Author: Ayesha Rehmani

سنو نیوز بحران کا شکار، متعدد بیوروز بند، ڈائریکٹر نیوز مستعفی

باغی ٹی وی : سنو نیوز کی انتظامیہ مالی مشکلات کا شکار ہو چکی ہے، جس کے نتیجے میں چینل میں بڑے پیمانے پر کٹوتیاں اور ملازمین کو نکالنے کا عمل شروع ہو گیا ہے اطلاعات کے مطابق، چینل کے مالکان، جو پاکستان انٹرنیشنل ایئرلائنز (پی آئی اے) کو خریدنے کے خواہاں ہیں، نے اپنے ملازمین کی تنخواہیں کم کر دی ہیں اور کئی اہم بیوروز کو بند کر دیا ہے۔

رواں ماہ کے دوران سنو نیوز کی انتظامیہ نے ملازمین کی تنخواہوں میں 15 فیصد کٹوتی کی ہے، جس سے کارکنوں میں شدید مایوسی اور بے چینی پھیل گئی ہے ذرائع کے مطابق، چینل کی جانب سے چالیس کے قریب ملازمین کی فہرست تیار کی گئی ہے جنہیں نکالنے کا فیصلہ کیا گیا ہے۔

مولے نوں مولا نہ مارے تے مولا نئیں مردا , مولاجٹ کے پروڈیوسر کا انتقال, ایک عہد کا خاتمہ

مزید برآں، سنو نیوز کے متعدد بیوروز بھی بند کر دیے گئے ہیں، سنو نیوز کے ملتان اور فیصل آباد کے بیوروز بند کیے گئے ہیں جس کے نتیجے میں مقامی سطح پر چینل کی خبریں اور رپورٹس کی فراہمی متاثر ہو رہی ہے اس بحران کے دوران، چینل کے ڈائریکٹر نیوز بھی مستعفی ہو گئے ہیں، جو کہ ادارے کے اندر جاری بدانتظامی اور مالی مشکلا ت کی علامت بن چکا ہے، یہ بحران سنو نیوز کے مستقبل پر سنگین سوالات اٹھا رہا ہے اور میڈیا صنعت میں اس کے اثرات گہرے محسوس ہو رہے ہیں۔

بنگلادیشی مسلح افواج کے پرنسپل اسٹاف آفیسر کی آرمی چیف سے ملاقات

اسلام آباد: ایف آئی اے سائبر کرائم میں معید پیرزادہ اور پی ٹی آئی رہنما شہباز گل کے خلاف سوشل میڈیا پر مسلسل جھوٹ پھیلانے پر مقدمہ درج کر لیا گیا-

باغی ٹی وی : درج مقدمے میں کہا گیا کہ معید پیرزادہ کی جانب سے ویڈیو شئیرنگ ایپ ٹک ٹاک اپنے اکاؤنٹ سے جھوٹ پر مبنی غلط مواد شئیر کیا جا رہا ہے جس سے غلط فہمیاں اور انتشار پھیلنے کا خدشہ ہے،مقدے میں کہا گیا ہے کہ معید پیرزادہ کی جانب سے اپنے ٹک ٹاک اکاؤنٹ پر حکومتی اداروں کے خلاف مواد شئیر کیا جا رہا ہے جس سے حکومتی اداروں کی ساکھ متاثر ،اور عوام میں غم وغصے کا باعث‌بن سکتا ہے-

ایف آئی آر کے مطابق ٹک ٹاک پر تمام حکومتی اداروں پولیس اور سیکیورٹی اداروں،سیکیورٹی فورسز بشمول پاک فوج،ائیر فورس ،نیوی کے خلاف بغاوت پر اکسانے والا مواد شئیر کیا جا رہا ہے جن کا مقصد انتشار عوام میں خوف یا کسی قسم کے خطرے کی گھنٹی پیدا کرنے کی کوشش اور ریاست یا ریاستی ادارے یا عوامی سکون کے خلاف جرم کرنے پر اکسانا ہے-

یہ چوری کرکے القادر یونیورسٹی کے پیچھے چھپ رہے ہیں ، احسن اقبال

ایف آئی آر میں کہا گیا کہ معید نے ایک مخصوص سیاسی قیادت کے حق میں پہلے سے طے شدہ جعلی تاثر پیدا کرنے کے لیے پاکستانی فوج پر رشوت دینے کے بدعنوان طریقوں میں ملوث ہونے کا الزام لگاتے ہوئے ریاست مخالف بیانیہ شیئر کیا۔ سوشل میڈیا اکاؤنٹس کے ذریعے افواج پاکستان کو نقصان پہنچانے کے لیے الزام تراشی اور دھمکی آمیز مواد ذاتیات میں دراڑ پیدا کرنے کے لیے تخریب کاری کا گھناؤنا عمل ہے،معید پیرزادہ کیخلاف مقدمہ پیکا ایکٹ 2016 کے سیکشن یو ایس 9 ،10 اور 11 کے تحت مقدمہ درج کیا گیا-

شیل پاکستان کا نام تبدیل کردیا گیا

اسلام آباد: پاکستان مسلم لیگ (ن) کے رہنما اور وفاقی وزیر منصوبہ بندی احسن اقبال نے کہا ہے کہ یہ چوری کرکے القادر یونیورسٹی کے پیچھے چھپ رہے ہیں-

باغی ٹی وی : چیئرمین سینیٹ یوسف رضا گیلانی کی زیر صدرات سینیٹ کا اجلاس منعقد ہوا، جس میں اظہار خیال کرتے ہوئے احسن اقبال کا کہنا تھا کہ پی ٹی آئی سے انتخابی نشان کسی نے نہیں چھینا، ان کو الیکشن کمیشن نے بارہا یاددہانی کرائی کہ آپ اپنے پارٹی انتخابات کرائیں ورنہ آپ کا نشان چھن سکتا ہے پی ٹی آئی نے تین سال سے پارٹی الیکشن نہیں کرائے، اور اپنے انتخابی نشان کو چھینے جانے کے لیے اپنی سازش خود تیار کی۔

وفاقی وزیر منصوبہ بندی کا کہنا تھا کہ یہ کہتے ہیں کہ الیکشن میں التوا ہوا، 18-2017 میں فیصلہ ہوا تھا کہ نئی مردم شماری کی جائے گی، انہوں نے 2019 میں نہیں کی، 2020 اور 2022 تک نہیں کی، اس لیے جب ہم حکومت میں آئے تو ہمیں ڈیجیٹل رائے شماری کرنی پڑی، اس مردم شماری کی وجہ سے انتخابی عمل متاثر ہوا۔

احسن اقبال نے کہا کہ انہوں (پی ٹی آئی) نے کہا کہ معیشت درست نہیں ہوئی، میں قائد حزب اختلاف سے پوچھنا چاہتا ہوں کہ اگر آپ کے خیال میں معیشت کی درستگی یہ ہے کہ آپ معیشت کو دیوالیہ کرکے اور آئی ایم ایف کے ساتھ ایک ایسا معاہدہ کر جائیں جو ملک کی مالی خودمختاری داؤ پر لگا دے تو پھر یہ معیشت کی درستگی آپ ہی کو مبارک ہے اگر معیشت کی درستگی یہ ہے کہ آپ سی پیک کا منصوبہ تباہ کر چلے جائیں تو یہ معیشت کی درستگی آپ ہی کو مبارک ہو۔

وفاقی وزیر منصوبہ بندی نے تنقید کی کہ انہوں (پی ٹی آئی) نے کہا کہ پی آئی کا ایک گاہک آیا، مجھے افسوس سے کہنا پڑتا ہے کہ یہ کس منہ سے پی آئی کا نام لیتے ہیں، یہ وہ لوگ ہیں، جنہوں نے پاکستان کی شہری ہوا بازی کی صنعت کو پی آئی کو کئی سو ارب کا نقصان پہنچایا۔

احسن اقبال نے الزام عائد کیا کہ یہ پاکستان کے وہ مجرم ہیں، کہ جن کی وجہ سے پی آئی اے کی یورپ، امریکا اور لندن کی پروازوں پر پابندی لگی، یہ وہ نالائق اور نااہل ہیں، جنہوں نے پاکستان کی قومی ایئر لائن کا بیڑہ غرق کیا ان کے خلاف تحقیقات ہوں گی اور پی آئی اے اور شہری ہوائی بازی کو تباہ کرنے کے الزام میں ان کو قانون کا سامنا کرنا پڑے گا۔

انہوں نے کہا کہ یہ کہتے ہیں کہ ملک میں ایف ڈی آئی نہیں آرہی، تو شبلی فراز سن لیں، چین سے 3 ارب ڈالر کی سرمایہ کاری پاکستان میں آچکی ہے، اور سی 5 کی صورت میں پاکستان کا 1200 میگا واٹ کا سب سے بڑے نیوکلیئر پاور اسٹیشن پر کام شروع ہو چکا ہے۔

رہنما مسلم لیگ (ن) احسن اقبال کا کہنا تھا کہ انہوں نے کہا کہ توشہ خانہ اور القادر ٹرسٹ کیس ہم پر جھوٹا بنایا گیا، میں ان سے پوچھنا چاہتا ہوں، دنیا کا وہ کونسا ملک ہے، جو وزیراعظم کو سستا تحفہ دیتا ہے اور وزیر اعظم کے سیکیورٹی گارڈ، ایم ایس کو مہنگا تحفہ دیتا ہے ان کا لیڈر (عمران خان) ساری دنیا سے کہتا تھا کہ رسیدیں دکھاؤ، جب اپنی تحفوں کی رسیدیں دکھانے کی باری آئی، تو ساری رسیدیں بوگس نکلیں، ان بوگس رسیدوں کا جواب دے دیں تو آپ کو کچھ نہیں کہا جائے گا، دوسروں سے رسیدیں مانگتے تھے، آپ کی اپنی رسیدیں جعلی نکلیں۔

وفاقی وزیر کا کہنا تھا کہ القادر ٹرسٹ کیس پر بات کرتے ہیں، مسئلہ القادر ٹرسٹ کا نہیں، مسئلہ 190 ملین پاؤنڈ (64 ارب روپے) کا ہے، جو پاکستان کے خزانے میں آنا چاہیے تھا، وہ عمران خان کے دوست کے جرمانے کے اکاؤنٹ میں چلا گیا، یہ بتایا جائے کہ وہ 64 ارب روپے پاکستان کے خزانے سے کس نے لوٹا؟

انہوں نے کہا کہ کوئی شخص ڈاکا ڈالے، چوری کرے اور کہے کہ میں نے چوری میں سے 50 روپے سے مسجد بنا دی ہے، اور اب میرے خلاف چوری کا مقدمہ ختم کیا جائے کیونکہ میں نے مسجد بنا دی ہے، چوری کے پیسے سے مسجد بنانے والا بھی چور ہے۔

وفاقی وزیر منصوبہ بندی کا کہنا تھا کہ یہ سیرت النبی ﷺ کے پیچھے اپنی چوری چھپا کر مسلمانوں کی توہین کررہے ہیں، ہمارے آقا نبی کریم صلی اللہ علیہ وسلم کی سیرت کی یونیورسٹی کسی چوری کے پیسوں کی محتاج نہیں ہے، پاکستان کے لوگ آقا سے محبت کرنے والے ہیں، اور وہ حلال کے پیسوں سے ایسی 10 یونیورسٹیاں بنا سکتے ہیں۔

اسلام آباد: شیل پاکستان لمیٹڈ کے بورڈ آف ڈائریکٹرز نے کمپنی کا نام تبدیل کرکے مجوزہ ”وافی انرجی پاکستان لمیٹڈ“ کرنے کی منظوری دے دی ہے۔

باغی ٹی وی : شیل کی جانب سے جمعرات کو پاکستان اسٹاک ایکسچینج کو جاری کردہ ایک نوٹس میں کہا گیا کہ وافی انرجی ہولڈنگ لمیٹڈ (وافی) کی جانب سے شیل کے مزید 22,165,837 عام حصص کے حصول کے بعد یہ پیش رفت سامنے آئی ہے جو کمپنی کے کل جاری کردہ حصص کے سرمائے کا تقریبا 10.36 فیصد ہے۔

جولائی میں سعودی گروپ آصف ہولڈنگ نے متحدہ عرب امارات میں قائم وافی انرجی ہولڈنگ لمیٹڈ کے ذریعے شیل پاکستان لمیٹڈ کے 165,700,304 یا 77.42 فیصد حصص اور کنٹرول حاصل کیا-

واہ کینٹ خودکش حملہ کیس کے مجرم کی سزائے موت کیخلاف اپیل منظور

تازہ ترین حصول کے بعد وافی کے پاس اب شیل کے 187,866,141 عام حصص ہیں جو کمپنی کے کل جاری کردہ حصص کے سرمائے کا تقریبا 87.78 فیصد ہے۔

دریں اثنا سابقہ پیرنٹ کمپنی شیل پیٹرولیم کمپنی لمیٹڈ نے شیل میں اپنے تمام حصص فروخت کر دیئے ہیں نوٹس میں کہا گیا ہے کہ وافی کے حصول کی تکمیل کے نتیجے میں شیل کے ڈائریکٹرز زین کے حق، رفیع ایچ بشیر اور ڈاکٹر محمد محمود البلوشی نے فوری طور پر یعنی 31 اکتوبر 2024 سے کمپنی کے بورڈ سے استعفیٰ دے دیا ہے۔

منڈی بہاؤالدین: داخلی راستوں پر ناکہ بندی، جرائم پیشہ عناصر کے خلاف کریک ڈاؤن

مذکورہ بالا استعفوں کے نتیجے میں غسان الامودی، جاوید اختر اور کائی یوو ویٹرسٹائن کو فوری طور پر ڈائریکٹرز کے طور پر مقرر کیا گیا ہے تاکہ سبکدوش ہونے والے ڈائریکٹرز کے عہدے کی بقیہ مدت کے لئے بورڈ میں عارضی خالی آسامیوں کو پر کیا جاسکےنوٹس میں بتایا گیا ہے کہ غسان العمودی کو فوری طور پر کمپنی کا چیئرپرسن مقرر کیا گیا ہے۔

کمپنی کا نام ’شیل پاکستان لمیٹڈ‘ سے تبدیل کر کے مجوزہ نام ’وافی انرجی پاکستان لمیٹڈ‘ رکھ دیا گیا ہے۔ اس کے نتیجے میں پاکستان اسٹاک ایکسچینج میں کمپنی کے ٹیکر / ٹریڈنگ سمبل کو ’شیل‘ سے ’ڈبلیو ای پی‘ میں تبدیل کردیا گیا یا ایسا دوسرا نام جو ایکسچینج سے منظور کیا جا سکتا ہے، قابل اطلاق کارپوریٹ اور ریگولیٹری منظوریوں اور قابل اطلاق قوانین کے تحت ضروری قانونی کارروائیوں کی تکمیل سے مشروط ہے۔

پنجاب میں اربوں ڈالرز کے سونے کے ذخائر ملنے کی تصدیق

گزشتہ سال جون میں شیل پاکستان لمیٹڈ نے اعلان کیا تھا کہ اس کی پیرنٹ کمپنی شیل پیٹرولیم کمپنی لمیٹڈ (ایس پی سی او) نے پاکستانی ادارے میں اپنے حصص فروخت کرنے کے ارادے سے آگاہ کر دیا ہےاس وقت شیل پاکستان نے کہا تھا کہ اس پیش رفت کا اس کے موجودہ کاروباری آپریشنز پر کوئی اثر نہیں پڑے گا اور یہ جاری رہے گا۔

اسلام آباد: واہ کینٹ خودکش حملہ کیس کے مجرم حمید اللہ کی سزائے موت کیخلاف اپیل منظور کر لی گئی-

باغی ٹی وی :سپریم کورٹ نے لاہور ہائیکورٹ راولپنڈی بنچ کا فیصلہ کالعدم قرار دے دیا اپنے فیصلے میں سپریم کورٹ نے کہا کہ ناقص تفتیش پر مجرم حمید اللہ کی رہائی کا فیصلہ دیا گیا کیس کا تفصیلی فیصلہ بعد میں جاری کیا جائے گا-

جسٹس اطہر من اللہ نے کہا کہ تفتیش درست نہیں ہوتی پھر الزام عدالت پر لگا دیا جاتا ہے،مجرم کے وکیل نے کہا کہ واہ کینٹ واقعہ میں حمید اللہ پر غلط الزام لگایا گیا،حمید اللہ کو فاٹا سے گرفتار کرنے کا بتایا گیا جبکہ واقعہ کی ایف آئی آر 20 منٹ بعد دائر ہوئی، کیسے ممکن ہے کہ واہ کینٹ واقعہ ہو اور ملزم کو 20 منٹ میں فاٹا سے گرفتار کر لیا جائے-

پنجاب میں اربوں ڈالرز کے سونے کے ذخائر ملنے کی تصدیق

واضح رہے کہ لاہور ہائیکورٹ راولپنڈی بنچ نے واہ کینٹ خودکش حملہ کیس کے مجرم حمید اللہ کی سزائے موت کا فیصلہ دیا تھا، 2008 میں واہ کینٹ خودکش حملے میں ملوث مجرم حمید اللہ کو گرفتار کیا گیا-

میہڑ: باراتیوں کی بس حادثے کا شکار، ایک بچہ جاں بحق، 3 زخمی