یروشلم: اسرائیل نے الزام عائد کیا ہے کہ حملے سے قبل ایران نے حماس کو ہتھیار بنانے کی تربیت دی۔

باغی ٹی وی: غیر ملکی میڈیا کے مطابق اسرائیلی حکام نے ایران پر الزام عائد کیا ہے کہ ایران نے 7 اکتوبر کو جنوبی اسرائیل میں حملہ کرنے سے قبل حماس کو اپنے ہتھیار تیار کرنے میں مدد فراہم کی تھی،غزہ کے باہر حماس کے ایک پک اپ ٹرک میں کمپیوٹر کے اندر سے ایسی دستاویز ملی ہیں جن سے معلوم ہوتا ہے کہ حماس کے ایک فوجی کمانڈر نے اپنے کارکنوں کے لیے ایرانی یونیورسٹیوں میں انجینئرنگ، فزکس اور ٹیکنالوجی کی تعلیم حاصل کرنے اور ہتھیار بنانے کا طریقہ سیکھنے کے لیے اسکالرشپ کی درخواست کی تھی۔

رپورٹ کے مطابق اسرائیلی حکام نے کہا کہ یہ پہلی دفعہ معلوم ہوا کہ ایران نے حماس کے کارکنوں کے لیے تربیت دینے کے لیے اس قسم کی یونیورسٹی سے متعلق مالی اعانت فراہم کرنے کی کوشش کی ہے تاہم اس دعوے کی امریکی حکام نے تصدیق نہیں کی۔

ترکیہ نے اسرائیلی وزیراعظم کیخلاف بین الاقوامی عدالت سے رجوع کرلیا

ملنے والی دستاویز گزشتہ جولائی کا ایک خط ہے جس میں حماس کے ایک فوجی کمانڈر نے ایرانی حکومت کو درخواست کی تھی کہ اس کی یونٹ کے 7 ارکان کو اسکالر شپ پروگرام میں شرکت کے لیے ایران جانے کی اجازت دی جائے۔

دوسری جانب اسرائیلی فوج نے غزہ میں مسجد پر حملہ کر کے 50 نمازیوں کو شہید کر دیا جبکہ متعدد افراد زخمی ہو گئے، عرب میڈیا کے مطابق اسرائیلی طیاروں نے وسطی غزہ کے علاقے سبرا میں مسجد پر اس پر بمباری کی جب مسجد میں نماز جاری تھی اور مسجد نمازیوں سے بھری ہوئی تھی۔

صیہونی فورسز کی جانب سے اردنی فیلڈ اسپتال پر فضائی حملہ کیا گیا جس میں 7 ارکان زخمی ہو گئے جبکہ اسرائیلی فوج ایک بار پھر غزہ کے الشفا اسپتال میں داخل ہو گئی، اسپتال کے جنوبی داخلی راستے کے کچھ حصوں کو تباہ کر دیا، بیسمنٹ سمیت مختلف حصوں میں تلاشی کے دوران نہ یرغمالی ملے، نہ کسی سرنگ کا نشان ہاتھ لگااسرائیلی فوج کی جانب سے الشفا اسپتال سے حماس کا اسلحہ اور وردیاں ملنے کا دعویٰ کیا گیا تاہم اسرائیلی دعویٰ ڈاکٹروں اور حماس نے جھوٹا قرار دے دیا۔

غزہ جنگ:کینیڈین اور اسرائیلی وزیراعظم کا سوشل میڈیا پر مکالمہ

اسرائیلی فوج کے اکاؤنٹ سے بطور ناقابل تردید شواہد پوسٹ کی جانے والی الشفا اسپتال کی وڈیو ڈیلیٹ کر دی گئی، ایڈیٹنگ اور کچھ چیزیں چھپانے کے بعد دوبارہ نشر کرنے سے اسرائیلی دعوؤں پر شہبات بڑھ گئے۔

واضح رہے کہ اسرائیلی فوج کی غزہ میں بمباری کو 40 روز ہو چکے ہیں اور اب تک ساڑھے 11 ہزار سے زائد فلسطینی شہید اور 25 ہزار سے زائد زخمی ہو چکے ہیں،اسرائیلی فوج نے اسکولوں، اسپتالوں اور پناہ گزین کیمپوں پر بھی بمباری کر کے فلسطینیوں کو شہید کیا جبکہ مغربی کنارے اور خان یونس کے علاوہ دیگر علاقوں میں بھی اسرائیل کی چھاپہ مار کارروائیوں کا سلسلہ جاری ہے۔

غزہ میں اسرائیلی مظالم کیخلاف امریکا کے یہودیوں کا احتجاج

غزہ میں جاری جنگ کے معاملے پر کینیڈین وزیراعظم جسٹن ٹروڈو نے سوشل میڈیا پر اسرائیل سے تحمل کامطالبہ کیا جس پر ان کے اسرائیلی ہم منصب بن یامین نیتن یاہو نے بھی ردعمل دیا-

باغی ٹی وی : کینیڈین وزیراعظم جسٹس ٹروڈو نے سوشل میڈیا پر لکھا کہ اسرائیل کو چاہیے کہ غزہ میں اپنے فوجی آپریشن کو لگام دے، غزہ میں عورتوں، بچوں اور شیرخواروں کی ہلاکتیں دیکھ رہے ہیں، یہ سب رکنا چاہیے، غزہ میں انسانی المیہ، خصوصاً الشفا اسپتال کے واقعات دل کو جھنجھوڑنے والے ہیں، جنگ کے بھی اصول ہوتے ہیں، اسرائیلی ہو یا فلسطینی، ہر معصوم زندگی برابر ہوتی ہے، اسرائیلی حکومت سے حتی الامکان تحمل کا مطالبہ کرتا ہوں۔
https://x.com/netanyahu/status/1724588372994216010?s=20
جس پر اسرائیلی وزیراعظم بنیامین نیتن یاہو نے جسٹس ٹروڈو کو سوشل میڈیا پر ہی جواب دیتے ہوئے کہا کہ حماس نے جو کچھ کیا وہ یہودیوں کے ساتھ ہولوکاسٹ کے بعد سب سے بڑا ظلم ہے، اسرائیل عام شہریوں کو خطرے کی راہ سے ہٹانے اور حماس خطرے کی راہ پر ڈالنے میں لگی ہے، اسرائیل نے غزہ کیلئے انسانی امداد کا کوریڈور کھولا۔

غزہ میں اسرائیلی مظالم کیخلاف امریکا کے یہودیوں کا احتجاج

نیتن یاہو نے کہا کہ جہاں اسرائیل شہریوں کو نقصان کے راستے سے دور رکھنے کے لیے سب کچھ کر رہا ہے، وہیں حماس انھیں نقصان پہنچانے کے لیے سب کچھ کر رہی ہے اسرائیل غزہ میں شہریوں کو انسانی ہمدردی کی راہداری اور محفوظ زون فراہم کرتا ہے، حماس انہیں بندوق کی نوک پر جانے سے روکتی ہےیہ حماس نہیں اسرائیل ہے جسے دوہرے جنگی جرم کے ارتکاب کے لیے جوابدہ ہونا چاہیے – شہریوں کے پیچھے چھپ کر شہریوں کو نشانہ بناناتہذیب کی قوتوں کو حماس کی بربریت کو شکست دینے میں اسرائیل کا ساتھ دینا چاہیے۔

دوسری جانب آئرلینڈ کی اپوزیشن رہنما میری لو مکڈونلڈ نے اپنی حکومت سے اسرائیل کو بین الاقوامی فوجداری عدالت کے کٹہرے میں لانے کا مطالبہ کیا ہے،میری لو مکڈونلڈ نے پارٹی کی سالانہ تقریب میں آئر لینڈ میں تعینات فلسطینی سفیر کا خیر مقدم کیا اور فلسطین میں اسرائیلی فورسز کے حملوں کی شدید مذمت کرتے ہوئے کہا کہ غزہ بچوں کا قبرستان بن چکا ہے، ہر 10 منٹ میں ایک بچہ مارا جا رہا ہے۔

غزہ جنگ میں امریکا خاموشی سے اسرائیل کو ہتھیاروں کی منتقلی بڑھا رہا ہے،بلوم …

انہوں نے آئرش حکومت سے اسرائیل کو بین الاقوامی فوجداری عدالت کے کٹہرے میں لانے اور اسرائیلی سفیر کو واپس بھیجنے کا مطالبہ کیا انہوں نے سوال کیا کہ غزہ میں مارے جانے والے ہر بچے اور مردہ بچے کی سرد لاش اٹھانے کے لیے بین الاقوامی قانون کا تحفظ کہاں ہے؟ اسرائیل کو استثنیٰ کے ساتھ مظالم کی اجازت نہیں دی جا سکتی۔

علاوہ ازیں غیر ملکی میڈیا کے مطابق اقوام متحدہ کے ذیلی ادارے یونیسیف کی سربراہ کیتھرین رسل نے غزہ کا دورہ کیا اور غزہ میں تباہ کن مناظر کی مذمت کی،کیتھرین رسل نے فریقین پر غزہ میں جاری وحشت کو روکنے پر زور دیتے ہوئے کہا میں نے جو دیکھا اور سنا وہ تباہ کن تھا، غزہ کے شہریوں نے متعدد بمباری، نقصان اور نقل مکانی کو برداشت کیا ہے، غزہ کے اندر 10 لاکھ بچوں کے واپس جانے کیلئے کوئی جگہ محفوظ نہیں ہے۔

ترکیہ نے اسرائیلی وزیراعظم کیخلاف بین الاقوامی عدالت سے رجوع کرلیا

عرب میڈیا کے مطابق اسرائیلی فوج نے الشفا اسپتال سے 30 افراد کو گرفتار کر لیا ہے، اسپتال سے نکالے گئے افراد کی آنکھوں پر پٹیاں بندھی ہوئی ہیں اور گرفتار کیے گئے افراد کے گرد تین ٹینک کھڑے ہیں ایک ٹینک الشفا اسپتال کی ایمرجنسی کے دروازے پر کھڑا کیا گیا ہے، اسرائیلی فوج الشفا اسپتال کی سرجری بلڈنگز میں داخل ہو گئے ہیں، اسرائیلی فوجیوں نے الشفا کے سرجری ڈپارٹمنٹ کی تمام پارٹیشنز اکھاڑ دی ہیں،اسرائیلی ریڈیو کہہ چکا ہےکہ الشفا میں یرغمالیوں کا کوئی نشان نہیں ملا جبکہ فلسطینیوں کو خدشہ ہےکہ اسرائیلی فوج اسپتال پر قبضہ کرکے حماس سے منسوب کوئی غلط کام کریں گے۔

امریکی صدر جوبائیڈن، انٹونی بلنکن اور لائڈ آسٹن کے خلاف مقدمہ درج

واشنگٹن: غزہ میں اسرائیلی مظالم کے خلاف امریکا کے یہودیوں نے احتجاج کیا ہے-

باغی ٹی وی: غیر ملکی خبر رساں ادارے کے مطابق امریکی شہر آکلینڈ کی سرکاری عمارت کے اندر یہودی مظاہرین نے دھرنا دے دیا،دھرنے میں شریک مظاہرین نے غزہ میں جنگ بندی کے نعرے لگائے جب کہ شکاگو میں بھی جنگ بندی کے پلے کارڈز اٹھائے یہودیوں نے مظاہرہ کیا اور اس دوران ٹرانسپورٹیشن سینٹر کے راستے بلاک کردئیے، پولیس نے مظاہرین کے خلاف کارروائی کی اور اس دوران 100 سے زیادہ مظاہرین کو گرفتار کرلیا۔

جہاں یہودیوں نے غزہ میں جنگ بندی کے خلاف دھرنا دیا وہیں واشنگٹن میں اسرائیل کے حامیوں کی جانب مظاہرہ میں جنگ بندی کی مخالفت کا اعلان کردیا منگل کو واشنگٹن میں ہزاروں افراد حماس کے خلاف جمع ہوئے، جو اپنے ہاتھوں میں پلے کارڈز اٹھائے ہوئے تھے، اس موقع پر انتہائی سخت سیکیورٹی کے انتظامات کیے گئے تھے مقررین میں اسرائیلی صدر اسحاق ہرزوگ، سابق سوویت مخالف اور یہودی ایجنسی کے ایگزیکٹیو چیئر نتن شرناسکی اور سینیٹ کے اکثریتی رہنما شامل تھے۔

پاکستان کا اہم مسئلہ ٹیکس کا ہے، ایم ڈی آئی ایم ایف

چک شومر کی قیادت میں امریکی کانگریس کی سینئر شخصیات کا پرتپاک استقبال کیا گیا کیونکہ انہوں نے عہد کیا کہ اسرائیل اور اس کے ساتھ قریبی تعلقات ہیں اسرائیلی صدرنے ​​یروشلم سے ویڈیو لنک کے ذریعے بات کرتے ہوئے کہا کہ یہودیوں پر یہودی ہونے کی وجہ سے حملہ کیا جا رہا ہے، جسے انہوں نے تمام مہذب لوگوں اور قوموں کے لیے شرمندگی“ قرار دے دیا۔

ریپبلکن ہاؤس کے اسپیکر مائیک جانسن نے مظاہرین سے کہا کہ“جنگ بندی کی یہ آوازیں اشتعال انگیز ہیں“، جس کے رد عمل میں وہاں موجود افراد نے ”جنگ بندی نہیں“ کے نعرے لگائے۔

نواز شریف کی ہوٹل سے واپسی، کارکنوں اور سیکیورٹی اہلکاروں کے مابین جھگڑا ہو …

واضح رہے کہ اسرائیل نواز پالیسی پر امریکی حکومت کے 500 سے زائد اہلکار صدر جوبائیڈن کے خلاف سراپا احتجاج ہیں، امریکی اہلکاروں نے غزہ میں جاری فلسطینیوں پر مظالم کے خلاف آواز نہ اٹھانے پر صدر بائیڈن کو احتجاجی خط لکھ دیا جس میں فلسطین میں فوری جنگ بندی اور اسرائیل پر زور دے کر فلسطینیوں کے لیے سامان غزہ جانے کی اجازت دلوانے کا مطالبہ کیاہے۔