Author: Ayesha Rehmani

اسلام آباد: یوکرین کے وزیر خارجہ ڈیمٹری کولیبا رواں ہفتے پاکستان کا ہنگامی دورہ کریں گے۔

باغی ٹی وی: ذرائع کا کہنا ہے کہ یوکرینی وزیر خارجہ آئندہ 3 روز کے درمیان پاکستان پہنچیں گے اور اپنے پاکستانی ہم منصب بلاول بھٹو زرداری سے ملاقات کریں گے وزیر خارجہ بلاول بھٹو اور ڈیمٹری کولیبا میں مذاکرات ہوں گے جب کہ دونوں رہنماؤں کے درمیان ملاقات میں روس یوکرین جنگ کے خاتمے پر بات چیت بھی ہوگی۔

ذرائع کا بتانا ہے کہ پاکستان اور یوکرین کے وزرائے خارجہ ملاقات میں روس یوکرین جنگ سے غذائی بحران کے خاتمے پر بات چیت کریں گے دوسری جانب اس ضمن میں سرکاری حکام کا کہنا ہے کہ پاکستان روس یوکرین جنگ کا خاتمہ اور تنازع کا پرامن حل چاہتا ہے۔

وزیراعظم شہباز شریف کا بل گیٹس سے ٹیلیفونک رابطہ

دوسری جانب وائٹ ہاؤس کے قومی سلامتی کے مشیر جیک سلیوان نے کہا ہے کہ نیٹو یوکرین کے لیے اصلاحات کا ایک راستہ نکالے گا تاکہ وہ بالآخر اتحاد میں شامل ہو سکے لیکن اس حوالے سے کوئی ٹائم ٹیبل نہیں دے گا۔

سلیوان نے آج منگل کو ولنیئس میں نیٹو سربراہی اجلاس کے موقع پر صحافیوں کو بتایا کہ صدر جو بائیڈن بدھ کو یوکرین کے صدر ولادیمیر زیلنسکی سے ملاقات کریں گے جیک سلیوان نے روسی حملے کے خلاف جاری جنگ کے دوران مغربی حمایت یافتہ یوکرین کے لیے فوری طور پر داخلے کو مسترد کردیا اور کہا کہ ایسا کوئی اقدام نیٹو کو روس کے ساتھ جنگ میں لے جائے گا۔

اسرائیل پاکستان کو انسانی حقوق پر نصیحت نہیں کر سکتا،ترجمان دفتر خارجہ

ولنیئس میں ہونے والے سربراہی اجلاس میں یوکرین کے عزائم کے لیے رضامندی کا کا حوالہ دیتے ہوئے جیک سلیوان نے کہا کہ "سوال یہ ہے کہ راستہ کیا ہے؟ مجھے لگتا ہے کہ ہم ایک اچھی تفہیم پر پہنچ سکتے ہیں۔

یوکرین کی رکنیت کے معاملے سے الگ نیٹو ممالک یوکرین کی پیش کش کے لیے ٹھوس عبوری حفاظتی اقدامات پر تبادلہ خیال کر رہے ہیں۔ یہ حفاظتی اقدامات کیف کی فوج کو روسیوں کو پیچھے دھکیلنے میں مدد فراہم کرنے کے لیے موجودہ امداد کے علاوہ ہے۔ سلیوان نے کہا کہ بائیڈن اور زیلنسکی کے درمیان بدھ کو ہونے والی ملاقات کے دوران اس پر تبادلہ خیال کیا جائے گا۔

شیریں مزاری ای سی ایل سے نام نکالنے کے لئے اسلام آباد ہائیکورٹ پہنچ گئیں

اسلام آباد: سابق وفاقی وزیر شیریں مزاری نے ایگزٹ کنٹرول لسٹ (ای سی ایل) سے نام نکالنے کے لئے اسلام آباد ہائی کورٹ سے رجوع کر لیا-

باغی ٹی وی :شیریں مزاری نے اسلام آباد ہائی کورٹ میں دائر کی گئی درخواست میں سیکرٹری داخلہ، ڈائریکٹر جنرل وفاقی تحقیقاتی ایجنسی (ایف آئی اے) کو فریق بنایا ہے درخواست میں شیریں مزاری کی جانب سے کہا گیا ہے کہ عبوری نو فلائی لسٹ میں نام ڈالنا غیر قانونی ہے۔

واضح رہے کہ چند ہفتوں قبل حکومت کی جانب سے شیریں مزاری سمیت پی ٹی آئی کے متعدد موجودہ اور سابق رہنماؤں و قائدین کے نام ای سی ایل ڈالے گئے تھے تحریک انصاف کے چیئرمین عمران خان سمیت پی ٹی آئی کے 70 رہنماؤں کے نام ای سی ایل میں ڈالےگئے ۔

سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار

ذرائع کے مطابق جن رہنماؤں کے نام ای سی ایل میں شامل کئے گئے ہیں ان میں عمران خان کی اہلیہ بشریٰ بی بی، شیخ رشید، شہریار آفریدی، مراد سعید، علی محمد خان، قاسم سوری، اسد عمر، اسد قیصر، ملیکہ بخاری اور دیگر سابق ایم این ایز شامل ہیں رہنماؤں کے نام ای سی ایل میں ڈالنے کا فیصلہ پولیس کی سفارش پر کیا گیا ۔

وزیراعظم شہباز شریف کا بل گیٹس سے ٹیلیفونک رابطہ

ای سی ایل کیا ہے؟
وزارت داخلہ ایگزٹ کنٹرول لسٹ یا ای سی ایل میں ان افراد کے نام شامل کرتی ہے جن کے بارے میں کسی عدالت نے کوئی حکم نامہ جاری کیا ہو یا پھر نیب اور خفیہ اداروں کی طرف سے اس شخص کے بارے میں کوئی معلومات فراہم کی گئی ہوں اگرچہ کسی بھی شخص کا نام ای سی ایل میں شامل کرنے کا اختیار ایف آئی اے کے ڈائریکٹر جنرل کے پاس ہوتا ہے لیکن موجودہ حالات میں یہ اختیار وزیر داخلہ بھی استعمال کر سکتے ہیں۔

سائفر تحقیقات روکنے کا معاملہ،تحریک انصاف کے سربراہ کو نوٹس جاری

وزیراعظم شہباز شریف کی بل گیٹس سے ٹیلیفونک گفتگو ہوئی ہے۔

باغی ٹی وی: دوران گفتگو شہباز شریف نے بل اینڈ ملینڈا گیٹس فاﺅنڈیشن کی خدمات کو سراہا اور کہا کہ پولیو کا خاتمہ، غذائی مسائل پر قابو پانا ہماری اولین ترجیح ہے وسائل میں سب کی شمولیت کے لئے خصوصی توجہ دے رہے ہیں، مل کر جاری تعاون کو مزید بہتر اور نتیجہ خیز بنانا چاہتے ہیں بل گیٹس نے پولیو کے خاتمے کے لئے پاکستان کی کوششوں کو سراہتے ہوئے کہا کہ پاکستان کی بھرپور مدد جاری رکھیں گے۔

سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار

اس سے قبل گزشتہ ماہ بھی وزیراعظم شہباز شریف اور بل گیٹس کے درمیان ٹیلیفونک رابطہ ہوا، پاکستان میں بل اینڈ میلنڈا گیٹس فاؤنڈیشن کے تحت جاری صحت اور سماجی شعبے کے پروگراموں پر تبادلہ خیال کیا گیا بل گیٹس کے ساتھ ٹیلیفونک رابطے میں وزیراعظم نے ملک میں پولیو کے خاتمے کے لئے فاؤنڈیشن کے تعاون اور مدد کو سراہا تھا جبکہ شہباز شریف نے 2022 میں پاکستان میں پولیو کیسز کی تعداد میں حالیہ اضافے پر گہری تشویش کا اظہار بھی کیا۔

برطانوی حکومت کی اپنے شہریوں کیلئے پاکستان میں سفرکےبارے میں نئی ہدایات جاری

شہباز شریف نے کہا تھا کہ تمام شعبوں میں فاؤنڈیشن کے ساتھ شرکت داری کو مستحکم بنانے کے خواہش مند ہیں، وفاقی حکومت پولیو کے حوالے سے خیبر پختونخوا کے جنوبی اضلاع میں خصوصی ایمرجنسی رسپانس پلان نافذ کر رہی ہے بل گیٹس نے صحت کے شعبے میں پاکستان کیلئے مکمل سپورٹ کا اعادہ کیا۔

نصیر آباد کے میونسپل حکام ” کفن چور” نکلے

آج دنیا بھر میں آبادی کا عالمی دن منایا جا رہا ہے-

باغی ٹی وی : آبادی کا عالمی دن آج دنیا بھر میں منایا جا رہا ہے وزیراعظم محمد شہباز شریف نے بھی عالمی یوم آبادی پرپیغام جاری کیا ہے انہوں نے کہا کہ آج کادن بڑھتی آبادی اور وسائل کی دستیابی سےمتعلق اقدامات پرتوجہ مبذول کراتاہے ترقی پذیر ممالک کے لیے آبادی میں اضافے کا انتظام سماجی و اقتصادی ترقی کی کلید ہے-

آبادی کا عالمی دن آج دنیا بھر میں منایا جا رہا ہے
وزیراعظم محمد شہباز شریف کا عالمی یوم آبادی پرپیغام
آج کادن بڑھتی آبادی اور وسائل کی دستیابی سےمتعلق اقدامات پرتوجہ مبذول کراتاہے
ترقی پذیر ممالک کے لیے آبادی میں اضافے کا انتظام سماجی و اقتصادی ترقی کی کلید ہے
کوئی بھی ملک… pic.twitter.com/Q9WkJ7PJqn

— PTV News (@PTVNewsOfficial) July 11, 2023

انہوں نے کہا کہ کوئی بھی ملک کتنے بھی وسائل رکھتا ہو آبادی کے دھماکے سے نمٹ نہیں سکتا آبادی اوروسائل میں توازن کسی بھی معاشرے یاملک کیلئےانتہائی ضروری ہے-

ایک سروے کے مطابق اس وقت پاکستان کی آبادی کا تخمینہ 240.5 ملین (24 کروڑ سے زائد) ہے اور 2050 تک اس کے 403 ملین (40 کروڑ 30 لاکھ) تک پہنچنے کا امکان ہے پاکستان میں ہر سال تقریباً 56 لاکھ بچے پیدا ہوتے ہیں، پاکستان میں کی کل زرخیزی کی شرح جنوبی ایشیا میں سب سے زیادہ ہے بچے کی پیدائش کے دوران کئی مائیں مرجاتی ہیں۔ پاکستان میں ہونے والی اموات کی یہ تعداد ہر سال تقریباً 12,000 ہے اگر مانع حمل ادویات کا استعمال 34 فیصد سے بڑھ کر 52 فیصد ہو جائے تو تقریباً 6500 جانیں سالانہ بچائی جا سکتی ہیں۔

سروے کے مطابق ہر سال ہزار میں سے 62 شیر خوار بچے ایک سال کی عمر تک پہنچنے سے پہلے ہی مر جاتے ہیں اگر مانع حمل ادویات کا استعمال 34 فیصد سے 52 فیصد بڑھ جائے تو سالانہ 140000 سے زیادہ شیر خوار بچوں کو بچایا جاسکتا ہےخاندانی منصوبہ بندی کے فقدان کی وجہ سے 17.3 فیصد شیر خوار بچے غیر ارادی طور پر پیدا ہوتے ہیں اور پاکستان میں اوسطاً ایک جوڑا ایک غیر ارادی بچہ پیدا کرتا ہے۔ اس سے نوزائیدہ بچوں میں غذائیت کی کمی بھی ہوتی ہے اگر پاکستان کی آبادی میں سالانہ دو فیصد کے حساب سے اضافہ ہوتا رہا تو 2040 تک 101 ملین ملازمتیں درکار ہوں گی، جبکہ اس وقت پاکستان میں 12.2 فیصد نوجوان بے روزگار ہیں۔

اسی طرح 2040 تک مزید ایک کروڑ 90 لاکھ گھروں کی ضرورت ہوگیِ 85000 مزید پرائمری اسکولوں کی ضرورت ہوگی اس وقت، پانچ سے سولہ سال تک کی عمر کا ہر تین میں سے ایک بچہ اسکول سے باہر ہے، جس میں 27 فیصد لڑکے اور 37 فیصد لڑکیاں شامل ہیں سالانہ دو فیصد اضافے کی موجودہ شرح سے آبادی میں اضافے نے بھی پاکستان کے وسائل پر بوجھ ڈالا ہے۔

سروے میں یہ بھی بتایا گیا ہے کہ پاکستان کی 36.9 فیصد آبادی کو غذائی عدم تحفظ کا سامنا ہے اور پاکستان میں پانی کی فی کس دستیابی 1951 میں 5650 کیوبک میٹر سے کم ہو کر 908 کیوبک میٹر سالانہ کی خطرناک حد تک پہنچ گئی ہے، جس سے پاکستان بھی پانی کی قلت کے دہانے پر پہنچ گیا ہے۔

2023 کے عالمی یوم آبادی کے حوالے سے سروے کے مطابق جب خواتین اور لڑکیوں کو اپنی زندگی اور جسم کے بارے میں فیصلے کرنے کا اختیار دیا جاتا ہے، تو وہ اور ان کے خاندان ترقی کرتے ہیں۔ خواتین اور لڑکیوں کو تمام کوششوں کا مرکز ہونا چاہیے ملک کو خوشحالی کی راہ پر گامزن کرنے کے لیے ان کی تولیدی صحت اور حقوق، تعلیم، ہنر کی ترقی اور روزگار کو ترجیح دینا ہوگی خاندانی منصوبہ بندی اور معیاری زچگی کی صحت کی دیکھ بھال کی خدمات اور مناسب معلومات ہر کسی تک پہنچنی چاہئیں-

اسلام آباد: سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے ہیں۔

باغی ٹی وی: اسلام آباد میں پریس کانفرنس کرتے ہوئے وفاقی وزیر خزانہ اسحاق ڈار نے کہا کہ سعودی عرب نےاسٹیٹ بینک میں 2 ارب ڈالر ڈ پازٹ کردیئے ہیں، دوست ممالک کی جانب سے مالی مدد پر بےحد مشکور ہوں،وزیراعظم شہباز شریف اور آرمی چیف جنرل عاصم منیر کی جانب سے بھی سعودی عرب کا شکریہ ادا کرتا ہوں،مستقبل میں معاشی معاملات مزید بہتری کی جانب جائیں گے، پاکستانی معیشت پہلے سے بہتر ہے، اس میں مزید استحکام آئے گا۔

پاکستان نے بین الاقوامی مالیاتی فنڈ (آئی ایم ایف) کو بیرونی ادائیگیوں کے لیے ایک فنانسنگ منصوبہ پیش کیا تھا جس میں عالمی قرض دہندہ کو مطلع کیا گیا ہے کہ حکومت بیرونی ادائیگیوں کے لیے 6 ارب ڈالر کے بجائے 8 ارب ڈالر کا بندوبست کرے گی آئی ایم ایف نے پاکستان سے بیرونی ادائیگیوں کے لیے 6 ارب ڈالر کی یقین دہانی مانگی تھی تاہم، پاکستان نے آئی ایم ایف کو بیرونی ادائیگیوں کے لیے 8 بلین ڈالر کی یقین دہانی کرائی ہے۔

چیئرمین پی ٹی آئی اور فواد چوہدری کے ناقابل ضمانت وارنٹ گرفتاری جاری

وزارت خزانہ اور آئی ایم ایف کےدرمیان ایکسٹرنل فنانسنگ کا معاملہ طے پاگیا ہے ذرائع وزارت خزانہ کے مطابق آئی ایم ایف نے وزارت خزانہ کے بھیجے گئے 8.2 ارب ڈالر کی فنانسنگ گیپ کا منصوبہ مان لیا ہے،پاکستان کو آئی ایم ایف، عالمی بینک، ایشین ڈیولپمنٹ بینک، چین، سعودیہ اور یو اے ای سے فنانسنگ حاصل کرنی ہے-

ذرائع نے بتایا تھا کہ چین پاکستان کو 3.5 بلین ڈالر فراہم کرے گا جس میں سے اسلام آباد دو بلین ڈالر ڈپازٹ میں رکھے گا، جب کہ بیجنگ کے کمرشل بینک ملک کو 1.5 بلین ڈالر فراہم کریں گے علاوہ ازیں پاکستان کو سعودی عرب سے 2 ارب ڈالر کی فنانسنگ حاصل کرنی تھی،اس کے علاوہ یو اے ای سے ایک ارب ڈالر ، ایشیائی ترقیاتی بینک سے 50 کروڑ ڈالرکی فنانسنگ اور عالمی بینک سے 50 کروڑ ڈالرکی فنانسنگ حاصل کی جائے گی۔

برطانوی حکومت کی اپنے شہریوں کیلئے پاکستان میں سفرکےبارے میں نئی ہدایات جاری

برطانوی حکومت نے اپنے شہریوں کے لیے پاکستان میں سفر کے بارے میں نئی ہدایات جاری کر دیں۔

باغی ٹی وی : برطانوی حکومت کیجانب سے اپنے شہریوں کو ہدایت کرتے ہوئے کہا گیا ہےکہ پاکستان میں دہشت گردحملوں کاخطرہ ہےصوبہ خیبرپختونخوا میں باجوڑ، مہمند، خیبر،اورکزئی، کرم، شمالی وزیرستان اورجنوبی وزیرستان کے اضلاع کا سفر نہ کریں۔

ہدایات کے مطابق چارسدہ، کوہاٹ، ٹانک، بنوں، لکی، ڈیرا اسماعیل خان، سوات، بونیر اور لوئر دیر کے اضلاع کے سفر سے بھی گریز کا کہا گیا ہے، جب کہ پشاور شہر اور ضلع مردان رنگ روڈ کے شمال سے ضلع چترال کے کنارے تک N45 روڈ پر سفر سے احتیاط برتنے کا مشورہ دیا ہے۔

ترکیہ نےسویڈن کی نیٹو رکنیت کیلئےحمایت کر دی

حکومتِ برطانیہ کا کہنا ہے کہ شہری پاکستان کے صوبہ بلوچستان کے جنوبی ساحل کے علاوہ کسی علاقے میں نہ جائیں پاکستان میں دہشت گرد حملوں کا خطرہ ہے، اس حوالے سے برطانوی حکومت نے اپنے شہریوں کو سیاسی مظاہروں سے دور رہنے کی ہدایت کرتے ہوئے کہا ہےکہ ہےکچھ سیاسی مظاہروں میں مغرب مخالف جذبات موجود ہیں اسلام آباد، لاہور، کراچی میں دہشت گردی، اغواء، فرقہ وارانہ تشدد کا خطرہ ہے، علاوہ ازیں برطانوی حکومت نے اپنے شہریوں کو شدید گرمی سے بھی خبردار رہنے کا مشورہ دیا ہے۔

دبئی میں ہونےوالی مشاورت میں پی ڈی ایم کےسربراہ کو کیوں دوررکھا گیا؟ حافظ حمداللہ