Baaghi TV

Author: Ayesha Rehmani

  • نواز شریف کا جے یو آئی سربراہ مولانا فضل الرحمان سے ٹیلفونک رابطہ

    نواز شریف کا جے یو آئی سربراہ مولانا فضل الرحمان سے ٹیلفونک رابطہ

    لاہور: مسلم لیگ (ن) کے قائد اور سابق وزیراعظم نواز شریف کا جمعیت علماء اسلام کے سربراہ مولانا فضل الرحمان سے ٹیلفونک رابطہ ہوا۔

    باغی ٹی وی : جے یو آئی کے ترجمان اسلم غوری کے مطابق ٹیلی فونک رابطے میں نواز شریف نے مولانا فضل الرحمان سے ان کی خیریت دریافت کی،دونوں رہنماؤں کے درمیان موجودہ ملکی سیاسی صورتحال پر تبادلہ خیال ہوا۔
    https://x.com/juipakofficial/status/1724039294304526493?s=20
    ترجمان جے یو آئی کے مطابق نواز شریف اور مولانا فضل الرحمان نے باہمی اتفاق سے ملکی مسائل کو حل کرنے کا عزم ظاہر کیا جبکہ نواز شریف نے جلد ملاقات کی خواہش کا اظہار بھی کیا۔

  • پنجاب میں گندم اور آٹے کا سرکاری ریٹ مقرر

    پنجاب میں گندم اور آٹے کا سرکاری ریٹ مقرر

    لاہور: محکمہ خوراک پنجاب نے گندم اور آٹے کا سرکاری ریٹ مقرر کردیا۔

    باغی ٹی وی : سیکرٹری خوراک پنجاب نے گندم اور آٹے کی قیمتوں کا نوٹیفکیشن جاری کردیا، کابینہ کمیٹی کی منظوری کے بعد نوٹیفکیشن جاری کیا گیا،محکمہ خوراک پنجاب کی جانب سے جاری نوٹیفیکیشن کے مطابق گندم کا 40 کلو تھیلے کا ریٹ 4 ہزار 700 روپے مقرر کر دیا گیا جبکہ 10 کلو آٹے کے تھیلے کا ایکس مل ریٹ ایک ہزار 374 روپے مقرر کیا گیا ہے اس کے علاوہ 10 کلو آٹے کے تھیلے کا ریٹیل ریٹ ایک ہزار 399 روپے مقررکیا گیا ہے،گندم اور آٹے کا سرکاری نرخ فوری طور پر صوبہ بھر میں نافذ العمل ہوں گے۔

    دوسری جانب نگران حکومت کی جانب سے عوام کیلئے اٹھائے گئے اقدامات کی بدولت چینی کی قیمت192سےکم ہوکر 140 روپے فی کلوپر آگئی ہے،چینی کی قیمت میں 52 روپے فی کلو کی واضح کمی ہوئی ہے، جس کے بعد 192 روپے فی کلو فروخت ہونے والی چینی اب 140 روپے میں فروخت ہو رہی ہے کراچی میں چینی کی سرکاری قیمت 130 روپے فی کلو مقرر کردی گئی ہے،کمشنر کراچی نے چینی کی قیمت 130 روپے کلو مقرر کردی ہے،کمشنر کراچی کی جانب سے ہول سیل میں چینی کی قیمت 123 روپے کلو مقرر کرنے کا نوٹیفکیشن جاری کردیا گیاتھا۔

    پاکستان اسٹاک ایکسچینج میں 100 انڈیکس پہلی بار 56 ہزار کی سطح عبور کرگیا

    ادھر کراچی ڈیری فارمرز ایسوسی ایشن نے صوبے بھر میں دودھ کی قیمتوں میں اضافے کا اعلان کیا ہے، ایسوسی ایشن کا کہنا ہے کہ چارے کی قیمت میں بے تحاشا اضافے کی وجہ سے دودھ کی قیمتیں بڑھانا پڑیں،یہ اقدام کمشنر کی جانب سے اسٹیک ہولڈرز کے ساتھ بلائی گئی میٹنگ کے تناظر میں سامنے آیا ہے، جس کا مقصد شہر میں دودھ کی قیمتوں کا ایک نیا ڈھانچہ قائم کرنا ہے شہر کے مختلف علاقوں میں دودھ 220 سے روپے 230 فی لیٹرتک فروخت کیا جارہا ہے جبکہ حکومت کی جانب سے دودھ کی قیمت 180 فی لیٹرمقرر کی گئی تھی ،کراچی ڈیری فارمرز ایسوسی ایشن کی جانب سے قیمتوں میں اضافے کے فیصلے پر صارفین نے شدید تشویش کا اظہار کیا ہے-

    امریکی‌ڈالر کی قدر میں مزید اضافہ

  • امریکی‌ڈالر کی قدر میں مزید اضافہ

    امریکی‌ڈالر کی قدر میں مزید اضافہ

    کراچی: انٹربینک تبادلہ مارکیٹ میں روپے کے مقابلے میں ڈالر کی قدر میں اضافہ ہوا ہے۔

    باغی ٹی وی: اسٹیٹ بینک آف پاکستان کی جانب سے جاری اعدادو شمار کے مطابق آج بدھ کے روز کاروبار کے اختتام پر ڈالر کی قیمت میں 52 پیسے کا اضافہ ریکارڈ کیا گیا،جس کے بعد ڈالر کی قیمت 287 روپے 3 پیسے سے بڑھ کر 287 روپے 55 پیسے کی سطح پر بند ہوئی۔
    https://x.com/StateBank_Pak/status/1724028005151035808?s=20
    انٹربینک میں کاروبار کے اختتام پر ڈالر آج 52 پیسے مہنگا ہوکر 287 روپے 55 پیسےکا ہوگیا ہے، اوپن مارکیٹ میں ڈالر ایک روپیہ مہنگا ہوکر 289 روپےکا ہے،انٹربینک میں گزشتہ کاروباری روز ڈالر 287 روپے 3 پیسے پر بند ہوا تھا-

    خیال رہے کہ گزشتہ ہفتے کے آخری کاروباری روز کے اختتام پر 13 پیسےمہنگا ہونے کے بعد ڈالر 287 روپے 3 پیسے پر بند ہوا تھا۔

    پاکستان اسٹاک ایکسچینج میں 100 انڈیکس پہلی بار 56 ہزار کی سطح عبور کرگیا

    بشریٰ بی بی کے سابق شوہر خاور فرید مانیکا کو رہا کرنے کا حکم

    قوم کو اعتماد میں لیے بغیر سینکڑوں دہشت گردوں کو چھوڑ دیا گیا،اسحاق ڈار

  • 5 سال سلیکٹڈ راج بھگتا آگے کوئی سلیکٹڈ راج قبول نہیں کریں گے، بلاول

    5 سال سلیکٹڈ راج بھگتا آگے کوئی سلیکٹڈ راج قبول نہیں کریں گے، بلاول

    مٹھی: پاکستان پیپلزپارٹی کے چیئرمین اور سابق وزیر خارجہ بلاول بھٹو نے کہا ہے کہ 5 سال سلیکٹڈ راج بھگتا آگے کوئی سلیکٹڈ راج قبول نہیں کریں گے –

    باغی ٹی وی: مٹھی میں عوامی جلسہ عام سے خطاب کرتے ہوئے بلاول بھٹو نے کہا کہ پاکستان پیپلزپارٹی تقسیم کی سیاست کرنے والی قوتوں کے خلاف جدوجہد کررہی ہے، ہم پہلے بھی اس کو مسترد کرتے رہے ہیں اور آئندہ بھی کریں گے، 5 سال سلیکٹڈ راج بھگتا آگے کوئی سلیکٹڈ راج قبول نہیں کریں گے،، انتخابات میں عوام کے پاس تین آپشنز ہوں گی، پہلا تحریک انتشار جس نے عسکری تنصیبات پر حملے کیے، اُسے عوام رد کریں گے، دوسری طرف ہمارے دوست ہیں جو شاید سمجھ رہے ہیں کہ وہ پی ٹی آئی کی نقل کر کے الیکشن لڑ سکتے ہیں تو انہیں عوام 8 فروری کو جواب دیں گے اور پاکستان مہنگائی لیگ کو شکست دیں گے

    انہوں نے کہا کہ کچھ قوتیں آج بھی ملک میں تقسیم کی سیاست چاہتی ہیں تاکہ عوام آپس میں متحد نہ ہوسکیں، بالخصوص مودی سرکار اور دنیا بھر میں پاکستان مخالف پروپیگنڈا کرنے والوں کو جواب دینے کے لیے تھرپار کے جیالے ہی کافی ہیں، ایسی طاقتوں کو پاکستان پیپلزپارٹی بہت اچھی طرح سے ہینڈل کرتی ہے۔

    بشریٰ بی بی کے سابق شوہر خاور فرید مانیکا کو رہا کرنے کا حکم

    چئیرمین پی پی نے کہا کہ پاکستان پیپلزپارٹی نے عوام کو متحدہ کرنے اور بلا رنگ و نسل خدمت کی سیاست کی ہےانشا اللہ عام انتخابات میں عوامی حکومت بنے گی، ابھی انتخابی شیڈول کا اعلان نہیں ہوا مگر جس جوش و جذبے سے عوام نے آج کے جلسے میں شرکت کی اُس سے تھرپارکر کا فیصلہ ہوگیا ہے، 8 فروری کو انشاء اللہ تھرپار کر سے تیر، پیپلزپارٹی اور عوام کی جیت ہوگی ہم اشرافیہ کو نہیں بلکہ عوام کو ریلیف دینے کیلیے اقدامات کریں گے پاکستان پیپلزپارٹی کا کوئی سیاسی مخالف نہیں، کوئی جماعت بھی ایسی نہیں ہے جس کو مخالف مان سکوں، میری مخالف بے روزگاری، مہنگائی اور غربت ہے، ہم مل کر ان ساری چیزوں سے لڑیں گے اور عوام کو اُن کا حق دیں گے،حکومت میں آنے کے بعد بے نظیر انکم سپورٹ کی طرح ہاری کارڈ بھی بنائیں گے تاکہ کسانوں کو کھاد، بیچ کے حوالے سے مدد فراہم کرسکیں، قائد جمہوریت، بی بی شہید نے جو نعرہ ’مانگ رہا ہے ہر انسان روٹی کپڑا اور مکان‘ یہ آج بھی اتنا ہی اہم ہے جتنا ماضی میں تھا، پاکستان پیپلزپارٹی یہ نعرہ اُس وقت تک لگائے گی جب تک ملک سے غربت، بے روزگاری اور مہنگائی ختم نہیں ہوجائے گی۔

    قوم کو اعتماد میں لیے بغیر سینکڑوں دہشت گردوں کو چھوڑ دیا گیا،اسحاق ڈار

    انہوں نے کہا کہ اگر عوام ساتھ ہیں کہ شہید ذوالفقار علی بھٹو، بی بی کی جماعت کو فتح ہوگی، جیسے صدر زرداری کی کوشش سے اُن کا وزیراعظم بن سکتا ہے تو اس بار جیالا وزیراعظم، وزیراعلیٰ بن سکتا ہے، ہم روایتی سیاست، نفرت اور تقسیم کی سیاست کو ختم کرنے کا مشن مکمل کریں گے اور عوامی راج قائم کریں گے۔

  • بشریٰ بی بی کے سابق شوہر خاور فرید مانیکا کو رہا کرنے کا حکم

    بشریٰ بی بی کے سابق شوہر خاور فرید مانیکا کو رہا کرنے کا حکم

    لاہور: ہائیکورٹ نے سابق خاتون اول بشریٰ بی بی کے سابق شوہر خاور فرید مانیکا کو رہا کرنے کا حکم دے دیا۔

    باغی ٹی وی: لاہور ہائیکورٹ میں عمران خان کی اہلیہ بشری بی بی کے سابق شوہر خاور فرید مانیکا کی درخواست ضمانت پر سماعت ہوئی،زمین پر قبضے اور ناجائز تعمیرات سے متعلق کیس میں درخواست ضمانت پر سماعت جسٹس علی باقر نجفی نے کی، جس میں عدالت نے درخواست ضمانت منظور کرتے ہوے خاور مانیکا کی رہائی کا حکم دے دیا، عدالت نے درخواست گزار کوایک لاکھ روپے کے مچلکے بطور ضمانت داخل کرانے کی ہدایت کر دی ۔

    عدالت کے روبرو ایڈشنل پراسیکوٹر جنرل عبدالصمد پیش ہوئے اور درخواست ضمانت کی مخالف کرتے ہوئے مؤقف پیش کیا کہ تفتیش میں درخواست گزار گناہ گار ہےپراسیکیوٹر نے کہا کہ اوقاف ڈیپارٹمنٹ کی ذمہ داری تھی کہ وہ اراضی کو تحویل میں لے لیتی۔

    قوم کو اعتماد میں لیے بغیر سینکڑوں دہشت گردوں کو چھوڑ دیا گیا،اسحاق ڈار

    درخواست گزار کے وکیل نے مؤقف پیش کیا کہ اینٹی کرپشن حکام نے خاور فرید مانیکا کو قبرستان کی زمین پر قبضہ میں گرفتار کر رکھا ہے، ان پر قبرستان کی زمین پرناجائز تعمیرات کا الزام ہے اینٹی کرپشن حکام نےخاور فرید مانیکا کو 25 ستمبر کو گرفتار کیا،عدالت رہائی کی درخوا ست ضمانت منظور کرے۔

    بعد ازاں عدالت نے خاور مانیکا کی درخواست ضمانت منظور کرلی اور ان کی رہائی کا حکم دے دیا، عدالت نے درخواست گزارکو ایک لاکھ روپے کے مچلکے جمع کرانے کا حکم بھی دیا۔

    القادر ٹرسٹ،توشہ خانہ کیس میں نیب کا عمران خان کو گرفتارکرنے کا فیصلہ

    واضح رہے کہ خاوید فرید مانیکا کے خلاف ڈپٹی کمشنر اوکاڑہ کی جانب سے اینٹی کرپشن میں رواں سال جون میں ایک فوجداری ریفرنس دائر کیا گیا تھا ریفرنس میں کہا گیا تھا کہ خاور فرید مانیکا وغیرہ نے محکمہ اوقاف کی زمین پر ناجائز قبضہ کیا ہوا ہے اور اس پر شادی ہال اور دکانیں تعمیر کی ہوئی ہیں خاور فرید مانیکا نے شادی ہال اور دکانوں کا حکومت کو ٹیکس دیا نہ محکمہ اوقات کو کوئی معاوضہ دیا جس کی مالیت لاکھوں میں ہے اینٹی کرپشن نے اس ریفرنس پر خاور فرید مانیکا کو گرفتار کیا ہے، ان پر سرکاری خزانے 13 کروڑ 67 لاکھ روپے سے زائد نقصان پہنچانے کا الزام لگایا گیا ہے خاور مانیکا 25 ستمبر 2023 کو لاہور سے امارات ائیر لائن کے ذریعے دبئی جا رہے تھے کہ انہیں ایف آئی اے امیگریشن کی جانب سے ایگزٹ کنٹرول لسٹ (ای سی ایل) میں نام شامل ہونے کی بنا پر روکا گیا۔

    خیبرپختونخوا کی نئی نگران کابینہ نے حلف اٹھا لیا

    اینٹی کرپشن پنجاب کے ترجمان نے کہا کہ خاور مانیکا کو ناجائز تعمیرات کے الزام پر ملک سے فرار ہونے کی کوشش کرتے ہوئے گرفتار کیا گیا ہے،خاور فرید مانیکا نے قبرستان کی جگہ پر غیر قانونی شادی ہال اور 26 دکانیں تعمیر کیں جب کہ وہ یک عرصے سے پیر اسلام قبرستان حویلی لکھا کی زمین پر ناجائز قابض بھی ہیں، شادی ہال بغیر منظوری نقشہ قبرستان کی 4 کنال اراضی پر بنایا گیا۔

    ایئر بالٹک نے 30 ایئر بس A220-300 کا آرڈر دے دیا

  • قوم کو اعتماد میں لیے بغیر سینکڑوں دہشت گردوں کو چھوڑ دیا گیا،اسحاق ڈار

    قوم کو اعتماد میں لیے بغیر سینکڑوں دہشت گردوں کو چھوڑ دیا گیا،اسحاق ڈار

    اسلام آباد: پاکستان مسلم لیگ (ن) کے سینئر رہنما اور سینیٹ میں قائد ایوان اسحاق ڈار نے کہا ہے کہ قوم کو اعتماد میں لیے بغیر سینکڑوں دہشت گردوں کو چھوڑ دیا گیا-

    باغی ٹی وی : چیئرمین صادق سنجرانی کی زیر صدارت سینیٹ کا اجلاس ہوا، جس میں مرحوم نگران وزیراعلیٰ خیبر پختونخوا اعظم خان اور سکیورٹی فورسز کے شہدا کے لیے دعائے مغفرت کی گئی،سینیٹر مشتاق احمد نے دعا کروائی۔

    سینیٹ اجلاس میں اظہار خیال کرتے ہوئے اسحاق ڈار نے کہا کہ وہ کون تھا جو قوم کی تقدیر سے کھیلتا تھا، جائزہ لینا ہوگا کہ دہشتگردی میں اضافہ کیوں ہو ا ،ملک سے دہشتگردی کے ناسور کو بھی ہماری حکومت نے ختم کیا، ملک کو دہشت گردی کا چیلنج درپیش تھا، آرمی پبلک اسکول پر حملہ ہوا، جس میں 100سے زائد بچے شہید ہوئے دو ہفتوں میں تمام پارٹیوں نے نیشنل ایکشن پلان بنایا، جس کا مقصد تھا کہ اپنی سرزمین دہشتگردی کےلیے استعمال نہیں ہونے دیں گے۔

    خیبرپختونخوا کی نئی نگران کابینہ نے حلف اٹھا لیا

    سابق وزیر خزانہ نے کہا کہ سب نے اتفاق کیا تھا کہ ہم نے دہشت گردی کے ناسور کو ختم کرنا ہے، پی ٹی آئی سمیت تمام جماعتوں نے اتفاق رائے سے فیصلہ کیا کہ دہشت گردی کے ناسور کو ختم کرنا ہے، لیکن قوم کو اعتماد میں لیے بغیر سینکڑوں دہشت گردوں کو چھوڑ دیا گیا، ہمیں اپنی غلطیوں کا احساس کرنا چاہیے۔

    پاکستان مسلم لیگ (ن) کے سینئر رہنما اور سینیٹ میں قائد ایوان نے کہا کہ ہم نے ملک کو دیوالیہ ہونے سے بچایا، پاکستان کے ڈیفالٹ کرنے کے خدشات ماضی میں بہت اہم معاملہ تھا پاکستان میں 20،20، گھنٹے کی لوڈشیڈنگ ہورہی تھی، ہماری حکومت نے ملک سے لوڈشیڈنگ ختم کی،انہوں نے افغان مہاجرین کی واپسی کا معاملہ بہت حساس اور اہم قرار دیا۔

    پاکستان اسٹاک ایکسچینج میں 100 انڈیکس پہلی بار 56 ہزار کی سطح عبور کرگیا

  • پاکستان اسٹاک ایکسچینج میں 100 انڈیکس پہلی بار 56 ہزار کی سطح عبور کرگیا

    پاکستان اسٹاک ایکسچینج میں 100 انڈیکس پہلی بار 56 ہزار کی سطح عبور کرگیا

    کراچی: پاکستان اسٹاک ایکسچینج میں کاروبار کے دوران 100 انڈیکس پہلی بار 56 ہزار کی سطح عبور کرگیا۔

    باغی ٹی وی: کاروباری ہفتے کے آغاز سے ہی پاکستان اسٹاک ایکسچینج میں کاروبار کا مثبت رجحان دیکھا گیا اور ایک موقع پر 100 انڈیکس 1192 پوائنٹس اضافے سے 56 ہزار 583 کی سطح پر پہنچ گیا،کاروبار کے اختتام پر 100 انڈیکس 11 ہزار 32 پوائنٹس کے اضافے سے 56 ہزار 523 پر بند ہوا۔

    دوسری جانب صرافہ مارکیٹ میں فی تولہ سونے کی قیمت 800 روپے کے اضافے کے ساتھ 2 لاکھ 11 ہزار 800 روپے کا ہوگیا کاروباری ہفتے کے پہلے روز ملکی صرافہ مارکیٹوں میں فی تولہ اور دس گرام سونے کی قیمت میں بالترتیب 800 روپے اور 686 روپے کا اضافہ ہوگیا، قیمتوں میں اضافے کے نتیجے میں کراچی، حیدرآباد، ملتان، لاہور، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونا مہنگا ہوکر 2 لاکھ 11 ہزار 800 روپے کا ہوگیا، جب کہ 10 گرام سونے کی قیمت بڑھ کر 1 لاکھ 81 ہزار 584 روپے ہوگئی۔

    سموگ کا تدارک،ڈپٹی کمشنر کے تبادلے ،ہفتے میں چھٹی،ورک فرام ہوم کا حکم

    ایئر بالٹک نے 30 ایئر بس A220-300 کا آرڈر دے دیا

    خیبرپختونخوا کی نئی نگران کابینہ نے حلف اٹھا لیا

  • خیبرپختونخوا کی نئی نگران کابینہ کو وزارتوں کے قلمدان سونپ دئیے گئے

    خیبرپختونخوا کی نئی نگران کابینہ کو وزارتوں کے قلمدان سونپ دئیے گئے

    پشاور: خیبرپختونخوا کی نئی نگراں کابینہ اراکین کو وزارتوں کے قلمدان سونپ دئیے گئے۔

    باغی ٹی وی : نگران وزیر اعلیٰ خیبر پختونخوا اعظم خان کے انتقال کے بعد گزشتہ روز جسٹس (ر) ارشد حسین نے بطور نگران وزیراعلی کے پی حلف اٹھایا تھا، اوراب نگراں خیبرپختونخوا کابینہ میں شامل وزرا نے حلف اٹھا یا، گورنرخیبرپختونخوا حاجی غلام علی نے نگراں وزرا سے حلف لیا، تقریب حلف برداری گورنر ہاؤس کے پی میں ہوئی۔

    نگران صوبائی کابینہ میں سید مسعود شاہ، ارشاد قیصر اور آصف رفیق ، نجیب اللہ، سید عامر عبداللہ اور فیروز جمال شاہ بھی کابینہ کا حصہ ہیں احمد رسول بنگش، محمد قاسم خان، عامر ندیم اور احمد جان بھی کابینہ میں شامل ہیں۔

    ٹی ایل پی نے فنڈنگ کے ذرائع نہیں بتائے،سپریم کورٹ کا حکمنامہ

    اس سے قبل گورنر خیبرپختونخوا حاجی غلام علی نے نگراں کابینہ کی سمری پر دستخط کیے، جس کے تحت خیبر پختونخواکی نگراں کابینہ میں 10 وزرا شامل کئے گئے ہیں،جسٹس ریٹائرڈ ارشد حسین شاہ نے نے صوبے کے معاملات چلانے کے لیے 10 رکنی کابینہ تشکیل دی تھی-

    القادر ٹرسٹ،توشہ خانہ کیس میں نیب کا عمران خان کو گرفتارکرنے کا فیصلہ

    خیبرپختونخوا کی نگران کابینہ میں شامل وزرا کو مختلف محکموں کے قلمدان حوالے کردیئے گئے، جس کا نوٹیفکیشن جاری کردیا گیا ہے، محکمہ داخلہ اور قانون کے قلمدان وزیراعلیٰ کے پاس ہی رہیں گے۔

    محکمہ ای اینڈ اے کی جانب سے جاری اعلامیہ کے مطابق سید مسعود شاہ کو اسٹیبلشمنٹ اینڈ ایڈمنسٹریشن وبین الصوبائی امور، جسٹس(ر) ارشاد قیصر کو جیل خانہ جات، ریلیف وبحالی اور زکوٰة وعشر وسماجی بہبود، احمد رسول بنگش کو خزانہ، ریونیو اورایکسائز اینڈٹیکیسشن ،آصف رفیق کوموسمیاتی تبدیلی، جنگلات، لائیو اسٹاک ،زراعت اور خوراک جبکہ ڈاکٹر نجیب اللہ کو سائنس اینڈٹیکنالوجی وانفارمیشن ٹیکنالوجی و کھیل وامور نوجوانان کا محکمہ دیا گیا ہے۔

    نوٹیفکیشن کے مطابق ڈاکٹر قاسم جان کو ابتدائی و ثانوی اور اعلیٰ تعلیم ، سید عامر عبداللہ کو امور ضم اضلاع ،صنعت وکامرس ، انجنیئر عامر ندیم درانی کو پبلک ہیلتھ اینڈ انجنیئرنگ اور بلدیات جبکہ انجنیئر احمد جان کو سی اینڈڈبلیو اور ایریگیشن کے محکموں کے قلمدان حوالے کیے گئے ہیں۔

    خیال رہے کہ 11 نومبر کو خیبرپختونخوا کے نگراں وزیراعلیٰ اعظم خان 90 سال کی عمر میں انتقال گرگئے تھے، جس کے بعد ان کی کابینہ بھی خود کار طریقے سے تحلیل ہوگئی تھی، جس کے بعد صوبائی حکومت نے خیبرپختونخوا کے نگران وزیر اعلیٰ کی تقرری کیلئے سابق وزیر اعلیٰ اور اپوزیشن لیڈر سے رائے طلب کی،گورنر نے آئینی اختیارات کے تحت ایڈوکیٹ جنرل، سابق قائد ایوان اور اپوزیشن لیڈر کو فیصلہ کرنے کیلئے مراسلہ بھیجا، سابق وزیراعلیٰ محمود خان اور اپوزیشن لیڈر اکرم درانی نے نگران وزیر اعلیٰ خیبرپختونخوا کیلئے باہمی مشاورت سے جسٹس (ر) ارشد حسین شاہ کے نام پر اتفاق کیا۔

    سموگ کا تدارک،ڈپٹی کمشنر کے تبادلے ،ہفتے میں چھٹی،ورک فرام ہوم کا حکم

  • ن لیگ کا ملکی سیاست میں بڑا فیصلہ،الیکٹیبلز کیلئے دروازے کھول دئیے

    ن لیگ کا ملکی سیاست میں بڑا فیصلہ،الیکٹیبلز کیلئے دروازے کھول دئیے

    لاہور: انتخابات میں کامیابی یقینی بنانے کیلئے مسلم لیگ (ن )نے ملکی سیاست میں بڑا فیصلہ کرتے ہوئے الیکٹیبلز کیلئے بند دروازے کھول دئیے۔

    باغی ٹی وی: مسلم لیگ ن نے پنجاب بھر میں کروائے جانے والے سروے کے نتائج کی بنیاد پر الیکٹیبلز کو پارٹی میں شامل کرنے کا فیصلہ کرلیا ایک سروے تھرڈ پارٹی کے ذریعے اسحاق ڈار کی نگرانی میں مکمل کروایا گیا، جس میں مجموعی طور پر 7 لاکھ سے زائد ووٹروں نے حصہ لیا، سروے کی بنیاد پر پنجاب کے مختلف اضلاع کے الیکٹیبلز کو پارٹی میں شمولیت کا گرین سگنل دیا گیا۔

    سروے کے مطابق ن لیگ کو پنجاب کی قومی اسمبلی کی 141 جنرل نشستوں میں سے 90 کے قریب نشستیں ملنے کا امکان ہے، پارٹی ذرائع کا کہنا ہے کہ مسلم لیگ ن نے الیکٹیبلز کوپارٹی میں شامل کرنے کا فیصلہ سروے کے نتائج کی بنیاد پر کیا،نوازشریف کی خواہش ہے کہ پنجاب کی 141 نشستوں میں سے کم از کم 120 نشستیں حاصل کی جائیں، اس کیلئے نوازشریف نے رانا ثنا اللہ کو اہم ٹاسک سونپ دیا ہے ،نوازشریف نے کہا ہے کہ مسلم لیگ ن کے تمام ناراض ارکان کو بھی ہر صورت منایا جائے، ہر اس شخصیت کو مسلم لیگ ن میں شامل کروایا جائے جو سیٹ جیتنے یا زیادہ ووٹ لینے کی صلاحیت رکھتا ہو۔

    لوٹی ہوئی دولت کو چھپانے اور منی لانڈرنگ کیلئے فرح گوگی کا خفیہ پاسپورٹ منظر …

    واضح رہے کہ نواز شریف آئندہ ہفتے صوبہ بلوچستان کے دورے پر روانہ ہو رہے ہیں، جہاں وہ الیکٹیبلز کو مسلم لیگ ن میں شمولیت کی دعوت دیں گے نواز شریف اور شہباز شریف بلوچستان سے بھی زیادہ سے زیادہ قومی اسمبلی کے مضبوط امیدواروں کی پارٹی میں شمولیت کی کوشش کریں گے دوسری جانب مسلم لیگ ن کا ایک وفد کراچی سمیت صوبہ سندھ کے دورے کے دوران نیا انتخابی اتحاد بنانے میں مصروف ہے۔

    نگران حکومت آئین اور الیکشن کمیشن کی ہدایت کے مطابق چلے گی،مرتضٰی سولنگی

  • نگران حکومت آئین اور الیکشن کمیشن کی ہدایت کے مطابق چلے گی،مرتضٰی سولنگی

    نگران حکومت آئین اور الیکشن کمیشن کی ہدایت کے مطابق چلے گی،مرتضٰی سولنگی

    اسلام آباد: نگراں وزیراطلاعات مرتضی سولنگی کا کہنا ہے کہ نگراں حکومت عام انتخابات میں الیکشن کمیشن کی معاونت کرے گی۔

    باغی ٹی وی: نگراں وزیراطلاعات مرتضٰی سولنگی کا کہنا تھا کہ آئین میں لکھا ہے ملک منتخب نمائندے چلائیں گے، 8 فروری جمعرات کو الیکشن ہوں گے، مذاکرات، تحفظات شکایات اور آوازیں جموریت کا حسن ہے،جمہوری نظام کا حسن ہے،نگراں حکومت عام انتخابات میں الیکشن کمیشن کی معاونت کرے گی،نگران حکومت آئین اور الیکشن کمیشن کی ہدایت کے مطابق چلے گی، صدر کے خط کا جواب خط سے دیا جائے گا۔

    واضح رہے کہ 8 نومبر کو بنیادی حقوق اور ہموار سیاسی میدان کے حوالے سے تحریک انصاف کے خدشات پر غور کرنے کے لیے صدر مملکت ڈاکٹر عارف علوی نے نگراں وزیر اعظم انوار الحق کاکڑ کے نام خط ارسال کیا تھا صدر مملکت عارف علوی نے پاکستان تحریک انصاف کے سیکرٹری جنرل عمر ایوب کا صدر کے نام خط بھی آگے نگراں وزیر اعظم کو ارسال کیا، خط میں سیاسی میدان کے حوالے سے پی ٹی آئی کے خدشات پر غور کرنے کا کہا گیا۔

    لوٹی ہوئی دولت کو چھپانے اور منی لانڈرنگ کیلئے فرح گوگی کا خفیہ پاسپورٹ منظر …

    صدر مملکت نے خط میں لکھا کہ عوام کا سیاسی سرگرمیوں میں حصہ لینا اور آزاد میڈیا کے ذریعے رائے کا اظہار کرنا ہی جمہوریت کی روح ہے جبکہ آزادانہ، منصفانہ اور مستند الیکشن پر پورے پاکستان میں اتفاق ہے، تمام سیاسی جماعتوں اور رہنماؤں کو الیکشن میں حصہ لینے اور عوام کو انہیں منتخب کرنے کا حق ہے، سیاسی وابستگیاں رکھنے والے افراد کی جبریوں گمشدگیوں کے بڑھتے ہوئے واقعات پر میڈیا میں بھی بحث ہوئی، لوگوں کی سیاسی وابستگیاں اور وفاداریاں بدل جانے پر ایسے واقعات تشویش کا باعث بنتے ہیں، خواتین سیاسی ورکرز کی طویل نظر بندی یا عدالت کی جانب سے ریلیف کے بعد بار بار دوبارہ گرفتاریاں معاملے کو مزید حساس بنا دیتی ہیں-

    پی ٹی آئی کے خدشات پر صدر مملکت نے نگراں وزیر اعظم کو خط لکھ دیا