Baaghi TV

Author: Ayesha Rehmani

  • حکومت صاف شفاف انتخابات کے انعقاد کیلئے ہر قسم کا تعاون کرے گی،نگران وزیراعظم

    حکومت صاف شفاف انتخابات کے انعقاد کیلئے ہر قسم کا تعاون کرے گی،نگران وزیراعظم

    اسلام آباد: نگران وزیراعظم ا نوارالحق کاکڑ سے چیف الیکشن کمشنر سکندرسلطان راجہ نے اہم ملاقات کی ہے۔

    باغی ٹی وی : تفصیلات کے مطابق چیف الیکشن کمشنر نے عام انتخابات کے انعقاد کے حوالے سے کمیشن کی تیاریوں پر بریفنگ دی،چیف الیکشن کمشنر نے وزیراعظم کو انتخابات کی تیاریوں کا جائزہ لینے کیلئے الیکشن کمیشن کا دورہ کرنے کی دعوت بھی دی ۔

    چیف الیکشن کمشنر سکندر سلطان راجہ نے وزیر اعظم کو بتایا کہ الیکشن کمیشن نے 8 فروری 2024 کے عام انتخابات کیلئے تمام ضروری تیاری کرلی ہے، پولنگ اسٹیشنز، پولنگ اسٹاف کی فہرستیں بھی تیار کرلی گئی ہیں؛چیف الیکشن کمشنر کا کہنا تھا کہ الیکشن مٹیریل کی پرنٹنگ کا کام بھی آخری مراحل میں ہے جبکہ انتخابی فہرستیں اپ ڈیٹ کرنے کا کام بھی تکمیل کے مراحل میں ہے؛ جلد ہی تمام اضلاع میں انتخابی فہرستیں پہنچا دی جائیں گی، الیکشن کمیشن بروقت انتخابات کے انعقاد، انتخابی شیڈول جاری کرنے کا پابند ہے، الیکشن کمیشن آئینی ذمہ داریوں کو خوش اسلوبی سے انجام دے گا۔

    نگران وزیراعظم نے کہا حکومت الیکشن کمیشن کوصاف شفاف انتخابات کے انعقاد کیلئے ہر قسم کا تعاون کرے گی،آزادانہ اورصاف شفاف الیکشن کیلئے تمام ضروری وسائل کی فراہمی یقینی بنائیں گے۔

    سونے کی قیمت میں معمولی کمی

    دوسری جانب الیکشن کمیشن کی جانب سے ووٹر لسٹیں منجمد کردی گئیں ہیں،الیکشن کمیشن کی جانب سے ووٹر لسٹوں کو منجمد کرنے کے بعد آئندہ عام انتخابات کے لیے ووٹر لسٹوں کی تیاری پر کام جاری ہے،الیکشن کمیشن نے ووٹر لسٹوں کو منجمد کردیا ہے، جس کے بعد اب ووٹرز کا اندراج یا اخراج نہیں ہوگا بلکہ الیکشن کمیشن رواں ماہ کی 25 تاریخ تک ووٹر لسٹوں کو فائنل کردے گا، اور 25 نومبر تک ہی ووٹر لسٹوں کی اشاعت مکمل کر لی جائے گی۔

    ڈی جی خان :ڈسٹرکٹ کوالٹی کنٹرول بورڈ اجلاس،36کیسز کی سماعت کی گئی

    قبل ازیں چیف الیکشن کمشنر سکندر سلطان راجہ نے میڈیا سے گفتگو میں کہا تھا کہ نگران حکومت بنانا الیکشن کمیشن کا کام نہیں تاہم نگران حکومت کو چیک کرنا الیکشن کمیشن کا کام ہے اٹارنی جنرل بھی الیکشن کمیشن کے خاندان کا حصہ ہیں سی ڈی اے اراکین کا جھگڑا بنا لیکن میں کسی کو نہیں جانتا اور ہم نے 2 اراکین سی ڈی اے کے تبدیل کیے جو سب سے دیکھا، ہم نے خیبرپختونخوا کی کابینہ تبدیل کروائی اور الیکشن کمیشن نے وفاقی کابینہ پر بھی نوٹسز لیے جبکہ ہم نے تمام فیصلے مشاورت سے کیے۔

    سیالکوٹ :تھانہ سمبڑیال کے علاقہ میں کھیت سے 2 نوجوانوں کی لاشیں برآمد

  • لاہور میں 9 سالہ گھریلو ملازم کی پھندا لگی لاش برآمد

    لاہور میں 9 سالہ گھریلو ملازم کی پھندا لگی لاش برآمد

    لاہور: 9 سالہ گھریلو ملازم کی پھندا لگی لاش برآمد ہوئی ہے،-

    باغی ٹی وی: لاہور کے علاقے باغبانپورہ میں 9 سالہ بچے کی پھندا لگی لاش برآمد ہوئی والدہ نے مالک مکان پر بیٹے کو زیادتی کے بعد قتل کرنے کا الزام عائد کردیا، والدہ کے الزام پر پولیس نے پراپرٹی ڈیلر کے خلاف قتل کا مقدمہ درج کرکے تفتیش شروع کردی۔

    بچے کی والدہ کی جانب سے درج کرائی گئی ایف آئی آر میں بتایا گیا ہے کہ 9 سالہ بیٹے کو 5 سال قبل پراپرٹی ڈیلر کے گھر ملازم رکھوایا تھا، مگر پانچ سال سے بیٹے سے ملنے نہیں دیا گیا،ملزمان نے اچانک کال کرکے بتایا کہ آپ کے بیٹے نے خودکشی کرلی ہے، اور ملزمان ہمارے آنے سے پہلے بیٹے کی لاش کو مردہ خانے پہنچا گئے تھے میرے بیٹے کو مالک مکان نے زیادتی کے بعد قتل کیا ہے،دوسری جانب پولیس کا کہنا ہے کہ قتل کا مقدمہ درج کرلیا گیا ہے، پوسٹ مارٹم رپورٹ کے بعد حقائق سامنے آئیں گے۔

    13 سالہ بچے کو زیادتی کے بعد قتل کرنے والا ملزم گرفتار

    قبل ازیں لاہور کے علاقے پھول نگر میں 13 سالہ بچے کو زیادتی کے بعد قتل کرنے والے ملزم کو پولیس نے گرفتارکیا پندرہ روز قبل 13 سالہ بچے علی حسن کو زیادتی کے بعد قتل کیا گیا، ڈی ایس پی عرفان بٹ نے پریس کانفرنس میں ملزم کی گرفتاری کے حوالے سے بتایا تھا کہ ملزم نے دوران زیادتی بچے کی اپنے موبائل سے ویڈیو بنائی تھی،ملزم سےبرآمد ہونےوالے موبائل کو فرانزک کروا کے ڈیلیٹ شدہ ویڈیو اور نازیبا تصاویر حاصل کرلیں ملزم کی شناخت عبداللہ کےنام سےہوئی جو نواحی گاؤں خان کے موڑ کا رہائشی اور دینہ ناتھ اڈے پر قائم بیکری میں ملازمت کرتا تھا ملزم عبداللہ نے تیرہ سالہ بچے سے زیادتی اور قتل کا اعتراف بھی کیا ہے۔

    سیالکوٹ: مشہور مقدمہ قتل میں مطلوب 4 اشتہاری ملزمان کراچی سے گرفتار

  • سونے کی قیمت میں معمولی کمی

    سونے کی قیمت میں معمولی کمی

    لاہور: ملک میں سونے کی فی تولہ قیمت 200 روپے کم ہوئی ہے۔

    باغی ٹی وی : آل پاکستان جیمز اینڈ جیولرز ایسوسی ایشن کے مطابق 200 روپے کمی کے بعد ملک میں ایک تولہ سونے کی قیمت 2 لاکھ 14 ہزار روپے ہے،10 گرام سونے کی قیمت 172 روپے کم ہو کر ایک لاکھ 83 ہزار 477 روپے ہے، عالمی صرافہ میں سونے کی قیمت 15 ڈالر کم ہوکر ایک ہزار 968 ڈالر فی اونس ہے،پاکستان میں سونے کی عالمی قیمت 20 ڈالر پریمیم شامل کر کے ایک ہزار 988 ڈالر فی اونس ہے۔

    دوسری جانب انٹربینک میں دوسرے کاروباری روز کے اختتام پر ڈالر کی قیمت میں مزید اضافہ ریکارڈ کیا گیا، اسٹیٹ بینک آف پاکستان کی جانب سے جاری اعدادو شمار کے مطابق آج منگل کے روز کاروبارکےاختتام پرڈالر کی قیمت میں مزید 1 روپے 10 پیسے کا اضافہ ہوا ہےجس کے بعد ڈالر کی قیمت 285 روپے 29 پیسے سے بڑھ کر 286 روپے 39 پیسے کی سطح پر بند ہوئی،آج صبح کاروبار کے آغازپرانٹر بینک میں ڈالر 66 پیسے مہنگا ہو کر 285 روپے 95 پیسے کی سطح پر ٹریڈ کر رہا تھا۔

    ساڑھے 4 ہزار سال پہلے ابو الہول کی تعمیر کیسے ممکن ہوئی،محققین نے راز جان …

    ملک بھر میں ڈالر کی قدر میں اضافے کے بعد مارکیٹ میں لوہا بھی مہنگا ہو گیا ہےصدر آل سٹی تاجر اتحاد حماد پونا والا کا کہنا ہے کہ ڈالر کی قیمتوں نے چند دنوں کی کمی کے بعد دوبارہ اڑان بھرنا شروع کر دی جس کے بعد مارکیٹ میں لوہا مہنگا ہو گیا ہےعالمی مارکیٹ میں لوہے کی قیمتوں میں بھی 50 ڈالرز فی ٹن اضافہ ہو گیا ہےڈالر کی بڑھتی قیمتوں اور عالمی منڈی میں لوہے کی قیمتوں میں اضافے سے لوکل مارکیٹوں میں بھی اضافہ ہو رہا ہے لوکل مارکیٹوں میں لوہے کی قیمتوں میں 1 ہفتے میں تقریباً 30 ہزار روپے فی ٹن کا اضافہ ہو چکا ہے۔

    ڈالر مزید مہنگا،سٹاک مارکیٹ بھی پہلی بار ملکی تاریخ کی بلند ترین سطح …

  • تہذیب کی کہانی Story of Civilization کے مصنف ول ڈیورانٹ

    تہذیب کی کہانی Story of Civilization کے مصنف ول ڈیورانٹ

    تہذیب کی کہانی Story of Civilization کے مصنف ول ڈیورانٹ

    باغی ٹی وی: امریکہ سے تعلق رکھنے والے عالمی شہرت یافتہ تصنیف” تہذیب کی کہانی” Story of Civilization کے مصنف، فلسفی اور مورخ ول ڈیورانٹ 5 نومبر 1885 میں نارتھ ایڈمز میساچوسٹس میں پیدا ہوئے انہوں نے سینٹ پیٹرز کالج نیوجرسی سے گریجویشن کیا اور بعد ازاں اسی کالج آف یونیورسٹی میں لیکچرر مقرر ہوئے وہ وہاں لاطینی، فرانسیسی، انگریزی اور جیومیٹری پڑھاتے رہے ول ڈیورانٹ نے 1913 میں ایرئیل نامی 20 سالہ لڑکی سے پسند کی شادی کی جس کے بعد انہوں نے یونیورسٹی کی سرکاری ملازمت چھوڑ دی اور اپنی اہلیہ کے ہمراہ یورپ کی سیاحت کیلئے روانہ ہو گئے ۔

    انہوں نے کولمبیا یونیورسٹی سے 1917 میں پی ایچ ڈی کی ڈگری حاصل کی، ول ڈیورانٹ نے متعدد کتابیں لکھیں جن میں سب سے زیادہ عالمی شہرت اور پذیرائی 11 جلدوں پر مشتمل ان کی کتاب ” اسٹوری آف سولائیزیشن” (تہذیب کی کہانی)کو حاصل ہوئی تاہم ان کی دیگر تصانیف بھی بہت بڑی اہمیت کی حامل ہیں ، ول ڈیورانٹ کی 7 نومبر 1981 میں وفات ہوئی۔ ان کی تصانیف کی دنیا کی کئی زبانوں میں ترجمے ہو چکے ہیں جن میں اردو بھی شامل ہے ۔ ول ڈیورانٹ کی چند تصانیف کی فہرست درج ذیل ہے۔

    1. (Philosophy and the Social Problem)
    2. (The Story of Philosophy)
    3.(The Story of Civilization)
    4. (Transition)
    5. (The Mansions of Philosophy)
    6. (The Case for India)
    7. (The Pleasures of Philosophy)
    8. ( The Lessons of History)
    9. (Interpretations of Life)

  • ساڑھے 4 ہزار سال پہلے ابو الہول کی تعمیر کیسے ممکن ہوئی،محققین نے راز جان لیا

    ساڑھے 4 ہزار سال پہلے ابو الہول کی تعمیر کیسے ممکن ہوئی،محققین نے راز جان لیا

    قاہرہ: سائنسدانوں نے دعویٰ کیا ہے کہ انہوں نے جان لیا کہ آخر ساڑھے 4 ہزار سال پہلے ابو الہول کی تعمیر کیسے ممکن ہوئی-

    باغی ٹی وی: صدیوں پرانے گیزہ کے عظیم ہرم کے ساتھ ساتھ ابو الہول کا مجسمہ عرصے سے سائنسدانوں کے لیے معمہ بنا ہوا ہے جو اب تک یہ سمجھ نہیں سکے تھے کہ ہزاروں سال قبل 20 میٹر اتنا بڑا مجسمہ کیسے تعمیر کیا گیا-

    اب سائنسدانوں نے اس حوالے سے دعویٰ کیا ہے کہ انہوں نے جان لیا کہ آخر ساڑھے 4 ہزار سال پہلے ابو الہول کی تعمیر کیسے ممکن ہوئی دہائیوں سے ماہرین اس خیال پر متفق تھے کہ ابو الہول کے اس مجسمے کا چہرہ پتھروں کے اوزاروں سے تراشا گیا تھا، مگر وہ یہ سمجھ نہیں سکے تھے کہ اس کا اتنا بڑا جسم کیسے تیار کیا گیا۔

    بابا وانگا کی سال 2024 کے حوالے سے 7 پیشگوئیاں

    نیویارک یونیورسٹی کی ایک تحقیق میں اس کا ممکنہ جواب دیا گیا تحقیق میں بتایا گیا کہ ایسا صحرا میں صدیوں سے تیز ہواؤں کا سامنا کرنے سے چٹان میں آنے والی تبدیلیوں سے ممکن ہوا لیبارٹری تجربات سے ثابت ہوا کہ ہوا کے تیز بہاؤ سے چٹانوں میں ابو الہول جیسی ساخت کا بننا ممکن ہے تاہم اس کا مطلب یہ نہیں کہ یہ عظیم مجسمہ مکمل طور پر قدرت نے تراشا ہے بلکہ چٹان میں آنے والی تبدیلیوں کو قدیم مصریوں نے مجسمے کی شکل دی۔

    اس تحقیق کے لیےمحققین نے چونے پر مبنی ماڈل چٹانیں تیار کیں اور انہیں پانی کی تیز دھار سے دھویا ابو الہول کے مجسمے میں موجود اجزا کا خیال رکھتے ہوئے ان ماڈلز کے لیے نرم چونے کو استعمال کیا گیا اور پانی کے بہاؤ سے ان ماڈلز میں شیر جیسی ساخت بننا شروع ہوگئی، صحرا کے اندر تیز ہواؤں کے باعث اس طرح کی چٹانوں میں قدرتی طور پر کسی جانور کے بیٹھے یا لیٹے ہونے جیسی شکل بن جاتی ہے۔

    طویل القامت پاکستانی غلام شبیر جدہ میں انتقال کرگئے

    1981 میں ایک ماہر ارضیات فاروق الباز نے خیال ظاہر کیا تھا کہ ابو الہول کے مسجمے کی تعمیر میں تیز ہواؤں نے اہم کردار ادا کیا تھااب نئی تحقیق کے نتائج سے اس خیال کو تقویت ملی ہے محققین کے مطابق نتائج سے عندیہ ملتا ہے کہ ابو الہول جیسے اسٹرکچر اس طرح کے حالات میں تشکیل پا سکتے ہیں. مگر انہوں نے تسلیم کیا کہ ابھی بھی اس سوال کا جواب نہیں معلوم ہوسکا کہ مجسمے کا کتنا حصہ قدرتی ہے اور کتنا حصہ انسانوں کا تیار کردہ ہے؛ ہماری تحقیق میں یہ خیال ظاہر کیا گیا کہ سر، گردن اور پنجے کا بیشتر حصہ قدرت کا تراشا ہوا ہے۔

    اسرائیل نے کرائے کے فوجیوں کی بھرتی شروع کر دی،ہسپانوی اخبار کا دعویٰ

  • ڈالر مزید مہنگا،سٹاک مارکیٹ بھی پہلی بار ملکی تاریخ کی بلند ترین سطح پر

    ڈالر مزید مہنگا،سٹاک مارکیٹ بھی پہلی بار ملکی تاریخ کی بلند ترین سطح پر

    اسلام آباد:انٹر بینک میں ڈالر کے مقابلے روپے کی بے قدری کا تسلسل برقرار ہے۔

    باغی ٹی وی: ڈالر کی قیمت میں اضافے کا تسلسل آج بھی جاری رہا، انٹربینک میں ڈالر کی قیمت میں ایک روپے 11 پیسے اضافہ ہوا، جس کے بعد ڈالر کا لین دین 286 روپے 39 پیسے پر بند ہوا۔

    واضح رہے کہ گزشتہ روز انٹر بینک میں ڈالر کا بھاؤ 98 پیسے اضافے کے بعد 285 روپے 29 پیسے ریکارڈ کیا گیا تھاگزشتہ روز انٹربینک میں ڈالر کی قیمت 98 پیسے اضافے کے بعد 285 روپے 29 پیسے ریکارڈ کی گئی تھی اوپن مارکیٹ میں ڈالر کی قیمت فروخت 50 پیسے اضافے سے 287 روپے 50 پیسے ہے۔

    برطانوی پاؤنڈ، یورو، سعودی ریال اور اماراتی درہم بھی مہنگے

    دوسری جانب پاکستان اسٹاک ایکسچینج (پی ایس ایکس) 100 انڈیکس پہلی بار ملکی تاریخ کی بلند ترین سطح پر جا پہنچا ہے، پاکستان اسٹاک ایکس چینج میں ملا جلا رجحان دیکھا گیا، کاروبار کے آغاز پر مارکیٹ میں تیزی کی لہر کے باعث ہنڈریڈ انڈیکس 54 ہزار 300 کی بلند ترین سطح پر جا پہنچا تاہم پرافٹ ٹیکنگ کے باعث مارکیٹ منفی زون میں آگئی،کاروبار کے اختتام پر ہنڈریڈ انڈیکس 154 پوائنٹس کمی سے 53 ہزار 735 پوائنٹس پر بند ہوا۔

    سعودی عرب کاتیل کی پیداوار میں 10 لاکھ بیرل یومیہ کمی جاری رکھنے کا …

    چیئرمین فاریکس ایسوسی ایشن آف پاکستان ملک بوستان نے ڈالر کی حقیقی قدر بتا دی ملک بوستان نے کہا کہ ڈالر کی بڑھتی قیمت پر لوگ پریشان ہیں، انٹر بینک میں روپے کے مقابلے ڈالر آج 287 روپے کا ہوگیا ہے ڈالر کی قیمت بڑھنے سے گھبرانے کی کوئی بات نہیں، امریکی کرنسی کا بھاؤ بڑھنے کی وجہ حقیقی طلب ہے کیونکہ ایل سیز کھل رہی ہیں جس سے ڈیمانڈ بڑھ رہی ہے،ملکی زرمبادلہ کے ذخائر بڑھے ہیں،کرنٹ اکاؤنٹ سرپلس آئے گا، البتہ ملک میں ڈالر کی حقیقی قیمت 250 روپے ہے۔

    ڈالرکی قیمت میں اضافے کاسلسلہ جاری

    واضح رہے کہ منگل کے روز کاروبار دن کے درمیان ملکی تبادلہ منڈیوں میں ایک روپے 71 پیسے مہنگا ہو کر ڈالر کی خرید و فروخت 287 روپے میں جاری ہے-

  • 9 مئی حملہ: جیو فینسنگ فہرست میں دو پولیس افسران کے نام شامل

    9 مئی حملہ: جیو فینسنگ فہرست میں دو پولیس افسران کے نام شامل

    لاہور: 9 مئی کو جناح ہاؤس حملے میں موجود افراد کی جیو فینسنگ فہرست میں دو پولیس افسران کے نام سامنے آئے ہیں۔

    باغی ٹی وی : میڈیا ذرائع کے مطابق ایس پی ماڈل ٹاؤن انویسٹی گیشن کو فراہم کی گئی لسٹ میں دو پولیس افسران کے نام اور تصاویر بھی شامل ہیں،ڈی آئی جی آپریشنز لاہور سید علی ناصر رضوی کے پرسنل اسٹاف افسر انسپکٹر عاصم رفیع کا نام فہرست میں موجود ہے،ڈی آئی جی آپریشنز لاہور سید علی ناصر رضوی کے پرسنل اسٹاف افسر انسپکٹر عاصم رفیع کا نام فہرست میں موجود ہے-

     

    واضح رہے کہ ملک میں 9 مئی کو ہونے والی شرپسندی کے بعد قانون نافذ کرنے والے اداروں نے سخت ایکشن لیتے ہوئے متعدد شرپسندوں کو گرفتار کیا جب کہ اس موقع پر تحریک انصاف کے مرکزی رہنماؤں کو تھری ایم پی او کے تحت نظر بند کیا گیا۔

    آج تک میں شکیب کی بہت عزت کرتا تھا لیکن وہ سب کچھ کھو بیٹھا،اینجلو …

    پی ٹی آئی کے خلاف کریک ڈاؤن کے بعد اب تک پارٹی کے کئی نامور رہنما اسے خیرباد کہہ چکے ہیں جن میں فواد چوہدری، شیریں مزاری، عامر کیانی، علی زیدی، عمران اسماعیل، پرویز خٹک، محمود خان، فردوس عاشق اعوان، فیاض چوہان، ملیکہ بخاری، آفتاب صدیقی، محمود مولوی بھی شامل ہیں جب کہ پارٹی کے سیکرٹری جنرل اسد عمر بھی تمام عہدوں سے مستعفی ہوچکے ہیں۔

    بابا وانگا کی سال 2024 کے حوالے سے 7 پیشگوئیاں

  • نیپال میں ایک بار پھر 5.3 شدت کا زلزلہ

    نیپال میں ایک بار پھر 5.3 شدت کا زلزلہ

    کھٹمنڈو: نیپال کے مختلف علاقوں میں ایک بار پھر زمین 5.3 شدت کے زلزلے سے لرز اٹھی۔

    باغی ٹی وی :امریکی جیولوجیکل سروے کے مطابق نیپال میں پیر کے روز دوپہر کے وقت زلزلہ آیا، جس کی ریکٹر اسکیل پر شدت 5.3 ریکارڈ کی گئی، نیپالی زلزلہ پیما مرکز نے بتایا کہ زلزلہ مقامی وقت کے مطابق دوپہر 4 بج کر 16 منٹ پر آیا جس کا مقام نیپال مرکز اور گہرائی دس کلومیٹر تھی، پیر کے روز آنے والے زلزلے میں تاحال کسی جانی نقصان کی اطلاع سامنے نہیں آئی ہےجبکہ میڈیٹیرینین سیسمولو جیکل سینٹر نے چند گھنٹوں کے دوران آنے والے تیسرے زلزلے کے بعد خطرے کی گھنٹی بجا دی ہے اور بالخصوص پہاڑی علاقوں میں رہنے والے افراد کو گھروں سے محفوظ مقام پر منتقل ہونے کا مشورہ دیا ہے۔

    جنوبی افریقہ نے بھی اسرائیل سے سفارتی عملے کو واپس بلالیا

    واضح رہے کہ تین روز قبل نیپال میں 6.4 شدت کا زلزلہ آیا تھا جس کے باعث رہائشی عمارتیں، سڑکیں اور کئی املاک تباہ ہوئیں جس کے تلے دب کر 150 افراد ہلاک ہوئے تھے، زلزلے سے متعدد عمارتیں ملبے کا ڈھیر بن گئیں۔ سڑکیں تباہ ہوگئیں اور بجلی اور موا صلات کا نظام درہم برہم ہوگیا تھا، نیپال میں آنے والے زلزلے کے جھٹکے بھارت کے دارالحکومت نئی دہلی کے کئی علاقوں میں بھی محسوس کیے گئے تھے،قبل ازیں نیپال میں 2015 میں آنے والے تباہ کن زلزلے میں 9 ہزار افراد ہلاک ہو گئے تھے۔

    واٹس ایپ میں ای میل کے ذریعے لاگ ان ہونے کا فیچر متعارفنیپاک

  • مرتضیٰ سولنگی کو پارلیمانی امور کا اضافی چارج دے دیا گیا

    مرتضیٰ سولنگی کو پارلیمانی امور کا اضافی چارج دے دیا گیا

    اسلام آباد : نگراں وفاقی وزیر اطلاعات مرتضیٰ سولنگی کو وزارت پارلیمانی امور کا اضافی قلمدان سونپ دیا گیا۔

    باغی ٹی وی: نگراں وزیراعظم انوار الحق کاکڑ نے نگراں وفاقی وزیر اطلاعات و نشریات مرتضیٰ سولنگی کی ذمہ داریوں میں اضافہ کرتے ہوئے انھیں وزارت پارلیمانی امور کا اضافی قلمدان سونپ دیا ہے، کابینہ ڈویژن نے نگراں وفاقی وزیر اطلاعات و نشریات مرتضیٰ سولنگی کو وزارت پارلیمانی امور کا اضافی چارج دینے کا نوٹیفکیشن جاری کر دیا ہے۔

  • بابا وانگا کی سال 2024 کے حوالے سے 7 پیشگوئیاں

    بابا وانگا کی سال 2024 کے حوالے سے 7 پیشگوئیاں

    بلغاریا کی نابینا خاتون بابا وانگا کی سال 2024 کے حوالے سے خوفناک پیشگوئیاں سامنے آئی ہیں-

    باغی ٹی وی: بلغاریا کی نابینا خاتون بابا وانگا کا انتقال 1996 میں ہوچکا ہے، لیکن انہوں نے موت سے پہلے جو پیش گوئیاں کیں وہ ان کی موت کے کافی عرصے بعد بھی سچ ثابت ہورہی ہیں، اب 2024 کیلئے بھی ان کی کچھ پیش گوئیاں سامنے آئی ہیں،برطانوی اخبار ”ڈیلی اسٹار“ کے مطابق بابا وانگا نے سال 2024 کے لیے سات پیش گوئیاں کی ہیں،بابا وانگا نے اگلے سال روسی صدر ولادیمیر پیوٹن پر ایک قاتلانہ حملے کی پیشگوئی کی ہے، یہ حملہ ان کا کوئی اپنا ہی ساتھی کرے گا۔

    بابا وانگا نے یورپ میں دہشت گردانہ حملوں کے بڑھنے کے حوالے سے بھی خبردار کیا اور یہ بھی بتایا کہ ایک ”بڑا ملک“ اگلے سال حیاتیاتی ہتھیاروں کے ٹیسٹ یا حملے کرے گا،بابا وانگا کے مطابق ایک بہت بڑا معاشی بحران آئے گا جو اگلے سال عالمی معیشت کو متاثر کرے گا، قرضوں کی بڑھتی ہوئی سطح اور بڑھتے ہوئے جغرافیائی سیاسی تناؤ جیسے عوامل اس کی وجوہات ہوں گے۔

    طویل القامت پاکستانی غلام شبیر جدہ میں انتقال کرگئے

    انہوں نے یہ بھی پیش گوئی کی تھی کہ اگلے سال خوفناک موسمی واقعات اور قدرتی آفات آئیں گی،بابا وانگا کے مطابق 2024 میں سائبر حملوں میں اضافہ ہوگا اعلیٰ درجے کے ہیکرز پاور گرڈز اور واٹر ٹریٹمنٹ پلانٹس جیسے اہم انفراسٹرکچر کو نشانہ بنائیں گے، جس سے قومی سلامتی کو خطرہ لاحق ہو گا 2024 میں الزائمر اور کینسر سمیت لاعلاج بیماریوں کے نئے علاج دریافت ہوں گے جبکہ کوانٹم کمپیوٹنگ میں ایک اہم پیشرفت ہوگی۔

    اسرائیل نے کرائے کے فوجیوں کی بھرتی شروع کر دی،ہسپانوی اخبار کا دعویٰ

    واضح رہے کہ بابا وانگا کو ”بلقان کی نوسٹراڈیمس“ بھی کہا جاتا ہے، انہوں نے 9/11 کے دہشت گرد حملوں، شہزادی ڈیانا کی موت، چرنوبل کی تباہی اور بریگزٹ جیسے بڑے عالمی واقعات کی پیش گوئی کی تھی، بابا وانگا 1911 میں پیدا ہوئی تھیں اور 12 سال کی عمر میں انہوں نے ایک بڑے طوفان کے دوران پراسرار طور پر اپنی بینائی کھو دی تھی۔

    جنوبی افریقہ نے بھی اسرائیل سے سفارتی عملے کو واپس بلالیا