Author: Ayesha Rehmani

اسلام آباد: پاکستان تحریک انصاف (پی ٹی آئی) کے سابق رہنما فواد چوہدری کی اہلیہ حبا فواد نے اپنے دیور فیصل چوہدری پر الزامات کی بوچھاڑ کردی ہے۔

باغی ٹی وی : سوشل میڈیا ویب سائٹ”ایکس“ پر جاری اپنے پیغام میں حبا فواد نے الزام عائد کیا کہ فیصل چوہدری کے کہنے پر ان کی ملاقات فواد چوہدری سے نہیں کرائی جارہی، آج فواد چوہدری کو عدالت پیش کیا گیا اور پھر اینٹی کرپشن کے حوالے کردیا گیا، کل مجھے اڈیالہ جیل میں فواد سے ملاقات نہیں کروائی گئی یہ سب وکیل فیصل چوہدری کے کہنے پر ہوا، آج بھی مجھے اور میری بیٹیوں کو پیشی سے متعلق کوئی اطلاع نہیں دی گئی، یہ سب وکیل فیصل چوہدری کی طرف سے کیا جا رہا ہے-

لاہور کی سڑکوں اور شاہراہوں کے واشنگ پروگرام کا باضابطہ آغاز

https://x.com/HibaFawadPk/status/1733387200035741767?s=20
https://x.com/HibaFawadPk/status/1733449538801705117?s=20
سوشل میڈیا صارف نے پوچھا کہ فیصل چوہدری ایسا کیوں کر رہے ہیں اپنی بھابھی اور بھتیجیوں کے ساتھ ؟؟؟ جس پر حبا نے لکھا کہ ان سے پوچھیں جو بھابی اور بھتیجیوں کا حق مار رہے ہیں-

واضح رہے کہ آج اسلام آباد کی عدالت نے فواد چوہدری کو ایک روزہ راہداری ریمانڈ پر اینٹی کرپشن کے حوالے کردیا، فیصل چوہدری، فواد چوہدری کے بھائی ہیں اور ان کے مقدمات میں وکالت کے فرائض بھی انجام دے رہے ہیں۔

جعلی اور ان رجسٹرڈ ادویات بیچنے والوں کے خلاف کارروائی کی جارہی ہے،ترجمان ڈریپ

اسلام آباد: پاکستان تحریک انصاف (پی ٹی آئی) پارلیمنٹیرینز کے سربراہ پرویز خٹک کا کہنا ہےکہ سابق آرمی چیف جنرل باجوہ کو مدت ملازمت میں توسیع کی پیشکش ضرور کی لیکن غیر معینہ مدت کی توسیع کی بات درست نہیں۔

باغی ٹی وی:نجی خبررساں ادارے سے بات کرتے ہوئے سابق وفاقی وزیر اور پی ٹی آئی کے سابق رہنما پرویز خٹک کا کہنا تھا کہ عمران خان ان سے وزارت داخلہ کا وعدہ کرکے مکرگئے، وہ جھوٹے شخص ہیں، صدر پاکستان بننےکی بھی پیشکش کی گئی جسے انہوں نے ٹھکرا دیا جب ہم نے جنرل باجوہ کو توسیع کی پیشکش کی اس وقت تک دیر ہوچکی تھی اور پانی سر سے اونچا ہوچکا تھا، جنرل باجوہ کو غیرمعینہ مدت تک کی توسیع کی پیشکش کی بات درست نہیں،نوشہرہ سے اپنے رشتے داروں کو پارٹی ٹکٹ دینے کےسوال پر ان کا کہنا تھا کہ جو بھی سیٹ جیت سکتا ہےاس کو ٹکٹ دیں گےچاہے وہ ان کےگھر سے ہو۔

دوسری جانب پرویز خٹک نے کہا ہے کہ پارٹی منشور تیار ہوچکا ہے جلد ہی اعلان کریں گے صوبے کے کئی اضلاع میں جا چکا ہوں، تمام سیاسی قائدین کے ساتھ اچھے تعلقات ہیں اور رہیں گے ، کئی قائدین سے ملاقاتیں بھی کی ہیں اضلاع کی سطح پر انتخابی اتحاد کریں گے۔

پشاور میں پریس کانفرنس سے خطاب کرتے ہوئے چیئرمین پی ٹی آئی پارلیمنٹرین کا کہنا تھا کہ الیکشن کمیشن میں پارٹی کی رجسٹریشن کی وجہ سے مصروف تھے،نوشہرہ سے پرویز خٹک کا صفایا کرنا اتنا آسان نہیں ، خواب دیکھنے والے جاگ جائے ہماری محنت اور جدوجہد ہے جو کوئی ختم نہیں کرسکتاپی ٹی آئی کو چیلنج کرتا ہوں کہ نوشہرہ کی تمام نشستیں جیت کر دکھائیں پشاور میں روزانہ کی بنیاد پر لوگ پارٹی میں شامل ہورہے ہیں، اگلا جلسہ صوابی میں کریں گے‘الیکشن میں میں جہاں بھی ہوں گا وہاں جیت ہماری ہی ہوگی۔

اسلام آباد: ڈریپ نے سیرپ بنانے والی تمام فارماسوٹیکل کمپنیوں کو گلیسرین اور سوربیٹول ٹیسٹ کرنے کی ہدایت کردی ہے-

باغی ٹی وی: تفصیلات کے مطابق ڈبلیو ایچ او کا کہناتھا کہ لاہور کی فارماسیوٹیکل کمپنی کے بنائے ہوئے کھانسی کے شربت میں زہریلی کثافتیں پائی گئیں،غیر معیاری سیرپ مالدیپ، نجی سمیت کئی ممالک میں پایا گیاڈریپ کا کہنا ہے کہ متعلقہ فارماسیوٹیکل کمپنی کاسیرپ سیکشن پچھلے ماہ بند کر چکے ہیں۔

دوسری جانب ڈریپ نے سیرپ بنانے والی تمام فارماسوٹیکل کمپنیوں کو گلیسرین اور سوربیٹول ٹیسٹ کرنے کی ہدایت کردی ہے، ترجمان ڈریپ کی جانب سے بیان میں کہا گیا ہے کہ گلیسرین اور سوربیٹول کھانسی اور الرجی کا شربت بنانے میں استعمال کی جاتی ہے، سیرپ بنانے والی تمام فارماسوٹیکل کمپنیاں گلیسرین ٹیسٹ کرکے استعمال کریں جعلی اور ان رجسٹرڈ ادویات بیچنے والوں کے خلاف کارروائی کی جارہی ہے۔

ڈالر کی قیمت کتنی کم ہو نے کا امکان ہے؟

لاہور کی سڑکوں اور شاہراہوں کے واشنگ پروگرام کا باضابطہ آغاز

ٹھٹھہ:جئے سندھ محاذ نے NGO سے تمام سرکاری ہسپتال واپس لینے کیلئے تحریک چلانے …

اسلام آباد: 190 ملین پاؤنڈز اسکینڈل کیس کی تحقیقات میں اہم پیشرفت سامنے آئی ہے،سابق وفاقی وزیر زبیدہ جلال نے قومی احتساب بیورو (نیب) ٹیم کے سامنے اہم انکشافات کر دئیے –

باغی ٹی وی: سابق وفاقی وزیر زبیدہ جلال نے یہ انکشافات نیب ٹیم کے 190 ملین پاؤنڈز کیس کی تحقیقات کرنے والی ٹیم کے سامنے کیے نیب ٹیم نے زبیدہ جلال کے بیان کو اپنی تفتیشی رپورٹ کا حصہ بنالیا اور رپورٹ کے مطابق کابینہ ممبران نے 190ملین پاؤنڈز کی تحقیقات کرانے کی سفارش کی تھی، زبیدہ جلال نے نیب ٹیم کو بتایا میں نے تحقیقات کا مطالبہ کیا تھا۔

رپورٹ میں کہا گیا کہ زبیدہ جلال کا موقف تھا کہ 190ملین پاؤنڈز پاکستان کا اثاثہ ہے واپس آنا چاہیئے، بیشتر ارکان کابینہ کا کہنا تھا 190 ملین پاؤنڈز واپس لینے کی بات کرنی چاہیئے،عمران خان کابینہ ممبران نیب تحقیقات میں شامل ہوئے اور اپنے اسی موقف کو دہرایا۔

زبیدہ جلال نے انکشاف کیا کہ میرے اصرار کے باوجود عمران خان نے بطور وزیراعظم کسی کی ایک نہ سنی، 190 ملین پاؤنڈز اور این سی اے کا معاملہ کچھ کابینہ ارکان کے شدید تحفظات کے باوجود منظور کیا گیا، اس سنجیدہ معاملے پر بغیر کسی بحث کے ایجنڈا منظور کرلیا گیا اور 190 ملین پاؤنڈز معاملے کو خفیہ رکھنے کی منظوری دی گئی۔

اسلام آباد: محکمہ موسمیات نے دسمبر میں بہت زیادہ بارشیں نہ ہونے کی پیشگوئی کردی۔

باغی ٹی وی:ڈپٹی ڈائریکٹرمحکمہ موسمیات کاکہنا تھا کہ دسمبرمیں موسم اور بارشوں کےحوالے سےمحکمہ موسمیات کا کہنا ہےکہ دسمبرمیں بارشوں کےایک یا دو اسپیل آسکتے ہیں،فوگ یا اسموگ میں کمی نہیں آئے گی کچھ عرصےسےدسمبر میں معمول سے کم بارشیں ہو رہی ہیں،صبح کے درجہ حرارت میں کولڈ ونڈ کی وجہ سے کمی ہو رہی ہے،آنے والے دنوں میں درجہ حرارت مزید کم ہوگا، ملک میں خشک سردی کی وجہ سے نزلہ زکام اور دیگر امراض میں اضافہ دیکھنے میں آ رہا ہے۔

قبل ازیں محکمہ موسمیات نے ملک بھر میں سردی کی شدت میں مزید اضافے کی پیش گوئی کی تھی،محکمہ موسمیات کا کہنا تھا کہ ملک کے بیشتر علاقوں میں موسم سرد اور خشک جبکہ بالائی اضلاع میں مطلع جزوی ابر آلودرہے گا، پنجاب، خیبر پختونخوا کے میدانی علاقوں اور بالائی سندھ میں سموگ اور دھند چھائے رہنے کا امکان ہے خیبرپختونخوا کے بیشتر اضلاع میں بھی موسم سرد اور خشک جبکہ بالائی اضلاع میں مطلع جزوی ابر آلود رہنے کے علاوہ چترال اور گر دو نواح میں ہلکی بارش اور بلند پہاڑوں پر ہلکی برفباری ہو سکتی ہے،تاہم رات کے اوقات میں پشاور، چارسدہ، نوشہرہ، مردان ، صوابی اور ڈیرہ اسماعیل خان میں دھند چھائے رہنے کا امکان ہے۔
اس کے علاوہ کشمیر اورگلگت بلتستان میں موسم شدید سرد اورمطلع ابر آلود رہنے کے علاوہ ہلکی بارش اور بلند پہاڑوں پر ہلکی برفباری کا امکان ہے-