Baaghi TV

Author: Ayesha Rehmani

  • بحریہ ٹاؤن کراچی کیس:بینک نے سپریم کورٹ میں جواب جمع کرادیا

    بحریہ ٹاؤن کراچی کیس:بینک نے سپریم کورٹ میں جواب جمع کرادیا

    اسلام آباد: سپریم کورٹ میں بحریہ ٹاؤن کراچی کیس میں 190 ملین پاؤنڈ ادائیگی سےمتعلق برطانوی نیشنل کرائم ایجنسی (این سی اے) اور متعلقہ بینک کی دستاویزات سامنے آگئیں جبکہ متعلقہ بینک نے بحریہ ٹاؤن کراچی کیس سے متعلق سپریم کورٹ میں دستاویزات جمع کرادیں۔

    باغی ٹی وی : دستاویز کے مطابق ادائیگی ذاتی ہدایات، رضامندی سے سپریم کورٹ کے اکاؤنٹ میں جمع کرائی گئی، 190 ملین پاؤنڈملک ریاض کے فیملی ممبر اکاؤنٹ ہولڈر کی تحریری ہدایت پر پاکستان ٹرانسفر ہوئے اکاؤنٹ ہولڈر نے این سی اے کے کہنے پر نہیں بلکہ خود رقم پاکستان بھجوائی،یہ تاثر درست نہیں کہ رقم حکومت پاکستان کو بھجوائی گئی تھی۔

    این سی اےاور متعلقہ بینک کی دستاویزات برطانیہ کے قوانین کے مطابق ہیں، اس پر قانونی کارروائی کا حق بھی برطانیہ کی متعلقہ عدالتوں کے خصوصی دائرہ اختیار میں ہے،دستاویزات میں برطانیہ کے این سی اے کا 2019 میں لکھا گیا ایک خط بھی شامل ہے خط میں تصدیق کی گئی اکاؤنٹ منجمد کرنے کا حکم متعلقہ عدالت نے خود خارج کردیا تھااس سے ثابت ہوتا ہے ایسی کوئی بھی رقم حکومت پاکستان کیلئے ضبط نہیں کی گئی تھی، اس کا مقصد بحریہ ٹاؤن کیلئے استعمال کیا جانا تھا –

    ملک ریاض کا انٹرویو ریکارڈ ہو گیا؟

    دوسری جانب ملک ریاض حسین نے 190 ملین پاؤنڈز کیس میں سپریم کورٹ میں درخواست دے دی،درخواست میں کہا گیا کہ نیب 190 ملین پاونڈز معاملہ کی تحقیقات کر رہا ہے، سپریم کورٹ ریمارکس یا آبزرویشنز نیب کی تحقیقات متاثر کر سکتی ہے، نیب سپریم کورٹ کی آبزرویشنز کا تحقیقات میں اثر لے سکتا ہےملک ریاض نے درخواست میں استدعا کہ کہ سپریم کورٹ درخواست کا جائزہ لےکر مناسب حکم جاری کرے۔

    امریکا نےسکھ علیحدگی پسند رہنما کے قتل کی بھارتی سازش ناکام بنادی

    دوسری جانب قومی احتساب بیورو (نیب) کی ٹیم نے 190 ملین پاؤنڈ اسکینڈل کیس میں پاکستان تحریک انصاف کے چیئرمین عمران خان سے تقریباً ساڑھے 5 گھنٹے تفتیش کینیب کی ٹیم عمران خان سے 15 نومبر سے تفتیش کررہی ہے، جیل ذرائع کے مطابق نیب ٹیم کی اسسٹنٹ ڈائریکٹر مستنصر امام کی سربراہی میں عمران خان سے جیل میں تفتیش کی جیل ذرائع نے بتایاکہ نیب ٹیم نے چیئرمین پی ٹی آئی سے تقریباً ساڑھے 5 گھنٹے تفتیش کی نیب ٹیم تفتیش کے بعد اڈیالا جیل سے روانہ ہوگئی۔

    پی ٹی آئی کیخلاف دائر انٹراپارٹی کیس کا محفوظ فیصلہ کل سنایا جائے گا

    واضح رہے کہ سابق وزیراعظم عمران خان کے دور میں برطانیہ کی نیشنل کرائم ایجنسی (این سی اے) نے مملک ریاض کے ضبط کیے گئے 190 ملین پاؤنڈ ایک تصفیے کے تحت حکومت پاکستان کو منتقل کیے تھے عمران خان نے این سی اے کو اجازت دی تھی کہ یہ رقم براہِ راست سپریم کورٹ آف پاکستان کے اکاؤنٹ میں منتقل کی جائے، سابق وزیراعظم کے اس اقدام کا بظاہرہ فائدہ ملک ریاض کو ہوا ہے کیوں کہ انہیں ایک مقدمہ میں 460 ارب روپے سپریم کورٹ کے اکاؤنٹ میں جمع کرانے کا حکم دیا گیا تھا عمران خان پر الزام ہے کہ انہوں نے اس تصفیے کے بدلے میں ملک ریاض سے مالی فوائد حاصل کیے ہیں جن میں القادر یونیورسٹی کے لیے زمین کا معاملہ سر فہرست ہے۔

  • جنوبی وزیرستان میں بم دھماکہ،قبائلی سردار 2 بیٹوں سمیت جاں بحق

    جنوبی وزیرستان میں بم دھماکہ،قبائلی سردار 2 بیٹوں سمیت جاں بحق

    جنوبی وزیرستان میں بم دھماکے میں صدارتی ایوارڈ یافتہ قبائلی سردار 2 بیٹوں سمیت جاں بحق ہو گئے-

    باغی ٹی وی :ضلعی پولیس آفیسر فرمان اللہ کے مطابق جنوبی وزیرستان میں وانا کے علاقہ دژہ غونڈئی میں بم دھماکے میں قبائلی سردار اسلم نور وزیر اور ان کے دو بیٹوں سمیت 4 افراد جاں بحق ہوگئےقبائلی سردار اسلم نور وزیر رستم بازار سے اپنی گاڑی میں گھر جارہے تھے کہ دژہ غونڈئی کےمقام پر زور دار دھماکا ہوا دھماکے کے نتیجے میں سردار اسلم نور وزیر، ان کے دو بیٹے اور ایک دوست جاں بحق ہوگئے,دھماکے میں تین افراد زخمی بھی ہوئےجنہیں وانا اسپتال منتقل کردیاگیا ہے-

    قبل ازیں شمالی وزیرستان کے جنرل علاقے رزمک میں سیکیورٹی فورسز کے قافلے پر حملے میں 2 اہلکار شہید ہوگئے، پاک فوج کے شعبہ تعلقات عامہ (آئی ایس پی آر) کے مطابق دیسی ساختہ بم (آئی ڈی ای) دھماکے کے نتیجے میں دو سپاہی لانس نائیک احسان بادشاہ اور لانس نائیک ساجد حسین شہید ہو گئے،علاقے میں موجود کسی بھی دہشت گرد کے خاتمے کے لیے سینیٹائزیشن آپریشن کیا جا رہا ہے جبکہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں۔

    باجوڑ میں دھماکا، انصار الاسلام کے سابق امیر جاں بحق

    دریں اثنا باجوڑ میں ایک دن میں دو بم دھماکے دھماکوں کے نتیجے میں دو افراد جاں بحق جبکہ تین زخمی ہوگئے ہیں سیکیورٹی ذرائع کا کہنا ہے کہ پہلا دھماکا باجوڑ کی تحصیل خار کے علاقے پیشتو میں ہوا جس میں ایک شخص جاں بحق ہوگیا جاں بحق شخص کی شناخت سبزعلی خان ولد مرسلین کے نام سے ہوئی ہے، جبکہ دھماکے میں گاڑی بھی مکمل طور پر تباہ ہوگئی۔

    سبز علی خان باجوڑ یوتھ آرگنائزیشن کے نائب صدر اور سماجی کارکن تھے اور علاقے میں اپنی سماجی سرگرمیوں کی وجہ سے مشہور تھےعینی شاہدین کے مطابق دھماکا نہایت زودار تھا ، جس کے باعث گاڑی کے پرخچے اڑ گئے۔

    شمالی وزیرستان میں سیکیورٹی فورسز کے قافلے پر حملے میں 2 اہلکار شہید

    دوسرا دھماکا شام سے پہلے تحصیل ماموند کے علاقے ڈمہ ڈولہ خزانہ میں ہوا، بم دھماکے میں انصار الاسلام کے سابق امیر مولانا عبد السلام جاں بحق جبکہ تین افراد زخمی ہوگئے،عبدالسلام اپنے والد کے ساتھ ساتھی کی نماز جنازہ میں شرکت کے بعد واپس جارہے تھے کہ اس دوران باجوڑ کی تحصیل ماموند کے علاقے ڈمہ ڈولہ خزانہ میں اُن کو نشانہ بنایا گیا-

    امریکا نےسکھ علیحدگی پسند رہنما کے قتل کی بھارتی سازش ناکام بنادی

    پولیس نے بتایا کہ دھماکے میں جاں بحق ہونے والے مولانا کا تعلق انصار الاسلام نامی نتظیم نے تھا، واقعے میں اُن کے تین ساتھی نیاز، ابراہیم اور مندرو حاجی زخمی ہوئے جنہیں طبی امداد کیلیے ہیڈ کوارٹرز خار کے اسپتال منتقل کردیا گیا ہے جبکہ پولیس نے جائے وقوعہ سے شواہد اکٹھے کرنے کے بعد واقعے کی تحقیقات شروع کردی ہیں، مولانا عبدالسلام کو کچھ عرصے قبل بھی گھات لگا کر قتل کرنے کیلئے اُن پر فائرنگ کی گئی تھی جس میں وہ خوش قسمتی سے محفوظ رہے۔

  • امریکا نےسکھ علیحدگی پسند رہنما کے قتل کی بھارتی سازش ناکام بنادی

    امریکا نےسکھ علیحدگی پسند رہنما کے قتل کی بھارتی سازش ناکام بنادی

    برطانیہ: امریکا نے علیحدگی پسند سکھ رہنما گروپتونت سنگھ پنوں کو امریکی سرزمین پر قتل کرنے کی بھارتی سازش ناکام بنا دی ہے۔

    باغی ٹی وی : برطانوی اخبار فنانشل ٹائمز کا کہنا ہے کہ امریکی حکام نے امریکا میں سکھ علیحدگی پسند کو قتل کرنے کی سازش کو ناکام بنایا ہے اور سازش میں بھارتی حکومت کے ملوث ہونے کے خدشات پر بھارت کو خبردار بھی کیا ہے،اخبار نے بدھ کو نامعلوم اہلکاروں کا حوالہ دیتے ہوئے رپورٹ کیا کہ امریکی حکومت نے ہندوستان کو ان خدشات پر وارننگ بھی جاری کی ہے اور واضح الفاظ میں بھارت کو بتا دیا ہے کہ وہ جانتے ہیں پنوں کو ختم کرنے کی سازش میں نئی ​​دہلی ملوث ہے-

    مبینہ طور پر واشنگٹن نے ٹروڈو کے ستمبر کے بیان کے بعد پنوں کے قتل کی کوششوں کے بارے میں ”اتحادیوں کے وسیع گروپ“ کو مطلع بھی کیا ہے گروپتونت سنگھ پنوں ایک امریکی اور کینیڈین شہری ہیں اور امریکہ میں قائم ”سکھس فار جسٹس“ نامی تنظیم کے سربراہ ہیں بھارت نے سکھس فار جسٹس کو دہشت گرد تنظیم قرار دیا ہے۔

    غزہ کی پٹی سے فلسطینیوں کی جبری بے دخلی ناقابل قبول ہے،سعودی ولی عہد

    فنانشل ٹائمز کی یہ رپورٹ کینیڈا کے وزیر اعظم جسٹن ٹروڈو کے اُس الزام کے بعد سامنے آئی ہے، جس میں کینیڈا میں مقیم ایک سکھ رہنما ہردیپ سنگھ نجار کے قتل میں ہندوستانی حکومت کے ایجنٹس ملوث ہونے بکاا نکشاف کیا گیا تھا پنوں کی طرح نجار بھی علیحدہ سکھ ریاست خالصتان کے حامی تھے، جنہیں اس سال جون میں کینیڈا کے سرے میں فائرنگ کرکے قتل کیا گیا تھا۔

    رپورٹ کے مطابق گرپتونت سنگھ پنوں نے تصدیق نہیں کی کہ امریکی حکام نے انہیں اس حوالے سے خبردار کیا تھا یا نہیں تاہم ان کا کہنا تھا کہ وہ امریکی حکام پر چھوڑتے ہیں کہ وہ امریکی سرزمین پر بھارت کی جانب سے میری جان کو خطرے پر کیا ردعمل دیتے ہیں ،امریکی سرزمین پر ایک امریکی شہری کو خطرہ امریکا کی خودمختاری کے لیے ایک چیلنج ہے، اور مجھے یقین ہے کہ بائیڈن انتظامیہ اس طرح کے کسی بھی چیلنج سے نمٹنے کی صلاحیت رکھتی ہے۔‘

    اس حوالے سے ہندوستان کی وزارت خارجہ کی طرف سے فوری طور پر کوئی ردعمل سامنے نہیں آیا ہے۔

    اسرائیل سے جنگ بندی معاہدے کے قریب پہنچ گئے ہیں،اسماعیل ہنیہ

    فنانشل ٹائمز کی رپورٹ میں کہا گیا ہے کہ بھارت کو سفارتی انتباہ کے علاوہ، امریکی وفاقی استغاثہ نے نیویارک کی ایک ضلعی عدالت میں کم از کم ایک مشتبہ شخص کے خلاف مہر بند فرد جرم بھی دائر کی ہےامریکی محکمہ انصاف اس بات پر بحث کر رہا ہے کہ آیا فرد جرم کو ان سیل کیا جائے اور الزامات کو عوامی کیا جائے یا کینیڈا کی جانب سے نجار کے قتل کی تحقیقات مکمل ہونے تک انتظار کیا جائے فرد جرم میں شامل ایک شخص کے بارے میں خیال کیا جاتا ہے کہ وہ امریکہ چھوڑ چکا ہے-

    واضح رہےکہ رواں برس جون میں خالصتان تحریک کے رہنما ہردیپ سنگھ نجار کو کینیڈا میں قتل کیا گیا تھا جس کے بعد کینیڈا کے وزیرا عظم نے بھارت پر الزام عائد کیا تھاکہ ہردیپ سنگھ کے قتل میں بھارت ملوث ہے جب کہ کینیڈا نے بھارتی ایجنسی کے ’را‘ کے عہدیدار کو بھی ملک بدر کیا تھا دونوں ممالک کے درمیان سفارتی کشیدگی کے بعد سینیئر سفارتکاروں کو بھی ملک چھوڑنے کے احکامات جاری کیے گئے تھے جب کہ دونوں ممالک نے اپنے شہریوں کے لیے ٹریول ایڈوائزری بھی جاری کی تھی۔

    اسرائیل ،غزہ میں عارضی جنگ بندی کے لیے رضا مند

  • ملک ریاض کا انٹرویو ریکارڈ ہو گیا؟

    ملک ریاض کا انٹرویو ریکارڈ ہو گیا؟

    لاہور: سینئیر صحافی و اینکر پرسن مبشر لقمان کا ملک ریاض کے انٹرویو کی ریکارڈنگ کے حوالے سے قیاس آرائیوں پر کہنا ہے کہ چئیرمین بحریہ ٹاؤن کا کو کوئی انٹرویو ریکارڈ نہیں ہوا-

    باغی ٹی وی : سینئر صحافی و اینکرجاوید چوہدری نے بحریہ ٹاؤن کے مالک ملک ریاض کے دھماکہ خیزانٹرویو سے متعلق اہم انکشافات کئے تھے،جاوید چوہدری نے ملک ریاض کے دھماکہ خیزانٹرویو کے حوالے سے پھیلی قیاس آرائیوں کا خاتمہ کرتے ہوئے کہا تھا کہ ملک ریاض نے پہلی مرتبہ زبان کھولنے کا فیصلہ کیا ہے یا انہوں نے زبان کھول لی ہے،یہ 2 چیزیں ہیں اور کچھ لوگوں کا کہنا ہے کہ یہ انٹرویو ریکارڈ ہوچکا ہے تاہم ملک ریاض سے رابطہ کیا تو نہ انہوں نے ’ہاں‘ کی اور نہ ہی ’’ناں‘ کی‘ ،ملک ریاض نے انٹرویو کے مواد کی تصدیق کرتے ہوئے کہا کہ ، ’ہاں، یہ بات درست ہے‘،ملک ریاض کا انٹرویو 3 چیزوں پر مبنی ہے، نمبر ایک یہ کہ سپریم کورٹ کی جانب سے بحریہ ٹاؤن کی مد میں عائد کیے جانے 460 ارب روہے کے جرمانے میں سابق چیف جسٹس ثاقب نثارکا کیا کردار تھااور انہوں نے ملک ریاض سے کیا کیا مراعات حاصل کی تھیں۔

    پی ٹی آئی کیخلاف دائر انٹراپارٹی کیس کا محفوظ فیصلہ کل سنایا جائے گا

    تاہم اب سینئیر صحافی مبشر لقمان کا اپنے یوٹیوب پر جاری ویڈیو پیغام میں کہنا ہے کہ ملک ریاض نے ابھی تک کوئی انٹرویو ریکارڈ نہیں کیا-انہوں نے کہا کہ میرا یہ خیال ہے کہ ابھی تک ملک ریاض کا انٹرویو ریکارڈ نہیں ہوا جتنا میں سمجھتا یا جانتا ہوں انہیں،میرا خیال ہے کہ ملک ریاض کا انٹرویو ریکارڈ ہونےوالا ہے اور انہوں نے فیصلہ کر لیا ہے کہ وہ انٹرویو میں کیا بات کریں گے،اور کس کس پہلو کے اوپر بات کریں گے ملک ریاض بڑے عاجز بیک گراؤنڈ سے اوپر آئے ہیں انہوں نے بڑی محنت کی ہے نہ صرف وہ خود بنے بلکہ انہوں نے اپٔنی فیملی اور اپنے دوستوں کو بھی بنایا بلکہ انہوں نے پورے پاکستان کو بنایا کچھ باتوں کا میں بھی گواہ ہوں جو باتیں ہر کسی کو نہیں پتہ-

    جسٹس مظاہر علی اکبر نقوی کوشوکاز نوٹس جاری

    سنگا پور اور یو اے ای کی حکومتیں ملک ریاض کے پیچھے پڑی ہوئی تھیں اور آج سے بہت سال پہلے کی بات ہے جب یہ دونوں حکومتیں بیک وقت ان کے پیچھے پڑی تھیں کہ وہاں پر وہ ڈویلپمنٹ کا کام کریں ،لیکن انہوں نے منع کر دیا کہا کہ میں پاکستانی ہوں اور پاکستان کے لئے کام کروں گا،انہوں نے پاکستان میں بہت کا م کیا اس میں کچھ غلط بھی ہوں گے لیکن اس کے باوجود بحریہ نے پاکستانیوں کی جو لائف اسٹائل دیا وہ نہ پہلے کبھی پاکستانیوں نے دیکھا تھا نہ سُنا تھا شاید سنا ہو لیکن تجربہ نہیں کیا تھا،بحریہ میں چلے جائیں تو باہر جانے کی ضرورت نہیں رہتی وہاں ہر چیز ہے اسپتال اسکولز مالز وغیرہ سب ہیں،سب سے بڑی بات لائٹ نہیں جاتی مسجدیں اور پارکس وغیرہ بھی بنائیں،انہوں نے صرف پلاٹبیچنے پر پیسے ہی نہیں بنائے بلکہ انہیں کنورٹ بھی کیا یہ سار اسفر ان کا بہت مشکل بھرا تھا اورسب سے زیادہ ان کےگلے میں جو چیز پڑی تھی وہ بہت سال پہلے صحافی سلیم صافی کو انٹرویو کیا تھا کہ پاکستان میں آپ کی جو مرضی فائل ہو اس کو پہیے لگانے پڑتے ہیں اس کے بغیر وہ فائل آگے نہیں چلتی یہی چیز ان کے گلے پڑ گئی اس کے بعد جو بھی حکومت میں آیا پاکستان میں جو بھی طاقت یا اقتدار میں آیا اس نے کہا کہ میں تو اس فائل پر بیٹھا ہوں پہیے لگائیں اور ہر ایک کی اپنی سوچ ہے پہیے لگانے کی-

    وفاق تمام صوبوں میں وسائل کی منصفانہ تقسیم یقینی بنائے،نگران وزیراعظم کی ہدایت

    https://x.com/TeamKharaSach/status/1727306658525880486?s=20

  • پی ٹی آئی کیخلاف دائر انٹراپارٹی کیس کا محفوظ فیصلہ کل سنایا جائے گا

    پی ٹی آئی کیخلاف دائر انٹراپارٹی کیس کا محفوظ فیصلہ کل سنایا جائے گا

    اسلام آباد: پاکستان تحریک انصاف(پی ٹی آئی) کے خلاف دائر انٹراپارٹی کیس کا محفوظ فیصلہ کل سنایا جائے گا-

    باغی ٹی وی: الیکشن کمیشن کی جانب سے کاز لسٹ جاری کی گئی ہےجس کیمطابق پی ٹی آئی کیلئےبلے کا نشان برقرار رکھنے یا نہیں؟ اس حوالے سے فیصلہ جمعرات 23 نومبر کو دوپہر بارہ بجے سنایا جائے گا،تحریک انصاف نے الیکشن کمیشن سے محفوظ شدہ فیصلہ جلد از جلد سنانے کی درخواست کی تھی، جس پر الیکشن کمیشن کی جانب سے اعلان کیا گیا ہے کہ فیصلہ جمعرات کو دن 12 بجے سنایا جائے گا۔

    جسٹس مظاہر علی اکبر نقوی کوشوکاز نوٹس جاری

    پی ٹی آئی کے وکیل کی جانب سے جواب جمع کرانے پر الیکشن کمیشن نے پاکستان تحریک انصاف کے انٹرا پارٹی انتخابات کیس سےمتعلق فیصلہ 13 ستمبر محفوظ کیاتھا الیکشن کمیشن کی جانب سے پی ٹی آئی کو شو کاز نوٹس جاری کیا گیا تھا۔پی ٹی آئی انٹرا پارٹی انتخابات کا معاملہ الیکشن کمیشن میں 2022 سے زیر التوا ہے، کمیشن کی جانب سے پی ٹی آئی کو انٹرا پارٹی انتخابات کرانے کا حکم دیا گیا تھا،الیکشن ایکٹ کے مطابق تمام سیاسی جماعتیں انٹرا پارٹی انتخابات کرانا لازم ہے۔

    وفاق تمام صوبوں میں وسائل کی منصفانہ تقسیم یقینی بنائے،نگران وزیراعظم کی ہدایت

  • پاکستان مجھے اپنے گھر جیسا لگتا ہے،امام کعبہ

    پاکستان مجھے اپنے گھر جیسا لگتا ہے،امام کعبہ

    اسلام آباد: امام کعبہ پروفیسر ڈاکٹر صالح بن عبداللہ بن محمد الحمید نے کہا ہے کہ پاکستان مجھے اپنے گھر جیسا لگتا ہے،پاک سعودی تعلقات گہرے اور تاریخی ہیں –

    باغی ٹی وی : مام کعبہ پروفیسر ڈاکٹر صالح بن عبداللہ بن محمد الحمید سے وفاقی وزیر تعلیم و پیشہ وارانہ تربیت مدد علی سندھی نے ملاقات کی، ملاقات میں سعودی عرب کے سفیر نواف بن سعید المالکی اور بین الاقوامی اسلامی یونیورسٹی کے صدر ڈاکٹر ھذال حمود العتیبی بھی موجود تھے۔

    امام کعبہ نے کہا کہ پاکستان مجھے اپنے گھر جیسا لگتا ہے،پاک سعودی تعلقات گہرے اور تاریخی ہیں،پاکستانیوں سے مل کر مجھے ہمیشہ خوشی ہوتی ہے ، جن استاد محترم سے تحفیظ کا شرف ملا وہ بھی پاکستانی تھے، دونوں ممالک کے لوگوں کے دلوں میں ایک دوسرے کے لیے بے پناہ محبت ہے-

    شمالی وزیرستان میں سیکیورٹی فورسز کے قافلے پر حملے میں 2 اہلکار شہید

    امام کعبہ نے کہا کہ نفرت کو ختم کرنے کا بہترین ذریعہ تعلیم ہے، بین الاقوامی اسلامی یونیورسٹی دینی تعلیم کے فروغ اور اسلامی تعلیمات کی ترویج میں مثالی کردار ادا کر رہی ہے وزارت تعلیم اور اسلامی یونیورسٹی کے مابین جاری تعاون سے دنیا بھر کے طلبا و طالبات کو فائدہ ہوگا۔

    انہوں نے کہا کہ وہ اسلامی یونیورسٹی کو سراہتے ہیں کہ جامعہ نے انسانی جان کی شریعہ و قانون کی روشنی میں اہمیت پر کانفرنس کا اہتمام کیا جس میں وہ خصوصی طور پر شرکت کے لئے آئے ہیں کانفرنس سے ملکی و غیر ملکی طلبا استفادہ کریں گے ، اسلامی تعلیمات کی روشنی میں اعلیٰ معیاری تعلیم کی 30 سے زائد ممالک کے طلبا کو فراہمی پر بین الاقوامی اسلامی یونیورسٹی کی خدمات قابل ستائش ہیں ۔

    پاکستان اور قزاخستان کے درمیان ریاستی میڈیا اداروں کے درمیان تعاون کو فروغ دینے پر …

    انہوں نے کہا کہ خادم حرمین شریفین اور سعودی ولی عہد نے اس کانفرنس کے لئے نیک خواہشات کا اظہار کیا ہےامام کعبہ نے اصول الدین، شریعہ،اور عربی کے شعبوں میں گراں قدر خدمات پر بین الاقوامی اسلامی یونیورسٹی کی تعریف کی ،انہوں نے کہا کہ مجھے بتایا گیا کہ بین الاقوامی اسلامی یونیورسٹی ملک بھر میں سرفہرت ادارہ ہے جہاں غیر ملکی طلبا و طالبات کی سب سے زیادہ تعداد ہے جو کہ خوش آئند بات ہے ۔

    انہوں نے اسلامی تعلیمات کی روشنی میں بہترین اعلیٰ تعلیم کی فراہمی اور اقدامات پر ڈاکٹر ھذال حمود العتیبی کے کردار کی بھی تعریف کی اس موقع پر وفاقی وزیر تعلیم نے پاکستان اور بین الاقوامی اسلامی یونیورسٹی آمد پر امام کعبہ کا شکریہ ادا کیا انہوں نے کہا کہ یونیورسٹی دینی اور عصری علوم کی ترویج کے لئے اہم کردار ادا کر رہی ہے ،وزارت تعلیم جامعہ کے ساتھ بھرپور تعاون جاری رکھے گی، کوشش ہے کہ ہم مدارس اور جامعات کے ذریعے محبت کا پیغام عام کریں۔

    جسٹس مظاہر علی اکبر نقوی کوشوکاز نوٹس جاری

    واضح رہے کہ امام کعبہ بین الاقوامی اسلامی یونیورسٹی کے زیر اہتمام کانفرنس میں شرکت اور خصوصی خطاب کے لئے بدھ کو اسلام آباد پہنچے جبکہ جمعرات کو صبح 9 بجکر 45 منٹ پر فیصل مسجد کیمپس میں وہ اس کانفرنس میں کلیدی خطبہ دیں گے امام کعبہ جمعہ کے روز فیصل مسجد میں نماز جمعہ کی بھی امامت کریں گے-

  • جسٹس مظاہر علی اکبر نقوی کوشوکاز نوٹس جاری

    جسٹس مظاہر علی اکبر نقوی کوشوکاز نوٹس جاری

    اسلام آباد: سپریم جوڈیشل کونسل نے سپریم کورٹ کے جسٹس مظاہر علی اکبر نقوی کو تفصیلی شوکاز نوٹس جاری کردیا۔

    باغی ٹی وی : تفصیلات کے مطابق جسٹس مظاہر نقوی کے خلاف درج درخواست پر شکایت کنندہ کے دلائل مکمل ہونے کے بعد سپریم جوڈیشل کونسل کا اجلاس چیف جسٹس قاضی فائز عیسیٰ کی زیر صدارت ہوا جس میں جسٹس مظاہر نقوی کے خلاف شکایات کا جائزہ لیا گیا، اجلاس میں سامنے آئے شواہد کی روشنی میں جسٹس مظاہر نقوی کو نوٹس جاری کیا گیا۔

    کایت کنندہ اور جسٹس مظاہر نقوی کے دلائل کو بغور جائزہ لینے کے بعد سپریم جوڈیشل کونسل نے جسٹس مظاہر علی اکبر نقوی کو شوکاز نوٹس جاری کرتے ہوئے اُن سے 14 دن میں جواب طلب کرلیا اجلاس میں سامنے آئے شواہد کی روشنی میں نوٹس جاری کیا گیا ہے، 14 روز کے بعد جسٹس مظاہر نقوی کے خلاف مزید کارروائی کا تعین کیا جائے گا۔

    پاکستان اور قزاخستان کے درمیان ریاستی میڈیا اداروں کے درمیان تعاون کو فروغ دینے پر …

    ذرائع کے مطابق جسٹس مظاہر نقوی کو شوکاز نوٹس 4:1 کی اکثریت سے جاری کیا گیا چیف جسٹس قاضی فائز عیسٰی، جسٹس سردار طارق، جسٹس امیر بھٹی اور جسٹس نعیم افغان نے شوکاز جاری کرنے کے حق میں رائے دی جبکہ جسٹس اعجازالاحسن نے شوکاز نوٹس جاری کرنے کی حمایت نہیں کی، شوکاز میں 10 معاملات پر جسٹس مظاہر نقوی سے وضاحت مانگی گئی ہے۔

    دوسری جانب جسٹس مظاہر نقوی نے سپریم جوڈیشل کونسل کی کارروائی کیخلاف درخواست بھی دائر کردی ہے،جسٹس مظاہر نقوی نے شوکاز میں اپنےخلاف شکایات کی تفصیل درج نہ ہونے پر اعتراض کیاتھا، کونسل نے مسلسل 3 دن جسٹس مظاہرنقوی کے خلاف شکایات اور ان کے اعتراضات کا جائزہ لیا۔

    وفاق تمام صوبوں میں وسائل کی منصفانہ تقسیم یقینی بنائے،نگران وزیراعظم کی ہدایت

    واضح رہے کہ جسٹس مظاہر نقوی کو27 اکتوبر کے کونسل اجلاس میں بھی شوکازجاری کیاگیا تھا، جس پر جسٹس مظاہر نقوی نے تین ممبران کی موجودگی پر تحفظات کا اظہار کیا تھا۔

    جسٹس مظاہر نقوی پر الزام ہے کہ انہوں نے بطور سپریم کورٹ جج اپنے اختیارات کا ناجائز استعمال کرتے ہوئے اپنی آمدن سے زیادہ مہنگی لاہور میں جائیدادیں خریدی ہیں لہذا سپریم جوڈیشل کونسل اس کو فروخت کرے اور اعلیٰ عدلیہ کے جج کے خلاف کارروائی کرے۔

    شمالی وزیرستان میں سیکیورٹی فورسز کے قافلے پر حملے میں 2 اہلکار شہید

  • وفاق تمام صوبوں میں وسائل کی منصفانہ تقسیم یقینی بنائے،نگران وزیراعظم کی ہدایت

    وفاق تمام صوبوں میں وسائل کی منصفانہ تقسیم یقینی بنائے،نگران وزیراعظم کی ہدایت

    اسلام آباد:: نگراں وزیرِاعظم انوارالحق کاکڑ نے کہا ہے کہ وفاق کی ذمہ داری ہے کہ تمام صوبوں میں وسائل کی منصفانہ تقسیم یقینی بنائے۔

    باغی ٹی وی: نگراں وزیرِاعظم انوارالحق کاکڑ کی صدارت میں خیبر پختونخوا میں بجلی کے شعبے میں اصلاحات اور دہشتگردی کے خلاف جنگ کے شہدا کے خاندانوں کی بہبود کے حوالے سے جائزہ اجلاس ہوا،اجلاس میں نگراں وزیرِاعلی خیبر پختونخوا جسٹس (ر)ارشد حسین شاہ اور دیگر نے شرکت کی، نگراں وزیرِاعظم کو بجلی چوری کے سد باب کے لیے جاری آپریشن کی تفصیلات سے آگاہ کیا گیا، انوارالحق کاکڑ نے صوبائی انتظامیہ، واپڈا اور آپریشن میں حصہ لینے والے اداروں کے اہلکاروں کے اقدامات کو سراہا۔

    شمالی وزیرستان میں سیکیورٹی فورسز کے قافلے پر حملے میں 2 اہلکار شہید

    پن بجلی کے منصوبوں کی آمدن کی خیبر پختونخوا حکومت کو ادائیگی پر پیشرفت سے بھی آگاہ کیا گیا نگراں وزیرِاعظم انوار الحق کاکڑ نے واپڈا کو معاملے کی راہ میں حائل تمام رکاوٹوں کوجلد از جلد دور کرنےکی ہدایت کردی،انوار الحق کاکڑ نےخیبر پختونخوا کو ہائیڈل منصوبوں کےحوالے سے تمام تر بقایا جات کی ادائیگی فوری یقینی بنانے کی ہدایت اور کہا کہ واپڈا ادائیگیوں کو ترجیحی بنیادوں پر یقینی بنایا جائے۔

    نگراں وزیر اعظم نے کہا کہ خیبرپختونخوا کی حکومت اور مرکزی بجلی خرید ادارہ کے مابین تمام حل طلب معاملات کو جلد حل کیا جائے، وفاق کی ذمہ داری ہے کہ تمام صوبوں میں وسائل کی منصفانہ تقسیم یقینی بنائے، وفاقی حکومت خیبر پختونخوا سمیت تمام صوبوں کے لوگوں کے حقوق کا تحفظ یقینی بنائے گی۔

    باجوڑ میں دھماکا، انصار الاسلام کے سابق امیر جاں بحق

    نگراں وزیرِاعظم کو ملک بھر بالخصوص خیبر پختونخوا میں جاری پن بجلی کے منصوبوں کی پیش رفت سے بھی آگاہ کیا گیا،ملک میں آبی ذخائر اور پن بجلی کے منصوبوں کی تعمیر ترجیحی بنیادوں پر مکمل کی جائے، پاکستان کو اللہ رب العزت نے پانی کے وسیع وسائل سے نوازا ہے جن کا استعمال بہتر بنانے کی ضرورت ہے۔

    اجلاس میں نگراں وزیرِ اعظم کو خیبرپختونخوا میں امن وامان کی صورتحال پر بھی بریفنگ دی گئی انوار الحق کاکڑ نے شہدا ویلفیئر فنڈ کو فوری طور پر شہدا کے اہلِ خانہ تک پہنچانے کی ہدایت کرتے ہوئے کہا کہ شہدا نے ملک کی بقا او ر دفاع کی خاطر اپنی جانوں کا نذرانہ پیش کیا، دہشت گردی کی جنگ میں شہید ہونے والوں کے خاندان اس قوم کے محسن ہیں، ان کی بہبود کے لیے مختص رقم کی ادائیگی میں کسی قسم کا تعطل برداشت نہیں کیا جائے گا۔

    پاکستان اور قزاخستان کے درمیان ریاستی میڈیا اداروں کے درمیان تعاون کو فروغ دینے پر …

  • پاکستان اور قزاخستان کے درمیان ریاستی میڈیا اداروں کے درمیان تعاون کو فروغ دینے پر زور

    پاکستان اور قزاخستان کے درمیان ریاستی میڈیا اداروں کے درمیان تعاون کو فروغ دینے پر زور

    اسلام آباد: نگران وفاقی وزیر اطلاعات، نشریات و پارلیمانی امور مرتضیٰ سولنگی سے پاکستان میں قزاخستان کے سفیر یرژان کسٹافن نے ملاقات کی-

    باغی ٹی وی: دونوں رہنماؤں نے پاکستان اور قزاخستان کے درمیان عوامی سطح پر روابط، ثقافتی وفود کے تبادلوں اور ریاستی میڈیا اداروں کے درمیان تعاون کو فروغ دینے کی ضرورت پر زور دیتے ہوئے کہا ہے کہ ریاستی میڈیا دونوں اطراف اطلاعات تک رسائی کا اہم ذر یعہ ہے، پاکستان شنگھائی تعاون تنظیم کے ارکان کے ساتھ گہرے، تاریخی اور ثقافتی روابط قائم رکھے ہوئے ہے۔

    ملاقات میں دوطرفہ تعلقات، میڈیا کے شعبے میں تعاون کو مضبوط بنانے، عوامی سطح پر روابط کو فروغ دینے اور علاقائی صورتحال سمیت اہم امور پر تبادلہ خیال ہوا، ملاقات میں پاکستان اور قزاخستان میں دونوں ممالک کے ریاستی میڈیا اداروں کے دفاتر قائم کرنے پر بھی اتفاق ہوا-

    نگراں وفاقی وزیر اطلاعات نے کہا کہ پاکستان قزاخستان کے ساتھ اپنے تعلقات کو قدر کی نگاہ سے دیکھتا ہے انہوں نے کہا کہ دونوں ممالک کے درمیان عوامی سطح پر روابط، ثقافتی وفود کے تبادلوں اور ریاستی میڈیا اداروں کے درمیان تعاون کو مزید فروغ دینے کی ضرور ت ہے انہوں نے کہا کہ پی ٹی وی اور ریڈیو پاکستان دونوں اطراف اطلاعات تک رسائی کا اہم ذریعہ ہیں۔

    پاکستان موسمیاتی تبدیلی سے سب سے زیادہ متاثرہ ممالک میں شامل ہے،نگران وزیراعظم

    ملاقات میں پاکستان کی وزارت اطلاعات اور قزاخستان کی وزارت اطلاعات و سماجی ترقی کے درمیان مفاہمت کی یادداشت پر دستخط کا معاملہ بھی زیر بحث آیا اس ضمن میں پاکستان اور قزاخستان کے وزرا اطلاعات کے درمیان بذریعہ زوم میٹنگ کرنے پر بھی اتفاق ہوا۔

    مرتضیٰ سولنگی نے کہا کہ ایسوسی ایٹڈ پریس آف پاکستان (اے پی پی) اور نیشنل کمپنی قزاخ انفارمیشن ایجنسی کے درمیان 2018ءمیں میڈیا تعاون کیلئے مفاہمت کی یادداشت پر دستخط ہوئے تھے، انہوں نے کہا کہ لاہور سے ایک ٹیم فلم شوٹنگ کے لئے قزاخستان روانہ ہو رہی ہے جو دونوں ممالک کے درمیان ثقافتی تعلقات کے فروغ کی جانب اہم قدم ہے۔

    نگراں وفاقی وزیر اطلاعات نے کہا کہ پاکستان شنگھائی تعاون تنظیم اور اقتصادی تعاون تنظیم کا اہم رکن ہے، شنگھائی تعاون تنظیم کا آئندہ اجلاس قزاخستان میں ہو رہا ہے، ایس سی او علاقائی ممالک کے ساتھ تعلقات استوار کرنے کا ایک متحرک پلیٹ فارم ہے۔ مرتضیٰ سولنگی نے کہا کہ پاکستان شنگھائی تعاون تنظیم کے ارکان کے ساتھ گہرے، تاریخی اور ثقافتی روابط قائم رکھے ہوئے ہے، ہمارے مفادات اور مقاصد وسیع پیمانے پر ایک دوسرے سے جڑے ہوئے ہیں۔

    پنجاب پولیس میں 4 ہزار کانسٹیبل بھرتی کرنے کا فیصلہ

    قزاخستان کے سفیر پاکستان کی وزارت اطلاعات و نشریات اور قزاخستان کی وزارت اطلاعات و سماجی ترقی کے درمیان مفاہمت کی یادداشت پر دستخط کے لئے نگراں وفاقی وزیر اطلاعات کو دورہ قزاخستان کی دعوت دی، انہوں نے کہا کہ قزاخستان کے صدر پاکستان اور پاکستان کے عوام سے بہت محبت کرتے ہیں، قزاخستان کے صدر آئندہ سال پاکستان کا دورہ کریں گے، ان کا یہ دورہ تجارتی لحاظ سے اہمیت کا حامل ہوگا جس سے دوطرفہ تجارتی تعلقات کو مزید فروغ حاصل ہوگا۔

    انہوں نے کہا کہ ہم دونوں ممالک کے ریاستی میڈیا کے درمیان تعاون کو مزید مضبوط کرنا چاہتے ہیں قزاخستان کے سفیر نے کہا کہ مشرق وسطیٰ کو گرم پانیوں تک رسائی کے لئے پاکستان اہم ملک ہے جبکہ پاکستان کا شہر سیالکوٹ فٹ بال اور سرجیکل آلات کی تیاری میں بہت مشہور ہے نگران وفاقی وزیر اطلاعات نے دونوں ممالک کے درمیان تجارت اور سرمایہ کاری کے مواقع کو مزید بڑھانے سمیت قریبی معاشی تعلقات کو فروغ دینے کی اہمیت کو بھی اجاگر کیا۔

    شمالی وزیرستان میں سیکیورٹی فورسز کے قافلے پر حملے میں 2 اہلکار شہید

  • پنجاب پولیس میں 4 ہزار کانسٹیبل بھرتی کرنے کا فیصلہ

    پنجاب پولیس میں 4 ہزار کانسٹیبل بھرتی کرنے کا فیصلہ

    لاہور: آئی جی ڈاکٹر عثمان انور نے پنجاب پولیس میں 4 ہزار کانسٹیبل بھرتی کرنے کا فیصلہ کیا ہے۔

    باغی ٹی وی: آئی جی پنجاب کے مطابق نفری پوری کرنے کے لیے 4 ہزار کانسٹیبلز بھرتی کئے جائیں گے، آئی جی پنجاب نے بھرتی کے لیے حتمی منظوری کی سمری پنجاب حکومت کو بھیج دی، حکومتی منظوری کے بعد بھرتی کا اشتہار شائع کر دیا جائے گا۔

    دوسری جانب تھانہ کلچر ختم کرنے کےلئے اقدامات تیز، آئی جی پنجاب ڈاکٹر عثمان انور،قابل پولیس افسروں میں24کروڑ روپے تقسیم کئے ،آئی جی پنجاب پولیس ڈاکٹر عثمان انور نے کہا ہے کہ تھانیداری کلچر کے خاتمے کے لیے انوسٹیگیشن کے جدید ٹیکنالوجی کے ذرائع اور ہیومین انٹیلی جینس میں بہتر کارکردگی کے حامل پولیس اہلکاروں کو اب تک صوبے بھر میں 24 کروڑ روپے کی رقم تقسیم کی گئی ہے تاکہ ان کی محنت کا کچھ انعام ملے یہ ہر تنخواہ میں ٹرانسفر کی جاتی ہے-

    شمالی وزیرستان میں سیکیورٹی فورسز کے قافلے پر حملے میں 2 اہلکار شہید

    انہوں نے کہا کہ تھانہ کلچر کی فرسودگی اس سے ختم ہو رہی ہے ان خیالات کا اظہار انہوں نے ڈسٹرکٹ پولیس آفیسر وہاڑی محمد عیسی خان سے ملاقات میں کیا اس موقع پر ڈی پی او وہاڑی نے آئی جی پی ڈاکٹر عثمان انور کو بتایا کہ اب تک جدید ٹیکنالوجی کے استعمال سے ضلع وہاڑی میں ڈکیتی کے دوران کیے گئے 4 مرڈرز اور 10بلائنڈ مرڈرز کو ٹریس کیا جا چکا ہے ۔

    باجوڑ میں دھماکا، انصار الاسلام کے سابق امیر جاں بحق

    اس موقع پر ڈاکٹر عثمان انور نے ٹیکنالوجی ماہر سلیم کی بھی ان سے ملاقات کرائی جنہوں نے آئی جی پی پنجاب کے سوال پر بتایا کہ وہ اس سلسلے میں جیو فینسنگ ،سی ڈی آر ۔اور ریکارڈ ملزمان سے ہیلپ لیتےہیں، ڈی پی او وہاڑی نے بتایا کہ پولیس میٹنگ اہم ایشو پر ایک بجے شب تک جاری رہی رابطے پر سلیم، کمپیوٹر پر مصروف ملی جرائم کو ٹریس کر نے پر آئی جی پی پنجاب نےسلیم کو ذہین قرار دیتے ہوئے سی سی ون سرٹیفیکیٹ اور کیش پرائز دیا گیا۔

    پاکستان موسمیاتی تبدیلی سے سب سے زیادہ متاثرہ ممالک میں شامل ہے،نگران وزیراعظم