اسلام آباد: محکمہ موسمیات نے خیبرپختونخوا اور گلگت بلتستان میں موسم شدید سرداور مطلع ابر آلود رہنے کے علاوہ بارش اور برفباری کی پیش گوئی کردی۔
باغی ٹی وی : محکمہ موسمیات کے مطابق اسلام آباد اور گر دو نواح میں موسم سرد اور خشک رہے گا،تاہم صبح کے اوقات میں بعض مقامات پر کہرا پڑنے کا امکان ہے، خطہ پوٹھوہار میں صبح کے اوقات میں بعض مقامات پر کہرا پڑنے کی توقع ہےخیبرپختونخوا کے بیشتر اضلاع میں موسم سرد اور مطلع جزوی ابر آلود جبکہ بالائی اضلاع میں شدید سرد/ابر آلود رہے گاتاہم چترال، دیر ، سوات، کو ہستان اورمالاکنڈ میں ہلکی بارش اور ہلکی برفباری کا امکان ہے،اس کے علاوہ چارسدہ ، مردان،نوشہرہ ، صوابی ، پشاور، لکی مروت، بنوں، ڈیرہ اسماعیل خان اور گردونواح میں شدید دھند چھائے رہنے کا امکان ہے-
محکمہ موسمیات کی پنجاب کے میدانی علاقوں میں برفباری کی خبروں کی تردید
دوسری جانب پنجاب کے بیشتر اضلاع میں موسم سرد اور خشک جبکہ مری، گلیات اور گر دو نواح میں شدید سرد جبکہ مطلع جزوی ابر آلود رہے گا بہا ولپور ، ساہیوال ، اوکاڑہ ،قصور،لاہور ،سیالکوٹ، نارووال،گوجرانوالہ، جہلم، منگلا،فیصل آباد، جھنگ،سرگودھا،منڈی بہاؤا لدین ،ٹوبہ ٹیک سنگھ،خانیوال ،ملتان ، خان پور،رحیم یار خان ، حافظ آباد ،بھکر ،لیہ، ڈیرہ غا زی خان اور گر دو نواح میں شدید دھند / سموگ چھائے رہے گی۔
پیپلز پارٹی نے لاہور سے قومی اسمبلی اور پنجاب اسمبلی کے ٹکٹوں کا اعلان کر …
ادھربلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہے گا،سندھ کے بیشتر اضلاع میں موسم سرد اور خشک رہے گا، جیکب آباد، موہنجوداڑو، سکھر، لاڑکانہ ، دادو، گھوٹکی، خیر پور ، کشمور اور پڈعیدن میں شدید دھند/سموگ چھائے رہنے کا امکان ہے جبکہ گلگت بلتستان میں موسم شدید سرد اور مطلع ابر آلود رہنے کے علا وہ ہلکی بارش اور ہلکی برفباری کا امکان جبکہ کشمیر میں موسم شدید سرد اورمطلع جزوی ابر آلود رہے گا۔
