Author: Ayesha Rehmani

امریکی ایوان نمائندگان نے صدر ڈونلڈ ٹرمپ کو ایران پر کانگریس کی منظوری کے بغیر فوجی حملے پر مواخذہ کرنے کی کوشش روک دی ہے۔

ٹیکساس سے ڈیموکریٹک رکن کانگریس ال گرین کی جانب سے صدر پر اختیارات کے ناجائز استعمال کا الزام عائد کرتے ہوئے مواخذے کی قرارداد پیش کی گئی تھی، لیکن ایوان نے 79 کے مقابلے میں 344 ووٹوں سے اسے مسترد کر دیا۔

ال گرین نے ووٹنگ سے قبل کہا کہ مجھے اس کام سے خوشی نہیں، لیکن میں یہ اس لیے کر رہا ہوں کیونکہ کسی ایک شخص کو 30 کروڑ لوگوں کی قسمت کا فیصلہ کرنے کا اختیار نہیں ہونا چاہیے یہ معاملہ آئین کی ساکھ سے جڑا ہے، اگر آئین کو سنجیدگی سے نہ لیا گیا تو اس کی اہمیت ختم ہو جائے گی۔ٕ

ال گرین نے واضح کیا کہ وہ امریکی جمہوریت کو آمرانہ طرزِ حکومت کی طرف جاتا دیکھ رہے ہیں، اسی لیے وہ یہ قدم اٹھا رہے ہیں تاکہ عوام کو معلوم ہو کہ کانگریس کا کوئی رکن ان کارروائیوں پر نظر رکھے ہوئے ہے۔

گرین کی یہ کوشش ایسے وقت پر کی گئی جب صدر ٹرمپ نے بغیر کانگریس کو اعتماد میں لیے ایران کی جوہری تنصیبات پر حملے کیے اس پر کئی ڈیموکریٹس نے ناراضی کا اظہار کیا لیکن اکثریت نے مواخذے کے بجائے دیگر معاملات پر توجہ مرکوز رکھنے کو ترجیح دی ڈیموکریٹ رکن پیٹ ایگیولر نے کہا کہ ہم اس وقت صدر کے مجوزہ ٹیکس اصلاحاتی بل پر کام کر رہے ہیں اور اس کے علاوہ کسی بھی معاملے پر توجہ دینا ایک "توجہ کی تقسیم” ہوگی۔

واضح رہے کہ ٹرمپ کو اس سے قبل بھی دو بار مواخذے کا سامنا کرنا پڑا تھا، ایک بار 2019 میں یوکرین پر امداد روکنے پر، اور 2021 میں کیپیٹل ہل پر حملے کی ترغیب دینے پر، لیکن دونوں بار سینیٹ نے انہیں بری کر دیا تھا

امریکی اخبار نے انکشاف کیا ہے کہ اسرائیلی وزیر اعظم نیتن یاہو نے ایران پر حملے کی منصوبہ بندی بائیڈن دور میں کرلی تھی۔

امریکی اخبارواشنگٹن پوسٹ کی رپورٹ میں کہا گیا کہ اسرائیل نے بائیڈن انتظامیہ کے ساتھ انٹیلی جنس معلومات کا تبادلہ کیا ایرانی جوہری سائنس دانوں نے تحقیق دوبارہ شروع کر دی ہے اسرائیلی انٹیلی جنس حکام نے ایرانی جوہری سائنس دانوں اور فوجی کمانڈروں پر مشتمل اہداف کی فہرستیں تیار کیں،اسرائیلی فضائیہ نے لبنان، شام اور عراق میں ایرانی فضائی دفاعی نظاموں کو نشانہ بنایا تاکہ ایران پر فضائی کارروائی کی راہ ہموار ہو سکے۔

رپورٹ کے مطابق، اسرائیل نے صرف فوجی تیاریوں پر اکتفا نہیں کیا بلکہ واشنگٹن پر اثر انداز ہونے کی کوشش بھی کی، کیونکہ اسرائیل ہمیشہ سے سمجھتا آیا ہے کہ امریکی فوجی مداخلت اس کے انفرادی حملے سے زیادہ مؤثر ثابت ہو گی۔ آخرکار، ٹرمپ بھی اس تنازع میں شامل ہو گئے اور امریکی افواج کو، جن میں اسٹریٹجک بم بار طیارے بھی شامل تھے، ایران کی تین جوہری تنصیبات کو نشانہ بنانے کا حکم دے دیا۔

رپورٹ کے مطابق مارچ تک، اور نیتن یاہو کے ٹرمپ سے ملاقات سے چند ہفتے قبل، اسرائیلی اعلیٰ حکام نے فیصلہ کر لیا تھا کہ وہ جون تک ایران پر حملہ کر دیں گے، خواہ امریکا ساتھ دے یا نہ دے۔ یہ فیصلہ اس خوف کے تحت کیا گیا کہ ایران اپنی فضائی دفاعی صلاحیتوں کو دوبارہ قائم کر لے گا۔ جب نیتن یاہو نے 13 جون کو اچانک حملہ کیا، تو وہ کسی نئی انٹیلی جنس اطلاع پر مبنی نہیں تھا، بلکہ یہ حملہ ان منصوبوں پر عمل درآمد تھا جو پہلے سے نہایت احتیاط سے تیار کیے جا چکے تھے۔ ان کا مقصد ایران کے جوہری اور میزائل پروگراموں کو نقصان پہنچانا تھا۔

امریکی اخبار نیویارک ٹائمز کے مطابق وائٹ ہاؤس کے ایک اعلیٰ عہدے دار نے انکشاف کیا کہ صدر ٹرمپ نے اپنے قریبی حلقے کو اس اعلان سے حیران کر دیا،اٹرمپ نے یہ معاہدہ اس وقت اچانک ظاہر کیا جب وہ اسرائیلی وزیر اعظم بنیامین نیتن یاہو اور ایرانی حکام سے، قطری ثالثی کے ذریعے، ٹیلی فون گفتگو کر چکے تھے۔

واشنگٹن: امریکی صدر ڈونلڈ ٹرمپ نے کہا ہے کہ ایران کی جوہری صلاحیتیں ختم کر دی ہیں ایران اب ایٹمی پروگرام دوبارہ شروع نہیں کرسکے گا۔

غیر ملکی خبر رساں ایجنسی کے مطابق امریکی صدر ڈونلڈ ٹرمپ نے میڈیا سے گفتگو کرتے ہوئے کہا کہ اسرائیل اور ایران سے کہتا ہوں رک جائیں ایرانی ایٹمی تنصیبات کو تباہ کر دیا ہے اور اسرائیل سے کہتا ہوں کہ تحمل سے کام لےدیکھ رہا ہوں کہ کیا میں مزید حملے رکوا سکتا ہوں سعودی عرب نے بھی بہت اچھا کردار ادا کیا ہے۔

ڈونلڈ ٹرمپ نے کہا کہ بی 2 پائلٹس نے اپنا کام شاندار طریقے سے کیااسرائیل اور ایران دونوں نے جنگ بندی کی خلاف ورزی کی۔ اور مجھے اچھا نہیں لگا کہ جنگ بندی پر رضامندی کے فوراً بعد اسرائیل نے شدید حملے کیے اس لیے اسرائیل سے خوش نہیں ہوں ایران سے بھی خوش نہیں لیکن اسرائیل سے بہت ناخوش ہوں۔ اسرائیل اب ایران پر مزید بم مت گرائے اور اسرائیل کے مزید حملے جنگ بندی کی خلاف ورزی ہو گی،اگر اسرائیل مزید بم گراتا ہے تو یہ سنگین خلاف ورزی ہو گی اور اسرائیل فوری اپنے پائلٹس واپس بلائے۔

قطری وزیراعظم نے ایران کی طرف سے کیے جانے والے حملوں پر افسوس کا اظہار کرتے ہوئے کہاکہ ایرانی حملے کی توقع نہیں تھی۔

رپورٹ کے مطابق قطر اور لبنان کے وزرائے اعظم کی جانب سے مشترکہ پریس کانفرنس کی گئی قطری وزیراعظم محمد بن عبدالرحمٰن جاسم نے کہا کہ ایران اور اسرائیل نے جنگ بندی معاہدے پر اتفاق کیا، مگر ہم خطے میں امن کے خواہاں ہیں ایران کی جانب سے قطر میں امریکی اڈوں پرحملہ کیا گیا، قطر پر یہ حملہ ناقابل قبول ہےایران نے امریکی اڈے پر حملہ کرکے قطرکی خودمختاری کو نقصان پہنچایا، ایرانی حملہ قطری خودمختاری اور علاقائی سالمیت کی کھلی خلاف ورزی ہے، ایرا نی پاسداران انقلاب کا حملہ خطے کے امن کے لیے خطرہ ہے۔

محمد بن عبدالرحمٰن جاسم نے ایران پر اسرائیلی حملوں کو افسوسناک قرار دیا کہا کہ قطر نے خطے میں کشیدگی کم کرنے کیلئے کردار ادا کیا ہے، قطر پر حملے سے کشیدگی کم کرنے کی کوششوں کو نقصان پہنچے گا خلیج تعاون تنظیم کا ہنگامی اجلاس طلب کیا گیا ہے،خلیج تعاون تنظیم کے رکن ممالک کے شکر گزار ہیں، اجلاس میں خطے کی سیکیورٹی صورتحال پر غور ہوگا،سیزفائر کے بعد لبنان پر حملے کی مذمت کرتے ہیں۔

ایک بڑے سیارچے کا زمین کی بجائے چاند سے ٹکرانے کا خطرہ بڑھ گیا

قطری وزیراعظم نے کہا کہ قطر اپنے دفاع کو یقینی بنائے گا،اسرائیل نے خطے کو جنگ میں جھونکنے کی کوشش کی قطر پر ایرانی حملے پر حیرت ہوئی ہے، قطر غزہ میں فوری سیز فائر کا مطالبہ کرتا ہےقطری افواج ایرانی حملے کا جواب دینے کی صلاحیت رکھتی ہیں، قطر اپنی ریاست کے دفاع کی صلاحیت رکھتا ہے، ایرانی حملے کی توقع نہیں تھی۔

انہوں نے کہا کہ آئندہ دو روز میں غزہ میں جنگ بندی کے لیے حماس اور اسرائیل کے درمیان بلا واسطہ بات چیت شروع ہوگی، امید کرتے ہیں کہ اسرائیل ایران کیساتھ جنگ بندی کا فائدہ اٹھاتے ہوئے غزہ میں جارحیت نہیں بڑھائے گا۔

انہوں نے کہا کہ ہم ایران کے حملے کا بین الاقوامی قوانین کے تحت مناسب جواب دینےکا حق محفوظ رکھتے ہیں، ایران اور اسرائیل نے جنگ بندی معاہد ے پر اتفاق کیا ہے قطر نے ایران کے العدید پر حملے کا جواب دینے پر غور کیا، لیکن قطر ہمیشہ دانشمندی اور احتیاط سے کام لیتا ہےہم جو پیغام دینا چاہتے ہیں وہ یہ ہے کہ قطر سب کو یہ ثابت کرنے میں کامیاب رہا ہے کہ وہ اپنی سرزمین، اپنے وطن، اپنے عوام اور قطر میں رہنے والے تمام افراد کا دفاع کرنے کی صلا حیت رکھتا ہے، ہم سب اس حملے کے دوران متحد کھڑے رہے۔

انہوں نے امید ظاہر کی کہ مستقبل میں ایران خلیجی ممالک پر جارحیت نہیں کرے گا، بلکہ خلیج کے ساتھ شراکت داری کو فروغ دینے کے لیے کام کرے گا،ریاستِ قطر پر حملہ ایک ناقابل قبول اقدام ہے، خاص طور پر اس وقت جب قطر صورتحال کو ٹھنڈا کرنے کے لیے بھرپور سفارتی کوششیں کر رہا تھا، دوحہ کو اس اقدام سے حیرت ہوئی ہے، خاص طور پر ایسے ملک کی جانب سے جسے وہ ایک پڑوسی سمجھتا ہے انہوں نے قطری مسلح افواج کی تعریف کرتے ہوئے کہا کہ انہوں نے حملے کو ناکام بنایا اور ایران کی جانب سے داغے گئے ایک میزائل کے سوا تمام میزائلوں کو مار گرایا۔

شاہ رخ کا اپنی ٹیم کیلئے 2 پاکستانی کھلاڑیوں سے معاہدہ
قطر کے وزیر اعظم نے امریکا اور ایران سے مطالبہ کیا ہے کہ وہ جوہری مذاکرات کی میز پر واپس آئیں انہوں نے کہا کہ ہم امریکی اور ایرانی فریقین سے مطالبہ کرتے ہیں کہ وہ فوری طور پر جوہری مذاکرات کے حوالے سے بات چیت کی میز پر واپس آئیں اور سفارتی حل کے لیے مذاکرات دوبارہ شروع کریں۔

قطر کے وزیر اعظم نے کہا کہ قطر نے امریکی درخواست پر ایران سے رابطہ کیا تاکہ ایران اور اسرائیل کے درمیان جنگ بندی میں ثالثی کی جا سکے قطر جنگ بندی کا خیرمقدم کرتا ہے، لیکن اس میں ہونے والی مبینہ خلاف ورزیوں پر تشویش ہے، آج صبح جنگ بندی کے بعد جو خلاف ورزیاں دیکھی گئیں، وہ ناقابل قبول ہیں، اور ہم امید کرتے ہیں کہ جنگ بندی برقرار رہے گی اور سفارت کاری غالب آئے گی۔

اہل غزہ پر بھی مظالم کا سلسلہ بند ہونا چاہئے،خالد مسعود سندھو

لبنانی وزیراعظم نواف سلام نے کہا کہ دوحہ اجلاس میں خطے کی صورتحال پر غور کیا گیا، ایرانی حملے پر قطر کے ساتھ اظہار یکجہتی کرتے ہیں، لبنان خطے میں امن کا خواہاں ہے، ہمیں اسرائیل اور ایران کی جنگ میں گھسیٹا جارہا تھا، لیکن کسی طرح ہم خود کو اس جنگ سے بچانے میں کامیاب رہے۔