معروف اداکارہ نادیہ جمیل نے وزیراعلیٰ پنجاب مریم نواز سے صوبے میں جانوروں کے ساتھ ظلم و زیادتی کے خاتمے کے لیے مؤثر اقدامات کرنے کی اپیل کی ہے –
اداکارہ نادیہ جمیل اور عظمیٰ حسن نے مشترکہ طور پر لکھے گئے خط میں کہا کہ جانوروں پر ظلم و زیادتی معاشرے میں بڑھتے ہوئے تشدد کی طرف لے جاتی ہے یہ دستاویز سوشل میڈیا پر بھی شیئر کی گئی ہے،نادیہ جمیل نے عوام سے اپیل کی ہے کہ براہ کرم اس پٹیشن پر دستخط کریں اسے شیئر کریں اور مریم نواز کو ٹیگ کریں تاکہ یہ چیف منسٹر کے دفتر تک پہنچ سکے۔
انہوں نے خط میں کہا کہ معاشرت میں ظلم و زیادتی کبھی الگ نہیں رہتا جب تشدد معمول بن جاتا ہے، بچے بھی اسے نارمل سمجھنے لگتے ہیں جانوروں کے ساتھ سلوک یہ بتاتا ہے کہ ہم اگلی نسل کو کس قدر اقدار سکھا رہے ہیں،پاکستان نے بچوں کے حقوق سے متعلق اقوام متحدہ کے کنونشن پر دستخط کیے ہیں اور بچوں کو نفسیاتی نقصان سے محفوظ رکھنا اس کی ذمہ داری ہے، جس میں جانوروں کے ساتھ ظلم بھی شامل ہے۔
کراچی میں گرج چمک، تیز ہواؤں کے ساتھ مزید بارشیں،ہائی الرٹ جاری،چھٹیاں منسوخ
2023 میں، اقوام متحدہ کی کمیٹی برائے حقوقِ طفل نے بچوں کے حقوق اور ماحولیات کے تعلق پر زور دیتے ہوئے کہا کہ بچوں کو ہر قسم کے جسمانی اور جذباتی نقصان سے محفوظ رکھنا ضروری ہے جس میں گھریلو سطح پر جانوروں کے ساتھ ظلم بھی شامل ہے۔
خط میں یہ بھی نشاندہی کی گئی کہ جانوروں کے ساتھ بدسلوکی کرنے والے افراد ممکنہ طور پر حل طلب نفسیاتی مسائل کے شکار ہوتے ہیں جو بعد میں گھریلو تشدد میں بدل سکتے ہیں، ساتھ ہی پاکستان میں جنگلی اور نایاب جانوروں کے ساتھ بڑھتی ہوئی زیادتی بھی ان کے ذہنی دباؤ کا باعث بن رہی ہے۔
خط میں وزیر اعلیٰ پر اعتماد ظاہر کیا گیا کہ وہ پنجاب کو محفوظ اور مہربان بنانے کے لیے پرعزم ہیں اور کہا گیا کہ ایک معاشرہ جو اپنے سب سے کمزور افراد چاہے بچے ہوں یا جانور ان کی حفاظت کرتا ہے اور آئندہ نسلوں کے لیے مضبوط اخلاقی بنیادیں تعمیر کرتا ہے۔
اسرائیلی فوج میں بنکرز کی کمی، اہلکاروں کا ڈیوٹی سے انکار
نادیہ جمیل پہلی شخصیت نہیں ہیں جنہوں نے مریم نواز سے جانوروں کے حقوق کے حوالے سے رابطہ کیا فروری میں اداکارہ اشنا شاہ نے بھی وزیر اعلیٰ کو خط لکھا اور جانوروں کی فلاح و بہبود پر مزید توجہ دینے کی اپیل کی تھی-
اشنا شاہ نے یہ خط اپنے انسٹاگرام اکاؤنٹ پر شیئر کیا ، خط کے آغاز میں انہوں نے وزیرِ اعلیٰ کی صفائی، عوامی تحفظ اور خواتین کی حفاظت کے حوالے سے کوششوں کو سراہا، ساتھ میں خط میں ایک واقعے کا ذکر کرتے ہوئے انہوں نے کہا کہ حال ہی میں میں نے ایک ویڈیو دیکھی جس میں ایک کتے کو گاڑی سے باندھ کر پنجاب کی مرکزی سڑک پر بے یار و مددگار گھسیٹا جا رہا تھا، کمنٹس میں لوگ لکھ رہے تھے کہ مریم نواز جانوروں کو مار رہی ہیں، چاہے یہ درست ہو یا غلط، یہ تصور پیدا ہو رہا ہے کیونکہ جانوروں کے ساتھ ناروا سلوک کے واقعات مسلسل پیش آ رہے ہیں اور اس پر کوئی مؤثر روک تھام نہیں ہے۔
بھارتی طیاروں کیلئے پاکستانی فضائی حدود کی بندش میں مزید ایک ماہ کی توسیع
اشنا نے دیگر جانوروں کے ساتھ ہونے والے برے واقعات کی نشاندہی کی، جس میں منظم ڈاگ فائٹس، گدھوں پر تشدد اور بازاروں میں جانوروں پر تشدد کرنا شامل ہیںانہوں نے خط میں کچھ اہم اقدامات بھی تجویز کیے جس سے ایسے واقعات کو روکا جا سکتا ہے، جس میں جانوروں کے ساتھ ظلم کے قوانین پر عمل درآمد، جنگلی جانوروں کو پالتو بنانے پر پابندی اور صوبے بھر میں پروگرامز شامل ہیں۔
اداکارہ نے خط کے آخر میں لکھا کہ اگر آپ جانوروں کے ساتھ ہمدردی کا مظاہرہ کریں، ہمارے پیارے نبی ﷺ کی تعلیمات کے مطابق تو ناصرف پنجاب بلکہ پورے ملک کے لیے ایک مثال قائم کی جا سکتی ہے اور ممکن ہے کہ دیگر صوبوں کے رہنما بھی اس کی پیروی کریں، آپ ہمارے دل بھی جیت سکتی ہیں۔
امریکا کا ایران کے خلاف مزید فوجی تعیناتی پر غور
