Baaghi TV

Author: Ayesha Rehmani

  • پروفیشنل کھلاڑی کو ہر طرز کی وکٹ پر خود کو تیار رکھنا چاہیے،سلمان علی آغا

    پروفیشنل کھلاڑی کو ہر طرز کی وکٹ پر خود کو تیار رکھنا چاہیے،سلمان علی آغا

    کراچی: پاکستانی آل راؤنڈر سلمان علی آغا نے کہا ہے کہ ہلے سیشن میں وکٹ پر نمی ہونے کے باجود ہماری بولنگ توقعات پر نہیں اترسکی-ے دیا۔

    باغی ٹی وی : سلمان علی آغا نےدوسرے ٹیسٹ کے پہلے دن کے کھیل کے بعد میڈیا سے گفتگو کرتے ہوئے پاکستانی گیند بازوں کی نیوزی لینڈ کے خلاف بولنگ کو توقعات کے برخلاف قرار دیتے ہوئے کہا کہ پہلے سیشن میں وکٹ پر نمی ہونے کے باجود ہماری بولنگ توقعات پر نہیں اترسکی اور ہمارے بولرز اچھی گیندیں نہیں کراسکے، بعد میں وکٹ سے مدد ملی تو آخری سیشن میں پانچ وکٹیں بھی مل گئیں۔

    دوسرا ٹیسٹ؛ نیوزی لینڈ کا پاکستان کیخلاف بیٹنگ کا فیصلہ


    پاکستان کرکٹ ٹیم کے بیٹنگ آل راؤنڈر سلمان علی آغا نے کہا ہے کہ نیوزی لینڈ کے خلاف کراچی ٹیسٹ کی وکٹ وقت گزرنے کے ساتھ ٹرن لے گی، ہمارے بولرز نے اچھی بولنگ کی، کوشش ہوگی کہ مہمان ٹیم کو جلد آوٹ کریں، پہلے ٹیسٹ کی نسبت وکٹ قدرے مختلف ہے، ابتدا میں وکٹ نہیں ملی لیکن بعد میں مہمان بلے بازوں کو مشکلات کا سامنا کرنا پڑا۔

    ڈپارٹمنٹل کرکٹ بحال، پاکستان جونیئر لیگ ختم،رمیز راجہ کا ردعمل سامنےآ گیا

    سلمان علی آغا نے کہا کہ بطور بیٹنگ آل راؤنڈر خدمات انجام دینا چاہتا ہوں، بولنگ کی ذمہ داری کو نبھانے کی کوشش کی اور اچھے ایریا میں گیندیں کرائیں جس سےمجھے کامیابی بھی ملی بیٹر ہوں لیکن بولنگ پر توجہ دی اور اس کی ثقلین مشتاق سے خصوصی رہنمائی حاصل کی ہے، پروفیشنل کھلاڑی کو ہر طرز کی وکٹ پر خود کو تیار رکھنا چاہیے فرسٹ کلاس میں سو وکٹیں پانے کا سنگ میل عبور کرنے پر خوشی ہے۔

  • ایف آئی اے نے پی ٹی آئی رہنما قاسم سوری کو طلب کر لیا

    ایف آئی اے نے پی ٹی آئی رہنما قاسم سوری کو طلب کر لیا

    وفاقی تحقیقاتی ایجنسی (ایف آئی اے) نے سینیئر صحافی سلیم صافی سے متعلق نازیبا ٹوئٹ پرپاکستان تحریک انصاف کے رہنما اور سابق ڈپٹی اسپیکر قومی اسمبلی قاسم سوری کو طلب کرلیا۔

    باغی ٹی وی : گزشتہ دنوں سابق ڈپٹی اسپیکر قومی اسمبلی قاسم سوری کے خلاف جیو نیوز کے سینیئر اینکر پرسن سلیم صافی نے ایف آئی اے سائبرکرائم ونگ کو درخواست جمع کرائی تھی۔

    عمران خان کے دور میں غیر اعلانیہ آمریت تھی،پلڈاٹ

    سلیم صافی کی درخواست میں کہا گیا تھا کہ قاسم سوری نے ٹوئٹر پر نازیبا اور غیر اخلاقی کمنٹ کیے، قاسم سوری کے خلاف کارروائی کی جائے۔

    اب اس معاملے پر ایف آئی اے نے قاسم سوری کو طلب کرلیا ہے ایف آئی اے نے قاسم سوری کو 11 جنوری کو دن 11 بجے طلب کیا ہے۔

    عمران خان کا 12واں موسم جیل جانے کے بعد شروع ہوگا۔پلوشہ خان

  • عمران خان کے دور میں غیر اعلانیہ آمریت تھی،پلڈاٹ

    عمران خان کے دور میں غیر اعلانیہ آمریت تھی،پلڈاٹ

    پاکستان انسٹی ٹیوٹ آف لیجسلیٹو ڈویلپمنٹ اینڈ ٹرانسپرنسی (پلڈاٹ) نے پاکستان میں جمہوریت پر رپورٹ جاری کی ہے-

    باغی ٹی وی : پلڈاٹ نے جمہوریت پر جاری رپورٹ میں لکھا ہے کہ 40 برسوں میں اسٹیبلشمنٹ نے سیاستدانوں سے مل کر جو چالیں چلیں، وہ اور جمہوری نظام کے ساتھ کھیلا گیا کھیل کُھل کر بےنقاب ہوا، اسٹیبلشمنٹ کی مداخلت نےپارلیمنٹ، سیاسی جماعتوں،عدلیہ اور بیورو کریسی سمیت تمام اداروں کو مفلوج کیے رکھا لہٰذا خرابی کے خاتمے کیلئے غیرآئینی کارروائیوں کے خلاف سنجیدہ اقدامات کرنا ہوں گے۔

    پلڈاٹ کے مطابق الیکشن کمیشن نے آئینی خودمختاری کا استعمال کیا، الیکشن کمیشن کا سخت الزامات کا مقابلہ کرنا جمہوریت کیلئے امید کی کرن ہے۔

    پلڈاٹ نے لکھا کہ نومبر 2022 میں آرمی چیف نے سبکدوش ہوتے وقت کہا کہ اب فوج سیاست میں مداخلت نہیں کرے گی، فوجی کمان کی تبدیلی کے بعد اسٹیبلشمنٹ کے سیاست میں ملوث ہونے کا ثبوت نہیں ملا، اس عدم مداخلت کے فوائد شاید فوری حاصل نہ ہوں لیکن اگر اسٹیبلشمنٹ سیاست سے الگ رہنے کے عزم پر قائم رہے تو جمہوریت میں بہتری کی امید ہے۔

    پلڈاٹ کا رپورٹ میں کہنا ہے کہ عمران خان کے دور میں ملک میں غیر اعلانیہ آمریت تھی، اس آمریت کی وجہ خود عمران تھے یا انہیں حاصل اسٹیبلشمنٹ کی حمایت یہ کہنا مشکل ہےعمران خان نے بطور وزیراعظم اپنے طرز حکومت کا ذمے دار فوج کو نہیں کہا لیکن اقتدار جانے کے بعد ماناکہ انہیں فوجی حمایت حاصل تھی، بجٹ منظور کروانےاورچیف الیکشن کمشنر کی تعیناتی کیلئےانہوں نے فوج سے حمایت مانگی تھی، عمران خان کی حکومت تب ختم ہوئی جب فوجی حمایت ہٹالی گئی۔

    پلڈاٹ نے لکھا کہ یہ حقیقت ہے کہ اتحادی حکومت فوج کی حمایت کے بغیر اقتدار حاصل نہیں کرسکتی تھی۔

    خیال رہے کہ پاکستان تحریک انصاف کے چیئرمین عمران خان 18 اگست 2018 سے 10 اپریل 2022 تک ملک کے وزیراعظم رہے۔

  • قصور : دو خواتین سمیت پانچ ڈیلرز گرفتار،کروڑوں روپےمالیت کی منشیات برآمد

    قصور : دو خواتین سمیت پانچ ڈیلرز گرفتار،کروڑوں روپےمالیت کی منشیات برآمد

    قصور : دو خواتین سمیت پانچ ڈیلرز گرفتار،کروڑوں روپےمالیت کی منشیات برآمد

    باغی ٹی وی : ڈی پی او سید عمران کرامت بخاری کی خصوصی ہدایات پر تھانہ صدر پتوکی پولیس نے کاروائی کر کے منشیات کی بڑی کھیپ برآمد، دو خواتین سمیت پانچ ڈیلرز گرفتار، کروڑوں روپے مالیت کی منشیات برآمد کی-

    ڈسٹرکٹ پولیس قصور کے مطابق ملتان روڈ پرناکہ بندی کے دوران کار سے کروڑوں روپے مالیت کی 20 کلو گرام ہیروئن، دو کلو آئس اور 5کلو افیون برآمد کی اور دو خواتین آمنہ بی بی، نسیم بی بی اور تین ملزمان عمر دراز عرف درازی، سرفراز عرف سجو اور عابد کو گرفتار کیا گیا-

    ڈسٹرکٹ پولیس قصور کے مطابق ملزمان بھگیانہ کلاں کے رہائشی ہیں جو فیملی کی آڑ میں تعلیمی اداروں سمیت مختلف علاقوں میں منشیات کی سپلائی کرتے تھے، ملزمان کی تمام فیملی سابقہ ریکارڈ یافتہ ہیں جن کے خلاف ڈیڑھ درجن سے زائد مقدمات درج ہیں۔

    پولیس کو اطلاع ملی تھی کہ کار نمبریLEE/1770میں ڈیلرز منشیات کی بڑی کھیپ سپلائی کررہے ہیں ڈی ایس پی پتوکی آصف حنیف جوئیہ کی سربراہی میں ایس ایچ او صدر پتوکی خورشید احمد پر مشتمل پولیس ٹیموں نے ناکہ بندی کی تھی-

    ڈسٹرکٹ پولیس قصور کے مطابق تھانہ صدر پتوکی پولیس کی بروقت کاروائی پر منشیات کی بڑی سپلائی ناکام بنا دی گئی۔

  • یوکرین کا میزائل حملے میں 400 روسی فوجیوں کو مارنے کا دعویٰ

    یوکرین کا میزائل حملے میں 400 روسی فوجیوں کو مارنے کا دعویٰ

    کیف: یوکرین نے ایک میزائل حملے میں 400 روسی فوجیوں کو مارنے کا دعویٰ کیا ہے۔

    باغی ٹی وی : عالمی خبر رساں ادارے کے مطابق یوکرین کی طرف سے دعویٰ کیا گیا ہے کے مکیوکا شہر میں ایک فوجی اڈے کو نشانہ بنایا گیا جہاں بڑی تعداد میں روسی فوجی موجود تھے۔

    کابل میں فوجی ہوائی اڈے کے باہر دھماکہ ، متعدد افراد جاں بحق

    دوسری جانب روس کی طرف سے میزائل حملے کی تصدیق کرتے ہوئے کہا گیا ہے کے اس کے نتیجے میں متعدد فوجی ہلاک اور زخمی ہوئے ہیں۔

    روسی حکام کا کہنا ہے کے جنگ زدہ علاقے میں یوکرین کی طرف سے سال نوکے آغاز پر میزائل حملے کئے گئے جس کے نتیجے میں ایک تعلیمی ادارے کی عمارت بری طرح متاثر ہوئی۔

    بھارتی وزیرکھیل سندیپ سنگھ کےخلاف جنسی ہراسانی کا کیس دائر

    سوشل میڈیا پر ایک پیغام میں سابق روسی فوجی اہلکار کا کہنا ہے کہ حملے میں بلڈنگ مکمل طور پر تباہ ہوگئی جبکہ متعدد فوجی ہلاک اور زخمی ہوئے۔

    یوکرین کے حکام نے الزام لگایا ہے کے روس کی طرف سے بھی نئے سال کے آغاز پر ڈرون سمیت جہازوں کے ذریعے بم برسائے گئے جسکے نتیجے میں بڑی تباہی ہوئی۔

    روس کی طرف سے سخت سردی کے موسم میں یوکرین پر مسلسل حملوں کے دوران عمارتوں سمیت برقی تنصیات کو مستقل نشانہ بنایا جا رہا ہے جس کے جس کے باعث ملک کا بڑا حصہ تاریکی میں ڈوباہوا ہے۔

    یوکرین سے لڑنے والے روسی فوجیوں کو خوشخبری سنا دی گئی

  • سونے کی فی تولہ قیمت میں ریکارڈ اضافہ

    سونے کی فی تولہ قیمت میں ریکارڈ اضافہ

    کاروباری ہفتے کے پہلے روز ملک میں سونے کی قیمت میں ریکارڈ اضافہ ہوا ہے۔

    باغی ٹی وی : سندھ صرافہ بازار ایسوسی ایشن کے مطابق فی تولہ سونے کی قیمت میں 3 ہزار 300 روپے کا اضافہ ہوا ہے جس کے بعد اس کی نئی قیمت ایک لاکھ 87 ہزار 200روپے ہوگئی ہے۔

    بھارت میں بے روزگاری 16 ماہ کی بلند ترین سطح پر پہنچ گئی

    اس کے علاوہ 10 گرام سونے کی قیمت 2 ہزار 829 روپے کے اضافے کے بعد ایک لاکھ 60 ہزار 494 روپے ہوگئی ہے۔

    دوسری جانب ملک پھر میں آٹے کا بحران شدت اختیار کرنے لگا ہے، راولپنڈی اور اسلام آباد میں نان اور روٹی کی قیمتوں میں اضافہ ہو گیا۔

    نان بائی ویلفیئر ایسوسی ایشن کی جانب سے نئی ریٹ لسٹ جاری کی گئی ہے جس کے مطابق راولپنڈی اور اسلام آباد میں سادہ نان 25 اور روٹی 20 روپے کی ہوگئی،اب سے تل والا کلچہ 30 ، روغنی نان 50 روپے میں ملے گا، راولپنڈی اور اسلام آباد میں پراٹھہ 50 اور اسپیشل روغنی نان 60 روپے میں فروخت کیا جائے گا اسپیشل پراٹھا 60 روپے جبکہ روٹی پکوائی کی قیمت 10 روپے مقرر کر دی گئی ہے۔

    اینڈرائیڈ صارفین مصروفیات شیڈول کرنے والی خطرناک ایپ ٹو ڈو: ڈے مینیجر‘ کو فورا ڈیلیٹ کردیں

    لاہور میں بھی روٹی اور نان کی قیمت میں 5، 5 روپے اضافے کا امکان ہے، روٹی 15 سے بڑھ کر 20 روپے ہونے کا امکان ہے، جبکہ نان اور خمیری روٹی کی قیمت 25 سے 30 روپے ہو سکتی ہے۔

    نان بائی ایسوسی ایشن کا کہنا ہے کہ آٹا مہنگا ہو چکا ہے، پرانی قیمتوں پر نان روٹی کی قیمتوں پر فروخت ممکن نہیں ہے، گیس، بجلی سمیت دیگر اخراجات بھی بڑھ گئے ہیں، ضلعی انتظامیہ کی جانب سے مراسلے کے باوجود اقدامات نہیں کیے گئے ہیں۔

    ایلون مسک اپنی دولت سے کیا خرید سکتے ہیں؟

  • سعودی عرب میں پہلی بارخواتین تیز رفتار حرمین ایکسپریس چلانے لگیں

    سعودی عرب میں پہلی بارخواتین تیز رفتار حرمین ایکسپریس چلانے لگیں

    سعودی عرب میں پہلی بارخواتین تیز رفتار حرمین ایکسپریس چلانے لگیں۔

    باغی ٹی وی : ملک کی تاریخ میں خواتین کی جانب سے دنیا کی تیزرفتار ٹرینوں میں شامل ’ حرمین ایکسپریس‘ چلانے کا یہ پہلا موقع ہے۔سعودی عرب ریلویز (سار) نے اپنے مصدقہ ٹوئٹر اکاؤنٹ پر ویڈیو جاری کی جس میں خواتین ڈرائیورز کو دکھایا گیا۔

    آسٹریلیا میں دو ہیلی کاپٹروں کا فضا میں تصادم،4 افراد ہلاک 3 کی حالت تشویشناک

    سار کی جانب سے جاری ویڈیو کے کیپشن میں بتایا گیا کہ 32 سعودی خواتین نے حرمین ایکسپریس چلانے کی تربیت مکمل کی ہے۔


    ایک سعودی خاتون ڈرائیور سارا الشہری نے اپنے خیالات کا اظہار کرتے ہوئے کہا کہ مجھ سمیت 32 خواتین کو دنیا کی تیز رفتار ٹرینوں میں شامل حرمین ایکسپریس چلانے کا موقع دیا جارہا ہے جو ہمارے لیے فخر کی بات ہے۔

    نورا ہشام نامی خاتون ڈرائیور نے کہا کہ یہ ایک بہت بڑی ذمہ داری ہے جسے ہمارے کاندھوں پر سونپا گیا ہے جو مسافر عمرہ یا حج کی ادائیگی کے لیے آئیں گے، انہیں بحفاظت پہنچانا ہمارا فر ض ہوگا۔

    بلاول بھٹو زرداری کا کیتھولک چرچ کےسابق پوپ بینیڈکٹ کی موت پراظہارافسوس

    سعودی خاتون ڈرائیورشجن المرسی نے کہا کہ’ ٹرین چلانے کی ٹریننگ لینے والے پہلے گروپ میں شمولیت بڑے فخر کی بات ہے۔ میں ایکسپریس ٹرین چلا کر وطن عزیز کی خدمت کروں گی-

    بشائرالغامدی نے بتایا کہ’حرمین ایکسپریس چلانے کی فرضی ٹریننگ اس انداز سے دی گئی جس طرح ہم حقیقی انداز میں ٹرین چلا رہے ہوں-

    ٹرین ڈرائیوراور ٹرینر مھند شاکر ملاح نے کہا کہ حرمین ایکسپریس چلانے کی ٹریننگ دیتے وقت انتہائی کوشش ہوتی ہے کہ امن و سلامتی کے معیار کی پابندی کی جائے۔ ہراسٹیشن تک ٹرین کسی تاخیراورحادثے کے بغیر پہنچےٹریننگ دیتے ہوئے ان تمام باتوں کا پورا خیال رکھا جاتا ہے-

    خیال رہے کہ حرمین ایکسپریس کو مکہ سے مدینہ اور مدینہ سے مکہ چلایا جاتا ہے۔

    طیارے کی پرواز ٹائم ٹریول کرتےہوئے2023 سے واپس 2022 میں چلی گئی

  • آسٹریلیا میں دو ہیلی کاپٹروں کا فضا میں تصادم،4 افراد ہلاک 3 کی حالت تشویشناک

    آسٹریلیا میں دو ہیلی کاپٹروں کا فضا میں تصادم،4 افراد ہلاک 3 کی حالت تشویشناک

    آسٹریلیا میں دو ہیلی کاپٹر فضا میں ٹکرا گئے جس کے نتیجے میں 4 افراد ہلاک ہوگئے۔

    باغی ٹی وی : آسٹریلیا کے گولڈ کوسٹ پر سی ورلڈ کے قریب دو ہیلی کاپٹروں کے درمیان ہوا میں تصادم کے نتیجے میں چار افراد ہلاک ہو گئے ہیں۔

    میکسیکو؛ جیل پر حملے سے 14 افراد ہلاک جبکہ 24 قیدی فرار

    کوئنز لینڈ پولیس کا کہنا ہے کہ ابتدائی تحقیقات سے پتہ چلتا ہے کہ حادثہ اس وقت پیش آیا جب ایک طیارہ ٹیک آف کر رہا تھا اور دوسرا لینڈنگ کر رہا تھا مرنے والے ایک ہی ہیلی کاپٹر میں سفر کر رہے تھے۔ تین دیگر مسافروں کی حالت تشویشناک ہے۔

    ہنگامی لینڈنگ کرنے والے دوسرے طیارے میں سوار چھ میں سے پانچ افراد کو معمولی چوٹیں آئیں۔

    آسٹریلین ٹرانسپورٹ سیفٹی بیورو (ATSB) تصادم کی تحقیقات کر رہا ہے، جو مقامی وقت کے مطابق تقریباً 14:00 بجے (04:00 GMT) پر ہوا دونوں طیارے برسبین کے جنوب میں تقریباً 75 کلومیٹر (47 میل) دور مین بیچ نامی سیاحتی پٹی کے قریب گرے۔

    طیارے کی پرواز ٹائم ٹریول کرتےہوئے2023 سے واپس 2022 میں چلی گئی

    کوئنز لینڈ پولیس سروس کے گیری وریل نے کہا کہ ایک ہیلی کاپٹر کا ملبہ ساحل کے قریب ریت پر آکر گرا، اس تک رسائی حاصل کرنا مشکل تھا، تاکہ ہماری ہنگامی خدمات کو جائے وقوعہ تک پہنچایا جا سکے تاکہ اس کا مناسب انتظام کیا جا سکے۔

    برسبین اور کینبرا میں اے ٹی ایس بی کے دفاتر کے تفتیش کاروں کو جائے وقوعہ پر تعینات کیا جا رہا ہے تاکہ وہ شواہد اکٹھے کر سکیں، ملبے کا جائزہ لیں اور گواہوں بیانات قلمبند کریں-

    اے ٹی ایس بی کے چیف کمشنر اینگس مچل نے عینی شاہدین سے بھی کہا ہے جنہوں نے تصادم یا ہیلی کاپٹروں کو پرواز میں دیکھا ہے وہ تفتیش کاروں سے رابطہ کریں ایک ابتدائی رپورٹ اگلے چھ سے آٹھ ہفتوں میں منظر عام پر لائی جائے گی، تحقیقات مکمل ہونے کے بعد حتمی رپورٹ پیش کی جائے گی۔

    سال کے آغاز میں ہی ٹوئٹر میں ایک اور بڑی تبدیلی

  • ایلون مسک اپنی دولت سے کیا خرید سکتے ہیں؟

    ایلون مسک اپنی دولت سے کیا خرید سکتے ہیں؟

    ٹیسلا، اسپیس ایکس اور ٹوئٹر کے مالک ایلون مسک 200 ارب ڈالرز سے محروم ہونے والے دنیا کے پہلے شخص بن چکے ہیں، مگر اب بھی وہ 137 ارب ڈالرز کے مالک ہیں اور دنیا کے دوسرے امیر ترین شخص ہیں۔

    باغی ٹی وی : بلومبرگ کے مطابق ایلون مسک اپنی دولت سے 21 لاکھ 29 ہزار کلوگرام سے زیادہ سونا خرید سکتے ہیں اسی طرح وہ 137 ارب ڈالرز سے 1.59 ارب بیرل خام تیل کو بھی خرید سکتے ہیں ان کی دولت امریکی جی ڈی پی کے 0.588 فیصد کے برابر ہے جبکہ دنیا کے 500 امیر ترین افراد کی مجموعی دولت میں ایلون مسک کا حصہ 1.96 فیصد ہے۔

    ایلون مسک 2سوارب ڈالرز سے محروم ہوگئے

    بلومبرگ کے مطابق ایلون مسک کی دولت کا موازنہ امریکا کے ٹاپ 100 کالجوں کے فنڈز سے کیا جائے تو وہ 34.6 فیصد کے برابر ہے جبکہ ان کی آمدنی امریکی گھرانوں کی آمدنی سے 19 لاکھ 35 ہزار 608 فیصد زیادہ ہے۔

    خیال رہے کہ نومبر 2021 میں ایلون مسک کی دولت ریکارڈ 340 ارب ڈالرز تک پہنچی مگر 2022 کے اختتام پر وہ گھٹ کر 137 ارب ڈالرز تک پہنچ گئی اس کی وجہ 2022 کے دوران ٹیسلا کے حصص کی مالیت میں 65 فیصد کمی آنا ہے۔

    سال کے آغاز میں ہی ٹوئٹر میں ایک اور بڑی تبدیلی

    اس سے قبل دسمبر 2022 میں ایلون مسک سے دنیا کے امیر ترین شخص کا اعزاز فرانس کے برنارڈ آرنلٹ نے چھین لیا تھا برنارڈ آرنلٹ اس وقت 162 ارب ڈالرز کے ساتھ دنیا کے امیر ترین شخص ہیں جس کے بعد 137 ارب ڈالرز کے ساتھ ایلون مسک دوسرے، 121 ارب ڈالرز کے ساتھ گوتم اڈانی تیسرے، 109 ارب ڈالرز کے ساتھ بل گیٹس چوتھے جبکہ 107 ارب ڈالرز کے ساتھ وارن بفٹ 5 ویں نمبر پر ہیں۔

    شہری نے ایلون مسک کے بیٹے کی گاڑی کا پیچھا کر کے گاڑی روک لی

  • بگ بیش لیگ:متنازع کیچ پر آئی سی سی کی وضاحت

    بگ بیش لیگ:متنازع کیچ پر آئی سی سی کی وضاحت

    آسٹریلیا کی بگ بیش لیگ میں مائیکل نیسر کا حیران کن کیچ دنیا بھر کے کرکٹ مداحوں کے لیے موضوع بحث بنا ہوا ہے-

    باغی ٹی وی: برسبین ہیٹ اورسڈنی سکسرز کے درمیان کھیلے گئے میچ کے متنازع کیچ پراب آئی سی سی نے وضاحت جاری کی ہے سڈنی کے جارڈن سلک نے گیند کو گراؤنڈ سے باہر پھینکنے کی کوشش کی تھی مگر مائیکل نیسر نے باؤنڈری کےقریب گیند کوکیچ کرلیامگر جب یہ احساس ہوا کہ وہ باؤنڈری لائن عبور کرنے والے ہیں تو گیند کو اوپر اچھال دیا۔

    قومی کوہ پیمائی فیڈریشن اورالپائن کلب آف پاکستان کے زیر اہتمام نیشنل کلائمبنگ چیمپئن شپ اختتام پذیر

    گیند باؤنڈری لائن کو عبور کرگئی تھی اور وہاں مائیکل نیسر نے چھلانگ لگا کر گیند کو کیچ کیا اور ہوا میں ہی اسے واپس گراؤنڈ کے اندر اچھال دیا پھر دوبارہ فیلڈ میں جاکر کیچ کو مکمل کیا امپائرز نے کافی سوچ بچار کے بعد اسے آؤٹ قرار دیا مگر کھلاڑیوں اور مداحوں میں الجھن برقرار رہی جن میں سے کچھ اسے ناٹ آؤٹ جبکہ کچھ آؤٹ قرار دیتے رہے۔

    دوسرا ٹیسٹ؛ نیوزی لینڈ کا پاکستان کیخلاف بیٹنگ کا فیصلہ

    آئی سی سی کی جانب سے جاری بیان کے مطابق قوانین کے تحت فیلڈر کو سب سے پہلے گیند باؤنڈری لائن کے اندر ہی پکڑنا ہوتی ہے اور لائن کی دوسری جانب جاکر کیچ کی اجازت نہیں ہوتی۔

    مگر اس کیس میں فیلڈر نے گیند کو پہلے باؤنڈری لائن کے اندر ہی کیچ کیا اور پھر منفرد انداز سے اسے مکمل کیا جبکہ اس کے پیر بھی باؤنڈری کے باہر گیند کو پکڑے ہوئے زمین کو نہیں چھو رہے تھے۔

    آئی سی سی کے مطابق مائیکل نیسر کی چھلانگ کی ٹائمنگ اور کیچ قوانین کے مطابق تھا اور امپائر نے درست آؤٹ دیا۔

    پاک نیوزی لینڈ دوسرا ٹیسٹ، پہلے روز کاکھیل ختم ،نیوزی لینڈ نے 6وکٹوں کے نقصان پر309رنز بنالیے