ممبئی: بھارتی گلوکارہ سونو ککڑ ، جو گلوکارہ نیہا ککڑ اور گلوکار ٹونی ککڑ کی بڑی بہن ہیں، نے اچانک اپنے سوشل میڈیا پر نے اپنے بہن بھائیوں سے تعلقات ختم کرنے کی تصدیق کر دی۔
باغی ٹی وی: گلوکارہ کی جانب سے گزشتہ روز انسٹاگرام اور ایکس پر ایک پوسٹ شیئر کی گئی جس میں انہوں نے جذباتی پیغام تحریر کیا، لیکن حیران کن طور پر بعدازاں سونو نے اپنی پوسٹ ڈیلیٹ کردی۔
گلوکارہ نے سوشل میڈیا پر لکھا کہ آپ سب کو یہ بتاتے ہوئے دل کی گہرائیوں سے مایوسی ہو رہی ہے کہ میں اب دو باصلاحیت سپر اسٹارز ٹونی ککڑ اور نیہا ککڑ کی بہن نہیں ہوں، یہ فیصلہ میں نے گہرے جذباتی درد کے تحت کیا ہے، اور میں آج واقعی دلبرداشتہ ہوں-
ملک کے 20 اضلاع کے ماحولیاتی نمونوں میں پولیو وائرس کی تصدیق
سوشل میڈیا پر اس اعلان کے بعد ہلچل مچ گئی کچھ مداحوں نے سونو کے فیصلے کو سراہا تو کچھ نے اسے خاندانی ڈرامے کا حصہ قرار دیا، ایک صارف نے لکھا کہ یہ پی آر اسٹنٹ ہوسکتا ہے، ککڑ فیملی ڈراموں کےلیے مشہور ہے ، جبکہ دوسرے نے کہا کہ ٹونی کو سپر اسٹار کون کہتا ہے سوائے بہن کے؟-
ابھی تک سونو ککڑ کی جانب سے کوئی وضاحتی بیان جاری نہیں کیا گیا ہے، لیکن گلوکارہ کی جانب سے اچانک اس اعلان اور بعد میں پوسٹ ڈیلیٹ کرنے پر صارفین الجھن کا شکار ہیں جبکہ نیہا اور ٹونی کی جانب سے بھی اس معاملے پر کوئی ردعمل سامنے نہیں آیا۔
سندھ میں نہروں کا تنازعہ،ذوالفقار بھٹو جونیئر کی ماحولیاتی آواز اور سیاسی رسہ کشی
بھارتی میڈیا کے مطابق اس وقت ککڑ بہن بھائیوں کے درمیان دراڑ نظر آتی ہے، وہ ماضی میں اکثر ایک دوسرے کے ساتھ کھڑے نظر آتے رہے اور عوامی پلیٹ فارمز پر پیار سے بات کرتے رہے ہیں۔
