پر سابق سپیکر قومی اسمبلی سردار ایاز صادق اور سابق وزیر ملک محمد احمد خان بھی موجود تھے، ملاقات میں پارٹی امور اور عام انتخابات کے حوالے سے گفتگو ہوئی، رہنماؤں نے سیاسی انتقام پر مبنی مقدمات سے قائد نواز شریف کی بریت پر پارٹی صدر کو مبارک دی۔

شہباز شریف نے نیک تمناؤں کے اظہار پر رہنماؤں کا شکریہ ادا کرتے ہوئے کہا کہ قوم کو مہنگائی، بے روزگاری اور معاشی بدحالی کی سزاؤں سے بریت دلائیں گے، نواز شریف کو سزائیں سنا کر قوم اور ملک کو سزا دی گئی مقدمات ہی نہیں، مقدمات بنانے والے بھی جھوٹے نکلے، قوم کی ترقی پر پوری توجہ اور صلاحیتیں مرکوز کریں گے، 16 ماہ کے دوران ریاست کے مفادات میں کئے گئے ہمارے مشکل مگر درست فیصلوں کے نتیجے میں معیشت بہتر ہو رہی ہے انہوں نے پارٹی رہنماؤں کو ہدایت کی کہ 8 فروری کے عام انتخابات کی بھرپور تیاریاں کریں، ملاقات میں رہنماؤں نے اپنے اپنے علاقوں میں انتخابی تیاریوں سے بھی آگاہ کیا۔

اسلام آباد:ڈاکوؤں نے پولیس ہیڈ کانسٹیبل کو بیٹے سمیت گولیاں مار کر شہید کر …