تجزیہ ،،،،،،،،،،،،،تصحیح شدہ
دہشتگردی نے پھر سر اٹھا لیا ،ذمہ دار کون؟احتساب ضروری
قیدی نمبر 804 کے چاہنے والے بتانا پسند کریں گے کہ ان عناصر کو واپس کیوں لائے
کس کے کہنے پر ان دہشتگرد عناصر کو پنپنے کا موقع دیا گیا،ہم کب تک قربان ہوتے رہیں گے
نائن الیون ایک بار ہوا ،ہم آج تک دہشتگردی کا شکار ہیں ،مزید کتنی جانیں قربان کریں گے
تجزیہ، شہزا دقریشی
توجہ برائے امریکی صدر ٹرمپ ، ٹرمپ انتظامیہ اوردیگر عالمی قوتیں،9/11 کے بعد پاکستان نے فرنٹ لائن کا کردار ادا کیا،امریکہ میں ایک بار 9/11 ہوا اور ہم آج تک اس دہشت گردی کا مقابلہ کررہے ہیں،،پاک فوج ، پولیس اور عوام نے ہزاروں جانوں کی قربانیاں دیں،آج بھی ہماری سیکورٹی ایجنسیاں ان موت کے سوداگروں کا مقابلہ کر رہی ہیں ،کون نہیں جانتا دہشت گردی میں بھارت اور افغانستان ملوث ہے، اس دہشت گردی کی وجہ سے پاکستان کی معیشت پر بھی اثرپڑا،سابق امریکی صدر بش کے دور میں پاکستان اور امریکہ اتحاد مضبوط تھا ،صدر اوبامہ کے اقتدار میں دونوں ملکو ں کے تعلقات میں شکوک و شبہات پیدا ہوئے،سابق امریکی صدر بائیڈن نے بھی کوئی خاص توجہ نہیں دی، جس پاکستان نے فرنٹ لائن کا کردار ادا کیا وہ آج تک دہشت گردی کا بھی شکار ہے اور معیشت بھی لڑکھڑا رہی ہے، اُمید ہے صدر ٹرمپ اور ان کی انتظامیہ پاکستان کی ماضی کی قربانیوں کومد نظر رکھتے ہوئے انصاف کریں گے، پاکستان میں دہشت گردوں کی پشت پناہی کرنے والے ممالک کی سرپرستی نہیں کریں گے، وطن عزیز کے نام نہاد سیاستدانوں،ر ہنماؤں اور نام نہاد مقبولیت اور جمہوریت کا نعرہ لگانے والوں ،کرپشن میں ملوث ان کرداروں کے کیا کہنے اس وقت ان نام نہاد سیاسی رہنمائوں کا ایک کردار جیل میں ہے، اس جماعت کے مرکزی رہنمائوں سے سوال ہے کہ ملکی معیشت کو مستحکم کرنے کے لئے آپ کی حکومت نے کیا کردار ادا کیا؟دہشت گردوں کو پاکستان میں واپس آنے کی اجازت کیوں دی جو آج ہمارے ریاستی اداروں اور بے گناہ عوام کو نشانہ بنا رہے ہیں ؟ اور اگراجازت دی تھی تو کس کے کہنے پر دی تھی ؟ آپ کو یہ اختیارات کس نے دئیے ؟ وطن عزیز کے امن وامان کو لے کر تیزی کے ساتھ ابتراور بے قابو ہونا کسی طور بھی قابل قبول نہیں ، نام نہاد سیاستدان اقربا پروری ،ذاتی مفادات ، اختیارات ، پروٹوکول ، عیش و آرام سے باہر نکلیں، اس حقیقت کا ادراک کریں کہ اگر مستقبل کی سیاست کو جمہوریت کے انداز اور رنگ میں محفوظ کرنا ہے اس کے لئے ذاتی مفادات کو بالائے طاق رکھ کر قومی مفادات کو ترجیح دینا ہوگی، ایک عام آدمی بھی اس بات کا احساس کرتا ہے کہ اس وقت اصل مسئلہ داخلی سیاسی حالات اور امن وامان ہے کیونکہ اسی کی بنیاد پر تعمیر وترقی کے سلسلے کا انحصار ہے ، پاک فوج جملہ ادارے ، پولیس وطن عزیز کی سلامتی کے لئے قربانیاں دے رہے ہیں، سیاستدان شطرنجی سیاست سےنکل کر قومی فریضہ ادا کریں-
تجزیہ
