کراچی: اسٹیٹ بینک آف پاکستان کا کہنا ہے کہ ملکی زرمبادلہ کے ذخائر میں اضافہ ریکارڈ کیا گیا ہے۔
باغی ٹی وی: اسٹیٹ بینک کی رپورٹ کے مطابق ملکی زرمبادلہ کے ذخائر 21 دسمبر کو ختم ہفتے میں 78 کروڑ 70 لاکھ ڈالر کا اضافہ ہو گیا مرکزی بینک کے مطابق زرمبادلہ ذخائر 21 دسمبر کو ختم ہفتے تک 12 ارب 85 کروڑ ڈالر رہے اسٹیٹ بینک کے ذخائر میں 85 کروڑ 23 لاکھ ڈالر کا اضافہ ہوا ہےجس کے ساتھ ہی اسٹیٹ بینک کے زرمبادلہ ذخائر 7 ارب 75 کروڑ ڈالر رہے۔کمرشل بینکوں کے ذخائر 6.5 کروڑ ڈالر کم ہو کر 5 ارب 9 کروڑ ڈالر رہے۔
کوئٹہ : نگراں وزیر ا علیٰ بلوچستان میر علی مردان خان ڈومکی نے کہا ہے کہ بلوچستان میں امن و امان کی مجموعی صورتحال ماضی کی نسبت بہتر ہے، صوبے میں بحالی امن اور عوام کے جانی و مالی تحفظ کے لئے تمام دستیاب وسائل بروئے کار لائے جاررہے ہیں ۔
باغی ٹی وی : سندھ کے علاقے سکرنڈ کے قریب گوٹھ شاہمیر راہو میں قبائلی رہنماءمیر نزیر احمد راہو کی جانب سے دئیے گئے ظہرانے کے موقع پر منعقدہ پروقار استقبالیہ تقریب کے دوران مقامی میڈیا کے نمائندوں سے گفتگو کرتے ہوئےنگراں وزیر ا علیٰ بلوچستان میر علی مردان خان ڈومکی نے کہا ہے کہ نگراں صوبائی حکومت صاف شفاف اور غیر جانبدارانہ انتخابات کے انعقاد کے لئے پرعزم ہے مسنگ پرسنز کا مسئلہ دیرینہ معاملہ ہے جس پر کمیٹیاں اور کمیشن قائم ہیں جن کی فیکٹ فائینڈنگ رپورٹس آنے سے پہلے کچھ کہنا قبل از وقت ہوگا مسنگ پرسن کی تعداد سے متعلق غیر سرکاری سطح پر پیش کردہ اعداد و شمار بے بنیاد مفروضوں پر مبنی ہیں جن کا کوئی مصدقہ ثبوت نہیں مسنگ پرسن سے متعلق قائم کردہ کمیشن تحقیقات کررہا ہے اس دوران کافی لوگ واپس بھی آچکے ہیں کمیشن کی حتمی رپورٹ آنے کے بعد ہی درست اعداد و شمار سامنے آسکیں گے۔
اسلام آباد میں دھرنے کے مظاہرین سے پولیس کے ناروا سلوک سے متعلق میر علی مردان خان ڈومکی نے کہا کہ واقعہ کی تحقیقات کے لئے مرکزی حکومت نے نگراں وفاقی کابینہ کے تین اراکین پر مشتمل خصوصی کمیٹی قائم کردی ہے کچھ غلطی مظاہرین کی بھی ہے جنہوں نے ریڈ زون کی جانب پیش قدمی کی کوشش کی جس پر بحالی امن کے لئے معمور اسلام آباد پولیس کو کارروائی کرنا پڑی تاہم حکومت معاملے کو افہام و تفہیم سے حل کرنے کی خواہاں ہے نگراں وفاقی وزراءپر مشتمل کمیٹی نے مظاہرین سے متعدد ملاقاتیں کی ہیں اور فریقین اس بات پر متفق ہوئے ہیں کہ دو سو کے لگ بھگ گرفتار افراد کو رہا کیا جائے گا جن میں 163 کچھ روز قبل رہا کردئیے گئے تھے جبکہ 34 افراد کو ضروری قانونی کارروائی کے بعد بہت جلد رہا کردیا جائے گا-
واشنگٹن: امریکی اخبار وال اسٹریٹ جرنل نے کہا ہے کہ پاکستانیوں کو غربت سے نکالنا ہے تو اس کے لیے بانی پی ٹی آئی عمران خان ہرگز موزوں نہیں تاہم ان کے الیکشن لڑنے کے امکانات کم ہیں –
باغی ٹی وی: امریکی اخبار نے اپنے تجزیے میں لکھا کہ پی ٹی آئی مشکلات کا شکار ہے تاہم بانی پی ٹی آئی کسی طرح پاکستان کے دوبارہ وزیراعظم بن گئے تو پاکستان کے تیز ترین زوال کا باعث بنیں گے پاکستان بڑھتی ہوئی دہشت گردی، کم ہوتی فی کس آمدنی اور 30 فیصد افراط زر کا شکار ہے، ایسے میں پاکستان کو ناکام آئیڈیاز کے حامل کرشماتی لیڈر کے بجائے سنجیدہ قیادت کی ضرورت ہے.
اخبار کا کہنا ہے کہ عمران خان کے پاس امریکا کی مخالفت،، پین اسلام ازم اور بائیں بازو کے پرانے معاشی خیالات کے سوا کچھ نہیں، پاکستان کی ترقی اور خوشحالی بھارت کے ساتھ امن میں ہے پاکستان کو چلانے کے لیے آئی ایم ایف کا قرض چاہیے اور امریکا آئی ایم ایف کا اہم رکن ہے، بانی پی ٹی آئی امریکا سے پاکستان کے تعلقات خراب کر لیں گے پاکستانیوں کو غربت سے نکالنا ہے تو اس کے لیے بانی پی ٹی آئی ہرگز موزوں نہیں تاہم ان کے الیکشن لڑنے کے امکانات کم ہیں۔
بیروت: اسرائیل نے لبنان پر فضائی حملے کئے جن میں 3 افراد شہید ہو گئے،شہید ہونے والوں میں ایک حزب اللہ کا جنگجو بھی شامل ہے –
باغی ٹی وی: لبنان کی نیشنل نیوز ایجنسی (این این اے) کے مطابق اسرائیل کی مظلوم فلسطینیوں پر بربریت کے بعد لبنان سے حزب اللہ اپنے فلسطینی بھائیوں کی مدد کے لیے آگے آئی، جس پر اسرائیل کی طرف سے لبنان پر بھی حملے شروع کر دیئے گئے کئی ہفتوں سے لبنان اور اسرائیل کی سرحد پر اسرائیلی فوج اور حزب اللہ میں شدید جھڑپیں ہو رہی ہیں۔
رپورٹ کے مطابق دشمن کے جنگی جہازوں نے آدھی رات کو لبنان کے شہر بنت جبیل کے عین وسط میں ایک گھر کو نشانہ بنایا، جس میں ایک شخص اپنے بھائی اور بھابھی سمیت شہید ہو گیا حزب اللہ کی طرف سے تصدیق کی گئی ہے کہ شہید ہونے والا علی بازی حزب اللہ کا جنگجو تھا اس کے ساتھ اس کا بھائی ابراہیم اور بھابھی شوروق حمود بھی اسرائیلی بمباری کا نشانہ بن گئے۔
اسلام آباد: آڈیو لیکس کیس میں انٹرسروسز انٹیلی جنس (آئی ایس آئی)نے اسلام آباد ہائی کورٹ میں جواب جمع کرا دیا-
باغی ٹی وی : خفیہ ایجنسی کی طرف سے وزارت دفاع کے ذریعے اپنا تحریری جواب عدالت عالیہ میں جمع کرایا گیا ہےجواب میں خفیہ ایجنسی کی طرف سے انکشاف کیا گیا ہے کہ ایسے سافٹ ویئرز اور ٹولز انتہائی سستے داموں عام دستیاب ہیں، جن کے ذریعے سمارٹ فونز کو ہیک کیاجا سکتا ہے اور ان پر ہونے والی کالز ریکارڈ کی جا سکتی ہیں ملک میں ایسے گروپ بھی سرگرم ہیں جو پیسوں کے عوض موبائل فونز کا ڈیٹا فراہم کرنے سے سمیت دیگر سروسز دے رہے ہیں۔
آئی ایس آئی کی طرف سے اپنے جواب میں کہا گیا کہ باہم فون کال کرنے والے افراد میں سے کوئی ایک شخص بھی اس فون کال کو ریکارڈ کر سکتا ہے جو بعد ازاں لیک کی جا سکتی ہے یا فون ہیک کرکے چوری کی جا سکتی ہے ایسے کئی مصنوعی ذہانت کے حامل ٹولز بھی ہیں جن کے ذریعے کسی بھی شخص کی آواز پیدا کی جا سکتی ہے۔
خفیہ ایجنسی کیطرف سے عدالت کو بتایا گیا ہےکہ ہمارے پاس اتنے وسائل نہیں ہیں کہ ان آڈیو لیکس کے سورس کا سراغ لگا سکیں اس میں انکرپشن سب سے بڑی رکاوٹ ہے صرف سوشل میڈیا پلیٹ فارمز ہی اس حوالے سے عدالت عالیہ کو معلومات مہیا کر سکتے ہیں آئی ایس آئی کی طرف سے اپنے تحریری جواب میں کہا گیا ہے کہ ایف آئی اے کے سائبر کرائم ونگ کو اس حوالے سے مزید ایکشن لینا چاہیے۔
اسلام آباد: نگران وزیراعظم انوار الحق کاکڑ نے مظلوم فلسطینیوں سے اظہار یکجہتی کے لیے نئے سال کی آمد پر ہر قسم کی تقریب پر پابندی کا اعلان کردیا۔
باغی ٹی وی: انوار الحق کا کڑ کا کہنا تھاکہ قابض اسرائیلی فورسز فلسطین میں تباہی مچا رہی ہے، پوری پاکستانی قوم اور امت مسلمہ بے گناہ فلسطینیوں کے قتل عام خاص طورپر بچوں کے قتل پرگہرے دکھ میں ہے پاکستان نے فلسطین کے مظلوم عوام کیلئے تمام بین الاقوامی فورمز پرآواز اٹھائی ہے اور مستقبل میں بھی ایسا کرتا رہے گا۔
https://x.com/GovtofPakistan/status/1740384168180105568?s=20
نگران وزیراعظم نے کہا کہ پاکستان نے اپنے فلسطینی بہنوں اوربھائیوں کی مدد کیلئے دو امدادی کھیپ بھیجی ہیں اور اب تیسری کھیپ جلد روانہ کی جائے گی پاکستان فلسطینی بھائیوں کی بروقت مدد یقینی بنانے کے ساتھ ساتھ ان کے انخلا اور غزہ کے زخمیوں کے علاج معالجے کیلئے مصر اور اردن سے مسلسل رابطے میں ہے۔
انہوں نے اعلان کیا کہ غزہ اور مغربی کنارے میں مظلوم فلسطینیوں خصوصاً معصوم بچوں کے قتل عام اور نہتے فلسطینیوں کی نسل کشی پر پوری پاکستانی قوم اور امت مسلمہ شدید رنج کے عالم میں ہےفلسطینیوں سے اظہاریکجہتی کیلئے سال نوپرتقریبات نہیں ہوں گی اور پوری قوم فلسطینیوں کےساتھ یکجہتی کیلئےکھڑی ہے انوار الحق کاکڑ نے عوام سے اپیل کی کہ غزہ کے مظلوم لوگوں کے ساتھ یکجہتی کااظہار کرتے ہوئے نئے سال کی آمد کوسادگی سے منائیں۔
اسلام آباد: خیبر پختونخوا کے میدانی علاقوں اور بالائی سندھ میں صبح اور رات کے اوقات میں دھند ، سموگ چھائے رہنے کا امکان ہے-
باغی ٹی وی: محکمہ موسمیات کے مطابق ملک کے بیشتر علاقوں میں موسم سرد اور خشک جبکہ شمالی علاقوں اورشمالی بلوچستان میں شدید سرد رہے گا پنجاب کے بیشتر میدانی علاقوں میں شدید دھند، سموگ چھائے رہے گی، خیبر پختونخوا کے میدانی علاقوں اور بالا ئی سندھ میں صبح اور رات کے اوقات میں دھند ، سموگ چھائے رہنے کا امکان ہے تاہم خطہ پوٹھوہار اور کشمیر میں صبح کے اوقات میں بعض مقا ما ت پر کہرا پڑنے کا امکان ہے۔
محکمہ موسمیات کے مطابق ہفتہ اور اتوار کے روز بھی ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد اور مطلع ابرآلود رہے گا تاہم بالائی خیبرپختونخوا،خطہ پوٹھوہار، گلگت بلتستان ، کشمیر اور ملحقہ پہاڑی علاقوں میں بارش اور پہاڑوں پر برفباری متوقع ہےجبکہ اس دوران پنجاب، خیبر پختونخوا کے میدانی علاقوں اور بالائی سندھ میں صبح اور رات کے اوقات میں دھند ، سموگ چھائے رہنے کا امکان ہے ۔
گذشتہ 24 گھنٹوں کے دوران ملک کےبیشتر علاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہا۔ جمعرات کو ملک میں کم سے کم درجہ حرارت سکردو، لہہ منفی09 ،گلگت ، کالام منفی 05، قلات ،ہنزہ ،گوپس منفی04، زیارت ،استور اور سرینگر میں منفی 03ڈگری سینٹی گریڈ ریکارڈ کیا گیا۔
کراچی:مسلم لیگ (ن) کے صدر اور سابق وزیر اعظم شہباز شریف نے کہا ہے کہ 8فروری کے انتخابات کے لیے پوری طرح تیار ہیں، ہار جیت اللہ کے ہاتھ میں ہے، لاڈلے کے ذریعے ملک کی تباہی کی گئی اور اب دوبارہ ویسا ماحول بنانے کی کوشش کی جارہی ہے-
باغی ٹی وی : کراچی پہنچنے کے بعد نجی ہوٹل میں پارٹی عہدیداران اور شمولیت کرنے والوں سے گفتگو کرتے ہوئے شہباز شریف نے کہا کہ الیکشن کمیشن آف پاکستان نے بلے کے نشان کے حوالے سے حقیقت پر مبنی فیصلہ دیا، پشاور ہائیکورٹ نے اس پر حکم امتناع جاری کر کے الیکشن کمیشن کے اختیار پر حملہ کیا، اور یہ بات ہمارے ذہن میں رہنی چاہیے کہ پختونخوا میں ایسے امیدوار الیکشن لڑ رہے ہیں جن کا کسی نا کسی طریقے سے محترم جج سے عزیز داری اور رشتہ داری ہے۔
انہوں نے کہا کہ ترازو کو ایک لاڈلے کی جانب جھکایا جارہا ہے جبکہ ماضی میں نو مئی اور فوجی تنصیبات پر حملہ کرنے والے لاڈلے کو سپریم کورٹ میں ’گڈ ٹو سی یو‘ کہہ کر مخاطب کیا گیا ہمیں عدالتوں کے ان فیصلوں پر دلجمعی کے ساتھ بولنا چاہیے اور اس پر بھرپور طریقے سے آواز اٹھانی چاہیے۔
دریں اثنا شہباز شریف نے پارٹی میں شمولیت کرنے والوں کو مبارک باد دیتے ہوئے دعویٰ کیا کہ سندھ سے بڑی تعداد میں لوگوں اور سیاسی رہنماؤں نے ن لیگ پر اعتماد کیا ہے، میں تمام لوگوں کو شمولیت پر خوش آمدید کہتا ہوں ن لیگ ترقی اورخوشحالی کے سفر میں سب کو ساتھ لے کر چلے گی، بشیر میمن اور ان کی ٹیم کو تحسین پیش کرنا چاہتا ہوں، سندھ سے بڑی تعداد میں دوستوں نے ن لیگ میں شمولیت اختیار کی اور مسلم لیگ ن دوبارہ ایک اچھی اور طاقتور جماعت بننے جارہی ہے۔
انہوں نے کہا کہ 8فروری کے انتخابات کے لیے پوری طرح تیار ہیں، ہار جیت اللہ کے ہاتھ میں ہے، لاڈلے کے ذریعے ملک کی تباہی کی گئی اور اب دوبارہ ویسا ماحول بنانے کی کوشش کی جارہی ہے،یہ بات ہمارے ذہن میں رہنی چاہیے کہ پختونخوا میں ایسے امیدوار الیکشن لڑ رہے ہیں جن کا کسی نا کسی طریقے سے محترم جج سے عزیز داری اور رشتہ داری ہے، انصاف کا تقاضہ یہ تھا کہ جج اپنی عزیز داری کی بنا پر بینچ سے علیحدہ ہوتے اور ایسے جج کی تعیناتی ہوتی جن کی کسی امیدوار سے رشتے داری اور تعلق داری نہ ہوتی-
واضح رہے کہ گزشتہ دنوں الیکشن کمیشن نے انٹراپارٹی الیکشن پارٹی آئین کے مطابق نہ کرانے پر پاکستان تحریک انصاف سے بلے کا انتخابی نشان واپس لے لیا تھا تاہم 26 دسمبر کو پشاور ہائیکورٹ نے پی ٹی آئی انٹرا پارٹی انتخابات کالعدم اور پارٹی نشان واپس لینے کے الیکشن کمیشن کے فیصلے پر حکم امتناع جاری کیا تھا تحریک انصاف کی درخواست پر پشاور ہائیکورٹ کے جسٹس کامران حیات میاں خیل نے سماعت کی تھی۔
ماسکو: روسی وزیر خارجہ سرگئی لاوروف نے کہا ہے کہ افغانستان، لیبیا اور عراق کی طرح غزہ میں بھی امریکی منصوبہ ناکام ہوگا۔
باغی ٹی وی: عالمی خبر رساں ادارے کے مطابق روس کے وزیر خارجہ سرگئی لاوروف نے ایک انٹرویو میں خبردار کیا کہ مغربی ممالک کی سازشوں نے دنیا کو افراتفری میں ڈال رکھا ہے اور 2024 تک ان سازشوں سے بچ نکلنا ممکن نظر نہیں آتا۔
فلسطین اسرائیل تنازع کیسے حل ہو سکتا ہے؟ کیا دو ریاستی فارمولے کا کوئی موقع ہے؟ یا اس برسوں سے جاری تنازعہ کے دیگر حل پردے کے پیچھے زیر بحث ہیں؟-
اب وقت آگیا ہے کہ مشرق وسطیٰ میں پردے کے پیچھے ڈپلومیسی کھیلنے کی امریکی کوششوں کے نتائج سے ہر کوئی سبق حاصل کرے یہ واشنگٹن کی ثالثی پر اجارہ داری اور تصفیہ کے لیے بین الاقوامی قانونی فریم ورک کو کمزور کرنے کی پالیسی تھی جس کے نتیجے میں تنازعہ کے علاقے میں موجودہ اضافہ ہوا۔
روس کا موقف اقوام متحدہ کی سلامتی کونسل اور جنرل اسمبلی اور عرب امن اقدام کے فیصلوں پر مبنی ہے۔ دیرپا امن کا فارمولا سب کو معلوم ہے اس میں 1967 کی سرحدوں کے اندر ایک آزاد فلسطینی ریاست کا قیام شامل ہے جس کا دارالحکومت مشرقی یروشلم میں ہے، ایک ایسی ریاست جو اسرائیل کے ساتھ امن اور سلامتی کے ساتھ رہتی ہے بین الاقوامی ثالثوں کا کام فریقین کو بات چیت شروع کرنے میں مدد کرنا ہے جس کے دوران وہ اپنے تمام تنازعات طے کر سکیں یقیناً یہ آسان نہیں ہوگا لیکن مذاکرات کا واحد متبادل خونریزی جاری ہے سیاسی افق کے بغیر، اسرائیلی اور فلسطینی اسی طرح بڑھتے بڑھتے بڑھتے بڑھتے رہیں گے، جیسا کہ انہوں نے گزشتہ 75 سالوں میں کیا ہے۔
دہشت گرد حملوں کا جواز پیش کرنا، انہیں اکسانا چھوڑ دینا، یا بین الاقوامی انسانی قانون کی سنگین خلاف ورزی میں اجتماعی سزا کے طریقوں کے استعمال سے جواب دینا ناقابل قبول ہے-
سرگئی لاوروف نے فلسطین کے حوالے سے کہا کہ امریکا بین الااقوامی قانون کو پس پشت ڈال کر غزہ میں اپنی مرضی مسلط کرنا چاہ رہا ہے جیسے اس نے افغانستان، عراق اور لیبیا میں کیا تھا، امریکا کی اس مہم جوئی کی وجہ سے افغانستان، عراق اور لیبیا تباہ ہوگئے لیکن امریکی وژن پھر بھی کامیاب نہ ہوسکا اور اب غزہ میں بھی امریکا کو ناکامی کا سامنا کرنا ہوگا۔
غزہ کے حوالے سے روس کی پالیسی کی وضاحت کرتے ہوئے وزیر خارجہ سرگئی نے کہا کہ آزاد ریاست فلسطینیوں کا حق ہے جس میں مشرقی یروشلم، غزہ اور مغربی کنارے کے علاقے شامل ہیں ہم فلسطینیوں کے اس مطالبے پر ان کے ساتھ ہیں،روسی وزیر خارجہ نے غزہ کے پُرامن حل پر زور دیتے ہوئے کہا کہ اس حوالے سے اقوام متحدہ کی سلامتی کونسل کو بھی فعال کردار ادا کرنا چاہیے۔
حالیہ تحقیق میں ماہرین نے انکشاف کیا ہے کہ ہینڈ سینیٹائزر کا استعمال بچوں کے لئے نقصان دہ ثابت ہو سکتا ہے-
باغی ٹی وی : ہمارے ہاتھ جراثیم کو سب سے زیادہ تیزی سے پکڑتے ہیں۔ ہم روزمرہ کی سرگرمیوں کو انجام دینے کے لیے ہاتھوں کا ہی استعمال کرتے ہیں تاہم انفیکشن سے بچنے کے لیے اپنے ہاتھوں کو لگاتار دھونا اور بھی ضروری ہو جاتا ہے،طبی ماہرین ہر تھوڑی دیر بعد ہاتھ دھونے کو ترجیح دیتے ہیں، اس طرح ہینڈ سینیٹائزر اس بات کو یقینی بنانے کے بھی کام آتے ہیں کہ آپ کے ہاتھ جراثیم سے پاک اور محفوظ رہیں،آج کل نہ صرف بڑوں بلکہ بچوں میں بھی ہاتھوں کو جراثیم سے بچانے کے لیے ہینڈ سینیٹائزر کا استعمال عام ہوچکا ہے۔
حالیہ رپورٹ میں ہینڈ سینیٹائزر سے متعلق امریکی سینٹر فار ڈیزیز کنٹرول اور پریوینشن کے محققین نے دریافت کیا ہے کہ بچے عام طور پر ہینڈ سینیٹائزر میں موجود مادوں کو نگلنے کے عادی ہوجاتے ہیں جس کے نتیجے میں سنگین نتائج سامنے آسکتے ہیں محققین نے ہینڈ سینیٹائزر نگلنے والے بچوں میں تیزابیت، ایپنیا اور کوما جیسے سنگین اثرات کا پتہ لگایا ہے۔
اس تحقیق میں 2011 سے 2014 کے دوران 12 سال کی عمر کے بچوں میں زہریلے مراکز کی جانب سے رپورٹ کیے گئے اعداد و شمار کا تجزیہ کیا گیا تاکہ امریکہ میں بچوں کے الکحل سینیٹائزر کے اخراج کا مطالعہ کیا جا سکے،ہینڈ سینی ٹائزر دو طرح کے ہوتے ہیں، ایک الکوحل ہینڈ سینیٹائزر اور دوسرا نان الکوحل سینی ٹائزر۔
تحقیق میں یہ بات سامنے آئی کہ 6 سے 12 سال کی عمر کے بچوں کو جان بوجھ کر الکحل ہینڈ سینی ٹائزرز کا استعمال کرنا پڑا۔ 2011 سے 2014 کے دوران 12 سال کی عمر کے بچوں میں کل 70،669 ہینڈ سینی ٹائزر ایکسپوزر کی اطلاع ملی، جن میں سے 65،293 میں 92 فیصد شراب نوشی اور 85،376 فیصد غیر الکوحل ایکسپوزر تھے یہ بھی نتیجہ اخذ کیا گیا تھا کہ بڑے بچوں میں موسمِ گرما کے مہینوں کے دوران خطرات کم ہوتے ہیں-