Baaghi TV

Author: Ayesha Rehmani

  • چوہدری سرور کے بیٹے انس سرور کی جماعت کی سکاٹ لینڈ میں کامیابی

    چوہدری سرور کے بیٹے انس سرور کی جماعت کی سکاٹ لینڈ میں کامیابی

    لاہور: مسلم لیگ ق کے چیف آرگنائزر چوہدری سرور کے بیٹے انس سرور کی جماعت نے سکاٹ لینڈ میں کامیابی حاصل کر لی-

    باغی ٹی وی : رودرگلن اور ہیملٹن کے ضمنی انتخاب میں سکاٹش لیبر نے ویسٹ منسٹر سیٹ جیت لی،سابق گورنر چوہدری سرور نے کامیابی پر اپنے بیٹے انس سرور کو مبارکباد دی کہا کہ امید ہے لیبر پارٹی کی فتح سے سکاٹش سیاست بنیادی طور پر بدل جائے گی،یقین ہے کہ انس اپنی محنت جاری رکھیں گے۔

    سابق گورنر پنجاب چوہدری سرور کی جانب سے جاری بیان میں کہا گیا کہ رودرگلن اور ہیملٹن کے ضمنی انتخاب میں سکاٹش لیبر پارٹی کا میدان مارنا ناقابل یقین ہے، چوہدری انس سرور اور ا ن کی سکاٹش لیبر پارٹی تاریخی کامیابی پر مبارکباد کی مستحق ہے-

    انہوں نے مزید کہا کہ امید ہے لیبر پارٹی کی فتح سے سکاٹش سیاست بنیادی طور پر بدل جائے گی۔اور سکاٹ لینڈ میں تقسیم کا خاتمہ ہو گا ۔ چوہدری سرور نے کہا کہ انہیں یقین ہے کہ انس اپنی محنت جاری رکھیں گے اور اپنی پارٹی کو شہرت کی نئی بلندیوں تک لے جائیں گے-

    سکم،سیلاب سے تباہی،بھارتی فوج کے سات اہلکاروں سمیت 56 ہلاکتیں

    واضح رہے کہ انس سرور 16 سال کی عمر میں سکاٹش لیبر پارٹی کے رکن بن گئے تھے، لیکن سیاست تو پہلے ہی سے ان کے خون میں رچی بسی تھی ٹوبہ ٹیک سنگھ سے برطانیہ منتقل ہونے والے ان کے والد چوہدری محمد سرور کو ہاوس آف کامنز کی تاریخ میں پہلا مسلمان رکن ہونے کا اعزاز بھی حاصل ہے چوہدری محمد سرور سنہ 1997 اور 2010 کے درمیان گلاسکو سے برطانوی پارلیمان کے رکن منتخب ہوتے رہے، یہاں تک کہ ان کے بیٹے انس نے ان کی جگہ لیتے ہوئے اسی نشست پر کامیابی حاصل کی۔

    گلاسگو یونیورسٹی سے گریجویشن کرنے کے بعد انس سرور نے رکن اسمبلی بننے سے قبل پانچ سال تک پیسلے میں دانتوں کے ڈاکٹر کے طور پر کام کیا انس 2010 سے 2015 تک گلاسگو کے مرکزی رکن پارلیمنٹ تھے اور وہ نیو لیبر کے گورڈن براؤن کیمپ کا حصہ تھے۔

    برہنہ ویڈیو کال کی ریکارڈنگ،نوجوان کو کیا گیا بلیک میل

  • وفاقی ادارالحکومت میں سرچ آپریشن،ملکی و غیر ملکی افراد جاں بحق

    وفاقی ادارالحکومت میں سرچ آپریشن،ملکی و غیر ملکی افراد جاں بحق

    وفاقی ادارالحکومت اسلام آباد میں سرچ آپریشن کے دوران 19 غیر ملکیوں سمیت 38 افراد کو گرفتار کرلیا گیا۔

    باغی ٹی وی: اسلام آباد کے بلیو ایریا میں سرچ آپریشن میں پولیس اور حساس ادارے نے مشترکہ طور پر حصہ لیا سرچ آپریشن کے دوران اہلکاروں کی جانب سے شہریوں کے کوائف چیک کئے گئے،سرچ آپریشن کے دوران 38 افراد کو گرفتار کیا گیا، جن میں 19ملکی اور 19غیر ملکی افراد شامل ہیں۔

    واضح رہے کہ حکومت نے غیرقانونی مقیم غیر ملکی تارکین وطن کو 27 روز میں پاکستان چھوڑنے کی ڈیڈ لائن دے رکھی ہے،غیر قانونی تارکین وطن کے خلاف کریک ڈاؤن تیز کرنے کا فیصلہ کرلیا گیا ہے، پاکستان میں تقریباً 17 لاکھ 30 ہزار افغان شہریوں کے پاس رہائشی دستاویزات نہیں،‍‍ اقوام متحدہ کی جانب سے جاری اعداد وشمار کے مطابق 13 لاکھ غیرقانونی تارکینِ وطن رہائشی ہیں، 8 لاکھ 80 ہزار مہاجرین کو قانونی حیثیت فراہم نہیں کی گئی۔

    انتخابی قواعد،پیپلز پارٹی کو تحفظات، الیکشن کمیشن کوکیا آگاہ

    پرویز الہی سے ان کے وکلاء کی اڈیالہ جیل میں ملاقات

    لاپتہ افراد کی بازیابی کیس،چار ہفتوں میں رپورٹ طلب

  • عمرا ن خان توشہ خانہ کیس :فیصلہ معطل کرنے کی درخواست سماعت کیلئے مقرر

    عمرا ن خان توشہ خانہ کیس :فیصلہ معطل کرنے کی درخواست سماعت کیلئے مقرر

    اسلام آباد ہائیکورٹ نے پاکستان تحریک انصاف (پی ٹی آئی) کے چیئرمین عمران خان کی توشہ خانہ کیس کا فیصلہ معطل کرنے کی درخواست سماعت کے لیے مقرر کردی-

    باغی ٹی وی: چیئرمین پی ٹی آئی کی متفرق درخواست رجسٹرار اسلام آباد ہائیکورٹ نے اعتراضات کے ساتھ مقرر کی ہےسابق وزیراعظم عمران خان کی درخواست پر سماعت کے لیے 2 رکنی بینچ بھی تشکیل دے دیا گیا، چیف جسٹس عامر فاروق اور جسٹس بابر ستار بینچ میں شامل ڈویژنل بینچ 9 اکتوبر کو درخواست پر سماعت کرے گا-

    اسلام آباد ہائیکورٹ کی ڈائری برانچ نےدرخواست پر 3 اعتراضات عائد کررکھےہیں رجسٹرار آفس کا پہلا اعتراض ہےکہ ایک درخواست میں دو قسم کی استدعا کیسے کی جا سکتی ہے دوسرا اعتراض یہ ہے کہ پہلے جس درخواست پر فیصلہ ہو چکا اسمیں دوبارہ کیسے ریلیف مانگ سکتے ہیں جبکہ تیسرا اعتراض یہ ہے کہ سزا معطلی کی پہلی درخواست میں ریلیف مانگا نہیں اب کیسے مانگ سکتے ہیں۔

    لاپتہ افراد کی بازیابی کیس،چار ہفتوں میں رپورٹ طلب

    واضح رہے کہ چیئرمین پی ٹی آئی نے توشہ خانہ کیس کا فیصلہ معطل کرنےکی درخواست اسلام آباد ہائی کورٹ میں دائر کر رکھی تھی اس سے قبل اسلام آباد ہائیکورٹ چیئرمین پی ٹی آئی کی توشہ خانہ فوجداری کارروائی کیس میں صرف سزا معطل کی تھی۔

    انتخابی قواعد،پیپلز پارٹی کو تحفظات، الیکشن کمیشن کوکیا آگاہ

  • جناح ہاؤس کیس: پی ٹی آئی کے 5 رہنما اشتہاری قرار

    جناح ہاؤس کیس: پی ٹی آئی کے 5 رہنما اشتہاری قرار

    لاہور: جناح ہاؤس کیس میں لاہور کی انسداد دہشت گردی عدالت نے پاکستان تحریک انصاف (پی ٹی آئی) کے 5 رہنماؤں کو اشتہاری قرار دے دیا۔

    باغی ٹی وی: انسداد دہشت گردی عدالت لاہور نے جناح ہاؤس کے قریب گاڑیاں جلانے کے کیس میں پی ٹی آئی رہنما حماد اظہر، میاں اسلم اقبال، حسان نیازی غلام عباس اور علی عباس کو اشتہاری قرار دیا پولیس نے عدالت میں رپورٹ جمع کروائی، عدالت نے پولیس رپورٹ کی روشنی میں ملزمان کو اشتہاری قرار دیا پولیس رپورٹ میں کہا گیا کہ ملزمان گرفتاری کے خوف سے روپوش ہیں، ملزمان کو اشتہاری قرار دیا جائے-

    قبل ازیں لاہور میں 9 مئی کو جلاؤ گھیراؤ میں ملوث پی ٹی آئی کے 22 رہنماؤں اور 268 کارکنوں کو پولیس کی درخواست پر عدالت نے اشتہاری قرار دے دیا تھا پی ٹی آئی رہنماؤں میں میاں اسلم اقبال،حماد اظہر، فرخ حبیب، زبیر خان نیازی، اعظم خان سواتی، مراد سعید، علی امین گنڈا پور، اسد زمان چیمہ،حسان نیازی، امتیاز احمد شیخ، حافظ فرحت عباس، واثق قیوم، غلام عباس، علی حسن، عظمی خان، علیمہ خان، عندلیب عباس، احمد خان نیازی اور کرامت علی کھوکھر جبکہ 268 پی ٹی آئی کے کارکنوں کو بھی اشتہاری قرار دے دیا تھا۔

    نواز شریف نے ہر بار نظام بہتر بنایا،شہباز شریف

    واضح رہے کہ 9 مئی کو قومی احتساب بیورو (نیب) نے چیئرمین پی ٹی آئی عمران خان کو القادر ٹرسٹ کیس میں اسلام آباد ہائیکورٹ کے احاطے سے گرفتار کیا تھا جس کے بعد احتجاج کرنے والے تحریک انصاف کے کارکنان نے فوجی تنصیبات اور سرکاری املاک پر حملے کیے جس میں جناح ہاؤس لاہور اور ریڈیو پاکستان پشاور کی عمارت کو بھی نذر آتش کیا گیا۔

    ملک میں 9 مئی کو ہونے والی شرپسندی کے بعد قانون نافذ کرنے والے اداروں نے سخت ایکشن لیتے ہوئے متعدد شرپسندوں کو گرفتار کیا جب کہ اس موقع پر تحریک انصاف کے مرکزی رہنماؤں کو تھری ایم پی او کے تحت نظر بند کیا گیا۔

    لاپتہ افراد کی بازیابی کیس،چار ہفتوں میں رپورٹ طلب

    پی ٹی آئی کے خلاف کریک ڈاؤن کے بعد اب تک پارٹی کے کئی نامور رہنما اسے خیرباد کہہ چکے ہیں جن میں فواد چوہدری، شیریں مزاری، عامر کیانی، علی زیدی، عمران اسماعیل، پرویز خٹک، محمود خان، فردوس عاشق اعوان، فیاض چوہان، ملیکہ بخاری، آفتاب صدیقی، محمود مولوی بھی شامل ہیں جب کہ پارٹی کے سیکرٹری جنرل اسد عمر بھی تمام عہدوں سے مستعفی ہوچکے ہیں۔

  • ایلون مسک کی کمپنی ایکس کارپوریشن کے خلاف مقدمہ دائر

    ایلون مسک کی کمپنی ایکس کارپوریشن کے خلاف مقدمہ دائر

    ایک اشتہاری کمپنی نے ٹوئٹر کا نام تبدیل کرنے پر ایلون مسک کی ایکس کارپوریشن کے خلاف امریکی فیڈرل کورٹ میں ہرجانے کا مقدمہ دائر کر دیا ہے۔

    باغی ٹی وی: فلوریڈا سے تعلق رکھنے والی ایکس سوشل میڈیا نامی اشتہاری کمپنی کی جانب سے دائر مقدمے میں ایکس کارپوریشن پر غیر منصفانہ مسابقت اور ٹریڈ مارک چوری کرنے کا الزام عائد کیا گیا ہے ایکس ایس ایم نے اپنے مقدمے میں کہا ہے کہ وہ 2016 سے ایکس سوشل میڈیا کا رجسٹرڈ مارک استعمال کر رہی ہے،کمپنی کے مطابق ایکس ری برانڈ (ٹوئٹر کے نام میں تبدیلی) اور ایکس کے نشان کو استعمال کرنے پر اسے مالی نقصان کا سامنا ہوا ہے یہ ابھی واضح نہیں کہ ایکس ایس ایم کا کیس کس حد تک مضبوط ہے۔

    گزشتہ روز گاڑی روکنے والوں کو شہباز شریف نے گھر بلا لیا

    قانونی ماہرین نے میڈیا سے بات کرتے ہوئے بتایا کہ ایکس ٹریڈ مارکس کی بھرمار کے باعث کسی بھی ایکس برانڈڈ کمپنی کے لیے دوسرے کے خلاف مقدمے میں کامیابی کا حصول بہت مشکل ہے مگر یہ ممکنہ طور پر ایلون مسک کی کمپنی کے خلاف پہلا مقدمہ ضرور ہے جس کو مستقبل میں ایکس حرف کے استعمال پر متعدد مقدمات کا سامنا ہو سکتا ہے کیونکہ یہ حرف ٹیکنالوجی برانڈز میں بہت عام استعمال ہوتا ہےدرحقیقت مائیکرو سافٹ اور میٹا پلیٹ فارمز نے بھی ایکس کو اپنے ٹریڈ مارکس میں شامل کر رکھا ہے۔

    آئی سی سی ورلڈکپ 2023 کی میزبانی سے بھارت کو کتنی آمدنی ہو گی،ماہرین اقتصادیات …

    ایکس سوشل میڈیا کی جانب سے عدالت سے درخواست کی گئی ہے کہ ایلون مسک کی کمپنی کو ایکس کے نام کے استعمال سے روکا جائے اور مالی نقصان کی تلافی کی جائے اس مقدمے پر اب تک ایکس کارپوریشن کی جانب سے کوئی بیان جاری نہیں کیا گیا۔

  • آئی سی سی ورلڈکپ 2023 کی میزبانی سے بھارت کو کتنی آمدنی ہو گی،ماہرین اقتصادیات کا حیران کن دعویٰ

    آئی سی سی ورلڈکپ 2023 کی میزبانی سے بھارت کو کتنی آمدنی ہو گی،ماہرین اقتصادیات کا حیران کن دعویٰ

    احمد آباد: بھارت کو آئی سی سی ورلڈکپ 2023 کی میزبانی سے 22 ہزار کروڑ روپے کی آمدن متوقع ہے۔

    باغی ٹی وی: بھارتی میڈیا کے مطابق بھارت کے بینک آف بروڈا کے معیشت دانوں اور دیگر بینکاروں نے یہ توقع ظاہر کی ہےکہ بھارت میں ہونے والا آئی سی سی کرکٹ ورلڈکپ ملک کی معیشت میں 22 ہزار کروڑ بھارتی روپے شامل کرے گا۔

    بھارتی میڈیا کا کہنا ہےکہ 5 اکتوبر سے شروع ہونے والا میگا ایونٹ نومبر کے مڈ تک جاری رہے گا جس کے میچز 10 شہروں میں کھیلے جائیں گے اور اس سلسلے میں بڑی تعداد میں مقامی اور غیر ملکی کرکٹ فینز کی آمد متوقع ہے جس سے سفر اور ہوٹلنگ سیکٹر سمیت دیگر شعبوں میں بڑی آمدن متوقع ہے 10 شہروں میں کھیلے جانے والے میچوں کے ساتھ، اس سے زیادہ تر سفر کے ساتھ ساتھ مہمان نوازی کے شعبوں کو بھی فائدہ پہنچے گا، ماہرین اقتصادیات جہنوی پربھاکر اور ادیتی گپتا نے بدھ کو ایک نوٹ میں لکھا۔

    یہ تقریب، جو 2011 کے بعد پہلی بار بھارت میں منعقد کی جا رہی ہے، ستمبر میں شروع ہونے والے تین ماہ کے تہوار کے سیزن کے ساتھ بھی موافق ہے اور یہ خوردہ شعبے کے لیے خاص طور پر فائدہ مند ہو گا کیونکہ بہت سے لوگ "تجارتی سامان کی جذباتی خریداری” کریں گے۔

    پاکستان کم درجے کی ٹیم ، ورلڈ کپ میں آگے نہیں جائے گی،ہر بھجن سنگھ

    ماہرین اقتصادیات کو توقع ہے کہ ٹورنامنٹ کے لیے کل ہندوستانی ناظرین، بشمول ٹیلی ویژن اور اسٹریمنگ دونوں پلیٹ فارمز، 2019 میں دیکھے گئے 552 ملین سے کہیں زیادہ ہوں گے اس سے ٹی وی کے حقوق اور اسپانسرشپ کی آمدنی 10,500 کروڑ سے 12,000 کروڑ ڈالر تک ہو سکتی ہے۔

    بھارتی معاشی ماہرین کا کہنا ہےکہ ورلڈکپ کی وجہ سے فینز کے لیے مہنگائی میں بھی اضافہ ہوسکتا ہے جن میں 10 شہروں میں ائیرلائنز کے ٹکٹس، ہوٹلوں کے کرائے اور دیگر سروسز کے چارجز میں اضافہ ہوگا جس سے اکتوبر سے نومبر تک مجموعی طور پر مہنگائی کی شرح 0.15 سے 0.25 فیصد تک بڑھ سکتی ہے۔

    آئی سی سی ورلڈ کپ:پاکستانی ٹیم پر دہشتگرد حملے کا خطرہ،پاکستان کا بیان سامنے آ …

    معاشی ماہرین کے مطابق ورلڈکپ مرکزی حکومت کے لیے بھی فائدہ مند ثابت ہوگا جس میں ٹکٹوں کی فروخت، مصنوعات، ہوٹلوں، ریسٹورینٹس اور فوڈ ڈیلیوری سمیت دیگر سروسز میں بڑے پیمانے پر ٹیکس اکٹھا ہوگا جو مرکزی حکومت کو جائے گا جب کہ ان تمام چیزوں کی مد میں بھارت کی معیشت کو 22 ہزار کروڑ کا فائدہ ہوگا۔

  • چائے کا استعمال ٹائپ 2 ذیا بیطس میں مبتلا ہونے کے امکانات کم کرتا ہے،تحقیق

    چائے کا استعمال ٹائپ 2 ذیا بیطس میں مبتلا ہونے کے امکانات کم کرتا ہے،تحقیق

    ہیمبرگ: اماہرین نے ایک تحقیق میں کہا ہے کہ چائے کا استعمال ٹائپ 2 ذیا بیطس میں مبتلا ہونے کے امکانات کو 28 فی صد تک کم کر دیتا ہے۔

    باغی ٹی وی : آسٹریلیا کی یونیورسٹی آف ایڈیلیڈ اور چین کی ساؤتھ ایسٹ یونیورسٹی کے محققین نے چین سے تعلق رکھنے والےافراد کی روزانہ چائے پینے کی عادت کا مطالعہ کیاتحقیق میں دو اقسام کے افراد شامل ہوئے، ایک وہ جو چائے کے عادی نہیں تھے اور دوسرے وہ جو ایک ہی قسم کی چائے پیا کرتے تھے-

    جرمنی کے شہر ہیمبرگ میں منعقد یورپین ایسو سی ایشن فار اسٹڈی آف ڈائیبیٹیز کے سالانہ اجلاس میں پیش کی جانے والی تحقیق میں بتایا گیا کہ چائے میں ایسے اینٹی آکسیڈنٹ اور انسداد سوزش اثرات ہوتے ہیں جو انسولین کی حساسیت کو بہتر کردیتے ہیں یہ اثرات بالخصوص ڈارک ٹی (قدیم چائے جس کو بنانے کے لیے اندرونی طور کیمیائی تبدیلیاں لائی جاتی ہیں) میں زیادہ پائے گئے۔

    کوئی ملک آپ کو ڈالر نہیں دے گا اگر آپ کے شہری محفوظ نہیں ہوں …

    تحقیق کے شرکا سے ان کے چائے پینے کے معمول (یعنی کبھی نہیں، کبھی کبھار سے اکثر اور روزانہ) اور چائے کی قسم (سبز، سیاہ، ڈارک یا کوئی دوسری) کے متعلق پوچھا گیا بعد ازاں اکٹھے کیے گئے اس ڈیٹا کا جائزہ ان افراد کے پیشاب میں شوگر کی مقدار، انسولین کی مزاحمت اور گلائکیمک اسٹیٹس یعنی ٹائپ 2 ذیا بیطس کی تاریخ، انسداد ذیا بیطس ادویات کا موجودہ استعمال یا 75 گرام اورل گلوکوز ٹالر ینس ٹیسٹ جاننے کے لیے کیے جانے والے ٹیسٹ کے نتائج کے حساب سے کیا گیا۔

    مفاہمتی پالیسی کے حامی گروپ کی نواز شریف کی وطن واپسی ملتوی کرنے کی تجویز

    تحقیق کے مطابق روزانہ چائے پینے کا تعلق پیشاب میں گلوکوز کے اخراج میں اضافے اور انسولین کی مزاحمت میں کمی سے تھا، جس سے معلوم ہوا کہ پری ڈائبیٹیز (بیماری سے پہلے کا مرحلہ) اور ٹائپ 2 ذیا بیطس کے امکانات کم تھے ذیا بیطس میں مبتلا افراد عموماً رینل گلوکوز ری ایبزاربشن میں مبتلا پائے گئے اس کیفیت میں گردے گلوکوز کو جمع کر کے رکھتے ہیں، پیشاب کے ذریعے خارج نہیں کرتے اور بلڈ شوگر کی بلند سطح کا سبب بنتے ہیں وہ لوگ جو ایک کپ چائے سے لطف اندوز ہوتے ہیں ان میں کبھی بھی چائے نہ پینے والوں کی نسبت پری ڈائیبیٹیز کے خطرات 15 فی صد جبکہ ٹائپ 2 ذیا بیطس کے خطرات 28 فی صد تک کم ہوتے ہیں۔

    عدالت نے مونس الٰہی کا اشتہار شائع کرنے کا حکم دے دیا

  • مفاہمتی پالیسی کے حامی گروپ کی نواز شریف کی وطن واپسی ملتوی کرنے کی تجویز

    مفاہمتی پالیسی کے حامی گروپ کی نواز شریف کی وطن واپسی ملتوی کرنے کی تجویز

    لاہور: مسلم لیگ ن میں موجود مفاہمتی پالیسی کے حامی گروپ نے نواز شریف کی واپسی ملتوی کرنے کی تجویز دی ہے-

    باغی ٹی وی: پارٹی ذرائع نے بتایا ہے کہ مفاہمتی گروپ نے وطن واپسی ملتوی کرنے کی تجویز دی ہے تاہم قائد ن لیگ نواز شریف نے اس تجویز پر فوری ردعمل دینے سے گریز کیا ہے،مفاہمتی گروپ کا مؤقف ہے کہ مہنگائی، بے روزگاری سے پریشان عوام کو نواز شریف کی وطن واپسی میں زیادہ دلچسپی نہیں، شہباز شریف اور مریم نواز لاہورمیں عوامی رابطہ مہم شروع کر کے عوام کی نبض دیکھ چکے ہیں، موجودہ حالات میں عوام کی جانب سے نواز شریف کے شایان شان استقبال کی توقع رکھنا مناسب نہیں الیکشن کے قریب یا اس کی باقاعدہ تاریخ کا اعلان ہونے کے بعد نواز شریف کو واپس آنا چاہئے جبکہ پارٹی کے دوسرے گروپ کا مؤقف ہے کہ واپسی کو ملتوی کیا گیا تو عوام میں اچھا تاثر نہیں جائے گا۔

    نوازشریف کے پروگرام میں کسی قسم کی تبدیلی زیرغور نہیں، عرفان صدیقی
    دوسری جانب رہنما مسلم لیگ ن کے سینیٹر عرفان صدیقی نے لندن سے وضاحتی بیان میں کہا ہے کہ نواز شریف کی واپسی کے پروگرام کو حتمی شکل دیدی گئی ہے، نواز شریف چند دن بعد عمرے کی سعادت کے لئے سعودی عرب جائیں گے، عمرے سے ایک دو دن قبل نواز شریف متحدہ عرب امارات آئیں گے،متحدہ عرب امارات سے 21 اکتوبر کو پروگرام کے مطابق پاکستان روانہ ہوں گے، وطن واپسی کا نواز شریف کا پروگرام فائنل ہے،نوازشریف کے پروگرام میں کسی قسم کی تبدیلی زیرغور نہیں، نہ ایسی کوئی رائے ہے، مسلم لیگ ن میں کوئی دھڑے بندی نہیں ہے،کوئی مفاہمتی یا کوئی مزاحمتی گروپ موجود نہیں،میں ان تمام افواہوں کی واضح طور پر تردید کرتا ہوں،

    واضح رہے کہ مسلم لیگ ن کے قائد نواز شریف نے وطن واپسی کیلئے اتحاد ایئرویز کی ٹکٹ بک کرا لی ہے شیڈول کے مطابق نواز شریف 21 اکتوبر کو لندن سے ابو ظہبی انٹرنیشنل ائرپورٹ لینڈ کریں گے جہاں سے وہ پاکستان روانہ ہوں گے۔

    کالعدم تنظیم کے افغانی دہشتگردوں کی سزائے موت کالعدم قرار

    ذرائع کا کہنا ہے کہ نوازشریف کی اتحاد ائرویز کی پرواز 243 کی بکنگ کروا لی گئی ہے یہ پروازشام 6 بج کر 25 منٹ پر لاہورکے علامہ اقبال انٹرنیشنل ائرپورٹ پر لینڈ کرے گی،نواز شریف کے ہمراہ ان کا اسٹاف اور مشیران بھی ہوں گے۔ جن میں محمد وقار، ڈاکٹر عدنان، ناصر جنجوعہ ،عرفان صدیقی شامل ہیں۔اسی پرواز کی اکانومی کلاس سے متعدد لیگی رہنماؤں نے بھی سیٹیں بک کروائی ہیں، پاکستان سے بھی لیگی رہنماؤں کی بڑی تعداد ابوظہبی ایئرپورٹ پر نواز شریف کے استقبال کیلئے پہنچے گی۔

    پاکستان کم درجے کی ٹیم ، ورلڈ کپ میں آگے نہیں جائے گی،ہر بھجن سنگھ

  • عدالت نے مونس الٰہی کا اشتہار شائع کرنے کا حکم دے دیا

    عدالت نے مونس الٰہی کا اشتہار شائع کرنے کا حکم دے دیا

    لاہور: احتساب عدالت نے ترقیاتی منصوبوں میں مبینہ کرپشن تحقیقات میں مونس الٰہی کو اشتہاری قرار دینے کی کارروائی شروع کر دی۔

    باغی ٹی وی: احتساب عدالت کے جج نسیم احمد ورک نے کیس پر سماعت کی، عدالت نے نیب کی درخواست پر اشتہاری قرار دینے کی کارروائی شروع کی، عدالت نے مونس الٰہی کا اشتہار شائع کرنے کا حکم دے دیا،نیب نے مونس الٰہی کے وارنٹ گرفتاری کی رپورٹ عدالت میں پیش کی نیب رپورٹ میں بتایا گیا کہ ملزم مونس الٰہی گرفتاری سے چھپ رہا ہے اور گرفتاری سے بچنے کے لیے روپوش ہو چکا ہےرپورٹ میں استدعا کی گئی ہے کہ ملزم مونس الٰہی کو اشتہاری قرار دیا جائے۔

    واضح رہے کہ احتساب عدالت نے مونس الٰہی کے وارنٹ گرفتاری جاری کر رکھے ہیں، چیئرمین نیب نے بھی 11 اگست کو مونس الٰہی کا ورانٹ گرفتاری جاری کیا، ملزم پر ترقیاتی منصوبوں میں مبینہ اربوں روپے کرپشن کرنے کا الزام ہے۔

    ملزم کو کسی کیس میں گرفتار نہ کیا جائے یہ کس قانون میں لکھا ؟ ..

    گزشتہ سماعت میں نیب کا کہنا تھا کہ چیئرمین نیب نے 11 اگست کو مونس الہٰی کا ورانٹ جاری کیا، مونس الہٰی کی گرفتاری کے لیےکوششیں کیں مگر ملزم جان بوجھ کر روپوش ہے، ملزم طلبی کے باوجود شامل تفتیش نہیں ہوا، اشتہاری قرار دیا جائے۔

    کالعدم تنظیم کے افغانی دہشتگردوں کی سزائے موت کالعدم قرار

  • پاکستان کم درجے کی ٹیم ، ورلڈ کپ میں آگے نہیں جائے گی،ہر بھجن سنگھ

    پاکستان کم درجے کی ٹیم ، ورلڈ کپ میں آگے نہیں جائے گی،ہر بھجن سنگھ

    آئی سی سی کرکٹ ورلڈکپ کے آغاز سے قبل ہی سابق بھارتی کرکٹر ہربھجن سنگھ نے پاکستان کے آگے نہ جانے کے دعوے کردیئے-

    باغی ٹی وی: بھارتی میڈیا سے گفتگو کرتے ہوئے سابق کرکٹر ہربھجن سنگھ نے کہا کہ پاکستان ٹی 20 کی اچھی ٹیم ہے لیکن میرا نہیں خیال کہ بھارت کا پاکستان کے خلاف ریکارڈ تبدیل ہوگا ایشیاکپ اور وارم اپ میچز میں دیکھا ہے، پاکستان کم درجے کی ٹیم ہے۔ پاکستان ٹیم ورلڈ کپ میں آگے نہیں جائے گی۔

    دوسری جانب انگلینڈ کے سابق کھلاڑی مائیکل ایتھرٹن نے پیشنگوئی کی مائیکل ایتھرٹن کا کہنا ہے کہ پاکستان ورلڈکپ کی تاریخ میں پہلی بار انڈیا کو شکست دےگا،ایسے لگ رہا ہے کہ پاکستان بھارت کو ہرا دے گا، پاک بھارت میچ ورلڈکپ کا سب سے بڑا میچ ہو گا،اگر سیمی فائنل یا فائنل میں دونوں ٹیمیں دوبارہ ٹکرائیں تو وہ بھی بڑا میچ ہوگا، ہوسکتاہے کہ پاک بھارت میچ میں پاکستا ن سرپرائز دے دے-

    نیوزی لینڈ کا انگلینڈ کیخلاف ٹاس جیت کر فیلڈنگ کا فیصلہ

    ادھرسابق بھارتی کپتان سنیل گواسکر نے کہا کہ پاک بھارت میچ اتنا ہی اہم ہے جتنا ورلڈ کپ جیتنا، یہ میچ ٹورنامنٹ کا سب سے اہم ایونٹ ہے، عام فینز پاک بھارت مقابلے کے لیے بہت پرجوش ہوتے ہیں ہمیں ورلڈکپ جیتنا ہے لیکن پاک بھارت میچ بھی بہت اہم ہے، عام آدمی سے پوچھیں تو کہے گا آپ کو پاکستان کے خلاف جیتنا ہے، ہم فیورٹ ہیں اس کے بارے تو کوئی سوال ہی نہیں ہوتا۔

    پاکستان ورلڈکپ کی تاریخ میں پہلی بار انڈیا کو شکست دےگا،پیشنگوئی