Author: Ayesha Rehmani

نیویارک: کینیڈا کے وزیر اعظم جسٹن ٹروڈو نے کہا ہے کہ ہمارے پاس بھارتی حکومت کے ایجنٹس کے قتل میں ملوث ہونے کے ٹھوس شواہد موجود ہیں۔

باغی ٹی وی: کینیڈا کے وزیر اعظم جسٹن ٹروڈو نے نیویارک میں میڈیا سے گفتگو کرتے ہوئے کہا کہ ایک کینیڈین شہری کو کینیڈا کی سرزمین پر قتل کیا گیا اور ہمارے پاس بھارتی حکومت کے ایجنٹس کے قتل میں ملوث ہونے کے ٹھوس شواہد موجود ہیں۔

انہوں نے کہا کہ کسی بھی ملک کےلیے قانون کی حکمرانی انتہائی اوربنیادی اہمیت کی حامل ہوتی ہےجبکہ کینیڈا میں انصاف کا نظام بہترین اور آزادانہ کام کرتا ہے جس کے تحت کیس کو فالو کریں گے، کینیڈا بھارت کواشتعال دلارہا ہے نہ مسائل پیدا کر رہا ہے بلکہ یہ معاملہ قانون کی حکمرانی کا ہے، اندرون یا بیرون ملک کینیڈین شہریوں کی حفاظت کو انتہائی سنجیدگی سے لیتےہیں اور یقینی بنائیں گے کہ کینیڈین نظام کا احترام کیا جائے سکھ علیحدگی پسند رہنما کا قتل سنگین معاملہ ہے اور اس معاملےکو سنجیدگی سےلیا جانا چاہیے اور ہم یہی کر رہے ہیں۔

نگران وزیراعظم آج اقوام متحدہ کے جنرل اسمبلی اجلاس سے خطاب کریں گے

دوسری جانب انتہا پسند ہندوؤں کی جانب سے نئی دہلی میں کینیڈین سفارت کاروں کو سنگین نتائج کی دھمکیوں کے بعد کینیڈین ہائی کمیشن نے تھریٹ الرٹ جاری کر دیا، کینیڈین ہائی کمیشن نے کہا ہے کہ انتہا پسند ہندوؤں نے کینیڈین سفارتکاروں کو سوشل میڈیا پر سنگین نتائج کی دھمکیاں دی ہیں جبکہ گلوبل افئیرز کینیڈا بھارت میں سیکیورٹی کی صورتحال پر نظر رکھے ہوئے ہے بھارتی حکومت ویانا کنونشن کے تحت سفارتکاروں کی سیکیورٹی یقینی بنائے۔

ذرائع کے مطابق سیکیورٹی خدشات کے باعث کینیڈین حکومت نے سفارتخانوں میں اسٹاف کی کمی پر بھی غور شروع کر دیا اور اگر صورتحال اسی طرح رہی تو کینیڈین حکومت جلد اپنے بھارتی سفارتخانے بند کر دے گی۔

ہردیپ سنگھ نجر قتل،بھارت پر الزامات پرامریکا اور کنیڈا کے درمیان کوئی کشیدگی نہیں

ماہرین نے کہا ہے کہ ماضی میں بھی مودی سرکار نے اسی طرح کے حربوں سے ایمنسٹی انٹرنیشنل کو بھارت چھوڑنے پر مجبور کر دیا تھا اور مودی کے خلاف ڈاکیومنٹری نشر کرنے پر بھارتی حکومت نے بی بی سی کے خلاف انتقامی کارروائیاں کی تھیں۔

نیویارک: نگران وزیراعظم انوار الحق کاکڑ آج اقوام متحدہ کے جنرل اسمبلی اجلاس سے خطاب کریں گے۔

باغی ٹی وی: نگران وزیراعظم کے خطاب میں مسئلہ کشمیر اور دہشتگردی کی لہرسمیت افغانستان کی صورتحال اجاگر کیے جانے کا امکان ہے،نیویارک میں کونسل آن فارن ریلیشنز فورم پر خطاب کرتے ہوئے نگران وزیر اعظم انوار الحق کاکڑ کا کہنا تھا کہ ٹی ٹی پی اور داعش کا دوبارہ سر اٹھانا پاکستان اور دنیا بھر کیلئے تشویش کا باعث ہے، ٹی ٹی پی اور داعش سے درپیش خطرات کا مل کر سامنا کرنا چاہیے۔

نگران وزیر اعظم کا کہنا تھا کہ مستحکم افغانستان پاکستان اور امریکا کی خارجہ پالیسی کی اہم ترجیح ہے، افغان حکومت سے براہ راست رابطوں کا خیر مقدم کرتے ہیں، معاشی خوشحالی کیلئے پاکستان کے پڑوس میں امن اور استحکام بہت ضروری ہے پاکستانی عوام آئندہ چند ماہ میں نئی حکومت کا انتخاب کرلیں گے، نگران حکومت کا مینڈیٹ آزاد اور شفاف انتخابات یقینی بنانا ہے، مستحکم اور جمہوری پاکستان ہماری ترجیح ہے، حکومت میں پاکستانیوں کی مکمل نمائندگی یقینی بنائیں گے۔

سوئٹزرلینڈ میں برقع پہننے پر پابندی،خلاف ورزی کرنے والوں پرجرمانہ

سعودی عرب اور اسرائیل قریب تر ہوتے جارہے ہیں، محمد بن سلمان

سدھوموسے والا قتل کیس: ملزم گولڈی برار کے قریبی ساتھیوں کی گرفتاری کیلئےچھاپے

واشنگٹن: امریکا نے سکھ رہنما ہردیپ سنگھ نجر کے قتل کا الزام بھارت پر لگانے کے معاملے پر کینیڈا کے ساتھ کسی بھی کشیدگی کی تردید کردی۔

باغی ٹی وی: امریکا کےقومی سلامتی کےمشیرجیک سلیوان نے واضح کیا کہ بھارت پر کینیڈا کے سنگین الزامات پر تشویش ہے تاہم تشویش کے باوجود امریکا اور کنیڈا کے درمیان اس معاملے پر کوئی کشیدگی نہیں ہے امریکا نے بھارت کے ساتھ یہ معاملہ اعلیٰ ترین سطح پراٹھایا ہے، امریکا چاہتا ہےکہ تحقیقات آگے بڑھے اور قتل میں ملوث افراد انصاف کے کٹہرے میں لائے جائیں-

جیک سلیوان نے واضح کیا کہ اس معاملے میں امریکا کی دلچسپی صرف اس لیے ختم نہیں ہوجائے گی کہ یہ بھارت سے جڑا ہے جس سے امریکا اپنا قریبی تعلق چاہتا ہے تاہم یہ ایک ایسی بات ہے جو امریکا انتہائی سنجیدگی سے لیتا ہے اورخواہ کوئی بھی ملک ہو، ایسے عمل پر کوئی استشنیٰ نہیں دیا جا سکتا اس معاملے میں امریکا اور کینیڈا کے درمیان دوری پیدا کرنےکی کوشش کی جا رہی ہے وہ واضح کرنا چاہتے ہیں کہ ایسا بالکل نہیں ہے۔

بھارت میں کینیڈین ہائی کمیشن کے سفارتکاروں کو سوشل میڈیا پر دھمکیاں

اس سے قبل امریکا نے کینیڈا میں سکھ رہنما ہردیپ سنگھ کے قتل پر کینیڈا کے مؤقف کی حمایت کرتے ہوئے کہا تھا کہ سکھ رہنما کے قتل پر بھارت کو کینیڈا سے تعاون کرنا چاہیے امریکی قومی سلامتی کونسل کے ترجمان جان کربی نے ایک انٹرویو میں کہا تھا کہ کینیڈا کے وزیراعظم جسٹن ٹروڈو کے الزامات انتہائی سنجیدہ نوعیت کے ہیں، امریکا ان تمام اقدامات کی حمایت کرے گا جس سے اس واقعے کی سچائی تک پہنچا جاسکے۔

میپ میں غلط راستہ بتانے پر گوگل پر مقدمہ درج

نئی دہلی: بھارت میں کینیڈین ہائی کمیشن کے سفارتکاروں کو سوشل میڈیا پر دھمکیاں دی گئی ہیں۔

باغی ٹی وی: غیر ملکی میڈیا کے مطابق بھارت میں کینیڈین ہائی کمیشن نے انکشاف کیا کہ اس کے سفارتکاروں کو سوشل میڈیا پر دھمکیاں موصول ہوئی ہیں جس کے بعد ہائی کمیشن میں موجود اسٹاف کو عارضی طور پر کہیں اور منتقل کرنے کا فیصلہ کیا گیا ہے۔

کینیڈا ہائی کمیشن کے ترجمان نے کہا کہ ویزا معطلی اور اسٹاف کو موصول دھمکیوں پر بھارت کی جانب سے کوئی جواب نہیں دیا گیا ہے،کینیڈین ہائی کمیشن کی جانب سے یہ بیان بھارت کے اس فیصلے کے چند گھنٹے بعد جاری کیا گیا جس میں بھارت نے کینیڈین شہریوں کے لیے ویزا معطلی کا فیصلہ کیا ہے۔

بھارتی آئین کی کاپی میں سوشلسٹ اورسیکولر کےالفاظ نہ ہونا تشویشناک ہے،کانگریس لیڈر

واضح رہے کہ سکھ رہنما ہردیپ سنگھ نجار کے قتل کے بعد بھارت نے کینیڈا میں ویزا سروس غیرمعینہ مدت کیلئے معطل کردی ہے بی ایل ایس انٹرنیشنل کی جانب سے جاری نوٹیفیکیشن کے مطابق بھارتی مشن نے کہا کہ آپریشنل وجوہات کی بنا پر21 ستمبر 2023 سے بھارت ویزا سروسز کو غیرمعینہ مدت تک معطل کر رہا ہے بی ایل ایس انٹرنیشنل بھارت میں قائم ایک کمپنی ہے، جو دنیا بھر میں سرکاری اور سفارتی مشنوں کے لیے آن لائن ویزا خدمات پیش کرتی ہے۔

یاد رہے کہ پیرکے روز کینیڈا کے وزیر اعظم جسٹن ٹروڈو نے کہا تھا کہ بھارتی حکومت سکھ رہنما ہردیپ سنگھ کے جون میں ہونے والے قتل میں ملوث ہے، جس کی تحقیقات کر رہے ہیں۔

سعودی عرب اور اسرائیل قریب تر ہوتے جارہے ہیں، محمد بن سلمان