Baaghi TV

Author: Ayesha Rehmani

  • وزیراعظم کی ہدایت پر ریسکیو ٹیم اور امدادی سامان خصوصی طیارے سے ترکیہ روانہ

    وزیراعظم شہباز شریف کی ہدایت پر امدادی سامان لے کر خصوصی طیارہ ترکیہ روانہ ہوگیا۔

    باغی ٹی وی: سی 130 طیارہ آرمی کی سرچ اینڈ ریسکیو ٹیم لے کر زلزلے سے متاثرہ علاقوں میں پہنچے گا۔ آج صبح پی آئی اے کی ایک پرواز سے 50 افراد اور 15 ٹن سامان ترکیہ روانہ کیا گیا امدادی ٹیم میں ریسکیو 1122 کے اہلکار شامل ہوں گے۔

    وزیراعظم شہبازشریف ترکیہ کا دورہ کریں گے

    ترجمان پی آئی اے کے مطابق آج ہی لاہور سے سی 130 طیارہ 7 ٹن امدادی سامان لے کر استنبول روانہ ہوگا۔ امدادی سامان میں خیمے، کمبل اور دیگر اشیائے ضروریہ شامل ہیںمپی آئی اےکاطیارہ 51رکنی ریسکیوٹیم کولے کرآج دوپہراستنبول پہنچےگا،پروازپرامدادی سامان کی ترسیل کیلئےبھی اقدامات مکمل ہیں پی آئی اے کی استنبول کیلئےپروازیں ہمہ وقت دستیاب ہوں گی-

    8 فروری سے روزانہ پی آئی اے کی پروازوں کے ذریعے اسلام آباد اور لاہور سے امدادی سامان ترکیہ اور شام بھیجا جائے گا۔ وزارت صحت اور آرمی میڈیکل کی ٹیمیں ترکیہ اور شام بھجوائی جائیں گی۔

    ترکیہ اور شام میں تباہ کن زلزلہ : ماہرین نے پاکستان اوربھارت کو بھی خبردار کر دیا

    وزیرخارجہ بلاول بھٹو نےبھی ترکیہ میں زلزلے کےدوران ہلاکتوں پرافسوس کا اظہار کیا،بلاول کی ترک ہم منصب سے بات ہوئی ہے،ترک ہم منصب سے زلزلے کے دوران ہلاکتوں پر اظہار افسوس اور یکجہتی کا اظہار کیا،پاکستان مشکل کی اس گھڑی میں ترکیہ کے ساتھ بھرپور تعاون کرے گا-

    وزیراعظم شہباز شریف نے ترکیہ کے صدر رجب طیب اردوان سے رابطہ کیا ،زلزلے کے باعث ہونے والے جانی و مالی نقصان پر گہرے افسوس کا اظہار کیا کہا کہ مشکل وقت میں پاکستان اپنے ترکیہ بہن بھائیوں کی ہر طرح کی مدد کریگا،ڈاکٹر، پیرا میڈکس اور ریسکیو ورکرز پر مشتمل ٹیمیں ترکی کیلئے روانہ ہو رہی ہیں،دوائیوں اور دیگر اشیا ضروریہ بھی جلد طیارے کے ذریعے ترکیہ روانہ کر دی جائیں گی-

    خیال رہے کہ گزشتہ شب ترکیہ اور شام شدید زلزلہ آیا ہے اور 7.9 شدت کے زلزلے سے متعدد عمارتیں زمین بوس ہوگئیں جس کے باعث مجموعی طور پر ہلاکتیں 2700 سے تجاوز کرگئیں اور سیکڑوں افراد زخمی ہیں ترکیہ میں زلزلے سے اب تک جاں بحق افراد کی تعداد 3000 سےزائدہوگئ اور 9733 افراد زخمی ہی جبکہ 3471 عمارتیں تباہ ہوگئیں۔

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی…

  • پاکستان کے معروف نیزہ باز ملک عطا محمد خان کا یوم وفات

    پاکستان کے معروف نیزہ باز ملک عطا محمد خان کا یوم وفات

    نیزہ بازی کی دنیا کے بے تاج بادشاہ ، پاکستان کے معروف نیزہ باز ملک عطا محمد خان کا یوم وفات
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    ہاتھ میں نیزا لئے گھوڑا دوڑاتا یہ شخص نواب عطاء محمد خان ہے۔ جو 80 سال کی عمر تک گھوڑے کی پیٹھ پر رہا ۔ دیکھنے میں ایک سفاک نواب لگتا تھا مگر عملا ایسا نہیں تھا۔ ساری زندگی گھوڑ دوڑ ، نیزہ بازی اور مشرقی روایات کے بہت بڑے فداکار رہے۔ ایچی سن اور آکسفورڈ کے زمانہ طالب علمی میں کلاس کی حد تک کوٹ پتلون پہنا اس کے علاوہ پوری زندگی شلوار قمیض اور پگ کے سوا کچھ نہ پہنا۔ خودجدی پشتی نواب ہی نہ تھے بلکہ نواب آف کالا باغ کے داماد بھی تھے۔ امریکہ، برطانیہ، فرانس، جرمنی۔ کنیڈا،ساؤتھ افریقہ اور بھارت گھوڑ سواری کے عالمی مقابلوں میں شرکت کے لئے گئے تو اسی وضع قطع میں گئے۔

    آکسفورڈ سے گریجویشن میں گولڈ میڈلسٹ ہوگئے تو کانوکیشن میں اسی وضع قطع کے ساتھ پہنچ گئے۔ یونیورسٹی انتظامیہ نے ڈریس کوڈ کا اصول پیش کرکے لباس بدلنے کا کہا تو انکار کردیا۔ منیجمنٹ نے کہا”اگر یہی پہنے رکھنا ہے تو پھر ڈائس پر آکر ملکہ معظمہ سے گولڈ میڈل لینے نہیں دیا جائے گاجواب دیا "تو نہ دیں گولڈ میڈل مگر لباس تو یہی رہے گا”

    تقریب کے دوران میڈلز لینےوالےطلبہ میں ان کا نام بھی پکارا گیا تویہ اپنی نشست پرکھڑے ہوگئےاورملکہ کو مخاطب کرکے کہا میں یہاں پنڈال میں موجود ہوں، لیکن منیجمنٹ کہتی ہے کہ اپنے قومی لباس میں ڈائس پر مت آنا،ملکہ الزبتھ نے جواب دیا”اگر یونیورسٹی کا اصول یہی ہے تو پھر میں پنڈال میں آکر آپ کو گولڈ میڈل دیے دیتی ہوں”

    اور یوں طالب علم عطاء محمد خان کو گولڈ میڈل دینے ملکہ معظمہ خود اس کی سیٹ پر آئیں۔ مدرسے سے پڑھےمولوی کی بات تو ہضم نہیں ہوتی، سو ہمارے ذہنی غلام آکسفورڈ کے پڑھے نواب عطاء محمد خان مرحوم سے ہی کچھ سیکھ لیں ۔

    پاکستان میں نیزہ بازی کے میدانوں کی رونق اور اس کھیل کے فروغ کے لیے گراں قدر خدمات انجام دینے والے ملک عطا محمد خان 25 اکتوبر 1940 کو پیدا ہوئے تھے۔

    ملک عطا محمد، پرنس عطا محمد ملک نواب آف کوٹ فتح خان کے نام سے مشہور تھے۔ پاکستان میں کہیں بھی نیزہ بازی کا میدان سجے اور ملک عطا وہاں موجود نہ ہوں تو اسے کامیاب شو قرار نہیں دیا جا سکتا تھا” وہ ہنس مکھ اور کبھی نہ تھکنے والے انسان تھے۔ ان کی اولاد تو نہیں ہے لیکن وہ نیزی بازی کی پرورش اپنی اولاد کی طرح ہی کر رہے تھے۔ ”

    مقامی و عالمی سطح پر نیزہ بازی میں پاکستان کی نمائندگی کرنے کے ساتھ ساتھ ملک عطا محمد خان سیاست اور اداکاری کے شعبہ سے بھی وابستہ رہے۔

    1982 میں انڈیا میں ہونے والی ایشین گیمز میں چاندی کا تمغہ حاصل کیا پنجاب میں نیزہ بازی کی بنیاد ملک عطا نے ہی رکھی تھی ملک عطا محمد نیزہ بازی کے مقابلوں میں اعزازی طور پر بھی شرکت کرتے تھے۔ ان میدانوں میں ان کی شخصیت اور خدمات کو مدنظر رکھتے ہوئے مقابلے روک کر ملک عطا کو نیزہ بازی کرنے کا حق دیا جاتا تھا۔

    ملک عطا محمد خان اس وجہ سے بھی مشہور تھے کہ ان کے گھوڑوں کی دیکھ بھال اور ٹریننگ کے لیے بیرون ملک بالخصوص برطانیہ سے خواتین ٹرینرز ہمیشہ ان کے ساتھ موجود ہوتی تھیں۔

    1982 میں انھوں نے انڈیا میں ہونے والی ایشین گیمز میں حصہ لیا اور چاندی کا تمغہ حاصل کیا۔ انھوں نے برطانیہ، آسٹریلیا، مصر اومان اور جنوبی افریقہ سمیت نیزہ بازی کے عالمی مقابلوں میں پاکستان کی نمائندگی کی۔

    2013 میں ان کی تجویز پر ورلڈ ٹینٹ پیگنگ فیڈریشن کا قیام عمل میں لایا گیا۔ ملک عطا محمد خان کو اس کا اعزازی صدر بھی منتخب کیا گیا۔ وہ اب بھی اس فیڈریشن کے نائب صدر اور رکن ایگزیکٹو کمیٹی تھے۔

    ملک عطا محمد خان نے نیزہ بازی اور سیاست کے علاوہ اداکاری کے شعبے میں اپنے آپ کو منوایا۔ وہ آئی ایس پی آر کے ڈرامہ ’الفا براوو چارلی‘ میں کیپٹن فراز کے والد کا کردار نبھا چکے ہیں۔ 2017 میں انھوں نے فلم ’ورنہ‘ میں گورنر کا کردار بھی ادا کیا۔ انہوں نے ضلع ہری پور میں بیلوں کی دوڑ کے فروغ کے لیے بہت کام کیا۔

    ملک عطا محمد نے 1998 اور 1990 کے انتخابات میں صوبائی نشست سے اسلامی جمہوری اتحاد کے پلیٹ فارم سے انتخابات میں حصہ لیا۔ وہ 1990 سے 1993 تک رکن صوبائی اسمبلی پنجاب بھی رہے۔ بعد ازاں اپنے والد کی وفات اور خاندانی ذمہ داریوں کے باعث سیاست سے علیحدگی اختیار کر لی تھی۔وہ نواب آف کالا باغ ملک امیر محمد خان کے داماد تھے۔ 6 فروری 2020 میں ملک عطا محمد خان کی اپنے آبائی گاؤں کوٹ فتح خان میں حرکت قلب بند ہونے کی وجہ سے وفات ہوئی۔

  • میرے لیے وہ شخص مصیبت بھی بہت ہے

    میرے لیے وہ شخص مصیبت بھی بہت ہے

    میرے لیے وہ شخص مصیبت بھی بہت ہے
    سچ یہ ہے مجھے اس کی عادت بھی بہت ہے

    روحی کنجاہی

    نام امر الٰہی اور تخلص روحیؔ ہے۔ 04 اگست 1936ء کو کنجاہ، ضلع گجرات(پنجاب) میں پیدا ہوئے۔ ابھی روحی آٹھویں جماعت کے طالب علم تھے کہ باپ کا سایہ سر سے اٹھ گیا۔ ناسازگار حالت کے باوجود روحی کنجاہی نے اپنا تعلیمی سلسلہ جاری رکھا اور بی اے تک تعلیم حاصل کی۔ دوران تعلیم ملازمت بھی کرتے رہے۔ میٹرک کے بعد دس برس کوہ نور ٹیکسٹائل ملز، فیصل آباد میں گزارے۔ بعدازاں لاہور میں زرعی ترقیاتی وسپلائز کارپوریشن میں اسسٹنٹ ڈائریکٹر کے عہدے پر فائز رہے۔ 07 فروری 2022ء کو وفات پا گئے-ان کی تصانیف کے نام یہ ہیں: ’’سمتیں‘‘ (مجموعہ کلام)، ’’بے مثال افسانہ‘‘(افسانوی مجموعہ)، ’’منتخب شاہ کار مزاحیہ شاعری‘‘(تالیف)۔
    بحوالۂ:پیمانۂ غزل(جلد دوم)،محمد شمس الحق،صفحہ:319

    اشعار
    ۔۔۔۔۔
    معجزہ کوئی دکھاؤں بھی تو کیا
    چاند میں شہر بساؤں بھی تو کیا

    کس لیے پھرتا ہوں تنہا نہ کسی نے پوچھا
    کیوں کہیں جی نہیں لگتا نہ کسی نے پوچھا

    صورتِ نغمۂ جاں اے روحیؔ
    میں ترے دل میں اترنا چاہوں

    منصفِ وقت سے بیگانہ گزرنا ہوگا
    فیصلہ اپنا ہمیں آپ ہی کرنا ہوگا

    میرے لیے وہ شخص مصیبت بھی بہت ہے
    سچ یہ بھی ہے اس کی مجھے عادت بھی بہت ہے

    تو مل بھی جائے تو پھر بھی تجھے تلاش کروں
    ہر ایک دور میں تخلیقِ ارتعاش کروں

    یوں تو ہوں ایک لفظ ہی میں بھی لغات کا
    مفہوم کے لحاظ سے سب سے جدا ہوں میں

    یہ تیری بزم ہے یاں تیرا سکہ چلتا ہے
    کوئی بھی بات مری معتبر نہیں نہ سہی

    اب تو یوں لب پہ مرے حرفِ صداقت آئے
    ناگہاں شہر پہ جیسے کوئی آفت آئے

    نہ چشم اشارے سے واقف نہ لب کا حرف سے ربط
    کچھ ایسے سلسلے بھی قیل و قال کے دیکھے

    یہ سلسلۂ شام و سحر یوں ہی نہیں ہے
    ہر قافلہ سرگرم سفر یوں ہی نہیں ہے

  • اگر ایشیا کپ کیلئے بھارت پاکستان نہیں آتا تو بھاڑ میں جائے،ہمیں ہماری کرکٹ مل رہی ہے،جاوید میانداد

    اگر ایشیا کپ کیلئے بھارت پاکستان نہیں آتا تو بھاڑ میں جائے،ہمیں ہماری کرکٹ مل رہی ہے،جاوید میانداد

    پاکستان کرکٹ ٹیم کے سابق کپتان جاوید میانداد نے کہا ہے کہ اگر ایشیا کپ کیلئے بھارت پاکستان نہیں آتا تو بھاڑ میں جائے۔

    باغی ٹی وی : صحافیوں سے گفتگو کرتے ہوئے جاوید میانداد نے کہا کہ ’اگر بھارت ایشیا کپ کیلئے پاکستان نہیں آنا چاہتا تو بھاڑ میں جائے، میں ہمیشہ کہتا ہوں اگر بھارت نہیں آنا چاہتا تو کوئی مسئلہ نہیں، ہمیں ہماری کرکٹ مل رہی ہے-

    ایشیا کپ: نجم سیٹھی کے بیان کے بعد اب بھارتی کرکٹ بورڈ کا بیان بھی سامنے آگیا

    سابق ٹیسٹ کرکٹر نے کہا کہ یہ آئی سی سی کا کام ہےاسطرح کی چیزوں کو کنٹرول کرنا ورنہ گورننگ باڈی کا کوئی فائدہ نہیں آئی سی سی کا قانون ہر ملک کیلئے یکساں ہونا چاہیے، اگر ایسی ٹیمیں قانون نہیں مانتی تو جتنی بھی مضبوط کیوں نہ ہوں انہیں باہر کردیں۔

    جاوید میاںداد نے کہا کہ ہمارے وقت میں بھی وہ نہیں کھیلتے تھے کیوںکہ وہ نتیجے سے خوف زدہ ہوتے تھےبھارتی کراؤڈ بہت خراب ہے، بھارت چاہے جس سے بھی ہارے وہ گھروں کو آگ لگا دیتے ہیں یہی وجہ ہے کہ وہ ڈرتے ہیں۔

    بھارت نے اپنی ٹیم پاکستان نہ بھیجی تو پاکستانی ٹیم بھی بھارت نہیں جائے گی،نجم…

    واضح رہےکہ ہایشیا کپ 2023 پاکستان میں شیڈول ہےتاہم بھارتی کرکٹ بورڈ حکومت کی اجازت کا بہانہ بناکر پاکستان آنے سےانکارکرچکا ہے،ایشیا کپ کرکٹ 2023ء پاکستان میں شیڈول تھا تاہم اب اسے نیوٹرل مقام پر کروانے کا فیصلہ کیا گیا ہے۔رپورٹ کے ایونٹ کیلئے یو اے ای کو فیورٹ وینیو قرار دیا گیا ہے، تاہم حتمی اعلان مارچ میں کیا جائے گا۔بھارتی ٹیم کے پاکستان نہ آنے کے باعث ایونٹ کو نیوٹرل مقام پر کروانے کا فیصلہ کیا گیا ہے۔

    ایشیاکپ پاکستان میں ہی ہوگا، پی سی بی ڈٹ گیا

  • کے الیکٹرک اور چینی کمپنی کے درمیان 1000 میگاواٹ قابل تجدید توانائی کا معاہدہ

    کے الیکٹرک اور چینی کمپنی کے درمیان 1000 میگاواٹ قابل تجدید توانائی کا معاہدہ

    اسلام آباد: کےالیکٹرک اور چینی کمپنی کےدرمیان 1000 میگاواٹ قابل تجدید توانائی کا معاہدہ طے پاگیا۔

    باغی ٹی وی: تفصیلات کے مطابق کے الیکٹرک اور چینی کمپنی کے درمیان مفاہمتی یادداشت پر دستخط کئے گئے ایم او یو کے تحت آزاد کشمیر اور دیگر علاقوں میں توانائی کے منصوبے لگائے جائیں گے کے الیکٹرک کے نیٹ ورک میں بڑے گرڈز پر بیٹری انرجی اسٹوریج سسٹم لگانے کی حکمت عملی بنائی جائےگی۔

    تھر میں 5 ہزار میگا واٹ بجلی پیداکرنے کی صلاحیت ہے،مشاہد حسین سید

    چینی کمپنی کے سی ای او وانگ منشینگ نے کہا کہ کم لاگت، صاف توانائی سلوشنز کی فراہمی کیلئے نئی منصوبہ بندی کی ہے، گرین انرجی موسمیاتی تبدیلی کے مسئلے سے نمٹنے میں مددگار ثابت ہوتی ہے، ملک کے انرجی مکس میں قابل تجدیدتوانائی کے ذرائع میں اضافہ وقت کی ضرورت ہے۔

    کے الیکٹرک کے چیف ایگزیکٹو آفیسر مونس علوی کا کہنا ہے کہ ایم او یو کراچی کے صارفین کیلئے سنگ میل کی حیثیت رکھتا ہے، ملکی جنریشن مکس میں صاف، پائیدار اور سستی توانائی کا حصہ بڑھانے کیلئے پر عزم ہیں، چینی کمپنی کا عالمی تجربہ قابل تجدید توانائی کی کوششوں میں معاون ثابت ہوگا۔

    قابل تجدید توانائی سے مراد ایسی توانائی ہے جو مختلف قدرتی ذرائع مثلا سورج کی روشنی، ہوا بارش اور لہروں وغیرہ سے حاصل ہوری ہے-

    وزیر اعظم کی وکی پیڈیا سے پابندی فوری ہٹانے کی ہدایت

  • راولپنڈی : شہری پر گستاخی کا الزام،تھانہ گنجمنڈی کی حدود میں حالات کشیدہ

    راولپنڈی : شہری پر گستاخی کا الزام،تھانہ گنجمنڈی کی حدود میں حالات کشیدہ

    راولپنڈی تھانہ گنجمنڈی کی حدود میں حالات کشیدہ ،احمد علی نامی شخص پر گستاخی کا الزام لگایا گیا جس کے بعد حالات اس علاقے میں کافی کشیدہ ہوگئے ہیں،مظاہریں ننکاری بازار آگ لگانے کی کوشش بھی کر رہے ہیں-

    باغی ٹی وی : پولیس کی طرف سے مظاہرین کو منتشر کرنے کے لیے شیلنگ کی جارہی ہے ،تحریک لبیک سمیت دیگر جماعتوں کی پرامن رہنے کی ہدایات کی گئی ہیں-


    پولیس کا کہنا ہے کہ معاملہ دو بندوں کے درمیان ہوا قبل از وقت کچھ نہیں کہا جاسکتا ادارے تفتیش کررہے ہیں پولیس تھانہ گنجمنڈی نے مبینہ گستاخی کے مرتکب ملزم کو تھانہ کینٹ منتقل کر دیا ہے سیکڑوں افراد نے تھانہ گنجمنڈی کا گھیراؤ کر لیا ہے-

  • ہاتھ اور پیر اکثر کیوں سُن ہو جاتے ہیں؟

    ہاتھ اور پیر اکثر کیوں سُن ہو جاتے ہیں؟

    تقریباً فرد کو ہی ہاتھوں یا پیروں کے سن ہونے، سنسناہٹ یا سوئیاں چبھنے جیسے احساسات کا سامنا ہوتا ہے،اس کیفیت میں ہاتھوں اور پیروں میں تکلیف یا کمزوری بھی محسوس ہوسکتی ہے ماہرین کے مطابق اگر اکثر ہاتھ اور پیر سن ہوجاتے ہیں، سوئیاں چبھنے یا سنسناہٹ کا احساس ہوتا ہے، تو ایسا کسی بیماری کا نتیجہ بھی ہوسکتا ہے۔

    انار ایک سُپر فوڈ،ذیابیطس کو روکتا ہے اور دل کی حفاظت کرتا ہے،نظام ہاضمہ کو مضبوط…

    ماہرین صحت کے مطابق جسم میں بلڈ شوگر کی سطح بڑھ جانے سے اعصاب کو نقصان پہنچتا ہے جس کے باعث ہاتھوں اور پیروں کے سن ہونے یا سوئیاں چبھنے کا اکثر سامنا ہوتا ہے،اگر ایسا ہوتا ہو اور اس کے ساتھ ساتھ بہت زیادہ پیشاب آنے یا ہر وقت پیاس لگنے جیسی علامات بھی موجود ہوں تو ڈاکٹر سے رجوع کرکے ذیابیطس کا ٹیسٹ کرانا چاہیے،تھائی رائیڈ کے امراض کا علاج نہ کرایا جائے تو ہاتھوں اور پیروں میں جلن، سنسناہٹ اور سن ہونے جیسی علامات سامنے آتی ہیں-

    اگر آپ دوپہر کو کچھ دیر کی نیند لے کر اٹھتے ہیں اور آپ کے ہاتھ یا پیر سن یا بے حس ہورہے ہو تو آسانی سے تصور کیا جاسکتا ہے کہ یہ اعصاب دب جانے کا نتیجہ ہے۔ تاہم طبی ماہرین کا کہنا ہے کہ اگر آپ کا ہاتھ اچانک بے حس یا کمزور ہوجائے تو یہ کیفیت چند منٹوں میں دور نہ ہو تو فوری طبی امداد کے لیے رابطہ کیا جانا چاہئے۔شریانوں میں ریڑھ کی ہڈی سے دماغ تک خون کی روانی میں کمی کے نتیجے میں جسم کا ایک حس سن یا کمزور ہو جاتا ہے، اگر اس کے ساتھ بولنے میں مشکل ہو، ایک کی جگہ دو چیزیں نظر آئیں، سوچنا مشکل ہو اور آدھے سر کا درد وغیرہ بھی ہو تو فوری ڈاکٹر سے رجوع کریں۔

    غذا جو بڑھتی عمر کیساتھ دل و دماغ کی حفاظت کرتی ہے

    علاوہ ازیں جسم میں اعصاب کے قریب رسولی بننے سے ہاتھوں اور پیروں کے سن ہونے کا مسئلہ بڑھ جاتا ہے ایسا کینسر یا عام رسولی سے بھی ہو سکتا ہے مخصوص ادویات سے بھی اعصاب کو نقصان پہنچ سکتا ہے جس سے ہاتھ اور پیر سن ہو جاتے ہیں یا سوئیاں چبھنے کا احساس ہوتا ہے،عموماً کینسر کے علاج کے لیے کھائی جانے والی ادویات سے ایسا ہوتا ہے مگر امراض قلب یا ہائی بلڈ پریشر کی ادویات سے بھی ہوسکتا ہے۔

    جسم میں وٹامن بی 12، وٹامن بی 6، وٹامن بی 1، وٹامن ای یا وٹامن بی 9 کی کمی ہو تو اس کے نتیجے میں بھی ہاتھ پیر اکثر سن ہونے لگتے ہیں یا سوئیاں چبھنے کا احساس ہوتا ہے یہ وٹامنز اعصاب اور جسم کے دیگر حصوں کے لیے اہم ہوتے ہیں اور ان کی کمی سے اعصاب کو نقصان پہنچتا ہے۔

    اگر اعصاب پر اردگرد کے ٹشوز سے دباؤ بڑھ جائے جیسے چوٹ لگنے سے یہ مسئلہ پیدا ہوتا ہے ہاتھوں یا پیروں کے اعصاب میں ایسا ہونے سے وہ اکثر سن ہو جاتے ہیں یا سوئیاں چبھنے کا احساس ہوتا ہے ،متعدد وائرل اور بیکٹریل انفیکشنز سے بھی اعصاب کو نقصان پہنچتا ہے جس کے باعث ہاتھ پیر اکثر سن ہو جاتے ہیں یا ایسا لگتا ہے کہ کوئی ان میں سوئیاں چبھو رہا ہے۔ایچ آئی وی، ہیپاٹائٹس بی اور سی سمیت متعدد وائرسز کے شکار افراد کو اس کا تجربہ ہوتا ہے۔

    خواتین کے دماغ کا درجہ حرارت مردوں سے زیادہ ہوتا ہے ،تحقیق

    اگر گردوں کے افعال متاثر ہو جائیں تو جسم میں سیال اور کچرا جمع ہو جاتا ہے جس سے اعصاب کو نقصان پہنچتا ہے جس کے باعث عموماً ٹانگیں اور پیر اکثر سن ہو جاتے ہیں جبکہ سنسناہٹ کی شکایت بھی ہوتی ہے۔

    ایسے امراض جس میں ہمارا مدافعتی نظام ہی صحت مند خلیات پر حملہ آور ہو جائے، انہیں آٹو امیون امراض کہا جاتا ہے، اس کے نتیجے میں ہاتھوں اور پیروں کے سن ہونے کی شکایت بڑھ جاتی ہے علاوہ ازیں کارپل ٹنل مرض کے شکار افراد کو اکثر ہاتھوں کی انگلیوں میں سنسناہٹ، سوئیاں چبھنے یا سن ہونے جیسے احساسات کا سامنا ہوتا ہے،یہ ہاتھوں کا ایک عام مسئلہ ہے جس کے دوران ہتھیلی میں موجود اعصاب دب جاتے ہیں ، ابتدائی مرحلے میں اس عارضے کی تشخیص ہوجائے تو علاج آسان ہوتا ہے مگر تاخیر ہونے پر اکثر سرجری کی ضرورت ہوتی ہے۔

    اگر آپ کو پورے جسم یمں درد کے پھیلنے اور دیر تک تھکاوٹ کا احساس ہو تو یہ ریشہ دار عضلاتی درد یا Fibromyalgia کا عارضہ ہوسکتا ہے، اس کے شکار افراد کو ہاتھوں اور بازﺅں کے سن ہونے اور ان میں سوئیاں چبھنے کا احساس بھی ہوتا ہے، یہ ایسا مرض ہے جس کے بارے میں یہ معلوم نہیں کہ ایسا کیوں ہوتا ہے اور اس کا کوئی مخصوص علاج بھی نہیں مگر مختلف طریقہ کار سے کافی حد تک ریلیف حاصل کیا جاسکتا ہے۔

    پھلوں اور سبزیوں کےاستعمال سے ذیابیطس اور موٹاپے پرقابوپایا جا سکتا ہے ،تحقیق

    Lupus یا چیرے کی جلد کی سوزش ایک آٹو امیون مرض ہے اور یہ اس وقت ہوتا ہے جب ہمارا مدافعتی نظام اعضا اور ٹشوز پر حملہ آور ہوجاتا ہے، اس مرض کی علامات میں ہاتھوں کا سن ہونا بھی شامل ہے مگر اس کا انحصار اس پر ہوتا ہے کہ جسم کا کونسا حصہ اس سے متاثر ہے، اگر یہ اہم اعضا جیسے دل، گردے، پھیپھڑوں یا دماغ تک پہنچ جائے تو یہ خطرناک ثابت ہوسکتا ہے۔

  • ترکیہ وشام میں زلزلہ: ہلاکتوں کی تعداد 2600 سے تجاوز،ترکیہ میں متاثرین سخت مشکلات کا شکار

    ترکیہ وشام میں زلزلہ: ہلاکتوں کی تعداد 2600 سے تجاوز،ترکیہ میں متاثرین سخت مشکلات کا شکار

    ترکیہ میں زلزلہ متاثرین سخت مشکلات کا شکار ہیں-

    با غی ٹی وی: ترکیہ اور شام میں 7.8 شدت کے زلزلے نے تباہی مچادی، رات گئے آنے والے زلزلے نے لوگوں کو بچنے کا موقع ہی نہ دیا، بلند و بالا عمارتیں لمحوں میں ملبے کا ڈھیر بن گئیں، 50 سے زائد آفٹر شاکس کا سلسلہ بھی کئی گھنٹوں تک جاری رہا زلزلے کی گہرائی کم ہونے کے باعث نقصان زیادہ ہوا، کئی بلند و بالا عمارتیں زمین بوس ہو گئیں۔

    دونوں ممالک میں اموات کی مجموعی تعداد 2600 سے تجاوز کر گئی ہے زلزلے کی شدت اس قدر زیادہ تھی کہ اسے گرین لینڈ اور ڈنمارک تک محسوس کیا گیا۔

    شام میں زلزلےسےجاں بحق افراد کی تعداد 968 ہوگئی ہے اور سیکڑوں زخمی ہیں جبکہ ترکیہ میں زلزلے سے اموات کی تعداد 1651 ہوگئی ہے جبکہ ہزاروں افراد زخمی ہیں ترکیہ میں زلزلے کے بعد ریسکیو ٹیموں نے 10 سال کی بچی کو ملبے سے زندہ نکال لیا –

    ترک صدر رجب طیب اردگان کا کہنا ہے کہ ترکیہ میں زلزلے سے اموات میں کتنا اضافہ ہوگا اس کا ابھی اندازہ نہیں لگا سکتے اب تک 45 ممالک سرچ اینڈ ریسکیو آپریشن میں مدد کی پیشکش کرچکےہیں، زلزلہ 1939 کے بعد اب تک کی سب سے بڑی تباہی ہے۔

    ترک صدر طیب اردگان نے میں ملک میں ہولناک زلزلے کے بعد ایمرجنسی کا اعلان کردیا ہے ترک صدر طیب اردگان نے زلزلے سے متاثر تمام شہریوں کے لیے نیک خواہشات کا اظہار کرتے ہوئےکہا ہےکہ امید ہے کہ جلد از جلد اور کم سے کم نقصان کے ساتھ مل کر اس آفت سے نکل جائیں گے۔

    ترکیہ کے نائب صدر کے مطابق زلزلے کے بعد غازی انتپ اور حاطے ائیرپورٹ پر سول پروازیں معطل کردی گئی ہیں-

    دوسری جانب ترکیہ میں زلزلہ متاثرین سخت مشکلات کا شکار ہیں،زلزلہ متاثرین سخت سردی میں کھلے آسمان تلے رہنے پر مجبور ہیں ، محکمہ موسمیات کے مطابق مختلف شہروں میں پارہ نقطہ انجماد سے بھی نیچےگر گیا ہے جبکہ ترکیہ کے مختلف علاقوں میں بارش کا امکان ہے-

    امریکی جیولوجیکل سروے کے مطابق زلزلہ مقامی وقت کے مطابق صبح 4 بجکر 17 منٹ پر آیا جب لوگ گہری نیند میں تھے زلزلے کی شدت 7.9 ریکارڈ کی گئی، زلزلے کا مرکز ترکیہ سے جنوب میں غازی انتپ صوبے کے علاقے نرداگی میں تھا، جبکہ زلزلے کی گہرائی 17.9 کلومیٹر تھی۔ اس صوبے کی آبادی تقریباً 20 لاکھ ہے اور یہ صوبہ شام کے قریب ہے جس کی وجہ سے شام میں بھی بڑے پیمانے پر تبادہی مچی۔

    ترک میڈیا کے مطابق زلزلے کے شدید ترین جھٹکے ایک منٹ تک محسوس کیے گئے، جھٹکوں کے باعث لوگ سڑکوں پر نکل آئے،زلزلے کے جھٹکے قبرص، یونان، شام، اردن،لبنان اور فلسطین میں بھی محسوس کیےگئے۔

    ترک میڈیا کے مطابق زلزلے کے باعث ترک صوبہ حاطے میں قدرتی گیس پائپ لائن میں آگ بھڑک اٹھی، احتیاطی تدابیر کے طور پر حاطے میں قدرتی گیس کی فراہمی روک دی گئی ہے۔

    ترک ڈیزاسٹر منیجمنٹ ایجنسی کا کہنا ہےکہ زلزلےکے بعد سے اب تک 78 آفٹرشاکس محسوس کیےگئے ہیں، زلزلے سےکم ازکم ایک ہزار 710 عمارتیں گرگئیں متاثرہ علاقوں میں 2 ہزار 786 امدادی ٹیمیں امدادی سرگرمیوں میں مصروف ہیں۔

    ترکیہ میں زلزلے کے بعد ملک بھر میں اسکول بند رکھنےکا اعلان کیا گیا ہےترک وزارت تعلیم کا کہنا ہے کہ ملک بھر میں تمام اسکول 13 فروری تک بند رہیں گے۔

    ترک میڈیا کا کہنا ہےکہ آذربائیجان سے سرچ ریسکیو کے 370 ماہرین ترکیہ پہنچ رہے ہیں جبکہ امریکا، روس، یوکرین، بھارت، یو اے ای و دیگر ممالک نے بھی ترکیہ کو ہر ممکن مدد فراہم کرنےکی پیشکش کی ہے پاکستان سے پاک فون کی سرچ اور رسیکیو ٹیم اور امدادی سامان ترکیہ روانہ کر دیا ہے-

    چیئرمین این ڈی ایم اے کے مطابق لاہور سے بھی سی 130 طیارہ امدادی سامان لے کر روانہ ہوگا،کل لاہور سے ریسکیو 1122کی ٹیم اور ان کےساتھ 16ٹن سامان بھی جائے گا،ریسکیو 1122 کی ٹیم55افراد پر مشتمل ہے،سی 130طیارہ کل 7سے 8ٹن امدادی سامان لیکر ترکیہ روانہ ہوگا،آنے والے دنوں میں شام اور ترکیہ کیلئے میڈیکل ٹیموں کا بندوبست کر رہے ہیں،یومیہ 15سے 20ٹن سامان پاکستان کی جانب سے ترکیہ اور شام بھیجا جائے گا-

    میڈیکل ٹیمیں زلزلے سے متاثرہ علاقوں میں لوگوں کو مدد فراہم کریں گی،وزیراعظم خود بھی ایک اعلی سطح ٹیم لیکر ترکیہ کا دورہ کریں گے،3ٹن امدادی سامان کی پہلی کھیپ ترکیہ روانہ کر دی ہے،آرمی کی سرچ اینڈ ریسکیو ٹیم بھی ہمراہ ہےپاکستان نے ترکیہ وقت آگیا ہے کہ ہم بھی مشکل وقت میں ان کی مدد کریں-

    دوسری جانب زلزلے نے شام میں بھی شدید تباہی مچائی ہے جہاں عمارتیں گرنے سے سیکڑوں افراد ہلاک اور زخمی ہوئے ہیں شامی حکام کے مطابق زلزلےکے جھٹکے شام کے صوبوں حما، حلب اور لتاکیہ میں محسوس کیےگئےحکومتی زیر اثر علاقوں میں زلزلے سے اموات کی تعداد 968 ہوگئی ہے اور ایک ہزار سے زائد افراد زخمی ہیں۔

    ادھر شام میں کام کرنے والے امدادی گروپ کے مطابق باغیوں کےزیرکنٹرول علاقوں میں زلزلے سے234 اموات ہوئی ہیں، زلزلے سے اموات میں اضافے کا خدشہ ہے، سینکڑوں خاندان اب بھی ملبے تلے دبے ہیں۔

  • وزیر اعظم کی وکی پیڈیا سے پابندی فوری ہٹانے کی ہدایت

    وزیر اعظم کی وکی پیڈیا سے پابندی فوری ہٹانے کی ہدایت

    وزیراعظم شہباز شریف نے توہین آمیز اور غیر قانونی مواد نہ ہٹانے کی وجہ سے پاکستان میں بلاک آن لائن انسائیکلو پیڈیا وکی پیڈیا پر عائد پابندی فوری ہٹانے کی ہدایت کر دی۔

    باغی ٹی وی: تفصیلات کے مطابق وزیراعظم نےیہ ہدایت تین رکنی وزارتی کمیٹی کی سفارش پر کی کمیٹی وزیر قانون، وزیر اقتصادی امور اور وزیر اطلاعات پر مشتمل تھی۔

    پاکستان میں بلاک ہونے پر وکی پیڈیا کا بیان سامنے آ گیا

    وزیراعظم نے وزیر آئی ٹی اور وزیر ٹیلی کام کی سربراہی میں 5 رکنی کمیٹی تشکیل دے دی۔ وزیر قانون، وزیر اطلاعات ، وزیر تجاورت اور وزیر مواصلات بھی کمیٹی میں شامل ہوں گے۔

    علاوہ ازیں کمیٹی کے ٹی او آرز بھی جاری کر دیے گئے، کمیٹی پی ٹی اے کے وکی پیڈیا بلاک کرنے کے ایکشن کا جائزہ لے گی۔ کمیٹی وکی پیڈیا سے قابل اعتراض مواد ہٹانے کے دیگر طریقوں کی بھی سفارش کرے گی۔

    وزارت آئی ٹی کابینہ کمیٹی کی معاونت کرے گی، وفاقی وزیر آئی ٹی امین الحق کمیٹی کی صدارت کریں گے، کمیٹی ایک ہفتے کے اندر اپنی سفارشات کابینہ کے سامنے پیش کرے گی۔

    وکی پیڈیا توہین آمیز مواد نہ ہٹانے پر پاکستان میں بلاک

    چند روز قبل پی ٹی اے نے انتباہ کے باوجود توہین آمیز اور غیر قانونی مواد نہ ہٹانے پر وکی پیڈیا کو 48 گھنٹے کے لیے ڈی گریڈ کرنے کے بعد اس کی سروسز پاکستان میں مستقل طور پر بلاک کر دی تھیں۔

    وکی پیڈیا کی جانب سے اس حوالے سے کہا گیا تھا امید ہے کہ حکومت پاکستان جلد پابندی ہٹا دے گی اور معلومات سب انسانوں کے لیے کے ہمارے مقصد میں بھرپور تعاون کرے گی۔

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی زلزلہ متاثرین…

  • پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی زلزلہ متاثرین کیلئے امداد بھجوانے کا اعلان

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی زلزلہ متاثرین کیلئے امداد بھجوانے کا اعلان

    وزیراعظم شہباز شریف کی ہدایت پر امدادی سامان لے کر خصوصی طیارہ ترکیہ روانہ ہوگیا-

    باغی ٹی وی: سی 130 طیارہ آرمی کی سرچ اینڈ ریسکیو ٹیم لے کر زلزلے سے متاثرہ علاقوں میں پہنچے گا جبکہ 7 فروری کی صبح پی آئی اے کی ایک پرواز سے 50 افراد اور 15 ٹن سامان ترکیہ روانہ کیا جائے گا،امدادی ٹیم میں ریسکیو 1122 کے اہلکار شامل ہوں گے۔

    ترکیہ اور شام میں تباہ کن زلزلہ : ماہرین نے پاکستان اوربھارت کو بھی خبردار کر دیا

    کل ہی لاہور سے سی 130 طیارہ 7 ٹن امدادی سامان لے کر استنبول روانہ ہوگا۔ امدادی سامان میں خیمے، کمبل اور دیگر اشیائے ضروریہ شامل ہیں۔

    8 فروری سے روزانہ پی آئی اے کی پروازوں کے ذریعے اسلام آباد اور لاہور سے امدادی سامان ترکیہ اور شام بھیجا جائے گا۔ وزارت صحت اور آرمی میڈیکل کی ٹیمیں ترکیہ اور شام بھجوائی جائیں گی۔

    دوسری جانب یو اے ای کے صدر ع شیخ محمد بن زاید النہیان نے ایک فیلڈ ہسپتال کے قیام اور جمہوریہ ترکی میں زلزلے سے متاثرہ لوگوں کے لیے تلاش اور امدادی ٹیم روانہ کرنے کی ہدایت کی ہے۔


    شیخ محمد نے ایک سرچ اینڈ ریسکیو ٹیم روانہ کرنے اور شامی عرب جمہوریہ میں زلزلے سے متاثرہ افراد کے لیے فوری امدادی سامان اور ہنگامی امداد کی فراہمی کی بھی ہدایت کی تاکہ سب سے زیادہ متاثرہ علاقوں میں خاندانوں کی مدد کی جا سکے۔

    وزیراعظم شہبازشریف ترکیہ کا دورہ کریں گے

    متحدہ عرب امارات نے جنوبی ترکی میں آنے والے شدید زلزلے اور بہت سے جانی نقصان کے متاثرین کے لیے ترکی اور شام کے ساتھ اپنی یکجہتی کا اظہار کیا ہے-


    متحدہ عرب امارات نے بھی دونوں ممالک اور ان کے عوام کے ساتھ ساتھ اس آفت کے متاثرین کے اہل خانہ کے ساتھ دلی تعزیت کا اظہار کیا اور زخمیوں کی جلد صحت یابی کی خواہش کی شیخ محمد بن زید النہیان کی ہدایت پر متحدہ عرب امارات ایک فیلڈ ہسپتال قائم کر رہا ہے اور ترکی اور شام میں زلزلے سے متاثر ہونے والوں کے لیے دو سرچ اینڈ ریسکیو ٹیمیں اور فوری سامان بھیج رہا ہے۔

    علاوہ ازیں امریکا نے زلزلے سے متاثرہ ترکیہ کو ہر طرح کی مدد کی پیشکش کردی ہے قومی سلامتی کے مشیر جیک سلیوان نے کہا کہ ترکیہ حکومت سے رابطے میں ہیں اور تمام ترصورت حال پر نظررکھے ہوئے ہیں۔

    ترکیہ و شام زلزلہ: ماہر موسمیات نے سوشل میڈیا پر 3 دن قبل ہی خبردار کردیا تھا

    صدر جو بائیڈن نے یو ایس ایڈ اور دیگر وفاقی حکومت کے شراکت داروں کو ہدایت کی ہے کہ وہ متاثرین کی مدد کے حوالے سے امریکی حکومت کے اختیارات کا جائزہ لیں۔

    خیال رہے کہ گزشتہ شب ترکیہ اور شام شدید زلزلہ آیا ہے اور 7.9 شدت کے زلزلے سے متعدد عمارتیں زمین بوس ہوگئیں جس کے باعث مجموعی طور پر ہلاکتیں 2500 سے تجاوز کرگئیں اور سیکڑوں افراد زخمی ہیں ترکیہ میں زلزلے سے اب تک ہلاکتوں کی تعداد 1651 ہوگئی اور 9733 افراد زخمی ہی جبکہ 3471 عمارتیں تباہ ہوگئیں۔