Baaghi TV

Author: Ayesha Rehmani

  • امریکی جیل میں ڈاکٹر عافیہ کے ساتھ جنسی زیادتی کا انکشاف

    امریکی جیل میں ڈاکٹر عافیہ کے ساتھ جنسی زیادتی کا انکشاف

    امریکی جیل میں قید ڈاکٹر عافیہ کو کم از کم دو بار جنسی زیادتی کا نشانہ بنائے جانے کا انکشاف ہوا ہے۔

    باغی ٹی وی : یہ انکشاف عافیہ صدیقی کے وکیل کلائیو اسٹیفورڈ کی جانب سے کیا گیا جن کا کہنا ہے کہ حکومتِ پاکستان ڈاکٹر عافیہ سے دوبار جنسی زیادتی کے واقعات سے آگاہ ہے ،کلائیو اسٹیفورڈ اسمتھ نے نجی خبررساں ادارے سے گفتگو کرتے ہوئے کہا کہ مجھے ڈاکٹر عافیہ نے جنسی زیادتی کابتایا جس کے بعد شکایت داخل کی گئی بگرام جیل میں بھی ڈاکٹر عافیہ سےجنسی زیادتی کی گئی تھی، ڈاکٹرعافیہ سے بگرام میں جنسی زیادتی بطور تفتیشی حربہ کی گئی، ڈاکٹر عافیہ سے آئے دن بدسلوکی اور تشدد کیا جاتا ہے۔

    امریکا نے ڈاکٹر فوزیہ صدیقی کو جیل میں قید بہن عافیہ صدیقی سے ملاقات …

    واضح رہے کہ گزشتہ روز فوزیہ صدیقی نے ویڈیو بیان میں کہا تھا کہ جیل میں عافیہ کی حالت پہلے سے زیادہ خراب لگی ہے عافیہ کی حالت بیان کرنےکیلئے الفاظ نہیں،عافیہ صدیقی کو ایک بار پھر اسی حالت میں چھوڑ آئی ہوں،ملاقات میں دونوں بہنیں ایک دوسر ے کو چھو نہیں سکیں اور ان کے درمیان شیشے کی دیوار حال رہی ملاقات کے اختتام پر بہت دکھی ہوں، اپنے پاکستانی بھائیوں سے گزارش کرتی ہوں کہ عافیہ کی رہائی کیلئے کچھ کریں۔

    ڈاکٹر فوزیہ کی امریکی جیل میں قید اپنی بہن عافیہ سے ملاقات

  • پاکستان اسٹاک ایکسچینج میں کاروبار کا مثبت آغاز ،نئی تاریخ رقم

    پاکستان اسٹاک ایکسچینج میں کاروبار کا مثبت آغاز ،نئی تاریخ رقم

    کراچی: پاکستان اسٹاک ایکسچینج کا 100 انڈیکس مسلسل تاریخ رقم کر رہا ہے، آج انڈیکس 62 ہزار عبور کر گیا۔

    باغی ٹی وی : کاروباری ہفتے کے دوسرے روز پاکستان اسٹاک ایکسچینج میں کاروبار کا مثبت آغاز ہوا، اور 100 انڈیکس 212 پوائنٹس اضافے سے 62 ہزار 700 پوائنٹس پر پہنچ گیا،آج پاکستان اسٹاک ایکسچینج کا 100انڈیکس 61 پوائنٹس کم ہو کر 62 ہزار 431 پر آ گیا ہے–

    دوسری جانب انٹربینک میں ڈالر کی قیمت میں بھی 27 پیسے کمی ہوگئی، اور انٹربینک میں امریکی ڈالر کی قیمت 284.25 روپے ہوگئی،گزشتہ کاروباری ہفتے کے اختتام پر انٹر بینک میں ڈالر 284 روپے 53 پیسے کا تھا۔

    اسرائیل کی شمالی غزہ میں 2 اسکولوں پر بمباری،50 فلسطینی شہید

    سعودیہ کی اپنے شہریوں کو پاکستان سمیت 25 ممالک کے غیر ضروری سفر سے گریز …

    پشاور میں دھماکا، 3 بچوں سمیت 4 افراد زخمی

  • امریکی سفیر کیوبا کے لیے جاسوسی کے الزام میں گرفتار

    امریکی سفیر کیوبا کے لیے جاسوسی کے الزام میں گرفتار

    امریکا کے سابق سفارت کار مینوئل روچا Manuel Rocha پر کیوبا کے لیے جاسوسی کا الزام عائد کر دیا گیا۔

    باغی ٹی وی: غیر ملکی میڈیا رپورٹس کے مطابق مینوئل روچا بولیویا میں امریکا کے سفیر رہ چکے ہیں، انہیں جمعہ کو فلوریڈا سے گرفتار کیا گیا تھا ،73 برس کے روچا پر الزام ہے کہ انہوں نے کئی عشروں تک کیوبا کو انٹیلی جنس جمع کرنے میں مدد دی ۔

    واضح رہے کہ 25 برس تک سفارتکاری کے دوران مینوئل روچا نے زیادہ تر وقت لاطینی امریکا کے ممالک میں گزارا تھا، مینوئل روچا نے 1999 سے 2002 تک بولیویا میں امریکی سفیر کے طور پر بھی کام کیا اور 25 سال تک متعدد حکومتی عہدوں بشمول قومی سلامتی کونسل میں بھی خدمات انجام دیں،بولیویا کے علاوہ انہوں نے ارجنٹائن، میکسیکو اور ڈومینیکن ریپبلک میں بھی سفارتکاری کی ذمہ داریاں نبھائیں۔

    پشاور میں دھماکا، 3 بچوں سمیت 4 افراد زخمی

    رپورٹ کے مطابق یہ فوری طور پر واضح نہیں ہو سکا کہ آیا مینوئل روچا کے پاس کیس کا دفاع کرنے کے لیے کوئی وکیل موجود ہے یا نہیں۔

    سعودیہ کی اپنے شہریوں کو پاکستان سمیت 25 ممالک کے غیر ضروری سفر سے گریز …

  • عدت میں نکاح:بشریٰ بی بی کے سابق شوہر کے ملازم کا بیان قلمبند

    عدت میں نکاح:بشریٰ بی بی کے سابق شوہر کے ملازم کا بیان قلمبند

    چیئرمین پی ٹی آئی اور ان کی اہلیہ بشریٰ بی بی کے عدت میں نکاح کے خلاف کیس میں خاور مانیکا کے گھریلو ملازم نے اپنا بیان قلمبند کرادیا۔
    اسلام آباد کی ڈسٹرکٹ اینڈ سیشن کورٹ میں غیر شرعی نکاح کیس کی سماعت ہوئی، سول جج قدرت اللہ نے سماعت کی بشریٰ بی بی کے سابق شوہر خاور مانیکا کے گھریلو ملازم محمد لطیف نے اپنا بیان قلمبند کرادیا، جس کے بعد عدالت نے کیس کے قابل سماعت ہونے یا نہ ہونے پر دلائل طلب کر لئے،بعد ازاں عدالت نے کیس کی سماعت 8 دسمبر تک ملتوی کردی۔

    خاورمانیکا کے پرانے ملازموں میں سے ایک محمد لطیف ولد سید محمد چوہان نے عدالت میں بیا ن دیتے ہوئے کہا کہ میں خاور فرید مانیکا کے ساتھ گزشتہ 35 سال سے گھریلو ملازم ہوں، میں چونکہ ان کا پرانا ملازم ہوں اس لیے ان کا مجھ سے کسی قسم کا پردہ نہیں ہے ان کے بچے بھی میرے ہاتھوں میں پلے ہیں اور میں ان کے گھر کے فرد کی طرح ہوں، مانیکا صاحب کے پیر غنی، پاکپتن شریف، لاہور اور اسلام آباد بنی گالہ میں گھر ہیں، اسلام آباد والا گھر مکان نمبر 3، گلی نمبر 2، بنی گالہ میں واقع ہے، یہ مکان 2002/2003 میں مکمل ہوا تھا، میاں صاحب کی فیملی لاہور بھی رہتی تھی اور بنی گالہ اسلام آباد میں بھی رہتی تھی، مستغیث خاو مانیکا صاحب کسٹم میں ملازم تھے اور مختلف جگہوں پر ان کی پوسٹنگ ، تبادلے ہوتے رہتے تھے۔ مگر ان کی فیملی لاہور یا اسلام آباد میں رہتی تھی، عمران خان الزام علیہ نمبر 1 نے میاں صاحب کے بنی گالہ گھر 2015 میں آنا جانا شروع کیا۔ 2015 میں الزام علیہ نمبر 1 کبھی کبھار بنی گلہ مستغیث کے گھر آتے تھے۔ عمران خان صاحب کا 2016/2017 میں میاں صاحب کے گھر آنا جانا زیادہ ہوگیا۔ عمران خان صاحب کے ساتھ کبھی ایک آدھ بی بی ہوتی تھی کبھی ایک آدھ صاحب جو کہ کلین شیو تھے وہ آتے جاتے تھے کبھی ڈرائیور کے ساتھ آتے تھے زیادہ تر اکیلے آتے تھے اور کئی مرتبہ ڈرائیور چھوڑ کر چلا جاتا تھا اور زیادہ تر وہ رات کو آتے تھے۔

    خاور مانیکا کے ملازم نے عدالت میں بیان دیتے ہوئے کہا کہ عمران خان صاحب ہمیشہ خاور مانیکا صاحب کی غیر موجودگی میں ان کے گھر آتے تھے۔ کئی مرتبہ میاں صاحب نے جب آپاں بشریٰ بی بی الزام علیہ نمبر 2 سے جب بات کرنی ہوتی تو ان کے یعنی آپاں بشریٰ بی بی کے فون پر کال کرتے جب ان کا فون بند ہوتا تو میرے نمبر پر کال کرتے اور میں ان کی یعنی مانیکا صاحب کی آپاں بشریٰ سے بات کرواتا اور اسی دوران جب میں اندر جاتا اس سلسلے میں جب میں گھر کے اندر گیا تو دیکھا عمران خان صاحب اور آپاں بشریٰ ڈرائینگ روم میں نہیں تھے بلکہ اپنے کمرے میں تھے اور جب میں کمرے کے اندر بات کروانے کے لیے گیا تو دیکھا الزام علیہ نمبر 1 و 2 آپس میں بدکاری کررہے تھے اور میں نے ان کو تین چار دفعہ بدکاری کرتے ہوئے دیکھا جب پہلی مرتبہ بدکاری کرتے دیکھا تو میری پاؤں کے نیچے سے زمین نکل گئی اور میں اس بابت میاں خاور مانیکا صاحب کو اطلاع بھی دیتا رہا،ا ن واقعات کے بعد میاں صاحب کی اور بشریٰ بی بی کی آپس میں لڑائیاں شروع ہوگئیں اور 2017 کے آخر میں میاں صاحب نے آپاں بشریٰ کو طلاق دے دی، میں نے کئی دفعہ عمران خان صاحب کو میاں صاحب کے فون آنے پر اور ان کے کہنے پر ان کو گھر سے بھی نکالا.میں نے کئی دفعہ عمران خان صاحب کو بشریٰ بی بی کے ساتھ ڈرائینگ روم میں نازیبا حرکتیں کرتے بھی دیکھا تھا۔ جب میں میاں صاحب کی بات کروانے آپا بشریٰ بی بی کے پاس اندر جاتا تو کئی مرتبہ مجھے ڈانٹ بھی پڑتی تھی۔ اگر میاں صاحب نہ ہوتے تو شاید مجھے آپاں بشریٰ نوکری سے بھی نکال دیتی.

    واضح رہےکہ گزشتہ روز میڈٰیا سے گفتگو میں عمران خان نے کہا تھا کہ ہر طرح کی قسم اٹھانے کو تیار ہوں کہ نکاح سے پہلے نہ کبھی بشریٰ بی بی سے ملا نہ کبھی انہیں دیکھا،عون چوہدری نے عمران خان کے بیان پر رد عمل دیتے ہوئے کہا عمران خان کی جانب سے یہ کہنا کہ بشریٰ بی بی کو نکاح سے پہلے نہیں دیکھنے کا دعویٰ اس صدی کا سب سے بڑا جھوٹ ہے، سابق چیئرمین بشریٰ بی بی سے ایک بار نہیں کئی بار نکاح سے پہلے ملے، گھنٹوں ملاقات کرتے رہے-

    عون چوہدری کا کہنا تھا کہ بشریٰ بی بی قرآن پر حلف دے دیں کہ انہوں نے سابق چیئرمین پی ٹی آئی کا نکاح سے پہلے چہرہ نہیں دکھایا، میں خود سابق چیئرمین پی ٹی آئی کو ملاقات کیلئے لے کر جاتا رہا۔عون چوہدری نے کہا کہ بانی پی ٹی آئی کے پول کھولے تو انہیں شرم سے سر چھپانے کی جگہ نہیں ملے گی، بانی پی ٹی آئی بشریٰ بی بی سے نکا ح سے پہلے درجنوں بار ملے بھی اور دیکھا بھی تھا۔

  • پشاور میں دھماکا، 3 بچوں سمیت 4 افراد زخمی

    پشاور میں دھماکا، 3 بچوں سمیت 4 افراد زخمی

    پشاور: ورسک روڈ بابو گڑھی میں دھماکا ہوا ہے، جس میں 3 بچوں سمیت 4 افراد زخمی ہوئے ہیں-

    باغی ٹی وی : پشاور میں ورسک روڈ پر نجی بینک اورسکول کے قریب زور دار دھماکا ہوا ، ایس ایس پی ارشد خان کا کہنا ہے کہ روڈ کنارے بارود نصب کیا گیا تھا، جس میں 4 کلوگرام بارودی مواد استعمال ہوا، دھماکے کی آواز دور دور تک سنائی دی گئی، واقعے کی اطلاع ملتے ہی پولیس اور ریسکیو ٹیمیں وقوعہ کی جانب روانہ ہوگئیں دھماکے میں 3 بچے اور ایک شخص زخمی ہوا، جنہیں اسپتال منتقل کردیا گیا ہے۔

  • اسرائیل کی شمالی غزہ میں 2 اسکولوں پر بمباری،50 فلسطینی شہید

    اسرائیل کی شمالی غزہ میں 2 اسکولوں پر بمباری،50 فلسطینی شہید

    اسرائیلی فوج کی شمالی غزہ میں 2 اسکولوں پر بمباری کے نتیجے میں 50 فلسطینی شہید اور سیکڑوں زخمی ہوگئے،جبکہ حماس نے اسرائیلی فوج کی 28 گاڑیوں کو تباہ کر دیا ہے-

    باغی ٹی وی :اسرائیل نے فلسطینی مزاحمتی تحریک حماس کے خلاف کارروائی کے نام پر زمینی جنگ کا دائرہ جنوبی غزہ تک بڑھا دیا، درجنوں ٹینک ،بکتر بند گاڑیاں اور بلڈوزر خان یونس پہنچا دئیے ، پیر کو اسرائیلی فوج نے شمالی غزہ میں 2 اسکولوں پر بمباری کی جس کے نتیجے میں 50 فلسطینی شہید اور سیکڑوں زخمی ہوگئے، اسکولوں میں سیکڑوں بےگھر فلسطینیوں نے پناہ لی ہوئی تھی۔

    اسرائیلی فوج نے حماس کے 200 سے زائد ٹھکانوں کو نشانہ بنانے کا بھی دعویٰ کیا ہے جبکہ اسرائیل نے مین فائبر روٹس کاٹ دیے جس کی و جہ سے غزہ میں لینڈ لائن، موبائل اور انٹرنیٹ سروس ایک بار پھر معطل ہو گئی،اسرائیلی فوج کی جانب سے فلسطینیوں کو علاقہ چھوڑنے کے احکامات دیئے گئے ہیں جبکہ عالمی ادارہ صحت کو بھی 24 گھنٹوں میں جنوبی غزہ میں گودام چھوڑنے کا حکم ملا ہے اس سے پہلے اسرائیل نے شمالی غزہ میں زمینی حملے کر کے فوج تعینات کی تھی۔

    فلسطینی خبر رساں ادارے کے مطابق اسرائیل نے مغربی کنارے سمیت جینن، سلواد، جفنا، جلازوم، قلقلیا اور ہبرون میں چھاپے مارے اور متعدد فلسطینیوں کو گرفتار کیاغزہ کی وزارت صحت کا کہنا ہےکہ گزشتہ 24 گھنٹوں میں 700 فلسطینی شہید کیے گئے۔

    دوسری جانب حماس کی القسام بریگیڈز نےدعویٰ کیا ہے کہ 24 گھنٹوں میں اسرائیلی فوج کی 28 گاڑیوں کو تباہ کیا گیا، جھڑپوں میں اسرائیلی فوج کا جانی نقصان بھی ہوا اسرائیلی فوج نے اپنے مزید 3 فوجیوں کے مارے جانے کی تصدیق کر دی جس کے بعد ہلاک اسرائیلی فوجیوں کی تعداد 77 ہوگئی،اسرائیلی وزیردفاع نے کہا ہےکہ بہت جلد حماس کو بکھیر دیں گے۔

    واضح رہے کہ 7 اکتوبر سے غزہ میں جاری اسرائیلی جارحیت سے تقریباً 16 ہزار فلسطینی شہید ہوچکے ہیں،فلسطینی مہاجرین کے لیے کام کرنے والے اقوام متحدہ کے ادارے یو این آر ڈبلیو اے نے بتایا ہے کہ غزہ کی 80 فیصد سے زائد آبادی اپنے گھروں کو چھوڑنے پر مجبور ہو چکی ہے۔

    عالمی ادارے نے سوشل میڈیا پلیٹ فارم ایکس پر ایک پوسٹ میں بتایا کہ 7 اکتوبر سے جاری اسرائیلی کارروائیوں کے نتیجے میں غزہ کے 19 لاکھ افراد بے گھر ہو چکے ہیں اس وقت 12 لاکھ بے گھر افراد ادارے کے 156 مراکز میں مقیم ہیں۔

  • سعودیہ کی اپنے شہریوں کو پاکستان سمیت 25 ممالک کے غیر ضروری سفر سے گریز کی ہدایت

    سعودیہ کی اپنے شہریوں کو پاکستان سمیت 25 ممالک کے غیر ضروری سفر سے گریز کی ہدایت

    ریاض: سعودی عرب نے اپنےشہریوں کو پاکستان سمیت 25 ممالک کے غیر ضروری سفر سے گریز کی ہدایت کر دی۔

    باغی ٹی وی: رپورٹ کے مطابق سعودی عرب کی جانب سے اپنے شہریوں کو ہدایت جاری کی گئی ہے کہ وہ پاکستان سمیت 25 ممالک میں غیر ضروری سفر کرنے سے گریز کریں، سعودی محکمہ صحت کی جانب سے جاری کی گئی فہرست کے مطابق دیگر ممالک میں بھارت، بنگلادیشں ،افغانستان، عراق، شام، نیپال، نائیجریا شامل ہیں۔

    سعودی محکمہ صحت کا کہنا ہے کہ ان ممالک میں متعدی امراض اور طبی سہولیات کے معیار کے پیش نظر اپنے شہریوں کو غیر ضروری سفر سے گریز کی ہدایت جاری کی گئی ہے، بیما ریوں میں ڈینگی، ہیضہ ،پولیو، یلو فیور، خسرہ ، منکی پاکس، ملیریا، کووڈ 19بھی شامل ہیں۔

    میجر (ر) عادل راجہ لندن میں گرفتار

    واضح رہے کہ خیبرپختونخوا میں ایڈز کے مریضوں کی تعداد مجموعی طور پر 6 ہزار سے بڑھ گئی ہے،محکمہ صحت کی رپورٹ میں بتایا کہ مجموعی طور پرایڈز مریضوں کی کُل تعداد 6 ہزار966 ہے، پشاور پہلے نمبر جبکہ بنوں دوسرے نمبر پر ہے، پشاور میں ایڈز کے مریضوں کی تعداد سب سے زیادہ یعنی 12 سو 74 ہے اور صوبہ بھر میں ایڈز کی ایک ہزار573 خواتین، 4 ہزار 865 مرد مریض رجسٹرڈ ہیں،صوبے میں107 خواجہ سرا بھی ایڈز کے مرض میں مُبتلا ہیں اور سابقہ قبائلی اضلاع میں ایڈز مریضوں کی تعداد ایک ہزار107ہے۔

    انڈونیشیا: آتش فشاں پھٹنے سے 11 سیاح ہلاک،12 لاپتہ

  • آئندہ 24 گھنٹوں میں موسم کیسا رہے گا؟

    آئندہ 24 گھنٹوں میں موسم کیسا رہے گا؟

    اسلام آباد: محکمہ موسمیات کے مطابق ملک کے بیشتر علاقوں میں موسم خشک رہے گا-

    باغی ٹی وی: محکمہ موسمیات کے مطابق پنجاب، خیبر پختونخوا کے میدانی علاقوں میں دھند رہنے کا امکان ہے،بالائی سندھ کے بیشتر اضلاع میں بھی دھند رہنے کی پیشگوئی کی گئی ہے، اسلام آباد، مری، گلیات اورگردو نواح میں موسم سرد رہنے کی پیشگوئی ہے، فیصل آباد، ٹوبہ ٹیک سنگھ،جھنگ،خانیوال،ملتان اور بہا ولپور میں اسموگ رہنے کا امکان ہے۔

    محکمہ موسمیات کے مطابق نارووال، سیالکوٹ، اوکاڑہ، ساہیوال، گوجرانوالہ، لاہور، خان پور، رحیم یار خان اورڈیرہ غا زی خان کے مختلف علاقوں میں دھند رہے گی، جبکہ جیکب آباد، موہنجوداڑو، سکھر، لاڑکانہ، دادو، گھوٹکی، پڈعیدن، پشاور، چارسدہ، مردان، صوابی اور ڈیرہ اسماعیل خان میں رات کو بھی دھند کا امکان ہے۔

    پاکستان نے ہمیشہ فلسطین کے حق میں آواز بلند کیا ،نگران وزیر تجارت

    ننکانہ :پٹرولنگ پولیس کارروائی 5جعلی ایکسائز آفیسر رسید بکس نقد کیش اور پرائیویٹ گاڑی سمیت …

    پاکستان نے ہمیشہ فلسطین کے حق میں آواز بلند کیا ،نگران وزیر تجارت

  • میجر (ر) عادل راجہ نے گرفتاری کی تردید کر دی

    میجر (ر) عادل راجہ نے گرفتاری کی تردید کر دی

    لندن : پاکستانی اداروں کیخلاف مہم چلانے کے الزامات پر کورٹ مارشل ہونے والے سابق فوجی افسر اور یوٹیوبر عادل راجہ نے لندن میں اپنی گرفتاری کی تردید کردی ہے۔

    باغی ٹی وی : نجی خبررساں ادارے جنگ نے دعویٰ کیا تھا کہ اداروں کے خلاف ہرزہ سرائی کے الزام پر میجر (ر) عادل راجہ کو لندن میں گرفتار کر لیا گیاسفارتی ذرائع کے مطابق عادل راجہ کو گزشتہ روز لندن پولیس نے انکوائری کیلئے بلایا تھا برطانوی حکام نے میجر (ر) عادل راجہ کی گرفتاری کی تصدیق کر دی ہے۔

    ذرائع کے مطابق عادل راجہ کو پاک فوج کیخلاف عوام میں نفرت پھیلانے کے جرم میں گرفتار کیا گیا،عائد الزامات کے مطابق وہ سوشل میڈیا پر پاکستانی اداروں کے خلاف نفرت انگیز مواد شیئر کر رہے تھے۔
    https://x.com/soldierspeaks/status/1731935453090087367?s=20
    تاہم اس گرفتاری کی آزادانہ ذرائع سے تصدیق نہیں ہوسکی تھی،آفیشل ایکس ہینڈل پرعادل راجہ نے گرفتاری کی تردید کرتے ہوئے لکھا کہ برطانوی پولیس کی جانب سے میری گرفتاری/پوچھ گچھ کی ’جعلی خبر‘ جو چند گھنٹے قبل پاکستانی میڈیا یعنی بلیک میلنگ کے کاروبار کی جانب سے شائع کی گئی تھی، پاکستانی خبر رساں اداروں کی ساکھ کو بے نقاب کرتی ہے۔
    https://x.com/MurtazaViews/status/1731932084837417450?s=20
    دوسری جانب جنگ اور دی نیوز کے لندن میں رپورٹر مرتضیٰ علی شاہ نے ایکس ہینڈل پر میٹروپولیٹن پولیس کے حوالے سے بتایا تھا کہ عادل راجہ کو گرفتار نہیں کیا گیا،مرتضیٰ علی شاہ نے کہا کہ رپورٹس میں دعویٰ کیا گیا ہے کہ عادل راجہ کو لندن پولیس نے گرفتار کیا ہے لیکن وہ میٹروپولیٹن پولیس کے علاقے سے باہر لندن میں رہائش پزیر ہیں، رپورٹ کیے گئے جرائم پولیس کارروائی کے زمرے میں نہیں آتے ہیں۔ برطانوی سفارتی ذرائع عادل راجہ کی گرفتاری سے لاعلم ہیں۔

    واضح رہے کہ پاک فوج اور آرمی چیف کے خلاف بیان بازی پر میجر ریٹائرڈ عادل راجہ کے خلاف لندن پولیس نے تحقیقات شروع کر رکھی ہیں پولیس کی جانب سے ان کو جاری نوٹس میں کہا گیا تھا کہ آپ نے یوٹیوب اور ٹویٹر پر برطانوی قوانین کی خلاف وزری کی ہے ، فوری طور پر پیش ہو کر اپنا موقف واضح کریں۔

    علاوہ ازیں رواں برس جون میں اسلام آباد کے علاقے جی الیون کے رہائشی محمد اسلم کی درخواست پر بیرون ملک مقیم چار افراد کے خلاف غداری اور بغاوت پر اکسانے کی دفعات کے تحت تھانہ رمنا میں مقدمہ درج کیا گیا تھا جس میں صحافی شاہین صہبائی ، وجاہت ایس خان ، سیدحیدر رضامہدی اور عادل فاروق راجہ کو نامزد کیا گیا، مقدمے میں مؤقف اختیار کیا گیاکہ ان 4 افراد نے بیرون ملک بیٹھ کر پاکستان کے اندر عوام کو اداروں کے خلاف اکسانے اور حالات کو خراب کرنے کی کوشش کی ہے ،مقدمے میں دہشتگردی اور غداری کی دفعات شامل کی گئیں تھیں۔

  • لاہور میں گردہ نکالنے والا گروہ پکڑا گیا،90 افراد کے گردے نکال کر لاکھوں میں بیچے

    لاہور میں گردہ نکالنے والا گروہ پکڑا گیا،90 افراد کے گردے نکال کر لاکھوں میں بیچے

    لاہور: نوکری کا جھانسہ دے کر گردے نکالنے والا گروہ پکڑا گیا جس نے کم ازکم 90 افراد کے گردے نکال لیے اور ایک گردہ 25 تا 50 لاکھ روپے کے درمیان بیچا۔

    باغی ٹی وی : نجی خبررساں ادارے کے مطابق لاہور میں گردہ نکالنے والے کئی گروہ سرگرم ہیں، اب ایک اور نیا گروہ پکڑا گیا ہے جس نے بڑے پیمانے پر لوگوں کو نوکریاں ملنے کا جھانسہ دے کر گردے نکال کرکروڑوں روپے میں بیچے-

    ایس پی صدر سدرہ خان نےکہا ہے کہ ملزمان کا ٹارگٹ غریب اور بھٹہ مزدور ہیں، گروہ نےلاہور سے نوے افراد کے گردے نکلوائے، ملزمان نوکری کا جھانسہ دے کرشہریوں کو اسلام آباد لے جاتے تھے، غیر قانونی پیوند کاری کا عمل اسلام آباد کے فارم ہاؤس میں کیا جاتا تھا، پیوندکاری میں ملوث ڈاکٹرز کی گرفتاری کی کوششیں جاری ہیں، گروہ کے چار ملزمان کو گرفتار کیا جاچکا ہے ،یہ ملزمان نوکری دینے کے لیے میڈیکل ٹیسٹ کا کہہ کر گردہ نکالتے تھے، ایک گردہ25 سے50 لاکھ میں بیچا جاتا تھا جس میں ڈاکٹر براہ راست ڈونر سے رابطہ نہیں کرتا تھا۔

    پی ٹی آئی نے انٹرا پارٹی الیکشن کے نام پر ڈرامہ کیا،اکبر ایس بابر

    انڈونیشیا: آتش فشاں پھٹنے سے 11 سیاح ہلاک،12 لاپتہ

    افغان کرکٹ بورڈ کی سلمان بٹ کو بیٹنگ کنسلٹنٹ بنانے کی خواہش