کراچی :عائشہ منزل کے قریب عرشی شاپنگ مال میں لگنے والی آگ تقریبا ڈھائی گھنٹے بعد بھجادی گئی، خوفناک آتشزدگی کے باعث 3 افراد جاں بحق اور 2 زخمی ہوگئے۔
باغی ٹی وی : کراچی کے علاقے عائشہ منزل پر شاپنگ مال میں لگنے والی آگ پر تقریبا ڈھائی گھنٹے کی جدوجہد کے بعد قابو پالیا گیا جبکہ عمارت میں کولنگ کا عمل جاری ہے شاپنگ مال میں آتشزدگی کے واقعے میں عمارت سے ایک اور لاش نکال لی گئی، آتشزدگی سے جاں بحق افراد کی تعداد 3 ہوگئی تینوں افراد کی لاشیں عباسی شہید اسپتال منتقل کردی گئیں جبکہ آتشزدگی سے 2 افراد جھلس کر زخمی ہوئے۔
عائشہ منزل کے قریب عرشی شاپنگ مال میں آگ لگ گئی پولیس کے مطابق فوم کی ایک دکان میں اچانک آگ لگی جومزید پھیل گئی، تمام دکانوں میں فوم اور میٹرس موجود ہیں آگ تیزی سے پھیلی ،پولیس،ریسکیو اداروں کی رہائشی عمارت سے لوگوں کو نکالنے کی کوشش کررہے ہیں میئر کراچی نے محکمہ فائر بریگیڈ اور واٹر کارپوریشن کے ہائیڈرنٹ میں ایمرجنسی نافذ کردی،چیف فائر بریگیڈ آفیسر اشتیاق احمد کے مطابق آگ 5 بج کر47 منٹ پر لگی، ریسکیو اداروں کو آگ لگنے کی ابتدائی اطلاع شام 5.20 بجے ملی، 15 منٹ بعد فائر بریگیڈ کی 2 گاڑیاں موقع پر پہنچیں
مئیر کراچی مرتضی وہاب نے فائر بریگیڈ حکام کو فوری آگ پر قابو پانے کے لئے تمام وسائل بروئے کار لانے کی ہدایت کر دی ہے، فائر برگیڈ حکام کے مطابق فائر برگیڈ کی چار گاڑیاں ریسکیو آپریشن میں مصروف ہیں-
ایس ایس پی سینڑل فیصل عبداللہ چاچڑ کے مطابق جس مقام پر آگ لگی اس کے اوپر رہائشی عمارت ہے ، آگ سے گاڑیوں کو بھی نقصان پہنچنے کی اطلاعات موصول ہوئی ہیں ، ڈی سی سینڑل سے مزید ایمبولینس فراہم کرنے کا کہا ہے ، علاقائی پولیس کی کوشیش ہے کہ لوگوں کو عمارت سے نکالا جاسکے ، ابتدائی معلومات کے مطابق آگ شارٹ سرکٹ کے باعث لگی ہے-
ریسکیوحکام کے مطابق آتشزدگی کےنتیجے میں ایک شخص جھلس کرشدیدزخمی ہو گیا، زخمی شخص کوسول برنس وارڈمنتقل کیاجارہاہے،علاقہ مکنیوں کا کہنا ہے کہ جس شاپنگ مال میں آگ لگی وہاں میٹرس اور گاڑیوں کے سیٹ کورز کی دکانیں بھی قائم ہیں-
سی ای او واٹر کارپوریشن کے مطابق واٹر کارپوریشن کے نیپا اور سخی حسن ہائیڈرنٹس پر ایمرجنسی نافذ کر دی گئی ہے،حادثے کے مقام پر پانی سے بھرے متعدد ٹینکرز روانہ کر دئیے گئے ہیں،انچارج ہائیڈرنٹس سیل فائر بریگیڈ حکام سے مکمل رابطے میں ہے،فوکل پرسن سی ای او برائے ہائیڈرنٹس سیل آپریشن کی خود نگرانی کر رہے ہیں،آگ پر مکمل قابو پائے جانے تک کراچی فائر بریگیڈ کو پانی کے ٹینکرز فراہم کیے جائیں گے-
گورنر سندھ کامران ٹیسوری نے عائشہ منزل پر فرنیچر کی دکان اور بلڈنگ میں آگ لگنےکا نوٹس لے لیا ہے گورنر سندھ نے بلڈنگ کے اندر موجود افراد کا بحفاظت انخلا یقینی بنانےکی ہدایت کی ہے گورنر نےکمشنر کراچی کو ہدایت کی ہےکہ آگ پر قابو پانے کے لیے تمام وسائل بروئےکار لائے جائیں۔
