طالبان نے افغانستان میں فیملیز اور خواتین کے ریسٹورنٹس میں کھانا کھانے اور پارکس میں جانے پر پابندی عائد کر دی۔
باغی ٹی وی :عالمی میڈیا کےمطابق افغانستان کےصوبےہرات میں افغان انتظامیہ کی طرف سےتصدیق کی گئی ہےکہ خواتین کو ریسٹورنٹس اور پارکس میں جانے سے روک دیا جائےگا ہرات میں خواتین پر لگائی گئی پابندی علماء کی طرف سے شکایات کے باعث عائد کی گئی ہے۔ علماء نے کہا ہے کہ ریسٹورنٹس اور پارکس میں خواتین کی بے پردگی ہوتی ہے۔
ی ٹی آئی نے کے پی انتخابات کی تاریخ کے معاملے پر پشاور ہائیکورٹ میں …
یہ بھی ذہن میں رہے کہ افغانستان کے صوبے ہرات میں غیر ملکی فلموں، ٹی وی شوز اور میوزک کی ڈی وی ڈی فروخت کرنے پر بھی مکمل طور پر پابندی عائد ہے۔
خیال رہے کہ اس سے قبل افغان حکومت کی جانب سے افغانستان کے شہر ہرات میں مرد اور خواتین کے ایک ساتھ ریسٹورنٹس میں بیٹھ کر کھانا کھانے اور ایک ساتھ پارکس میں جانے پر بھی پابندی عائد کی گئی تھی۔
طالبان کو اگست 2021 میں اقتدار سنبھالنے کے بعد خواتین کے یونیورسٹٰی جانے اور ملازمت پر پابندی لگانے پر عالمی برادری کی تنقید کا سامنا ہے۔
