Baaghi TV

Author: Ayesha Rehmani

  • سابق رکن صوبائی اسمبلی اور پی ٹی آئی رہنما نے پارٹی کو خیرباد کہہ دیا

    سابق رکن صوبائی اسمبلی اور پی ٹی آئی رہنما نے پارٹی کو خیرباد کہہ دیا

    رہنماؤں کی جانب سے پی ٹی آئی چھوڑنے کا سلسلہ آج بھی جاری ہے-

    باغی ٹی وی: سابق رکن صوبائی اسمبلی ملک خرم علی خان نے بھی تحریک انصاف کو خیر باد کہہ دیا،اسلام آباد میں پریس کانفرنس کرتے ہوئے سابق رکن صوبائی اسمبلی ملک خرم علی خان کا کہنا تھا کہ جو پی ٹی آئی ہم نے جوائن کی تھی یہ وہ نہیں ہےمجھے اس بار ٹکٹ نہیں دیا گیا پھر بھی پارٹی کا ساتھ نہیں چھوڑا، لیکن 9 مئی کے واقعات پر افسوس ہوا اور سوچنے پر مجبور ہوگیا۔

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    ملک خرم علی نے پی ٹی آئی چھوڑنے کا اعلان کرتے ہوئے کہا کہ ہمارے لئے سب سے اہم پاکستان کے ادارے ہیں، سیاست کوچلاناہے تو سب سے پہلے پاکستان کو مضبوط کرنا ہے، اداروں کو کمزورکرنے والوں کے ساتھ نہیں چل سکتے، تمام دوستوں سے مشاورت کےبعد علیحدگی کافیصلہ کیا۔

    شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ …

    واضح رہے کہ 9 مئی کے پرتشدد واقعات کے بعد سے اب تک تحریک انصاف کے درجنوں رہنما اور ٹکٹ ہولڈر جماعت سے علیحدگی اختیار کرچکے ہیں-

  • آئین اور عدالتی فیصلوں کی کھلم کھلا خلاف ورزیاں کی گئیں،عمران خان

    آئین اور عدالتی فیصلوں کی کھلم کھلا خلاف ورزیاں کی گئیں،عمران خان

    چیئرمین تحریک انصاف عمران خان نے رانا ثنااللہ کی پریس کانفرنس پر ردعمل د یا ہے-

    باغی ٹی وی: وزیرداخلہ رانا ثنااللہ کی پریس کانفرنس پر شدید ردعمل کا اظہار کرتے ہوئے سماجی رابطے کی ویب سائٹ ٹویٹر پر اپنی ٹویٹ میں تحریک انصاف کے چیئرمین عمران خان کا کہناتھاکہ اگر کسی کو جیلوں میں خواتین کے ساتھ بدسلوکی کیےجانے کی اطلاعات پر کوئی شک تھا تو اب اس سند یافتہ (سرٹیفائیڈ) مجرم کی اس پریس کانفرنس کے بعد سارے شکوک و شبہات دور ہو جانے چاہیے۔


    عمران خان نے کہا کہ یہ شخص یقینی طور پر ان خوفناک کہانیوں کو (ایک سازش کے جواز میں) چھپانے اور قبل از وقت ان کا پردہ چاک کرنے کی آڑ میں ذمہ داری سے فرار کی کوششیں کررہا ہے، جو عنقریب منظرِ عام پر آنے والی ہیں۔

    چئیرمین پی ٹی آئی نے کہا کہ نہایت واجب الاحترام خواتین کو آج سے پہلے ریاست نے کبھی اس طرز کی بدسلوکی اور ہراسگی کا نشانہ نہیں بنایا جیسے پر امن احتجاج کے اپنے بنیادی حق کے استعمال کی پاداش میں انہیں اس فسطائی حکومت کی جانب سے بنایا جا رہا ہے۔


    عمران خان نے رہنماؤں کے گھروں پر چھاپوں پر ردعمل دیتے ہوئے کہا کہ عمر ایوب اور شہزاد اکبر جو اس وقت ملک میں نہیں ہیں ان کے گھروں میں بھی رات کے وقت چھاپے مارے گئے آج ہم تاریک دور میں رہ رہے ہیں، جس میں آئین اور عدالتی فیصلوں کی کھلم کھلا خلاف ورزیاں کی گئیں، بغیر وارنٹ کے گھروں کو توڑا گیا اور توڑ پھوڑ کی گئی، میڈیا کو دبایا گیا اور ہمارے بنیادی حقوق کا تحفظ کرنے والا کوئی نہیں۔


    عمران خان نے کہا کہ حکام کی جانب سے علی نواز اعوان کی رہائشگاہ کو منہدم کرنے اور ان کے گھر کے مرکزی دروازے کو گرانے کیلئے کی جانے والی افسوسناک اور نہایت بزدلانہ کارروائی ہوئی جس کی شدید مذمت کرتا ہوں علی نواز کی ضعیف والدہ اور ان کی ہمشیرہ جن کا شمار خصوصی افراد میں ہوتا ہے، معذوری کے باعث اس رہائش گاہ میں مقیم ہیں۔

    چیئرمین پی ٹی آئی نے مزید کہا کہ اب تک کے اقدامات سے یہ تو ثابت ہوتا ہے کہ پی ڈی ایم سرکار اخلاقیات نام کی کسی شے سے واقف نہیں مگر کم از کم اللہ کے غضب سے تو ڈرے، جسے یہ اپنے ان فسطائی اقدامات کے ذریعے دعوت دے رہے ہیں۔

  • جناح ہاؤس لاہور پر حملے کی مرکزی ملزمہ خدیجہ شاہ کی جیل میں طبیعت خراب ہوگئی

    جناح ہاؤس لاہور پر حملے کی مرکزی ملزمہ خدیجہ شاہ کی جیل میں طبیعت خراب ہوگئی

    لاہور: جناح ہاؤس لاہور پر حملے کی مرکزی ملزمہ فیشن ڈیزائنر خدیجہ شاہ کی جیل میں طبیعت خراب ہو گئی۔

    باغی ٹی وی: 9 مئی کو جناح ہاؤس لاہور پر حملے کی مرکزی ملزمہ اور شناخت پریڈ کے لئے کوٹ لکھپت جیل میں قید ملزمہ خدیجہ شاہ کی طبیعت خراب ہو گئی جیل ذرائع کے مطابق خدیجہ شاہ 30 تاریخ تک جوڈیشل ریمانڈپرجیل میں ہے، تاہم وہ گزشتہ 2 روز سے پیٹ کی تکلیف میں مبتلا ہیں –

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    ذرائع کے مطابق جیل حکام نےخدیجہ شاہ کی ملاقات اور گھر سےکھانا دینے پرپابندی لگارکھی ہے،خدیجہ شاہ اور پی ٹی آئی رہنما یاسمین راشد کو ایک ہی بیرک میں بندکیاگیاہے۔

    پولیس حکام کا کہنا ہے کہ خدیجہ شاہ سابق مشیر خزانہ سلمان شاہ کی صاحبزادی اور سابق آرمی چیف آصف نواز جنجوعہ کی نواسی ہیں اور وہ مشہور فیشن برانڈ ”ایلان“ کی کریٹو ڈائریکٹر بھی ہیں اور ان کے خلاف جناح ہاؤس پر حملے کےتمام ثبوت پولیس نےحاصل کر لئے ہیں، ملزمہ 9 مئی کو فون کرکے لوگوں کو بلاتی رہی تھیں۔

    صدارتی ترکیہ میں صدارتی انتخابات کےدوسرے مرحلے میں ووٹنگ جاری

    خدیجہ شاہ کو 2 خواتین سمیت 24 مئی کو لاہور کی انسداد دہشت گردی عدالت میں پیش کیا گیا، انسداد دہشتگردی عدالت کی جج عنبر گل نے سماعت کی، تفتیشی افسر نے عدالت کو بتایا کہ ملزمہ پر جناح ہاؤس پر جلاؤ گھیراؤ اور حملے کا کیس ہے، ملزمہ کو شناخت پریڈ کے لئے ساتھ لے جانے کی اجازت دی جائے جس کے بعد عدالت نے انہیں 7 دن کے لیے شناخت پریڈ پر جیل بھیجنے کا حکم دیا تھا اور 29 مئی کو شناخت پریڈ کا عمل مکمل کرنے کا حکم دیتے ہوئے 30 مئی کو شناخت پریڈ رپورٹ طلب کرلی۔

    اسلام آباد اورگردونواح میں زلزلے کے جھٹکے

  • سرکاری افسر نےفون ڈھونڈنے کیلئے پورا ڈیم خالی کرادیا

    سرکاری افسر نےفون ڈھونڈنے کیلئے پورا ڈیم خالی کرادیا

    بھارتی ریاست چھتیس گڑھ میں ایک سرکاری افسر کو سیلفی لینے کا شوق مہنگا پڑگیا-

    باغی ٹی وی : بھارتی میڈیا کے مطابق 32 سالہ فوڈ انسپکٹر راجیش وشواس جو ضلع کینکر کے شہر پاکھنجورمیں تعینات تھا سیلفی لیتے ہوئے وہ اپنا موبائل پانی میں گرا بیٹھا اور اس کی تلاش میں ڈیم ہی خالی کروادیا۔


    فوڈ انسپکٹر راجیش وشواس اپنے دوستوں کے ہمراہ سیر و تفریح کی غرض سے پرالکوٹ پہنچے تھے جہاں سیلفی لیتے ہوئے ان کا موبائل 10 فٹ گہرے پانی میں گرگیا پانی میں گرنے والا فون سام سنگ ایس 23 الٹر تھا جس کی قیمت 95 ہزار بھارتی روپے تھی پانی کو ڈیم سے خالی کرنے کا منگل کو شروع کیا گیا جو جمعرات مکمل کیا گیا –


    جب متعلقہ حکام کوعلم ہوا تو انہوں نے فوڈ انسپکٹر کے خلاف کارروائی کا حکم دے دیا معاملے کی تصدیق کرتے ہوئے ضلع کی کلکٹر پرینکا شکلا نےکہا کہ سرکاری افسر کےپاس ڈیم سے پانی کے نکالنے کا کوئی اختیار نہیں ہےیہ پانی سخت گرمی میں انسانوں اور جانوروں نے استعمال کیا جانا تھا۔ سرکاری افسر کے خلاف جاری حکم نامےمیں کہا گیا ہے کہ انہوں نے اپنے عہدے کا غلط استعمال کیا ساتھ ہی بغیر اجازت پانی ضائع کیا جس پر ان کو فوری طور پر معطل کردیا۔

    میڈیا سے بات کرتے ہوئے راجیش وشواس نے بتایا کہ گاؤں کے کچھ غوطہ خوروں نے موبائل فون تلاش کرنے میں مدد کی لیکن دو دن تک کوشش کرنے کے بعد بھی نہی ملا تو انہوں نے ڈیم کو خالی کرنے کا مشورہ دیا میں نےان سےکہا کہ فون تو اب خراب ہوچکاہوگالیکن مقامی افراد کا ماننا تھا کہ شاید وہ ٹھیک ہو اور وہ میری مدد کے لئے آمادہ تھے۔

    انہوں نے مزید کہا کہ جب سب ڈویژنل افسر واٹر ریسورسز سے رابطہ کیا تو انہوں نے زبانی احکامات جاری کر دیئے تھے جس کے بعد ہی کرائے پر پمپ حاصل کرکے پانی نکالنا شروع کردیا تھا۔

  • قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    راولپنڈی: سربراہ عوامی مسلم لیگ شیخ رشید کا کہنا ہے کہ ووٹ مانگنے والے پارٹیاں چھوڑ رہے ہیں لیکن ووٹ دینے والے ابھی بھی نہیں بدلے۔

    باغی ٹی وی: سماجی رابطے کی ویب سائٹ ٹویٹر پر اپنی ٹویٹ میں سابق وزیرداخلہ شیخ رشید کا کہنا تھا کہ سیاسی جماعت کوئی شوگر فیکٹری نہیں ہوتی عوام کےدلوں میں ہوتی ہےآج جون لیگ فصل بورہی ہےکل اُسےکاٹے گی قصورکا بریانی جلسہ لال حویلی کا کچھ نہیں بگاڑ سکتا یوم تکبیرکےایٹمی دھماکوں پرراجہ ظفر الحق گوہرایوب اور خود شیخ رشیدکوکریڈیٹ دیتاہوں باقی ساری کابینہ نواز شریف سمیت دھماکوں کی مخالف تھی-


    شیخ رشید کا کہنا تھا کہ ملک میں جاری سیاسی اورانسانی خقوق کی پامالی پر بین الاقوامی حلقوں ادروں میں تشویش ،بہت سے اقوام متحدہ کے ذیلی اور اعلی ادارے جیلوں اور حالات کا جاہزہ لینے کےلے اعلی سطح پر دورہ کر سکتے ہے-

    شیخ رشید کا کہنا تھا کہ جن کا جینا مرنا پاکستان میں ہے اُن کے کے نام ای سی ایل میں ڈالے جارہے ہیں، اور جن کی جائیدائیں اور اولاد پاکستان سے باہر ہے ان سزا یافتہ مفرور مجرموں کو سفارتی پاسپورٹ جاری کئے جارہے ہیں، ایسے لوگ جب اقتدار سے باہر ہوتے ہیں تو تو پرائیوٹ جہازوں کے ذریعے بیرون ملک بھاگ جاتے ہیں، ان کے نام ای سی ایل میں ڈالنے چاہئے۔

    سابق وفاقی وزیر نے کہا کہ قصور کا بریانی جلسہ لال حویلی کا کچھ نہیں بگاڑ سکتا، آج ن لیگ جو فصل بو رہی ہے کل اُسے کاٹنا پڑے گا، 13جماعتی ٹولاعوام میں نفرت کا نشان بن چکا ہے، ان جماعتوں کے لیڈر نیلامی میں اورعوام پریشانی میں ہیں، کوئی پی ڈی ایم کے چوروں کے ساتھ کھڑا نہیں ہوسکتا، سیاسی جماعت کوئی شوگر فیکٹری نہیں ہوتی عوام کے دلوں میں ہوتی ہے، ووٹ مانگنے والے پارٹیاں چھوڑ رہے ہیں، ووٹ دینے والے ابھی نہیں بدلے۔

    شیخ رشید کا کہنا تھا کہ اداروں سےدرخواست ہےکہ9مئی کی غیرجانبدارتحقیقات کرائی جائیں جو بھی ملوث ہےاُسےسخت سزادی جائےلیکن کس کےکہنےپرپولیس خواب خرگوش سوئی رہی یہ سب سےاہم ترین سوالیہ نشان ہےاس کی بھی تحقیقات ہو کوئی بھی محب وطن پاکستانی اپنی فوج کے خلاف نہیں ہوسکتا-

  • شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ گئی

    شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ گئی

    شام میں سعودی سفارت خانہ دوبارہ کھولنے پر تبادلہ خیال کے لیے تکنیکی ٹیم دمشق پہنچ گئی۔

    باغی ٹی وی: سعودی میڈیا کے مطابق وزارت خارجہ کے عہدہ دار غازی بن رافع العنزی کی سربراہی میں وفد نے شام کے دارالحکومت دمشق میں وزارتِ خارجہ کے صدر دفتر میں شام کے معاون وزیر خارجہ برائے تارکینِ وطن ایمن سوسان سے ملاقات کی ہے ملاقات میں سعودی سفارت خانہ دمشق میں دوبارہ کھولنے سمیت تعلقات کی بحالی کے حوالے سے تبادلہ خیال کیا گیا۔

    جھوٹےدعووں کےذریعہ ہی یوکرین مغربی ملکوں سےہتھیاراورمالی امداد حاصل کرسکتا ہے،ایران

    اس موقع پر شامی عہدہ دار نے کہا کہ ان کی وزارت سعودی ٹیم کے کام کو آسان بنانے اور تمام ضروری مدد مہیا کرنے کے لیے مکمل طور پر تیار ہے۔

    خیال رہے کہ سعودی عرب اور شام کے درمیان سفارتی تعلقات ایک دہائی سے زائد عرصے سے منقطع تھےشامی صدر بشارالاسد کے ساتھ تعلقات کے معاملے پر سعودی عرب سخت مؤقف اپنائے ہوئے تھا تاہم 18 اپریل کو سعودی وزیر خارجہ شہزادہ فیصل بن فرحان نے دمشق کا دورہ کیا اور دونوں ممالک کے درمیان سفارتی تعلقات کی بحالی پر بات چیت کی تھی جب کہ عرب لیگ میں بھی شام کی رکنیت بحال کردی گئی ہے۔

    ایران اور روس کے درمیان کارگو ٹریفک میں غیرمعمولی تیزی

    سعودی عرب نے 9 مئی کو اعلان کیا تھا کہ وہ شام میں خانہ جنگی اور ایک دہائی سے زیادہ عرصے کے بعد اپنے سفارت کاروں کو دمشق میں دوبارہ کام شروع کرنے کی اجازت دے گا اسی ماہ 12 سال کی معطلی کے بعد شام کو عرب لیگ میں دوبارہ شامل کیا گیا ہے اور صدر بشارالاسد نے گذشتہ ہفتے جدہ میں لیگ کے 32 ویں سربراہ اجلاس میں شرکت کی تھی جہاں انھوں نے اس اجلاس کو خطے میں بحرانوں سے نمٹنے کا ’تاریخی موقع‘ قرار دیا تھا۔

    آج سورج خانہ کعبہ کے عین اوپر ہوگا

  • صدارتی ترکیہ میں صدارتی انتخابات کےدوسرے مرحلے میں ووٹنگ جاری

    صدارتی ترکیہ میں صدارتی انتخابات کےدوسرے مرحلے میں ووٹنگ جاری

    ترکیہ میں صدارتی انتخابات کےدوسرے مرحلے میں ووٹنگ شروع ہوگئی ہے جس میں صدر رجب طیب اردوان اور کمال قلیچ دار اوغلو کے درمیان مقابلہ ہے۔

    باغی ٹی وی: پولنگ کا عمل مقامی وقت کے مطابق صبح 8 بجے شروع ہوا جو شام 5 بجے(پاکستانی وقت 7 بجے) تک جاری رہےگا ترکیہ میں 14 مئی کو ہونے والے صدارتی انتخاب میں ووٹر ٹرن آؤٹ 90 فیصد رہا تاہم کسی بھی امیدوار کے 50 فیصد ووٹ حاصل نہ کرنے کے باعث صدر کا فیصلہ نہ ہو سکا اور انتخابی عمل دوسرے مرحلے میں داخل ہو گیا۔

    افغان طالبان اور ایرانی فورسز کے درمیان جھڑپ، 3 افراد ہلاک

    پہلے مرحلے میں رجب طیب ایردوان کو اپنے مخالف امیدوار پر 5 پوائنٹس کی برتری حاصل ہو گئی تھی تاہم وہ 50 فیصد ووٹ حاصل نہ کرپائے، وہ پہلے مرحلے میں 49.52 فیصد ووٹ حاصل کرنے میں کامیاب ہوئے تھے۔

    ان کے مدمقابل اپوزیشن امیدوار کمال قلیچ دار اوغلو 44.89 فیصد ووٹ لے کر دوسرے نمبر پر رہے اور سنان اوغنان 5.17 فیصد ووٹ لے کر تیسرے نمبر پر رہے تھے جب کہ پارلیمانی انتخابات میں رجب طیب اردوان کے اتحادی بلاک نے واضح اکثریت حاصل کر لی تھی5 فی صد سے زائد ووٹ لےکر تیسرے نمبر پر آنے والے سنان اوغنان صدر ایردوان کی حمایت کر چکے ہیں۔

    ایران اور روس کے درمیان کارگو ٹریفک میں غیرمعمولی تیزی

    واضح رہے کہ ترکیہ میں ہر پانچ سال بعد انتخابات ہوتے ہیں، ترک قوانین کے مطابق گزشتہ انتخابات میں 5 فیصد ووٹ حاصل کرنے والی پارٹی صدارتی امیدوار نامزد کر سکتی ہے یا پھر ایسا شخص جس کی نامزدگی کو ایک لاکھ لوگوں کی دستخط کے ساتھ حمایت حاصل ہو وہ صدارتی امیدوار بن سکتا ہے۔

    قانون کے مطابق جو امیدوار برتری کے ساتھ 50 فیصد ووٹ حاصل کرلےگا وہ صدر منتخب ہو جائےگا تاہم 50 فیصد ووٹ حاصل نہ کرنے کی صورت میں سب سے زیادہ ووٹ لینے والے دو امیدواروں کے درمیان دوسرے مرحلے میں ووٹنگ ہوتی ہے۔

    جھوٹےدعووں کےذریعہ ہی یوکرین مغربی ملکوں سےہتھیاراورمالی امداد حاصل کرسکتا ہے،ایران

  • اسلام آباد اورگردونواح میں زلزلے کے جھٹکے

    اسلام آباد اورگردونواح میں زلزلے کے جھٹکے

    وفاقی دارالحکومت اسلام آباد اور گردونواح میں شدید زلزلے کے جھٹکے محسوس کیے گئے۔

    باغی ٹی وی: شدید زلزلے کے جھٹکوں سے اسلام آباد شہر اور گردونواح کے علاقوں میں خوف و ہراس پھیل گیا لوگ کلمہ طیبہ کا ورد کرتے ہوئے گھروں سے باہر نکل آئے-

    کراچی سمیت ملک بھر میں آج سے بارشوں کا امکان

    پشاور میں بھی زلزلے کے جھٹکے محسوس کیے گئے جہلم، سوات، راولپنڈی، شانگلہ، دیامر، پنڈدادنخان میں بھی زلزلے کے جھٹکے محسوس کیے گئے۔

    زلزلہ پیما مرکز کے مطابق ریکٹر سکیل پر زلزلے کی شدت 6 محسوس کی گئی۔زلزلے کا مرکز افغانستان تاجکستان سرحد ہے زلزلے کی گہرائی 223 کلو میٹر ریکارڈ کی گئی۔

    واضح رہے کہ چند روز قبل بھی اسلام آباد سمیت ملک کے مختلف علاقوں میں زلزلے کے جھٹکے محسوس کیے گئے تھے۔ خیبر پختونخوا کے شہر سوات، صوابی اور گردونواح میں بھی زلزلے کے جھٹکے محسوس کیے گئے مالاکنڈ میں بھی زلزلے کے جھٹکے محسوس کیے گئے۔

    پاکستان کے ایٹمی دھماکوں کے پچیس برس مکمل،مسلح افواج کا سائنسدانوں اور انجینئیرز کو خراج …

    زلزلہ پیما مرکز کے مطابق زلزلے کی شدت ریکٹر اسکیل پر 5.2 ریکارڈ کی گئی تھی زلزلے کا مرکز افغانستان تاجکستان بارڈر ریجن تھا۔ زلزلے کی زیر زمین گہرائی 91 کلومیٹر تھی۔

  • کراچی سمیت ملک بھر میں آج سے بارشوں کا امکان

    کراچی سمیت ملک بھر میں آج سے بارشوں کا امکان

    کراچی سمیت ملک بھر میں آج سے بدھ تک بارش کا امکان ہے۔

    باغی ٹی وی: محکمہ موسمیات کے مطابق مغربی ہواؤں کی وجہ سے کراچی، حیدر آباد سمیت سندھ، پنجاب، خیبر پختونخوا، بلوچستان، آزاد کشمیر اور گلگت بلتستان میں بارش ہوگی مختلف علاقوں میں آندھی، جھکڑ چلنے اور ژالہ باری کی بھی توقع ہے۔

    پنجاب کے مختلف علاقوں میں آئندہ ہفتے گرج چمک کے ساتھ مزید بارشوں کا امکان

    محکمہ موسمیات کے مطابق کراچی میں 24 گھنٹوں کے دوران موسم گرم اور مرطوب رہنے کا امکان ہے شہر میں آج بھی تیز ہوائیں چلتی رہیں گی، زیادہ سے زیادہ درجہ حرارت 35 سے 37 ڈگری سینٹی گریڈ تک جا سکتا ہے-

    محکمہ موسمیات کے مطابق شہرِ قائد میں کم سے کم درجہ حرارت 28.6 ڈگری سینٹی گریڈ ریکارڈ ہوا ہے مغرب سے چلنے والی ہواؤں کی رفتار 20 کلو میٹر فی گھنٹہ ہے، ہوا میں نمی کا تناسب 64 فیصد ہے۔

    آج سورج خانہ کعبہ کے عین اوپر ہوگا

    دوسری جانب پی ڈی ایم اے نے الرٹ جاری کرتے ہوئے کہا ہے کہ بالائی اور مغربی علاقوں میں 28مئی کو مغربی ہوائیں داخل ہوں گی جو 31 مئی تک موجود رہیں گی لاہور، اسلام آباد، لیہ، ڈی جی خان اورراجن پور میں 28 سے 31 مئی تک بارش کا امکان ہے، بہاولنگر، ملتان، ساہیوال، خانیوال، اوکاڑہ، پاکپتن میں بھی بارشوں کی پیشگوئی کی گئی ہے-

    پاکستان کے ایٹمی دھماکوں کے پچیس برس مکمل،مسلح افواج کا سائنسدانوں اور انجینئیرز کو خراج …

  • عمر ایوب اور شہزاد اکبر کے گھر چھاپہ

    عمر ایوب اور شہزاد اکبر کے گھر چھاپہ

    پاکستان تحریک انصاف کے رہنما عمر ایوب نے کہا ہے کہ اسلام آباد پولیس نے رات ساڑھے 12 بجے بغیر وارنٹ ان کے گھر پر چھاپہ مارا ہے۔

    باغی ٹی وی : سماجی رابطے کی ویب سائٹ ٹوئٹر پر اپنی ٹوئٹ میں کہاکہ شالیمار تھانے کی پولیس نے رات ساڑھے 12 بجے بغیر وارنٹ ان کے گھر پر چھاپہ مارا ہے اور میری پارک کی ہوئی ٹویوٹا ہائی لکس ٹوئن کیبن ماڈل 2011 چوری کر لی۔

    جہانگیر ترین نے پارٹی کا نام فائنل کر لیا


    عمر ایوب نے کہا کہ اسلام آباد پولیس غیر قانونی تلاشی اور اب گاڑیوں کی چوری میں ملوث ہے۔ عدلیہ کے ارکان، سرکاری ملازمین اور سفارت کاروں کو اپنی گاڑیوں کا خیال رکھنا چاہیے کیونکہ پولیس نے اس انتہائی مہنگائی کے دور میں اپنی تنخواہیں بڑھانےکے لیے گاڑیاں چوری کرنے کا سہارا لیا ہے مجھے اپنی چوری شدہ گاڑی کے لیے ایف آئی آر کہاں درج کرانی چاہیے؟ کیا میں چوروں سے چوروں کو پکڑنے کا کہوں؟-

    افغان طالبان اور ایرانی فورسز کے درمیان جھڑپ، 3 افراد ہلاک


    دوسری جانب سابق مشیرداخلہ و احتساب شہزاد اکبر نے کہا کہ سب جانتے ہیں کہ میں ملک میں نہیں ہوں 25 سے 30 پولیس اور رینجرز اہلکاروں نے ان کے گھر صبح ایک بجے پر چھاپہ مارا ہےانہوں نے دعویٰ کیا کہ اہلکار دروازہ توڑ کر گھر میں داخل ہوئے اور ان کے چھوٹے بھائی کو لے گئے۔

    عمران خان سمجھ رہے تھے بہت اسمارٹ پولیٹکس کر رہے ہیں،فیصل واوڈا