Author: Ayesha Rehmani

پاکستان نے بھارتی طیاروں کے لیے اپنی فضائی حدود کی بندش میں مزید ایک ماہ کی توسیع کر دی ہے، جس کے باعث بھارتی ایئرلائنز کو مسلسل مالی نقصان کا سامنا ہے۔

پاکستان ایئرپورٹس اتھارٹی کی جانب سے جاری کردہ 12ویں نوٹم کے مطابق بھارتی پروازوں پر پابندی میں مزید ایک ماہ کی توسیع کر دی گئی ہے، پابندی تمام بھارتی ایئرلائنز، بھارتی آپریٹرز کے زیرِ انتظام طیاروں، بھارت میں رجسٹرڈ جہازوں اور بھارتی فوجی طیاروں پر لاگو ہوگی،پاکستانی فضائی حدود بھارت کے طیاروں کے لیے 24 اپریل 2026 صبح 5 بجے تک بند رہے گی۔

واضح رہے کہ یہ پابندی پہلی بار 23 اپریل 2025 کو پاک بھارت کشیدگی کے بعد عائد کی گئی تھی، اور نئی توسیع کے بعد یہ مدت تقریباً ایک سال مکمل کر لے گی،اس فیصلے کے باعث روزانہ 200 سے زائد بھارتی کمرشل پروازیں متاثر ہو رہی ہیں، طویل فضائی راستوں، اضافی اسٹاپ اوورز اور مسافروں کے غیر ملکی ایئرلائنز کا رخ کرنے کے باعث بھارتی کمپنیوں کو اربوں روپے کے نقصانات کا سامنا کرنا پڑ رہا ہے۔

عیدالفطر: مری جانے والے سیاحوں کیلئے نئی ایڈوائزری سامنے آگئی

اب وقت آ گیا ہے کہ غلطیوں کا ازالہ کیا جائے،خواجہ آصف

عید الفطر کے موقع پر شراب کی سپلائی ناکام ،ملزم 100 بوتل شراب سمیت گرفتار

عیدالفطر کے موقع پر پولیس نے ٹریفک اور سیکیورٹی انتظامات مکمل کرتے ہوئے شہریوں کے لیے اہم ہدایات جاری کر دی ہیں۔

ڈسٹرکٹ پولیس آفیسر ڈاکٹر محمد رضا تنویر کے مطابق عید کی تعطیلات کے دوران 4 سے 5 لاکھ سیاح مری کا رخ کر سکتے ہیں گزشتہ سال عید کے پہلے دن 28 ہزار 6 سو 88 گاڑیاں مری میں داخل ہوئیں، جبکہ اگلے تین دنوں میں بالترتیب 51 ہزار 3 سو 80، 57 ہزار 8 سو 55 اور35 ہزار 1 سو 19 گاڑیاں ریکارڈ کی گئیں۔

عدالتی احکامات کے تحت روزانہ 8 ہزار گاڑیوں کی حد مقرر ہے، تاہم رش کے دنوں میں یہ تعداد 12 ہزار تک پہنچ سکتی ہے،پولیس نے سیاحوں کو ہدایت کی ہے کہ سفر سے قبل Safe Tourism Murree ایپ لازمی ڈاؤن لوڈ کریں، اس ایپ کے ذریعے پولیس، ریسکیو 1122، ٹریفک پولیس اور موٹروے پولیس سمیت ایمرجنسی سروسز تک فوری رسائی ممکن ہے۔

اب وقت آ گیا ہے کہ غلطیوں کا ازالہ کیا جائے،خواجہ آصف

ایپ میں ورچوئل ویمن پولیس اسٹیشن، ڈی پی او سے براہِ راست واٹس ایپ رابطہ، ہوٹلوں اور سیاحتی مقامات کی معلومات اور موسم کی تازہ صورتحال بھی دستیاب ہے، عید کے دوران مری میں بارش اور آندھی کا امکان ہے، اس لیے سیاحوں کو محتاط ڈرائیونگ اور ٹریفک قوانین کی پابندی کی ہدایت کی گئی ہے،کسی بھی ہنگامی صورتحال میں شہری ہیلپ لائن 15 یا موبائل ایپ کے ذریعے متعلقہ اداروں سے رابطہ کر سکتے ہیں۔

عید الفطر کے موقع پر شراب کی سپلائی ناکام ،ملزم 100 بوتل شراب سمیت گرفتار

پاکستان کے وزیر دفاع خواجہ محمد آصف نے کہا ہے کہ کابل میں طالبان حکمرانوں نے شہری آبادیوں کے اندر اپنے اڈے اور کیمپ قائم کر رکھے ہیں اور عام شہریوں کو بطور ہیومن شیلڈ استعمال کیا جا رہا ہے۔

سماجی رابطے کی ویب سائٹ ایکس پر جاری اپنے بیان میں خواجہ آصف نے الزام عائد کیا کہ طالبان کی دونوں فرنچائز TTPاورTTAکے نزدیک انسانی جانوں کی کوئی اہمیت نہیں جھوٹا پروپیگنڈا کرنے والے بھول گئے ہیں مسجدوں کے نمازی سکولوں کے طالب علم بچے کس کا نشانہ بنتے رہے ہیں ۔ر زمین پہ ہوئی۔

وزیر دفاع کا کہنا تھا کہ جس ہاتھ نے نصف صدی کھلایا جس مٹی سے تین نسلوں نے رزق کمایا ان کے DNA میں وفا نہیں ان کی قیادت کے سرکردہ لوگوں کی پیدائش بھی پاک سر زمین پہ ہوئی،خواجہ آصف نے اس صورتحال کو پاکستان کی پالیسی کی غلطی قرار دیتے ہوئے کہا کہ اب وقت آ گیا ہے کہ ان غلطیوں کا ازالہ کیا جائے اور تمام معاملات کا مکمل حساب لیا جائے گا۔

حملے نہ رکے تو جواب کیلئے تیار رہو،سعودی عرب کی ایران کو وارننگ

تہران میں علی لاریجانی سمیت دیگر شہداء کی نماز جنازہ ادا، ہزاروں افراد کی شرکت

ایرانی کا جوابی وار جاری،تل ابیب پرمیزائل حملے،عمارت،گاڑیاں تباہ،خوف و ہراس

جمعیت علمائے اسلام پاکستان نے عیدالفطر کے موقع پر کارکنوں کے لیے اہم ہدایات جاری کرتے ہوئے قائد جمعیت مولانا فضل الرحمان سے ملاقات کے لیے آبائی گاؤں عبدالخیل آنے سے گریز کرنے کی اپیل کی ہے۔

جاری اعلامیے میں کہا گیا ہے کہ کارکنوں کی قیادت اور خانوادہ مفتی محمود سے محبت اور عقیدت مثالی ہے، اور عیدین کے مواقع پر کارکنان کی بڑی تعداد ملاقات اور دعاؤں کے لیے حاضری دیتی رہی ہے تاہم ملک میں امن و امان کی صورتحال، سیکیورٹی خدشات اور قائد جمعیت کی صحت و انتظامی امور کو مدنظر رکھتے ہوئے یہ فیصلہ کیا گیا ہے۔

جمعیت کی قیادت نے تمام کارکنوں اور ذمہ داران، چاہے ان کا تعلق کسی بھی ضلع سے ہو، ہدایت کی ہے کہ وہ عید کے موقع پر عبدالخیل نہ آئیں اور ان ہدایات پر سختی سے عمل کریں۔ اعلامیے میں کارکنوں سے کہا گیا ہے کہ وہ ان بابرکت دنوں میں اپنی قیادت کو دعاؤں میں یاد رکھیں۔

وزیراعظم میاں محمد شہباز شریف نے ہاؤس فنانس کی سہولیات عام آدمی تک مؤثر انداز میں پہنچانے کے لیے عملی اقدامات اٹھانے کی ہدایت کر دی-

وزیراعظم شہباز شریف کی زیر صدارت وفاقی وزارت ہاؤسنگ اینڈ ورکس کے امور پر اجلاس وزیراعظم ہاؤس میں منعقد ہوا اجلاس میں کم آمدنی والے طبقے کے لیے رہائش کی فراہمی، سستے گھروں کے منصوبے، نجی شعبے کی حوصلہ افزائی اور عوامی سہولیات کی بہتری کو ترجیحات میں شامل قرار دیا گیا۔

وزیراعظم نے ہاؤس فنانس کی سہولیات عام آدمی تک مؤثر انداز میں پہنچانے کے لیے عملی اقدامات اٹھانے کی ہدایت کی اجلاس کو وزارت ہاؤسنگ اینڈ ورکس کے اسٹریٹجک روڈ میپ پر بریفنگ دی گئی۔

اجلاس میں بتایا گیا کہ تعمیرات کے شعبے میں ٹیکس اسٹرکچر کی اصلاحات جاری ہیں اور فیڈرل بورڈ آف ریونیو و صوبوں کے ساتھ مشاورت کے ذریعے ٹیکس اسٹینڈرڈائزیشن پر کام ہو رہا ہے، ہاؤس مورٹگیج اصلاحات کے مسودے پر بھی مشاورت جاری ہے پبلک پرائیویٹ پارٹنرشپ کے تحت کم آمدنی والے افراد کے لیے گھروں کی تعمیر کے لیے لائحہ عمل تیار کیا جا رہا ہے، اور رئیل اسٹیٹ اور ہاؤسنگ کے شعبے کے ضابطہ کار کے لیے ریئل اسٹیٹ ریگولیٹری اتھارٹی کے قیام کی منصوبہ بندی کی گئی ہے۔

ہاؤس فنانس کے حوالے سے رئیل اسٹیٹ انویسٹمنٹ ٹرسٹ پر وزارت خزانہ، ایف بی آر، سیکیورٹیز اینڈ ایکسچینج کمیشن اور صوبائی وزارت ہاؤسنگ کے ساتھ مل کر کام جاری ہے،اجلاس میں وفاقی وزرا اعظم نذیر تارڑ، احد خان چیمہ، محمد اورنگزیب، ریاض پیرزادہ، شزا فاطمہ، رانا ثنا اللہ، بلال اظہر کیانی اور دیگر اعلیٰ سرکا ر ی افسران نے شرکت کی۔

نائب وزیر اعظم اور وزیر خارجہ سینٹر محمد اسحاق ڈار 18 تا 19 مارچ کو سعودی عرب کے وزیر خارجہ کی دعوت دارالحکومت ریاض کا دو روزہ دورہ کریں گے تاکہ خطائی ممالک کے وزرائے خارجہ کے اجلاس میں شرکت کی جا سکے۔

اجلاس کے دوران وزیر خارجہ محمد اسحاق ڈار تمام خطے اور علاقائی سالمیت، خودمختاری اور سیاسی آزادی کے لیے مکمل حمایت کا اعادہ کریں گے اور ان کے علاقوں پر ہونے والے تمام حملوں کے فوری خاتمے کا مطالبہ کریں گے،انہوں نے پاکستان کی جانب سے جاری تنازع کے فوری خاتمے کے لیے زور دیا اور کہا کہ مسائل کے حل کے لیے مذاکرات اور سفارتکاری ہی مؤثر راستہ ہیں، وزیر خارجہ اس موقع پر پاکستان کی سفارتی کوششوں اور خطے میں جاری سنگین سیکیورٹی بحران کے حل میں اپنا فعال کردار ادا کرنے کی خواہش کو بھی اجاگر کریں گے۔