Baaghi TV

Author: Ayesha Rehmani

  • سیمنٹ کے ٹرک سے 3 کروڑ سے زائد کی منشیات برآمد

    سیمنٹ کے ٹرک سے 3 کروڑ سے زائد کی منشیات برآمد

    سندھ: جیکب آباد میں سیمنٹ کے ٹرک سے بھاری مقدار میں منشیات برآمد کرلی گئی۔

    باغی ٹی وی: اینٹی نارکوٹکس فورس کے ترجمان کے مطابق جیکب آباد میں اے این ایف نے انٹیلی جنس بیسڈ آپریشن کیا،دوران آپریشن ضلع خیر پور جانے والے ٹرک کو پکڑا گیا، سیمنٹ کے ٹرک سے بھاری مقدار میں منشیات برآمد کی گئی منشیات ٹرک کے خفیہ خانوں میں رکھی گئی تھی، 620 کلو گرام منشیات کی مالیت 3 کروڑ سے زائد ہے۔

    قبل ازیں ڈائریکٹر کراچی زون ضعیم اقبال شیخ کی ہدایت پر انسانی سمگلرز کی گرفتاری کے لئے کریک ڈاؤن کیا گیا ،ڈپٹی ڈائریکٹر اینٹی ہیومن ٹریفکنگ سرکل کراچی بہاول اوستو کے احکامات پر چھاپہ مار ٹیم نے کارروائی کرتے ہوئے انسانی سمگلر کو گرفتار کر لیاگرفتار ملزم انسانی سمگلنگ کے گھناونے جرم میں ملوث تھاملزم حمزہ سہیل کو کراچی کے علاقے بہادرآباد سے گرفتار کیا گیا-

    ملزم بغیر لائسنس کے عجوہ ٹریول کے نام سے ایجنسی چلا رہا تھا،ملزمان سادہ لوح شہریوں کو ملازمت کا جھانسہ دے کر بھاری رقوم وصول کر رہے تھےابتدائی تفتیش کے مطابق ملزم نے متعدد شہریوں سے بیرون ممالک بھجوانے کے نام پر پاسپورٹ وصول کئے چھاپے کے دوران ملزم کے قبضے سے 13 عدد پاسپورٹس، 12 چیک بکس، لیپ ٹاپس اور دیگر دستاویزات برآمد کر لئے گئے ملزم لائسنس کے حوالے سے بھی حکام کو مطمئن نہ کر سکا ملزم کے خلاف کاروائی خفیہ اطلاع پر عمل میں لائی گئی ملزم کو گرفتار کر کے تفتیش کا آغاز کر دیا گیا۔ دیگر ملزمان کی گرفتاری کے لئے چھاپے مارے جا رہے ہیں۔

    علاوہ ازیں گزشتہ روز ترجمان ایف آئی اے ساہیوال پولیس نے ناجائز اسلحہ کی بڑی کھیپ پکڑ لی،ساہیوال پولیس نے ناکہ بندی کے دوران ناجائز اسلحہ کی بڑی کھیپ کی ترسیل ناکام بنا دی، ساہیوال پولیس نے ناکہ بندی کے دوران گاڑی کی تلاشی پر 114 پستول ، 18 رائفلز اور ہزاروں کی تعداد میں گولیاں برآمد کر لیں، ساہیوال پولیس نے اسلحہ قبضہ میں لیکر نوشہرہ کے رہائشی ملزم نعیم کو گرفتار کر لیا-

    دوسری جانب حوالہ ہنڈی اور غیر قانونی کرنسی ایکسچینج میں ملوث 2 ملزمان کو گرفتار کر لیا گیا چھاپے کے دوران ملزمان سے بھاری رقوم برآمد کی گئی گرفتار ملزمان میں فلک نیاز اور اسد اللہ شامل ہیں،ملزمان کو دین پلازہ پشاور صدر سے گرفتار کیا گیا۔ ملزمان سے مجموعی طور پر 45 لاکھ پاکستانی روپے، 550 سعودی ریال ، 900 اماراتی درہم اور 1200 ملائشین رنگٹ برآمد ہوئے۔ ملزمان سے ہنڈی حوالہ سے متعلق ریکارڈ بھی برآمد کر لیا گیا۔ ملزمان برآمد ہونے والی کرنسی کے حوالے سے حکام کو مطمئن نہ کر سکے۔ ملزمان کے خلاف مقدمہ درج کر لیا گیا۔ مزید تفتیش جاری ہے۔

  • ایم کیو ایم اور ن لیگ کا اتحاد نہیں ہوا،دونوں کے وفود کی ملاقات ہوئی تھی،خالد مقبول صدیقی

    ایم کیو ایم اور ن لیگ کا اتحاد نہیں ہوا،دونوں کے وفود کی ملاقات ہوئی تھی،خالد مقبول صدیقی

    کراچی: ایم کیو ایم کے کنوینیئر خالد مقبول صدیقی کا کہنا ہے کہ ایم کیو ایم اور ن لیگ کا اتحاد نہیں ہوا-

    باغی ٹی وی: نجی خبررساں ادارے کے ٔروگرام میں گفتگو کرتے ہوئے ایم کیو ایم کے کنوینئر خالدمقبول صدیقی کا کہنا تھا کہ اللہ کرے انتخابات کی تاریخ پتھر پر لکیرہی ثابت ہو، کراچی کو سب سے زیادہ انتخابات کی ضرورت ہےانتخابات فوری، صاف اورشفاف ہونا چاہئیں، لیکن انتخابات صاف اور شفاف ہوتے نظر نہیں آرہے، پھر بھی عام انتخابات میں بھرپور حصہ لیں گے-

    خالد مقبول صدیقی کا کہنا تھا کہ ایم کیوایم اور ن لیگ کااتحاد نہیں ہوا، دونوں کے وفود کی ملاقات ہوئی تھی، ہمارے درمیان تعاون میں کوئی رکاوٹ نہیں ہے، ہم جمہوریت کو بچانے کیلئے کوششیں کریں گے، ابھی تک سیٹ ایڈجسمنٹ پر کوئی بات نہیں ہوئی، کوئی دوسرے کے حق میں بیٹھ جائے تو ووٹر مایوس ہوتا ہے، ہم اپنے حصے سے زیادہ کی قربانی دے چکے ہیں، ایم کیوایم اصول ہار کر الیکشن نہیں جیتنا چاہتی نوازشریف کراچی آئیں گے، لیکن ابھی تاریخ نہیں دی گئی، ہر کسی کو کراچی میں آکر الیکشن لڑنے کا حق ہے، ہم مریم نوازکوکراچی میں خوش آمدید کہیں گے، کوئی آئےاورکراچی کوتبدیل کرے، ہم آج بھی سڑکوں پر اپنے ووٹرز گنوا رہے ہیں، کراچی میں 75 لاکھ افراد کو کم گنا گیا ہے، آنے والے وقت میں 75 لاکھ افراد کو بھی بازیاب کروالیں گے-

    بینک کاشت کاروں کیلئےبروقت اورہمواررسائی یقینی بنائیں،گورنر اسٹیٹ بینک

    سراج الحق کا ن لیگ اور پیپلزپارٹی سے اتحاد نہ کرنے کا اعلان

    اگر ثقافت کو بچانا ہے تو… ایلون مسک کا اٹلی کی ماؤں کو …

  • طالبان نے افغانستان میں ٹی ٹی پی کے 40 دہشت گردوں کو حراست میں لے لیا

    طالبان نے افغانستان میں ٹی ٹی پی کے 40 دہشت گردوں کو حراست میں لے لیا

    کابل: افغانستان میں طالبان حکومت نے انٹیلی جنس بنیادوں پر کیے گئے آپریشن میں کالعدم تحریک طالبان پاکستان کے 40 دہشت گردوں کو حراست میں لے لیا ، پہلی بار طالبان حکومت نے ٹی ٹی پی کے جنگجوؤں کی گرفتاری کا باضابطہ دعویٰ کیا ہے-

    باغی ٹی وی: افغان خبر رساں ادارے طلوع نیوز کے مطابق طالبان وزارت داخلہ کے ترجمان عبد المتین قانع نے ٹی پی پی کے 40 دہشت گردوں کی گرفتاری کے بعد جیل میں قید ہونے کی تصدیق کی ہے،ٹی ٹی پی کے 35 سے 40 تک کے ممبران جیلوں میں ہیں اور ان سے تفتیش کی جا رہی ہے مجرموں کو قانون کے کٹہرے میں لایا جائے گا۔

    افغان وزارت داخلہ کے ایک اعلیٰ اہلکار نے اتوار کو اعلان کیا کہ ان کی حکومت نے تمام ہمسایہ ریاستوں کے ساتھ اچھے تعلقات برقرار رکھنے کی کابل کی خواہش پر زور دیتے ہوئے، گزشتہ ایک سال کے دوران تقریباً 40 پاکستانی طالبان، جنہیں تحریک طالبان پاکستان (ٹی ٹی پی) کے عسکریت پسند بھی کہا جاتا ہے، کو گرفتار کیا ہے۔

    یہ پہلا موقع ہے جب کسی افغان اہلکار نے کہا ہے کہ ٹی ٹی پی کے جنگجوؤں کے خلاف کارروائی کی ہے، جن پر پاکستان کا الزام ہے کہ وہ اپنی مغربی سرحد کے قریب علاقوں میں حملوں کی منصوبہ بندی کر رہا ہے۔

    پاکستان میں حال ہی میں عسکریت پسندوں نے تشدد اور خودکش بم دھماکے کئے ہیں ، پاکستانی حکام کا کہنا تھا کہ ٹی ٹی پی اور افغانستان میں مقیم اس سے وابستہ گروپوں نے کیا ہے۔ نگران وزیر اعظم انوار الحق کاکڑ نے گزشتہ ماہ انکشاف کیا تھا کہ ان کے ملک نے کابل سے کہا تھا کہ وہ پاکستان یا عسکریت پسندوں کے نیٹ ورک میں سے کسی ایک کا انتخاب کرے-

    افغانستان میں ٹی ٹی پی کے عسکریت پسندوں کے معاملے نے دونوں ممالک کے درمیان کشیدگی کو بڑھا دیا ہے، جس کے نتیجے میں پاکستان نے سیکیورٹی خدشات کا حوالہ دیتے ہوئے غیر رجسٹرڈ غیر ملکیوں، خاص طور پر افغان باشندوں کو ملک بدر کرنے کا اعلان کیا ہے۔

    افغان وزارت داخلہ کے ترجمان، عبدالمتین قانی نے طلوع نیوز کو بتایا، "آج، افغانستان میں کوئی عسکریت پسند گروپ کام نہیں کر رہا ہے،” "ہمارے ساتھ داعش کے قیدیوں کی ایک بڑی تعداد موجود ہے، اور تقریباً 35 سے 40 ٹی ٹی پی جنگجو ہمارے ہاں قید ہیں۔”
    انہوں نے کہا کہ کابل افغانستان کے پڑوسیوں کے ساتھ مثبت تعلقات کا خواہاں ہے اور اپنی سرزمین مسلح دھڑوں کو دوسرے ممالک کے خلاف حملوں کے لیے استعمال کرنے کی اجازت نہیں دے گا۔

    انہوں نے افغان میڈیا کو یقین دلایا کہ ان کے ملک کی سلامتی کو لاحق کسی بھی خطرے کا فوری طور پر مقابلہ کیا جائے گا، ذمہ دار افراد یا گروہوں کی نشاندہی کرکے انہیں گرفتار کیا جائے گا۔

    پاکستان نے کہا ہے کہ وہ چاہتا ہے کہ کابل کے حکام سرحد پار حملوں میں اس کے سکیورٹی اہلکاروں اور لوگوں کو نشانہ بنانے والے عسکریت پسندوں کے حوالے کریں۔

    بڑھتی ہوئی کشیدگی کے درمیان، افغان حکام نے پاکستان کے ایک سرکردہ مذہبی سیاست دان مولانا فضل الرحمان کو کابل آنے کی دعوت دی ہے، حالانکہ اس دورے کا ایجنڈا دونوں طرف سے ظاہر نہیں کیا گیا ہے۔

    ترجمان عبد المتین قانع نے اپنے بیان میں ٹی ٹی پی کے گرفتار دہشت گردوں کی شناخت ظاہر نہیں کی اور نہ ہی یہ بتایا کہ ان میں کتنے رہنما اور کس رینک کے کمانڈرز شامل ہیں۔

    واضح رہے کہ پاکستان متعدد بار طالبان حکومت سے ٹی ٹی پی کے خلاف کارروائی اور حوالگی کا مطالبہ کرچکا ہے پاکستان میں ہونے والے دہشت گردی کے واقعات میں ٹی ٹی پی ملوث رہی ہے –

  • مدرسے کے شاگرد کو مارنے پر شور مچانے والے فلسطین میں ظلم پر خاموش ہیں،مولانا فضل الرحمان

    مدرسے کے شاگرد کو مارنے پر شور مچانے والے فلسطین میں ظلم پر خاموش ہیں،مولانا فضل الرحمان

    کاٹلنگ: جمعیت علمائے اسلام (ف) کے سربراہ مولانا فضل الرحمان نے کہا ہے کہ مدرسے کے شاگرد کو مارنے پر شور مچانے والے فلسطین میں ظلم پر خاموش ہیں۔

    باغی ٹی وی: مردان کی تحصیل کاٹلنگ کے علاقے بابوزئی میں تکمیل حفظ قرآن کی تقریب سے خطاب کرتے ہوئے انہوں نے کہا کہ مدارس کے خلاف ہر سازش کو ناکام بنادیں گے، ہم نے مدرسے میں جو کچھ سیکھاہے، ہم ان پر کھڑے ہیں اور کھڑے رہیں گے، ہمارے اکابرین نے ملک کیلئے قربانیاں دیں، مگر ان کی کردار کشی کی گئی۔

    مدرسے کا استاد اگر شاگرد کو مارے تو انسانی حقوق کے علم بردار آسمان سر پر اٹھا دیتے ہیں مگر فلسطین میں ظلم پر سب خاموش ہیں،دنیا فلسطین کی نسل کشی کا تماشہ دیکھ رہی ہےصیہونی قوتیں جو فلسطینیوں کےساتھ کر رہے ہیں اس پر پوری انسانیت شرمندہ ہے، اقوام متحدہ سلامتی کونسل بنیادی انسانی حقوق کی تنظیمیں سب ناکام ہوگئی ہیں، ہم انسانی حقوق کے تحفظ کے ضامن ہیں ، معیشت کی بحالی کاعزم رکھتے ہیں، جمیعت علما اسلام بندوق کی سیاست پر یقین نہیں رکھتی۔

    اگر ثقافت کو بچانا ہے تو… ایلون مسک کا اٹلی کی ماؤں کو …

    مولانا فضل الرحمان نے کہا کہ عالمی اداروں اور معاہدوں کے ذریعے ہمیں غلام بنایا ہوا ہے، ہماری سیاست پر اقوام متحدہ سمیت عالمی اداروں کا قبضہ ہے، انسانی حقوق کی عالمی تنظیمیں ہمارے فیصلے کرتی ہیں جس سے ہمارا اپنے آئین و قانون غیرمو ثر ہوجاتا ہے، معیشت کو ورلڈ بینک کنٹرول کررہا ہے، ہمارے دفاع کو عالمی معاہدات کے تحت کنٹرول کیا جارہا ہے، پاکستان کے پاس ایٹم بم ہے مگر اس کا اختیار ہمارے پاس نہیں۔

    بینک کاشت کاروں کیلئےبروقت اورہمواررسائی یقینی بنائیں،گورنر اسٹیٹ بینک

  • 2018 میں بہت سی قوتوں نے ن لیگ کا راستہ روکنے کی کوشش کی،راناثنااللہ

    2018 میں بہت سی قوتوں نے ن لیگ کا راستہ روکنے کی کوشش کی،راناثنااللہ

    فیصل آباد : پاکستان مسلم لیگ ن پنجاب کے صدر رانا ثنا اللہ کا کہنا ہے کہ 2024 کے عام انتخابات میں مسلم لیگ ن اکثریت سے کامیاب ہوگی۔

    باغی ٹی وی: فیصل آباد میں کرسمس کے حوالے سے ایک تقریب سے خطاب کرتے ہوئے رانا ثنااللہ کا کہنا تھا کہ 2012 میں بڑے سرمایہ کار پاکستان آنے کےلیے تیار نہیں تھے، عوام نے 2013 میں ہم پر اعتماد کیا تو ہم نے اس ملک سے دہشت گردی اور لوڈ شیڈنگ ختم کی، پاکستان میں 2012 میں لوڈشیڈنگ اور دہشت گردی ہو رہی تھی، نواز شریف کی قیادت میں ہم نے لوڈ شیڈنگ اور دہشت گردی سے نجات دلائی، ن لیگ نے حکومت بنائی تو سی پیک آیا، ہمارے دور میں پوری دنیا نے کہا تھا کہ پاکستان نے اپنے مسائل پر قابو پا لیا ہےعام انتخابات میں مسلم لیگ ن اکثریت سےکامیاب ہوگی، اور فیصل آباد کے دونوں صوبائی اور قومی حلقے جیتے گی 2018 میں بہت سی قوتوں نے ن لیگ کا راستہ روکنے کی کوشش کی، لیکن اس وقت بھی مسیحی برادری نے ہمارا بھرپور ساتھ دیا تھا۔

    بینک کاشت کاروں کیلئےبروقت اورہمواررسائی یقینی بنائیں،گورنر اسٹیٹ بینک

    دوسری جانب وفاقی حکومت نے مسیحی ملازمین کو کرسمس پر تنخواہ اور پنشن ایڈوانس ادا کرنے کا فیصلہ کیا ہےوفاقی وزارت خزانہ نے اکاؤنٹنٹ جنرل دفتر کو اس حوالے سے خط لکھ دیا ہے وزارت خزانہ کے خط میں کہا گیا ہےکہ مسیحی ملازمین کو کرسمس سے پہلے تنخواہ اور پنشن ادا کی جائےوزارت خزانہ نے ہدایت کی ہےکہ مسیحی ملازمین کو تنخواہ اور پنشن 20 دسمبرتک ادا کردی جائے۔

    اگر ثقافت کو بچانا ہے تو… ایلون مسک کا اٹلی کی ماؤں کو …

  • انتخابات کا اعلان، ووٹر کتنے، تاحال تعداد سامنے نہ آ سکی

    انتخابات کا اعلان، ووٹر کتنے، تاحال تعداد سامنے نہ آ سکی

    اسلام آباد(محمداویس) : 8فروری2024 کو ہونے والے عام انتخابات میں کتنے ووٹرز حق رائے دہی استعمال کریں گے کسی کو معلوم نہیں،الیکشن کمیشن آف پاکستان نے الیکشن شیڈول بھی جاری کردیا مگر ووٹرز کی تعداد ابھی تک جاری نہیں کی ،سیکرٹری الیکشن کمیشن کو باقاعدہ خط لکھا مگر اس خط کے جواب میں بھی تعداد نہیں بتائی گئی-

    باغی ٹی وی: خبررساں ادارے کے مطابق پاکستان میں عام انتخابات 2024میں کل کتنے ووٹر رائے حق داہی استعمال کرسکتے ہیں اس حوالے سے کسی قسم کا ڈیٹا الیکشن کمیشن نے ابھی تک جاری نہیں کیا ہے آخری بار 25 جولائی 2023 کو ووٹرز کا ڈیٹا جاری کیا گیا مگر انتخابات مردم شماری کی منظوری کے بعد تاخیر کا شکار ہوئے اور الیکشن کمیشن نے نئی حلقہ بندیاں کی اسی دوران ووٹر لسٹوں کو ڈی فریز کر کے نئے ووٹرز رجسٹرڈ کئے گئے 25ستمبر 2023 کو ووٹر لسٹیں غیر منجمند کی گئی جو 28 اکتوبر 2023 کو دوبارہ منجمند کردی گئیں-

    ایک ماہ اور 19دن گزرنے کے باوجود ابھی تک الیکشن کمیشن آف پاکستان نے ووٹر لسٹیں جاری نہیں کیں کہ اس دوران کتنے ووٹرز کا اضافہ ہوا ہے اس خبررساں ادارے کے صحافی نے اس حوالے سے باقاعدہ درخواست سیکرٹری الیکشن کمیشن کو دی مگر اس درخوا ست کے جواب میں بھی ووٹرز کی تعداد نہیں بتائی گئی ۔

    الیکشن کمیشن نے 15دسمبر کو سپریم کورٹ کے حکم کے بعد الیکشن شیڈول بھی جاری کردی مگر ابھی تک عام انتخابات 2024 جو 8 فروری کو ہونے ہیں اس کے بارے میں کسی قسم کی معلومات نہیں دیں کہ ووٹر لسٹیں غیر منجمند ہونے کے درمیان کتنے ووٹرز کا اضافہ ہوا ہے ۔

  • سابق وفاقی وزیر حامد سعید کاظمی پیپلز پارٹی میں شامل

    سابق وفاقی وزیر حامد سعید کاظمی پیپلز پارٹی میں شامل

    اسلام آباد: معروف عالم دین اور سابق وفاقی وزیر حامد سعید کاظمی پیپلز پارٹی میں شامل ہوگئے۔

    باغی ٹی وی: پیپلزپارٹی پارلیمنٹرینز کے صدر آصف علی زرداری سے ملاقات کے بعد معروف عالم دین اور سابق وفاقی وزیر حامد سعید کاظمی نے دوبارہ پی پی پی میں شمولیت کا اعلان کردیا،حامد سعید کاظمی اور احمد سعید کاظمی نے سابق صدر آصف زرداری سے ملاقات کی، جس میں نیر بخاری، مخدوم احمد محمود اور عبدالقادر شاہین بھی موجود تھے، آصف زرداری نے حامد سعید کاظمی اور احمد سعید کاظمی کو دیگر رفقا سمیت پی پی پی میں شمولیت پر مبارک باد دی۔

    سراج الحق کا ن لیگ اور پیپلزپارٹی سے اتحاد نہ کرنے کا اعلان

    واضح رہے کہ حامد سعید کاظمی پیپلز پارٹی دور حکومت میں وفاقی وزیر مذہبی امور بھی رہ چکے ہیں 2022 میں انہوں نے پیپلز پارٹی کو خیر باد کہہ کر تحریک انصاف میں شمولیت اختیار کرلی تھی۔

    دوسری جانب آصف علی زرداری سے پی پی پی بلوچستان کے رہنما جمال رئیسانی نے زرداری ہاؤس میں ملاقات کی، اس موقع پر پی پی پی رہنما فرید رئیسانی بھی موجود تھےآصف علی زرداری، جمال رئیسانی اور فرید رئیسانی کے درمیان بلوچستان کی سیاسی صورت حال پر تبادلہ خیال کیا گیا۔

    بینک کاشت کاروں کیلئےبروقت اورہمواررسائی یقینی بنائیں،گورنر اسٹیٹ بینک

  • سراج الحق کا ن لیگ اور پیپلزپارٹی سے اتحاد نہ کرنے کا اعلان

    سراج الحق کا ن لیگ اور پیپلزپارٹی سے اتحاد نہ کرنے کا اعلان

    اسلام آباد: امیر جماعت اسلامی سراج الحق ن لیگ اور پیپلزپارٹی سے عام انتخابات میں اتحاد نہ کرنے کا اعلان کیا ہے-

    باغی ٹی وی: اسلام آباد میں بات کرتے ہوئے جماعت اسلامی کے امیر سراج الحق نے کہا کہ پیپلز پارٹی اور مسلم لیگ ن، نے ملک کو تباہ و برباد کر دیا ہے، ان دونوں جماعتوں سے کوئی اتحاد نہیں کریں گے، اور آئندہ انتخابات میں عوامی مینڈیٹ پر ڈاکہ نہیں ڈالنے دیں گےاس وقت ایک لاڈلے اور سپر لاڈلے کیلئے ماحول بنایا جا رہا ہے، اگر شفاف انتخابات کو یقینی نہ بنایا گیا تو الیکشن نتائج کو تسلیم نہیں کریں گے-

    سراج الحق نے کہا کہ الیکشن امن، ترقی اور خوشحالی کے منشور پر لڑیں گے، 8،8 کنال پر بنے گورنر ہاؤسز اور کمشنر ہاؤسز کا خاتمہ کریں گے فنانشل منیجمنٹ اور فنڈز یوٹلائزیشن کو ٹھیک کریں گے، تعلیم و صحت میں ایمرجنسی نافذ کریں گے، بھکاریوں کیلئے بحالی ٹریننگ سینٹرز بنائے جائیں گے، عوام کے پاس حقیقی تبدیلی کا پیغام لے کر جائیں گے۔

    اگر ثقافت کو بچانا ہے تو… ایلون مسک کا اٹلی کی ماؤں کو …

    امیر جماعت اسلامی نے کہا کہ تمام سیاسی جماعتوں کو یکساں ماحول نہ فراہم کیا گیا تو آئندہ حکومت نہیں چلے گی،انتخابات کیلئے 50 فیصد سے زائد امیدواروں کو ٹکٹ جاری کر چکے ہیں،شفاف انتخابات کیلئے عدلیہ، اسٹیبلشمنٹ اور الیکشن کمیشن کا غیر جانبدار ہونا ضروری ہے۔

    آڈیالہ جیل میں بجلی منقطع

  • بینک کاشت کاروں کیلئےبروقت اورہمواررسائی یقینی بنائیں،گورنر اسٹیٹ بینک

    بینک کاشت کاروں کیلئےبروقت اورہمواررسائی یقینی بنائیں،گورنر اسٹیٹ بینک

    کراچی: گورنر اسٹیٹ بینک جمیل احمد نے ہدایت کی ہے کہ بینک کاشت کاروں کیلئےبروقت اورہمواررسائی یقینی بنائیں-

    باغی ٹی وی: گورنر اسٹیٹ بینک جمیل احمد کی زیرسربراہی مشاورتی کمیٹی کا اجلاس ہوا، جس میں گورنر اسٹیٹ بینک نے زرعی شعبے میں نمو کی ضرورت پر زور دیا کہا کہ بینک کاشت کاروں کیلئےبروقت اورہمواررسائی یقینی بنائیں، 2023 میں زرعی قرضوں کی فراہمی کا ہدف 97.6 فیصد حاصل کیا، 2024 میں زرعی شعبہ مزید مستحکم ہونے کی امید ہے، 2024 میں زرعی قرضوں کی تقسیم کا ہدف2250 ارب ہے۔

    گورنر اسٹیٹ بینک نے کہا کہ اسٹیٹ بینک ہر بینک کےساتھ رابطہ رکھے گا، بینک زراعت اور دیہی قرضوں کی رسائی بڑھانے کے لیے مائیکرو فنانس اداروں کے ساتھ بھی اشتراک کریں، بینک کسانوں کو کرایہ پر زرعی مشینری اور آلات دینے والے اداروں کو قرضے دینے کی فیزیبلٹی کاجائزہ لیں،اور ماحولیاتی تبدیلی کےخطرات کو کم کرنےکے آلات اور بیمہ اسکیموں پرمتوجہ ہوں اور بین الاقوا می ڈونر ایجنسیو ں سے اشتراک کریں، تمام بینکس زرعی قرضوں کی پروسیسنگ کے لیے پنجاب کا لینڈ ریکارڈ مینجمنٹ انفارمیشن سسٹم جون 2024 تک پوری طرح اپنالیں، دیگر صوبے بھی لینڈ ریکارڈ کی ڈیجیٹلائزیشن میں تیزی لائیں تاکہ قرضوں کی فوری پروسیسنگ کے لیے وہ بینکوں کے ساتھ مربوط ہو سکیں۔

    قبل ازیں گورنر اسٹیٹ بینک نے اسٹرٹیجک پلان برائے 2023 تا 2028 جاری کیا تھا گورنر جمیل احمد نے کراچی میں منعقدہ تقریب میں اسٹیٹ بینک کا اسٹرٹیجک پلان برائے 2023 تا 2028’’ایس بی پی وژن 2028‘‘ جاری کیا، ’’اسٹیٹ بینک وژن 2028‘‘ اسٹیٹ بینک ایکٹ میں ترمیم کے بعد جاری کیا جانے والا پہلا منصوبہ ہے، اس میں مرکزی بینک کا نصب العین، مشن اور اگلے پانچ سال کے لیے متعین کلیدی اہداف بتائے گئے ہیں، اسٹریٹجک پلان اہم متعلقہ فریقوں کے ساتھ ایک مشاورتی اور جامع عمل کے ذریعے تیار کیا گیا ہے۔

    اس موقع پر خطاب کرتے ہوئے اسٹیٹ بینک کے گورنر نے کہا تھا کہ ’’اسٹیٹ بینک وژن 2028 ‘‘ اسٹیٹ بینک کے اس عزم کا اظہار ہے کہ قیمتوں کا استحکام اورمالی استحکام حاصل کیا جائے گا اور ملک کی پائیدار اقتصادی ترقی میں حصہ لیا جائے گا، ’’ایس بی پی وژن 2028‘‘ میں چھ اہم اسٹریٹجک مقاصد کا احاطہ کیا گیا ہے۔

  • اگر ثقافت کو بچانا ہے تو… ایلون مسک کا اٹلی کی ماؤں کو مشورہ

    اگر ثقافت کو بچانا ہے تو… ایلون مسک کا اٹلی کی ماؤں کو مشورہ

    روم: ٹیسلا،اسپیس ایکس اور ایکس کے سی ای او ایلون مسک نے اٹلی کی ماؤں سے زیادہ سے زیادہ بچے پیدا کر نے کا مطالبہ کر دیا-

    باغی ٹی وی:ٹیسلا کے مالک ایلون مسک نے اٹلی میں کم شرح پیدائش پر تشویش کا اظہار کرتے ہوئےکہا ہے کہ نقل مکانی کے باعث بڑھتی ہوئی آبادی اصل آبادی نہیں، مقامی آبادی آپ کی نسل چلاتی ہے-

    ایلون مسک نے اطالوی وزیراعظم جارجیا میلونی کی برادرز آف اٹلی پارٹی کی جانب سے منعقدہ کردہ ایک تقریب سے خطاب کرتے ہوئے مزید کہا کہ ٹلی کی کم شرح پیدائش سرمایہ کاروں کو روک سکتی ہے، ایلون نےاٹلی کی ماؤں کو خبردار کیا کہ اگر انہوں نے زیادہ سے زیادہ بچے پیدا نہیں کئے تو ان کی اپنی نسل مٹ جائے گی اور اصل اطالوی ڈھونڈنے سے بھی نہیں ملیں گے۔

    وفاقی دالحکومت ایک ہی دن پے در پے دو ڈکیتی اور قتل کے واقعات

    ایلون مسک نے کہا کہ اصل آبادی وہ ہوتی ہو جو مقامی ہو۔ نقل مکانی کرکے اٹلی میں آباد ہونے والے وارث نہیں۔ اطالیوں کو اپنی نسل بچانے اور ثقافت بچانے کے لیے زیادہ بچے پیدا کرنا ہوں گے،وہ قانونی طور پر ہجرت کر کے آنے والوں کے حق میں ہیں اور تمام ممالک کو چاہیے کہ وہ ایماندار اور محنتی افراد کو خوش آمدید کہیں چاہے وہ کسی بھی ملک سے آرہے ہوں-

    اس سے قبل ایک انٹرویو میں، مسک نے وضاحت کی تھی کہ اٹلی میں کم شرح پیدائش، جزوی طور پر، غیر ملکی سرمایہ کاری کو خوفزدہ کر رہی ہے اور یہ کہ قانونی ہجرت کو فروغ دینا یورپی ملک کی معیشت کو بحال کرنے اور اسے فروغ دینے کے لیے ایک اچھا آپشن ہو سکتا ہے۔

    نگران وزیر اعلی پنجاب نے گڈز ٹرانسپورٹ کو کرائے کم کرنے کی ڈیڈ لائن دے …

    تاہم، مسک نے نشاندہی کی کہ اٹلی کا ایک بڑا مسئلہ غیر قانونی امیگریشن ہے، اس سال اب تک 153,000 سے زیادہ لوگ سمندر کے راستے اٹلی پہنچے ہیں”اگر یہ غیر قانونی امیگریشن ہے اور کوئی فلٹر نہیں ہے تو آپ کو کیسے پتہ چلے گا کہ کون آ رہا ہے؟-

    ٹیسلا کےمالک نے پیدائش کے بحران کا ذکر کیا اورمصنوعی ذہانت کا اضافہ نسل انسانی کے لیے اہم خطرات میں سے ہیں، پیدائش کی شرح ان میں سے ایک ہے، دوسری جوہری جنگ ہے، پھر AI ایک وجودی خطرہ ہے، ہمیں AI کی آمد سے محتاط رہنا چاہیے، لیکن یہ بڑی حد تک دو دھاری تلوار ہے، AI جادوئی جن ہے،” مسک کہا. "جادو جینز کی کہانی عام طور پر اتنی اچھی نہیں نکلتی، اس لیے محتاط رہیں کہ آپ کیا چاہتے ہیں۔

    آڈیالہ جیل میں بجلی منقطع